កុំប្រហែសខ្លួន ពណ៌លាមកប្រាប់ពីជំងឺធ្ងន់ឬស្រាល

សាង ស្រីល័ក្ខ — Fri, 15 Sep 2023 01:43:53 +0000

តើអ្នកដឹងទេថា លាមកដែលត្រូវបានបញ្ចេញជារៀងរាល់ថ្ងៃអាចប្រាប់បានយ៉ាងច្រើន អំពីសុខភាពរបស់មនុស្ស? វាមិនគ្រាន់តែប្រាប់អំពីអាហារដែលយើងបរិភោគនោះទេ។ ប៉ុន្តែវាក៏ជាសញ្ញាព្រមានឲ្យយើងងាកមករកសុខភាពយើង ឬអាចប្រញាប់ទៅជួបគ្រូពេទ្យភ្លាមៗផងដែរ។

តើលាមកប្រភេទណាដែលធម្មតា? ជាទូទៅ នៅពេលដែលមនុស្សញ៉ាំអាហារច្រើនប្រភេទ រាងកាយនឹងបញ្ចេញលាមក ឬកាកសំណល់ជារៀងរាល់ថ្ងៃ។ ឬយ៉ាងហោចណាស់មិនលើសពី ២ថ្ងៃក្នុងមួយលើក ហើយមិនត្រូវប្រើកម្លាំងច្រើនដើម្បីរុញឡើយ។ ដូច្នេះវាត្រូវបានគេហៅថាចលនាពោះវៀនធម្មតា។

បន្ថែមពីលើការសង្កេតពេលវេលាដែលត្រូវបញ្ចេញ។ រូបរាងនៃលាមកមានសារៈសំខាន់ផងដែរក្នុងការជួយយើងវាយតម្លៃស្ថានភាពសុខភាព ដូច្នេះហើយបន្ទាប់ពីបន្ទោរបង់រួច អ្នកគួរតែសង្កេតមើលពណ៌ និងរូបរាងរបស់លាមកជារៀងរាល់ពេលមុននឹងសម្អាតវា។

១ លាមកមានរាងមូល និងរឹង

លាមកប្រភេទនេះមានរាងមូល និងរឹង។ វាជាសញ្ញាព្រមានថារាងកាយខ្សោះជាតិទឹក និងញ៉ាំអាហារដែលមិនមានជាតិសរសៃ ដំណោះស្រាយគឺត្រូវផឹកទឹកយ៉ាងហោចណាស់ ៨ កែវក្នុងមួយថ្ងៃ រួមជាមួយការញ៉ាំបន្លែ ផ្លែឈើ និងគ្រាប់ធញ្ញជាតិ ដើម្បីជួយបន្ថែមជាតិសរសៃដល់រាងកាយ។

២ លាមកមានពណ៌ក្រហម

លាមកក្រហមអាចបណ្តាលមកពីមូលហេតុ២យ៉ាង៖

– បរិភោគអាហារ ឬផ្លែឈើដែលមានពណ៌ក្រហម។

– មានឈាមនៅក្នុងខ្លួន។

ការញ៉ាំអាហារពណ៌ក្រហមដូចជា ប៉េងប៉ោះ ស្ត្របឺរី និងម្ទេសអាចធ្វើឲ្យលាមករបស់អ្នកឡើងក្រហម។ ប្រសិនបើអ្នកញ៉ាំអាហារដែលមានពណ៌ក្រហមនៅថ្ងៃនោះ ហើយលាមកទន់ និងធម្មតា វាអាចទៅរួចដែលថាពណ៌ក្រហមដែលមកជាមួយលាមកគឺជាសំណល់នៃអាហារដែលអ្នកញ៉ាំ។ ប៉ុន្តែក្នុងករណីដែលបង្ខំឲ្យបន្ទោរបង់ដោយប្រើកម្លាំងច្រើន។ លាមករឹង អាចបណ្តាលឲ្យហូរឈាមពីស្រទាប់រន្ធគូថ ឬការរហែកនៃរន្ធគូថ។ នេះនឹងបណ្តាលឲ្យមានបរិមាណតិចតួចនៃឈាមចេញមក ឬឆ្លងមេរោគលាមក។ ជួនកាលវាបណ្ដាលមកពីជំងឺឬសដូងបាតដែលដាច់រលាត់ធ្វើឲ្យហូរចេញមក ដូច្នេះហើយប្រសិនបើអ្នកមានអារម្មណ៍ថាឈាមដែលមកជាមួយលាមកគឺជាឈាមដែលមិនត្រូវបានស្រូបតាមធម្មតា។ អ្នកគួរតែទៅពិគ្រោះជាមួយវេជ្ជបណ្ឌិតជាបន្ទាន់ សម្រាប់ការធ្វើរោគវិនិច្ឆ័យបន្ថែម។

