លោក ថុង ម៉េងដាវិត អ្នកវិភាគភូមិសាស្រ្តនយោបាយ និងសន្ដិសុខបានថ្លែងថា៖«គម្រោងចលនាជាតិតស៊ូដែលផ្ដូចផ្ដើមឡើងដោយលោក សម រង្ស៊ីនោះ គឺជាសកម្មភាពដើរបញ្ច្រាសទិសពីលទ្ធិប្រជាធិបតេយ្យ ផ្ទុយពីរដ្ឋធម្មនុញ្ញ និងជាការប៉ុនប៉ងអូសទាញប្រទេសជាតិឱ្យធ្លាក់ចូលក្នុងស្រមោលអតីតកាលជាថ្មី»។

លោកបន្តថា៖«លោក សម រង្ស៊ី និងគ្នីគ្នាគាត់តែងតែស្រែកក្ដែងៗតាំងខ្លួនជាអ្នកប្រជាធិបតេយ្យ អ្នកស្នេហាជាតិ អ្នកស្រលាញ់ជាតិជាដើម ប៉ុន្ដែបើយើងសង្កេតមើលពីសកម្មភាពគាត់ គឺដើរបញ្ច្រាសទិស ក្បត់ឧត្តមគតិខ្លួន ក្បត់អ្នកគាំទ្រ និងពលរដ្ឋដែលធ្លាប់ជឿផងដែរ។ ទោះយ៉ាងណាក៏ដោយ នយោបាយបោកបញ្ឆោតរបស់គាត់នេះ លែងមានប្រសិទ្ធភាពចំពោះពលរដ្ឋបន្តទៀតហើយ»។

អ្នកវិភាគរូបនេះបានបន្ថែមថា ការបង្កើតចលនាតស៊ូនៅក្រៅប្រទេសរបស់ក្រុមប្រឆាំងដឹកនាំដោយទណ្ឌិត សម រង្ស៊ី ដែលប៉ុនប៉ងផ្លួលរំលំរាជរដ្ឋាភិបាលស្របច្បាប់ ដោយសកម្មភាពទាំងអស់នេះគ្មាននាំផលចំណេញដល់ជាតិទេ ហើយថែមទាំងធ្វើឱ្យមានការបែកបាក់ និងជាការផ្ដល់ឱកាសសម្រាប់បរទេសជ្រៀតជ្រែកចូលកិច្ចការផ្ទៃក្នុងកម្ពុជាប៉ុណ្ណោះ។

ចំណែកលោក សំ សឿន អ្នកឃ្លាំមើលការអភិវឌ្ឍន៍សង្គម និងនយោបាយបានថ្លែងថា៖«ទណ្ឌិត សម រង្ស៊ី តែងតែអួតខ្លួនជាអ្នកប្រជាធិបតេយ្យ និងអ្នកស្នេហាជាតិ ប៉ុន្តែគាត់ និងគ្នីគ្នាផ្សេងៗទៀត បានបង្កើតចលនាតស៊ូខុសច្បាប់ ក្រៅប្រព័ន្ធបោះឆ្នោត ញុះញង់ឱ្យពលរដ្ឋដើរខុសពីគោលការណ៍លទ្ធិប្រជាធិបតេយ្យ សេរីពហុបក្ស ដោយផ្ទុយទាំងស្រុងពីប្រទេសប្រជាធិបតេយ្យនៅលើពិភពលោកដែលពួកគេកំពុងប្រកាន់យក និងកំពុងអនុវត្តយន្តការបោះឆ្នោតសម្រាប់ការជ្រើសរើសមេដឹកនាំរបស់ខ្លួន»។

លោកបានចាត់ទុកការបង្កើតចលនាតស៊ូរបស់ទណ្ឌិត សម រង្ស៊ី នៅក្នុងកាលៈទេសៈនេះថា គឺជាការប៉ុនប៉ងអូសទាញប្រទេសជាតិឱ្យដើរថយក្រោយ និងបង្កឱ្យមានវិនាសសកម្មតាមរយៈនយោបាយប្រើប្រាស់ប្រជាពលរដ្ឋ ជាពិសេសសកម្មជន អ្នកគាំទ្ររបស់ខ្លួនធ្វើជាឈ្នាន់ទាំងងងឹតងងុល ដើម្បីឈោងចាប់អំណាចដោយខុសច្បាប់។

