តាមអនុក្រឹត្យរបស់សម្ដេចធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជា បានសម្រេចផ្ទេរភារកិច្ចមន្ត្រីរាជការចំនួន៣រូប គឺមាន៖ ១) លោក តូច ប៉ូលីវ៉ា ឋានន្តរស័ក្តិឧត្តមមន្ត្រី ថ្នាក់លេខ៣ ពីអភិបាលរងខេត្តស្វាយរៀង ទៅឱ្យកាន់ជាអភិបាលរងខេត្តកំពង់ស្ពឺ ២) លោក ជាវ វិជ្ជាក់ ឋានន្តរស័ក្តិឧត្តមមន្ត្រី ថ្នាក់លេខ៣ ពីអភិបាលរងខេត្តព្រះសីហនុ ទៅឱ្យកាន់ជាអភិបាលរងខេត្តកំពង់ស្ពឺ និង៣) លោក សុខ សន្ធី ឋានន្តរស័ក្តិឧត្តមមន្ត្រី ថ្នាក់លេខ៤ ពីអភិបាលរងខេត្តកោះកុង ទៅឱ្យកាន់តំណែងជាអភិបាលរងខេត្តកំពង់ស្ពឺ។

ពិធីប្រកាសចូលកាន់មុខតំណែងអភិបាលរងខេត្តកំពង់ស្ពឺខាងលើនេះ ត្រូវបានរៀបចំឡើងនាព្រឹកថ្ងៃទី២៦ ខែកក្កដា ឆ្នាំ ២០២៤ ក្រោមអធិបតីលោក ប៊ុន ហុន រដ្ឋលេខាធិការក្រសួងមហាផ្ទៃ លោក យឹម សុខុម ប្រធានក្រុមប្រឹក្សាខេត្ត និងលោកបណ្ឌិត ជាម ច័ន្ទសោភ័ណ អភិបាលខេត្តកំពង់ស្ពឺ៕

The post អភិបាលរងខេត្ត៣ផ្សេងគ្នា ត្រូវបានប្រកាសផ្ទេរមកកាន់ជាអភិបាលរងខេត្តកំពង់ស្ពឺ appeared first on Kampuchea Thmey Daily.

ការស្នើនេះ ធ្វើឡើងនៅព្រឹកថ្ងៃសុក្រទី១៩ ខែកក្កដា ឆ្នាំ២០២០៤ ក្នុងនាមលោក តូច ប៉ូលីវ៉ា អភិបាលរងខេត្តស្វាយរៀង និងលោក ណុប ឡងឌី អភិបាលរងខេត្តត្បូងឃ្មុំ រួមជាមួយលោក លី ហុងស៊ីញ នាយរងនគរបាលខេត្តតៃនិញ និងប្រធានការិយាល័យBLO ម៉ុកបាយ-បាវិត និងBLO សាម៉ាត-ត្រពាំងផ្លុង ខេត្តតៃនិញ បានចូលរួមកិច្ចប្រជុំបូកសរុបកំណត់ហេតុកិច្ចសហការរវាង BLO បាវិតខេត្តស្វាយរៀង ជាមួយBLO ម៉ុកបាយខេត្តតៃនិញ និងBLO ត្រពាំងផ្លុងខេត្តត្បូងឃ្មុំ ជាមួយBLO សាម៉ាតខេត្តតៃនិញ នៅខេត្តតៃនិញ ប្រទេសវៀតណាម។

