ការថ្លែងបែបនេះ ក្នុងឱកាសដែល លោក លី ធុជ បានអញ្ជើញចូលរួមជាភ្ញៀវកិត្តិយសក្នុងពិធីពិសារភោជនីយហារកសាងបណ្តាញសង្គម និងធុរកិច្ច ដែលជាព្រឹត្តិការណ៍មួយសំខាន់ក្នុងការកសាងនូវទំនាក់ទំនង និងបង្កើតនូវស្ពានភ្ជាប់រវាងមនុស្ស ស្ថាប័ន និងឱកាស កាលពីថ្ងៃទី ១០ តុលា ឆ្នាំ ២០២៥ នៅរាជធានីភ្នំពេញ។

ក្នុងឱកាសនោះ លោកបានថ្លែងអំណរគុណដល់ប្រទេសម៉ាឡេស៊ី ចិន និងសហរដ្ឋអាមេរិក ក៏ដូចជាបណ្តាប្រទេសជាមិត្តដទៃទៀតសម្រាប់ការគាំទ្រ និងការសម្របសម្រួលក្នុងការសម្រេចឱ្យបានបទឈប់បាញ់គ្នា។ក្នុងជម្លោះតាមបណ្តោយ​ព្រំដែនកម្ពុជា-ថៃ លោក លី ធុជ បានអះអាងបញ្ជាក់ថា រាជរដ្ឋាភិបាលកម្ពុជា ក្រោមការដឹកនាំរបស់ សម្តេចធិបតី ហ៊ុន ម៉ាណែត នាយករដ្ឋមន្រ្តី ប្រកាន់ខ្ជាប់នូវគោលជំហរច្បាស់លាស់ក្នុងការគោរពនិងអនុវត្តកិច្ចព្រងព្រៀងបទឈប់បាញ់ ការដោះស្រាយជម្លោះដោយសន្តិភាព និងគោរពលើច្បាប់អន្តរជាតិដែលមានជាធរមាន។

ជាមួយគ្នានោះ លោកបានអំពាវនាវឱ្យវិនិយោគិនទាំងអស់ បន្តផ្តល់ទំនុកចិត្ត និងជឿជាក់ចំពោះការដឹកនាំរបស់រាជរដ្ឋាភិបាលកម្ពុជា ដែលតែងតែចាត់ទុកវិនិយោគិន គឺជាដៃគូមិនអាចខ្វះបាន និងជាក្បាលម៉ាស៊ីននៃកំណើនសេដ្ឋកិច្ចជាតិ ហើយភាពជោគជ័យរបស់វិនិយោគិន មិនត្រឹមតែរួមចំណែកដល់ការពង្រឹងនូវភាពជាដៃគូរវាងគ្នាប៉ុណ្ណោះទេ ប៉ុន្តែវាថែមទាំងសម្រេចនូវគោលដៅរួម ក្នុងការលើកកម្ពស់ និងការអភិវឌ្ឍប្រកបដោយចីរភាព នាំមកនូវអត្ថប្រយោជន៍រួមសម្រាប់ប្រទេសជាតិ។

ផ្អែកលើសន្តិភាព និងស្ថិរភាពដែលទទួលបាន រាជរដ្ឋាភិបាលពីមួយជំនាន់ទៅមួយជំនាន់ បាននិងកំពុងបន្តលើកកម្ពស់ និងកែលម្អជាប្រចាំនូវយុទ្ធសាស្រ្ត គោលនយោបាយជាតិ និងបង្កើនបរិយាកាសឱ្យសមស្របសម្រាប់ការវិនិយោគ និងអាជីវកម្ម ដែលមានស្ថិរភាព សុវត្ថិភាព និងទាក់ទាញ។ ការកាត់បន្ថយបែបបទនីតិវិធី របបពន្ធ និងការចំណាយមិនចាំបាច់ត្រូវបានអនុវត្ត ដើម្បីជំរុញឱ្យវិនិយោគិនអន្តរជាតិឱ្យទទួលបានអត្ថប្រយោជន៍ជាក់ស្តែងនៅកម្ពុជា៕

The post ទេសរដ្ឋមន្រ្តី លី ធុជ ប្រាប់វិនិយោគិនផ្តល់ទំនុកចិត្តលើរដ្ឋាភិបាល ទោះមានបញ្ហាព្រំដែន appeared first on Kampuchea Thmey Daily.