លោកបានអំពាវនាវឱ្យប្រជាពលរដ្ឋបន្តចូលរួមជាមួយរាជរដ្ឋាភិបាលការពារសុខសន្តិភាព ការអភិវឌ្ឍជាតិ ជាពិសេសរួមគ្នាលុបបំបាត់មនោគមន៍វិជ្ជាជ្រុលនិយមពីកម្ពុជា ខណៈរាជរដ្ឋាភិបាលដែលដឹកនាំគណបក្សប្រជាជនកម្ពុជា មានសម្ដេចតេជោ ហ៊ុន សែន ជាប្រធានព្រឹទ្ធសភា និងសម្ដេចបវរធិបតី ហ៊ុន ម៉ាណែត ជានាយករដ្ឋមន្ត្រីបានប្ដូរផ្ដាច់មិនអនុញ្ញាតជាដាច់ខាតឱ្យមានចលនាពីក្រុមណាមួយ ឬបុគ្គលណាមួយ មកបំផ្លាញសុខសន្តិភាពបានឡើយ។

មេដឹកនាំចលនាជ្រុលនិយម សម រង្ស៊ី និងគ្នីគ្នា បានកំណត់យកថ្ងៃទី៩ ខែវិច្ឆិកា ឆ្នាំ២០២៤ ធ្វើជាផែនការបង្កើតចលនាតស៊ូខុសច្បាប់ ហើយប៉ុនប៉ងឈានទៅការបង្កើតរដ្ឋាភិបាលបណ្តោះអាសន្នក្រៅប្រទេស។ ពួកគេនៅតែចិញ្ចឹមចិត្តញុះញង់ អុជអាល និងបបួលមនុស្សឱ្យបែងចែកបក្ខពួក បែកបាក់គ្នា។

ការភូតភរកុហក បោកប្រាស់ និងការចោទប្រកាន់ខុសពីការពិតមកលើរាជរដ្ឋាភិបាលស្របច្បាប់ បានធ្វើឱ្យពលរដ្ឋ និងអ្នកគាំទ្ររបស់ខ្លួនអស់ជំនឿ ហើយអ្នកដែលធ្លាប់ស្មោះស្ម័គ្រជាមួយក្រុមជ្រុលនិយមទាំងនោះ បានងាកមកចូលរួមជាមួយរាជរដ្ឋាភិបាល និងគណបក្សប្រជាជនកម្ពុជាវិញ។

យ៉ាងណាមិញ សម្ដេចមហាបវរធិបតី ហ៊ុន ម៉ាណែត នាយករដ្ឋមន្រ្តីកម្ពុជាបានព្រមានទុកមុនថា រាជរដ្ឋាភិបាលកម្ពុជាមិនអាចអន់ឱនឱ្យក្រុមជ្រុលនិយមទាំងនោះបានឡើយចំពោះការធ្វើសកម្មភាពទាំងឡាយណាដែលហួសព្រំដែនច្បាប់ ក្នុងចេតនាបង្កចលាចលសង្គម និងបង្កើតអស្ថិរភាពក្នុងសង្គមជាតិ៕

The post អ្នកវិភាគ និងអ្នកឃ្លាំមើល ចាត់ទុកចលនាជាតិតស៊ូរបស់ទណ្ឌិត សម រង្ស៊ី ជាសកម្មភាពដើរបញ្ច្រាសទិសពីលទ្ធិប្រជាធិបតេយ្យ appeared first on Kampuchea Thmey Daily.

អង្គសន្និបាត រៀបចំឡើងនៅវិមាន៧មករា ដែលមានអ្នកចូលរួមជាង៣ពាន់នាក់ វាយតម្លៃបែបនេះ ដោយមើលឃើញថា បណ្តាគណបក្សនយោបាយ អង្គការនៃសង្គមស៊ីវិល ប្រព័ន្ធព័ត៌មាន និងបណ្តាមជ្ឈដ្ឋាននៅកម្ពុជាចម្រើនជឿនលឿនក្នុងសង្គមបានចូលរួមយ៉ាងសកម្មនៅក្នុងដំណើរការនេះ និងសម្អាងទៅលើ ស្មារតីលើកកម្ពស់វប្បធម៌សន្ទនា កិច្ចព្រមព្រៀង ស្តីពីកិច្ចសហប្រតិបត្តិការ និងសម្ព័ន្ធភាពរវាងបណ្តាគណបក្ស នយោបាយ ដែលគណបក្សប្រជាជនកម្ពុជាបានធ្វើរួមគ្នាជាមួយគណបក្សនយោបាយផ្សេងៗចំនួន ២៧ ទៀត ត្រូវ បានអនុវត្តយ៉ាងខ្ជាប់ខ្ជួន។

សេចក្ដីប្រកាសព័ត៌មានស្ដីពីលទ្ធផលនៃសន្និបាត  សុខដុមនីយកម្មរវាងបណ្តាជនជាតិ វប្បធម៌ និងជំនឿសាសនានានាក្នុង សង្គមក៏កាន់តែត្រូវបានពង្រឹងឡើង។

