បើតាមការបញ្ជាក់ពីលោក ជួន ឧត្តម នាយប៉ុស្តិ៍នរគបាលរដ្ឋបាលកោះដាច់ បានឱ្យដឹងថា នៅលើទូកស្មាច់ដែលបានលិចនោះមានមនុស្សក្មេងចាស់ ប្រុសស្រីរួមដំណើរលើទូកចំនួន ១៣នាក់ ស្រី៧នាក់។

គួររំលឹកផងដែរថា កាលពីវេលាម៉ោង ១០និង៣០នាទីព្រឹក ថ្ងៃទី២៣ ខែមីនា ឆ្នាំ២០២៦ មានករណីលិចទូកស្មាច់កណ្ដាលទន្លេ ក្នុងភូមិក្បាលកោះ សង្កាត់កោះដាច់ ខណ្ឌជ្រោយចង្វារ មានជនរងគ្រោះក្មេងចាស់ ប្រុសស្រីសរុប ១៣នាក់។ ក្នុងនោះមានមនុស្សចំនួន ៥នាក់ ត្រូវបានជួយសង្គ្រោះបានទាន់ពេលវេលា និង មនុស្សក្មេងចាស់ ប្រុសស្រី ៨នាក់ បានស្លាប់ក្នុងហេតុការណ៍លិចទូកស្មាច់ខាងលើនេះ។ ចំពោះមូលហេតុ ដោយសង្ស័យដឹកធ្ងន់ខ្លាំងពេក ព្រោះទូកស្មាច់មានសភាពតូចក៏បណ្ដាលឲ្យលិចទូកតែម្ដង។

បច្ចុប្បន្នសពទាំង៨នាក់ ត្រូវបានបញ្ជូនទៅអាជ្ញាធរឃុំពុកឬស្សី ស្រុកខ្សាច់កណ្តាល ខេត្តកណ្តាល ដើម្បីរៀបចំឯកសារប្រគល់សពជូនក្រុមគ្រួសារសាច់ញាតិយកធ្វើបុណ្យតាមប្រពៃណី៕ ដោយ ៖ អុឹងម៉េង

The post Update ៖ សពជនរងគ្រោះក្នុងករណីលិចទូក ទាំង៨នាក់នៅសង្កាត់កោះដាច់​ ត្រូវបានរកឃើញអស់ហើយគិតត្រឹមម៉ោង៨ព្រឹកនេះ appeared first on Kampuchea Thmey Daily.

តាមការចុះផ្សាយរបស់ VN Express, ទូក Wonder Sea ឬ Green Bay 58 ដឹកមនុស្ស៥៣នាក់ (ទេសចរ៤៨នាក់ និងនាវិក៥នាក់) បានលិចនៅឈូងសមុទ្រ Ha Long ពេលជួបព្យុះ បណ្តាលឲ្យក្រឡាប់លិច កាលពីរសៀលថ្ងៃសៅរ៍។

តាមកាលវិភាគ ទូកនេះនឹងដឹកទេសចរទៅលេងកោះ Cho Da, Dinh Huong, Ga Choi, Ti Top, រូងភ្នំ Sung Sot និង Luon ប៉ុន្តែជាអកុសលក៏ជួបហេតុការណ៍ដ៏អាក្រក់នេះតែម្តង។

ក្រៅពីអ្នកស្លាប់ នៅមានមនុស្ស៨នាក់ទៀតកំពុងបាត់ខ្លួន ខណៈ១១នាក់ ត្រូវជួយសង្គ្រោះបាន។ ជនរងគ្រោះភាគច្រើនគឺជាអ្នកក្រុងហាណូយ ហើយក្នុងនោះក៏មានកុមារជាង២០នាក់ផងដែរ ដែលជិះទូកជាមួយឪពុកម្តាយ។

ប្រតិបត្តិការស្វែងរកនិងជួយសង្គ្រោះកំពុងបន្ត ប៉ុន្តែដោយសារបញ្ហាអាកាសធាតុ ជាពិសេសរលកសមុទ្រធំៗ ទើបធ្វើឲ្យប្រតិបត្តិការជួបឧបសគ្គ៕

អត្ថបទ៖ សុខ សុវណ្ណ

ចុចអាន៖ មនុស្ស ១១ នាក់បាត់ខ្លួនក្នុងហេតុការណ៍លិចទូកនៅជិតកោះ Mentawai ប្រទេសឥណ្ឌូណេស៊ី

The post សោកនាដកម្មលិចទូកទេសចរណ៍នៅវៀតណាម រកឃើញមនុស្សស្លាប់ ដល់ ៣៤នាក់ appeared first on Kampuchea Thmey Daily.

