រាងស្អាត Archives - Kampuchea Thmey Daily

នេះជាមូលហេតុ ដែលយើងចង់រក្សារាងឱ្យស្វែល តែពិបាក

Sonya — Mon, 22 Nov 2021 01:40:25 +0000

បច្ចុប្បន្ននេះ សម្បូរអ្នកលើសទម្ងន់ជាច្រើន មិនថា ប្រុស ឬស្រីនោះទេ ហើយអ្នកខ្លះ ក៏ដាក់គោលដៅសម្រកទម្ងន់ ចង់រក្សាទម្ងន់ឲ្យសក្តិសមនឹងរាងកាយ ដើម្បីមានសុខភាពល្អ ក៏ដូចជារាងស្អាតសង្ហារដែរ។ តែក្រោយស្រកបានខ្លះ ក៏ត្រឡប់មកទម្ងន់ដដែល ហើយកើនលើសហ្នឹងទៀត ក៏មានដែរ។

ហេតុអ្វីបានរាងកាយរបស់យើង ហាក់ដូចជា ងាកទៅរកតែបញ្ហាលើសទម្ងន់ដូច្នេះ?

ចេញផ្សាយលើគេហទំព័រវេជ្ជសាស្ត្រ WebMD ការសិក្សាមួយ បានបកស្រាយពីបញ្ហានេះ ដោយផ្អែកលើការវិវត្តរបស់មនុស្ស ជាមួយនឹងយន្តការប្រឆាំងការអត់ឃ្លាន ដែលផ្ដោតសំខាន់លើរាងកាយរក្សាជាតិខ្លាញ់។ ចំណុចសំខាន់នៃយន្តការនេះ គឺប្រូតេអ៊ីនមួយ ហៅថា “RAGE” ដែលអ្នកវិទ្យាសាស្ត្រយកទៅសាកល្បងលើសត្វកណ្ដុរ។ អ្នកវិទ្យាសាស្ត្រជឿថា RAGE ជួយមនុស្សសម័យបុរាណ ពីការអត់ឃ្លាន នៅពេលពួកគេខ្សត់អាហារ។

ប៉ុន្ដែ បច្ចុប្បន្នេះ RAGE ត្រូវផលិតឡើង ដើម្បីប្រឆាំងកោសិកាស្ត្រេស បណ្ដាលមកពីការញ៉ាំច្រើនពេក។ ប្រូតេអ៊ីននេះ ហាក់ដូចជាបង្កើតកំហុសលើកោសិកាស្ត្រេស ក៏ដូចជា ការអត់ឃ្លាន និងបានផ្លាស់ប្ដូរសមត្ថភាពរាងកាយ ដើម្បីដុតជាតិខ្លាញ់។ ជាលទ្ធផល ជាតិខ្លាញ់ ងាយនឹងកើនឡើង តែពិបាកនឹងធ្លាក់ចុះ។

អ្នកវិទ្យាសាស្ត្រ បានឈានដល់ការបង្កើតថ្នាំប្រឆាំងនឹងជំងឺធាត់ ដោយកម្ចាស់ប្រូតេអ៊ីន RAGE។ ពួកគេ បានពិសោធន៍លើសត្វកណ្ដុរ ដោយឲ្យវាស៊ីអាហារមានជាតិខ្លាញ់ខ្ពស់ និងបំបាត់ប្រូតេអ៊ីន RAGE ចេញ។ លទ្ធផល រកឃើញថា កណ្ដុរពុំកើតមានជំងឺធាត់នោះទេ ហើយអវត្តមានប្រូតេអ៊ីន RAGE ក៏មិនធ្វើឲ្យកណ្ដុរ ជួបគ្រោះថ្នាក់ដែរ ដោយការបន្ដពូជ និងមុខងារចងចាំ នៅដដែល។

យោងតាមការសិក្សា ប្រូតេអ៊ីន RAGE ក៏បណ្ដាលឲ្យមានការរលាកលើរាងកាយផងដែរ ដូច្នេះ ការបំបាត់ប្រូតេអ៊ីននេះ ចេញពីរាងកាយ អាចជួយការពារផលវិបាកការរលាកមួយចំនួន នៃជំងឺធាត់ ទឹកនោមផ្អែម មហារីក និងជំងឺបាត់ការចងចាំ៕

អត្ថបទផ្ដល់សិទ្ធិ៖ Hello គ្រូពេទ្យ

ចុចអាន៖ ៥ក្បាច់នេះ ជួយស្រីៗ បំបាត់បញ្ហាក្បាលពោះផេនដា

ចុចអាន៖ នៅផ្ទះក៏ហាត់បាន! ៥ក្បាច់នេះ ជួយឲ្យរាងស្អាត ចង្កេះតូច និងក្បាលពោះរាបស្មើ

The post នេះជាមូលហេតុ ដែលយើងចង់រក្សារាងឱ្យស្វែល តែពិបាក appeared first on Kampuchea Thmey Daily.

