លោកបណ្ឌិត ហេង សុផាន់ណារិទ្ធ អគ្គនាយករង នៃបេឡាជាតិសន្តិសុខសង្គម (ប.ស.ស) និងជាអ្នកនាំពាក្យ នៃក្រសួងការងារ និង បណ្តុះបណ្តាលវិជ្ជាជីវៈ បានមានប្រសាសន៍នៅព្រឹកថ្ងៃទី ២ មិថុនា នេះថា ក្នងរយៈពេល ៥ ខែ ឆ្នាំ ២០២៦ នេះ នៅទូទាំងប្រទេសកម្ពុជា មានករណីកម្មករ-និយោជិត ជួបករណីគ្រោះថ្នាក់ចរាចរណ៍ចំនួន ២ ៨០៨ ករណី មានជនរងគ្រោះសរុបចំនួន ៣ ១៣៤ នាក់ (ស្រី ២ ០៧៧ នាក់) ស្លាប់ចំនួន ៤៦ នាក់ របួសធ្ងន់ចំនួន ៧៩៩ នាក់ និង របួសស្រាលចំនួន ២ ២៨៩ នាក់។

លោកបណ្ឌិត បានបន្តថា ក្នុងចំណោមគ្រោះថ្នាក់ខាងលើ ក្នុងនោះមានករណីគ្រោះថ្នាក់ចរាចរណ៍លើរថយន្តដឹកកម្មករ-និយោជិត មានចំនួន ៩ ករណី មានជនរងគ្រោះសរុបចំនួន ១៩៨ នាក់ ស្លាប់ចំនួន ១៤ នាក់ របួសធ្ងន់ចំនួន ២៨ នាក់ និង របួសស្រាលចំនួន ១៥៦ នាក់។

លោកបណ្ឌិត បានពន្យល់ថា មានកត្តាសំខាន់មួយចំនួនដែលជំរុញឲ្យមានករណីគ្រោះថ្នាក់ចរាចរណ៍កើតឡើង រួមមាន បើកបរលើសល្បឿនកំណត់ មិនប្រកាន់ស្តាំ (បញ្ច្រាសទិស) កត្តាមិនគោរពសិទ្ធិអាទិភាព បត់មិនត្រឹមត្រូវ និង កត្តាយានយន្ត។

លោកបណ្ឌិត បានបន្តទៀតថា ដើម្បីកាត់បន្ថយហានិភ័យដោយសារគ្រោះថ្នាក់ចរាចរណ៍នៅលើដងផ្លូវសម្រាប់កម្មករ-និយោជិត ក្រុមការងារសុវត្ថិភាពចរាចរណ៍ផ្លូវគោកសម្រាប់គាំពារកម្មករ-និយោជិត (ស.ផ.ក) នៃបេឡាជាតិសន្តិសុខសង្គម បាននិងកំពុងអនុវត្តសកម្មភាព រួមមាន បន្តចុះអប់រំផ្សព្វផ្សាយច្បាប់ស្តីពីចរាចរណ៍ផ្លូវគោកដល់អ្នកបើកបរយានយន្តដឹកកម្មករ និង កម្មករ-និយោជិត ជាពិសេសកម្មករ-និយោជិត ដែលធ្វើដំណើរតាមម៉ូតូ ជំរុញឲ្យពាក់មួកសុវត្ថិភាពឲ្យបានគ្រប់ៗ គ្នា។ ជំរុញការកែលម្អរថយន្តដឹកកម្មករ-និយោជិត ឲ្យកាន់តែមានផាសុកភាព និង សុវត្ថិភាព ឲ្យបានឆាប់រហ័ស។ ចុះអង្កេតសិក្សាស្រាវជ្រាវរកមូលហេតុចម្បងដែលបណ្តាលឲ្យកើតមានគ្រោះថ្នាក់ចរាចរណ៍មកលើកម្មករ-និយោជិត ឲ្យបានច្បាស់លាស់។ រៀបចំបទបង្ហាញជាមេរៀន វីដេអូណែនាំ ស្ពត និងជាសារសំឡេងសម្រាប់អប់រំ ផ្សព្វផ្សាយ នៅតាមបណ្តារោងចក្រសហគ្រាស គ្រឹះស្ថាន និង តាមរយៈបណ្តាញសង្គមនានា ដល់អ្នកបើកបរយានយន្តដឹកកម្មករ និង កម្មករ-និយោជិត ជាពិសេសកម្មករ-និយោជិត ដែលប្រើប្រាស់ម៉ូតូ កង់ និង ថ្មើរជើង ឲ្យបានយល់ដឹងច្បាស់ពីច្បាប់ និង សុវត្ថិភាពចរាចរណ៍ផ្លូវគោក។ ជំរុញរថយន្តប្រភេទដឹកទំនិញ និង ម៉ូតូសណ្តោងរ៉ឺម៉កដែលដឹកកម្មករ-និយោជិត ប្តូរមកប្រើប្រាស់រថយន្តប្រភេទដឹកអ្នកដំណើរ និង ជំរុញរថយន្តប្រភេទដឹកទំនិញ ដែលដឹកកម្មករ-និយោជិត ឈរ ឲ្យផ្លាស់ប្តូរមកជារថយន្តប្រភេទដឹកអ្នកដំណើរ ឬ កែច្នៃឲ្យមានកៅអីអង្គុយ។

លោកបណ្ឌិត ក៏បានអំពាវនាវដល់កម្មករ-និយោជិត ទាំងអស់ បង្កើនការប្រុងប្រយ័ត្នឲ្យបានខ្ពស់ក្នុងការធ្វើដំណើរ ទាំងអ្នកធ្វើដំណើរដោយម៉ូតូ និង ទាំងអ្នកធ្វើដំណើរដោយរថយន្តដឹកកម្មករ-និយោជិត ត្រូវគោរពច្បាប់ស្តីពីចរាចរណ៍ផ្លូវគោក ដើម្បីចៀសវាងករណីគ្រោះថ្នាក់ជាយថាហេតុ និង ក្រើនរំលឹកទៅកាន់អ្នកបើកបររថយន្ដដឹកកម្មករ-និយោជិត ទាំងអស់ ត្រូវមានស្មារតីទទួលខុសត្រូវខ្ពស់ និង យកចិត្តទុកដាក់រាល់ពេលបើកបរផងដែរ៕
អត្ថបទ ៖ សំអឿន

The post ៥​ ខែ ដើមឆ្នាំនេះ មានកម្មករ-និយោជិត ៤៦ នាក់ ស្លាប់បាត់បង់ជីវិតដោយសារគ្រោះថ្នាក់ចរាចរណ៍ appeared first on Kampuchea Thmey Daily.