យោងតាមសេចក្តីថ្លែងការណ៍rbsទីភ្នាក់ងារស្វែងរក និងជួយសង្គ្រោះកោះ Mentawai ឧបទ្ទវហេតុនេះបានកើតឡើងនៅម៉ោងប្រហែល ១១ព្រឹកថ្ងៃចន្ទ (ម៉ោងក្នុងស្រុក) ពេលដែលទូកកំពុងបើកនៅជិតកោះ Mentawai ដែលជាប្រជុំកោះដាច់ស្រយាលនៅភាគខាងលិចនៃកោះស៊ូម៉ាត្រា។ មនុស្ស​៧​នាក់​ត្រូវ​បាន​គេ​ជួយ​សង្គ្រោះ ខណៈ​១១​នាក់​ទៀត​នៅតែបាត់ខ្លួន​នៅឡើយ ។

មកដល់ពេលនេះក្រុមជួយសង្គ្រោះបានផ្តោតការខិតខំប្រឹងប្រែងស្វែងរករបស់ពួកគេលើតំបន់ជុំវិញកន្លែងគ្រោះថ្នាក់ ដោយមិនទាន់​មាន​មូលហេតុ​ផ្លូវការ​នៃ​គ្រោះថ្នាក់​នេះ​នៅឡើយ​ទេ​។ ប្រតិបត្តិការស្វែងរក និងជួយសង្គ្រោះកំពុងបន្ត ខណៈដែលក្រុមគ្រួសារអ្នកបាត់ខ្លួនកំពុងរង់ចាំព័ត៌មានថ្មីៗបន្តទៀត។

គួរបញ្ជាក់ថាគ្រោះថ្នាក់តាមទូក និងសាឡាងគឺជារឿងធម្មតានៅក្នុងប្រទេសឥណ្ឌូណេស៊ី ដែលជាប្រជុំកោះដ៏ធំដែលមានកោះប្រហែល ១៧,០០០ ដែលជារឿយៗបទបញ្ជាសុវត្ថិភាពត្រូវបានអនុវត្តន៍មិនសូវល្អ ហើយលក្ខខណ្ឌអាកាសធាតុមិនសូវអំណោយផល។

សោកនាដកម្មចុងក្រោយនេះក៏បានកើតឡើងបន្ទាប់ពីគ្រោះមហន្តរាយសមុទ្រនាពេលថ្មីៗនេះផងដែរដោយកាលពីដើមខែនេះ សាឡាងមួយបានលិចចេញពីកោះបាលី សម្លាប់មនុស្សយ៉ាងហោចណាស់ ១៨ នាក់។ កាល​ពី​ខែ​មីនា នាវា​មួយ​ទៀត​បាន​ក្រឡាប់​នៅ​កោះ​បាលី ដែល​បណ្តាល​ឲ្យ​ស្ត្រី​អូស្ត្រាលី​ម្នាក់​ស្លាប់។ ក្នុងឆ្នាំ ២០១៨ មនុស្សជាង ១៥០ នាក់បានលង់ទឹកស្លាប់នៅពេលដែលសាឡាងមួយបានលិចនៅក្នុងបឹង Toba ដែលជាបឹងមួយក្នុងចំណោមបឹងភ្នំភ្លើងជ្រៅបំផុតរបស់ពិភពលោកនៅកោះស៊ូម៉ាត្រា៕

អត្ថបទ៖ ប៊ុន សុភាព

The post មនុស្ស ១១ នាក់បាត់ខ្លួនក្នុងហេតុការណ៍លិចទូកនៅជិតកោះ Mentawai ប្រទេសឥណ្ឌូណេស៊ី appeared first on Kampuchea Thmey Daily.

