លោក ម៉ែន អេង អភិបាលរងខេត្ត មានប្រសាសន៍ថា វេទិការនេះមានគោលបំណងសំខាន់ៗ ជាច្រេីន ទៅលេីការអនុវត្តគោលនយោបាយរបស់រាជរដ្ឋាភិបាល ក្នុងការជួយគាំទ្រពលករដែលវិលត្រឡប់ពីប្រទេសថៃ ក្នុងការទទួលបានឱកាសការងារសំដៅបង្កើនអត្រាអ្នកមានការងារធ្វើនៅតាមមូលដ្ឋាន និង ការចូលរួមលើកស្ទួយជីវភាពប្រជាពលរដ្ឋអោយកាន់តែល្អប្រសើរឡើង និងគាំពារសហគ្រាសគ្រឹះស្ថាន ក្នុងស្រុក និងបរទេសតាមរយៈការផ្គត់ផ្គងកម្លាំងពលកម្មនិងជំនាញបង្ខិតសេវាជួយស្វែងរកការងារធ្វើឱ្យកាន់តែខិតជិតដល់ប្រជាពលរដ្ឋនៅតាមមូលដ្ឋាន។

ក្នុងនោះ ផ្សព្វផ្សាយព័ត៌មានឱកាសការងារ និងសម្ភាសការងារ នៅនឹងកន្លែងភ្លាមៗពីសំណាក់សហគ្រាស គ្រឹះស្ថានដែលមានតម្រូវការជ្រើសរើសកម្លាំងពលកម្ម និងផ្តល់ឱកាសដល់និយោជកដែលមានតម្រូវការកម្លាំងពលកម្ម។ ផ្សព្វផ្សាយព័ត៌មានសិក្សារបស់វិទ្យាស្ថានពហុបច្ចេកទេសភូមិភាគតេជោសែនស្វាយរៀងរៀង របស់ក្រសួងការងារ និងបណ្ដុះបណ្ដាលវិជ្ជាជីវៈ ផ្សព្វផ្សាយពីឱកាសអាហារូបករណ៍ វគ្គអប់រំបណ្ដុះបណ្ដាលជំនាញវិជ្ជាជីវៈ និងបច្ចេកទេស និងចុះឈ្មោះយុវជនមកពីក្រុមគ្រួសារក្រីក្រ និងងាយរងហានិភ័យចំនួន ១,៥លាន។

អភិបាលរងខេត្ត បន្ថែមទៀតថា ទីភ្នាក់ងារជាតិមុខរបរ និងការងារ នៃក្រសួងការងារ បណ្តុះបណ្តាលវិជ្ជាជីវៈ នាពេលនេះ បានផ្តល់ឱកាសការងារយ៉ាងច្រេីនជូនប្រជាពលរដ្ឋ ជាពិសេស ពលករខ្មែរ ដែលទើបត្រឡប់មកពីប្រទេសថៃ ឱ្យទទួលបានការងារភ្លាមៗពីក្រុមហ៊ុនក្នុងខេត្តស្វាយរៀង។ ទន្ទឹមនេះចំពោះប្រាក់ចំណូលដែលទទួលបានបើប្រៀបធៀបនឹងការទៅធ្វើការនៅប្រទេសថៃ គឺប្រហាក់ប្រហែលគ្នា ប៉ុន្តែការធ្វើការងារនៅប្រទេសថៃគ្មានសុវត្ថិភាព ហើយនៅឆ្ងាយពីស្រុកកំណើត ឆ្ងាយពីឪពុកម្ដាយទៀតផង៕

ដោយ៖ ភក្ដី

The post លោក ម៉ែង អេង៖ វេទិកាការងារ ធ្វើឡើងដើម្បីស្វែងរកការងារឱ្យពលរដ្ឋខ្មែរមកពីថៃ នៅខេត្តស្វាយរៀង appeared first on Kampuchea Thmey Daily.