ក្នុងកិច្ចប្រជុំនោះ លោក តូច ប៉ូលីវ៉ា អភិបាលរងខេត្ត បានវាយតម្លៃខ្ពស់ចំពោះការខិតខំប្រឹងប្រែង របស់គ្រប់កម្លាំងសមត្ថកិច្ចជំនាញនៃប្រទេសទាំងពីរ និងអាជ្ញាធរជាប់ព្រំដែន ដែលបានយកចិត្តទុកដាក់ផ្តល់កិច្ចសហការ និងទំនាក់ទំនងគ្នាបានយ៉ាងល្អប្រសើរ ដើម្បីជំរុញឱ្យការអនុវត្តសកម្មភាពព្រមគ្នា សម្រេចបានក្នុងការចាត់វិធានការ បង្ការ ទប់ស្កាត់ និងបង្ក្រាបបទល្មើស គ្រឿងញៀនឆ្លងដែនខុសច្បាប់ និងបទល្មើសផ្សេងៗទៀតឆ្លងកាត់ព្រំដែននាពេលកន្លងមក។ លោក ក៏គាំទ្រលើខ្លឹមសារកំណត់ហេតុកិច្ចសហការរវាងការិយាល័យ BLO បាវិត (ខេត្តស្វាយរៀង) ជាមួយ ការិយាល័យ BLO ម៉ុកបាយ(ខេត្តតៃនិញ) ដើម្បីលើកកម្ពស់ប្រសិទ្ធភាពការងារបង្ក្រាបបទល្មើសគ្រឿងញៀន រវាងខេត្តពីរ ដែលជាក្របខណ្ឌ និងជាទិសដៅសហការអនុវត្តផែនការសកម្មភាពនាពេលខាងមុខ។

ក្នុងកិច្ចប្រជុំនោះ លោក តូច ប៉ូលីវ៉ា បានលើកពីបញ្ហាប្រឈម និងសំណូមពរ ដោយស្នើសុំភាគីវៀតណាមដាក់ការិយាល័យ BLO ម៉ុកបាយ នៅទល់មុខច្រកទ្វារអន្តរជាតិម៉ុកបាយ ដើម្បីងាយស្រួលប្រាស្រ័យទំនាក់ទំនងការងារ និងផ្តល់ព័ត៌មានគ្នាទៅវិញទៅមក។ ស្នើសុំការបណ្តុះបណ្តាលមន្ត្រីការិយាល័យ BLO នៃប្រទេសទាំងពីរ លើជំនាញបច្ចេកទេសក្នុងការទំនាក់ទំនង និងព័ត៌មានវិទ្យា។ ស្នើភាគីវៀតណាមជួយផ្តល់ព័ត៌មាន និងអត្តញ្ញាណមុខសញ្ញាជួញដូរគ្រឿងញៀនខុសច្បាប់ឱ្យបានទាន់លឿន រហស័ ដើម្បីសហការបង្ក្រាបបទល្មើសបានទាន់ពេលវេលា ។

លោកក៏បញ្ជាក់ថា ឱ្យមានការពង្រឹងសមត្ថភាពការងារក្នុងការបង្ការ ទប់ស្កាត់ និងបង្ក្រាបបទល្មើសជួញដូរគ្រឿងញៀនគ្រប់ប្រភេទ និងបទល្មើសជួញដូរមនុស្សឆ្លងដែនខុសច្បាប់។ បន្តការចូលរួមពង្រឹងកិច្ចសហប្រតិបត្តិការនៃប្រទេសហត្ថលេខី នៃមហាអនុតំបន់ទន្លេមេគង្គ ស្តីពី សហប្រតិបត្តិការប្រយុទ្ធប្រឆាំងគ្រឿងញៀន និងសារធាតុគីមីផ្សំខុសច្បាប់ សំដៅរួមចំណែកក្នុង ការបង្ការ ទប់ស្កាត់បទល្មើសឆ្លងដែនខុសច្បាប់ពិសេសបទល្មើសគ្រឿងញៀនតាមបណ្តោយព្រំដែន។ បន្តកិច្ចសហប្រតិបត្តការល្អជាមួយការិយាល័យ BLO បាវិត (ខេត្តស្វាយរៀង) និងការិយាល័យ BLO ម៉ុកបាយ (ខេត្តតៃនិញ) ដើម្បីផ្លាស់ប្តូរចែករំលែកព័ត៌មានពីគ្នាទៅវិញទៅមក -បង្កើនការត្រួតពិនិត្យ លើអ្នកដំណើរ និងមធ្យោបាយដឹកជញ្ជូនទំនិញ (ចេញ-ចូល) ឆ្លងកាត់ ព្រំដែន ជាពិសេសយកចិត្តទុកដាក់ត្រួតពិនិត្យជនអន្តោប្រវេសន៍ឆ្លងដែនខុសច្បាប់ ដែលជ្រៀត ចូលមកតាមច្រករបៀងនានា។