លោកបណ្ឌិត បានបន្តថា បច្ចុប្បន្ននេះ រាជរដ្ឋាភិបាល បានផ្តល់កម្មវិធីឧបត្ថម្ភសាច់ប្រាក់ជូនសមាជិក ប.ស.ស ជាស្ត្រីមានផ្ទៃពោះ និង កុមារក្រោមអាយុ ២ ឆ្នាំ ទាំងមុនសម្រាល ពេលសម្រាល និង ក្រោយសម្រាល រួមមាន សមាជិក ប.ស.ស ជាមន្ដ្រីរាជការ ជាស្រ្ដីមានផ្ទៃពោះក្នុងក្របខណ្ឌមុខងារសាធារណៈ ដែលបម្រើការងារនៅតាមក្រសួង-ស្ថាប័ន នៅថ្នាក់ជាតិ និង ថ្នាក់ក្រោមជាតិ ដែលស្ថិតក្រោមបទប្បញ្ញត្តិ នៃច្បាប់ ស្ដីពីសហលក្ខន្ដិកៈ មន្រ្ដីរាជការស៊ីវិល នៃព្រះរាជាណាចក្រកម្ពុជា។

សមាជិក ប.ស.ស ជាមន្រ្ដីកម្មសិក្សា និង មន្ដ្រីជាប់កិច្ចសន្យាបម្រើការងារនៅតាមក្រសួង-ស្ថាប័ន អង្គភាព នៅថ្នាក់ជាតិ និង ថ្នាក់ក្រោមជាតិ ដែលមានការទទួលស្គាល់ដោយក្រសួងមុខងារសាធារណៈ។ សមាជិក ប.ស.ស ជាស្រ្ដីមានផ្ទៃពោះ និងកុមារអាយុក្រោម ២ ឆ្នាំ ដែលជាមន្ដ្រីនគរបាលជាតិ និង មន្ដ្រីពន្ធនាគារ។ សមាជិក ប.ស.ស ជាស្រ្តីមានផ្ទៃពោះ និង កុមារអាយុក្រោម ២ ឆ្នាំ នៃក្រុមប្រឹក្សារាជធានី ខេត្ត-ក្រុង-ស្រុក-ខណ្ឌ និង ក្រុមប្រឹក្សាឃុំ-សង្កាត់ និង ស្ត្រីមានផ្ទៃពោះ និង កុមារអាយុក្រោម ២ ឆ្នាំ ជាកម្មការិនី។

លោកបណ្ឌិត បានបន្ថែមថា ក្នុងនោះ មុនពេលសម្រាលកូនទទួលបានប្រាក់ឧបត្ថម្ភចំនួន ៤ លើក ដោយ ១ លើក ទទួលបានថវិកា ៨ ម៉ឺនរៀល។ ពេលសម្រាលកូន ទទួលបានប្រាក់ឧបត្ថម្ភ ដោយកូន ១ ទទួលបានថវិកា ៨០ ម៉ឺនរៀល កូនភ្លោះ ២ ទទួលបាន ១ លាន ២ សែនរៀល និង កូនភ្លោះ ៣ ទទួលបាន ១ លាន ៦ សែនរៀល និង ទទួលបានការឧបត្ថម្ភពិសេសបន្ថែមពី សម្ដេចអគ្គមហាសេនាបតីតេជោ ហ៊ុន សែន និង សម្ដេចកិត្តិព្រឹទ្ធបណ្ឌិត ចំនួន ៥ លានរៀល ទៀតផងដែរ។ ក្រោយពេលសម្រាលកូនទទួលបានប្រាក់ឧបត្ថម្ភចំនួន ១០ លើក ដោយ ១ លើក ទទួលបាន ៨ ម៉ឺនរៀល ក្នុងនោះ ៣ លើក នៅពេលទៅទទួលសេវាពិនិត្យសុខភាព ក្រោយពេលសម្រាលកូន និង ៧ លើកទៀត នៅពេលយកកូនទៅទទួលថ្នាំបង្ការរហូតដល់អាយុ ២ ឆ្នាំ។

លោកបណ្ឌិត បន្ថែមទៀតថា កម្មវិធីផ្តល់ប្រាក់ឧបត្ថម្ភសម្រាប់សមាជិក ប.ស.ស ជាស្ត្រីមានផ្ទៃពោះ និងកុមារអាយុក្រោម ២ ឆ្នាំ គឺជាគោលនយោបាយរបស់រាជរដ្ឋាភិបាលក្នុងគោលបំណងលើកកម្ពស់សុខុមាលភាពមាតា និង ទារក ព្រមទាំងរួមចំណែកដោះស្រាយកង្វះអាហារូបត្ថម្ភរបស់កុមារ ចាប់តាំងពីកូននៅក្នុងផ្ទៃរហូតដល់កូនមានអាយុ ២ ឆ្នាំ៕
អត្ថបទ ៖ សំអឿន

The post រដ្ឋ ចំណាយថវិកាជាង ១១០ លានដុល្លារ ដល់ សមាជិក ប.ស.ស ជាស្ត្រីមានផ្ទៃពោះ និង កូនអាយុក្រោម ២ ឆ្នាំ appeared first on Kampuchea Thmey Daily.

