ប្រតិបត្តិការនេះ ធ្វើឡើងនៅព្រឹកថ្ងៃទី៧ ខែកញ្ញាឆ្នាំ ២០២៣ ដឹកនាំដោយ លោក ឃ្លាំង ហួត អភិបាលរងរាជធានីភ្នំពេញ មានការចូលរួមលោកវរសេនីយ៍ឯក បុត សត្យា ស្នងការរងទទួលផែនព្រហ្មទណ្ឌ នៃស្នងការដ្ឋាននគរបាលរាជធានីភ្នំពេញ, លោក លីម ប៊ុនហេង ព្រះអាជ្ញារង នៃអយ្យអមសាលាដំបូងរាជធានីភ្នំពេញ និងកម្លាំងចម្រុះ នៃអធិការដ្ឋាននគរបាលខណ្ឌទួលគោក។

ក្នុងប្រតិបត្តិការនេះ លោក ឃ្លាំង ហួត បានអំពាវនាវដល់ប្រជាពលរដ្ឋផ្សេងទៀតដែលបានបាត់ម៉ូតូ ឬបានដាក់បញ្ចាំម៉ូតូ ត្រូវមកលស់ម៉ូតូវិញ និងរកម៉ូតូមិនឃើញនោះ ត្រូវប្រញាប់រួតរះដាក់ពាក្យបណ្ដឹងនៅ ស្នងការដ្ឋាននគរបាលរាជធានីភ្នំពេញ ដើម្បីឱ្យអាជ្ញាធរបានរៀបចំធ្វើការត្រួតពិនិត្យឯកសារ និងប្រគល់ម៉ូតូជូនទៅពួកគាត់វិញ។

លោក ឃ្លាំង ហួត បញ្ជាក់ថា ក្នុងរង្វង់ប្រតិបត្តិការចុះត្រួតពិនិត្យមើលទីតាំងឃ្លាំងបញ្ចាំ គឺធ្វើជាប់ជាប្រចាំដូចភ្លៀងរលឹម ប៉ុន្តែដែលមានការផ្អាកមួយរយៈនេះ ដោយសារតែពុំមានកន្លែងគ្រប់គ្រាន់សម្រាប់ស្តុកម៉ូតូដែលត្រូវបានរហូត។ លោក សូមធ្វើការឱ្យចប់មួយករណីនេះសិន និងបន្តចុះត្រួតពិនិត្យនៅទីតាំងផ្សេងៗទៀតនៅក្នុងរាជធានីភ្នំពេញ។

លោកអភិបាលរង រាជធានី បានបញ្ជាក់ថា ក្នុងរង្វង់ប្រតិបត្តិការកន្លងមក កម្លាំងអាជ្ញាធរបានដកហូតម៉ូតូបានជាង ១០០០គ្រឿង។ ដូច្នេះនៅព្រឹកថ្ងៃនេះ បានដកហូតម៉ូតូចំនួន ២៦២ គ្រឿង ប្រគល់ជូនប្រជាពលរដ្ឋដែលបានដាក់ពាក្យបណ្ដឹង និងនៅសល់ម៉ូតូជាង ៩០០ គ្រឿងបន្តទៀត ស្តុបនៅឃ្លាំង OCIC។ សូមឱ្យប្រជាពលរដ្ឋប្រញាប់ដាក់ពាក្យបណ្ដឹងបន្ត ដើម្បីអាជ្ញាធរបានត្រូវពិនិត្យ និងប្រគល់ម៉ូតូជូន៕

អត្ថបទ៖ សុខា

The post ចុះដកហូតម៉ូតូ ២៦២គ្រឿង ពីឃ្លាំងបញ្ចាំ ប្រគល់ជូនដើមបណ្ដឹងមានឯកសារត្រឹមត្រូវ appeared first on Kampuchea Thmey Daily.

