ពលរដ្ឋបានឱ្យដឹងថា ថ្មីៗនេះសកម្មភាពរថយន្តដឹកដីជាច្រើនគ្រឿង បានបន្តកន្ទុយគ្នាចាក់អាចម៍ដីចូលចំណីព្រែកចំណុចពយទី  ក្រោមរូបភាពបិទបាំងលាក់លៀម ដោយគ្មានច្បាប់អនុញ្ញាតពីអាជ្ញាធរមូលដ្ឋាន។

ប្រជាពលរដ្ឋក្នុងស្រុកម្នាក់ ដែលសុំមិនបញ្ចេញឈ្មោះ បានប្រាប់សារព័ត៌មានកម្ពុជាថ្មី នៅថ្ងៃទី៥ ខែមករា ឆ្នាំ២០២៥ ថា សកម្មភាពដឹកដីបែបនេះបានកើតឡើងម្តងរួចមកហើយនៅចុងឆ្នាំ ២០២៤ ប៉ុន្តែត្រូវបានផ្អាកមួយរយៈ។ យ៉ាង​ណា​ក៏​ដោយ ថ្មីៗ​នេះ សមាជិក​សហគមន៍​ និងប្រជាពលរដ្ឋដែលរស់នៅតំបន់នោះ បាន​សង្កេត​ឃើញមាន​សកម្មភាព​ចាក់​ដី​លុប​ព្រែក​ឡើង​វិញ។

បើតាមការអះអាងពីប្រភពពលរដ្ឋ៖« អ្នកបើកគ្រឿងចក្របានសម្រុកចាក់ដី និងរុញដីឱ្យរាបស្មើភ្លាមចូល ទៅចំណីព្រែក ដើម្បីឱ្យទាន់ផែនការចង់បានដីចំណីព្រែកយកមកធ្វើជាកម្មសិទ្ធិរបស់ពួកគេ។ ករណីលបលួចចាក់ដីចូលព្រែកសមុទ្រ ធ្វើឡើងក្នុងដីកន្លែងដែលមានរបងបាំងជិតមិនអាចមាននរណាដឹងងាយឡើយ ថាតើពួកគេកំពុងធ្វើអ្វី សូម្បីតែអាជ្ញាធរមូលដ្ឋាននៅក្បែរទីនោះ»។

ជុំវិញបញ្ហានេះ លោក ថន ឃិន មេបញ្ជាការសឹករងស្រុកស្រែអំបិល បានប្រាប់យ៉ាងខ្លីថា ទីតាំងដីដែលកំពុងមានការចាក់ដីខាងលើ ពុំមែនជាដីកម្មសិទ្ធិរបស់លោកនោះទេ។ លោកបញ្ជាក់ថា៖«ពីមុនមកវាជាដីរបស់ឈ្មោះ ស៊ីន អតីតមេឃុំជ្រោយស្វាយចាស់ ដែលបានលក់ទិញទៅម្ចាស់ថ្មី ហើយជួលកូនលោកដឹកបំពេញដី។ បើរថយន្ត និងគ្រឿងចក្រ ពិតជាកម្មសិទ្ធិរបស់កូនប្រុសលោកប្រាកដមែន ដោយមានមនុស្សម្នាក់មើលការខុសត្រូវលើដីនេះ»។

បើតាមលោក ថន ឃិន ជាក់ស្តែងឃើញមានចាក់ដីបានជាង១០០ឡាន និងចូលចំណីព្រែកប្រហែសជា១០ឡានបន្តិចបន្តួច។ ប៉ុន្តែលោកថា ឥឡូវនេះខាងមន្រ្តីបរិស្ថាន និងអាជ្ញាធរឃុំ បានចុះមកផ្អាកសកម្មភាពសិន។

តាមការបកស្រាយរបស់ លោក សុផល ហៅម៉ាប់ ដែលជាអ្នកមើលការខុសត្រូវទីតាំងទំនាស់នេះ ថ្លែងថា លោកចាក់ដីដែលលោកបានទិញពីម្ចាស់មុន គ្រោងធ្វើជារីស៊តទៅថ្ងៃមុខ។  យ៉ាងណាមិញ លោកយល់ព្រមកាយដីចេញពីមាត់ព្រែកវិញ ក្នុងករណីអាជ្ញាធរ និងមន្រ្តីជំនាញ រកឃើញថា ពិតជាចាក់ដីបំពានចំណីព្រែកប្រាកដមែន។