លោកបានមានប្រសាសន៍ថា ពលករ-ពលការិនី ដែលបានមកពីប្រទេសថៃ តាមព្រំដែនអន្តរជាតិដូង ស្រុកកំរៀង ខេត្តបាត់ដំបង សរុបប្រមាណជា ៥,៩៥៨នាក់ ដោយឡែកខេត្តស្វាយរៀង ចំនួន ៨នាក់ ស្រី ៣នាក់ ច្រកព្រំដែនអន្តរជាតិព្រំ ស្រុកសាលាក្រៅ ខេត្តប៉ៃលិន សរុបប្រមាណជា ៣៧៤នាក់ ក្នុងនោះខេត្តស្វាយរៀង ចំនួន ៤នាក់ ស្រី ១នាក់ និងតាមច្រកទ្វារអន្តរជាតិប៉ោយប៉ែត ខេត្តបន្ទាយមានជ័យ សរុបប្រមាណ ៩៧នាក់ នាថ្ងៃពុធ ទី៣១ ខែកក្កដា ឆ្នាំ២០២៥ គិតចាប់ពីម៉ោង ៩៖០០នាទីព្រឹក រហូតដល់ម៉ោង ៣៖០០នាទីរសៀល។

លោកបន្តថា ចំពោះពលករខ្មែរដែលត្រឡប់ពីប្រទេសថៃ តាមច្រកព្រំដែនខេត្តបាត់ដំបង ខេត្តប៉ៃលិន ខេត្តបន្ទាយមានជ័យ ដែលត្រូវទៅខេត្តស្វាយរៀង សូមធ្វើការទំនាក់ទំនង: ០៧១ ៩៦៨ ៦៨០៥/ ០១០ ៨០១ ៥៨៤/ ០៦៩ ៣២៨ ៦០០ ០៨៨/ ៩២២ ៧០០៧៕

ដោយ៖ភក្ដី

The post អភិបាលរងខេត្តស្វាយរៀង ដឹកនាំក្រុមការងារ និងមន្ត្រីពាក់ព័ន្ធ ចាំទទួលពលករខ្មែរត្រឡប់ពីប្រទេសថៃ appeared first on Kampuchea Thmey Daily.

លោកបានលើកឡើងបែបនេះ ក្នុងវេទិកាផ្សព្វផ្សាយស្ដីពីសារៈសំខាន់នៃវិស័យអប់រំបណ្ដុះបណ្ដាលបច្ចេកទេស និងវិជ្ជាជីវៈ និងការតម្រង់ទិសវិជ្ជាជីវៈ ដល់សិស្សានុសិស្សនៅវិទ្យាល័យស្វាយរៀង នៅព្រឹកថ្ងៃទី១០ ខែមិថុនា ឆ្នាំ២០២៥។

អភិបាលរងខេត្ត មានប្រសាសន៍ថា «ក្មួយៗដែលបានមកអង្គុយនៅទីដ៏ម្លប់ត្រជាក់នេះ គឺពិតជាមានសំណាងខ្លាំងណាស់ ក្រោមម្លប់នៃសុខសន្តិភាព ក្រោមការដឹកនាំរបស់សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា ក្នុងអាណត្តិទី៧នៃរដ្ឋសភា»។

លោកបន្តថា «បុព្វបុរសខ្មែរបានបន្សល់ទុកនូវស្នាដៃជាច្រើនដើម្បីឱ្យកូនខ្មែរជំនាន់ក្រោយខិតខំកសាង និងថែរក្សាបន្ត ជាក់ស្ដែងថ្ងៃនេះប្អូនៗមានវត្តមាននៅទីនេះ គឺជាសមិទ្ធផលដ៏ធំធេងពុំអាចកាត់ថ្លៃបានរបស់ថ្នាក់ដឹកនាំ ដែលបានឃើញកូនក្មួយមានសមត្ថភាព សិក្សាស្វែងយល់រៀនសូត្រ ក្រេបជញ្ចក់យកចំណេះដឹង ចំណេះធ្វើ ពីលោកគ្រូ អ្នកគ្រូ ដែលបានបង្រៀនក្មួយៗ ដើម្បីជាស្ពាន និងជាសំណង់ទុកក្នុងការកសាងជីវិត ក្នុងការប្រកបមុខរបស់ចិញ្ចឹមជីវិតទៅថ្ងៃអនាគត»។