ថ្លែងក្នុងដំណើរចុះត្រួតពិនិត្យសំណង់សាងសង់ថ្មី នៅក្នុងរាជធានីភ្នំពេញ នាពេលថ្មីៗនេះ លោក ឃ្លាំង ហួត ជឿជាក់ថា ក្រោយពីការប្រកាសរឹតបន្តឹងនេះ ឧបនាយករដ្ឋមន្រ្តី ជា សុផារ៉ា រដ្ឋមន្រ្តីក្រសួងរៀបចំដែនដី ក៏មានការ​សប្បាយចិត្តផងដែរ។

ជាមួយគ្នានេះ លោកបញ្ជាក់ថា ម្ចាស់សំណង់ ត្រូវតែទៅស្នើសុំច្បាប់សាងសង់នៅច្រកចេញចូលតែមួយផ្ទាល់ ដោយមិនត្រូវពឹងពាក់អ្នករត់ការឡើយ។ លោកលើកឡើងដូច្នេះថា« អ្នកខ្លះ គាត់ទៅតាមអ្នករត់ការ ហើយនិយាយថា អស់លុយច្រើន តែលុយនេះ មិនមែនមកច្រកចេញចូលតែមួយទេ គឺបានទៅអ្នករត់ការ»។

លោកសង្កត់ធ្ងន់ថា ប្រសិនបើមានការសាងសង់សំណង់ខុសច្បាប់ គឺអភិបាលខណ្ឌ ជាអ្នកទទួលខុសត្រូវ ព្រោះធ្វើឱ្យកើតមានរឿងនេះឡើង។ លោកគូសបញ្ជាក់ថា ក្នុងនាមអាជ្ញាធរ ត្រូវធ្វើអ្វីដោយប្រយ័ត្នប្រយ៉ែង មិនត្រូវប្រព្រឹត្តទង្វើមិនល្អ នាំឱ្យប៉ះពាល់ដល់គ្រួសារខ្លួន និងស្ថាប័ន ពោលគឺត្រូវរក្សាតម្លៃរបស់ខ្លួនឱ្យបាន។

ទន្ទឹមនឹងនេះ លោកអភិបាលរងរាជធានីភ្នំពេញ បានស្នើដល់ម្ចាស់សំណង់ទាំងអស់ ត្រូវស្វែងរកក្រុមហ៊ុនសាងសង់ណា ដែលមានស្តង់ដារ និងមានអាជ្ញាបណ្ណត្រឹមត្រូវ ដើម្បីចៀសវាងមានគ្រោះថ្នាក់កើតឡើងដោយប្រការណាមួយ។

សូមបញ្ជាក់ថា ក្រសួង​រៀបចំ​ដែនដី នគរូបនីយកម្ម និង​សំណង់ បានអនុម័ត​សំណើ​សាងសង់​សរុប ១ ១០០ គម្រោង​ក្នុង​ត្រីមាស​ទី​៤ ឆ្នាំ ​២០២២ ដោយ​កើនឡើង​ជិត ៦​ ភាគរយ​បើ​ធៀប​នឹង​រយៈ​ពេល​ដូចគ្នា​ឆ្នាំ​ ២០២១ ដោយ​គម្រោង​ទាំងអស់​មានទឹក​ប្រាក់​ស​រុ​ប ១​ ពាន់​លាន​ដុល្លារ​។​

ទិន្នន័យ​ឱ្យដឹងទៀតថា នៅក្នុង​ចំណោម​គម្រោង​សាងសង់​ដែល​បានអនុម័ត​ទាំង​ ១ ១០០ គឺ​គម្រោង​សំណង់​លំនៅឋាន​​ភូមិគ្រឹះ មាន ៩៤៣ សំណង់​ពាណិជ្ជកម្ម​ ៧៣ សំណង់​ឧស្សាហកម្ម​ ៥៥ សំណង់​សាធារណៈ ១៧ និង​សំណង់​ទេសចរណ៍​ ១២​។

​អ្នកជំនាញ បានលើកឡើងថា គម្រោង​ដែល​ស្នើសុំ​សាងសង់​នា​រយៈពេល​ចុងក្រោយ​នេះ គឺ​ភាគច្រើន​ជា​សំណង់​លំនៅឋាន​ដែលមាន​ម្ចាស់​ជា​វិនិយោគិន​ក្នុងស្រុក ចំណែក​គម្រោង​ធំៗ ដែលមាន​ម្ចាស់​ជា​វិនិយោគិន​បរទេស គឺ​មិនសូវមាននោះ​ទេ​៕

The post លោក ឃ្លាំង ហួត ប្រកាសរឹតបន្តឹងគុណភាពសំណង់​នៅទូទាំងរាជធានីភ្នំពេញ appeared first on Kampuchea Thmey Daily.