ការ​រក​ឃើញ​នេះ​កាលពី​វេលា​ម៉ោង ៩ និង ៣០ នាទី​ព្រឹក ថ្ងៃ​ទី ២៨ ខែ​មិថុនា ឆ្នាំ ២០២៥ ដែល​មាន​ចម្ងាយ​ពី​កំពង់ចម្លង​កោះ​មាស ៣ គីឡូម៉ែត្រ ស្ថិត​នៅ​ភូមិ​កោះ​ប្រាក់ ឃុំ​ភូមិធំ ស្រុក​កៀនស្វាយ ខេត្ត​កណ្ដាល។

ជនរងគ្រោះ​ចំនួន ២ នាក់ រួមមាន ១-ឈ្មោះ ភោគ ផុន ភេទ​ប្រុស អាយុ ៧៧ ឆ្នាំ និង ឈ្មោះ ព្រុំ រ៉ុង ភេទ​ស្រី អាយុ ៧២ ឆ្នាំ មាន​ទីលំនៅ​កោះ​មាស ភូមិ​កោះ​ប្រាក់ ឃុំ​ភូមិធំ ស្រុក​កៀនស្វាយ ខេត្ត​កណ្តាល។ បច្ចុប្បន្ន សព​យាយ​តា​ទាំង ២ នាក់ ត្រូវ​បាន​យក​ទៅ​តម្កល់​នៅ​វត្ត​កោះ​ប្រាក់ ដើម្បី​ធ្វើ​បុណ្យ​តាម​ប្រពៃណី។

គួរ​បញ្ជាក់​ផង​ដែរ​ថា កាលពី​វេលា​ម៉ោង ២ រំលង​អធ្រាត្រ​ឈាន​ចូល​ថ្ងៃ​ទី ២៧ ខែ​មិថុនា ឆ្នាំ ២០២៥ មាន​ករណី​លិច​ទូកដ នៅ​កំពង់ចម្លង​កោះ​មាស បណ្តាល​ឲ្យ​បាត់​ខ្លួន​យាយ​តា​ចំនួន ២ នាក់ ដែល​បាន​គេង​សម្រាក​នៅ​លើ​នោះ៕

អត្ថបទ ៖ រដ្ឋា

The post រកឃើញសពម្ចាស់ទូកដ ២ នាក់ ប្ដីប្រពន្ធ បាត់ខ្លួនក្នុងហេតុការណ៍លិចទូក ម្សិលមិញ appeared first on Kampuchea Thmey Daily.

ឆ្មាំឆ្នេរសមុទ្រ​ប្រទេសក្រិច បានឲ្យដឹងថា ឧបទ្ទវហេតុនេះ បានកើតឡើង ខណៈពេលដែលទូកល្បឿនលឿនកំពុងព្យាយាមឆ្លងដែនដ៏គ្រោះថ្នាក់ និងព្យាយាមគេចពីនាវាល្បាតដែលបណ្តាលឱ្យជនចំណាកស្រុក១៨​នាក់​ធ្លាក់ចូលទៅក្នុងសមុទ្រ​ និង​ត្រូវ​​បានជួយសង្គ្រោះ​។

រដ្ឋមន្ត្រីដឹកជញ្ជូនលោក Christos Stylianides បាននិយាយថា កុមារម្នាក់ស្ថិតក្នុងចំណោមអ្នកស្លាប់ទាំង​នោះ​។ អ្នកនៅរស់រានមានជីវិតចំនួន៨នាក់ត្រូវបានបញ្ជូនទៅកាន់មន្ទីរពេទ្យ ហើយ​ម្នាក់ក្នុងចំណោមពួកគេ​មាន​ស្ថានភាពធ្ងន់ធ្ងរ ចំណែក​អ្នក​នៅ​រស់​ពីរ​នាក់​ត្រូវ​បាន​ចាប់​ខ្លួន​ពី​បទ​រត់ពន្ធ​មនុស្ស។

លោក​ថា​៖«​គួរ​ឲ្យ​សោកស្ដាយ បណ្តាញ​ជួញដូរ​មនុស្ស​ដ៏​ឃោរឃៅ​បាន​ពលី​ជីវិត​មនុស្ស​ប្រាំបី​នាក់​ក្នុង​នោះ​មាន​កុមារ​តូច​ម្នាក់​ក្នុង​ការ​ស្វែង​រក​ប្រាក់​ចំណេញ​ខុស​ច្បាប់។ យើងប្តេជ្ញាដោះស្រាយយ៉ាងម៉ឺងម៉ាត់នូវបញ្ហាចម្បងនៃការធ្វើចំណាកស្រុកខុសច្បាប់ ដែលលើសពីសមត្ថភាពរបស់សហភាពអឺរ៉ុបក្នុងការដោះស្រាយ»។

កោះ Rhodes គឺជាកោះមួយក្នុងចំណោមកោះក្រិកធំៗជាច្រើនដែលមានទីតាំងនៅជិតឆ្នេរសមុទ្រនៃប្រទេសទួរគី ស្ថិតនៅលើផ្លូវរត់ពន្ធខុសច្បាប់ដ៏មមាញឹកនៅភាគខាងកើតមេឌីទែរ៉ាណេ។