បន្ថែមពីនេះ លោក តូច ប៉ូលីវ៉ា លើកឡើងថា ក្នុងរយៈពេល ៦ខែ ឆ្នាំ២០២៤ កន្លងទៅនេះ សមត្ថកិច្ចជំនាញបានបង្ក្រាបបទល្មើសគ្រឿងញៀនឆ្លងខុសច្បាប់សរុប០៩ករណី ឃាត់ខ្លួនជនសង្ស័យជួញដូរគ្រឿងញៀន សរុប៤០នាក់ ស្រី០៧នាក់ (ក្នុងនោះជនជាតិវៀតណាម ៣៩នាក់ ស្រី០៧នាក់ ជនជាតិខ្មែរ ០១នាក់) ដកហូតថ្នាំញៀន និងសារធាតុគីមីផ្សំសរុប ២០,៩៦៨.៩៣ក្រាម។ ចំពោះBLO បាវិត (ខេត្តស្វាយរៀង) បាននឹងកំពុងតែរៀបចំដឹកនាំកម្លាំងជំនាញពាក់ព័ន្ធ ធ្វើលំហាត់អនុវត្តល្បាតចល័តត្រួតពិនិត្យ តាមបណ្តោយព្រំដែន សំដៅពង្រឹងការត្រួតពិនិត្យ ឆែកឆេរ លើមធ្យោបាយដឹកជញ្ជូន និងអ្នកដំណើរឆ្លងកាត់ព្រំដែនតារយៈការផ្លាស់ប្តូរព័ត៌មានចារកម្ម ដើម្បីទប់ស្កាត់ឲ្យបានទាន់ពេលវេលានូវ បទល្មើសឆ្លងដែនខុសច្បាប់ ជាលទ្ធផល ក្នុងរយៈពេលជាងមួយខែកន្លងទៅនេះ សមត្ថកិច្ចជំនាញបាន បង្ក្រាបបទល្មើសរត់ពន្ធគ្រឿងញៀនឆ្លងដែនខុសច្បាប់ សរុបចំនួន ០៥លើក ឃាត់ខ្លួនជនសង្ស័យជួញដូរគ្រឿងញៀនចំនួន ២៥នាក់ ស្រី ០៤នាក់ (ជនជាតិវៀតណាម) បានដកហូតថ្នាំញៀន និងសារធាតុគីមីផ្សំ សរុប ១៦,៣១៦.៧៤ក្រាម៕

ដោយ៖ ភក្ដី

The post អភិបាលរងខេត្តស្វាយរៀង ស្នើឱ្យពង្រឹង ទប់ស្កាត់បង្ក្រាបគ្រឿងញៀន និងជួញដូរមនុស្សឆ្លងដែន appeared first on Kampuchea Thmey Daily.

លោកលើកឡើងបែបនេះ ក្នុងការដឹកនាំកិច្ចប្រជុំបូកសរុបលទ្ធផលការងារចុះពិនិត្យទីតាំងបើកល្បែងផ្សងសំណាងឆ្នោតឡូតូ ក្នុងស្រុកស្វាយជ្រំ ខេត្តស្វាយរៀង កាលពីថ្ងៃ២៩ ខែមករា ឆ្នាំ២០២៤ ដោយមានការចូលរួមពីលោក លោកស្រីអភិបាលរងស្រុក អធិការនគរបាលស្រុក មេបញ្ជាការ មេបញ្ជាការរងកងរាជអាវុធហត្ថស្រុក ផ្នែកសឹករងស្រុក លោក-លោកស្រីមេឃុំទាំង១៦ នាយប៉ុស្ដិ៍នគរបាលរដ្ឋបាលទាំង១៦ និងមន្រ្តីរាជការសាលាស្រុក។

លោកបណ្ឌិត តូច ប៉ូលីវ៉ា បានលើកឡើងការងារសំខាន់ចំនួន៥ចំណុច ដែលអាជ្ញាធរត្រូវធ្វើអនុវត្តគឺ ១-អាជ្ញាធរស្រុក ពិសេសអាជ្ញាធរឃុំ សមត្ថកិច្ចមូលដ្ឋាន ត្រូវតែចុះពិនិត្យផ្ទៀងផ្ទាត់ ទីតាំងដាក់ឡូតូ Online នៅតាមភូមិសាស្រ្តរបស់ខ្លួនថាមាន អាជ្ញាបណ្ណត្រឹមត្រូវដែរឬទេ។ ២-ត្រូវធានាថាការដាក់ទីតាំងឡូតូនេះ មានអាជ្ញាធរ និងបានធ្វើកិច្ចសន្យារួចរាល់ មិនលួចលាក់បង្កប់ល្បែងស៊ីសងOnline ផ្សេងៗ ដែលច្បាប់មិនអនុញ្ញាត និងខុសពីអាជ្ញាបណ្ណដែលស្នើសុំនោះឡើយ។