ប៉ុន្តែលោកស្នើវិញថា៖«ដើម្បីស្មើភាព យុត្តិធម៌ដូចគ្នា លោកស្នើសុំឱ្យជីកកាយទាំងអស់គ្នា ព្រោះថា ទីតាំងដីនៅក្បែរលោកមួយចំនួនសុទ្ធតែមានការលួចចាក់ដីចូលចំណីច្រើនជាងពួកគាត់ទៅទៀត ហេតុអីមិនឃើញមានអាជ្ញាធរ ឬមន្រ្តីជំនាញណាមួយមកហាមឃាត់ផ្អាកសកម្មភាពសោះឡើយ»។

ចំណែកលោក ប៊ុន រ៉េ មេឃុំជ្រោយស្វាយ ប្រាប់ដែរថា ទីតាំងខាងលើ ត្រូវបានផ្អាកសកម្មភាពជាបន្ទាន់មួយជំហានហើយ ក្រោយមានបទបញ្ជាពីលោក ជា ច័ន្ទកញ្ញា អភិបាលស្រុកស្រែអំបិល ។ សម្រាប់ថ្ងៃទី ០៦ ខែមករា ក្រុមមន្រ្តីជំនាញ និងអាជ្ញាធរ បន្តវាយតម្លៃពីផលប៉ះពាល់ជាក់ស្តែងលម្អិត៕

អត្តបទៈ សិរីវឌ្ឍនៈ

The post ដីចំណីព្រែកពយទី នាខេត្តកោះកុង កំពុងរងការវាទីធ្វើជាកម្មសិទ្ធិឯកជនដោយគ្មានច្បាប់ appeared first on Kampuchea Thmey Daily.

តាមការជូនដំណឹងរបស់រដ្ឋបាលស្រុកជុំគិរីបានឲ្យដឹងថា កន្លងមករដ្ឋបាលស្រុកបានសង្កេតឃើញមានប្រជាពលរដ្ឋមួយចំនួនដែលរស់នៅអមជុំវិញផ្ទៃអាងទំនប់ម្លេច មានការចាក់ដី និងសង់សំណង់ផ្សេងៗ រំលោភបំពានផ្ទៃអាង ដែលបង្កឱ្យមានការប៉ះពាល់ដល់ផ្ទៃអាងទឹកសារធារណៈរបស់រដ្ឋ និងបង្កឱ្យមានភាពអនាធិបតេយ្យដល់តំបន់ទេសចរណ៍ធម្មជាតិ។

ក្នុងន័យនេះ រដ្ឋបាលស្រុកជុំគិរីបានសហការជាមួយមន្ទីរធនធានទឹក និងឧត្តុនិយមខេត្តកំពត សូមធ្វើការណែនាំដល់បងប្អូនប្រជាពលរដ្ឋទាំងអស់ដែលបានចាក់ដី និងសង់សំណង់អនាធិបតេយ្យ រំលោភបំពានផ្ទៃអាងទំនប់ម្លេចទាំងអស់ត្រូវអនុវត្តដូចខាងក្រោម៖
១.ត្រូវបញ្ឈប់ជាបន្ទាន់នូវការចាក់ដី និងសង់សំណង់រំលោភបំពានផ្ទៃអាង។ ២.ត្រូវកាយយកអាចម៍ដីដែលបានចាក់រំលោភបំពានចេញពីផ្ទៃអាងវិញ។ ៣. ត្រូវរុះរើសំណង់ដែលបានសាងសង់ចូលនៅក្នុងផ្ទៃអាងចេញវិញ។

រដ្ឋបាលស្រុកជុំគិរី ជឿជាក់ និងសង្ឃឹមយ៉ាងមុតមាំថា ប្រជាពលរដ្ឋដែលបានចាក់ដីរំលោភបំពានខាងលើ នឹងចូលរួមសហការក្នុងការអនុវត្តតាមសេចក្តីជូនដំណឹងនេះ ដោយស្មារតីទទួលខុសត្រូវខ្ពស់។ ទោះជាយ៉ាងណាក៏ដោយនៅក្នុងសេចក្តីជូនដំណឹងនោះ មិនបានបង្ហាញឈ្មោះអ្នកចាក់ដី និងសាងសង់សំណង់ទាំង១៥ទីតាំងនោះទេ ហើយក៏មិនបានប្រាប់អំពីកាលបរិច្ឆេត នៃកាកំណត់ឲ្យកាយអាចម៍ដី និងរុះរើសំណង់ចេញវិញដែរ៕

អត្ថបទ៖ សឹង រ៉ាត់

The post អាជ្ញាធរស្រុកជុំគិរីណែនាំពលរដ្ឋដែលចាក់ដី និង​សាងសង់សំណង់រំលោភផ្ទៃអាងទំនប់ម្លេចរុះរើចេញជាបន្ទាន់ appeared first on Kampuchea Thmey Daily.