លោក លី ធុជ បានវាយតម្លៃខ្ពស់ចំពោះការគាំទ្ររបស់ប្រទេសន័រវេស្ស និងចាត់ទុកប្រទេសន័រវេស្ស មិនត្រឹមជាអ្នកផ្តល់ជំនួយប៉ុណ្ណោះទេ ប៉ុន្តែជាដៃគូពិតរបស់កម្ពុជាអស់រយៈពេលជាង ៣ទសវត្សរ៍ ហើយបាននិងកំពុងឈរជាមួយកម្ពុជាទទួលបានជោគជ័យយ៉ាងធំធេង ក្នុង​ការ​ដោះស្រាយបញ្ហាមីន និងសំណល់ជាតិផ្ទុះពីសង្រ្គាម រួមមានទាំងការបោសសម្អាតមីន ការគ្រប់គ្រងទិន្នន័យ ការកសាងសមត្ថភាព និងការសិក្សាស្រាវជ្រាវ ជាដើម និងជួយគាំទ្រកម្ពុជាធ្វើជាប្រធាននិងម្ចាស់ផ្ទះនៃកិច្ចប្រជុំកំពូលសៀមរាប-អង្គរស្តីពីពិភពលោកមួយដែលគ្មានមីន។

ក្នុងឱកាសនោះ លោក​ទេសរដ្ឋមន្រ្តី បានលើកឡើងអំពីសមិទ្ធផលសម្រេចបាន និងកិច្ចខិតខំប្រឹងប្រែងរបស់រាជរដ្ឋាភិបាលកម្ពុជា ពាក់ព័ន្ធនឹងវិស័យសកម្មភាពមីននៅកម្ពុជា ដោយផ្ទៃដីរាប់ម៉ឺនហិកតាត្រូវរំដោះចេញពីគ្រាប់មីន និងសំណល់ជាតិផ្ទុះពីសង្រ្គាម ដោយមានការរួមចំណែកគាំទ្រពីប្រទេសជាមិត្ត ដៃគូអភិវឌ្ឍន៍ ប្រតិបត្តិករបោសសម្អាតមីន និងភាគីពាក់ព័ន្ធដទៃទៀត ក្នុងនោះប្រទេសន័រវេស្ស គឺជាដៃគូលេចធ្លោមួយយ៉ាងសំខាន់។

ជាងនេះទៅទៀត លោក​បណ្ឌិត លី ធុជ បានគូសបញ្ជាក់ពីសារៈសំខាន់នៃចក្ខុវិស័យដឹកនាំរបស់ សម្តេចធិបតី ហ៊ុន ម៉ាណែត នាយករដ្ឋមន្រ្តី ឆ្ពោះទៅរកកម្ពុជាគ្មានផលប៉ះពាល់ដោយសារមីន និងសំណល់ជាតិផ្ទុះពីសង្រ្គាម។ សម្តេចធិបតី តែងតែយកចិត្តទុកដាក់ខ្ពស់ និងចាត់ទុកវិស័យសកម្មភាពមីន ជាបេះដូងនៃការអភិវឌ្ឍ និងកិច្ចការមនុស្សធម៌របស់កម្ពុជា។ លោកបណ្ឌិត លី ធុជ បញ្ជាក់ទៀតថា ពាក់ព័ន្ធនឹងបញ្ហាព្រំដែនកម្ពុជា-ថៃ សម្តេចធិបតី ចង់ឱ្យតំបន់ព្រំដែនក្លាយជាតំបន់សន្តិភាព។

លោកជំទាវ Astrid Emilie Helle បានថ្លែងអំណរគុណចំពោះភាពជាដៃគូ និងកិច្ចសហប្រតិបត្តិការជាមួយរាជរដ្ឋាភិបាលកម្ពុជា និងបានកោតសរសើរចំពោះសមិទ្ធផលសម្រេចបានក្នុងវិស័យសកម្មភាពមីននៅកម្ពុជា ក៏ដូចជាភាពជោគជ័យក្នុងភាពជាប្រធាន និងម្ចាស់ផ្ទះរៀបចំកិច្ចប្រជុំកំពូលសៀមរាប-អង្គរស្តីពីពិភពលោកមួយដែលគ្មានមីន នៃអនុសញ្ញាអូតាវ៉ាឆ្នាំ២០២៤។ លោកជំទាវឯកអគ្គរាជទូត បានគូសបញ្ជាក់ថា ប្រទេសន័រវេស្ស នឹងបន្តគាំទ្រដល់សកម្មភាពមីននៅកម្ពុជា រហូតដល់កម្ពុជាអាចសម្រេចនូវគោលដៅរបស់ខ្លួន គឺគ្មានផលប៉ះពាល់ដោយសារមីន និងសំណល់ជាតិផ្ទុះពីសង្រ្គាម។

