គួរជ្រាបថា កាលពីថ្ងៃទី ២៩ ខែមេសា ឆ្នាំ២០២៥ ទីស្តីការគណៈរដ្ឋមន្រ្តីរដ្ឋាភិបាលជប៉ុនបានប្រកាសឈ្មោះអ្នកដែលត្រូវទទួលគ្រឿងឥស្សរិយយសសម្រាប់សរទររដូវឆ្នាំ២០២៥។ ឧត្ដមប្រឹក្សាផ្ទាល់ព្រះមហាក្សត្រកម្ពុជា លោក ជា សុផារ៉ា គឺជាឥស្សរជនកម្ពុជាតែម្នាក់គត់ ក្នុងចំណោមមនុស្ស១០៧នាក់ ដែលត្រូវបានទីស្តីការគណៈរដ្ឋមន្រ្តីរដ្ឋាភិបាលជប៉ុនប្រកាសផ្ដល់ជូនគ្រឿងឥស្សរិយយសសម្រាប់និទាឃរដូវឆ្នាំ២០២៥។ ជប៉ុន ផ្ដល់គ្រឿងឥស្សរិយយសនេះ ដល់លោក ជា សុផារ៉ា គឺតែមើលឃើញថា លោក បានរួមចំណែកក្នុងកិច្ចការដែលជាផ្ដល់ប្រយោជន៍រួម ក្នុងកិច្ចការងារសង្គម និងបានពង្រឹងទំនាក់ទំនងនិងមិត្តភាពរវាងជប៉ុន និងកម្ពុជា។

គួរ​ឱ្យដឹងថា លោក ជា សុផារ៉ា  កើតថ្ងៃទី ២០ ខែមីនា ឆ្នាំ១៩៥៣ នៅភូមិរការខ្មែរ ឃុំរការខ្នុរ ស្រុកក្រូចឆ្មារ ខេត្តកំពង់ចាម។ លោក គឺជាបុគ្គលឆ្នើមមួយរូបមានកេរិ៍ឈ្មោះល្បីល្បាញជំនាញដោះស្រាយបញ្ហាដីធ្លីនៅកម្ពុជា។ ក្នុងបទពិសោធសិក្សា លោកជា សុផារ៉ា បានឆ្លងកាត់វគ្គសិក្សានយោបាយជាច្រើននៅទីក្រុងហូជីមិញ ប្រទេសវៀតណាម។ លោកបានបញ្ចប់វគ្គសិក្សានយោបាយ ជំនាន់ទី១ នៅសាលានយោបាយរដ្ឋធានី វគ្គសិក្សានយោបាយបច្ចេកទេស នៅសាលារដ្ឋបាលនីតិវិធី វគ្គសិក្សាទ្រឹស្តីនយោបាយ ជំនាន់ទី៤ នៅសាលាង្វៀនអាយតួក។

លោកធ្លាប់កាន់តំណែងចាប់ពីអនុប្រធានតំបន់៤ក្រុងភ្នំពេញចាប់ពីឆ្នាំ ១៩៧៩ និងកាន់តំណែងជាអនុប្រធានគណៈកម្មាធិការប្រជាជនសង្កាត់លេខ៤ ក្រុងភ្នំពេញ, ប្រធានគណៈកម្មាធិការប្រជាជនខណ្ឌទួលគោក,អនុប្រធានគណៈកម្មាធិការប្រជាជនក្រុងភ្នំពេញ, អភិបាលរងរាជធានី, អភិបាលរងទី១ រាជធានី, ប្រតិភូរាជរដ្ឋាភិបាលទទួលបន្ទុកអភិបាលរងទី១ រាជធានី,ប្រតិភូរាជរដ្ឋាភិបាលទទួលបន្ទុកអភិបាលរាជធានី, ឯកអគ្គរាជទូតកម្ពុជាប្រចាំមីយ៉ាន់ម៉ា,ទីប្រឹក្សាសម្ដេចតេជោ ហ៊ុន សែន, រដ្ឋលេខាធិការក្រសួងរៀបចំដែនដី, រដ្ឋមន្ត្រីក្រសួងអភិវឌ្ឍន៍ជនបទ។

