ក្នុងប្រតិបត្តិការចុះពិនិត្យនោះ លោកអភិបាលក្រុង រួមជាមួយអភិបាលរងក្រុង មន្ត្រីជំនាញ និងកម្លាំងពាក់ព័ន្ធ បានចុះជួបសំណេះសំណាលដោយផ្ទាល់ជាមួយអាជីវករ និងធ្វើការណែនាំឱ្យបញ្ឈប់ការដាក់តាំងលក់ទំនិញលើផ្លូវសាធារណៈ ព្រមទាំងស្នើឱ្យចូលរួមថែរក្សាអនាម័យ បរិស្ថាន និងសោភ័ណភាពផ្សារ ដោយត្រូវវេចខ្ចប់ និងទុកដាក់សំរាមឱ្យបានត្រឹមត្រូវ។

លោក ឌឹម គឹមសាន បានបញ្ជាក់ថា ការរៀបចំសណ្ដាប់ធ្នាប់នេះ មិនមែនជាការរឹតត្បិតការប្រកបអាជីវកម្មរបស់ប្រជាពលរដ្ឋឡើយ ប៉ុន្តែជាការរៀបចំឱ្យមានរបៀបរៀបរយ សមស្របតាមបែបទីក្រុង និងដើម្បីបង្កើនភាពទាក់ទាញដល់អ្នកទិញ ក៏ដូចជាភ្ញៀវទេសចរដែលធ្វើដំណើរឆ្លងកាត់ខេត្តតាកែវ៕

អត្ថបទ៖ ​វីរៈ

The post អភិបាលក្រុងដូនកែវថ្មី ចុះរៀបចំសណ្ដាប់ធ្នាប់ផ្សារតាកែវ ខណៈការយកចំណីផ្លូវលក់ដូរ នៅតែជាបញ្ហាប្រឈមរុាំរ៉ៃ appeared first on Kampuchea Thmey Daily.

លោក នូ វ៉ាន់ណូ អភិបាលរងស្រុកលើកដែក បានចុះអនុវត្តចាប់ពីរង្វង់មូលផ្នែកខាងកើត តាមផ្លូវជាតិលេខ១ ពីព្រំប្រទល់ស្រុកកៀនស្វាយ ដើម្បីរបៀបរៀបរយ សណ្តាប់ធ្នាប់ ផ្លូវសាធារណៈ កាត់បន្ថយការកកស្ទះចរាចរណ៍ សំអាតបរិស្ថានអនាម័យ និងចូលរួមចំណែកលើកកម្ពស់សោភ័ណភាព។ បន្ទាប់ពីបានជូនដំណឹង និងបានធ្វើការផ្សព្វផ្សាយជូនដល់ប្រជាពលរដ្ឋ ស្ដីពីការរៀបចំសណ្តាប់ធ្នាប់សាធារណៈ នៅតាមចិញ្ចើមផ្លូវសងខាងផ្លូវជាតិលេខ១ និងផ្លូវជាតិលេខ១៤ ក្នុងភូមិសាស្ត្រស្រុកលើកដែក ខេត្តកណ្តាល។

គូសបញ្ជាក់ផងដែរថា ការរៀបចំសណ្តាប់ធ្នាប់សាធារណៈ នៅតាមចិញ្ចើមផ្លូវសងខាងផ្លូវជាតិលេខ១ នៅពេលនេះគឺធ្វើឡើងក្នុងគោលបំណង ដើម្បីរបៀបរៀបរយ សណ្តាប់ធ្នាប់ ផ្លូវសាធារណៈ កាត់បន្ថយការកកស្ទះចរាចរណ៍ និងចូលរួមចំណែកលើកកម្ពស់សោភ័ណភាព ក្នុងភូមិសាស្ត្រស្រុកលើកដែក ក៏ដូចជាខេត្តកណ្តាលផងដែរ។