ចង់បានរាងស្អាត ត្រូវចេះថ្លឹងថ្លែងអាហារធ្វើឲ្យក្រពះរំលាយឆាប់ ឬយូរ

Sonya — Wed, 08 Sep 2021 00:40:00 +0000

អាហារញ៉ាំរាល់ថ្ងៃ ក្រៅពីជីវជាតិបំប៉ន បើយើងដឹងលម្អិតពីរយៈពេលរលាយរបស់វា គឺកាន់តែល្អ ពិសេសសម្រាប់អ្នកចង់រក្សារាង ឬសម្រកទម្ងន់ ព្រោះពេលយល់ច្បាស់ អាចជួយយើងរើសអាហារមួយណា ដែលសមស្របទៅនឹងម៉ោង ពេលយើងត្រូវបំពេញកិច្ចការ តាមបែបផែនជីវិតរៀងៗខ្លួន។

១- អាហារដែលរលាយលឿន

សម្រាប់អាហាររលាយលឿន បើយើងសម្រេចចិត្តញ៉ាំ នឹងធ្វើឲ្យឆាប់ឃ្លានលឿនដូច ក៏ព្រោះប្រភេទអាហារទាំងនោះផ្តល់កម្លាំង ឬថាមពលបានលឿន ឬអាចហៅម្យ៉ាងទៀតថា បន្ថែមជាតិគ្លុយកូស (ស្ករបម្លែងពីអាហារទៅជាថាមពល) កើនឡើងលឿន។ ដូចនេះ គឺល្អសម្រាប់យើង ដែលត្រូវយកថាមពលបំពេញកិច្ចការងារ តែបើករណីមិនប្រើប្រាស់វិញ ថាមពលទាំងនោះនឹងកកបង្កឲ្យឲ្យយើងធាត់មិនខាន ខណៈអាហាររលាយក្នុងក្រពះលឿនមានដូចជា៖

– ទឹក៖ ប្រើពេលភ្លាមៗ (ចូលដល់ពោះវៀនភ្លាមៗ)
– ទឹកបន្លែ ឬទឹកផ្លែឈើស្រស់៖ ប្រើពេលពី ១៥-២០ នាទី
– បន្លែឆៅ (អន្លក់) ៖ ប្រើពេលពី ៣០-៤០ នាទី
– បន្លែឆ្អិន៖ ប្រើពេល ៤០នាទី
– សាច់ត្រី៖ ប្រើពេល ៤៥-៦០ នាទី
– សាឡាត់ឆាត្រឡប់ជាមួយប្រេងបន្លែ៖ ប្រើពេល ១ម៉ោង

២- អាហារដែលរលាយយូរ

អាហារដែលត្រូវការពេលរលាយយូរ ឬប្រើពេលយូរ ជំរុញឲ្យជាតិស្ករក្នុងរាងកាយកើនឡើងច្រើន តែសន្សឹមៗ ជួយថាមពលមានតុល្យភាពល្អ។ តែបើរើសយកអាហារទាំងនេះ ត្រូវប្រាកដថា មានពេលខ្លះឲ្យរាងកាយយើងសម្រាក (បែបលំហែ) ព្រោះប្រព័ន្ធរំលាយអាហារ ត្រូវការពេលធ្វើការ ដូចនេះរាងកាយនឹងធ្វើឲ្យយើងមានអារម្មណ៍ពិបាក (ហល់) បន្តិច។

– បន្លែប្រភេទមើមមានជាតិម្សៅ (ពពួកដំឡូង)៖ ប្រើពេលពី ១១០-១២០ នាទី
– គ្រាប់ធញ្ញជាតិ (បាយ ពោត)៖ ប្រើពេល ២ម៉ោង
– សាច់មាន់៖ ប្រើពេលពី ១១០-១២០ នាទី
– សាច់គោ៖ ប្រើពេល ៣ម៉ោង
– សាច់ជ្រូក៖ ប្រើពេល ៥ម៉ោង

តែយ៉ាងណាអ្នកជំនាញជាច្រើន ណែនាំថា មិនគួរញ៉ាំអាហារប្រើពេលរលាយយូរ លាយឡំ និងអាហាររលាយលឿនក្នុងពេលតែមួយទេ ព្រោះប្រព័ន្ធរំលាយអាហារមិនអាចទទួលយកភ្លាមៗ បើធ្វើដូចនោះ គឺប្រៀបដូចដាក់បន្ទុកលើក្រពះអ៊ីចឹង។ បន្ថែមពីនោះ អ្នកជំនាញក៏បានណែនាំថា ការរើសចំណីអាហាររលាយលឿន សម្រាប់ញ៉ាំពេលព្រឹក និងពេលយប់ គឺល្អ ព្រោះវាអាចផ្តល់ថាមពលបានលឿន ហើយជាពិសេសពេលយប់ (មិនសូវមានការងារធ្វើ) ដូចនេះ អាចឲ្យរាងកាយមិនផ្ទុកថាមពលច្រើន បណ្តាលឲ្យយើងអាចរក្សារាងបានល្អ តែសម្រាប់ពេលថ្ងៃ អាចជ្រើសយកចំណីអាហារត្រូវការពេលរលាយយូរបាន ព្រោះប្រព័ន្ធរំលាយអាហារធ្វើការបានល្អនៅពេលនោះ៕