លោក ឡើងកាន់តំណែងជាទេសរដ្ឋមន្ត្រី រដ្ឋមន្ត្រីក្រសួងរៀបចំដែនដីនគរូបនីយកម្ម ពីខែមេសា២០១៦ ដល់ខែកញ្ញា ឆ្នាំ២០១៨, នៅខែកញ្ញា ឆ្នាំ២០១៨ រដ្ឋាភិបាលនីតិកាលទី៦ ចាប់ផ្ដើមឡើង លោកត្រូវបានតែងតាំងឧបនាយករដ្ឋមន្ត្រី រដ្ឋមន្ត្រីក្រសួងរៀបចំដែនដី នគរូបនីយកម្ម និងសំណង់។ នៅថ្ងៃទី១២ខែតុលា ឆ្នាំ២០២៣ ព្រះករុណា ព្រះបាទសម្ដេចព្រះបរមនាថ នរោត្តម សីហមុនី ព្រះមហាក្សត្រកម្ពុជា តែងតាំងលោក ជា សុផារ៉ា ជាឧត្ដមប្រឹក្សាផ្ទាល់ព្រះមហាក្សត្រ ឋានៈស្មើឧបនាយករដ្ឋមន្ត្រី។ ក្រៅពីលោក ជា សុផារ៉ា ក៏ជាសមាជិករដ្ឋសភានីតិកាលទី៧ផងដែរ៕

ដោយ៖ ង៉ិល ណារ៉ាត់

ចុចអាន៖ លោក ជា សុផារ៉ា  ជាឥស្សរជនកម្ពុជាតែម្នាក់គត់ ក្នុងចំណោមបុគ្គល១០៧នាក់ ដែលជប៉ុន ផ្ដល់គ្រឿងឥស្សរិយយស

The post ព្រឹកនេះ លោក ជា សុផារ៉ា ទៅដល់ជប៉ុនហើយ ដើម្បីទទួលគ្រឿងឥស្សរិយយសនៅក្នុងព្រះរាជវាំងជប៉ុន appeared first on Kampuchea Thmey Daily.

​​សេចក្ដីប្រកាសព័ត៌មានរបស់ស្ថានទូតជប៉ុនប្រចាំកម្ពុជា សរសេរដូច្នេះ៖«នៅថ្ងៃទី ២៩ ខែមេសា ឆ្នាំ២០២៥ ទីស្តីការគណៈរដ្ឋមន្រ្តីរដ្ឋាភិបាលជប៉ុនបានប្រកាសឈ្មោះអ្នកដែលត្រូវទទួលគ្រឿងឥស្សរិយយសសម្រាប់សរទររដូវឆ្នាំ២០២៥។ ឯកឧត្តម ជា សុផារ៉ា គឺជាបុគ្គលម្នាក់ ក្នុងចំណោមបុគ្គលឆ្នើ​ម ១០៧រូបជាជនបរទេស ដែលត្រូវទទួលគ្រឿងឥស្សរិយយស ហើយឯកឧត្ដម ជា សុផារ៉ា ទទួលគ្រឿងឥស្សរិយយស The Grand Cordon of the Order of the Rising Sun ជាការទទួលស្គាល់ការរួមចំណែករបស់ឯកឧត្តម ក្នុងការពង្រឹងទំនាក់ទំនងនិងមិត្តភាពរវាងជប៉ុន និងកម្ពុជា។ »។

លោក ជា សុផារ៉ា កើតថ្ងៃទី ២០ ខែមីនា ឆ្នាំ១៩៥៣ នៅភូមិរការខ្មែរ ឃុំរការខ្នុរ ស្រុកក្រូចឆ្មារ ខេត្តកំពង់ចាម។ លោក គឺជាបុគ្គលឆ្នើមមួយរូបមានកេរិ៍ឈ្មោះល្បីល្បាញជំនាញដោះស្រាយបញ្ហាដីធ្លីនៅកម្ពុជា។ ក្នុងបទពិសោធសិក្សា លោកជា សុផារ៉ា បានឆ្លងកាត់វគ្គសិក្សានយោបាយជាច្រើននៅទីក្រុងហូជីមិញ ប្រទេសវៀតណាម។ លោកបានបញ្ចប់វគ្គសិក្សានយោបាយ ជំនាន់ទី១ នៅសាលានយោបាយរដ្ឋធានី វគ្គសិក្សានយោបាយបច្ចេកទេស នៅសាលារដ្ឋបាលនីតិវិធី វគ្គសិក្សាទ្រឹស្តីនយោបាយ ជំនាន់ទី៤ នៅសាលាង្វៀនអាយតួក។