ក្នុងនោះដែរលោក ម៉ែន អេង ក៏បានរំលេចជូនទៅដល់សិស្សានុសិស្ស ដែលមានវត្តមាននៅក្នុងវេទិកាអំពីសម្បត្តិបេតិកភណ្ឌពិភពលោករបស់កម្ពុជា ទាំងរូបិយ និងអរូបិយ ដែលបានដាក់នៅអង្គការយូណេស្កូ និងវប្បធម៌ខ្មែរជាច្រើនទៀតដែលបានដាក់បញ្ចូលក្នុងសម្បត្តិបេតិកភណ្ឌពិភពលោកដែលជាការខិតខំប្រឹងប្រែងស្ថាបនា និងថែរក្សារបស់បុព្វបុរសខ្មែរយើងរហូតមកដល់សម័យបច្ចុប្បន្ន។ លោកថា ក្នុងនាមជាយុវជន ក្នុងនាមជាសិក្សានុសិស្ស និងប្រជាពលរដ្ឋក្នុងជំនាន់ក្រោយនេះ ត្រូវតែខិតខំថែរក្សាដើម្បីជាទំពាំងស្នងឬស្សី ក្នុងការបន្តវេនពីបុព្វបុរសខ្មែរយើង៕

ដោយ៖ភក្ដី

The post លោក ម៉ែន អេង៖ ក្នុងនាមជាយុវជន ត្រូវខិតខំសិក្សារៀនសូត្រជាប្រចាំដើម្បីទទួលបានចំណេះ និងជំនាញពិតប្រាកដ appeared first on Kampuchea Thmey Daily.

លោក ម៉ែន អេង អភិបាល​រង​ខេត្ត​ស្វាយរៀង​បាន​ឲ្យ​កម្ពុជា​ថ្មី​ដឹង​ថា ផ្លូវ​ល្បឿន​លឿន​ភ្នំពេញ​បាវិត សាងសង់​ឆ្លងកាត់​ភូមិសាស្រ្ត​ខេត្ត​ស្វាយរៀង​មាន​​ប្រវែងសរុប​ ៦០ គីឡូម៉ែត្រ។

លោក ម៉ែន អេង អភិបាល​រង​ខេត្ត​ស្វាយរៀង​

ពាក់ព័ន្ធ​ការ​​ដោះស្រាយ​ផល​ប៉ះពាល់​ជាមួយ​ពលរដ្ឋ​ លោក ម៉ែន អេង បាន​គូស​បញ្ជាក់ថា អាជ្ញាធរ​ខេត្ត​បាន​ចូលរួមដោះស្រាយ​សម្រេច​បាន​លទ្ធផល​មួយ​ចំនួន​។

នៅ​ក្នុង​ស្រុក​ស្វាយជ្រុំ​ដែល​មាន​ចំនួន ៥ ឃុំ នៅ​ក្នុង​នោះ​ឃុំ​ស្វាយយា ដោះស្រាយ​បញ្ចប់ ១០០ ភាគរយ ឃុំ​ក្រោលគោ ពុំ​ទាន់​បាន​ដោះស្រាយ​នៅ​ឡើយ ឃុំ​ពោធិ៍ធិរាជ ដោះស្រាយ​បាន ៥០ ភាគរយ ឃុំ​គោកព្រីង​ដោះ​ស្រាយ​បាន ៩០ ភាគរយ និង​ឃុំ​ស្វាយជ្រំ នៅ​សល់​តែ ៣ គ្រួសារ កំពុង​ចរចា​ដោះស្រាយ​បញ្ចប់។

បើតាមលោក ​ម៉ែន អេង​ អាជ្ញាធរ​ខេត្ត​កំពុង​សហការ​ជាមួយ​ក្រុមហ៊ុន​សាងសង់​ លើ​ការ​វាយ​តម្លៃ​ផល​ប៉ះពាល់​ពី​គម្រោង​ស្ថាបនា​ផ្លូវ​ល្បឿន​លឿន​ភ្នំពេញ​បាវិត និង​កំពុង​ជំរុញ​ដោះស្រាយ​ជា​បន្តបន្ទាប់ ដើម្បី​ឲ្យ​ដំណើរការ​ស្ថាបនា​បញ្ចប់​ទៅ​តាម​ផែនការ។