អត្ថបទផ្ដល់សិទ្ធិ៖ Hello គ្រូពេទ្យ

ចុចអាន៖ នេះជាមូលហេតុដែលយើងចង់រក្សារាងឲ្យស្វែល តែពិបាក

ចុចអាន៖ អាហារបំប៉នពិសេស ៦យ៉ាង អាចបញ្ចុះខ្លាញ់យ៉ាងមានប្រសិទ្ធភាព

The post ចង់បានរាងស្អាត ត្រូវចេះថ្លឹងថ្លែងអាហារធ្វើឲ្យក្រពះរំលាយឆាប់ ឬយូរ appeared first on Kampuchea Thmey Daily.

នេះជាមូលហេតុដែលយើងចង់រក្សារាងឲ្យស្វែល តែពិបាក

Sonya — Sat, 04 Sep 2021 03:40:00 +0000

ហេតុអ្វីបានរាងកាយរបស់យើង ហាក់ដូចជា ងាកទៅរកតែបញ្ហាលើសទម្ងន់ដូច្នេះ?

អត្ថបទផ្ដល់សិទ្ធិ៖ Hello គ្រូពេទ្យ

ចុចអាន៖ សឹងតែ១០០% នៃអ្នកធាត់ គេចមិនរួចពីជំងឺរ៉ាំរ៉ៃមួយនេះទេ គ្រាន់តែយូរ ឬឆាប់

ចុចអាន៖ ៥ក្បាច់នេះ ជួយស្រីៗ បំបាត់បញ្ហាក្បាលពោះផេនដា

The post នេះជាមូលហេតុដែលយើងចង់រក្សារាងឲ្យស្វែល តែពិបាក appeared first on Kampuchea Thmey Daily.

វិធីហាត់ប្រាណពិសេសៗ សម្រាប់អ្នកចង់បានត្រគាកមូលក្លំស្អាត

Sonya — Fri, 28 May 2021 06:15:07 +0000

អត្ថបទនេះ ប្រហែលជាចាក់ចំបេះដូង គ្នាយើងគូទស្វិតៗមិនខាន ហើយទោះជាមុខស្អាត រាងសង្ហា ឬសិចស៊ីប៉ុណ្ណា បើគូទស្វិតហើយ មើលទៅក៏មិនគួរឲ្យទាក់ទាញដែរ ត្រូវអត់? បើមិនចង់ត្រូវមិត្តភក្តិចំអក អារឿងគូទស្វិតនេះទៀត ពិសេសស្រីៗ ត្រូវវិធីកែកុនឲ្យគូទស្អាតបែបធម្មជាតិ ដោយគ្រាន់តែអនុវត្តវិធីណែនាំ ប្រហែលអាចជួយបាន។

១- ហាត់ប្រាណជំនួយសាច់ដុំគូទ

មានវិធីហាត់ប្រាណមួយចំនួនដើម្បីជួយឲ្យគូទយើងមូល និងធំឡើងវិញ ហើយវិធីហាត់ប្រាណងាយៗសម្រាប់ជំនួយគូទ យើងគួរអនុវត្តច្រើនជាង ៣ ដង/អាទិត្យ ដើម្បីឆាប់ទទួលបានលទ្ធផល ដូចជា៖

– ហាត់បែប Squats៖ ដោយឈរត្រង់ខ្លួន ធ្វើយ៉ាងណាប្រអប់ជើងស្របនឹងទទឹងស្មា។ បន្ទាប់មកលាតដៃទាំងសងខាងទៅមុខ បន្ទន់ជង្គង់ចុះ (ដូចពេលរៀបអង្គុយលើកៅអី) រួចបន្ទន់ខ្លួនចុះបែបនេះទៀតតាមអាចធ្វើទៅបាន បើគ្មានអារម្មណ៍តឹងសាច់ដុំ ឬពិបាក បន្ទាប់មកត្រូវក្រោកឡើងវិញ។ កាន់តែល្អ បើសិនជង្គង់យើងអាចបត់បានដល់ ៩០ដឺក្រេ ពោលគឺភ្លៅស្របទៅនឹងឥដ្ឋ ឬកម្រាល។ ធ្វើបែបនេះ ១០ដង ជាប់គ្នា។

