គោលដៅប្រើរ៉ូបូតក្នុងបរិមាណដ៏ច្រើននេះ រំពឹងថានឹង​សម្រេចឡើងគិតត្រឹមឆ្នាំ ២០៣៣ ខាងមុខ ទោះបីជាមាន​ការប៉ាន់ស្មានថា ប្រតិបត្តិការរបស់ក្រុមហ៊ុននឹង​កាន់តែមមាញឹក ដោយអាចលក់ផលិតផលរហូតដល់ទៅទ្វេដងធៀបនឹង​បច្ចុប្បន្ន។

ក្រុមការងាររ៉ូបូត​របស់ Amazon កំពុងធ្វើការដើម្បីឈានទៅរកការធ្វើស្វ័យប្រវត្តិកម្មលើ ៧៥ ភាគរយ នៃប្រតិបត្តិការរបស់ក្រុមហ៊ុន។ ក្រុមហ៊ុនរំពឹងថា ត្រឹមឆ្នាំ ២០២៧ ខ្លួនមិនត្រូវការកម្លាំងពលកម្មរបស់មនុស្សប្រមាណ ១៦០ ០០០ កន្លែង ទេ ដោយសារតែស្វ័យប្រវត្តិកម្ម។ ការណ៍នេះនឹង​ជួយសន្សប្រាក់ ៣០ សេន រាល់ទំនិញ១មុខៗ ដែលក្រុមហ៊ុន Amazon ស្ដុកទុក ឬដឹកជញ្ជូន។ សរុបទៅ ស្វ័យប្រវត្តិកម្មនឹង​ជួយសន្សំក្រុមហ៊ុនបាន​ប្រមាណ ១២,៦ ប៊ីលាន​ដុល្លារ ចន្លោះឆ្នាំ ២០២៥ និង ២០២៧។

ញូវយ៉កថែមស៍ បាន​ផ្សាយបន្ដថា ដើម្បីទប់ទល់នឹង​ការរិះគន់ដែលនឹង​កើតមានឡើង ក្រុមហ៊ុន Amazon បានរិះរកវិធី​ការពារមុខមាត់របស់ខ្លួនជា «សាជីវកម្មល្អសម្រាប់ពលរដ្ឋ»។ ​នេះរួមបញ្ចូលទាំងការចូលរួមគម្រោងសហគមន៍ និងជៀសវាងការប្រើប្រាស់ពាក្យដូចជា «ស្វ័យប្រវត្តិកម្ម» និង «បញ្ញាសិប្បនិម្មិត» ដោយជំនួសមវិញនូវពាក្យ «បច្ចេកវិទ្យាទំនើប» និង «ខូបូត» ដែលសម្ដៅលើរ៉ូបូតដែលធ្វើការជាមួយមនុស្ស»។​

ទោះបីជាយ៉ាងណាក៏ដោយ អ្នកនាំពាក្យក្រុមហ៊ុន Amazon បានប្រាប់សារព័ត៌មាន​ The Verge ថាឯកសារបែក​ធ្លាយឆ្លុះបញ្ចាំងពីទស្សនៈរបស់​ក្រុមការងាររបស់ក្រុមហ៊ុនមួយក្រុម​ មិនមែនជាយុទ្ធសាស្ត្រជួលកម្មករទូទៅរបស់ក្រុមហ៊ុននោះទេ។ ​អ្នកនាំពាក្យបន្តថា ឯកសារបែបនេះអាចមិនពេញលេញ ឬ​បង្កប់​ការភ័ន្តច្រឡំ ខណៈបច្ចុប្បន្ន Amazon ​នៅតែជួលមនុស្សឱ្យធ្វើការយ៉ាងសកម្ម៕

The post Amazon គ្រោងប្រើរ៉ូបូត ជំនួសការជួលកម្មករ​​អាមេរិក ៦០០ ០០០ នាក់ appeared first on Kampuchea Thmey Daily.

ការប្រកួតរ៉ូបូតអន្តរជាតិ FIRST Global Challenge ឆ្នាំ២០២៤ ក្រោមប្រធានបទ “Refuel the Future” ត្រូវដោះស្រាយបញ្ហាថាមពលសាកលតាមរយៈបច្ចេកវិទ្យារ៉ូបូត ដោយលើកកម្ពស់ការអនុវត្តប្រកបដោយនិរន្តរភាព។

ក្រុមយុវសិស្សកម្ពុជាបានចំណាយពេលជាច្រើនខែដើម្បីបង្កើតរ៉ូបូត ដែលបង្ហាញពីភាពច្នៃប្រឌិតនិងការសហការគ្នា ដែល​បង្ហាញ​​ពី​ជំនាញសំខាន់ៗដូចជាជំនាញទំនាក់ទំនង ការធ្វើការជាក្រុម និងការដោះស្រាយបញ្ហាជាដើម។ ជោគជ័យនេះ​ ក៏​ជំរុញ​ឲ្យ​ក្រុមយុវជនកម្ពុជា​បង្ហាញការប្តេជ្ញាចិត្តក្នុងការជំរុញបច្ចេកវិទ្យារ៉ូបូតនៅកម្ពុជា។

នៅ​​ក្នុង​ពិធី​ជួប​សំណេះសំណាល​ជាមួយ​ក្រុម​យុវជន​កម្ពុជា​ដែលដណ្តើម​បាន​ជយលាភី​លេខ ២ នៅ​ប្រទេស​ក្រិក លោក ដាវ អានសាន រដ្ឋលេខាធិការ ក្រសួងឧស្សាហកម្ម វិទ្យាសាស្រ្ត បច្ចេកវិទ្យា និងនវានុវត្តន៍ បាន​លើកឡើងពីសារៈសំខាន់នៃវិទ្យាសាស្ត្រ និងបច្ចេកវិទ្យាសម្រាប់អនាគតរបស់កម្ពុជា។

តាមរយៈ​ការ​សម្រេច​បាន​លទ្ធផល​ដ៏ធំធេងរបស់​យុវជនកម្ពុជា ​ដែលមានសមត្ថភាព​​ដណ្តើក​ជយលាភី​ការ​ប្រកួតប្រជែង​កម្រិត​អន្តរជាតិនេះ​ លោក ដាវ អានសាន​ ក៏បានលើកទឹកចិត្តដល់យុវជន​កម្ពុជា​ឱ្យបន្តស្មារតីនៃការប្រកួតប្រជែង និងខិតខំប្រឹងប្រែង ដើម្បីឧត្តមភាពថ្មីៗបន្ថែមទៀត ដោយលើកឡើងពីតួនាទីរបស់ពួកគេក្នុងការសម្រេចចក្ខុវិស័យកម្ពុជាឆ្នាំ២០៥០៕

The post យុវសិស្ស​កម្ពុជាដណ្តើម​បាន​ជយ​លាភីលេខ ២ ប្រកួតរ៉ូបូត​អន្តរជាតិ​នៅប្រទេសក្រិក appeared first on Kampuchea Thmey Daily.