​ផ្លូវ​ល្បឿន​លឿន​ភ្នំពេញ-ក្រុងបាវិត បាន​​ប្រកាស​បើក​ការដ្ឋាន​សាងសង់​កាលពីថ្ងៃទី ៧ ខែ​មិថុនា ឆ្នាំ២០២៣ មាន​ប្រវែង​សរុប ១៣៥,១០ គីឡូម៉ែត្រ ដែល​មាន​ចំណុច​ចាប់ផ្ដើមចេញ​​ពី​ឃុំថ្មគរ ស្រុកល្វាឯម ខេត្តកណ្តាល ទៅដល់​សង្កាត់​ច្រកម្ទេស ក្រុងបាវិត ខេត្ត​ស្វាយរៀង។ ដំណើរការ​​ស្ថាបនា​ផ្លូវ​ល្បឿនលឿន​ទី​ពីរ​របស់​កម្ពុជា​នេះ មាន​ការ​សាងសង់​ស្ពាន​ឆ្លងកាត់​ទន្លេមេគង្គ (ដីឥដ្ឋ-ថ្មគរ) ប្រវែង ១ ៦០០ ម៉ែត្រ ដើម្បី​តភ្ជាប់​ជាមួយ​ផ្លូវ​កំពុង​សាងសង់​​។

ដើម្បី​​ជំរុញ​ដំណើរការ​ស្ថាបនា​ផ្លូវ​ល្បឿនលឿនពីភ្នំពេញទៅក្រុងបាវិតសម្រេច​​ទៅ​តាមផែនការ​ អាជ្ញាធរ​ខេត្ត​ស្វាយរៀង​ កាល​ពីពេលថ្មីៗនេះ បាន​ចុះ​ទៅ​ជួបពលរដ្ឋដើម្បី​ស្តាប់សំណូមពរ​ និង​ចួលរួ​ម​ដោះស្រាយ​ផល​ប៉ះពាល់​ជាមួយ​ពលរដ្ឋ​។

នៅចំពោះមុខ​ប្រជាពលរដ្ឋ លោក ម៉ែន អេង អភិបាលរងខេត្ត និង​ជា​តំណាងអភិបាលខេត្តស្វាយរៀង បានលើកឡើង​ថា ការអភិវឌ្ឍគឺជារឿងចាំបាច់ ប៉ុន្តែរឿង​ដែលចាំបាច់​ទៀតនោះ គឺនៅពេល​ដែល​ប្រជា​ពលរដ្ឋជួប​បញ្ហា​ពាក់ព័ន្ធ​នឹង​ការអភិវឌ្ឍន៍ ត្រូវ​រក​ដំណោះស្រាយ​ទៅ​តាម​សន្តិវិធី។

លោក​បញ្ជាក់​យ៉ាង​ដូច្នេះ​​ថា «នៅពេល​ដែល​ប្រជាពលរដ្ឋ​ជួបបញ្ហាប្រឈម ខាងរដ្ឋបាលខេត្ត​ក៏ដូចជា រដ្ឋបាល​ស្រុក និង​រដ្ឋបាល​ឃុំ មិនឱប​ដៃឈរមើលទេ ពោល គឺជួយពលរដ្ឋតាមជាក់ស្តែងតែម្តង»។

ផ្លូវល្បឿនលឿនភ្នំពេញ-បាវិត គឺជា​គម្រោង​ផ្លូវល្បឿនលឿន​ទី​ ២ ​របស់​កម្ពុជា ដែល​សាងសង់​ឆ្លង​កាត់​​ភូមិសាស្រ្ត​ខេត្ត​កណ្តាល​ប្រវែង ៥ គីឡូម៉ែត្រ ខេត្ត​ព្រៃវែង​ប្រវែង ៧១ គីឡូម៉ែត្រ ខេត្ត​ស្វាយរៀងប្រវែង ៦០ គីឡូម៉ែត្រ ហើយ​តាមផែនការ​ ​គ្រោង​នឹង​​បញ្ចប់​ការ​សាងសង់​នៅ​ក្នុង​ឆ្នាំ​២០២៧៕

The post ​​​​​ផល​ប៉ះពាល់​ផ្លូវ​ល្បឿន​លឿន​ភ្នំពេញ​បាវិត​ ដោះស្រាយ​សម្រេច​បានលទ្ធផល​មួយ​ចំនួន​ក្នុង​ខេត្ត​ស្វាយរៀង appeared first on Kampuchea Thmey Daily.