– ហាត់បែប Bridges៖ ត្រូវដេកផ្ងារ បន្ទាប់មកទល់ជង្គង់ឡើងលើ ប្រអប់ជើងស្មើកម្រាល ឬឥដ្ឋ លើកត្រគាកឡើងលើរហូតទាល់តែជង្គង់ និងស្មារបស់រត់ត្រង់ជាបន្ទាប់មួយ។ បន្ទាប់មកទម្លាក់ត្រគាកចុះវិញថ្នមៗ។ ធ្វើបែបនេះប្រហែល ១០នាទី។

– ហាត់បែប Lunges៖ ឈរត្រង់ដាក់ជើងទាំងពីរស្មើគ្នា ដៃច្រត់ចង្កេះទាំងសងខាង។ ជើងឆ្វេងបោះទៅមុខ ហើយជើងស្ដាំរក្សានៅទីតាំងដដែល បន្ទន់ជំហរ ទៅតាមរបត់ជើងឆ្វេង ស្មង និងជង្គង់ស្តាំ ត្រូវស្របស្មើកម្រាល ឬឥដ្ឋ ប៉ុន្តែមិនត្រូវឲ្យបះឥដ្ឋ ឬកម្រាលទេ។ បន្ទាប់មកងើបឡើងវិញ ហើយចាប់ផ្ដើមធ្វើម្ដងទៀតជាថ្មីដោយប្រើជើងស្ដាំម្ដង។ ធ្វើចុះឡើងៗ ៨-១០ ដង។

– ហាត់ One-leg kickbacks៖ ទម្រេតខ្លួនមកមុខ ដោយប្រើដៃ និងជង្គង់សម្រាប់ទប់ជំហរ។ លើកជើងម្ខាងទៅក្រោយឲ្យខ្ពស់តាមតែអាចធ្វើទៅបាន ហើយដាក់ជើងមកកន្លែងដើមវិញ។ ប្ដូរជើងម្ខាងទៀត ធ្វើបែបនេះដូចគ្នា ធ្វើចុះឡើង ៨-១០ ដង។

២- កីឡាផ្សេងទៀតអាចជំនួយសាច់ដុំគូទ

ការលេងកីឡាមួយចំនួន ក៏អាចជួយឲ្យគូទរីកធំបានដែរ ដូចជា ជិះកង់ ហែលទឹក រត់ ឬហាត់កាយសម្ព័ន្ធ ជាដើម៕

អត្ថបទផ្ដល់សិទ្ធិ៖ Hello គ្រូពេទ្យ

ចុចអាន៖ ស្រីៗចង់បានរាងស្អាតខ្ញង់ ខួរក្បាលកាន់តែល្អ អាចសាកកីឡាប្រភេទនេះបាន

ចុចអាន៖ តិចនិកងាយៗ ជួយស្រីៗស្គមៗឲ្យឡើងគីឡូ រាងស្អាត

The post វិធីហាត់ប្រាណពិសេសៗ សម្រាប់អ្នកចង់បានត្រគាកមូលក្លំស្អាត appeared first on Kampuchea Thmey Daily.

តិចនិកងាយៗ ជួយស្រីៗស្គមៗឲ្យឡើងគីឡូ រាងស្អាត

Sonya — Wed, 26 May 2021 06:25:23 +0000

រូបរាងកាយសមសួនពោរពេញទៅដោយមន្តស្នេហ៍គឺជាបំណងប្រាថ្នារបស់ស្រីៗគ្រប់រូប។ ប៉ុន្តែបើយើងមានរូបរាងស្គម ស្លេកស្លាំង គ្មានកម្លាំងកំហែងបែបនេះ ធ្វើម៉េចនឹងអាចបញ្ចេញសម្រស់ពិតរបស់ខ្លួនបានទៅ?

ពិតណាស់ មនុស្សយើងធាត់ពេកក៏ពិបាក ស្គមពេកក៏មិនស្រួលដែរ ពីព្រោះថានៅពេលដែលយើងស្គមជ្រុល ផ្ទៃមុខរបស់យើងក៏មានសភាពផត និងឆាប់ចាស់ជាងវ័យផងដែរ។ មួយវិញទៀត ការស្គមជ្រុលក៏អាចប្រឈមមុខនឹងកត្តាសុខភាពផ្សេងៗ ដូចជាជំងឺពុកឆ្អឹង ការឆ្លងមេរោគ ការពិបាកមានកូន ព្រមទាំងកត្តាឆាប់ស្លាប់ថែមទៀតផង។

យ៉ាងណាមិញ បើយើងចង់ដឹងថា យើងមានរាងកាយស្គមជ្រុលឬអត់នោះ យើងអាចធ្វើការគណនាបានតាមសន្ទស្សន៍ម៉ាសរាងកាយ (BMI)។ អ្នកស្គមជ្រុលគឺមានសន្ទស្សន៍ម៉ាសរាងកាយទាបជាង១៨,៥។ រីឯអ្នកធាត់ជ្រុលគឺមានសន្ទស្សន៍ម៉ាសរាងកាយលើស២៥ឡើងទៅ។

ធ្វើម៉េចទើបអាចឡើងទម្ងន់ដោយមានសុវត្ថិភាពទៅ?