លោកធ្លាប់កាន់តំណែងចាប់ពីអនុប្រធានតំបន់៤ក្រុងភ្នំពេញចាប់ពីឆ្នាំ ១៩៧៩ និងកាន់តំណែងជាអនុប្រធានគណៈកម្មាធិការប្រជាជនសង្កាត់លេខ៤ ក្រុងភ្នំពេញ, ប្រធានគណៈកម្មាធិការប្រជាជនខណ្ឌទួលគោក,អនុប្រធានគណៈកម្មាធិការប្រជាជនក្រុងភ្នំពេញ, អភិបាលរងរាជធានី, អភិបាលរងទី១ រាជធានី, ប្រតិភូរាជរដ្ឋាភិបាលទទួលបន្ទុកអភិបាលរងទី១ រាជធានី,ប្រតិភូរាជរដ្ឋាភិបាលទទួលបន្ទុកអភិបាលរាជធានី, ឯកអគ្គរាជទូតកម្ពុជាប្រចាំមីយ៉ាន់ម៉ា,ទីប្រឹក្សាសម្ដេចតេជោ ហ៊ុន សែន, រដ្ឋលេខាធិការក្រសួងរៀបចំដែនដី, រដ្ឋមន្ត្រីក្រសួងអភិវឌ្ឍន៍ជនបទ។

លោក ឡើងកាន់តំណែងជាទេសរដ្ឋមន្ត្រី រដ្ឋមន្ត្រីក្រសួងរៀបចំដែនដីនគរូបនីយកម្ម ពីខែមេសា២០១៦ ដល់ខែកញ្ញា ឆ្នាំ២០១៨, នៅខែកញ្ញា ឆ្នាំ២០១៨ រដ្ឋាភិបាលនីតិកាលទី៦ ចាប់ផ្ដើមឡើង លោកត្រូវបានតែងតាំងឧបនាយករដ្ឋមន្ត្រី រដ្ឋមន្ត្រីក្រសួងរៀបចំដែនដី នគរូបនីយកម្ម និងសំណង់។ នៅថ្ងៃទី១២ខែតុលា ឆ្នាំ២០២៣ ព្រះករុណា ព្រះបាទសម្ដេចព្រះបរមនាថ នរោត្តម សីហមុនី ព្រះមហាក្សត្រកម្ពុជា តែងតាំងលោក ជា សុផារ៉ា ជាឧត្ដមប្រឹក្សាផ្ទាល់ព្រះមហាក្សត្រ ឋានៈស្មើឧបនាយករដ្ឋមន្ត្រី។ ក្រៅពីលោក ជា សុផារ៉ា ក៏ជាសមាជិករដ្ឋសភានីតិកាលទី៧ផងដែរ៕

ដោយ៖ ង៉ិល ណារ៉ាត់

The post លោក ជា សុផារ៉ា  ជាឥស្សរជនកម្ពុជាតែម្នាក់គត់ ក្នុងចំណោមបុគ្គល១០៧នាក់ ដែលជប៉ុន ផ្ដល់គ្រឿងឥស្សរិយយស appeared first on Kampuchea Thmey Daily.

លោកស្រី គ្រីស្ទីណា គូវ៉ាចា សាន់តូពូឡូស ឯកអគ្គរដ្ឋទូតហ្វាំងឡង់ប្រចាំកម្ពុជាដែលមាននិវេសនដ្ឋាននៅទីក្រុងបាងកក បានសម្ដែងការអបអរសាទរចំពោះការអភិវឌ្ឍដ៏រីកចម្រើនរបស់កម្ពុជា និងបានគូសរំលេចពីភាពរីកចម្រើននៃទំនាក់ទំនងការទូតរវាងប្រទេសទាំងពីរ កម្ពុជា-ហ្វាំងឡង់។ លោកស្រី បានបញ្ជាក់ថា ទំនាក់ទំនង ក៏ដូចជាកិច្ចសហប្រតិបត្តិការរវាងប្រទេសពីរ គឺបានវិវត្តយ៉ាងល្អប្រសើរគួរឱ្យកត់សម្គាល់ ក្នុងរយៈពេល ៥ទស្សវត្សកន្លងមក លើវិស័យសំខាន់មួយចំនួន។

តាមការបញ្ជាក់បន្ថែមរបស់លោកស្រី ឯកអគ្គរដ្ឋទូត ក្នុងបេសកកម្មការទូតនេះ នឹងផ្ដោតទៅលើវិស័យអាទិភាព ២បន្ថែមទៀត ដែលប្រទេសកម្ពុជា និងហ្វាំងឡង់ នឹងត្រូវពង្រឹង គឺកិច្ចសហប្រតិបត្តិការពាក់ព័ន្ធនឹងការងារបដិវត្តកម្មឌីជីថល និងសេដ្ឋកិច្ចវិលជុំ។ បេសកម្មសំខាន់ៗផ្សេងទៀត ក៏មានពាក់ព័ន្ធនឹងក្រសួងសេដ្ឋកិច្ច និងហិរញ្ញវត្ថុ ទៅលើការលើកកម្ពស់គណនេយ្យភាព ហិរញ្ញវត្ថុសាធារណៈ និងពាក់ព័ន្ធក្រសួងបរិស្ថាន លើការងារប្រមូល និងការគ្រប់គ្រងសំរាម ជាដើម។