ថ្លែង​ប្រាប់​កម្ពុជាថ្មី​នៅព្រឹកនេះ លោក ម៉ែន អេង អភិបាល​រងខេត្ត​ស្វាយរៀង​បាន​​​ឲ្យ​ដឹង​ថា ផ្លូវខ្សែក្រវ៉ាត់ព្រំដែនដែលត្រូវលើកកម្ពស់​គុណភាព​​ពីផ្លូវក្រាលក្រួសក្រហមទៅផ្លូវក្រាលបេតុង​មាន​ប្រវែងសរុប ១១ គីឡូម៉ែត្រ​ មាន​ទទឹង ៦ ម៉ែត្រ​ ចាប់ពីបង្គោលព្រំដែនលេខ១៧១​ សង្កាត់បាវិត​ ដល់បង្គោលលេខ១៧៥​ សង្កាត់ប្រាសាទ​ នៅក្នុង​ក្រុង​បាវិត ខេត្ត​ស្វាយរៀង​។

បន្ថែមពីការ​លើកកម្ពស់​ផ្លូវឲ្យមានគុណភាព​ប្រើប្រាស់​យូរ​អង្វែង លោក ម៉ែន អេង បាន​បញ្ជាក់​ថា ផ្លូវនេះ​​ក៏​នឹង​មាន​បំពាក់ភ្លេីងសូឡាថែមទៀត​​ ដើម្បី​សម្រួល​ការ​ធ្វើ​ដំណើរ​របស់​ប្រជាពលរដ្ឋ។

កាលពី​សៀលថ្ងៃទី ០៤​ ខែមីនា​ ឆ្នាំ២០២៥ លោក ប៉េង​ ពោធិ៍សា​ អភិបាលខេត្តស្វាយរៀង​ បាន​ចុះពិនិត្យការ​ស្ថាបនា​លើកកម្ពស់​គុណភាពផ្លូវក្រវ៉ាត់ព្រំដែន ចាប់ពីបង្គោលព្រំដែនលេខ ១៧១ ដល់បង្គោលព្រំដែនលេខ ១៧៦។ ក្នុងការ​ចុះត្រួតពិនិត្យ​នា​ឱកាស​នោះ​​ ក៏​មាន​វត្តមាន​ចូលរួមពី​អភិបាលរងខេត្ត​ ស្នងការដ្ឋាននគរបាលខេត្ត នាយកទីចាត់ការរដ្ឋបាលសាលាខេត្ត​ នាយក​រង​ទីចាត់ការអន្តរវិស័យសាលាខេត្ត​ ប្រធានមន្ទីរពាក់ព័ន្ធ​ អភិបាល​ អភិបាលរងក្រុងបាវិត នាយកក្រុមហ៊ុន​ឯកជន​ ព្រមទាំងអាជ្ញាធរពាក់ព័ន្ធមួយចំនួនទៀត។

ខេត្ដស្វាយរៀងមានព្រំប្រទល់ជាប់នឹង​ខេត្ដតៃនិញ និងខេត្ដឡុងអានរបស់ប្រទេស​វៀតណាម​ ប្រវែងជាង ២៥៨ គ.ម​ ចាប់ពី​បង្គោលព្រំដែន​លេខ (១៣២-២៣០)។ ក្នុង​នោះ​ជាប់​​ខេត្ដតៃនិញមាន​​ប្រវែង​ប្រមាណ ១៣០ គ.ម ចាប់ពី​បង្គោល​ព្រំដែន​លេខ (132-180) និង​​ជាមួយ​ខេត្ដឡុងអាន មាន​ប្រវែងប្រមាណ ១២៨ គ.ម ចាប់​ពី​បង្គោល​ព្រំដែន​​លេខ (180-230)។

​ការងារ​ខណ្ឌ​សីមា​និង​បោះបង្គោល​ព្រំដែនជាមួយ​ប្រទេស​វៀតណាម​ ​បើតាមរដ្ឋបាល​ខេត្ត​ស្វាយរៀង រហូត​មក​ដល់ពេលនេះ​សម្រេចបាន​ប្រមាណ ៨៤ ភាគរយ៕

The post ផ្លូវក្រវាត់ព្រំដែន​ជាង ១១ គីឡូម៉ែត្រ​ នៅ​ខេត្ត​ស្វាយរៀង ឈានទៅចាក់ក្រាល​បេតុង បំពាក់ភ្លើង​សូឡា​ថែមទៀត appeared first on Kampuchea Thmey Daily.