ទី៣-ត្រូវពិនិត្យទីតាំងនីមួយៗ មិនត្រូវស្ថិតនៅក្បែរសាលារៀន និងទីវត្តអារាមនោះទេ។ ៤-ម្ចាស់ទីតាំងត្រូវគោរពតាមគោលការណ៍ច្បាប់ និងលិខិតបទដ្ឋានគតិយុត្តជាធរមាន។ ចុងក្រោយទី ៥-ករណីដែលប្រព្រឹត្តខុសពីគោលការណ៍ច្បាប់ ត្រូវធ្វើរបាយការណ៍មកក្រុមការងារបង្ក្រាបការលេងល្បែងស៊ីសងខុសច្បាប់គ្រប់ប្រភេទក្នុងភូមិសាស្រ្តខេត្ត ដើម្បីចាត់ការតាមនីតិវិធីបន្ត៕

អត្ថបទ៖ ភក្ដី

The post លោក តូច ប៉ូលីវ៉ា ជំរុញឲ្យអាជ្ញាធរពិនិត្យអាជ្ញាបណ្ណទីតាំងមានដាក់ឡូតូ នៅស្រុកស្វាយជ្រំ appeared first on Kampuchea Thmey Daily.

លោក តូច ប៉ូលីវ៉ា បានបញ្ជាក់ថា ជាលទ្ធផលនៃការសម្របសម្រួល ភាគីក្រុមហ៊ុន ឆាយណា ហ៊ួយ សាង ខនស្រ្តាក់សិន & ត្រេដ ឯ.ក, លោក MEI QIANJIN ឯកភាពផ្តល់ជូនប្រាក់ឈ្នួលថ្លៃសាងសង់សសរ នៃអាគាររោងចក្រ ខាត់ថាយ អឺរ ឯ.ក បន្ថែមជូនភាគីអ្នកម៉ៅការឈ្មោះ ម៉ែន ដារ៉ា ដើម្បីយកប្រាក់នេះទៅបើកប្រាក់ឈ្នួលជូនកម្មករចំនួន ៤៩នាក់បន្តទៀត។ ចំណែក ភាគីអ្នកម៉ៅការ ឈ្មោះ ម៉ែន ដារ៉ា ក៏យល់ព្រមទទួលប្រាក់ដើម្បីយកទៅបើកប្រាក់ឈ្នួលជូនកម្មករបន្តផងដែរ ហើយខ្លួននឹងបញ្ចប់កិច្ចសន្យាម៉ៅការសាងសង់ជាមួយលោក MEI QIANJIN និងក្រុមហ៊ុន ឆាយណា ហ៊ួយ សាង ខនស្រ្តាក់សិន ចាប់ពីថ្ងៃទី២៩ ខែមករា ឆ្នាំ២០២៤ តទៅ។ ថែមទាំង យល់ព្រមរៀបចំរើសម្ភារចេញពីការដ្ឋានសំណង់ឱ្យបានរួចរាល់យ៉ាងយូរនៅថ្ងៃទី៥ ខែកុម្ភៈ ឆ្នាំ២០២៤ ផងដែរ។

សូមរម្លឹកថា កាលពីថ្ងៃអាទិត្យ ទី២៨ ខែមករា ឆ្នាំ២០២៤ មានការតវ៉ា រវាងអ្នកម៉ៅការបន្ត និងមេម៉ៅការសំណង់របស់ក្រុមហ៊ុន ឆាយណាហ៊ួយសាង ខនស្រ្តាក់សិន & ត្រេដ ឯ. ឱ្យទូទាត់ប្រាក់ឈ្នួលថ្លៃសាងសង់សសរអាគារនៃរោងចក្រ ខាត់ថាយ អឺរ ឯ.ក ឱ្យតាមត្រឹមត្រូវតាមកិច្ចសន្យាដែលធ្លាប់ធ្វើកន្លងមក ហើយសាងសង់តែសសរ ប៉ុន្តែ បច្ចុប្បន្នទំហំការងារសសរដែលត្រូវសាងសង់មានទំហំធំជាងមុន៕

ដោយ៖ ​ភក្ដី

The post វិវាទរវាងអ្នកម៉ៅការបន្ត និងមេម៉ៅការសំណង់ បញ្ចប់ដោយជោគជ័យ ភាគីទាំងសងខាងពេញចិត្តទទួលយក appeared first on Kampuchea Thmey Daily.