នៅចំពោះមុខសមាជិករដ្ឋសភារបស់កម្ពុជា ឯកអគ្គរដ្ឋទូតហ្វាំងឡង់រូបនេះ បានបង្ហាញការប្ដេជ្ញាចិត្ត នឹងជួយជំរុញភ្ញៀវទេសចរ និងអ្នកវិនិយោគហ្វាំងឡង់មកកម្ពុជាបន្ថែមទៀតជាមួយនឹងការជំរុញទំនាក់ទំនងរវាងប្រជាជន និងប្រជាជន ក៏ដូចជាការជួយអភិវឌ្ឍវិស័យធនធានមនុស្សរបស់កម្ពុជាផងដែរ។

ជំនួបនៅវិមានរដ្ឋសភា កាលពីព្រឹកថ្ងៃទី១៣ ខែមីនា ឆ្នាំ២០២៥ លោក ជា សុផារ៉ា ប្រធានក្រុមមិត្តភាពរដ្ឋសភាកម្ពុជា-អង់គ្លេស បានថ្លែងអបអរសាទរលោកស្រី គ្រីស្ទីណា គូវ៉ាចា សាន់តូពូឡូស ដែលត្រូវបានតែងតាំងជាឯកអគ្គរដ្ឋទូតហ្វាំងឡង់ប្រចាំកម្ពុជា ហើយតាមរយៈលោកស្រី ឯកអគ្គរដ្ឋទូត លោក ជា សុផារ៉ា ក៏បានអរគុណចំពោះប្រជាជន និងរដ្ឋាភិបាលហ្វាំងឡង់ដែលជួយគាំទ្ររាជរដ្ឋាភិបាលកម្ពុជាកន្លងមក លើវិស័យដូចជា កសិកម្ម សកម្មភាពកំចាត់មីន ការប្រឆាំង និងការជួញដូរមនុស្ស ការចុះបញ្ជីដីធ្លី ប្រព័ន្ធគ្រប់គ្រងភូមិបាល ការកែលំអរផ្លូវជនបទ ក៏ដូចជាជួយដល់អង្គជំនុំជម្រះវិសាមញ្ញក្នុងតុលាការកម្ពុជា។

លោក ជា សុផារ៉ា បានប្រាប់លោកស្រីរដ្ឋទូត ពីជោគជ័យរបស់រាជរដ្ឋាភិបាលកម្ពុជា ក្រោមការដឹកនាំរបស់សម្តេចធិបតី ហ៊ុន ម៉ាណែត ជានាយករដ្ឋមន្រ្តី ក្នុងការបន្តថែរក្សាសុខសន្តិភាព ស្ថិរភាពនយោបាយ ការអភិវឌ្ឍសេដ្ឋកិច្ច-សង្គម ការអភិវឌ្ឍលើវិស័យធនធានមនុស្ស ហេដ្ឋារចនាសម្ព័ន្ធ និងការលើកកម្ពស់ជីវភាពរស់នៅរបស់ប្រជាពលរដ្ឋ។

ជាការចាប់អារម្មណ៍ ក្នុងជំនួបនោះ លោក ជា សុផារ៉ា ក៏បានបញ្ជាក់ពីនយោបាយការបរទេសរបស់កម្ពុជា គឺប្រកាន់ខ្ជាប់នូវឯករាជ្យផ្អែកលើច្បាប់អន្តរជាតិ និងមិនអនុញ្ញាតឱ្យមានការជ្រៀតជ្រែកចូលកិច្ចការផ្ទៃក្នុងរបស់កម្ពុជាឡើយ។ លោក ថា កម្ពុជាតែងតែប្រកាន់ខ្ជាប់នូវសណ្តាប់ធ្នាប់ពិភពលោកផ្អែកលើច្បាប់ ហើយសម្លេងឆ្នោតមួយសន្លឹករបស់កម្ពុជាក្នុងការគាំទ្រប្រឆាំងនឹងសង្គ្រាមរបស់រុស្សីទៅលើអ៊ុយក្រែន គឺជាសក្ខីភាពនៃការពង្រឹងច្បាប់អន្តរជាតិ៕

The post ទូតហ្វាំងឡង់ សន្យានឹងខំកៀរគរវិនិយោគិនរបស់ខ្លួនមកបណ្ដាក់ទុននៅកម្ពុជា appeared first on Kampuchea Thmey Daily.