៣ លាមកមានពណ៌ខ្មៅ

លាមកខ្មៅគឺជាសញ្ញាព្រមាននៃភាពមិនប្រក្រតីនៅក្នុងរាងកាយ ដូចជាការហូរឈាមចេញពីសរីរាង្គខាងក្នុង ពោះវៀន និងប្រព័ន្ធរំលាយអាហារ។ ប៉ុន្តែក្នុងករណីខ្លះប្រសិនបើអាហារដែលមានជាតិដែកត្រូវបានបរិភោគ ឬការទទួលទានវីតាមីន និងជាតិដែកអាចធ្វើឲ្យលាមករឹង និងមានពណ៌ខ្មៅផងដែរ ដូច្នេះហើយអ្នកគួរចំណាំអាហារដែលអ្នកញ៉ាំផងដែរ ។

៤ លាមកមានពណ៌ស្លេកទៅជាពណ៌ស

ជាធម្មតា លាមករបស់មនុស្សគួរតែមានពណ៌លឿងទៅពណ៌ត្នោតបន្តិច។ ក្នុងករណីដែលលាមកមានពណ៌ស្លេក វាអាចបណ្តាលមកពីមុខងារថ្លើមខុសប្រក្រតី។

៥ លាមកមានពណ៌បៃតង

សង្កេតមើលថាតើអ្នកញ៉ាំបន្លែស្លឹកបៃតងច្រើននៅថ្ងៃនោះឬអត់។ ដោយសារតែបន្លែស្លឹកបៃតងអាចធ្វើឲ្យលាមករបស់អ្នកមានពណ៌បៃតង។ ហើយបន្លែខ្លះងាយរំលាយ ដូច្នេះលាមកនៅតែមានពណ៌បៃតងដូចបន្លែដែលអ្នកញ៉ាំ។

នៅពេលអ្នកសង្កេតដោយប្រុងប្រយ័ត្ន អ្នកនឹងឃើញវា។ ករណីលាមកមានពណ៌ខុសៗគ្នាដូចជាក្រហម ទឹកក្រូច ឬបៃតង ជួនកាលវាកើតចេញពីពណ៌នៃអាហារដែលបានញ៉ាំ។ ប៉ុន្តែប្រសិនបើមានពណ៌ខ្មៅ ស្លេក ហើយរួមផ្សំនឹងដុំពករឹង ឬរាវខ្លាំងពេកក៏មិនមានដែរ ។ ប្រសិនបើលាមកមានសភាពបែបនេះញឹកញាប់ វាអាចជាសញ្ញាព្រមាននៃជំងឺផ្សេងៗដូចជាឬសដូងបាត មហារីកពោះវៀនធំជាដើម។ ដូច្នេះចាប់ពីពេលនេះតទៅ ពេលបន្ទោសបង់រួចរាល់ កុំភ្លេចសង្កេតមើលជាមុនសិន៕

ប្រែសម្រួល៖ សាង ស្រីល័ក្ខ

ចុចអាន៖តើអ្នកដឹងទេ? ផឹកភេសជ្ជៈញឹកញាប់ រងជំងឺពុកឆ្អឹងឥតដឹងខ្លួន

The post កុំប្រហែសខ្លួន ពណ៌លាមកប្រាប់ពីជំងឺធ្ងន់ឬស្រាល appeared first on Kampuchea Thmey Daily.

