កាលពីថ្ងៃទី ១៦ ខែកុម្ភៈ ឆ្នាំ ២០២៤ គេហទំព័រអន្តរជាតិ nypost បានបង្ហាញពីរឿងដ៏គួរឲ្យចាប់អារម្មណ៍ ដែលបានកើតឡើងនៅភោជនីយដ្ឋានមួយក្នុងរដ្ឋ Michigan សហរដ្ឋអាមេរិក នៅពេលដែលអ្នករត់តុបានឃើញថា អតិថិជន​បាន​បន្សល់​ទុក​ប្រាក់​ជំនួយ​ចំនួន ១០,០០០ ដុល្លារ ទោះបី​តម្លៃ​អាហារ​សរុប​ត្រឹមតែ១០០ដុល្លារ​ក៏ដោយ។

ថ្វីបើយ៉ាងណាក៏ដោយ អ្នកគ្រប់គ្រងភោជនីយដ្ឋាន Tim Sweeney បាននិយាយនៅក្នុងបទសម្ភាសន៍មួយថា “ជាធម្មតាអតិថិជនបានឲ្យលុយធីបដល់បុគ្គលិកជាប្រាក់អតិបរមាត្រឹមតែ ១០០ ដុល្លារប៉ុណ្ណោះ! គ្មាននរណាម្នាក់ធ្លាប់មានចិត្តសប្បុរសបែបនេះពីមុនមកទេ” ។

ក្រោយ​ការ​ស៊ើប​អង្កេត​បន្ថែម​ក៏​បាន​រក​ឃើញ​ដូច្នេះ អតិថិជន​ដ៏​សប្បុរស​ម្នាក់​ឈ្មោះ Mark មាន​បំណង​បន្សល់​ទុក​ប្រាក់ ១០,០០០ ដុល្លារ​ក្នុង​ការ​ចងចាំ​មិត្តភ័ក្តិ​ម្នាក់​ដែល​បាន​ស្លាប់​ថ្មីៗ​នេះ ស្របពេលដែលដំណើរ​ទស្សនកិច្ច​នេះ​ទៅ​រដ្ឋ Michigan គឺ​ដើម្បី​ចូលរួម​ពិធីបុណ្យ​សពរបស់មិត្តដូចគ្នា។

នៅពេលដឹងពីមូលហេតុនៃជំនួយទឹកប្រាក់ដ៏ច្រើនសន្ធឹកនោះ Paige Mullick ដែលជាអ្នករត់តុបានទទួលលុយធីបបានសម្រេចចិត្តចែករំលែកប្រាក់សប្បុរសធម៌ជាមួយមិត្តរួមការងាររបស់នាង។ នាង​បាន​បែង​ចែក​ក្នុង​ចំណោម​បុគ្គលិក​ទាំង​៩​នាក់ ហើយម្នាក់ៗទទួលបាន​ប្រមាណ១ពាន់ដុល្លារឯណោះ៕

អត្ថបទ៖ សាង ស្រីល័ក្ខ

ចុចអាន៖គ្រូបង្រៀនអាមេរិកម្នាក់ ត្រូវបណ្តេញចេញពីការងារ ក្រោយលក់វីដេអូសិចលើវេបសាយ OnlyFans

The post បុគ្គលិកក្នុងហាងមួយនៅអាមេរិក បានលុយធីប១ម៉ឺនដុល្លារពីភ្ញៀវ ក្រោមហេតុផលដ៏ភ្ញាក់ផ្អើល appeared first on Kampuchea Thmey Daily.

សម្រាប់ប្រទេសកម្ពុជា ឬប្រទេសផ្សេងទៀតវាអាចជារឿងធម្មតា។ ប៉ុន្តែសម្រាប់ប្រទេសជប៉ុន មិន​មាន​វប្បធម៌​វាយ​តម្លៃ​ពី​ដើម​មក​ទេ (លើកលែងតែការងារពេលយប់ប៉ុណ្ណោះ)។

ហេតុអ្វីបានជាភ្ញៀវ មិនអាចផ្ដល់ដល់លុយធីបដល់បុគ្គ្គលិកនៅប្រទេសជប៉ុន?

ការផ្តល់លុយធីបត្រូវបានចាត់ទុកថាជាការប្រមាថដល់បុគ្គលិក។ ហេតុផលមួយទៀតគឺ បុគ្គលិកដែលធ្វើការនៅក្នុងតំបន់សេវាកម្មដូចជាភោជនីយដ្ឋាន និងហាងកាហ្វេ ពួកគេបម្រើអតិថិជនដោយឆន្ទៈក្នុងការធ្វើដូច្នេះ។ ដោយមិនរំពឹងលើសំណងផ្សេងទៀតឬជាប្រាក់លើកទឹកចិត្តឡើយ។

ជនជាតិនិយមតែងគិតថា ការធ្វើឲ្យអតិថិជនពេញចិត្ត គឺជាមូលដ្ឋាននៃការងារសេវាកម្មនៅក្នុងប្រទេសជប៉ុន។ ហើយប្រសិនបើអ្នកពិតជាចង់ឲ្យលុយធីបទៅកាន់ពួកគេ អ្នកមិនបានធ្វើឲ្យពួកគេសប្បាយចិត្តនឹងទឹកប្រាក់នោះទេ។

ទោះយ៉ាងណាក៏ដោយ ដើម្បីបង្ហាញពី​សុជីវធម៌ អ្វីដែលត្រូវធ្វើគឺនិយាយថាអរគុណទៅកាន់ពួកគេ ដែលបានផ្ដល់សេវាកម្មដ៏ល្អមួយនេះមកកាន់អ្នក។

ចុះយ៉ាងណា បើអ្នកចាកចេញហើយបែរទុកលុយធីបលើតុឲ្យបុគ្គលិក តើពួកគេនឹងទទួលយកដែរឬទេ?

មិន​ថាអ្នកទុកទឹកប្រាក់ច្រើនឬតិចនៅលើ​តុ​បន្ទប់​បរិភោគ​អាហារ ជិះ​តាក់ស៊ី ឬ​អ្វី​ក៏​ដោយ។ បុគ្គលិកប្រាកដជានឹងប្រគល់ប្រាក់មកអ្នកវិញ។ ព្រោះនៅប្រទេសជប៉ុន អត់​មាន​វប្បធម៌​បោក​បញ្ឆោត​ទេ! ពួកគេនឹងគិតថាអ្នកភ្លេចលុយមិនខាន៕

ប្រែសម្រួល សាង ស្រីល័ក្ខ

ចុចអាន​​ គ្មានអ្នកណានឹកស្មានដល់ ក្មេង​អាយុ​​១៣​ឆ្នាំកាលថ្ងៃ​នោះ​ ​បែរក្លាយជាបុគ្គលល្បីល្បាញមានទ្រព្យពេញដៃ

The post ហេតុអ្វី​បុគ្គលិកនៅ ​ជប៉ុន មិនទទួលលុយធីបរបស់ភ្ញៀវដាច់ខាត? appeared first on Kampuchea Thmey Daily.