លិចទឹក Archives - Kampuchea Thmey Daily

អភិបាលខណ្ឌច្បារអំពៅ ដឹកនាំក្រុមការងារ ចុះពិនិត្យទីតាំងភូមិអូរអណ្តូង ១ ដែលរងការលិចលង់ធ្ងន់ធ្ងរ បន្ទាប់ពីភ្លៀងធ្លាក់យប់មិញ

អ៊ិន ពិសី — Wed, 19 Nov 2025 10:20:00 +0000

កាលពីព្រឹកថ្ងៃទី ១៩ ខែវិច្ឆិកា ឆ្នាំ ២០២៥ នេះ លោក ម៉ូវ ម៉ានិត អភិបាលខណ្ឌច្បារអំពៅ បានដឹកនាំក្រុមការងារបច្ចេកទេស និងម្ចាស់មូលដ្ឋានសង្កាត់ព្រែកប្រា ចុះពិនិត្យមើលទីតាំងភូមិអូរអណ្ដូង ១ ដែលរងគ្រោះជន់លិចលំនៅឋាន បន្ទាប់ពីភ្លៀងធ្លាក់មួយមេធំ កាលពីយប់មិញ។

តាមប្រភពពី លោក ស្លៃម៉ាន អលវី អនុប្រធានភូមិអូរអណ្តូង ១ បានឲ្យដឹងថា នៅព្រឹកថ្ងៃទី ១៩ នេះ លោក ម៉ូវ ម៉ានិត ដែលទើបនឹងទទួលតំណែង បានដឹកនាំក្រុមការងារបច្ចេកទេស និងអាជ្ញាធរពាក់ព័ន្ធ ចុះពិនិត្យភូមិសាស្ត្ររងការលិចលង់បន្ទាប់ពីភ្លៀងធ្លាក់ខ្លាំង កាលពីយប់ថ្ងៃទី ១៨ មក។

លោកអនុប្រធានភូមិ បានបន្តថា នៅពេលពិនិត្យទីតាំងរងការលិចលង់រួចមក លោកអភិបាលខណ្ឌ បានពិភាក្សាជាមួយក្រុមការងារ ដើម្បីរកវិធីរំដោះទឹកចេញពីទីតាំងដែលរងការលិចលង់។

លោក ម៉ូវ ម៉ានិត បានឲ្យកម្ពុជាថ្មីដឹងថា នៅពេលលោកចុះទៅដល់ទីតាំងដែលរងការលិចលង់ព្រឹកមិញនេះ លោកមានផែនការចំនួន ២ គឺ ទី១-ដាក់គ្រឿងចក្រកាយដីជាប្រឡាយសម្រាប់បង្ហូរទឹកឲ្យចូលទៅដៃព្រែក ស្ថិតនៅខាងត្បូងភូមិអណ្តូង ១ ហើយផែនការទី២ គឺ យកម៉ាស៊ីនចំនួន ២ គ្រឿងដើម្បីបូមទឹកពីតំបន់ដែលរងការលិចលង់ចូលទៅលូធំ។

លោកអភិបាលខណ្ឌ មានក្តីអាណិតអាសូរដល់ប្រជាពលរដ្ឋដែលរងការលិចលង់ដោយជំនន់ទឹកភ្លៀងនេះ ហើយលោកនឹងបន្តរិះរកមធ្យោបាយរំដោះទឹកចេញឲ្យបានលឿនបំផុត៕

អត្ថបទ ៖ នរា

The post អភិបាលខណ្ឌច្បារអំពៅ ដឹកនាំក្រុមការងារ ចុះពិនិត្យទីតាំងភូមិអូរអណ្តូង ១ ដែលរងការលិចលង់ធ្ងន់ធ្ងរ បន្ទាប់ពីភ្លៀងធ្លាក់យប់មិញ appeared first on Kampuchea Thmey Daily.

វិទ្យាល័យ ជា ស៊ីម តាកែវ រងការជន់លិចដោយជំនន់ទឹកភ្លៀង

sopheak khoun — Tue, 11 Oct 2022 06:11:10 +0000

ភ្លៀងធ្លាក់ក្នុងរយៈពេលប៉ុន្មានថ្ងៃកន្លងមកនេះ បានធ្វើឲ្យបរិវេណសាលាវិទ្យាល័យ ជា ស៊ីម តាកែវ ស្ថិតក្នុងក្រុងដូនកែវ ខេត្តតាកែវ កំពុងរងការជន់លិចដោយពិបាកឲ្យសិស្សានុ-សិស្សមករៀន។

ត្បិតថា ជុំវិញក្រុងដូនកែវ មានដីទំនាបសម្រាប់រំដោះទឹកចេញពីក្រុង ក៏ដូចជាបឹងទឹកតាម៉ុកយ៉ាងធំយ៉ាងណាក៏ដោយ រាល់ពេលមានភ្លៀងធ្លាក់ខ្លាំងលើសពី ៣ម៉ោងឡើងទៅ ប្រាដកណាស់នឹងលិចទីតាំងមួយចំនួន ក្នុងក្រុងដូនកែវ ដូចជាផ្សារធំតាកែវជាដើម។