លោក ឃ្លាំង ហួត បានសរសេរនៅលើគណនីហ្វេសប៊ុករបស់លោក នៅរសៀលថ្ងៃទី ២៨ ខែកញ្ញានេះថា បេសកម្មបង្រ្កាបល្បែងស៊ីសងខុសច្បាប់ កុងស៊ីបញ្ចាំខុសច្បាប់ ជាភារកិច្ចអាជ្ញាធរមានសម្ថតកិច្ច និងអ្នកពាក់ព័ន្ធ ត្រូវអនុវត្តន៍ដោយការទទួលខុសត្រូវខ្ពស់។

លោកថា ការមិនចូលរួមមិនអើពើ របស់មន្រ្តីកងកម្លាំងមានសម្ថតកិច្ចដែលពាក់ព័ន្ធ គឺស្មើនឹងមើល​ងាយបទបញ្ជាថ្នាក់ដឹកនាំ មើលងាយប្រជាជនស្លូតត្រង់។ អភិបាលរងរាជធានីភ្នំពេញ បានបញ្ជាក់ទៀតថា «ទីតាំងឃ្លាំងរំសេវ និងទីតាំដទៃទៀត ត្រូវតែបំបាត់ការទទួលបញ្ចាំរបស់ចោរ របស់គ្មានឯកសារគ្រប់គ្រាន់»។

សូមជម្រាបថា អភិបាលរងរាជធានីភ្នំពេញ លោក ឃ្លាំង​ ហួត​ ​និងអភិបាលខណ្ឌទួលគោក លោក​ ជា​ ពិសី​ នៅព្រឹកថ្ងៃទី ២៨ ខែកញ្ញា ឆ្នាំ ២០២២ ​បានបន្តចុះត្រួតពិនិត្យមើលឃ្លាំងបញ្ចាំមួយកន្លែងផ្សេងទៀត​ នៅសង្កាត់បឹងសាឡាង​ ខណ្ឌទួលគោក បន្ទាប់ពីបានផ្អាកមួយរយៈអំឡុងពេលពិធីបុណ្យភ្ជុំបិណ្ឌ។

សូមជម្រាបថា ដោយទទួលបានបទបញ្ជាពីលោក ឃួង ស្រេង អភិបាល នៃគណៈអភិបាលរាជធានីភ្នំពេញ គឺលោក ឃ្លាំង ហួត ដោយមានការចូលរួមពីលោក ជា ពិសី អភិបាលខណ្ឌទួលគោក លោកព្រះរាជអាជ្ញារង លោកក្រឡាបញ្ជី លោកអធិការ លោកមេបញ្ជាការ លោកប្រធានមន្ទីរហិរញ្ញវត្ថុ លោកប្រធានមន្ទីរពានិជ្ជកម្ម ប្រធានសាខាពន្ធដាខណ្ឌទួលគោក និងអាជ្ញាធរសង្កាត់-ភូមិ បានបើកយុទ្ធនាការបោសសម្អាត ឃ្លាំងបញ្ចាំខុសច្បាប់ (ឃ្លាំងរំសេវ) ស្ថិតក្នុងសង្កាត់ទឹកល្អក់ទី ៣ ខណ្ឌទួលគោក រយៈពេល ៥ថ្ងៃ ចាប់ពីថ្ងៃទី ១៩ ដល់ថ្ងៃទី ២៣ ខែកញ្ញា ឆ្នាំ ២០២២ សម្រេចបានលទ្ធផល ដូចខាងក្រោម៖

-បានចុះបង្ក្រាបចំនួន ១៣ទីតាំង

-បានដកហូតម៉ូតូសរុបចំនួន ១,១១៣ គ្រឿង

-បានដកហូតរថយន្តសរុបចំនួន ១៤ គ្រឿង

-បានដកហូតPassappសរុបចំនួន ១២ គ្រឿង

-បានដកហូតកង់បីសរុបចំនួន ៩ គ្រឿង៕

អត្ថបទ៖ ឃួន សុភ័ក្រ

The post លោក ឃ្លាំង ហួត ៖ ទីតាំងឃ្លាំងរំសេវ និងទីតាំងដទៃទៀត ត្រូវតែបំបាត់ការទទួលបញ្ចាំរបស់ចោរ របស់គ្មានឯកសារគ្រប់គ្រាន់ appeared first on Kampuchea Thmey Daily.