ជាក់ស្តែង នៅរសៀលថ្ងៃទី២៨ ខែមករា ឆ្នាំ២០២៤ លោក តូច ប៉ូលីវ៉ា បានដោះស្រាយឱ្យភាគីក្រុមហ៊ុន ឆាយណា ហ៊ូយ សាង ខនស្ត្រាក់សិន & ត្រេដ ឯ.ក, លោក MEI QIANJIN និងភាគីអ្នកម៉ៅការ ឈ្មោះ ម៉ែន តារា ដោយនឹងចុះពិនិត្យជាក់ស្តែង ដើម្បីវាស់វែងតាមសសរដែលបានសាងសង់ និងផ្ទៀងផ្ទាត់ជាមួយគ្នា។ ការចុះពិនិត្យនេះ មានការចូលរួមត្រួតពិនិត្យពីក្រុមហ៊ុន ខាតថាយ អឺរ ឯ.ក(ម្ចាស់ សំណង់)។ ព្រោះកន្លងមក ក្នុងឆ្នាំ២០២១ លោក ម៉ែន តារា ធ្លាប់ធ្វើការងារម៉ៅការជាមួយលោក MEI QIANJIN ដោយទទួលប្រាក់ឈ្នួលថ្លៃសាងសង់ ចំនួន ៤៥ដុល្លារ ក្នុងមួយសសរ ហើយសាងសង់តែសសរ ប៉ុន្តែ បច្ចុប្បន្ន ទំហំការងារសសរ ដែលត្រូវសាងសង់មានទំហំធំជាងមុន។

លោកអភិបាលរងខេត្ត បានបញ្ជាក់ថា ជាលទ្ធផលបានផ្សះផ្សារនូវចំណុចដែលភាគីទាំងសងខាងស្នើសុំ ព្រមទាំងមានការសហការសម្របសម្រួលពិនិត្យ និងផ្ទៀងផ្ទាត់ពីក្រុមហ៊ុន ខាត​ ថាយអឺរ ឯ.ក ធ្វើឱ្យការដោះស្រាយបញ្ហាមានភាពល្អប្រសើរឡើងវិញរវាងអ្នកម៉ៅការបន្ត និងមេម៉ៅការសំណង់។

នៅក្នុងការចុះដោះស្រាយនោះ ក៏មានការចូលរួមពីក្រុមការងារអធិការកិច្ច មន្ទីរកាងារ និងបណ្ដុះបណ្ដាលវិជ្ជាជីវៈខេត្ដ តំណាងបញ្ជាការដ្ឋានកងរាជអាវុធហត្ថខេត្ដស្វាយរៀង តំណាងប៉ុស្ដិ៍រដ្ឋបាលសង្កាត់ស្វាយតឿ តំណាងក្រុមហ៊ុន ខាត ថាយអឺរ ឯ.ក តំណាងក្រុមហ៊ុន ឆាយណា ហ៊ួយ សាង ខនស្រ្តាក់សិន & ត្រេដ ឯ.ក មេម៉ៅការសំណង់ និងក្រុមកម្មករសំណង់ផងដែរ៕

ដោយ៖ភក្ដី

The post លោក តូច ប៉ូលីវ៉ា ចុះសម្របសម្រួលការតវ៉ារវាងអ្នកម៉ៅការបន្ត និងមេម៉ៅការ ឱ្យទូទាត់ប្រាក់ឈ្នួលថ្លៃសាងសង់ appeared first on Kampuchea Thmey Daily.