ពិតណាស់ បើទោះបីជាយើងចង់ឡើងគីឡូក៏ដោយ ក៏មិនគួរជ្រើសរើសអាហារណាដែលផ្ដល់ផលអាក្រក់ដល់សុខភាពដែរ។ ការញ៉ាំអាហារល្អៗ និងបែបបទនៃការរស់នៅត្រឹមត្រូវ គឺពិតជាមានសារសំខាន់ខ្លាំងណាស់។

ដូចនេះ ដើម្បីទទួលបានរាងកាយដ៏ទាក់ទាញ ស្រីៗយើងគួរតែអនុវត្តវិធីសាស្ត្រខាងក្រោមនេះ។

១. ញ៉ាំកាឡូរីច្រើនជាងអ្វីដែលរាងកាយត្រូវការ

រឿងដែលសំខាន់បំផុតដែលយើងត្រូវធ្វើដើម្បីឲ្យឡើងគីឡូនោះ គឺញ៉ាំកាឡូរីច្រើនជាងកាឡូរីដែលរាងកាយយើងដុតបំផ្លាញ។ ប្រសិនបើយើងចង់ឡើងទម្ងន់យឺតៗ គួរញ៉ាំកាឡូរីឲ្យបាន៣០០ទៅ៥០០ច្រើនជាងកាឡូរីដែលរាងកាយដុតបំផ្លាញប្រចាំថ្ងៃ ឬចំនួន៧០០ទៅ១០០០ បើយើងចង់ឆាប់ឡើងទម្ងន់លឿន។

២. ញ៉ាំជាតិប្រូតេអ៊ីនឲ្យបានច្រើន

ជាមួយគ្នានេះដែរ អាហារូបត្ថម្ភដែលរាងកាយត្រូវការជាចាំបាច់ដើម្បីឲ្យឡើងទម្ងន់នោះ គឺប្រូតេអ៊ីន។ សាច់ដុំរបស់យើងម្នាក់ៗ កើតចេញពីជាតិប្រូតេអ៊ីននេះឯង បើគ្មានវាទេនោះ កាឡូរីដែលលើស ប្រាកដជាបម្លែងខ្លួនទៅជាខ្លាញ់នៃរាងកាយមិនខាន ហើយអាហារដែលមានជាតិប្រូតេអ៊ីនខ្ពស់់ មានដូចជាត្រី សាច់ ស៊ុត និងទឹកដោះគោជាដើម។

៣. ញ៉ាំកាបូនអ៊ីដ្រាត និងខ្លាញ់ ព្រមទាំងអាហារ៣ពេល

ប្រសិនបើយើងចង់ឡើងគីឡូលឿន អាហារដែលមានកាបូនអ៊ីដ្រាត និងជាតិខ្លាញ់ខ្ពស់ គឺពិតជាមិនអាចខ្វះបានឡើយនៅក្នុងអាហារទាំងបីពេល។ លើសពីនេះ យើងក៏អាចញ៉ាំអាហារសម្រន់បន្ថែមដើម្បីបង្កើនថាមពលរាងកាយ ផងដែរ។

៤. លើកទម្ងន់ និងបង្កើនកម្លាំង

ដើម្បីឲ្យប្រាកដថា កាឡូរីដែលលើសនៅក្នុងខ្លួនរបស់យើង បានបញ្ជូនទៅក្នុងសាច់ដុំ ជំនួសឲ្យកោសិកាខ្លាញ់របស់យើងនោះ ការហាត់ប្រាណដោយលើកទម្ងន់គឺជាជម្រើសដ៏ល្អបំផុត។

ចូរព្យាយាមទៅក្លឹបហាត់ប្រាណ និងលើកទម្ងន់ ឲ្យបានចាប់ពី២ទៅ៤ដងក្នុងមួយសប្ដាហ៍ ដើម្បីទទួលបានរូបរាងកាយដ៏សមសួន និងពោរពេញទៅដោយថាមពល៕

អត្ថបទផ្ដល់សិទ្ធិ៖ Hello គ្រូពេទ្យ

ចុចអាន៖ រវល់ពេកគ្មានពេលហាត់ប្រាណថែរាង អាចសាកវិធីហាត់ត្រឹម ២០ នាទីនេះក៏បាន

ចុចអាន៖ អ្នកដែលសំបូរមុនពេញមុខ ទទួលទានអាហារទាំងនេះ ធានាថាមុខរលោងស្អាតមិនខាន

The post តិចនិកងាយៗ ជួយស្រីៗស្គមៗឲ្យឡើងគីឡូ រាងស្អាត appeared first on Kampuchea Thmey Daily.