លោកបណ្ឌិត បានបន្តថា បច្ចុប្បន្ននេះ រាជរដ្ឋាភិបាល បានផ្តល់កម្មវិធីឧបត្ថម្ភសាច់ប្រាក់ជូនសមាជិក ប.ស.ស ជាស្ត្រីមានផ្ទៃពោះ និង កុមារក្រោមអាយុ ២ ឆ្នាំ ទាំងមុនសម្រាល ពេលសម្រាល និង ក្រោយសម្រាល រួមមាន សមាជិក ប.ស.ស ជាមន្ដ្រីរាជការ ជាស្រ្ដីមានផ្ទៃពោះក្នុងក្របខណ្ឌមុខងារសាធារណៈ ដែលបម្រើការងារ នៅតាមក្រសួង-ស្ថាប័ន នៅថ្នាក់ជាតិ និង ថ្នាក់ក្រោម ជាតិដែលស្ថិតក្រោមបទប្បញ្ញត្តិ នៃច្បាប់ស្ដីពីសហលក្ខន្ដិកៈ មន្រ្ដីរាជការស៊ីវិល នៃព្រះរាជាណាចក្រកម្ពុជា។ សមាជិក ប.ស.ស ជាមន្រ្ដីកម្មសិក្សា និង មន្ដ្រីជាប់កិច្ចសន្យាដែលបម្រើការ ងារនៅតាមក្រសួង-ស្ថាប័ន អង្គភាព នៅថ្នាក់ជាតិ និង ថ្នាក់ក្រោមជាតិ ដែលមានការទទួលស្គាល់ដោយក្រសួងមុខងារសាធារណៈ។ សមាជិក ប.ស.ស ជាស្រ្ដីមានផ្ទៃពោះ និង កុមារអាយុក្រោម ២ ឆ្នាំ ដែលជាមន្ដ្រីនគរបាលជាតិ និង មន្ដ្រីពន្ធនាគារ។ សមាជិក ប.ស.ស ជាស្រ្តីមានផ្ទៃពោះ និង កុមារអាយុក្រោម ២ ឆ្នាំ នៃក្រុមប្រឹក្សារាជធានី ខេត្ត-ក្រុង-ស្រុក-ខណ្ឌ និងក្រុមប្រឹក្សាឃុំ-សង្កាត់ និង ស្ត្រីមានផ្ទៃពោះ និង កុមារអាយុក្រោម ២ ឆ្នាំ ជាកម្មការិនី។

លោកបណ្ឌិត បានបន្ថែមថា ក្នុងនោះ មុនពេលសម្រាលកូន កម្មករ-និយោជិត ទទួលបានប្រាក់ឧបត្ថម្ភចំនួន ៤ លើក ដោយ ១ លើក ទទួលបានថវិកា ៨ ម៉ឺនរៀល។ ពេលសម្រាលកូន ទទួលបានប្រាក់ឧបត្ថម្ភ ដោយកូន ១ ទទួលបានថវិកា ៨០ ម៉ឺនរៀល កូនភ្លោះ ២ ទទួលបាន ១ លាន ២ សែនរៀល និង កូនភ្លោះ ៣ ទទួលបាន ១ លាន ៦ សែនរៀល និង ទទួលបានការឧបត្ថម្ភពិសេសបន្ថែមពី សម្ដេចអគ្គមហាសេនាបតីតេជោ ហ៊ុន សែន និង សម្ដេចកិត្តិព្រឹទ្ធបណ្ឌិត ចំនួន ៥ លានរៀល ទៀតផងដែរ។ ក្រោយពេលសម្រាលកូន កម្មករជាស្ត្រីមានផ្ទៃពោះទទួលបានប្រាក់ឧបត្ថម្ភចំនួន ១០ លើក ដោយ ១ លើក ទទួលបាន ៨ ម៉ឺនរៀល ក្នុងនោះ ៣ លើក នៅពេលទៅទទួលសេវាពិនិត្យសុខភាព ក្រោយពេលសម្រាលកូន និង ៧ លើកទៀត នៅពេលយកកូនទៅទទួលថ្នាំបង្ការរហូតដល់អាយុ ២ ឆ្នាំ។

លោកបណ្ឌិត បានបន្ថែមទៀតថា កម្មវិធីផ្តល់ប្រាក់ឧបត្ថម្ភសម្រាប់សមាជិក ប.ស.ស ជាស្ត្រីមានផ្ទៃពោះ និង កុមារអាយុក្រោម ២ ឆ្នាំ គឺជាគោលនយោបាយរបស់រាជរដ្ឋាភិបាលក្នុងគោលបំណងលើកកម្ពស់សុខុមាលភាពមាតា និង ទារក ព្រមទាំងរួមចំណែកដោះស្រាយកង្វះអាហារូបត្ថម្ភរបស់កុមារចាប់តាំងពីកូននៅក្នុងផ្ទៃរហូតដល់កូនមានអាយុ ២ ឆ្នាំ៕
អត្ថបទ ៖ សំអឿន

The post ត្រីមាសទី ១ ឆ្នាំនេះ រដ្ឋ ចំណាយថវិកាជាង ៧ លានដុល្លារ ដល់ សមាជិក ប.ស.ស ជាស្ត្រីមានផ្ទៃពោះ និង កូនអាយុ ២ ឆ្នាំ appeared first on Kampuchea Thmey Daily.