លោក តូច ប៉ូលីវ៉ា បានលើកឡើងថា គោលការណ៍ណែនាំលេខ ០០២ បានចង្អុលចុះមកគណៈបញ្ជាការឯកភាពរាជធានី-ខេត្ត ត្រូវលុបបំបាត់ការប្រើប្រាស់ និងជួញដូរគ្រឿងញៀននៅតាមសេវាកម្មទេសចរណ៍ សប្បាយដ្ឋាន។ល។  ត្រូវចាត់វិធានការបង្ក្រាប ពេលមានព័ត៌មានអំពីការប្រើប្រាស់គ្រឿងញៀនក្នុងទីតាំងសប្បាយដ្ឋានទាំងនោះ។ បង្កើនការត្រួតពិនិត្យរដ្ឋបាលតាមគោលដៅសង្ស័យនានា អនុវត្តគោលនយោបាយ ភូមិ-ឃុំ-សង្កាត់មានសុវត្ថិភាព គ្មានគ្រឿង​ញៀន សំដៅកាត់បន្ថយ និងលុបបំបាត់សកម្មភាពលូចលាក់កែច្នៃសារធាតុគីមីផ្សំ ការចរាចរ ប្រើប្រាស់ និងជួញដូរគ្រឿងញៀនខុសច្បាប់នៅតាមមូលដ្ឋាន ដែលធ្វើសកម្មភាពចរាចរទំនិញចេញចូលឆ្លងកាត់នៅតាមបណ្តាក្រុង ស្រុក ក្នុងខេត្តស្វាយរៀង។

អភិបាលរងខេត្តស្វាយរៀង បន្ថែមថា ការធ្វើរដ្ឋបាលនៅសណ្ឋាគារ ថៃ អាន នោះ កម្លាំងជំនាញបានធ្វើតេស្តទឹកម៉ូដរកសារធាតុញៀនលើជនសង្ស័យ និងបានរកឃើញវិជ្ជមានចំនួន១១នាក់ ស្រី២នាក់ ក្នុងចំណោម១១នាក់ខាងលើនេះ មានម្នាក់បានរក្សាទុកនៅកញ្ចប់ម្ស៉ៅស ចំនួន២កញ្ចប់តូច។ ក្រោយពីបានធ្វើតេស្តរួច កម្លាំងជំនាញបានកសាងកំណត់ហេតុ និងបញ្ជូនជនសង្ស័យមកសាកសួរព័ត៌មានបន្ត ព្រមទាំងបានអនុវត្តនីតិវិធីទៅលើទីតាំងដែលមិនបានអនុវត្តតាមការណែនាំរបស់អាជ្ញាធរ រួមមាន ពុំមានសៀវភៅកត់ត្រាឈ្មោះភ្ញៀវ ចេញចូលស្នាក់នៅ ការថតចម្លងឯកសារលិខិតឆ្លងដែន អត្តសញ្ញាណបណ្ណ ពុំមានការបិទស្កាត់ហាមឃាត់ ការប្រើប្រាស់គ្រឿង និងបម្រាមផ្សេងៗចាំបាច់មួយចំនួនទៀត។

ក្នុងនាមតំណាងឲ្យអភិបាលខេត្ត ប្រធានគណ:បញ្ជាឯកភាពខេត្ត និងជាប្រធានគណកម្មាធិកាត្រូតពិនិត្យគ្រឿងញៀនខេត្តស្វាយរៀង លោក តូច ប៉ូលីវ៉ា បានអំពាវនាវដល់ម្ចាស់អាជីវកម្មសេវាកម្មទេសចរណ៍ សប្បាយដ្ឋានទាំងអស់ត្រូវពង្រឹងការបង្ការ និងសហការជាមួយសមត្ថកិច្ចដើម្បីសុវត្ថិភាពទីតាំងអាជីវកម្មរបស់ខ្លួនពីករណីគ្រឿងញៀន៕

The post លោក តូច ប៉ូលីវ៉ា៖ ម្ចាស់អាជីវកម្មត្រូវពង្រឹងការបង្ការ និងសហការជាមួយសមត្ថកិច្ចដើម្បីសុវត្ថិ​ភាព​ទីតាំងរបស់ខ្លួនពីករណីគ្រឿងញៀន appeared first on Kampuchea Thmey Daily.