លោកអភិបាលស្រុកលើកដែក បានស្នើសុំឱ្យប្រជាពលរដ្ឋ ក៏ដូចជាម្ចាស់អាជីវកម្ម ដែលកំពុងលក់ដូរ ដាក់តាំងឧបករណ៍ សម្ភារ ទំនិញ ស្លាកយីហោ និងសំណង់ផ្សេងៗជាដើមដែលកំពុងរំលោភយកផ្លូវ និងចិញ្ចើមផ្លូវសាធារណៈ ត្រូវបញ្ឈប់ការលក់ដូរ និងដាក់តាំងលក់សម្ភារផ្សេងៗ លើចិញ្ចើមផ្លូវសាធារណៈ បញ្ឈប់រាល់ការចតរទេះ រ៉ឺម៉ក ឬមធ្យោបាយផ្សេងៗ លក់ដូរលើចិញ្ចើមផ្លូវសាធារណៈ និងត្រូវរុះរើសំណង់មិនរៀបរយលើចិញ្ចើមផ្លូវសាធារណៈដោយស្ម័គ្រចិត្ត៕

The post អាជ្ញាធរស្រុកលើកដែក បន្តរៀបចំសណ្ដាប់ធ្នាប់សងខាងផ្លូវជាតិលេខ១និងសំអាតបរិស្ថានអនាម័យ appeared first on Kampuchea Thmey Daily.

លោក​ វ៉ា​ សាវឿន​ ចៅសង្កាត់ចោមចៅទី៣​ បានឱ្យដឹងថា​ ដោយឃើញមានអាជីវករមួយចំនួនបានសាងសង់តូបតូចៗ​ ប្រភេទដែក​ នៅជាប់របងរោងចក្រ​ ហ្វអេវើ​ ខល័រ​ ហ្គាម៉ិន​ ឯ.ក​ នៅលើផ្លូវ១២៣ka ស្ថិតនៅភូមិត្រពាំងពោធិ៍​ សង្កាត់ចោមចៅទី៣​ ខណ្ឌពោធិ៍សែនជ័យ​  បានសាងសង់រំលោភមកលើចិញ្ចើមផ្លូវសាធារណៈ​ ប៉ះពាល់ដល់សណ្តាប់ធ្នាប់​សាធារណៈ​ បរិស្ថាន​ ជាពិសេសបង្ករឱ្យស្ទះចរាចរណ៍ ពេលកម្មករចេញពីធ្វើការរោងចក្រ​ ទើបលោក​ បានដឹកនាំក្រុមការងារ​ ប្រជាការពារសង្កាត់​ មេភូមិ​ ចុះរុះរើចេញនិងណែនាំមិនអនុញាតិឱ្យពួកគាត់ដាក់តាំងលក់ដូរទៀតទេ។

លោកចៅសង្កាត់បន្ថែមថា​ ក្នុងករណីអាជីវករលក់ដូរទាំងអស់មិនអនុវត្តន៍តាមសេចក្តីណែនាំ​ ក្រុមការងារនឹងចាប់ដកហូតយកមករក្សាទុកនៅសង្កាត់៕ដោយ៖សុខា

The post អាជ្ញាធរសង្កាត់ចោមចៅទី៣ បន្តចុះរុះរើតូបសាងសង់រំលោភមកលើចិញ្ចើមផ្លូវសាធារណ: appeared first on Kampuchea Thmey Daily.

នាព្រឹកថ្ងៃអង្គារ ទី១០ ខែកុម្ភៈ ឆ្នាំ២០២៦ ដោយទទួលបានការចង្អុលបង្ហាញពីលោក សក់ ច័ន្ទកញ្ញារិទ្ធ អភិបាល នៃគណៈអភិបាលខណ្ឌពោធិ៍សែនជ័យ លោក ហុក សុទិត្យា ប្រធានការិយាល័យសាធារណៈការ ដឹកជញ្ជូន អនាម័យ បរិស្ថាន និងសណ្តាប់ធ្នាប់សាធារណៈ បានដឹកនាំក្រុមការងារចុះរៀបចំសណ្តាប់សាធារណៈរុះរើតូបលក់ដូរបាន១០០% នៅតាមបណ្តោយរោងចក្រ លើផ្លូវ១៣៤កាបេ ស្ថិតនៅក្នុងភូមិអង្គ សង្កាត់ចោមចៅទី៣ ខណ្ឌពោធិ៍សែនជ័យ ដើម្បីកាត់បន្ថយការកកស្ទះ​ ដោយនៅតំបន់នេះមានភាព មមាញឹកខ្លាំងដោយសាររោងចក្រច្រើន ដែលបង្កឱ្យមានការកកស្ទះចរាចរណ៍រាល់ថ្ងៃ ជាពិសេសពេលកម្មករចេញ-ចូលធ្វើការ។