ជាក់ស្ដែង នៅក្នុងកម្មវិធីរាត្រីស្រមោលសរបស់ប្រេនលំដាប់ កញ្ញា លីនដា ដែលគេស្គាល់យ៉ាងច្បាស់ថា ត្រូវជាកូនស្រីរបស់លោកឧត្ដមសេនីយ៍ឯក យឹម លាង និងជាចៅស្រីរបស់ឧបនាយករដ្ឋមន្ត្រី ជា សុផារ៉ា បានបង្ហាញខ្លួនក្នុងឈុតពណ៌ទឹកមាសវែងអន្លាយឆែកត្រឹមភ្លៅ ចំណែកឯអាវរចនាបែបលោហពណ៌មាស ជាលំនាំបុរាណនិងសហសម័យលាយឡំគ្នាបង្កើតជារ៉ូបស៊ីវល័យ មានតែមួយគ្មានពីរ។

បន្ថែមពីលើឈុតប្រណិតដែលរូបនាងបានស្លៀកចូលរួមក្នុងកម្មវិធី លីនដា ក៏មិនភ្លេចពាក់នូវគ្រឿងអលង្ការលម្អខ្លួនបង្កើតភាពប្រណិតឆើតឆាយ មិនចាញ់តារាបរទេសដែលមកចូលរួមឡើយ។​ យ៉ាងណាក៏ដោយ មិនមែនត្រឹមរូបសម្រស់ស្រស់សោភានិងឈុតរបស់កូនអភិជនស្លៀកនោះទេ។ ជាទីចាប់អារម្មណ៍បំផុត នោះគឺតម្លៃនៃគ្រឿងលម្អខ្លួនរបស់នាងរាប់ចាប់តាំងពី ក្រវិល,ចិញ្ចៀន , ខ្សែក, កងដៃ និងកាបូប ដែលសុទ្ធសឹងតែជាយីហោ Bvlgari ទាំងអស់។

យោងទៅតាមប្រភពពី Bvlgari បានឲ្យដឹងថា តម្លៃនៃគ្រឿងលម្អខ្លួនរបស់នាងសរុបទាំងអស់គឺជិត ១លានដុល្លារអាមេរិក។ ប៉ុន្តែនេះក៏មិនមែនជារឿងប្លែកនោះទេ សម្រាប់លីនដា មិនថាសម្រស់ និងឈុតប្រណិត ឬគ្រឿងលម្អកាយលើរូបនាង។ រាល់ពេលបង្ហាញខ្លួនក្នុងកម្មវិធីមង្គលម្ដងៗ សម្រស់កូនស្រីពៅឯកឧត្ដមអគ្គស្នងការរង នៃអគ្គស្នងការដ្ឋាននគរបាលជាតិ តែងតែទទួលបានការចាប់អារម្មណ៍ពីមហាជនអ្នកប្រើប្រាស់បណ្ដាញសង្គម ជាពិសេសទាក់ទិននឹងរួបសម្រស់ ល្អគន់ គ្មានទាស់ត្រង់ណា ព្រមជាមួយការរៀបចំខ្លួនយ៉ាងសមសួន ស័ក្ដិសមនឹងគ្រប់កម្មវិធីនាពេលកន្លងមក៕

សូមទស្សនានូវរូបភាពខាងក្រោម ៖

អត្ថបទ៖ សាង ស្រីល័ក្ខ

ចុចអាន៖ពេជ្រ សូលីកា និយាយពាក្យក្នុងចិត្ត ធ្វើឱ្យរៀមច្បង យក់ ថិតរដ្ឋា រំភើបស្រស់ទឹកភ្នែកលើឆាក

The post គ្រឿងអលង្ការរបស់កញ្ញា លីនដា បង្ហាញខ្លួននៅ Bvlgari ថ្ងៃមុន តម្លៃសរុបចូលដល់ខ្ទង់លានដុល្លារ appeared first on Kampuchea Thmey Daily.