អង្គសន្និបាត បានវាយតម្លៃថា ការបោះឆ្នោតជ្រើសតាំងសមាជិកព្រឹទ្ធសភា នីតិកាលទី៥ និង ការបោះឆ្នោតជ្រើសរើសក្រុមប្រឹក្សារាជធានី ខេត្ត ក្រុមប្រឹក្សាក្រុង ស្រុក ខណ្ឌ អាណត្តិទី៤ បានប្រព្រឹត្តទៅ ប្រកបដោយលក្ខណៈសេរី ត្រឹមត្រូវ និងយុត្តិធម៌។ ប្រការទាំងនេះ បានបញ្ជាក់អំពីវិសាលភាពដ៏ទូលំទូលាយនៃលំហ ប្រជាធិបតេយ្យនិងភាពចាស់ទុំនយោបាយនៃសង្គមកម្ពុជា។

អង្គសន្និបាតក៏បានវាយតម្លៃចំពោះដំណើរការនៃការកែទម្រង់ និងការពង្រឹងអភិបាលកិច្ច ដែលត្រូវបាន យកចិត្តទុកដាក់ជំរុញអនុវត្តស្របតាមអភិក្រម “ធ្លុះកញ្ចក់ ងូតទឹក ដុសក្អែល ព្យាបាល និងវះកាត់” ធ្វើឱ្យមានសន្ទុះរីក ចម្រើនថ្មីៗទៀតក្នុងគ្រប់ការដ្ឋាននៃការកែទម្រង់។ ជាពិសេស តាមរយៈការអនុវត្តវិធានការគន្លឹះទាំង ៥ បានធ្វើឱ្យ មានវឌ្ឍនភាពគួរឱ្យកត់សម្គាល់ក្នុងការកសាងរដ្ឋបាលសាធារណៈប្រកបដោយសមត្ថភាព និងភាពស្អាតស្អំ, ការ កសាងធនធានមនុស្សប្រកបដោយចំណេះដឹង ចំណេះធ្វើ គុណធម៌ និងកាយសម្បទា, ការពង្រីកវិសាលភាព និង ប្រសិទ្ធភាពនៃប្រព័ន្ធគាំពារសង្គម, ការបង្កើតការងារ និងជំរុញផលិតកម្ម ព្រមទាំងការពង្រឹងសន្តិសុខ សុវត្ថិភាព និង យុត្តិធម៌សង្គម។ ជាមួយគ្នានេះ ការប្រយុទ្ធប្រឆាំងអំពើពុករលួយត្រូវបានពង្រឹងជាប្រចាំទាំងនៅថ្នាក់ជាតិ និងថ្នាក់ ក្រោមជាតិ ក្នុងទិសដៅកសាងសង្គមប្រកបដោយភាពស្អាតស្អំ យុត្តិធម៌ និងភាពថ្លៃថ្នូរ។

គួរឱ្យដឹងថា បច្ចុប្បន្ននៅកម្ពុជាមានស្ថាប័នព័ត៌មានជាង២ពាន់ ដែលអ្នកសារព័ត៌មានប្រមាណ១ម៉ឺននាក់កំពុងបំពេញកិច្ចការងារ។ ចំណែគណបក្សនយោបាយនៅកម្ពុជា មានចំនួនជាង៤០គណបក្សនយោបាយ៕​

The post សន្និ​បាតបក្ស៖ លទ្ធិប្រជាធិបតេយ្យ និងនីតិរដ្ឋនៅកម្ពុជាត្រូវបានការពារយ៉ាងរឹងមាំ និងអភិវឌ្ឍឥតឈប់ឈរ appeared first on Kampuchea Thmey Daily.

សម្ដេចតេជោ ហ៊ុន សែន លើកឡើងថា ប្រទេសដែលហៅខ្លួនឯងថា ជាប្រទេស​ប្រជាធិបតេយ្យ បានសាងកំហុសចំនួន ២លើកហើយមកលើកម្ពុជា គឺ«លើកទី១ នៅពេលដែលគេគាំទ្រ លន់ នល់ ក្នុងការធ្វើរដ្ឋប្រហារ ឆ្នាំ១៩៧០ បន្ទាប់មកកំហុសទី២ របស់ពួកគេទទួលស្គាល់ខ្មែរក្រហម ហើយអនុញ្ញាតឱ្យរបបនេះ កាន់កាប់អាសនៈនៅអង្គការសហប្រជាជាតិ រយៈពេល១២ឆ្នាំ»។ 