ជាក់ស្ដែងនៅថ្ងៃទី ១១ ខែតុលា ឆ្នាំ ២០២២ ក្រោយភ្លៀងធ្លាក់យប់មិញយ៉ាងច្រើនរួចមក គេសង្កេតឃើញថា បរិវេណវិទ្យាល័យ ជា ស៊ីម តាកែវ ត្រូវបានទឹកជន់លិចសឹងតែត្រឹមជង្គង់ទៅហើយ ជាពិសេសទឹកនៅចាល់មិនទាន់ស្រកនោះទេ មកដល់ថ្ងៃត្រង់នាថ្ងៃអង្គារនេះ។

ក្រុមប្រជាពលរដ្ឋក្រុងដូនកែវ លើកឡើងថា តើអាចទេដែលថា មកពីអាជ្ញាធរពាក់ព័ន្ធ ខ្វះបច្ចេកទេសក្នុងការដាក់ប្រព័ន្ធ លូបង្ហូរទឹក ឬមិនបានមើលប្រព័ន្ធលូ សម្រាប់រំដោះទឹកចេញពីក្រុង ព្រោះបើងាកទៅមើលជុំវិញក្រុងដូនកែវ ភាគច្រើនសុទ្ធសឹងតែដីបឹង និងវាលទំនាបសម្រាប់រំដោះទឹកចេញ មិនគួរណាមានទឹកជន់លិចដូចនេះទេ៕

អត្ថបទ៖ វីរៈ

The post វិទ្យាល័យ ជា ស៊ីម តាកែវ រងការជន់លិចដោយជំនន់ទឹកភ្លៀង appeared first on Kampuchea Thmey Daily.

ខណ្ឌមានជ័យ រងការលិចលង់ដោយជំនន់ទឹកភ្លៀងមាន៤សង្កាត់

Kang Tola — Sat, 11 Jun 2022 11:02:43 +0000

ភ្នំពេញ ៖ តាមប្រភពច្បាស់ការណ៍បានឲ្យដឹងថា ក្នុងអំឡុងពេលភ្លៀងធ្លាក់ខ្លាំងកាលពីរសៀលថ្ងៃទី១០ខែមិថុនាម្សិលមិញ គឺមានសង្កាត់ចំនួន៤ក្នុងចំនួនទាំង៧ក្នុងមូលដ្ឋានខណ្ឌមានជ័យរាជធានីភ្នំពេញបានរងការលិចលង់ធ្ងន់ធ្ងរជាងគេ។

បើតាមការអះអាងពីលោក ជា សុខៃ ចៅសង្កាត់ចាក់អង្រែក្រោមបានកម្ពុជាថ្នី ដឹងនារសៀលថ្ងៃទី១១ខែមិថុនា ខណៈដែលរូបលោកបានដឹកនាំមន្ត្រីអាជ្ញាធរចុះស្តា សំរាមតាមមុខលូបានឲ្យដឹងថា ចាប់តាំងពីមានភ្លៀងធ្លាក់ខ្លាំងកាលពីម្សិលមិញមកគឺមកដល់រសៀលថ្ងៃនេះគឺមិនទាន់បានស្រកនៅឡើយ។ ក្នុងនោះទឹកបានហូរចូលតាមផ្ទះបងប្អូនប្រជាពលរដ្ឋរហូតដល់ប្រជាពលរដ្ឋខ្លះលោកបង្ខំចិត្តបិទទ្វារផ្ទះហើយទៅស្នាក់នៅជាមួយផ្ទះបងប្អូនជាបណ្តោះអាសន្ន។

លោក ជា សុខៃ បានបញ្ជាក់ថា មូលហេតុដែលបណ្តាលឲ្យមានការលិចលង់នេះគឺដោយសារកំណើនលំនៅឋានប្រជាពលរដ្ឋកាន់តែច្រើនហើយប្រព័ន្ធលូសព្វថ្ងៃមានទំហំតូចដូច្នេះហើយទើបលោកសម្រេចយកគ្រឿងចក្រចុះកាយប្រឡាយបង្ហូរទឹកចូលទៅបឹងដើម្បីទម្លាក់ទឹកចូលទៅព្រែកដែលស្ថិតនៅព្រំប្រទល់ខណ្ឌដង្កោ ទើបអាចរំដោះទឹកចេញកុំឲ្យលិចលង់ជាបន្ត។

លោក ជា សុខៃ បញ្ជាក់មកដល់ពេលនេះគឺមានសង្កាត់ចំនួន៤ក្នុងចំណោមសង្កាត់ទាំង៧ក្នុងមូលដ្ឋានខណ្ឌមានជ័យបានរងការលិចលង់ក្នុងនោះមានសង្កាត់ចាក់អង្រែក្រោម សង្កាត់ចាក់អង្រែលើ សង្កាត់បឹងទំពន់ នឹងសង្កាត់បឹងទំពន់១។ ហើយតាមបណ្តាសង្កាត់កំពុងចាត់តាំងកម្លាំងទាំងអស់ចុះស្តាប្រឡាយលូដើម្បីឲ្យទឹកបានហូរលឿន ខណៈស្ថានីយបូមទឹកកំពុងប្រើប្រាស់ម៉ាស៊ីនទាំងអស់ បូមទឹកចេញពីប្រឡាយធំឲ្យបានលឿននឹងឆាប់ស្រក។