រវល់ពេកគ្មានពេលហាត់ប្រាណថែរាង អាចសាកវិធីហាត់ត្រឹម ២០ នាទីនេះក៏បាន

Sonya — Tue, 11 May 2021 03:38:44 +0000

ជើងស្អាត ក្បាលពោះរាបស្មើ សាច់ភ្លៅតឹងណែន សាច់ដុំមាំ ជាក្តីប្រាថ្នាមនុស្សគ្រប់គ្នា តែទាស់ត្រង់ថា សម័យនេះ យើងមានការងាររវល់ច្រើន សឹងរកពេលសម្រាកគ្មាន មានពេលឯណាទៅហាត់ប្រាណ។

ទាំងនេះតិចនិកមួយចំនួន ណែនាំដោយគ្រូលំហាត់ប្រាណ មកប្រាប់គ្នាយើងគ្មានពេលគ្រប់គ្រាន់ ពោល តែនៅអាចហាត់បាន ដោយគ្រាន់ចំណាយពេល ២០ នាទីប៉ុណ្ណោះ នឹងអាចហាត់ចលនាបានសព្វគ្រប់រាងកាយ ថែរាងឲ្យស្អាត។

ចលនាទី១៖ អង្គុយចោងហោង
ចលនាសាច់ដុំ៖ សាច់ដុំភ្លៅខាងមុខ សាច់ត្រគាក សរសៃពួរ សាច់ចង្កេះខាងក្រោយ
របៀបធ្វើ៖ ដាក់របារដុំដែក (បើមាន សមស្របតាមកម្លាំងខ្លួន) នៅពីលើស្មា ហើយត្រូវប្រាកដថា មិនមែនដាក់លើកទេ។ អង្គុយដាក់ជើងឃ្លាតគ្នាឲ្យឆ្ងាយបន្តិច (ដូចរូប) ព្យាយាមឲ្យទ្រូងពើងទៅមុខ រួចព្យាយាមងើបចុះឡើងៗ ធ្វើបែបនេះ ១២ដង ដោយរាប់ ១២ដង ចាត់ទុកថាបាន ១ជុំ ធ្វើ ៣ជុំ ចន្លោះ ១ជុំ សម្រាក ៣០ វិនាទី។

ចលនាទី២៖ លំនឹងខ្លួនផ្នែកចំហៀង
ចលនាសាច់ដុំ៖ ត្រគាក ពោះ និងភ្លៅ
របៀបធ្វើ៖ ផ្អៀងធ្វើលំនឹងខ្លួន ដូចរូប ដោយប្រើកែងដៃទប់ និងធ្វើចលនាលើកជើង ៤៥ ដឺក្រេ (ដូចរូប)។ ជើងម្ខាងទៀត ដាក់ទីតាំងធម្មតា ធ្វើចលនាលើកជើង ១៥ដង ទើបប្តូរទៅជើងម្ខាងទៀត រួចធ្វើ ១៥ដង ដូចគ្នា។ ធ្វើឲ្យបាន ៣ជុំ ១ជុំ សម្រាក ៣០ វិនាទី។

ចលនាទី៣៖ ចលនាជើងទី ១
ចលនាសាច់ដុំ៖ ត្រគាក ភ្លៅ សរសៃពួរ និងពោះ
របៀបធ្វើ៖ ទប់ដងខ្លួនអ្នក ប្រើប្រអប់ដៃ និងជង្គង់ លើកជើងអ្នក (ដូចរូប) ដាក់ត្រង់ស្របពីក្បាល និងចុងជើង រួចជើងម្ខាងដាក់ចុះ។ លើកចុះលើកឡើង ១៥ដង (ជើងម្ខាង) រួចប្តូរទៅម្ខាងទៀត ធ្វើ ៣ជុំ ក្នុង ១ជុំ សម្រាក ៣០ វិនាទី។

ចលនាទី៤៖ ចលនាជើងទី ២
ចលនាសាច់ដុំ៖ ត្រគាក ភ្លៅ
របៀបធ្វើ៖ ប្រើប្រអប់ដៃ និងជង្គង់ទប់ដូចចលនាទី ៣ រួចលើកជើងខាងស្តាំ ត្រង់ជង្គង់ឲ្យខ្ពស់ រួចដាក់ចុះ។
លើកចុះលើកឡើង ១៥ដង រួចប្តូរទៅជើងឆ្វេង ១៥ដង ដូចគ្នា និងធ្វើឲ្យបាន ៣ជុំ ក្នុង ១ជុំ សម្រាក ៣០ វិនាទី។

ចលនាទី៥៖ ចលនាងើបបែបអក្សរ V
ចលនាសាច់ដុំ៖ សាច់ពោះផ្នែកខាងលើ និងក្រោម សាច់ខ្នងផ្នែកខាងក្រោម និងត្រគាក
របៀបធ្វើ៖ ដេកផ្ងារ លើកដៃឡើង (ដូចរូប) លើកជើងអ្នកព្រមគ្នា រួចព្យាយាមយកដៃ ប៉ះឲ្យដល់ជើង
ងើបចុះឡើងៗ រួចគេងដូចទីតាំងដើមវិញ។ ធ្វើ ១២ដង ធ្វើឲ្យបាន ៣ជុំ ចន្លោះ ១ជុំ សម្រាក ៣០ វិនាទី។