សម្ដេចតេជោ ហ៊ុន សែន បានសម្ដែងសោកស្ដាយចំពោះបណ្ដាប្រទេសទាំងនេះ ដែលអះអាងថា​ ជាប្រទេសគោរពសិទ្ធិមនុស្ស និងលទ្ធិប្រជាធិបតេយ្យ ប៉ុន្តែបែរជាគាំទ្ររដ្ឋប្រហារ ១៨ មីនា ១៩៧០ និងបែរជាគាំទ្រអាសនៈពួកខ្មែរក្រហម នៅអង្គការសហប្រជាជាតិ។ ដូច្នេះ សម្ដេច តែងដាស់តឿនប្រទេសប្រជាធិបតេយ្យ ថា កុំកសាងកំហុសលើកទី៣ នៅកម្ពុជា ទុកឱ្យប្រជាជនកម្ពុជាទទួលបានសេចក្តីសុខ និងការអភិវឌ្ឍប្រទេសជាតិផង។  

ការថ្លែងបែបនេះរបស់សម្ដេចតេជោ ធ្វើឡើងក្នុងពិធីបើកមហាសន្និបាតសន្និសីទអន្តរជាតិនៃបណ្ដាគណបក្សនយោបាយនៅអាស៊ី (ICAPP) ដែលបានប្រព្រឹត្តទៅនៅវិមាន ៧មករា ទីស្នាក់ការកណ្តាលគណបក្សប្រជាជនកម្ពុជា នាព្រឹកថ្ងៃ ទី២២ ខែវិច្ឆិកា ឆ្នាំ២០២៤នេះ។ តាមរយៈមហាសន្និ​បាតសន្និសីទអន្តរជាតិនៃបណ្តាគណបក្សនយោបាយនៅអាស៊ី (ICAPP) នេះ បណ្តា​គណបក្សនយោ​បាយនៅអាស៊ីជិត៦០ បានជួបជុំគ្នានៅកម្ពុជា ដើម្បីជជែកលើប្រធានបទ «ការស្វែងរកសុខសន្តិភាព និងការផ្សះផ្សា»។

នៅចំពោះមុខថ្នាក់ដឹកនាំ ក៏ដូចជាតំណាងបណ្តាគណបក្សនយោបាយនៅអាស៊ី សម្ដេចតេជោប្រធានគណបក្សប្រជាជនកម្ពុជា បានសង្កត់ធ្ងន់ថា រយៈពេលប៉ុន្មានឆ្នាំចុងក្រោយមកនេះ បញ្ហា «សិទ្ធិមនុស្ស» ត្រូវបានគេប្រើប្រាស់ជាឧបករណ៍នយោបាយ ដើម្បីផ្ដួលរំលំរាជរដ្ឋាភិបាលកម្ពុជា ដែលជាប់ឆ្នោតតាមបែបប្រជាធិបតេយ្យ និងស្របច្បាប់។ ក្នុងនោះ បដិវត្តពណ៌មួយ ត្រូវបានប៉ុនប៉ងធ្វើឡើងដើម្បីផ្ដួលរំលំរាជរដ្ឋាភិបាលដឹកនាំដោយគណបក្សប្រជាជនកម្ពុជា តាមរយៈការប្រើហ្វូងមនុស្សមកផ្ដួលរំលំ។ ប៉ុន្តែ បដិវត្តពណ៌នេះតែងបរាជ័យ ដោយសារមិនទទួលបានការគាំទ្រពីមហាជន និងដោយមានវិធានការទប់ស្កាត់របស់រាជរដ្ឋាភិបាល៕

អត្ថបទ៖ ធឿន វ៉ាន់សុង

The post សម្ដេច ហ៊ុន សែន ប្រាប់ប្រទេសដែលតាំងខ្លួនជាបិតា​ប្រជាធិបតេយ្យ កុំសាងកំហុសបន្តទៀតលើកម្ពុជា appeared first on Kampuchea Thmey Daily.

លោកលើកឡើងបែបនេះ នៅក្នុងកិច្ចពិភាក្សាថ្នាក់ជាតិរវាងនគរបាលជាតិ និងអ្នកសារព័ត៌មានស្ត្រី នៅថ្ងៃទី៧ ខែតុលា ឆ្នាំ២០២៤ ដែលរៀបចំឡើងដោយអង្គការមណ្ឌលព័ត៌មានស្ត្រីកម្ពុជា (WMC) ស្តីពីសុវត្ថិភាព និងសេរីភាពបញ្ចេញមតិ ដើម្បីឱ្យកាន់តែមានភាពស្និទ្ធស្នាល និងយល់គ្នាកាន់តែច្បាស់រវាងអ្នកសារព័ត៌មានស្រ្តី និងនគរបាលជាតិ។