លោក លី រស្មី រដ្ឋលេខាធិការក្រសួងរៀបចំដែនដីនគរូបនីយកម្មនិងសំណង់បានបញ្ជាក់ថា​ កន្លងមក​ក្រុងព្រះសីហនុមាន​បញ្ហា​ប្រឈមជាច្រើន​ដូចជាបញ្ហាទឹកកខ្វក់ហូរចូលសមុទ្រ។

តាមការសិក្សាស្រាវជ្រាវ ក្រុងព្រះសីហនុត្រូវការស្ថានីយប្រព្រឹត្តកម្ម​មាន​សមត្ថភាពជា​រួម​​ប្រមាណ ៥ ម៉ឺន​ម៉ែត្រ​គូបក្នុងមួយថ្ងៃ។ បច្ចុប្បន្ននេះស្ថានីយទី១ ទី២ និងទី៣ ​អាច​ប្រព្រឹត្តកម្ម​ទឹក​កខ្វក់​បានជាង ៣ ម៉ឺនម៉ែត្រគូប គិតជាភាគរយបាន ៧២ភាគរយ។

ការសាងសង់ស្ថានីយប្រព្រឹត្តកម្មទឹកកខ្វក់ទី ៣ ប្រើបច្ចេកវិទ្យា​ចុង​ក្រោយ​មានប្រសិទ្ធភាពខ្ពស់ក្នុងការប្រព្រឹត្តកម្មទឹកកខ្វក់ មានផលប៉ះពាល់បរិស្ថានតិចតួច មិន​មាន​ក្លិន​ប៉ះពាល់ដល់​អ្នករស់នៅជុំវិញ ចំណេញ​ពេលវេលា ចំណេញថាមពល​អគ្គិសនី។

​

នៅក្រុងព្រះសីហនុ មានប្រព័ន្ធធាទឹកគ្របដណ្តប់លើផ្ទៃដីប្រមាណ ៨ ០០០​ហិកតា បែងចែកជា ៨ តំបន់ ក្នុងនោះតំបន់ទី១ ដល់តំបន់ទី៨ ជាទីតាំងដែលមាន​ស្ថានភាព​ទឹកកខ្វក់​ច្រើនជាងគេ។

ស្ថានីយទាំង ៣ គ្របដណ្តប់ទៅលើតំបន់ទី ៣,៤,៥ និងទី៦។ ស្ថានីយទី៣ ជាកន្លែងបញ្ចេញទឹកកខ្វក់​ច្រើនជាងគេ​ក្នុង​ក្រុងព្រះសីហនុ ហើយ​ដែល​ប្រមូល​ទឹកកខ្វក់ហូរចេញ​ពីទីតាំងផ្សេង​មកប្រមូលផ្តុំនៅទីតាំងស្ថានីយទី៣ មានសមត្ថភាព​ប្រព្រឹត្តកម្មទឹកកខ្វក់ ២០ ០០០​ម៉ែត្រគូបក្នុងមួយថ្ងៃ។

បើតាមលោក លី រស្មី ចាប់ពីពេលនេះរហូតដល់ឆ្នាំ២០៣០ បន្ទាប់ពីឆ្នាំ២០៣០ ខណៈ​បរិមាណ​ទឹក​កខ្វក់មានច្រើនអាស្រ័យ​​លើ​​បរិមាណប្រជាជន ការស្ថាបនាស្ថានីយទឹកកខ្វក់​ជាជំហាន​មាន​សារសំខាន់​ក្នុងការប្រមូលវេចខ្ចប់ទឹកកខ្វក់ពីទីតាំង​​ផ្សេងៗ​មកចូលស្ថានីយ ស្រប​តាម​លក្ខណ​បច្ចេកទេស៕

អត្ថបទ៖ ស៊ុយ ចាន់ធា

The post ប្រតិភូអន្តរក្រសួង​ចុះពិនិត្យ​ការស្ថាបនាស្ថានីយ​ប្រព្រឹត្តកម្មទឹក​កខ្វក់នៅក្រុង​ព្រះសីហនុ appeared first on Kampuchea Thmey Daily.

យោងតាមសេចក្ដីសម្រេចរបស់គណបក្សប្រជាជនកម្ពុជា បានឲ្យដឹងថា សម្ដេចចក្រី ហេង សំរិន ប្រធានកិត្តិយសគណ បក្ស និងជាប្រធានរដ្ឋសភា ឈរឈ្មោះនៅលេខរៀងទី១ លោក ជា សុផារ៉ា រដ្ឋមន្ត្រីក្រសួងរៀបចំដែនដី ឈរជាបេក្ខជន លេខរៀងទី២ និងរដ្ឋមន្ត្រីក្រសួងសង្គមកិច្ច លោក វង សូត ឈរនៅលេខរៀងទី៣ ខណៈរដ្ឋមន្ត្រីក្រសួងកសិកម្ម លោក ឌិត ទីណា ជាបេក្ខជនពេញសិទ្ធិលេខរៀងទី៦។