លោកបណ្ឌិត ហេង សុផាន់ណារិទ្ធ អគ្គនាយករង ប.ស.ស និងជាប្រធានក្រុមការងារសុវត្ថិភាពចរាចរណ៍ផ្លូវគោក សម្រាប់គាំពារកម្មករ-និយោជិត (ស.ផ.ក)បានមានប្រសាសន៍នៅរសៀលថ្ងៃទី ៣ មេសា នេះថា រយៈពេល ៣ ខែ ឆ្នាំ ២០២៦ កន្លងទៅនេះ នៅទូទាំងប្រទេសកម្ពុជា មានករណីកម្មករ-និយោជិត ជួបករណីគ្រោះថ្នាក់ចរាចរណ៍ចំនួន ១ ៧០៥ ករណី មានជនរងគ្រោះសរុបចំនួន ១ ៩០៨ នាក់ ស្រី ១ ២៦២ នាក់ របួសធ្ងន់ចំនួន ៤៨២ នាក់ និងរបួសស្រាលចំនួន ១ ៣៩៩ នាក់ និងស្លាប់ចំនួន ២៧ នាក់។

លោកបណ្ឌិត បានបន្តថា ក្នុងចំណោមគ្រោះថ្នាក់ខាងលើ ក្នុងនោះ ករណីគ្រោះថ្នាក់ចរាចរណ៍លើរថយន្តដឹកកម្មករ-និយោជិត មានចំនួន ៦ ករណី មានជនរងគ្រោះសរុបចំនួន ៩៩ នាក់ របួសធ្ងន់ចំនួន ១៣ នាក់ និងរបួសស្រាលចំនួន ៨៦ នាក់។

លោកបណ្ឌិត បានពន្យល់ថា មូលហេតុចម្បងៗ ដែលបណ្តាលឲ្យមានគ្រោះថ្នាក់ចរាចរណ៍រួមមាន ការបើកបរលើសល្បឿនកំណត់ ការមិនគោរពសិទ្ធិអាទិភាព ការមិនប្រកាន់ស្តាំ(បញ្ច្រាសទិស) ការបត់ខ្វះការប្រុងប្រយ័ត្ន ការជែងក្នុងស្ថានភាពគ្រោះថ្នាក់ កត្តាផ្លូវ និងលក្ខណៈបច្ចេកទេសយានយន្ត និងកត្តាផ្សេងៗ។

លោកបណ្ឌិត បានធ្វើការអំពាវនាវដល់កម្មករ-និយោជិត ទាំងអស់ សូមមេត្តាបង្កើនការប្រុងប្រយ័ត្នឲ្យបានខ្ពស់ក្នុងការធ្វើដំណើរ ទាំងអ្នកធ្វើដំណើរដោយម៉ូតូ និងទាំងអ្នកធ្វើដំណើរដោយរថយន្តដឹកកម្មករ-និយោជិត ត្រូវគោរពច្បាប់ស្ដីពីចរាចរណ៍ផ្លូវគោក ដើម្បីជៀសវាងករណីគ្រោះថ្នាក់ជាយថាហេតុ និងក្រើនរំលឹកទៅកាន់អ្នកបើកបររថយន្តដឹកកម្មករ-និយោជិត ទាំងអស់ ត្រូវមានស្មារតីទទួលខុសត្រូវខ្ពស់ និងយកចិត្តទុកដាក់រាល់ពេលបើកបរផងដែរ។

គួរបញ្ជាក់ថា ឆ្នាំ ២០២៥ កន្លងទៅ មានកម្មករ-និយោជិត ជួបគ្រោះថ្នាក់ចរាចរណ៍នៅទូទាំងប្រទេសចំនួន ៥ ៦៤២ ករណី មានជនរងគ្រោះចំនួន ៦ ៦១៧ នាក់ ស្រីចំនួន ៤ ០៨៣ នាក់ ស្លាប់ចំនួន ១៤៥ នាក់ របួសធ្ងន់ ១៨៥ នាក់ របួសស្រាល ៤ ៦៦៧ នាក់៕
អត្ថបទ ៖ សំអឿន

The post ៣ ខែ ឆ្នាំនេះ មានកម្មករ-និយោជិត ជួបគ្រោះថ្នាក់ចរាចរណ៍ជាង ១ ៧០០ ករណី ស្លាប់ជិត ៣០ នាក់ appeared first on Kampuchea Thmey Daily.

លោក​បណ្ឌិត ហេង សុផាន់ណារិទ្ធ អគ្គនាយករង ប​.​ស​.​ស​. និង​ជា​អ្នកនាំពាក្យ​ក្រសួង​ការងារ​ និង​បណ្តុះបណ្តាល​វិជ្ជាជីវៈ​ បាន​មានប្រសាសន៍​នៅ​ព្រឹក​ថ្ងៃទី ​១៨ ​ធ្នូ​ នេះ​ថា ការបញ្ចប់​កិច្ចព្រមព្រៀង​ជាមួយ​មន្ទីរ​សម្រាក​ព្យាបាល​ទាំងពីរ​នេះ គឺ​ដោយសារ​មន្ទីរ​សម្រាក​ព្យាបាល​ទាំងពីរ​មិនមាន​លទ្ធភាព​ក្នុង​ការផ្តល់សេវា​សុខាភិបាល ផ្នែក​ថែទាំ​សុខភាព និង​ផ្នែក​ហានិភ័យ​ការងារ ជូន​សមាជិក ប​.​ស​.​ស​. បន្តទៀត​បាន​។ លើសពីនេះ​ទៀត​ មិនអាច​ទប់ទល់​ទៅលើ​ការចំណាយ ​និង​មិនមាន​លទ្ធភាព​ក្នុងការ​ផ្តល់ប្រាក់​ជូន​បុគ្គលិក​គ្រប់ផ្នែក​នៅ​មន្ទីរ​សម្រាក​ព្យាបាល។