បណ្ឌិត តូច ប៉ូលីវ៉ា អភិបាលរង និងជាប្រធានលេខាធិការដ្ឋានគណៈកម្មាធិការត្រួតពិនិត្យគ្រឿងញៀនខេត្តស្វាយរៀង បានលើកឡើងពីសភាពការណ៍គ្រឿងញៀនទាំងក្នុងតំបន់ និងសកលលោក ដែលក្រុមឧក្រិដ្ឋជនមានអង្គការចាត់តាំងច្បាស់លាស់ និងប្រទាក់ក្រឡាគ្នាក្នុងការកែច្នៃគ្រឿងញៀន ជាផលិតផល ឬជារូបផ្សេងៗ សំដៅទាក់ទាញមនុស្សទូទៅចាប់អារម្មណ៍ប្រើប្រាស់តាមតម្រូវការទីផ្សារគ្រឿងញៀនរបស់ពួកគេ។

ក្នុងនោះ លោកបណ្ឌិត តូច ប៉ូលីវ៉ា បានបញ្ជាក់ ថា ភូមិសាស្ត្រខេត្តស្វាយរៀង ត្រូវបានឈ្មួញប្រើល្បិចលួចយកធ្វើជាទីតាំងកែច្នៃផលិតគ្រឿងញៀនខុសច្បាប់ និងធ្វើសកម្មភាពលួចនាំគ្រឿងញៀនពីរាជធានី-ខេត្តនានាឆ្លងកាត់ខេត្តស្វាយរៀង រួចបន្តឆ្លងដែនចូលទៅប្រទេសជិតខាង និងមួយចំនួនជួញដូរ ចែកចាយ នៅតាមមូលដ្ឋានមួយចំនួនក្នុងខេត្ត។

ជាការឆ្លើយតបនឹងបទល្មើសគ្រឿងញៀនក្នុងខេត្តស្វាយរៀងនេះ លោកអភិបាលរងខេត្តរូបនេះ បានអះអាងថា អាជ្ញាធរមានសមត្ថកិច្ចពាក់ព័ន្ធគ្រប់ថ្នាក់ បានបន្តយកចិត្តទុកដាក់ម្ចាស់ការ ស្មារតីអនុវត្តនូវវិធានការទាំង៥ បានយ៉ាងខ្ជាប់ខ្ជួន និងលិខិតបទដ្ឋាននានាដែលមានជាធរមាន ព្រមជាមួយនេះ រដ្ឋបាលខេត្ត បានដាក់ចេញនូវទិសដៅការងារ៧ចំណុច ដើម្បីប្រសិទ្ធភាពការងារត្រួតពិនិត្យគ្រឿងញៀន។

ក្នុងឱកាសនោះ លោកឧត្តមសេនីយ៍ឯក ថោង សុគន្ធា អគ្គលេខាធិការរងនៃអាជ្ញាធរជាតិប្រយុទ្ធប្រឆាំងគ្រឿងញៀន បានសាទរនូវកិច្ចខិតខំប្រឹងប្រែងប្រើប្រាស់គ្រប់លទ្ធភាព និងមធ្យោបាយទាំងអស់របស់រដ្ឋបាលខេត្តស្វាយរៀង ដែលមានចូលរួមអនុវត្តនូវបទបញ្ជា និងសេចក្តីណែនាំនានារបស់រាជរដ្ឋាភិបាលក៏ដូចជាអាជ្ញាធរជាតិប្រយុទ្ធប្រឆាំងគ្រឿង ញៀន ជាពិសេសគោលការណ៍ណែនាំរបស់លោកឧបនាយករដ្ឋមន្ត្រី នេត សាវឿន ប្រធានអាជ្ញាធរជាតិប្រយុទ្ធប្រឆាំងគ្រឿងញៀន។

លោកឧត្តមសេនីយ៍ឯក ចាត់ទុកកិច្ចខិតខំទាំងនេះ ជាការសំដៅគោរពអនុវត្តតាមឆន្ទៈមុតស្រួចរបស់សម្តេចធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជា ដើម្បីដោះស្រាយទុក្ខកង្វល់របស់ប្រជាពលរដ្ឋ ធានាបាននូវសុវត្ថិភាព សណ្តាប់ធ្នាប់ សន្តិសុខ និងការអភិវឌ្ឍសង្គម ព្រមទាំងឈានទៅកាត់បន្ថយ និងលុបបំបាត់គ្រឿងញៀនពីកម្ពុជា។