អាជ្ញាធរបានឱ្យដឹងថា​ ដំណាក់កាលទី១ (ការជូនដំណឹង)៖ អាជ្ញាធរបានចុះចែកសេចក្តីជូនដំណឹងដល់ម្ចាស់តូប និងអាជីវករទាំងអស់ ដោយទុកឱកាសឱ្យពួកគេរុះរើដោយស្ម័គ្រចិត្តក្នុងរយៈពេលកំណត់, ដំណាក់កាលទី២ (ការចុះអប់រំផ្ទាល់)៖ កម្លាំងចម្រុះខណ្ឌ និងសង្កាត់ បានចុះណែនាំបន្ថែមដល់អ្នកដែលនៅរឹងរូស មិនទាន់អនុវត្តតាមសេចក្តីជូនដំណឹង, ដំណាក់កាលទី៣ (ការចុះរុះរើ)៖ ក្រោយផុតកំណត់ ក្រុមការងាររដ្ឋាបាលខណ្ឌ បានចុះរុះរើសំណង់ដែលមិនរុះរើតាមការកំណត់ ដើម្បីបើកមុខផ្លូវឱ្យមានភាពទូលាយឡើងវិញ។ ក្រោយពីរុះរើរួច​ ឃើញថា​ផ្លូវធំទូលាយ​ មានភាពស្រឡះល្អជាងមុន។

សូមបញ្ជាក់ថា ទីតាំងខាងលើបានសាងសង់តូបលក់ដូរអនាធិបតេយ្យ លើចិញ្ចើមផ្លូវ បង្កឱ្យមានសំរាម​ និងបាត់បង់សណ្តាប់ធ្នាប់សាធារណៈ។ ការប្រើប្រាស់ផ្លូវខុសគោលដៅ៖ ការរំលោភយកចិញ្ចើមផ្លូវធ្វើជាកន្លែងលក់ដូរផ្ទាល់ខ្លួន ដែលប៉ះពាល់ដល់អ្នកថ្មើរជើង និងយានយន្ត។ ​

អាជ្ញាធរបានបញ្ជាក់ថា​ វិធានការនេះគឺជាផ្នែកមួយនៃគោលនយោបាយភូមិ-សង្កាត់មានសុវត្ថិភាព និងការលើកកម្ពស់មុខមាត់រាជធានីភ្នំពេញឱ្យកាន់តែមានរបៀបរៀបរយ៕ អត្ថបទ ៖ សុខា

The post អាជ្ញាធរខណ្ឌពោធិ៍សែនជ័យ រុះរើតូបលក់ដូររំលោភ លើផ្លូវសាធារណ: ក្រោយជូនដំណឹងរួចមិនព្រមអនុវត្តតាម appeared first on Kampuchea Thmey Daily.

លោកស្រី រាជ ផាវឿន បានឱ្យដឹងថា ការចុះអនុវត្តនេះ មានគោលបំណងពង្រឹងរបៀបរៀបរយ សណ្តាប់ធ្នាប់សាធារណៈ ថែរក្សាទំហំផ្លូវ និងធានាឱ្យការធ្វើចរាចរណ៍របស់បងប្អូនប្រជាពលរដ្ឋប្រព្រឹត្តទៅដោយភាពងាយស្រួលសុវត្ថិភាព និងមិនមានការកកស្ទះ ដូចជាស្ថានភាពដែលធ្លាប់កើតមានពីមុន។

លោកស្រីបានបន្តថា ក្នុងឱកាសនោះដែរ ក្រុមការងារបានធ្វើការណែនាំ និងអប់រំដល់អាជីវករ ដែលលក់ដូរលើចំណីផ្លូវ និងលើដងផ្លូវសាធារណៈ ឱ្យផ្លាស់ប្តូរទៅលក់ដូរនៅទីតាំងសមស្របវិញ ដើម្បីចូលរួមថែរក្សាសណ្តាប់ធ្នាប់ របៀបរៀបរយ និងអនាម័យសាធារណៈរបស់សង្កាត់។