ជាមួយគ្នានេះ លោកបានថ្លែងនូវការកោតសរសើរ ចំពោះកងកម្លាំងចម្រុះ ដែលបានប្រឹងប្រែងការពារទប់ស្កាត់ និងបង្ក្រាបបទល្មើសធនធានធម្មជាតិឱ្យទទួលបានលទ្ធផលល្អ និងបានដាក់ចេញនូវបទបញ្ជាមួយចំនួនក្នុងការពារទប់ស្កាត់ និងបង្ក្រាបឱ្យខាងតែបាន។ លោកសង្កត់ធ្ងន់ថា៖«ត្រូវវែកមុខរកជនល្មើស ដែលបានបំផ្លិចបំផ្លាញធនធានធម្មជាតិ ទោះបីមានបុណ្យស័ក្តិ និងអំណាចប៉ុណ្ណាក៏ដោយ ដើម្បីចាត់ការតាមច្បាប់ជាធរមានដោយគ្មានការលើកលែងឡើយ»។

ទន្ទឹមនឹងនេះ លោក ម៉ៅ សុផាន់ បានស្នើក្រសួង ស្ថាប័នពាក់ព័ន្ធ ឱ្យមានកិច្ចសហការជាមួយអាជ្ញាធរដែនដីគ្រប់លំដាប់ថ្នាក់ ក្នុងការរៀបចំការដាំដើមឈើនៅលើដីដែលបានកាប់ទន្ទ្រានដោយខុសច្បាប់កន្លងមក ដើម្បីគ្រប់គ្រងដីធ្លីជារបស់រដ្ឋ និងធ្វើឱ្យធនធានធម្មជាតិបានល្អប្រសើរឡើងវិញ ។

លោក សោម ស៊ុន ក្នុងនាមអនុប្រធានក្រុមការងារចុះមូលដ្ឋានស្រុក និងជាអនុប្រធានអចិន្ត្រៃយ៍គណៈកម្មការការពារទប់ស្កាត់ និងបង្ក្រាបទល្មើសធនធានធម្មជាតិខេត្តកំពង់ធំ បានលើកឡើងថា កន្លងមកអាជ្ញាធរខេត្តបានចេញប្រតិបត្តិការការពារទប់ស្កាត់មិនឱ្យមានការកាប់ទន្រ្ទានជាថ្មី ហើយផ្ទៃដីដែលជនល្មើសបានកាប់ទន្ទ្រានរួច កងកម្លាំងចម្រុះដែលមានស្ថាប័នជំនាញពាក់ព័ន្ធកំពុងគ្រប់គ្រង និងកសាងសំណុំរឿងអនុវត្តតាមនីតិវិធីច្បាប់។

ជុំវិញបញ្ហានេះ សម្តេចនាយករដ្ឋមន្រ្តី ហ៊ុន ម៉ាណែត នាពិធីបិទសន្និបាតការងារក្រសួងបរិស្ថានឆ្នាំ២០២៣ កាលពីខែធ្នូ ឆ្នាំ ២០២៣ បានដាក់ចេញ​បទបញ្ជាយ៉ាងម៉ឺងម៉ាត់ដល់គ្រប់បណ្តាសមត្ថកិច្ចពាក់ព័ន្ធទាំងអស់ ត្រូវអនុវត្តច្បាប់ឱ្យមាន​ប្រសិទ្ធភាពចំពោះអ្នកប្រព្រឹត្តបទល្មើសព្រៃឈើ និងធនធានធម្មជាតិ៕

អត្ថបទ៖ ឡាយ សាមាន

The post ឧត្តមសេនីយ៍ ម៉ៅ សុផាន់៖ ត្រូវវែកមុខជនល្មើសបំផ្លាញធនធានធម្មជាតិ ទោះបីជននោះមានបុណ្យស័ក្តិណាក៏ដោយ appeared first on Kampuchea Thmey Daily.