ឧត្តមសេនីយ៍ឯក ជួន ណារិន្ទ ថា នៅក្នុងបរិបទសង្គមលទ្ធិប្រជាធិបតេយ្យ តួនាទីរបស់អ្នកសារព័ត៌មាន គឺពិតជាមិនអាចមើលរំលងដាច់ខាត ដោយលោកបានសង្កត់ធ្ងន់ថា អ្នកសារព័ត៌មានទាំងអស់ ជាពិសេសអ្នកសារព័ត៌មានស្ត្រី គឺជាសសរស្តម្ភសំខាន់នៃសង្គមប្រជាធិបតេយ្យ ដែលតែងតែឈរនៅជួរខាងមុខ បំពេញភារកិច្ចដោយមិនខ្លាចនឿយហត់ មិនបំភ្លៃការពិត និងផ្តល់ព័ត៌មានមិនលំអៀងដល់ពលរដ្ឋ។ មិនតែប៉ុណ្ណឹង អ្នកសារព័ត៌មានអាជីព ដែលគោរពវិជ្ជាជីវៈ គឺប្រៀបជាកញ្ចក់ឆ្លុះបញ្ចាំងការពិតនៅក្នុងសង្គមបច្ចុប្បន្ន។​

លោក ជួន ណារិន្ទ សំណូមពរដល់អ្នកសារព័ត៌មានទ បន្តចូលរួមលើកស្ទួយវិស័យព័ត៌មានដោយប្រកាន់ខ្ជាប់ខ្ជួននូវវិជ្ជាជីវៈរបស់ខ្លួន ព្រមទាំងចូលរួមទប់ស្កាត់ និងលុបបំបាត់ព័ត៌មានក្លែងក្លាយ ព័ត៌មានមិនពិត ការបំពុលសង្គម ការប្រមាថ និងញុះញុងដែលបង្កផលបះពាល់ដល់ប្រទេសជាតិទាំងមូល។

យ៉ាងណាមិញ​ ទោះបីវិស័យសារព័ត៌មាននៅកម្ពុជាមានភាពល្អប្រសើរក៏ដោយ លោក ជួន ណារិន្ទ ក៏បានមើលឃើញពីចំណុចខ្វះខាតមួយចំនួនលើវិស័យនេះ ដែលរារាំងដល់កិច្ចសហប្រតិបត្តិការរបស់នគរបាលជាតិ និងអ្នកសារព័ត៌មានជាស្ត្រីដូចជា ការយល់ច្រឡំចំពោះគ្នា មិនទុកចិត្តចគ្នា ដែលបង្កជាភាពតានតឹង និងបញ្ហាផ្សេងៗរវាងគ្នា។ លោកបន្តថា បញ្ហាទាំងអស់នេះ មិនមែនសម្រាប់តែកម្ពុជានោះទេ ពោល គឺសូម្បីនៅតាមបណ្តាប្រទេសនានាលើពិភពលោកក៏មានបញ្ហានេះដែរ ដូចនេះទើបទាមទារឱ្យមានកិច្ចពិភក្សា ប្រាស្រ័យទាក់ទងគ្នា និងយល់ពីគ្នាទៅវិញទៅមកឱ្យបានច្រើនផងដែរ។

ជាមួយគ្នានេះ តាមរយៈកិច្ចពិភាក្សាថ្នាក់ជាតិរវាងនគរបាលជាតិ និងអ្នលសារព័ត៌មានជាស្ត្រីនេះ លោករំពឹងថា អ្នកសារព័ត៌មានជាស្ត្រី និងមន្ត្រីនគរបាលជាតិ និងមានកិច្ចសហប្រតិបត្តិគ្នាកាន់តែល្អប្រសើរ យោគយល់គ្នា តាមរយៈកិច្ចពិភាក្សា ការផ្លាស់ប្តូរ និងចែករំលែកបទពិសោធទៅវិញទៅមក៕

ដោយ៖ អុន ស្រីមាន

The post លោក ជួន ណារិន្ទ៖ អ្នកសារព័ត៌មានស្ត្រី ជាសសរស្តម្ភសំខាន់ក្នុងសង្គមប្រជាធិបតេយ្យដែលបំពេញការងារឈរលើការពិត appeared first on Kampuchea Thmey Daily.