គូសបញ្ជាក់ផងដែរថា ជាមួយគ្នានេះ ក៏មានបញ្ហាលំបាកមួយចំនួនពីសំណាក់អ្នកលក់ដូរចល័ត ដែលត្រូវអូសរទេះពីទីតាំងមួយ ទៅកាន់ទីតាំងផ្សេងទៀត ប៉ុន្តែក្រុមការងារខណ្ឌ និងសង្កាត់ បានបន្តការពន្យល់ អប់រំ និងអនុវត្តដោយសន្តិវិធី ដោយផ្តោតលើការពង្រឹងការគ្រប់គ្រងទំហំផ្លូវ និងធានាឱ្យចរាចរណ៍មិនមានការកកស្ទះ៕ អត្ថបទ សំណាង

The post អាជ្ញាធរសង្កាត់ទួលសង្កែ១ បន្តពង្រឹងរបៀបរៀបរយ សណ្តាប់ធ្នាប់សាធារណៈលើផ្លូវលេខ១០៥ appeared first on Kampuchea Thmey Daily.

ការលើកឡើងបែបនេះ ក្នុងឪកាសដែលប្រជាពលរដ្ឋជាអាជីវករ តាមបណ្តោយផ្លូវ១៨២ ក្នុងមូលដ្ឋានខណ្ឌ៧មករា បានចូលរួមកិច្ចប្រជុំផ្សព្វផ្សាយ និងពិគ្រោះយោបល់ជាមួយអាជ្ញាធរខណ្ឌ ក្រោមវត្តមានលោក ថេង សុថុល អភិបាលខណ្ឌ៧មករា កាលពីរសៀលថ្ងៃទី ២៦ ខែមករា ឆ្នាំ ២០២៦។

ក្នុងពិធីនេះដែរលោក ថេង សុថុល អភិបាលខណ្ឌ៧មករា បានពន្យល់បកស្រាយជូន ប្រជាពលរដ្ឋឲ្យបានយល់ថាក្នុងអំឡុងពេលជួសជុលកែលម្អកំណាត់ផ្លូវនេះ គឺ អាជ្ញាធរបានយកចិត្តទុកដាក់ខ្ពស់បំផុត ពីផលប៉ះពាល់របស់ប្រជាពលរដ្ឋ ដោយការជួសជុលក្នុងមួយថ្ងៃតែពីផ្ទះប៉ុណ្ណោះ ដោយរៀបនឹងកាយធ្វើឲ្យឡើងវិញភ្លាមៗ ដោយមិនប្រើពេលប៉ះពាល់យូឡើយ។ បន្ថែមទៀតនោះ លោកអភិបាលបានបញ្ជាក់ថាការូឡាថ្មីនិង មានលាយពណ៌ឆ្នូតក្រហម កំណត់ព្រំរួចស្រាច ដោយពុំចាំបាច់បាញ់ថ្នាំកំណត់ព្រំនោះទេ សម្រាប់ឲ្យប្រជាពលរដ្ឋអាស្រ័យផល។

ការរៀបចំនេះ នឹងធ្វើឡើងគិតចាប់ពីស្តុបផ្សារដេប៉ូ កែងផ្លូវលេខ២១៥ រហូតដល់ស្តុបប្រាសាទពេជ្រ ពោលនៅលើមហាវិថីទេពផន ទាំងស្រុងតែម្តង ដោយអាជ្ញាធរ នឹងទុក២ភាគ៣ នៃចិញ្ចើមផ្លូវ សម្រាប់ការថ្មើរជើង និងទុក១ភាគ៣ នៃចិញ្ចើមផ្លូវ ឱ្យប្រជាពលរដ្ឋបន្តអាជីវកម្មលក់ដូរប្រកបរបរទទួលទានធម្មតា ប៉ុន្តែមិនមានការអនុញ្ញាត្តិឱ្យមានការបន្តយកចិញ្ចើម ឬចំណីផ្លូវធ្វើជាចំណត ឬចតយានយន្តក្នុងរយះពេលយូរនោះឡើយ។