ពាក់ព័ន្ធនឹងករណីនេះ អាជ្ញាធរស្រុករៀង បានឲ្យដឹងថា ពលរដ្ឋដែលមកសង់រោង និងបោះតង់រស់នៅ ដោយខុសច្បាប់នៅលើដីរដ្ឋ ដើម្បីមកធ្វើនេសាទនៅទំនប់រក្សាក្នុងឃុំរក្សា ស្រុករវៀង ត្រូវបានអាជ្ញាធរមូលដ្ឋានចុះស្ថិតិរួចរាល់ហើយដោយពលរដ្ឋមានគ្នាប៉ុន្មានជា៨២គ្រួសារ និងមានមនុស្សជាង២០០នាក់។ អាជ្ញាធរស្រុករវៀង បន្តថា ករណីនេះអាជ្ញាធរមិនព្រងើយកន្តើយនោះទេ ប្រសិនបើពលរដ្ឋនៅតែរឹងទទឹង នោះអាជ្ញាធរនឹងចាត់ការទៅតាមផ្លូវច្បាប់។

លោក ណុប វុធ្ធី អភិបាលរងខេត្តព្រះវិហារ បានឲ្យដឹងនៅរសៀលថ្ងៃទី០៥ ខែមិថុនា ឆ្នាំ២០២៤នេះថា អាជ្ញាធរមូលដ្ឋានបានប្រាប់ឲ្យពួកគាត់រុះរើចេញ ហើយប្រសិនបើពួកគាត់ពិតជាមានបំណងចង់នៅរកត្រីតទៅទៀត គឺត្រូវតែទៅសុំ ឬរកជួលផ្ទះប្រជាពលរដ្ឋនៅក្បែរនោះស្នាក់នៅ មិនត្រូវរស់នៅលើដីរដ្ឋនោះទេ។ លោក ណុប វុធ្ធី បន្តថា ក្នុងករណីមានប្រជាពលរដ្ឋនៅរឹងទទឹងមិនព្រមរុះរើចេញ នោះអាជ្ញាធរខេត្តព្រះវិហារ នឹងចុះអនុវត្តវិធានការច្បាប់ ដោយមិនអនុញ្ញាតឲ្យរស់នៅតាមបែបអាណាធិបតេយ្យនោះទេ។

គួរម្លឹកថា  កន្លងទៅមានពលរដ្ឋមកពីតាមបណ្ដាខេត្តមួយចំនួនតែងតែមកធ្វើសកម្មភាពកាប់រានព្រៃធ្វើខ្ទមរស់នៅ និងចាប់ដីរបស់រដ្ឋនៅក្នុងខេត្តព្រះវិហារ។ ប៉ុន្តែត្រូវបានអាជ្ញាធរមានវិធានការទៅតាមផ្លូវច្បាប់រួចរាល់។

គួរឱ្យដឹងថា ទំនប់អាងស្តុកទឹក “រក្សា” ស្ថិតនៅលើដងស្ទឹងសែន ក្នុងព្រំប្រទល់ឃុំពុទ្រា និងឃុំរក្សា ស្រុកជ័យសែន និងស្រុករវៀង ខេត្តព្រះវិហារ។ ទំនប់អាងស្តុកទឹក “រក្សា” នេះ មានប្រវែងសរុប ២.៩៥៦ម៉ែត្រ៕

ដោយ៖ជុន កុសល

The post អាជ្ញាធរខេត្តព្រះវិហារ ព្រមានចាត់វិធានការលើពលរដ្ឋ៨២គ្រួសារ  ដែលសង់រោងខុសច្បាប់នៅលើដីរដ្ឋ appeared first on Kampuchea Thmey Daily.