នេះជាការលើកឡើងរបស់លោក ឃួង ស្រេង អភិបាលរាជធានីភ្នំពេញ ខណៈដែលលោក និងភរិយាព្រមទាំងក្រុមគ្រួសារ បានអញ្ជើញទៅបោះឆ្នោត ជ្រើសរើសតំណាងរាស្ត្រ នីតិកាលទី ៧ កាលពីព្រឹកថ្ងៃទី ២៣ កក្កដា ឆ្នាំ ២០២៣នេះ នៅការិយាល័យបោះឆ្នោត ស្ថិតក្នុងសង្កាត់ទួលសង្កែទី ២ ខណ្ឌឬស្សីកែវ រាជធានីភ្នំពេញ។

លោក ឃួង ស្រេង មានប្រសាសន៍ថា នៅព្រះរាជាណាចក្រកម្ពុជា ការអនុវត្តនៅលិទ្ធិប្រជាធិបតេយ្យសេរីពហុបក្ស មានភាពរឹងមាំ ដោយសារតែប្រជាពលរដ្ឋយល់ច្បាស់ អំពីគោលការណ៍របស់គណៈកម្មាធិការជាតិរៀបចំការបោះឆ្នោត (គជប) ពួកគាត់មានជំនឿលើការដឹកនាំរបស់រាជរដ្ឋាភិបាល។

លោកថា ក្រោមម្លប់សន្តិភាព ប្រជាធិបតេយ្យនៅកម្ពុជាកាន់តែភាពមានភាពរឹងមាំពីអាណត្តិមួយទៅអាណត្តិមួយ។ ជាក់ស្ដែងនៅពេលនេះ សន្តិសុខ និងសណ្ដាប់ធ្នាប់របៀបរៀបសាធារណៈ មានភាពល្អប្រសើរ ប្រជាពលរដ្ឋជឿទុកចិត្តនិងសប្បាយរីករាយ។

លោក ឃួង ស្រេង បានបន្តថា លទ្ធិប្រជាធិបតេយ្យនៅកម្ពុជា ត្រូវបានទទួលស្គាល់នៅលើពិភពលោក ដែលគ្រប់ភាគីពាក់ព័ន្ធជាច្រើន មកសង្កេតការណ៍បោះឆ្នោតនៅកម្ពុជា ហើយភាគីពាក់ព័ន្ធខ្លះ បានមករៀនសូត្រពីប្រជាធិបតេយ្យនៅកម្ពុជាថែមទៀតផង។ លោក ឃួង ស្រេង ក្នុងឱកាសនោះ បានអំពាវនាវឲ្យប្រជាពលរដ្ឋ ទៅចូលរួមបោះឆ្នោតទាំងអស់គ្នា និងជូនពរប្រជាពលរដ្ឋមានសុវត្ថិភាពគ្រប់គ្នាផងដែរ៕

អត្ថបទ៖ ស្រីរ័ត្ន

The post លោក ឃួង ស្រេង ៖ ក្រោមម្លប់សន្តិភាព ប្រជាធិបតេយ្យនៅកម្ពុជាកាន់តែរឹងមាំ appeared first on Kampuchea Thmey Daily.

ក្នុងឱកាសនោះ សម្តេចក្រឡាហោម ស ខេង បានជម្រាបជូនអង្គប្រជុំថា យោងតាមរដ្ឋធម្មនុញ្ញ កម្ពុជាបានប្រកាន់យក របបនយោបាយដឹកនាំប្រទេសតាមបែបប្រជាធិបតេយ្យសេរីពហុបក្ស ហើយមេដឹកនាំប្រទេសត្រូវជ្រើសរើសតាមរយៈការបោះឆ្នោតដោយសេរី ត្រឹមត្រូវ និងយុត្តិធម៌ ស្របតាមគោលការណ៍មានចែងក្នុងរដ្ឋធម្មនុញ្ញ ច្បាប់ និងបទដ្ឋានគតិយុត្តជាធរមាន។

សម្ដេចក្រឡាហោម បានបញ្ជាក់ថា តាមរយៈដំណើរការប្រជាធិបតេយ្យសេរីពហុបក្សដ៏រឹងមាំ ប្រជាពលរដ្ឋកម្ពុជាបានប្រើប្រាស់សិទ្ធិអំណាចរបស់ខ្លួនតាមច្បាប់កំណត់ ដែលក្នុងនាមជាពលរដ្ឋល្អ និងជាម្ចាស់ប្រទេសជាតិ ប្រជាពលរដ្ឋកម្ពុជាបានចេញទៅបោះឆ្នោតជ្រើសរើសតំណាងរបស់ខ្លួន ដើម្បីដឹកនាំប្រទេសជាតិទាំងនៅថ្នាក់ជាតិ​ និងថ្នាក់ក្រោមជាតិ។