លោក​បណ្ឌិត បាន​បន្តទៀតថា ​មន្ទីរ​សម្រាក​ព្យាបាល មង្គល​ទួល​ពង្រ ដែលមាន​ទីតាំង​ស្ថិតនៅ​សង្កាត់​ព្រៃ ស ខណ្ឌដង្កោ ​រាជធានី​ភ្នំពេញ​ បាន​ចុះ​កិច្ចព្រមព្រៀង​ជាមួយ​ ប​.​ស​.​ស​. ចាប់ពី​ខែវិច្ឆិកា ឆ្នាំ​ ២០២២ និង​បានដាក់​លិខិត​ស្នើសុំ​បញ្ចប់​កិច្ចព្រមព្រៀង​ផ្តល់​សេវា​សុខាភិបាល ផ្នែក​ថែទាំ​សុខភាព និង ផ្នែក​ហានិភ័យ​ការងារ​មក ប​.​ស​.​ស​. នៅ​ថ្ងៃទី​ ២៧ ខែសីហា ឆ្នាំ ​២០២៥ និង​បានការ​ឯកភាព​ពី​និយ័ត​ករ​សន្តិសុខ​សង្គម កាលពី​ថ្ងៃទី​ ២៨ ខែវិច្ឆិកា ឆ្នាំ​ ២០២៥។

លោក​បណ្ឌិត​បាន​បន្ថែម​ថា ​ការបញ្ចប់​កិច្ចព្រមព្រៀង​របស់​មន្ទីរ​សម្រាក​ព្យាបាល មង្គល​ទួល​ពង្រ មិន​មាន​ផល​ប៉ះពាល់​ដល់​ការ​ប្រើប្រាស់​សេវា​របស់​សមាជិក ប​.​ស​.​ស​.​ក្នុង​តំបន់​ក្បែរ​មន្ទីរ​សម្រាក​ព្យាបាល​នោះទេ ដោយមាន​មូលដ្ឋាន​សុខាភិបាល​ដែលជា​ដៃគូ ប​.​ស​.​ស​. ចំនួន​ ៥ មូលដ្ឋាន​សុខាភិបាល (​មូលដ្ឋាន​សុខាភិបាល​សាធារណៈ ចំនួន​ ២ និង​មូលដ្ឋាន​សុខាភិបាល​ឯកជន​ចំនួន​ ៣) ដែលមាន​លទ្ធភាព​ផ្តល់​សេវា​ជូន​សមាជិក ប​.​ស​.​ស​. នៅក្នុង​តំបន់​នោះ។

លោក​បណ្ឌិត បញ្ជាក់​ទៀតថា ចំណែក​មន្ទីរ​សម្រាក​ព្យាបាល ពន្លឺ​អង្គរ ដែលមាន​ទីតាំងនៅ​ភូមិ​ព្រៃទា សង្កាត់​ចោមចៅ​ទី​ ៣​ ខណ្ឌ​ពោធិ៍​សែន​ជ័យ​ រាជធានី​ភ្នំពេញ​ បាន​ចុះ​កិច្ចព្រមព្រៀង​ជាមួយ​ ប​.​ស​.​ស នៅ​ខែតុលា ឆ្នាំ​ ២០២៤ និង​បានដាក់​លិខិត​ស្នើសុំ​បញ្ចប់​កិច្ចព្រមព្រៀង​ផ្តល់​សេវា​សុខាភិបាល ផ្នែក​ថែទាំ​សុខភាព និង ផ្នែក​ហានិភ័យ​ការងារ​មក ប​.​ស​.​ស​. នៅ​ថ្ងៃទី ​១ ខែកញ្ញា ឆ្នាំ ២០២៥ និង​បានការ​ឯកភាព​ពី​និយ័ត​ករ​សន្តិសុខ​សង្គម កាលពី​ថ្ងៃទី ​២៨ ខែវិច្ឆិកា ឆ្នាំ ២០២៥។

លោក​បណ្ឌិត​ បានឱ្យដឹង​ទៀតថា ​ការបញ្ចប់​កិច្ចព្រមព្រៀង​របស់​មន្ទីរ​សម្រាក​ព្យាបាល ពន្លឺ​អង្គរ ​ក៏ មិន​មាន​ផល​ប៉ះពាល់​ដល់​ការប្រើប្រាស់​សេវា​របស់​សមាជិក ប​.​ស​.​ស ក្នុង​តំបន់​ក្បែរ​មន្ទីរ​សម្រាក​ព្យាបាល នោះទេ ដោយមាន​មូលដ្ឋាន សុខាភិបាល​ដែលជា​ដៃគូ ប​.​ស​.​ស​. ចំនួន​ ៨ មូលដ្ឋាន​សុខាភិបាល (​មូលដ្ឋាន​សុខាភិបាល​សាធារណៈ ចំនួន​ ២ និង​មូលដ្ឋាន​សុខាភិបាល​ឯកជន​ចំនួន​ ៦) ដែលមាន​លទ្ធភាព​ផ្តល់​សេវា​ជូន សមាជិក ប​.​ស​.​ស​. នៅក្នុង​តំបន់​នោះ។

លោក​បណ្ឌិត បានបញ្ជាក់​បន្ថែមថា​ គិត​ត្រឹម​ថ្ងៃទី​ ១៨ ខែធ្នូ​ ឆ្នាំ​ ២០២៥ ប​.​ស​.​ស​. បានបញ្ចប់​កិច្ច​ព្រមព្រៀង​ជាមួយ មូលដ្ឋាន​សុខាភិបាល​ឯកជន ចំនួន ១១​ ខណៈ​បច្ចុប្បន្ន​មាន​មូលដ្ឋាន​សុខាភិបាល​ដៃគូ ប​.​ស​.​ស​. មាន​ចំនួន ១ ៦១៦ ក្នុងនោះ ​មូលដ្ឋាន​សុខាភិបាល​សាធារណៈ ចំនួន ១ ៤៤១ និង​មូលដ្ឋាន​សុខាភិបាល​ឯកជន​ចំនួន ១៧៥៕

អត្ថបទ ៖ សំអឿន

The post មន្ទីរព្យាបាលចំនួន ២ បន្ថែមទៀត នៅរាជធានីភ្នំពេញ ត្រូវ ប.ស.ស បញ្ចប់កិច្ចព្រមព្រៀងលែងឱ្យផ្ដល់សេវា appeared first on Kampuchea Thmey Daily.