ហេដ្ឋារចនាសម្ព័ន្ធរូបវន្ត សំខាន់ៗ នៅតំបន់ផ្ទះអតីតយុទ្ធជន គ្រួសារអតីតយុទ្ធជន ពលី ពិការ មរណ: និងនិវត្តជន ដែលស្ថិតតាមបណ្តោយខ្សែរបន្ទាត់ព្រំដែនកម្ពុជា-វៀតណាម ត្រូវបានស្ថាបនារួចរាល់ជាច្រើនដូចជា ផ្លូវ ភ្លើង ទឹក ដែលផ្តល់ភាពងាយស្រួលក្នុងការអោយបងប្អូនអតីតយុទ្ធជន ងាយស្រួលក្នុងការរស់នៅ និងប្រកបមុខរបរចិញ្ចឹមជីវិត។

សូមបញ្ជាក់ផងដែរថា ចំពោះផ្ទះអតីតយុទ្ធជន គ្រួសារអតីតយុទ្ធជន ពលី ពិការ មរណ: និងនិវត្តជន រៀបចំធ្វើឡើង គឺជាការឆ្លើយតបរបស់រាជរដ្ឋាភិបាល នូវគុណបំណាច់ របស់បងប្អូនអតីតយុទ្ធជនយុទ្ធនារីដែលបានបូជាអាយុជីវិតកម្លាំងកាយចិត្តក្នុងបុព្វហេតុការពារប្រទេសជាតិរកសន្តិភាពជូនប្រទេសជាតិនិងពលរដ្ឋរហូតដល់មានអ្នកខ្លះស្លាប់បាត់បង់ជីវិតចោលគ្រួសារ ប្រពន្ធ កូន ចៅ ឱ្យនៅកំព្រាឯកោរហូតមកដល់ពេល។

យោងតាមរដ្ឋបាលស្រុកទាំង២ បានអោយដឹងថា តំបន់ផ្ទះអតីតយុទ្ធជន គ្រួសារអតីតយុទ្ធជន ពលី ពិការ មរណ: និងនិវត្តជន នៅថ្ងៃអនាគតតំបន់នេះ នឹងប្រែក្លាយជាច្រកទ្វេភាគី ដែលងាយស្រួលដល់ប្រជាពលរដ្ឋរស់នៅទីនោះ ក្នុងការដោះដូរកសិផល និងទំនិញផ្សេងៗ៕

ដោយ៖ ភក្ដី

The post អភិបាលរងខេត្តស្វាយរៀង ចុះពិនិត្យបច្ចុប្បន្នភាពផ្ទះអតីតយុទ្ធជន ដែលបានពលីដើម្បីជាតិ appeared first on Kampuchea Thmey Daily.

មានការចូលរួមពី លោក ព្រាប រ៉ាវន់ នាយករង តំណាងលោក មុត ចិន្តា នាយកវិទ្យាស្ថានពហុបច្ចេកទេសភូមិភាគតេជោសែនស្វាយរៀង និងលោក លោកស្រី ប្រធាន អនុប្រធានមន្ទីរអង្គភាពនានា ជុំវិញខេត្ត តំណាង ក្រុមប្រឹក្សាអភិវឌ្ឍន៍កម្ពុជា CDC តំណាងសភាពាណិជ្ជកម្មខេត្តស្វាយរៀង លោក លោកស្រីតំណាង ក្រុមហ៊ុន រោងចក្រ សហគ្រាស លោកនាយករង លោក លោកស្រីប្រធានការិយាល័យ ដេប៉ាតឺម៉ង់ លោកគ្រូ អ្នកគ្រូលោកនាយក នាយករង វិទ្យាល័យក្នុងខេត្តស្វាយរៀង សិស្ស និស្សិតប្រមាណជាង៣០០នាក់ផងដែរ។