រីឯលោក អ៊ាង សុផល្លែត រដ្ឋលេខាធិការក្រសួងបរិស្ថាន ជាបេក្ខជនពេញសិទ្ធិលេខរៀងទី៤ លោក ឆាយ ឫទ្ធីសែន អគ្គនាយករៀបចំដែនដី និងនគរូបនីយកម្ម ជាបេក្ខជនពេញសិទ្ធិលេខរៀងទី៨។ ចំណែក លោក ចាយ បូរិន និងលោក កែវ ពិសិដ្ឋ ដែលជាសមាជិករដ្ឋសភា និងជាតំណាងរាស្ត្រក្នុងតំណែងសព្វថ្ងៃ គឺត្រូវឈរឈ្មោះជាបេក្ខជនពេញសិទ្ធិនៅលេខរៀងទី៥ ទី៧ សម្រាប់ការបោះឆ្នោតនេះជាបន្តទៀត។

បន្ថែមពីលើនេះ មន្ត្រីជារដ្ឋលេខាធិការ៤រូប គឺត្រូវបានប្រកាសតែងតាំងជាបេក្ខជនបម្រុងក្នុងបញ្ជីបេក្ខជនឈរឈ្មោះរបស់គណបក្សប្រជាជនកម្ពុជា មណ្ឌលខេត្តត្បូងឃ្មុំ​ ដែលរួមមាន៖ លោកស្រី សាន្ត អារុណ រដ្ឋលេខាធិការក្រសួងកិច្ចការនារី លោក ថេង ច័ន្ទសង្វារ រដ្ឋលេខាធិការក្រសួងរៀបចំដែនដី លោក ធា គ្រុយ រដ្ឋលេខាធិការក្រសួងសុខាភិបាល និងលោកស្រី ម៉ាត់ ម៉ារ៉ា រដ្ឋលេខាធិការក្រសួងអភិវឌ្ឍន៍ជនបទ។ ដោយឡែក បេក្ខជនបម្រុងចំនួន៤រូបផ្សេងទៀត រួមមាន៖ លោក ម៉ូត យូសុះ លោក យិន ប៊ុនណាង លោក សន សារ៉ាណា និងលោក ម៉ែន គួន៕

ដោយ៖ ធឿន វ៉ាន់សុង

The post សម្ដេច ហេង សំរិន និងរដ្ឋមន្ត្រី៣រូប ឈរជាបេក្ខជនតំណាងរាស្ត្រមណ្ឌលខេត្តត្បូងឃ្មុំ appeared first on Kampuchea Thmey Daily.

សំណើរទាំងដែលលោកអភិបាលខេត្តស្នើនេះ រួមមាន ទី១-ចាក់ពង្រីកឆ្នេរកម្សាន្ត ចាប់ពីចំណុចពយព្រះរាជដំណាក់ រហូតដល់រង្វង់មូល ៩៩ម៉ែត ប៉ែកខាងត្បូងឆ្នេរ ២.៧០០ម៉ែត្រ ទូ២- អាងប្រព្រឹត្តិកម្មខ្នាតធំនៅប៉ែកខាងជើងឆ្នេរ ២.៧០០ម៉ែត្រ និង៣-ជួយកសាងរូបសំណាកបដិមាចំនួន ២កន្លែង រូបទី១ ជាបដិមាខ្នាតធំបែបព្រះពុទ្ធសាសនា និងរូបទី២ ជាបដិមាខ្នាតធំបែបព្រហ្មញ្ញសាសនា។

តបនឹងការស្នើនេះ លោក ជា សុផារ៉ា បានបញ្ជាក់ថា នឹងទទួលយកទៅពិចារណា និងសិក្សាលម្អិតឱ្យបានល្អិតល្អន់​នូវសំណើរនេះ។

លោកបានលើកឡើងថា សំណូមពរទី១ ការចាក់ពង្រីកឆ្នេរសមុទ្របន្ថែម លោកតម្រូវឱ្យសិក្សាពីផលប៉ះពាល់ និងសិក្សាពីកញ្ចប់ថវិកាក្នុងការចំណាយសម្រាប់អនុវត្តសំណើរនេះ យ៉ាងណាលោកអះអាងថា នឹងខិតខំឆ្លើយ​តបជាមួយសំណូមពរនេះ។