សមត្ថកិច្ចនគរបាលប្រឆាំងបទល្មើសសេដ្ឋកិច្ច នៃស្នងការដ្ឋាននគរបាលខេត្តកំពង់ឆ្នាំង បានឲ្យដឹងថា ការចុះឃាត់គ្រឿងចក្រ និងរថយន្តដឹក​ដីខាងលើនេះ តាមការបញ្ជាផ្ទាល់ពីឯកឧត្តម អ៊ិត សុធា ព្រះរាជអាជ្ញាអមសាលាដំបូងខេត្តកំពង់ឆ្នាំង ដឹកនាំកម្លាំងដោយលោក ឡុង ស៊ីថា  ព្រះរាជអាជ្ញារង និងចូលរួមសហការដោយកម្លាំងនគរបាលប្រឆាំងបទល្មើសសេដ្ឋកិច្ចនៃស្នងការដ្ឋាននគរបាលខេត្តកំពង់ឆ្នាំង និងសមត្ថកិច្ច​រដ្ឋបាលជលផល។

លោក តាត សីហាក់ នាយផ្នែករដ្ឋបាលជលផលផ្សារឆ្នាំង បានឲ្យដឹងថា ការឃាត់គ្រឿងចក្រ និងរថយន្តដឹកដីខាងលើនេះដោយសារ​តែក្រុមរថយន្តដឹកដី និងគ្រឿងចក្រនោះដឹកដីចាក់លុបបឹងជាលាដែលជាបឹងក្នុងដែននេសាទ។

សមត្ថកិច្ចបានឲ្យដឹងថា គ្រឿងចក្រ១គ្រឿង និងរថយន្តដឹកដី៤គ្រឿងបាននាំយកមករក្សាទុកនៅមន្ទីរកសិកម្មរុក្ខាប្រមាញ់ និងនេសាទខេត្តកំពង់ឆ្នាំង ដើម្បីឲ្យសមត្ថកិច្ចជំនាញកសាងសំណុំរឿងតាមនីតិវិធីបញ្ជូនទៅសាលាដំបូងខេត្តកំពង់ឆ្នាំង៕

អត្ថបទ៖ ឈៀងថារិទ្ធ

The post ចាប់យកគ្រឿងចក្រ១គ្រឿង និងរថយន្ដបែន​ដឹក​ដី៤គ្រឿង ខណៈកំពុងចាក់ដីលុបបឹងធម្មជាតិ appeared first on Kampuchea Thmey Daily.

លោក ភួ​ន ឈី​ម អភិបាលស្រុក​បាទី​បាន​បញ្ជាក់ថា ក្រោយ​ការជូនដំណឹង​របស់​អា​ជ្ញា​ធរ​ស្រុក​កាល​ពី​ថ្ងៃទី​២៥ ខែមករា ឆ្នាំ​២០២២ ដោយបាន​ទុក​រយៈពេល​១៥​ថ្ងៃ ដើម្បី​ឲ្យ​ម្ចាស់​បង្គោល​ថ្ម​ដែល​បាន​ដាំ​មក​ដកចេញ​ដោយ​ខ្លួនឯង ហើយ​មកដល់​ថ្ងៃទី​១០​កុម្ភៈ ម្ចាស់​នៅតែ​មិន​មក​ដក ទើប​លោក​បញ្ជា​ទៅ​រដ្ឋបាល​ឃុំ​ត្នោត ដឹកនាំ​កម្លាំង​ដោយមាន​លោក​មេភូមិ និង​ប្រជា​ការពារ​ភូមិ​រំចេក ចុះ​ដក​បង្គោល​ថ្ម​ដែល​ឈ្មួញ​បាន​ដាំ​ក្នុង​ដៃ​អូរ​ជា​ដី​សាធារណ​:​របស់​រដ្ឋ​។

លោក​អភិបាលស្រុក​បន្តថា បង្គោល​ថ្ម​ចំនួន​២៩​ដើម​ត្រូវបាន​ដក​យកមក​រក្សាទុក​នៅ​សាលាឃុំ​ត្នោត រីឯ​បង្គោល​ថ្ម​ជាច្រើន​ដើម​ទៀត រដ្ឋបាល​ឃុំ​នឹង​ដឹកនាំ​កម្លាំង​ចុះ​ដក​បន្ត​នៅ​រដូវ​ទឹក​ស្រក​។​

សូម​រំ​ឮ​កថា ចំណុច​ដៃ​អូរ​ស្ថិតនៅ​ភូមិ​រំចេក ឃុំ​ត្នោត ស្រុក​បាទី ខេត្តតាកែវ ដី​លិច​ទឹក​របស់​រដ្ឋ​ជាង​២០​ហិច​តា ត្រូវបាន​អ្នកស្រី ភឿង សុខ​ហួង និង​ប្អូនស្រី​ឈ្មោះ ភឿង សុខ​ម៉េង ដើរ​បញ្ចុះបញ្ចូល​ទិញ​ពី​ប្រជាពលរដ្ឋ ដោយសារ​ពលរដ្ឋ​មានការ​ខ្វះខាត​ក្នុង​គ្រួសារ​ផង ក៏​ចាប់ផ្តើម​លក់​ដី​លិច​ទឹក​របស់​រដ្ឋ​ជា​បន្តបន្ទាប់​រហូត​មានការ​បោះបង្គោល​វាទី​យក​ដូច​សព្វថ្ងៃនេះ​ទៅ​៕