លោក ម៉ែន អេង បានផ្តល់ជាអនុសាសន៍ដល់វិទ្យាស្ថានពហុបច្ចេកទេសភូមិភាគតេជោសែនស្វាយរៀង ត្រូវខិតខំសហការជាមួយវិស័យឯកជន ក្នុងការពង្រីកវិសាលភាពរបស់ខ្លួនដើម្បីសិក្ខាកាម សិស្ស និស្សិត ក្រោយបញ្ចប់វគ្គបណ្តុះបណ្តាល មានកន្លែងកម្មសិក្សា និងការងារ។ខិតខំបន្តជ្រើសរើសសិស្សចូលរៀនគ្រប់កម្រិតសិក្សា ដើម្បីបំពេញនូវតម្រូវការអ្នកប្រើប្រាស់កម្លាំងពលកម្ម អ្នកវិនិយោគទាំងពេលបច្ចុប្បន្ន និងទៅអនាគត។បន្ថែមលើសពីនេះ ត្រូវខិតខំស្រាវជ្រាវ ពង្រឹងសមត្ថភាពរបស់ខ្លួនឱ្យស្របតាមបច្ចេកវិទ្យាដែលកំពុងតែរីកចម្រើនរៀងរាល់ថ្ងៃ និងខិតខំបណ្តុះបណ្តាលដល់បងប្អូនៗក្មួយៗដែលមកសិក្សារៀនសូត្រ ឱ្យមានសមត្ថភាពជំនាញគ្រប់គ្រាន់ និងមានសីលធម៌ គុណធម៌។

ជាមួយគ្នានេះ អភិបាលរងខេត្ត បានថ្លែងនូវការកោតសរសើរចំពោះថ្នាក់ដឹកនាំ បុគ្គលិក លោកគ្រូ អ្នកគ្រូ នៃវិទ្យាស្ថានពហុបច្ចេកទេសភូមិភាគតេជោសែនស្វាយរៀង  ដែលបានខិតខំអស់កម្លាំងកាយ កម្លាំងចិត្ត រៀបចំកិច្ចប្រជុំនេះឡើង ប្រកបដោយស្មារតីរីករាយ និងការទទួលខុសត្រូវ។  ខេត្តស្វាយរៀង មានតំបន់សេដ្ឋកិច្ចពិសេសចំនួន៩ កំពុងដំណើរការអាជីវកម្មរបស់ខ្លួនមានរោងចក្រ សហគ្រាស ក្រុមហ៊ុន សរុប៣០៣កន្លែង បានបង្កើតការងារជូនប្រជាពលរដ្ឋបានចំនួន ១០៤,៥១៩នាក់ ស្រី ៦០,១៨១នាក់។

លោក បានគូសបញ្ជាក់ថា ក្រោមការដឹកនាំរបស់រាជរដ្ឋាភិបាលនិតិកាលទី៧ នៃរដ្ឋសភា ដែលមាន សម្តេចមហាបវរធិបតី ហ៊ុន ម៉ាណែត ជានាយករដ្ឋមន្ត្រីនៃព្រះរាជាណាចក្រកម្ពុជា  បានកំណត់យក មនុស្ស ផ្លូវ ទឹក ភ្លើង និងបច្ចេកវិទ្យា ជាកម្មវិធីអាទិភាពរបស់រាជរដ្ឋាភិបាល ដោយឡែក “កម្មវិធីបណ្តុះបណ្តាល ជំនាញវិជ្ជាជីវៈ និងបច្ចេកទេស” ដែលបានប្រកាសឱ្យអនុវត្តជាផ្លូវការនៅថ្ងៃទី១៤ ខែវិច្ឆិកា ឆ្នាំ២០២៣ កន្លងមក កម្មវិធីថ្ងៃនេះមានសារៈប្រយោជន៍ជាចាំបាច់ និងជាការរួមចំណែកយ៉ាងសំខាន់ដល់ចំណុចអាទិភាពរបស់រាជរដ្ឋាភិបាល។