សម្រាប់សំណូមពរទី២ ការកសាងអាងប្រព្រឹត្តិកម្មទឹកកខ្វក់ លោកតម្រូវឱ្យរដ្ឋបាលខេត្ត សហការគ្នាជាមួយ​គណៈកម្មាធិការជាតិគ្រប់គ្រង និងអភិវឌ្ឍតំបន់ឆ្នេរសមុទ្រកម្ពុជា ដើម្បីជៀសផុតពីបញ្ហានានា ដោយត្រូវរៀបចំជាប្រព័ន្ធ ១. លំនៅដ្ឋាន ២. ភោជនីយដ្ឋាន និង៣. បណ្ដាសណ្ឋាគារ កុំឱ្យទឹកកខ្វក់ទាំងនោះហូរចូលសមុទ្រ និងត្រូវសិក្សាបន្ថែម​ពីបច្ចេកទេសថ្មីៗ ដែលប្រទេសជិតខាងគេអនុវត្តបានជោគជ័យ។

ដោយឡែកសម្រាប់សំណូមពរទី៣ ការកសាងរូបសំណាកបដិមា លោកស្នើឱ្យមានការស្ទាប់ស្ទង់ជាមួយមតិមហាជន ដើម្បីធ្វើការតិះទៀនកែលម្អ និងជៀសឱ្យបានពីផលប៉ះពាល់ជាមួយវប្បធម៌ ជំនឿ និងសាសនា ជាដើម។

អត្ថបទ៖ សឹង រ៉ាត់

The post អភិបាលខេត្តកែប ស្នើលោក ជា សុផារ៉ា ជួយអភិវឌ្ឍទីតាំងចំនួនបី ដើម្បីនិរន្តរភាពខេត្ត appeared first on Kampuchea Thmey Daily.

លោក ជា​ សុផារ៉ា ឧបនាយករដ្ឋមន្ត្រី រដ្ឋមន្ត្រីក្រសួងរៀបចំដែនដីនគរូបនីយកម្ម​ និងសំណង់បានជំរុញដល់​ក្រសួង​ស្ថាប័ន​ អាជ្ញាធរពាក់ព័ន្ធទាំងអស់ត្រូវពិនិត្យ និងពន្លឿនការរៀបចំហេដ្ឋារចនាសម្ព័នផ្សេងៗដូចជា​ ផ្លូវ​ ទឹក​ស្អាត សម្រាប់ប្រើប្រាស់​ ភ្លើងអគ្គិសនី​​ មកកាន់តំបន់ទីតាំងដីសម្បទានសង្គមកិច្ចមានទំហំ ៣០០ហិចតា នៅជិតបណ្តោយ​ខ្សែបន្ទាត់ព្រំដែន​ កម្ពុជា-វៀតណាម​ ស្ថិតនៅឃុំចន្ទ្រា​ ស្រុកចន្ទ្រា និងឃុំត្នោត​ ស្រុកកំពង់រោទិ៍​ ខេត្តស្វាយរៀង​ ដើម្បីរៀបចំសង់លំនៅឋានចំនួន១០០ខ្នង សម្រាប់ផ្តល់ជូនដល់គ្រួសារយោធិន​ នគរបាល​ និវត្តជន​ គ្រួសារពលី​ មរណៈ​ និងគ្រួសារទីទល់ក្រ។

ការជំរុញរបស់លោកឧបនាយករដ្ឋមន្រ្តី ធ្វើឡើងក្នុងពេលដែលលោក និងលោក ម៉ែន​ វិបុល​ អភិបាលខេត្តស្វាយរៀង ចុះពិនិត្យផ្ទាល់កាលពីថ្ងៃទី ០៥ ខែ មីនា ។

ទន្ទឹមនឹងនេះ លោក ជា សុផារ៉ា ក៏ជំរុញក្នុងការសាងសង់សំណង់លំនៅដ្ឋាន ត្រូវធានានូវគុណភាពតាមលក្ខណៈ​បច្ចេកទេសផងដែរ។

ជាមួយគ្នានេះ លោក​ ម៉ែន​ វិបុល​ អភិបាលខេត្តស្វាយរៀង ក៏បានថ្លែងអំណរគុណដល់សម្តេចតេជោ​ ហ៊ុន​ សែន​ ដែលបានយកចិត្តទុកដាក់ខ្ពស់ចំពោះការរស់នៅរបស់គ្រួសារយោធិន​ នគរបាល​ និវត្តជន​ គ្រួសារពលី​ មរណៈ​ និងគ្រួសារទីទល់ក្រឲ្យមានលំនៅដ្ឋានសមរម្យ និងមានជីវភាពល្អប្រសើរ៕

The post លោក ជា សុផារ៉ា ឱ្យពន្លឿនសាងសង់ផ្ទះក្នុងដីសម្បទានសង្គមកិច្ចជាប់ព្រំដែន​កម្ពុជា-វៀតណាម ជូនពលរដ្ឋ appeared first on Kampuchea Thmey Daily.