តាមប្រភពពីមន្ត្រីប្រចាំការរបស់សាលាខណ្ឌមានជ័យបានឲ្យដឹងថា ក្នុងពេលនេះលោក ពេជ្រ កែវមុនី អភិបាលនៃគណអភិបាលខណ្ឌមានជ័យកំពុងដឹកនាំកម្លាំងអាជ្ញាធរចុះស្តាប្រឡាយលូតាមបណ្តាសង្កាត់ដើម្បីឲ្យទឹកបានហូលឿនឆាប់បានស្រក។ក្នុងនោះអាជ្ញាធរបានសំណូមពរដល់បងប្អូនប្រជាពលរដ្ឋបញ្ឈប់ការសំរាមដាក់មុខលូដែលជាហេតុធ្វើឲ្យស្ទះទឹកបង្កឲ្យលិចលង់លំនៅឋានបងប្អូនដែលប្រឈមនិងកើតជាមូសខ្លាទៀតផង៕

ដោយ ៖ នរា

The post ខណ្ឌមានជ័យ រងការលិចលង់ដោយជំនន់ទឹកភ្លៀងមាន៤សង្កាត់ appeared first on Kampuchea Thmey Daily.

រដ្ឋាករទឹកស្វយ័តភ្នំពេញ ផ្អាកការផ្គត់ផ្គង់ទឹកស្អាតនៅតំបន់ខណ្ឌមានជ័យ ពីថ្ងៃនេះរហូតដល់ជួសជុលរួចរាល់

Kang Tola — Tue, 29 Dec 2020 14:12:14 +0000

ភ្នំពេញ ៖ រដ្ឋាករទឹកស្វយ័តក្រុងភ្នំពេញបានធ្វើការផ្អាកផ្គត់ផ្គង់ទឹកស្អាតបណ្តោះអាសន្ន នៅសង្កាត់ចាក់អង្រែលើ និងចាក់អង្រែក្រោម ខណ្ឌមានជ័យ រាជធានីភ្នំពេញ ក្រោយការដ្ឋានខួងប៉ះចំបំពង់ទុយយោទំហំ២៥០មម បណ្ដាលឲ្យបែកធ្លាយ។

តាមសេចក្តីជូនដំណឹងរបស់រដ្ឋាករទឹកស្វយ័តក្រុងភ្នំពេញ បានឲ្យដឹងថា រដ្ឋាករបានធ្វើការផ្អាកផ្គត់ផ្គង់ទឹកស្អាតបណ្តោះអាសន្ន នៅសង្កាត់ចាក់អង្រែលើ និងចាក់អង្រែក្រោម ខណ្ឌមានជ័យ រាជធានីភ្នំពេញ ពោលតាមបណ្ដោយដងផ្លូវជាតិលេខ២ ។

ក្នុងនោះផងដែរ រដ្ឋាករទឹកស្វយ័តក៏បានបញ្ជាក់ផងដែរថា ផ្ទៃសេវាផ្អាកផ្គត់ផ្គង់ទឹកបណ្តោះអាសន្ន លើផ្លូវជាតិលេខ២ ចាប់ពីស្ពានព្រះមុនីវង្ស សង្កាត់ចាក់អង្រែលើ ខណ្ឌមានជ័យ រាជធានីភ្នំពេញ ដល់រង្វង់មូលព្រះនរាយណ៍ ក្រុងតាខ្មៅ។ ចំពោះរយៈពេល គឺនៅថ្ងៃអង្គារ ទី២៩ ខែធ្នូ ឆ្នាំ២០២០ ចាប់ពីម៉ោង ១៩និង០០នាទីយប់ រហូតដល់ជួសជុលរួចរាល់៕

The post រដ្ឋាករទឹកស្វយ័តភ្នំពេញ ផ្អាកការផ្គត់ផ្គង់ទឹកស្អាតនៅតំបន់ខណ្ឌមានជ័យ ពីថ្ងៃនេះរហូតដល់ជួសជុលរួចរាល់ appeared first on Kampuchea Thmey Daily.

លិចទឹក Archives - Kampuchea Thmey Daily

វិទ្យាល័យ ជា ស៊ីម តាកែវ រងការជន់លិចដោយជំនន់ទឹកភ្លៀង

ខណ្ឌមានជ័យ រង​ការ​លិចលង់​ដោយ​ជំនន់​ទឹកភ្លៀង​មាន​៤​សង្កាត់

ខណ្ឌមានជ័យ រងការលិចលង់ដោយជំនន់ទឹកភ្លៀងមាន៤សង្កាត់