ក្នុងឱកាសនោះលោក ព្រាប រ៉ាវន់ នាយករងវិទ្យាស្ថានពហុបច្ចេកទេសភូមិភាគតេជោសែនស្វាយរៀង បានឲ្យដឹងថា វិទ្យាស្ថានបានបណ្តុះបណ្តាលមុខជំនាញចាប់ពីកម្រិតវិញ្ញាបនបត្រ រហូតដល់កម្រិតបរិញ្ញាបត្របច្ចេកវិទ្យា ក្នុងនោះមាន៥វិស័យ មានជំនាញវិស្វកម្មអគ្គិសនី វិទ្យាសាស្រ្តកុំព្យូទ័រ វិស្វកម្មមេកានិកឧស្សាហកម្ម វិស្វកម្មមេកាត្រូនិក វិស្វកម្មអេឡិចត្រូនិក វិស្វកម្មមេកានិករថយន្ត វិស្វកម្មសំណង់ស៊ីវិល គណនេយ្យ អក្សរសាស្ត្រអង់គ្លេស និងមានជំនាញ ជាច្រើនទៀត ដែលទាក់ទងនឹងបច្ចេកទេស និងបច្ចេកវិទ្យា។សិស្ស និស្សិតកំពុងសិក្សាសរុបចំនួន ១៩៦២នាក់ ស្រី៥២៩នាក់។ វិទ្យាស្ថានក៏មានកិច្ចសហការ និងការចុះអនុសារណៈយោគយល់ជាមួយស្ថាប័នបណ្តុះបណ្តាល និងសហគ្រាស ក្រុមហ៊ុន ក្នុងប្រទេសនិងក្រៅប្រទេសផងដែរ៕

ដោយ:ភក្ដី

The post វិទ្យាស្ថានពហុបច្ចេកទេសភូមិភាគតេជោសែនស្វាយរៀង ប្រជុំផ្សព្វផ្សាយកម្មវិធីបណ្តុះបណ្តាល រវាងវិស័យសាធារណៈ និងឯកជន appeared first on Kampuchea Thmey Daily.

ក្នុងឱកាសនោះផងដែរ លោក ម៉ែន អេង អភិបាលរងខេត្ត បានមានប្រសាសន៍ថា ការបោះឆ្នោតគឺជាបេះដូងនៃលទ្ធិប្រជាធិបតេយ្យ ដែលប្រទេសកម្ពុជាប្រកាន់ភ្ជាប់ជានិច្ចនូវការបោះឆ្នោតយ៉ាងត្រឹមត្រូវ និងយុត្តិធម៌។ លោក ម៉ែន អេង មានប្រសាសន៍ បន្ថែមទៀតថា មិនថាជាការបោះឆ្នោតសកល ឬជាការបោះឆ្នោតអសកលទេ ដំណើរការរៀបចំការបោះឆ្នោត ចាំបាច់ត្រូវបែងចែកជាដំណាក់កាលសំខាន់ៗចំនួន៤ គឺ៖​​ ទី១,ដំណាក់កាលពិនិត្យបញ្ជីឈ្មោះ និងចុះឈ្មោះបោះឆ្នោត។ ទី២, ដំណាក់កាលចុះបញ្ជីគណបក្សនយោបាយឈរឈ្មោះបោះឆ្នោត និងចុះបញ្ជីបេក្ខជនឈរឈ្មោះ ទី៣ ដំណាក់កាលឃោសនាបោះឆ្នោត និងទី៤ ដំណាក់កាលបោះឆ្នោត រាប់សន្លឹកឆ្នោត និងប្រកាសលទ្ធផលនៃការបោះឆ្នោត។

ដូចដែលពលរដ្ឋបានឃេីញយ៉ាងច្បាស់ហេីយថា ការបោះឆ្នោតជ្រេីសតាំងតំណាងរាស្ត្រក្នុងពេលថ្មីៗនេះ គឺប្រព្រឹត្តទៅយ៉ាងរលូន សេរីភាព យុត្តិធម៍ និងត្រឹមត្រូវ នេះសបញ្ជាក់បានថា ប្រទេសកម្ពុជា គឺប្រកាន់ភ្ជាប់នូវរបបលទ្ធិប្រជាធិបតេយ្យយ៉ាងច្បាស់លាស់៕

ដោយ៖ ភក្ដី

The post អភិបាលរងខេត្តស្វាយរៀង ប្រជុំផ្សព្វផ្សាយលទ្ធផលបណ្តោះអាសន្ន នៃការពិនិត្យបញ្ជីឈ្មោះ និងចុះឈ្មោះបោះឆ្នោត ឆ្នាំ២០២៤ appeared first on Kampuchea Thmey Daily.