តាមរយៈទំព័រហ្វេសប៊ុករបស់ខ្លួន នៅព្រឹកថ្ងៃទី ២៦ ខែកញ្ញានេះ លោក ឃ្លាំង ហួត បានឲ្យដឹងថា កុងស៊ីទទួលបញ្ចាំ ដែលត្រូវមានវិធានការដាក់ទោសតាមច្បាប់ គឺរួមមាន៖ ទទួលបញ្ចាំរបស់ចោរ, ទទួលបញ្ចាំរបស់គ្មានឯកសារ, ទទួលបញ្ចាំយកការប្រាក់ខ្ពស់ខុសច្បាប់, និងទទួលបញ្ចាំមិនបង់ពន្ធដារជូនរដ្ឋ។

លោកអភិបាលរងរាជធានីភ្នំពេញ បានអំពាវនាវថា «សូមប្រជាជនរាជធានីភ្នំពេញ ត្រូវចូលរួមសហការជាពលរដ្ឋល្អ ក្នុងយុទ្ធនាការបោសសម្អាតកុងស៊ីបញ្ចាំខុសច្បាប់ ដើម្បីលុបបំបាត់អំពើចោរកម្មនានា លុបបំបាត់ល្បែងស៊ីសងខុសច្បាប់ ការចែកចាយ ប្រើប្រាស់គ្រឿងញៀន ទូទាំងរាជធានីនៃយើង»។

លោក ឃ្លាំង ហួត បានបន្ថែមទៀតថា រដ្ឋបាលរាជធានីភ្នំពេញ ក្រោមការដឹកនាំរបស់លោក ឃួង ស្រេង សូមថ្លែងអំណរគុណដល់ប្រជាជនរាជធានីភ្នំពេញ ដែលបានចូលរួមគាំទ្រយ៉ាងពេញទំហឹង និងក៏សូមគោរពអរគុណយ៉ាងជ្រាលជ្រៅបំផុត ចំពោះ​សម្ដេចតេជោ ហ៊ុន សែន ដែលបានដាស់តឿន និងផ្ដល់លទ្ធភាពខ្ពស់។

សូមជម្រាបថា ដោយទទួលបានបទបញ្ជា​ពី​លោក ឃួង​ ស្រេង​ អភិបាល​ នៃគណៈអភិបាលរាជធានីភ្នំពេញ​  គឺលោក ឃ្លាំង​ ហួត​ ដោយមានការចូលរួមពី​លោក​ ជា​ ពិសី​ អភិបាលខណ្ឌទួលគោក​ លោកព្រះរាជអាជ្ញារង​ លោកក្រឡាបញ្ជី​ លោកអធិការ​ លោកមេបញ្ជាការ​ លោកប្រធានមន្ទីរហិរញ្ញវត្ថុ​ លោកប្រធានមន្ទីរពានិជ្ជកម្ម​ ប្រធានសាខាពន្ធដាខណ្ឌទួលគោក​ និងអាជ្ញាធរ​សង្កាត់​-ភូមិ​ បានបើកយុទ្ធនាការ​បោសសម្អាត​ ឃ្លាំងបញ្ចាំខុសច្បាប់ (ឃ្លាំងរំសេវ​) ស្ថិតក្នុងសង្កាត់ទឹកល្អក់ទី ៣​ ខណ្ឌទួលគោក​ រយៈពេល ៥ថ្ងៃ​ ចាប់ពីថ្ងៃទី ១៩ ដល់ថ្ងៃទី ២៣​ ខែកញ្ញា​ ឆ្នាំ ២០២២​ សម្រេចបានលទ្ធផល​ ដូចខាងក្រោម​ ៖