អត្ថបទ៖​ វីរៈ​

The post អភិបាលស្រុកបាទីបញ្ជាកម្លាំងចុះដកបង្គោលថ្មដែលដាំវាទីយកដីលិចទឹក បន្ទាប់ពីជូនដំណឹង​១៥ថ្ងៃ appeared first on Kampuchea Thmey Daily.

សម្រាប់​ខេត្តតាកែវ នៅតែមាន​អ្នកចាក់ដី​រំលោភ​យក​ដី​បឹង​ធម្មជាតិ បើទោះបី​ប្រមុខ​រាជរដ្ឋាភិបាល​លោក​បានធ្វើ​ការប្រមាន​ខ្លាំងៗ​និង​បាន​ចាប់ខ្លួន​អ្នកពាក់ព័ន្ធ​ដែល​រំលោភ​យក​ដីព្រៃ​លិច​ទឹក រំលោភ​យក​ដី​បឹង​ធម្មជាតិ​ជា​បន្តបន្ទាប់​នៅ​ចុងឆ្នាំ​២០២១​កន្លងទៅនេះ ជាក់ស្តែង​ទីតាំង​ដី​បឹង​អូរ​តុំ ស្ថិតនៅ​សង្កាត់​រកា​ក្រៅ ក្រុង​ដូន​កែវ ខេត្តតាកែវ ដែលជា​បឹង​ធម្មជាតិ​តាំងពី​យូរ ត្រូវ​បានរួម​តូច ព្រោះតែ​អ្នក​មាន​លុយ មានអំណាច​មួយចំនួន​ឃើញ​ផលចំណេញ​លុយ​លើក​គោក បាននាំគ្នា​ធ្វើ​សកម្មភាព​ចាក់​ដី​លុប​យក​ដី​បឹង​របស់​រដ្ឋ​យក និង​បាន​ដាំ​ដើមឈើ​ធំៗ និង​ដើម​ចេក​បន្លំ​ភ្នែក​ពី​ដី​ថ្មី ឲ្យ​ប្រែក្លាយជា​ដី​ចាស់​មាន​ចម្ការ​ដើម​ចេក​ធំៗ​រួចជាស្រេច​។

តាម​ប្រជាពលរដ្ឋ​រស់នៅ​តំបន់​បឹង​តុំ ដែល​សុំ​មិន​បញ្ចេញ​ឈ្មោះ​បាន​និយាយថា ដី​បឹង​តុំ​ដែល​លួច​ចាក់ដី​លុប​និង​ដាំ​ដើមឈើ​បន្លំ​ភ្នែក​នេះ គឺជា​ថៅកែ​ទឹកស្អាត​នៅ​ឃុំ​ស្រ​ង៉ែ ស្រុក​ទ្រាំង ជា​អ្នកចាក់ដី​រំលោភ​យក ចឹ​ង​ហើយ​បានជា​លោក​ប្រធាន​មន្ទីរ​ធន់​ធាន​ទឹក​មើលមិនឃើញ​។ ពួកគាត់​បន្តថា អ្នក​ដែល​ចាក់ដី​លុប​យក​បឹង​តុំ​នេះ​បាន មិនមែន​ប្រជាពលរដ្ឋ​ធម្មតា​ធ្វើបាន​នោះទេ ភាគច្រើន​គឺ​អ្នកមាន​អំណាច អ្នកមាន​លុយ ឬ​មាន​ខ្សែបណ្តោយជាមួយ​អាជ្ញាធរ ទើប​អាច​ចាក់​លុប​យក​ដី​បឹង​ធម្មជាតិ​នេះ​បាន​។​