ចលនាទី៦៖ ចលនាងើបត្រគាក
ចលនាសាច់ដុំ៖ ត្រគាក សរសៃពួរ
របៀបធ្វើ៖ គេងផ្ងារ ដាក់ជង្គង់ទៅលើ ហើយដាក់ដៃរាបស្មើ រួចចាំលើកត្រគាកឡើង (ដូចរូប)។ លើកចុះលើកឡើង ១៥ដង ធ្វើឲ្យបាន ៣ជុំ ក្នុង ១ជុំ សម្រាក ៣០ វិនាទី។

ចលនាទី៧៖ លំនឹងដៃ និងជង្គង់
ចលនាសាច់ដុំ៖ ពោះ ត្រគាក និងសរសៃពួរ
របៀបធ្វើ៖ ទប់លំនឹង ត្រង់ខ្លួនដោយប្រើដៃទប់ (ដូចរូប) រួចធ្វើចលនាជង្គង់ (ទាំងឆ្វេងស្តាំ) ទៅខាងកែងដៃ ចុះឡើងៗ សរុប ១២ដង
និងធ្វើឲ្យបាន ៣ជុំ ចន្លោះពេលសម្រាក ៣០វិនាទី ក្នុងមួយជុំ។

ចលនាទី៨៖ ចលនាទប់ជញ្ជាំង
ចលនាសាច់ដុំ៖ ពោះ ដៃ ស្មា និងទ្រូង
របៀបធ្វើ៖ ធ្វើចលនារុញទប់ជញ្ជាំង (ដូចរូប) ដាក់ដៃឲ្យស្មើស្របតាមស្មា សឹមរុញចុះឡើងៗ ចំនួន ១៥ដង និងធ្វើឲ្យបាន ៣ជុំ ក្នុងមួយជុំសម្រាក ៣០ វិនាទី។

សម្គាល់៖ ពេលមានអារម្មណ៍ថាស្រួលខ្លួន អាចធ្វើឲ្យបានច្រើនដង ព្យាយាមទៅកម្រិតមួយទៀត ដោយដាក់ជើងឲ្យឆ្ងាយពីជញ្ជាំង ឆ្ងាយជាងមុន៕

អត្ថបទផ្ដល់សិទ្ធិ៖ Hello គ្រូពេទ្យ

ចុចអាន៖ មធ្យោបាយងាយៗជួយសម្រកទម្ងន់ពេលយប់

The post រវល់ពេកគ្មានពេលហាត់ប្រាណថែរាង អាចសាកវិធីហាត់ត្រឹម ២០ នាទីនេះក៏បាន appeared first on Kampuchea Thmey Daily.

ស្រីៗចង់បានរាងស្អាតខ្ញង់ ខួរក្បាលកាន់តែល្អ អាចសាកកីឡាប្រភេទនេះបាន

Sonya — Fri, 07 May 2021 03:08:00 +0000

មានវិធីហាត់ប្រាណជាច្រើន និងកីឡាមួយចំនួន មិនត្រឹមតែជួយសុខភាពឲ្យល្អនោះទេ ថែមទាំងជួយមុខងារខួរក្បាលកាន់តែប្រសើរ ខណៈអ្នកជំនាញជប៉ុន ណែនាំឲ្យស្រីៗចង់បានរាងស្អាតខ្ញង់ សុខភាពផ្លូវចិត្ត ផ្លូវកាយល្អ គួរតែសាកល្បងជាមួយកីឡាវាយសី។

តាមសារព័ត៌មានអង់គ្លេស Daily Mail លទ្ធផលស្រាវជ្រាវធ្វើឡើងដោយសាកលវិទ្យាល័យ Tohoku Gakuin ប្រទេសជប៉ុន បានសិក្សាលើយុវវ័យមួយចំនួន ដោយផ្តោតទៅលើសមត្ថភាពចងចាំ ក៏ដូចជាសួរនាំ ក៏ដូចជាអនុញ្ញាតឲ្យលេងកីឡាយើងចូលចិត្ត បានបង្ហាញជាលទ្ធផលថ្មីមួយទៀត ដោយក្រុមយុវវ័យបានជ្រើសរើសប្រភេទកីឡាវាយសី ទទួលពិន្ទុខួរក្បាលផ្នែកចងចាំបានយ៉ាងល្អ នឹងកើនពិន្ទុយ៉ាងរហ័ស។