-បានចុះបង្ក្រាបចំនួន​ ១៣ទីតាំង

-​បានដកហូតម៉ូតូ​សរុបចំនួន​ ១,១១៣​ គ្រឿង

-​បានដកហូតរថយន្ត​សរុបចំនួន​ ១៤​ គ្រឿង

-​បានដកហូតPassappសរុបចំនួន​ ១២​ គ្រឿង

-​បានដកហូតកង់បី​សរុបចំនួន​ ៩​ គ្រឿង។

បានប្រគល់ម៉ូតូ​ជូនជនរងគ្រោះវិញសរុបចំនួន​ ១០​ គ្រឿង។

ចំពោះប្រជាពលរដ្ឋរូបណាដែលបានបាត់ម៉ូតូ​ ហើយយរកមិនទាន់ឃើញញ​ ​សូ​មកុំទាន់អស់សង្ឃឹម​ ក្រុមការងារ នឹងខិតខំប្រឹងប្រែងស្វែងរកបន្តទៀត។ នេះបើតាមសំណេររបស់លោក ឃ្លាំង ហួត អភិបាលរងរាជធានីភ្នំពេញ កាលពីថ្ងៃទី ២៤ ខែកញ្ញា ឆ្នាំ ២០២២ ដោយលោកបានបន្ថែមថា «ជាមួយគ្នានេះ​ ខ្ញុំសូមអំពាវនាវដល់អ្នករកស៊ីខុសច្បាប់ទាំងឡាយ​ សូមកែខ្លួនត្រឡប់មករកស៊ីទទួលទានដោយសុចរិតវិញ​ និងសូមអំពាវនាវដល់បងប្អូនប្រជាពលរដ្ឋទាំងអស់ ជួយគាំទ្រដល់ប្រតិបត្តិការនេះ​ និងចូលរួមសហការផ្ដល់ព័ត៌មានដល់យើងខ្ញុំ»​៕

The post លោក ឃ្លាំង ហួត អំពាវនាវឲ្យពលរដ្ឋចូលរួមសហការជាមួយអាជ្ញាធរ ក្នុងយុទ្ធនាការបោសសម្អាតកុងស៊ីបញ្ចាំខុសច្បាប់ appeared first on Kampuchea Thmey Daily.

លោក ឃ្លាំង ហួត សរសេរថា៖ “ខ្ញុំទទួលការរិះគន់ តែមិនរាថយក្នុងការអនុវត្តន៍ច្បាប់និងបទបញ្ជាឡើយ ជ្រុងមួយមានពន្លឺក៏មានជ្រុងមួយទៀតមានស្រមោល”។

លោក សំណូមពរថា៖ “កុំកាត់យក video ខ្លីមួយនេះមករិះគន់ខ្ញុំ ថាកាចចរិកឈ្លើយ។ ខ្ញុំទន់ភ្លន់ជាមួយមនុស្សណាដែលគោរពច្បាប់ទំលាប់តែប៉ុណ្ណោះ”។

អភិបាលខណ្ឌជ្រោយចង្វា លើកឡើងថា បេសកកម្មត្រូវតាមគោលការណ៍កំណត់គឺត្រូវតែគោរព។ បេសកកម្មណាដែលគោលការណ៍មិនអនុញាតិគឺត្រូវតែបដិសេធ ហើយព្រមាន។

លោកមានប្រសាសន៍ថា៖ “តើដឹងទេថា កូវីដ-១៩ បានឆក់យកជីវិតមនុស្សអស់ប៉ុន្មានហើយ អ្នកជម្ងឺដេកតាមមន្ទីពេទ្យ សាលារៀន រោងការ លំបាកប៉ុណ្ណា។ តើយើងសុខចិត្តលំបាកក្នុងរយះពេលខ្លី រឺមួយយើងបន្តលំបាករយះពេលវែង?”

លោក ឃ្លាំង ហួត សង្ឃឹមថាប្រជាជនកម្ពុជានឹងឈ្នះកូវីត-១៩ ក្នុងរយៈពេលដ៏ខ្លីខាងមុខនេះ តែអាស្រ័យលើប្រជាជនកម្ពុជាប្រជាជនទាំងអស់សាម្គីគ្នា ហើយគោរពតាមការណែនាំ។ លោកបញ្ជាក់ថា លំបាកក្នុងរយៈពេលខ្លីប្រសើរជាងវេទនារយៈពេលវែង។ អ្នកធ្វើតែងតែមានការខុសឆ្គងខ្លះបើគេចង់ចាប់កំហុស៕

The post អភិបាលខណ្ឌជ្រោយចង្វា ទទួលស្គាល់នូវការរិះគន់ តែមិនរាថយក្នុងការអនុវត្តច្បាប់ និងបទបញ្ជា appeared first on Kampuchea Thmey Daily.