គួរបញ្ជាក់ថា ហេតុការណ៍នេះគឺជាឧបទ្ទវហេតុសម្លាប់មនុស្សលើកទីពីរហើយពាក់ព័ន្ធនឹងជនចំណាកស្រុកក្នុងពេល២សប្ដាហ៍នេះ។ កាលពីចុងសប្តាហ៍ ជនចំណាកស្រុក​៧នាក់ត្រូវបានសម្លាប់ និងរាប់សិបនាក់ទៀតបានបាត់ខ្លួន បន្ទាប់ពីទូកមួយនៅភាគខាងត្បូងនៃកោះ Crete ដោយមានជនចំណាកស្រុកជាង២០០នាក់ត្រូវបានជួយសង្គ្រោះ។

យោងតាមទិន្នន័យរបស់រដ្ឋាភិបាលបានឱ្យដឹងថា ចំនួនជនចំណាកស្រុកដែលធ្វើដំណើរខុសច្បាប់ទៅកាន់ប្រទេសក្រិក ត្រូវបានគេរំពឹងថានឹងកើនឡើងដល់ ៦០០០០នាក់នៅឆ្នាំនេះ ដោយជនជាតិស៊ីរីមានចំនួនច្រើនជាងគេ បន្ទាប់មកគឺជនជាតិអាហ្វហ្គានីស្ថាន អេហ្ស៊ីប អេរីទ្រា និងប៉ាឡេស្ទីន៕

អត្ថបទ៖ ប៊ុន សុភាព

The post ស្លាប់៨នាក់ក្នុងហេតុការណ៍ទូកដឹកជនចំណាកស្រុកលិច​ក្បែរកោះប្រទេសក្រិក appeared first on Kampuchea Thmey Daily.

បើតាមមន្ត្រីក្នុងតំបន់បានឲ្យដឹងថា មនុស្សជាង១០០​នាក់ ត្រូវបានជួយសង្គ្រោះ ខណៈកិច្ចខិតខំប្រឹងប្រែងស្វែងរក និងជួយសង្គ្រោះកំពុងបន្ត។

នៅពេលកើតហេតុនាវាកងទ័ពជើងទឹកឥណ្ឌាមួយគ្រឿងបានបាត់បង់ការគ្រប់គ្រង ខណៈពេលដែលកំពុងធ្វើការសាក​ល្បង​ម៉ាស៊ីននៅកំពង់ផែ Mumbai ដោយសារបញ្ហាម៉ាស៊ីន បានបណ្ដាលឲ្យទៅបុកជាមួយសាឡាងដឹកអ្នកដំណើរ បន្ទាប់មកបានក្រឡាប់លិចចូលទឹក។ សាឡាងដឹកអ្នកដំណើរឯកជននេះមានឈ្មោះថា Neelkamal កំពុងធ្វើដំណើរឆ្ពោះទៅកាន់រូងភ្នំ Elephanta ដែលជាគោលដៅទេសចរណ៍ដ៏ពេញនិយមមួយនៅឆ្នេរសមុទ្រ Mumbaiមុនពេលកើតហេតុ។

បើតាមកងទ័ពជើងទឹកបាននិយាយថា អ្នកស្លាប់ទាំង១៣​នាក់ រួមមានទាហានជើងទឹកម្នាក់ និងតំណាងពីរនាក់នៃក្រុមហ៊ុនផលិតឧបករណ៍ ដែលចូលរួមក្នុងការសាកល្បង។

ពាក់ព័ន្ធបញ្ហានេះលោក Modi ក៏បានប្រកាសផ្តល់ប្រាក់ឧបត្ថម្ភចំនួន ២០ម៉ឺន​រូពី (ស្មើនឹង ២៣៥៦.៦៣​ដុល្លារ) ពីមូល​និធិ​សង្គ្រោះជាតិរបស់នាយករដ្ឋមន្ត្រីសម្រាប់សាច់ញាតិបន្ទាប់របស់អ្នកស្លាប់ក្នុងឧបទ្ទវហេតុលិចទូកនេះ ហើយអ្នករបួសនឹងទទួលបាន ៥០០០០រូពី៕

អត្ថបទ៖ ប៊ុន សុភាព

The post នាវាកងទ័ពជើងទឹកឥណ្ឌាបុកសាឡាងដឹកអ្នកដំណើរស្លាប់មនុស្ស១៣នាក់ appeared first on Kampuchea Thmey Daily.