លោក​បណ្ឌិត ហេង សុផាន់ណារិទ្ធ អគ្គនាយករង ប​.​ស​.​ស និង​ជា​អ្នកនាំពាក្យ​ក្រសួង​ការងារ និង​បណ្ដុះបណ្ដាល​វិជ្ជាជីវៈ បាន​មាន​ប្រសាសន៍​កាលពី​រសៀល​ថ្ងៃ​ទី ២ ធ្នូ នេះ​ថា រយៈពេល​ ១១​ ខែ ឆ្នាំ ២០២៥ នេះ នៅ​ទូទាំង​ប្រទេស​កម្ពុជា មាន​កម្មករ​-​និយោជិត ជួប​ករណី​គ្រោះថ្នាក់​ចរាចរណ៍​ចំនួន ៥,១៣៩ ​ករណី មាន​ជនរងគ្រោះ​សរុប​ចំនួន ៦,០៤៩ ​នាក់ ស្លាប់​ចំនួន ១៣៥​ នាក់ របួសធ្ងន់​ចំនួន ១,៦៧១​ នាក់ និង​របួសស្រាល​ចំនួន ៤,២៤៣​ នាក់ ​បើ​ធៀប​នឹង​រយៈពេល ១១​ ខែ ឆ្នាំ ​២០២៤ មាន​ការ​កើន​ឡើង​ចំនួន ៣២៥ ​ករណី ប្រមាណ ៦.៧៥%​ ខណៈ ​១១ ​ខែ ​ឆ្នាំ​ ២០២៤​ មាន​ករណី​គ្រោះថ្នាក់​ចរាចរណ៍​លើ​កម្មករ-និយោជិត​ចំនួន ៤,៨១៤ ករណី ប៉ុណ្ណោះ។

លោក​បណ្ឌិត ហេង សុផាន់ណារិទ្ធ បាន​បញ្ជាក់​ថា ​ក្នុងចំណោម​គ្រោះថ្នាក់​ខាងលើ ក្នុងនោះ ​ករណី​គ្រោះថ្នាក់​ចរាចរណ៍​លើ​រថយន្ត​ដឹក​កម្មករ-និយោជិត មាន​ចំនួន ១០​ ករណី មាន​ជនរងគ្រោះ​សរុប​ចំនួន ១៧៤ ​នាក់ ស្លាប់​ចំនួន ​២ នាក់ របួសធ្ងន់​ចំនួន ២១​ នាក់ និង​របួសស្រាល​ចំនួន ១៥១​ នាក់ បើ​ធៀប​នឹង​រយៈពេល ១១​ ខែ ឆ្នាំ ​២០២៤ ករណី​គ្រោះថ្នាក់​ចរាចរណ៍​លើ​រថយន្ត​ដឹក​កម្មករ-និយោជិត មាន ​១២​ ករណី ថយ​ចុះ​ ២ ​ករណី​ ស្មើនឹង​ប្រមាណ ១៧%។

លោក​បណ្ឌិត បាន​ពន្យល់​ថា មូលហេតុ​ចម្បងៗ ដែល​បណ្តាល​ឱ្យ​មាន​គ្រោះថ្នាក់​ចរាចរណ៍​រួមមាន ការ​បើកបរ​លើស​ល្បឿន​កំណត់ ​ការ​មិន​គោរព​សិទ្ធិ​អាទិភាព ការ​មិន​ប្រកាន់​ស្តាំ​(​បញ្ច្រាស​ទិស​) ការ​បត់​ខ្វះ​ការ​ប្រុងប្រយ័ត្ន ការ​ជែង​ក្នុង​ស្ថានភាព​គ្រោះថ្នាក់ កត្តា​ផ្លូវ​ និង​លក្ខណៈ​បច្ចេកទេស​យានយន្ត និង​កត្តា​ផ្សេងៗ។

លោក​បណ្ឌិត បាន​ធ្វើការ​អំពាវនាវ​ដល់​កម្មករ-និយោជិត ទាំងអស់ មេត្តា​បង្កើន​ការ​ប្រុងប្រយ័ត្ន​ឱ្យ​បាន​ខ្ពស់​ក្នុងការ​ធ្វើដំណើរ ទាំង​អ្នកធ្វើដំណើរ​ដោយ​ម៉ូតូ និង​ទាំង​អ្នកធ្វើដំណើរ​ដោយ​រថយន្ត​ដឹក​កម្មករ​-​និយោជិត ត្រូវ​គោរព​ច្បាប់​ស្ដីពី​ចរាចរណ៍​ផ្លូវគោក ដើម្បី​ជៀសវាង​ករណី​គ្រោះថ្នាក់​ជាយថាហេតុ និង​ក្រើនរំលឹក​ទៅកាន់​អ្នកបើកបរ​រថយន្ត​ដឹក​កម្មករ​-​និយោជិត ទាំងអស់ ត្រូវ​មាន​ស្មារតី​ទទួលខុសត្រូវ​ខ្ពស់ និង​យកចិត្តទុកដាក់​រាល់ពេល​បើកបរ​ផង​ដែរ៕

អត្ថបទ ៖ សំអឿន

The post រយៈពេល ១១ ខែ មានកម្មករ-និយោជិត ជួបគ្រោះថ្នាក់ចរាចរណ៍ជាង ៥ ពាន់ករណី ស្លាប់ និងរបួសជាង ៦ ពាន់នាក់ appeared first on Kampuchea Thmey Daily.