បង្គន់អភិជនអាយុកាល ២៥០០ ឆ្នាំ នៅទីក្រុងហ្ស៊េរុយសាឡិម សុទ្ធតែលាមកមនុស្សឈឺ

Boa Sokunveary — Sun, 28 May 2023 03:52:40 +0000

ជីកឃើញបង្គន់បុរាណរបស់អភិជនចំនួនពីរនៅទីក្រុងហ្ស៊េរុយសាឡិមទើបដឹងថា អ្នកប្រើនៅយុគសម័យដែកមានសុខភាពមិនសូវល្អប៉ុន្មានទេ ។ ក្នុងការស្រាវជ្រាវគេរកឃើញ ដាមដានមេរោគបង្កប៉ារ៉ាស៊ីតនៅក្នុងឧបករណ៍ជីកបង្គន់ថ្មចំនួនពីរ ហើយមេរោគដែលគេរកឃើញមានឈ្មោះថា Giardia duodenalis ជាជំងឺបណ្ដាលឲ្យមនុស្សរាក ឈឺពោះ និងស្រកគីឡូដ៏ពេញនិយមកាលជំនាន់នោះ ។

ដុកទ័រ Piers Mitchell មានប្រសាសន៍ថា “រោគរាកមួលនេះឆ្លងតាមទឹក ឬអាហារដែលប៉ះពាល់លាមកអ្នកជំងឺ ហើយពួកយើងសង្ស័យថាវាគឺជាបញ្ហាធំក្នុងទីក្រុងពីមុនដោយសារចំនួនប្រជាជនច្រើន សីតុណ្ហភាពក្ដៅ និងសត្វរុយ ជាពិសេសបរិមាណទឹកមានកំណត់នារដូវក្ដៅតែម្ដង” ។ ជនរងគ្រោះដែលឈឺធ្ងន់ដល់បាត់បង់ជីវិតភាគច្រើនជាកុមារ ជួនកាលគាត់អាចឈប់លូតលាស់ អន់បញ្ញា ឬពិការក៏មាន ។

លាមកពីសម័យបុរាណបានផ្ដល់ព័ត៌មានសំខាន់ៗជាច្រើនសម្រាប់បុរាណវត្ថុវិទូ ពួកគេយកសំណាកលាមកមកពីកករជាប់លូក្រោមបង្គន់មកពិនិត្យនិងរកឃើញពងប៉ារ៉ាស៊ីតពោះវៀន ៤ ប្រភេទរួមមាន តេនញ៉ា ព្រូនទំពក់ ព្រូនមូល និងអៀនទៀតផង ។ ប៉ុន្តែមេរោគដែលបណ្តាលឱ្យកើតជំងឺរាកមួលគឺមានភាពផុយស្រួយ និងពិបាកពិនិត្យជាខ្លាំង នេះបើយោងតាមការសិក្សាថ្មីមួយ ។ យ៉ាងណាក្រុមការងារបានប្រើបច្ចេកទេសជីវម៉ូលេគុលហៅថា ELISA ដើម្បីជម្នះបញ្ហាខាងលើដោយជោគជ័យ ៕

ប្រភព ៖ CNN

ចុចអាន ៖ ការសិក្សារកឃើញថាមនុស្សសេពគ្រឿងញៀននៅអេស្ប៉ាញតាំងពី ៣ ពាន់ឆ្នាំមុនមកម្ល៉េះ

The post បង្គន់អភិជនអាយុកាល ២៥០០ ឆ្នាំ នៅទីក្រុងហ្ស៊េរុយសាឡិម សុទ្ធតែលាមកមនុស្សឈឺ appeared first on Kampuchea Thmey Daily.

លាមក Archives - Kampuchea Thmey Daily

កុំប្រហែសខ្លួន ពណ៌លាមកប្រាប់ពីជំងឺធ្ងន់ឬស្រាល

បង្គន់អភិជនអាយុកាល ២៥០០ ឆ្នាំ នៅទីក្រុងហ្ស៊េរុយសាឡិម សុទ្ធតែលាមកមនុស្សឈឺ