អ្នកជិះលើទូកចំនួន​២៤នាក់ត្រូវបានជួយសង្គ្រោះ ដែលខ្លះកំពុងស្ថិតក្នុងមន្ទីរពេទ្យនៅឡើយ ប៉ុន្តែមនុស្សរាប់សិបនាក់ផ្សេងទៀតនៅតែបាត់ខ្លួននៅឡើយ។ ក្រុមអ្នកមុជទឹកនៅតែស្វែងរកអ្នកដែលបានបាត់ខ្លួន ប៉ុន្តែក្តីសង្ឃឹមកំពុងធ្លាក់ចុះចំពោះលទ្ធភាពនៃការស្វែងរកអ្នកនៅរស់រានមានជីវិត ខណៈអាជីវករ​ផ្សារ​និង​កម្មករ​កនៅសិដ្ឋានភាគច្រើនស្ថិត​ក្នុង​ចំណោម​អ្នក​ដំណើរ។

ទូកនេះកំពុងធ្វើដំណើរពីរដ្ឋ Kogi ​ទៅ​​ភាគកណ្តាលប្រទេសនីហ្សេរីយ៉ា និង​ទៅ​ប្រទេស​​ជិត​ខាង​នីហ្សេសម្រាប់​ដំណើរ​​​កម្សាន្ត​នៅ​​ទីផ្សារ​។ មូលហេតុ​នៃ​គ្រោះថ្នាក់​នេះ​គេ​មិនទាន់​ដឹង​នៅឡើយ​ទេ ប៉ុន្តែ​មានអ្នកស្លាប់ច្រើនគឺដោយសារអ្នក​ធ្វើ​ដំណើរ​ជាច្រើន​ប្រហែលជា​មិន​បាន​ពាក់​អាវ​ពោងការពារ​។

ឧបទ្ទវហេតុ​កើត​ឡើង​​ចុងក្រោយបង្អស់នៃឧប្បត្តិហេតុទូកលើផ្លូវទឹកក្នុងប្រទេសនេះ។ ទោះបីជាមានការណែនាំអំពីសុវត្ថិភាព​ក៏ដោយ ក៏ច្បាប់កម្រត្រូវបានអនុវត្ត ហើយមានមនុស្សតិចណាស់ដែលទទួលខុសត្រូវ។ វាក៏​ជា​លើក​ទី​បី​ហើយ​ដែល​ទូក​ដឹក​អ្នក​ដំណើរ​បានលិចក្នុង​ប្រទេស​នីហ្សេរីយ៉ា​ក្នុង​រយៈ​ពេល៦០ថ្ងៃ​ចុង​ក្រោយ​នេះ។

កាល​ពី​ខែ​មុន ទូក​កាណូត​ឈើ​ដែល​ផ្ទុក​អ្នក​ដំណើរ​ជិត ៣០០​នាក់ បាន​ក្រឡាប់ និង​លិច​នៅ​កណ្តាល​ទន្លេ Niger សម្លាប់​មនុស្ស​ជិត ២០០​នាក់។ ជាមួយគ្នានេះទើបតែសប្តាហ៍មុន មនុស្សប្រាំនាក់បានស្លាប់ដោយសារទូកពីរបានបុកគ្នានៅរដ្ឋ Delta ភាគខាងត្បូងប្រទេសនីហ្សេរីយ៉ា៕

អត្ថបទ៖ ប៊ុន សុភាព

The post មនុស្ស៥៤នាក់​ស្លាប់និងរាប់សិបនាក់បាត់ខ្លួនក្នុងហេតុការណ៍លិចទូកនៅនីហ្សេ​រី​យ៉ា appeared first on Kampuchea Thmey Daily.

អភិបាលនៃតំបន់សមុទ្រក្រហម លោក Amr Hanafy បាននិយាយថា ក្រុមអ្នកជួយសង្គ្រោះបានជួយសង្គ្រោះមនុស្ស ២៨នាក់ពីនាវា​ដឹក​​ទេសចរ​ ដែលមានឈ្មោះថា «Sea Story»​ នៅភាគខាងត្បូងនៃទីក្រុងឆ្នេរសមុទ្រ Marsa Alam ហើយអ្នកខ្លះត្រូវបានជួយសង្គ្រោះតាមយន្តហោះដើម្បី​នាំទៅ​​ទទួលការព្យាបាល។