លោក​បណ្ឌិត​ បាន​បន្ត​ថា ក្រៅពីនេះ​ នៅ​ឆ្នាំ​ ២០២៦ ​ខាងមុខនេះ ប​.​ស​.​ស មាន​ផែនការ​ពង្រឹង និង​ពង្រីក​វិសាលភាព​ នៃ​ការអនុវត្ត​របប​សន្តិ​សុខ​សង្គម​ស្របតាម​ការវិវត្តន៍​ នៃ​ស្ថានភាព​សង្គម​-​សេដ្ឋកិច្ច​។ ​ពង្រឹង និង​បង្កើន​គុណភាព​ និង​សមត្ថភាព​ផ្ដល់​សេវា​សន្តិសុខ​សង្គម​។ ​លើកកម្ពស់​ការ​យល់​ដឹង និង​ពង្រឹង​ការ​អនុវត្ត​ច្បាប់​ស្ដីពី​របប​សន្តិសុខ​សង្គម​។ ​ពង្រឹង​ការ​គ្រប់គ្រង និង​ចាត់ចែង​មូលនិធិ​សន្តិសុខ​សង្គម ដើម្បី​បង្កើន​ប្រយោជន៍​បន្ថែម​ដល់​សមាជិក ប​.​ស​.​ស និង​វិស័យ​ទំនាក់ទំនង​វិជ្ជាជីវៈ​។ ​ធ្វើការ​សិក្សា​សមិទ្ធិ​លទ្ធភាព ​នៃ​ការពង្រីក​វិសាលភាព​ដល់​ក្រុម​គោលដៅ (​ផលិតផល​ថ្មី​) ដែល​មិនទាន់​គ្របដណ្តប់​នៅក្នុង​របប​សន្តិសុខ​សង្គម (Missing-Middle) ជា​បន្តបន្ទាប់​តាម​លំដាប់​អាទិភាព​ដោយ​អភិក្រម​ប្រុងប្រយ័ត្ន គ្រប់​ជ្រុងជ្រោយ និង​ធានា​បាន​នូវ​និរន្តរភាព​ នៃ​មូលនិធិ​សន្តិសុខ​សង្គម។

លើសពីនេះ​ទៀត ប​.​ស​.​ស នឹង​សិក្សា​លទ្ធភាព​ពង្រីក​វិសាលភាព​ការ​អនុវត្ត​របប​សន្តិ​សុខ​សង្គម​ផ្នែក ប្រាក់​សោធន​ដល់​មន្ត្រី​សាធារណៈ​សំដៅ​ជួយ​កាត់បន្ថយ​បន្ទុក​ថវិកាជាតិ​។​ ពង្រឹង​ការអនុវត្ត​ច្បាប់​ស្ដីពី​របប​សន្តិសុខ​សង្គម​សំដៅ ពង្រឹង និង​បង្កើន​ការចុះបញ្ជី សហគ្រាស គ្រឹះស្ថាន ព្រមទាំង​ធ្វើការ​ពង្រីក​ការ​គ្របដណ្ដប់​ដល់​ជន​គោលដៅ​ដទៃ​ផ្សេងទៀត តាមរយៈ​យន្ត​ការ​ចុះ​អធិការកិច្ច និង​សហការ​ចែករំលែក​ទិន្នន័យ​ជាមួយ​ក្រសួង ស្ថាប័ន​ពាក់ព័ន្ធ និង​អាជ្ញាធរ​មូលដ្ឋាន​។ ​បង្កើន និង​បន្ត​ជំរុញ​ការ​ផ្សព្វផ្សាយ ដើម្បី​បញ្ជ្រាប​ការ​យល់ដឹង​អំពី​របប​សន្តិសុខ​សង្គម និង​លើកកម្ពស់​ការ​យល់ដឹង​អំពី​នីតិវិធី ​នៃ​ការប្រើប្រាស់​សេវា​របស់ ប​.​ស​.​ស តាម​គ្រប់​រូបភាព និង​គ្រប់​ទម្រង់​ដោយ​ភាព​ប្រទាក់​ក្រឡា​គ្នា​។​ ជាងនេះទៀត​ ប​.​ស​.​ស នឹង​រៀបចំ​សិក្សា ​និង​អភិវឌ្ឍន៍​ម៉ូ​ដែល​វាយតម្លៃ​ហានិភ័យ​ហិរញ្ញវត្ថុ​ នៃ​របប​សន្តិសុខ​សង្គម ដើម្បី​ធានា​បាន​នូវ​ប្រសិទ្ធភាព តម្លាភាព គណនេយ្យ​ភាព ភាព​រឹងមាំ​ផ្នែក​ហិរញ្ញវត្ថុ និង​ការពារ​អត្ថប្រយោជន៍​ជូន​សមាជិក ប​.​ស​.​ស។

លោក​បណ្ឌិត​ បាន​បន្ថែម​ថា​ ទន្ទឹមនឹងនេះ ​ឆ្នាំ​ ២០២៦​ ខាងមុខនេះ ប​.​ស​.​ស នឹង​ពិនិត្យ​លទ្ធភាព​ពង្រីក​សមាជិក​ទៅលើ​ក្រុម​គោលដៅ​ចំនួន ​៤​ បន្ថែម​ទៀត ​រួមមាន ​ក្រុម​សិស្ស​-​និស្សិត​ អាយុ​ចាប់ពី ១៨ ​ដល់​ ២១ ​ឆ្នាំ ព្រះសង្ឃ កសិករ​ និង​ប្រជាពលរដ្ឋ​ ដែលមាន​វ័យ​ចាប់ពី​ ៦០ ​ឆ្នាំ​ ឡើង ​ដើម្បីឱ្យ​ពួកគេ​ទទួល​បាន​នូវ​អត្ថប្រយោជន៍​ផ្សេងៗ​ ពី​ ប​.​ស​.​ស។

គួរ​បញ្ជាក់​ថា​ គិត​មកដល់​សប្តាហ៍​ទី​ ២ ​នៃ​ខែ​វិច្ឆិកា​ ឆ្នាំ​ ២០២៥ ​នេះ ​ប​.​ស​.​ស មាន​សមាជិក​ចំនួន ៣,៣៩៩,១២០ ​នាក់ ស្រី​ចំនួន​ ១,៨៦៨,២៣៤​ នាក់៕

អត្ថបទ ៖ សំអឿន

The post ប.ស.ស នឹងពង្រីកការអនុវត្តកម្មវិធីដល់ស្ត្រីមានផ្ទៃពោះ និងកុមារអាយុក្រោម ២ ឆ្នាំ ដល់សមាជិកក្រុមប្រឹក្សានៅដើមឆ្នាំក្រោយ appeared first on Kampuchea Thmey Daily.