លោក កង អាណាន់ អភិបាលក្រុង​ដូន​កែវ​ បាន​ឲ្យ​ដឹង​កាលពី​ថ្ងៃទី​០៣ ខែកុម្ភៈ ឆ្នាំ​២០២២​នេះ​ថា លោក​នៅ​មិនទាន់​ទទួលបាន​ព័ត៌មាន​ចំពោះ​ការចាក់ដី​លុប​បឹង​តុំ​ខាងលើនេះ​ទេ ហើយ​លោក​នឹង​ចុះទៅពិនិត្យ​លើ​ការលើកឡើង​ខាងលើនេះ ចំពោះ​ប្រជាពលរដ្ឋ​ដែល​ពាក់ព័ន្ធ​ជាមួយនឹង​អ្នក​ដែល​ចាក់ដី​លុប​បឹង​តុំ ដែលជា​បឹង​ធម្មជាតិ​របស់​រដ្ឋ​។

ដោយឡែក​លោក ប៉ុន ហ៊ួ​រ ប្រធាន​មន្ទីរ​ធនធានទឹក​និង​ឧតុនិយម​ខេត្តតាកែវ បាន​ឲ្យ​ដឹង​ដែរ​ថា ករណី​ចាក់ដី​រំលោភ​យក​ដី​បឹង​តុំ​នេះ លោក​នឹង​ចុះ​ពិនិត្យ ហើយ​នឹង​ផ្តល់ព័ត៌មាន​មកវិញ​ពី​បញ្ហា​នេះ​។ តែ​លោក​ប្រធាន​មន្ទីរ​ក៏បាន​បញ្ជាក់​ផងដែរ​ថា ចំពោះ​ការចាក់ដី​លុប​បឹង​តុំ​នេះ ឮថា​អ្នកចាក់ដី​លុប​ប្រើ​រូបភាព​លួច​ចាក់ដី​លុប​បឹង​នៅពេល​យប់​៕

អត្ថបទ៖ វីរៈ​

The post ថៅកែទឹកស្អាតម្នាក់ ចាក់ដីរំលោភបឹងអូរតុំ ក្នុងក្រុងដូនកែវ ធ្វើជាកម្មសិទ្ធិផ្ទាល់ខ្លួន​ appeared first on Kampuchea Thmey Daily.

​ការចាក់ដី​ដែល​បម្រុង​ធ្វើជា​ទីតាំង​ម៉ា​ត និង​ស្ថានីយ​ប្រេងឥន្ធនៈនេះ ត្រូវបាន​ពលរដ្ឋ​រាយការណ៍​មក​ថា ប្រមាណ​ជិត​មួយខែ​នេះ ដោយ​ម្ចាស់​ទីតាំង​បាន​សម្រុក​ចាក់ដី​យ៉ាង​លឿន​ជាទីបំផុត រួមជាមួយ​និង​សំណង់​រឹង​ត្រៀម​អណ្តែត​ខ្លួន​ឡើងលើ​ទីតាំង​នេះ​ផងដែរ ដោយ​ទីតាំង​នេះ​ស្ថិតនៅ​ចំណុច ( បឹង​ត្រាវ ) ក្នុងភូមិ​សំរោង ឃុំ​ស្នឹង ស្រុក​បាណន់ ខេត្តបាត់ដំបង​។​

​ប្រជាពលរដ្ឋ​ដែល​រស់នៅក្នុង​តំបន់​នេះ​បាន​អះអាងថា​ ប្រវត្តិ​ដី​នេះ​កាលពី​សម័យ​រដ្ឋ​កម្ពុជា គឺជា​បន្ទាយ​ទាហាន​របស់ គ​.១៣២ ដែល​គ្រប់គ្រង​ដោយ​លោក ជឹម ភើ​យ ( អតីត​មេបញ្ជាការរង យោធភូមិភាគ​ទី​៥ ) ដែល​បច្ចុប្បន្ន​បាន​ចូលនិវត្តន៍ លុះ​ក្រោយមក​ក៏មាន​ការផ្លាស់ប្តូរ​បន្ទា​យ ដោយឡែក​ដី​នៅក្នុង​តំបន់​នេះ ​ក៏ត្រូវ​បាន​លោក ជឹម ភើ​យ កាន់កាប់​តែម្តង រហូត​មានការ​បឹង​ផ្តល់​ពី​សំណាក់​ប្រជាពលរដ្ឋនៅក្នុង​តំបន់​នេះ​តែ​មិនអាច​ឈ្នះ​លោក​ ជឹម ភើ​យ បានឡើយ។ ប្រភព​ដដែល​បាន​បន្តថា ដោយឡែក​សម្រាប់​បឹង​ត្រាវ ត្រូវបាន​អាជ្ញាធរ ឲ្យរក្សា​ទុកជា​សម្បត្តិ​រដ្ឋ​ដដែល សម្រាប់​ប្រើប្រាស់​ជា​ប្រយោជន៍​រួម ដោយ​ផ្ទៃ​បឹង​ត្រាវ​នេះ មាន​ទំហំ និង​បណ្តោយ​រហូតមកទល់​និង​ផ្លូវជាតិ​លេខ ៥៧ ( អតីត ផ្លូវជាតិ​លេខ ១០ ) ។​