សម្ដេចក្រឡាហោម ស ខេង បញ្ជាក់បន្ថែមថា ទន្ទឹមនេះ កម្ពុជាបានចាត់តាំងរៀបចំឱ្យមានការបោះឆ្នោតជាទៀងទាត់ទៅតាមការកំណត់ នៃរដ្ឋធម្មនុញ្ញ និងច្បាប់ ដើម្បីជ្រើសរើសអ្នកដឹកនាំប្រទេសជាតិ តាមរយៈការបោះឆ្នោតជាសាកល និងបោះឆ្នោតជាអសាកល រួមមាន៖ ការបោះឆ្នោតជ្រើសតាំងតំណាងរាស្ត្រ ការបោះឆ្នោតជ្រើសតាំងសមាជិកព្រឹទ្ធសភា ការបោះឆ្នោតជ្រើសរើសក្រុមប្រឹក្សារាជធានី ខេត្ត ក្រុង ស្រុក ខណ្ឌ និងការបោះឆ្នោតជ្រើសរើសក្រុមប្រឹក្សាឃុំ សង្កាត់។

សម្ដេចក្រឡាហោម បានលើកឡើងថា ប្រជាពលរដ្ឋខ្មែរគ្រប់រូប ដែលបានបំពេញគ្រប់លក្ខខណ្ឌតាមការកំណត់ នៃច្បាប់ ក៏មានសិទ្ធិឈរឈ្មោះឱ្យគេបោះឆ្នោត ដើម្បីអាចក្លាយជាអ្នកដឹកនាំប្រទេសជាតិផងដែរ។ ប៉ុន្តែសម្ដេច បញ្ជាក់ថា ដើម្បីសម្រេចបានគោលបំណងដ៏ពិសិដ្ឋនៃលទ្ធិប្រជាធិបតេយ្យសេរីពហុបក្ស ជាពិសេសការជ្រើសរើសបានអ្នកដឹកនាំល្អសម្រាប់ជាតិ ប្រជាពលរដ្ឋដែលមានសិទ្ធិឈរឈ្មោះឱ្យគេបោះឆ្នោត មិនត្រឹមតែត្រូវបំពេញឱ្យបានគ្រប់លក្ខខណ្ឌកំណត់ដោយរដ្ឋធម្មនុញ្ញ និងច្បាប់ជាធរមានប៉ុណ្ណោះទេ តែចាំបាច់ត្រូវមានការទទួលខុសត្រូវក្នុងនាមជាពលរដ្ឋល្អ។  

ក្នុងន័យនេះ​ សម្ដេចក្រឡាហោម បានបញ្ជាក់ថា ពលរដ្ឋដែលមានបំណងឈរឈ្មោះឱ្យគេបោះឆ្នោត ត្រូវមានការទទួលខុសត្រូវខ្ពស់ចំពោះជាតិ មាតុភូមិ និងប្រជាជន ដោយត្រូវផ្ដើមចេញពីការអនុវត្តឱ្យបានខ្ជាប់ខ្ជួននូវសិទ្ធិបោះឆ្នោតរបស់ខ្លួន តាមរយៈការចេញទៅបោះឆ្នោត ដែលនេះជាករណីកិច្ចចម្បងរបស់ពលរដ្ឋល្អនៅក្នុងសង្គមប្រជាធិបតេយ្យ៕

ដោយ៖ ធឿន វ៉ាន់សុង

The post សម្ដេច ស ខេង៖ ប្រជាធិបតេយ្យសេរីពហុបក្សនៅកម្ពុជា បានចាក់ឫសយ៉ាងរឹងមាំ   appeared first on Kampuchea Thmey Daily.

លោក ចាន់ រតនា លើកឡើងដូច្នេះថា៖«លទ្ធិប្រជាធិបតេយ្យ និងសិទ្ធិមនុស្ស មិនមែនជាចំណាត់ខ្មាំងទៅលើបុគ្គលណាម្នាក់ ឬក្រុមណាមួយ ឬបក្សណាមួយ ដែលមិនគោរពច្បាប់ ឬធ្វើខុសច្បាប់នោះទេ»។ លោកថា នៅពេលដែលបុគ្គល ឬក្រុមណាមួយប្រព្រឹត្តសកម្មភាពផ្ទុយពីបទប្បញ្ញត្តិនៃច្បាប់ ឬធ្វើអ្វីមួយខុសនឹងច្បាប់តម្រូវ ហើយបែរជាយករឿងលទ្ធិប្រជាធិបតេយ្យមកដាក់ជាចំណាត់ខ្មាំង ដើម្បីបិទបាំងទោសកំហុសរបស់ខ្លួន គឺមិនមែនជាការត្រឹមត្រូវទេ។

ក្នុងន័យនេះ លោកអនុរដ្ឋលេខាធិការ បានបញ្ជាក់ថា កាលណានិយាយអំពីលទ្ធិប្រជាធិបតេយ្យ គេក៏ត្រូវនិយាយអំពីការអនុវត្តច្បាប់ ព្រោះថា លទ្ធិប្រជាធិបតេយ្យ និងការអនុវត្តច្បាប់ ត្រូវតែដើរទន្ទឹមជាមួយគ្នា ហើយបញ្ហានេះ ប្រទេសនានានៅលើពិភពលោកក៏អនុវត្តដូចគ្នានេះដែរ។  