លោក Hanafy បាននិយាយថា អ្នកទេសចរ​៣១នាក់ ដែលមានសញ្ជាតិផ្សេងៗគ្នា ស្ថិតនៅលើទូក រួមជាមួយនឹងជន​ជាតិអេហ្ស៊ីប១៣នាក់ ដែលរួមមានសមាជិកនាវិកផងដែរ ខណៈទូកនេះបានចាកចេញពី Marsa Alam សម្រាប់ការធ្វើដំណើររយៈពេលប្រាំថ្ងៃ។

ខណៈដែលនៅពេលកើតហេតុមានជនបរទេសនៅលើទូកប្រវែង៣៤ម៉ែត្រ ដែលជាកម្មសិទ្ធិរបស់ជនជាតិអេហ្ស៊ីបនេះ រួមមានជនជាតិអាមេរិក បែលហ្ស៊ិក អង់គ្លេស ចិន ហ្វាំងឡង់ អាល្លឺម៉ង់ អៀរឡង់ ប៉ូល ស្លូវ៉ាគី អេស្បាញ និងស្វីស។ មកដល់ពេលនេះយោធាអេហ្ស៊ីបកំពុងសម្របសម្រួលប្រតិបត្តិការជួយសង្គ្រោះជាមួយអាជ្ញាធរក្នុងតំបន់។

ការិយាល័យបរទេសរបស់ចក្រភពអង់គ្លេសបាននិយាយថា ខ្លួនកំពុងផ្តល់ការគាំទ្រផ្នែកកុងស៊ុលដល់ «ជនជាតិអង់គ្លេសមួយចំនួន និងក្រុមគ្រួសាររបស់ពួកគេ» បន្ទាប់ពីការលិច។ មានសេចក្តីរាយការណ៍ថា ពលរដ្ឋអង់គ្លេស ស្ថិតក្នុងចំណោមអ្នកបាត់ខ្លួន។

ភ្លាមៗ​គេ​មិន​ទាន់​ដឹង​ថា មកពី​មូលហេតុ​អ្វី​ដែល​បណ្ដាល​ឲ្យ​ទូកទេសចរណ៍ធ្វើពីឈើ​៤​ជាន់​នេះលិច​នោះទេ ប៉ុន្តែអាជ្ញាធរ​ឧតុនិយមអេហ្ស៊ីបកាលពីថ្ងៃសៅរ៍បានព្រមានអំពីភាពចលាចល និងរលកខ្ពស់នៅលើសមុទ្រក្រហម ហើយបានណែនាំរារាំងនឹងសកម្មភាពដែនសមុទ្រសម្រាប់ថ្ងៃអាទិត្យនិងថ្ងៃចន្ទ។

យោងតាមគេហទំព័ររបស់ទូកទេសចរណ៍ Sea Story វាត្រូវបានសាងសង់ក្នុងឆ្នាំ ២០២២ ហើយអាចផ្ទុកអ្នកដំណើរបាន៣៦នាក់។

គួរបញ្ជាក់ថា សមុទ្រក្រហមគឺជាកន្លែងមុជទឹកដ៏ពេញនិយមដែលល្បីល្បាញដោយសារថ្មប៉ប្រះទឹកផ្កាថ្ម និងជីវិតនៅបាតសមុទ្រ ដែលជាគន្លឹះនៃឧស្សាហកម្មទេសចរណ៍ដ៏សំខាន់របស់ប្រទេសអេហ្ស៊ីប។

ក្នុងឆ្នាំ២០២៣ អ្នកទេសចរអង់គ្លេស៣នាក់បានបាត់ខ្លួន ហើយ១២នាក់ត្រូវបានជួយសង្គ្រោះ បន្ទាប់ពីទូកមួយបានឆេះចេញពី Marsa Alam ។ ចំណែកឆ្នាំ ២០១៦ ក៏មានគ្រោះមហន្តរាយសមុទ្រដ៏អាក្រក់បំផុតមួយនៅក្នុងប្រទេស​អេហ្ស៊ីបដូចគ្នា គឺ​នៅពេលដែលទូកដឹកជនចំណាកស្រុកប្រហែល ៦០០នាក់ បានលិចនៅសមុទ្រមេឌីទែរ៉ាណេ ដោយបានសម្លាប់មនុស្សយ៉ាងហោចណាស់​១៧០នាក់៕

អត្ថបទ៖ ប៊ុន សុភាព

The post មនុស្ស​១៦​នាក់​បាត់​ខ្លួន​​ក្នុង​ហេតុការណ៍​លិច​​កប៉ាល់​ទេសចរណ៍​​​​នៅអេហ្ស៊ីប appeared first on Kampuchea Thmey Daily.