សូមបញ្ជាក់ថា បច្ចុប្បន្ននេះ អាជ្ញាធរ នៅតាមថ្នាក់មូលដ្ឋានទាំងអស់ ក្នុងរាជធានីភ្នំពេញ កំពុងបន្តការយកចិត្តទុកដាក់ ក្នុងការរំដោះចិញ្ចើមផ្លូវសាធារណះ ដើម្បីបង្កលក្ខណះងាយស្រួលសម្រាប់ពលរដ្ឋថ្មើរជើង កាត់បន្ថយបានពីរបៀបរៀបរយមិនល្អលើដងផ្លូវ និងដើម្បីសោភ័ណ្ឌភាពល្អប្រសើរក្នុងទីក្រុងទាំងមូលផងដែរ៕ អត្ថបទ ៖ សំណាង

The post អាជីវករលក់ដូរលើផ្លូវលេខ១៨២ សម្តែងការពេញចិត្ត អាជ្ញាធរខណ្ឌ៧មករា រំដោះចិញ្ចើមផ្លូវកែលម្អសោភ័ណភាពសាធារណៈ appeared first on Kampuchea Thmey Daily.

ជាក់ស្តែងនៅថ្ងៃទី២៦ ខែមករា ឆ្នាំ២០២៦នេះ កម្លាំងអាជ្ញាធរចម្រុះខណ្ឌ៧មករា ដឹកនាំដោយលោក ថេង សុថុល អភិបាលខណ្ឌ បានបន្តការចុះរៀបចំសណ្តាប់ធ្នាប់ នៅលើផ្លូវលេខ១០៧ ( ផ្លូវសុកហុក ) ដែលស្ថិតក្នុងសង្កាត់ពាក់ព័ន្ធចំនួន០៥ រួមមានសង្កាត់អូរឫស្សី១ , អូរឫស្សី៣ , អូរឫស្សី៤ , សង្កាត់មនោរម្យ និងសង្កាត់បឹងព្រលឹត ខណ្ឌ៧មករា រាជធានីភ្នំពេញ។

លោក ថេង សុថុល អភិបាលខណ្ឌ៧មករា បានអោយដឹងថា ដោយបន្តការអនុវត្តតាមប្រសាសន៍ណែនាំដ៏ខ្ពង់ខ្ពស់របស់ លោក ឃួង ស្រេង អភិបាលរាជធានីភ្នំពេញ រដ្ឋបាលខណ្ឌតែងតែគិតគូរជានិច្ចជាកាលលើបញ្ហាសណ្តាប់ធ្នាប់សាធារណៈ ដើម្បីធានាដល់របៀបរៀបរយ និងសោភ័ណ្ឌភាពល្អក្នុងទីក្រុង ខណៈខណ្ឌ៧មករា គឺជាខណ្ឌមួយដែលឋិតនៅកណ្តាលរាជធានីភ្នំពេញ ឬ ហៅថាជាតំបន់ប្រជុំជន។

លោកអភិបាលបញ្ជាក់ថា ការចុះរៀបចំសណ្តាប់ធ្នាប់នៅលើផ្លូវលេខ១០៧ ( ផ្លូវសុកហុក ) ខាងលើ គឺដើម្បីឲ្យម្ចាស់លំនៅឋានស្របសងខាងផ្លូវដែលកំពុងប្រកបអាជីវកម្មនានា សូមចូលរួមជាមួយអាជ្ញាធរក្នុងគោលដៅរក្សាសណ្តាប់ធ្នាប់ ទុកចំណីផ្លូវសម្រាប់ពលរដ្ឋថ្មើរជើង ជៀសវៀងការបន្តរំលោភចិញ្ចើមផ្លូវ ឬចំណីផ្លូវសាធារណៈដែលនាំឲ្យប៉ះពាល់ធ្ងន់ធ្ងរដល់របៀបរៀបរយសាធារណៈ ពិសេសអាចបង្កការកកស្ទះនានាដោយកត្តាបំពានណាមួយរបស់អ្នកដែលល្មើសការណែនាំរបស់រដ្ឋបាលខណ្ឌ។

នាឱកាសនោះ លោក ថេង សុថុល អភិបាលខណ្ឌ សង្ឃឹមថា ប្រជាពលរដ្ឋទាំងអស់ក្នុងមូលដ្ឋានខណ្ឌ៧មករា នឹងចូលរួមអនុវត្តការណែនាំរបស់អាជ្ញាធរឲ្យបានល្អខ្ជាប់ខ្ជួនទាំងអស់គ្នា ដើម្បីជាការរួមចំណែកកែរលម្អរ និងរក្សាបានសោភ័ណ្ឌភាពខ្ពស់ក្នុងទីក្រុងរបស់យើង ខណៈរាជធានីភ្នំពេញរបស់យើងបច្ចុប្បន្នកំពុងត្រូវបានសកលលោកទទួលស្គាល់ថាជាទីក្រុងដែលពោរពេញភាពសប្បាយរីករាយ និងសុខសន្តិភាព៕ អត្ថបទ ៖ រដ្ឋា