មិនអាចនិយាយអំពីលទ្ធិប្រជាធិបតេយ្យ និងការគោរពសិទ្ធិមនុស្ស ដោយមិនគិតអំពីការអនុវត្តច្បាប់ ឬនីតិរដ្ឋបានឡើយ បើមិនដូច្នេះទេ វានឹងក្លាយជារឿងអនាធិបតេយ្យ។ ដូច្នេះ ប្រជាជនគ្រប់រូប គឺត្រូវស្ថិតនៅក្រោមច្បាប់ និងគោរពអនុវត្តច្បាប់ ហើយកុំយកលទ្ធិប្រជាធិបតេយ្យ ឬសិទ្ធិមនុស្ស គឺជាចំណាត់ខ្មាំង ដើម្បីបិទបាំងនូវកំហុសឆ្គងរបស់ខ្លួន។ នេះជាការបញ្ជាក់បន្ថែមរបស់អនុរដ្ឋលេខាធិការរូបនេះ៕

ដោយ៖ ធឿន វ៉ាន់សុង  

The post មន្ត្រីការបរទេស៖ ប្រជាធិបតេយ្យមិនមែនជាចំណាប់ខ្មាំងរបស់បក្សណាឡើយ appeared first on Kampuchea Thmey Daily.

ការបញ្ជាក់របស់អ្នកនាំពាក្យគណបក្សប្រជាជនកម្ពុជាបែបនេះ គឺក្រោយពីគណបក្សចំនួន២ ជាពិសេស ការអវត្តមានគណបក្សភ្លើងទៀនក្នុងការបោះឆ្នោតជ្រើសតាំងតំណាងរាស្ត្រ អាណត្តិទី៧ ឆ្នាំ២០២៣ខាងមុខ ដោយសារគណៈម្មាធិការជាតិរៀបចំការបោះឆ្នោត (គ.ជ.ប) បានបដិសេធមិនចុះបញ្ជីគណបក្សនេះសម្រាប់ការឈរឈ្មោះបោះឆ្នោត។ ក្រោយបក្សនេះ មិនអាចចូលរួមប្រកួតប្រជែងក្នុងការបោះឆ្នោតខាងមុខនេះបាន មានមជ្ឈដានមតិមួយចំនួនបានលើកឡើងថា កម្ពុជាមិនរំពឹងដើរតាមលទ្ធិប្រជាធិបតេយ្យឡើយ។

ត្រង់បញ្ហានេះ លោក សុខ ឥសាន បានឆ្លើយតបថា ការលើកឡើងទាំងនេះ គឺគ្រាន់តែជាការនិយាយដោយលម្អៀងខាងនយោបាយទៅរកគណបក្សប្រឆាំងប៉ុណ្ណោះ។ លោកបញ្ជាក់ថា ការដែលគណបក្សទាំង មិនអាចចូលរូមការបោះឆ្នោតបាន គឺជាកំហុសរបស់សាម៉ីគណបក្សខ្លួនឯង ដោយមិនបានបំពេញគ្រប់តាមលក្ខខណ្ឌតម្រូវរបស់ គ.ជ.ប ដែលមានកំណត់ក្នុងនីតិវិធី និងច្បាប់ស្ដីពីការបោះឆ្នោតនេះ។

បើតាមអ្នកនាំពាក្យគណបក្សកាន់អំណាចរូបនេះ បច្ចុប្បន្ន កម្ពុជាមានគណបក្សរហូតដល់ជាង៤០គណបក្ស ដែលបានចុះបញ្ជីនៅក្រសួងមហាផ្ទៃ ហើយព្រមជាមួយគ្នានេះ ការបោះឆ្នោតជាតិ អាណត្តិទី៧ខាងមុខ ក៏មានគណបក្សចំនួន១៨ បានចូលរួមប្រកួតប្រជែងក្នុងការបោះឆ្នោតនេះដែរ។ ដូច្នេះ លោក បានអះអាងថា បើទោះបីជាមិនមានការចូលរួមរបស់គណបក្សមួយ ឬពីរក្ដី ក៏មិនប៉ះពាល់ដល់ដំណើរការលទ្ធិប្រជាធិបតេយ្យ សេរីពហុបក្សនៅកម្ពុជានោះឡើយ៕

ដោយ៖ ធឿន វ៉ាន់សុង  

The post លោក សុខ ឥសាន៖ ការចោទកម្ពុជាដើរចេញពីលទ្ធិប្រជាធិបតេយ្យ គ្រាន់តែជាមតិលម្អៀងផ្នែកនយោបាយ appeared first on Kampuchea Thmey Daily.