ប៉ុន្តែយ៉ាងណា ឧត្តមសេនីយ៍ឯក ថោង សុគន្ធា ក៏បានស្នើសុំអាជ្ញាធរខេត្តស្វាយរៀងបន្តដោះស្រាយនូវបញ្ហាប្រឈមនានានៃការអនុវត្តគោលការណ៍ណែនាំនិងបទបញ្ជាផ្សេងៗ តាមរយៈកិច្ចពិភាក្សា​ លើកជាយោបល់​ ការពន្យល់លម្អិតវិធានការប្រយុទ្ធប្រឆាំងគ្រឿងញៀនទាំង៥ បន្តពង្រឹងក្រមសីលធម៌​របស់សមត្ថភាពជំនាញ ក៏ដូចជាការកសាងផែនការជាក់លាក់សម្រាប់ជាមូលដ្ឋានបម្រើដល់ការងារប្រយុទ្ធប្រឆាំងគ្រឿងញៀន។ ក្នុងនោះ ត្រូវផ្តោតទៅក្រុមគោលដៅប្រឈមខ្ពស់ ដែលរួមមាន យុវជនគ្មានមុខរបរច្បាស់លាស់ សិស្សគេចសាលា អ្នកបើកបរ កម្មករ កម្មការិនី និងពិនិត្យការនាំចូលសារធាតុគីមីផ្សំ ហើយសមត្ថកិច្ច និងអ្នកពាក់ព័ន្ធទាំងអស់ត្រូវបន្តអនុវត្តនូវទិសស្លោកប្រឆាំងគ្រឿងញៀន ៣កុំ និង១រាយការណ៍៕

The post លោក តូច ប៉ូលីវ៉ា៖ ខេត្តស្វាយរៀង គ្រាន់ជាទីតាំងឆ្លងកាត់ការនាំគ្រឿងញៀនចេញទៅប្រទេសជិតខាង appeared first on Kampuchea Thmey Daily.

នៅមណ្ឌលប្រឡងវិទ្យាល័យស្វាយរៀងខាងត្បូង បានបើកហិបវិញ្ញាសានៅតាមបន្ទប់ប្រឡងសម្រាប់ដំណើរការប្រឡងសញ្ញាបត្រមធ្យមសិក្សាទុតិយភូមិ ចំណេះទូទៅ និងបំពេញវិជ្ជា នាព្រឹកថ្ងៃទី៦ ខែវិច្ឆិកា ដែលជាថ្ងៃទីមួយសម្រាប់ដំណើរការសំណេរ ក៏មានវត្តមានរបស់លោក បួយ ប៊ុនណា អនុរដ្ឋលេខាធិការក្រសួងអប់រំ យុវជន និងកីឡា និងជាប្រធានគណៈមេប្រយោគ។

ក្នុងដំណើរប្រឡងនេះ ក៏មានការចូលរួមពីគណៈមេប្រយោគ អប្បមាទ ជំនួយការ ប្រធាន-អនុប្រធានមណ្ឌល អ្នកត្រួត ពិនិត្យតាមអាគារ ប្រធាន-អនុប្រធានមន្ទីរក្នុងខេត្ត អង្គភាពប្រឆាំងអំពើពុករលួយ អ្នកសង្កេតការណ៍ ស.ស.យ.ក និង អ្នកពាក់ព័ន្ធផ្សេងៗទៀត ដើម្បីធ្វើជាសាក្សីលើការពិនិត្យភាពត្រឹមត្រូវនៃហិបវិញ្ញាសា ដែលធានាថាពិតជាគ្មានការបែកធ្លាយនៅចំពោះមុខបេក្ខជននៅមណ្ឌលវិទ្យាល័យស្វាយរៀង(ខាងត្បូង)។

ដំណើរការប្រឡង នាថ្ងៃទី១ នៅវិទ្យាល័យស្វាយរៀងខាងត្បូងនេះ បានប្រព្រឹត្តទៅដោយភាពរលូន មិនមានបញ្ហាអ្វីគួរឱ្យកត់សម្គាល់នោះឡើយ៕

The post លោកបណ្ឌិត តូច ប៉ូលីវ៉ា បើកហិបវិញ្ញាសាប្រឡងបាក់ឌុប នៅមណ្ឌលប្រឡងវិទ្យាល័យស្វាយរៀងខាងត្បូង appeared first on Kampuchea Thmey Daily.