The post អាជ្ញាធរខណ្ឌ៧មករា បន្តរៀបចំសណ្តាប់ធ្នាប់តាមដងផ្លូវ ១០៧ (សុកហុក) ដើម្បីរក្សារបៀបរៀបរយ appeared first on Kampuchea Thmey Daily.

សកម្មភាពនេះ ដឹកនាំដោយ លោក ឌន ដាវុឌ នាយករងរដ្ឋបាលខណ្ឌឫស្សីកែវ និងក្រុមការងាររួមមាន មន្ត្រីការិយាល័យសាធារណការខណ្ឌ មន្ត្រីការិយាល័យដែនដីនគរូបនីយកម្ម សំណង់ និងភូមិបាលខណ្ឌ មន្ត្រីសង្កាត់គីឡូម៉ែត្រលេខ៦ នាយរងប៉ុស្តិ៍នគរបាលសង្កាត់ មេភូមិ និងកម្លាំងសណ្តាប់ធ្នាប់ ចុះពិនិត្យ និងរៀបចំសណ្តាប់ធ្នាប់ជាក់ស្តែង នៅតាមបណ្តោយផ្លូវលេខ ១៧០១ ស្ថិតក្នុងភូមិបឹងឈូក សង្កាត់គីឡូម៉ែត្រលេខ៦ ខណ្ឌឫស្សីកែវ។

ក្នុងការចុះអនុវត្តនេះ ក្រុមការងារបានធ្វើការណែនាំដល់ម្ចាស់គ្រឿងចក្រដែលបានដាក់គ្រឿងចក្រ និងសម្ភារផ្សេងៗនៅលើដី និងផ្លូវសាធារណៈដោយគ្មានសណ្តាប់ធ្នាប់ និងបង្ករាំងស្ទះដល់ការធ្វើដំណើរ និងសោភ័ណភាពសាធារណៈ។ ជាមួយគ្នានេះ អាជ្ញាធរបានកំណត់ឱ្យម្ចាស់គ្រឿងចក្រត្រូវដឹកយកគ្រឿងចក្រ និងសម្ភារទាំងអស់ចេញពីទីតាំងខាងលើ ក្នុងរយៈពេល ៣ថ្ងៃ គិតចាប់ពីថ្ងៃទី ២៣ ដល់ថ្ងៃទី ២៦ ខែមករា ឆ្នាំ២០២៦ ជាកំហិត។

ម្ចាស់គ្រឿងចក្រ ឈ្មោះ សុខ លីមធី បានយល់ព្រមសហការជាមួយអាជ្ញាធរ និងសន្យាដឹកយកគ្រឿងចក្រ និងសម្ភារទាំងអស់ចេញដោយខ្លួនឯង ឱ្យបានទាន់ពេលវេលា និងអនុវត្តតាមការណែនាំរបស់អាជ្ញាធរខណ្ឌឫស្សីកែវ ដោយគ្មានការតវ៉ា។

រដ្ឋបាលខណ្ឌឫស្សីកែវ សូមអំពាវនាវដល់ប្រជាពលរដ្ឋ និងម្ចាស់អាជីវកម្មទាំងអស់ សហការគោរពច្បាប់ រដ្ឋបាលមូលដ្ឋាន ជៀសវាងការរំលោភយកដី និងផ្លូវសាធារណៈ ដើម្បីរួមចំណែកថែរក្សាសណ្តាប់ធ្នាប់ សោភ័ណភាព និងសុវត្ថិភាពសាធារណៈក្នុងមូលដ្ឋានឱ្យកាន់តែល្អប្រសើរ៕ អត្ថបទ សំណាង

The post រដ្ឋបាលខណ្ឌឫស្សីកែវ ណែនាំម្ចាស់គ្រឿងចក្រដឹកយកសម្ភារចេញពីដីលើផ្លូវសាធារណៈ appeared first on Kampuchea Thmey Daily.