​លុះ​នៅពេល​ថ្មីៗ​នេះ ប្រជាពលរដ្ឋ​បាន​សួរ​ទៅ​លោក​មេភូមិ​សំរោង ដោយសារតែ​ឃើញ​លោក ជឹម ភើ​យ ចាប់ផ្តើម​ដាក់​គ្រឿងចក្រ និង​ចាក់ដី​លុប​មាត់បឹង​តាម​បណ្តោយ​ផ្លូវជាតិ។ នៅពេល​នោះដែរ លោក សេម ដែលជា​មេភូមិ​បានបញ្ជាក់​ប្រាប់ថា ( គេ​ខ្ចី​ដី​ប្រើ​មួយរយ​: ) លុះ​ពេល​ប្រាប់​អ្នកសារព័ត៌មាន គឺ​លោក​មេភូមិ​បាន​និយាយថា ដី​ខាងមុខនេះ គេ​ទិញ​ពី​យាយ​វឿន !.. ហេតុដូច្នេះ​ហើយ​ទើប​មាន​ប្រភព​ជាច្រើន​បាន​ចោទប្រកាន់ថា ប្រាកដជា​មានការ​ឃុបឃិត​គ្នា​ជា​ប្រព័ន្ធ​ក្នុង​ការលក់​ដី​ចំណី​បឹង​នេះ​ជាមិនខាន​។​

​កាលពី​ព្រឹក​ថ្ងៃទី ២០ ខែធ្នូ ឆ្នាំ​២០២១ នេះ លោក សឿ​ម ប៊ុន​រិ​ទ្ធ អភិបាលរង​ខេត្តបាត់ដំបង បាន​ឆ្លើយតប​អ្នកសារព័ត៌មាន​ថា លោក​នឹង​ចាត់​ឲ្យ​ក្រុមការងារ​ចុះ​ត្រួតពិនិត្យ​។ មិនបាន​ប៉ុន្មាន​ម៉ោង​ផង នៅ​រសៀល​ថ្ងៃ​ដដែល លោក​អភិបាលស្រុក​បាណន់ ស្រេង សុខា បាន​ចាត់​កម្លាំង​ចុះទៅ​ហាមឃាត់​ការសាងសង់ ព្រមទាំង​បានចេញ​លិខិត​មួយច្បាប់​ប្រគល់​ដល់​លោក ជឹម ភើ​យ ដើម្បី​អនុវត្ត​តាម​។​

​ខ្លឹម​សារលិខិត​ជូនដំណឹង​នោះបាន​បញ្ជាក់ថា :

១.​ត្រូវ​បញ្ឈប់​ការចាក់​បំពេញ​អាចម៍ដី​ដែល​នៅជាប់​មាត់បឹង និង​តាម​បណ្តោយ​ផ្លូវជាតិ​លេខ ៥៧ ។​

២.​ត្រូវ​ផ្អាក​ការសាងសង់​សំណង់​គ្រប់​ប្រភេទ ជា​បណ្ដោះអាសន្ន លុះត្រា​មាន​លិខិត​អនុញ្ញាត​ពី​ក្រសួង​រៀបចំ​ដែនដី​នគរូបនីយកម្ម និង​សំណង់ ។​

​ក្នុងករណី​ម្ចាស់​មិន​អនុវត្តតាម​ខ្លឹមសារ​លិខិត​នេះ​ទេ នឹងត្រូវ​ប្រឈមមុខ​តាមផ្លូវ​ច្បាប់​ជា​ធរមាន ៕

អត្ថបទ៖ សោ និយម​រ័ត្ន​

The post អាជ្ញាធរស្រុកបាត់ដំបង ចុះផ្អាកសកម្មភាព ការចាក់ដីរំលោភដីបឹង យកធ្វើកម្មសិទ្ធិឯកជន appeared first on Kampuchea Thmey Daily.