បើតាម អ្នកស្រាវជ្រាវបានឲ្យដឹងថា ប្រភេទកីឡាវាយសី តម្រូវឲ្យកីឡាករផ្តោតអារម្មណ៍ខ្លាំង ត្រៀមខ្លួន គិត និងបញ្ចេញសកម្មភាពភ្លាមៗ បូកផ្សំទាំងការគ្រប់គ្រងអារម្មណ៍ និងស្មារតី ជាហេតុមួយ ជំរុញឲ្យផ្នែកខួរក្បាល សកម្ម និងធ្វើការ ដូចខួរក្បាលធ្វើលំហាត់ ខណៈពេលកីឡាផ្សេងៗ ដូចជារត់លើម៉ាស៊ីន ជាដើម ទទួលបានផលតិចតួច។

តំណាងសាកលវិទ្យាល័យ Tohoku Gakuin ដឹកនាំការស្រាវជ្រាវខាងលើ បាននិយាយថា ដោយសារកីឡាបែបនេះ ទាមទារឲ្យខួរក្បាលធ្វើការ គឺវាជួយដាស់តំបន់ខួរក្បាល មុខងារគិត ឲ្យធ្វើសកម្មភាព ប្រៀបដូចជាដាស់ខួរក្បាលឲ្យហ្វឹកហាត់យ៉ាងសកម្ម៕

អត្ថបទផ្ដល់សិទ្ធិ៖ Hello គ្រូពេទ្យ

ចុចអាន៖ មូលហេតុសំខាន់ៗបណ្ដាលឱ្យធាត់ និងប្រភេទអ្នកធាត់ទាំង ៦ យ៉ាង

ចុចអាន៖ មួយថ្ងៃគួរហាត់ប្រាណយ៉ាងតិចប៉ុន្មាននាទី ល្អចំពោះសុខភាព?

The post ស្រីៗចង់បានរាងស្អាតខ្ញង់ ខួរក្បាលកាន់តែល្អ អាចសាកកីឡាប្រភេទនេះបាន appeared first on Kampuchea Thmey Daily.

រាងស្អាត Archives - Kampuchea Thmey Daily

នេះជាមូលហេតុ ដែលយើងចង់រក្សារាងឱ្យស្វែល តែពិបាក

ចង់​បាន​រាង​ស្អាត ត្រូវ​ចេះ​ថ្លឹង​ថ្លែង​អាហារ​ធ្វើ​ឲ្យ​ក្រពះ​រំ​លាយ​ឆាប់ ឬយូរ

នេះជាមូលហេតុដែលយើងចង់រក្សារាងឲ្យស្វែល តែពិបាក

វិធីហាត់​ប្រាណ​ពិសេសៗ សម្រាប់អ្នកចង់​បាន​ត្រគាកមូលក្លំ​ស្អាត

តិចនិកងាយៗ​ ជួយស្រីៗស្គមៗឲ្យឡើងគីឡូ រាងស្អាត

ធ្វើ​ម៉េច​ទើប​អាច​ឡើង​ទម្ងន់​ដោយ​មាន​សុវត្ថិភាព​ទៅ​?

១. ញ៉ាំ​កាឡូរី​​ច្រើន​ជាង​អ្វី​ដែល​រាងកាយ​ត្រូវ​ការ

២. ញ៉ាំ​ជាតិ​ប្រូតេអ៊ីន​​ឲ្យ​បាន​ច្រើន

​​៣. ញ៉ាំ​កាបូនអ៊ីដ្រាត​ និង​ខ្លាញ់​ ​ព្រម​ទាំង​អាហារ​៣ពេល​

៤. លើក​ទម្ងន់​ និង​បង្កើន​កម្លាំង

រវល់ពេក​គ្មាន​ពេល​ហាត់​ប្រាណ​ថែ​រាង អាច​សាក​​​​វិធីហាត់​ត្រឹម ​២០ ​នាទី​នេះក៏បាន

ស្រីៗចង់បានរាងស្អាតខ្ញង់ ខួរក្បាលកាន់តែល្អ អាចសាកកីឡាប្រភេទនេះបាន

ចង់បានរាងស្អាត ត្រូវចេះថ្លឹងថ្លែងអាហារធ្វើឲ្យក្រពះរំលាយឆាប់ ឬយូរ

វិធីហាត់ប្រាណពិសេសៗ សម្រាប់អ្នកចង់បានត្រគាកមូលក្លំស្អាត

តិចនិកងាយៗ ជួយស្រីៗស្គមៗឲ្យឡើងគីឡូ រាងស្អាត

ធ្វើម៉េចទើបអាចឡើងទម្ងន់ដោយមានសុវត្ថិភាពទៅ?

១. ញ៉ាំកាឡូរីច្រើនជាងអ្វីដែលរាងកាយត្រូវការ

២. ញ៉ាំជាតិប្រូតេអ៊ីនឲ្យបានច្រើន

៣. ញ៉ាំកាបូនអ៊ីដ្រាត និងខ្លាញ់ ព្រមទាំងអាហារ៣ពេល

៤. លើកទម្ងន់ និងបង្កើនកម្លាំង

រវល់ពេកគ្មានពេលហាត់ប្រាណថែរាង អាចសាកវិធីហាត់ត្រឹម ២០ នាទីនេះក៏បាន