លោក​បណ្ឌិត ហេង សុផាន់ណារិទ្ធ អគ្គនាយករង បេឡា​ជាតិ​សន្តិសុខ​សង្គម (​ប​.​ស​.​ស​.) និង​ជា​អ្នកនាំពាក្យ​ក្រសួង​ការងារ និង​បណ្តុះបណ្តាល​វិជ្ជាជីវៈ​ បាន​មានប្រសាសន៍​នៅ​ព្រឹក​ថ្ងៃទី​ ១១ ​វិច្ឆិកា នេះ​ថា​ រយៈពេល​ ១០ ​ខែ ឆ្នាំ ​២០២៥​ នេះ នៅ​ទូទាំង​ប្រទេស​កម្ពុជា មាន​ករណី​កម្មករ​-​និ​យោ​ជិ​ត ​ជួប​គ្រោះថ្នាក់​ចរាចរណ៍​​ចំនួន ៤,៥៨៥ ​ករណី មាន​ជនរងគ្រោះ​សរុប​ចំនួន ៥,៤៤៤ ​នាក់ ស្លាប់​ចំនួន ១២៦ ​នាក់ របួសធ្ងន់​ចំនួន ១,៥១១ ​នាក់ និង​របួសស្រាល​ចំនួន ៣,៨០៧​ នាក់។ បើ​ធៀប​នឹង​រយៈពេល ១០ ​ខែ ឆ្នាំ​ ២០២៤ មាន​ចំនួន ៤,៦៧៤​ ករណី មានការ​ថយចុះ​ចំនួន ៨៩ ករណី ប្រមាណ ២%។

លោក​បណ្ឌិត ហេង សុផាន់​ណា​រិទ្ធ​ បាន​បន្តថា ​ក្នុង​ចំណោម​គ្រោះថ្នាក់​ខាងលើ ក្នុងនោះដែរ ​ករណី​គ្រោះថ្នាក់​ចរាចរណ៍​លើ​រថយន្ត​ដឹក​កម្មករ-និយោជិត មាន​ចំនួន ១០ ​ករណី មាន​ជនរងគ្រោះ​សរុប​ចំនួន ១៧៤​ នាក់ ស្លាប់​ចំនួន​ ២ នាក់ របួសធ្ងន់​ចំនួន ២១ ​នាក់ និង​របួសស្រាល​ចំនួន ១៥១ ​នាក់ បើ​ធៀប​នឹង​រយៈពេល ១០​ ខែ ឆ្នាំ​ ២០២៤ ករណី​គ្រោះថ្នាក់​ចរាចរណ៍​លើ​រថយន្ត​ដឹក​កម្មករ-និយោជិត មាន​ ១២ ​ករណី ថយចុះ​ ២​ ករណី ប្រមាណ ១៧%។

លោក​បណ្ឌិត​ បាន​ពន្យល់​ថា មូលហេតុ​ចម្បងៗ ដែល​បណ្តាលឱ្យមាន​គ្រោះថ្នាក់​ចរាចរណ៍​រួមមាន ការ​បើកបរ​លើស​ល្បឿន​កំណត់ ​ការ​មិន​គោរព​សិទ្ធិ​អាទិភាព ការ​មិន​ប្រកាន់​ស្តាំ​(​បញ្ច្រាសទិស​) ការ​បត់​ខ្វះ​ការប្រុងប្រយ័ត្ន ការ​ជែង​ក្នុង​ស្ថានភាព​គ្រោះថ្នាក់ កត្តា​ផ្លូវ​ និង​លក្ខណៈ​បច្ចេកទេស​យានយន្ត និង​កត្តា​ផ្សេងៗ។

លោក​បណ្ឌិត បាន​ធ្វើការ​អំពាវនាវ​ដល់​កម្មករ​-​និយោជិត ទាំងអស់ មេត្តា​បង្កើន​ការ​ប្រុងប្រយ័ត្ន​ឱ្យ​បាន​ខ្ពស់​ក្នុងការ​ធ្វើដំណើរ ទាំង​អ្នកធ្វើដំណើរ​ដោយ​ម៉ូតូ និង​ទាំង​អ្នកធ្វើដំណើរ​ដោយ​រថយន្ត​ដឹក​កម្មករ​-​និយោជិត ត្រូវ​គោរព​ច្បាប់​ស្ដីពី​ចរាចរណ៍​ផ្លូវគោក ដើម្បី​ជៀសវាង​ករណី​គ្រោះថ្នាក់​ជាយថាហេតុ និង​ក្រើនរំលឹក​ទៅកាន់​អ្នកបើកបរ​រថយន្ត​ដឹក​កម្មករ​-​និយោជិត ទាំងអស់ ត្រូវ​មាន​ស្មារតី​ទទួលខុសត្រូវ​ខ្ពស់ និង​យកចិត្តទុកដាក់​រាល់ពេល​បើកបរ​ផង​ដែរ៕

អត្ថបទ ៖ សំអឿន

The post រយៈពេល ១០ ខែ មានកម្មករ-និយោជិត ជាង ៥ ៤០០ នាក់ ស្លាប់ និងរបួស ដោយសារគ្រោះថ្នាក់ចរាចរណ៍ appeared first on Kampuchea Thmey Daily.