ជាមួយគ្នានោះ លោកជំទាវ Astrid Emilie Helle បានសម្តែងនូវការសោកស្តាយចំពោះផលលំបាកដែលកើតមានឡើងក្នុងការប៉ះទង្គិចគ្នារវាងកម្ពុជា-ថៃ កន្លងទៅនេះ បណ្តាលឱ្យមានមនុស្សស្លាប់ របួស និងមានជនភៀសសឹករាប់ម៉ឺនគ្រួសារត្រូវចាកចេញពីលំនៅដ្ឋាន ព្រមទាំងជូនពរឱ្យតំបន់ព្រំដែនកម្ពុជា-ថៃ ទទួលបានសន្តិភាព៕

The post លោក លី ធុជ អរគុណប្រទេសន័រវេស្ស ដែល​ផ្តល់ថវិកា១,២លានដុល្លារអាមេរិក គាំទ្រ​វិស័យ​សកម្មភាពមីន appeared first on Kampuchea Thmey Daily.

លោក លី ធុជ ដែលជាប្រធានគណៈកម្មាធិការជាតិសេដ្ឋកិច្ច សង្គម សម្រាប់តំបន់អាស៊ី និងប៉ាស៊ីហ្វិក (អេស្កាប់) បានអញ្ជើញជាកិត្តិយសថ្លែងសុន្ទរកថាគន្លឹះបែបនេះ នៅក្នុងកម្មវិធីបើកកម្មវិធីមហោស្រពម៉ាកយីហោចិនលើកទី១៩ ដែលប្រព្រឹត្តទៅនៅថ្ងៃទី៨ ខែសីហា ឆ្នាំ២០២៥ នាទីក្រុងស៊ិនជិន សាធារណរដ្ឋប្រជាមានិតចិន ក្រោមប្រធានបទ «បញ្ញាសិប្បនិម្មិត និងសកលភាវូបនីយកម្ម»។ ការចូលរួមនេះ តបតាមការអញ្ជើញរបស់គណៈកម្មាធិការរៀបចំមហោស្រពម៉ាកយីហោរបស់ប្រទេសចិន និងលោក Andy Wang ស្ថាបនិក និងជាប្រធានប្រតិបត្តិសកលនៃ President Club (President Speech Union) ដែលមានអ្នកចូលរួមជាសហគ្រិនជនជាតិចិនប្រមាណជា ១ម៉ឺននាក់។

ក្នុងឱកាសនោះ លោកបានលើកឡើងថា ប្រធានបទនៃកម្មវិធី “The 19th China Brand Festival” ពិតជាមានសារៈសំខាន់ និងស្របតាមស្ថានភាពវិវត្តន៍នាពេលបច្ចុប្បន្ននៃបច្ចេកវិទ្យាឌីជីថល និងបញ្ញាសិប្បនិម្មិត ដោយបច្ចេកវិទ្យាទាំងនេះ បាននិងកំពុងដើរតួនាទីយ៉ាងសំខាន់នៅស្ទើរគ្រប់វិស័យ ជាពិសេស បានធ្វើឱ្យការរស់នៅរបស់មនុស្សកាន់តែប្រសើរឡើង។ លោកបន្តថា បច្ចុប្បន្ន ចិនជាប្រទេសឈានមុខមួយនៅក្នុងពិភពលោក ក្នុងវិស័យបច្ចេកវិទ្យា និងបញ្ញាសិប្បនិម្មិត និងបានចូលរួមយ៉ាងសកម្មនៅក្នុងកិច្ចសហប្រតិបត្តិការសាកល ដើម្បីអភិវឌ្ឍ និងចែករំលែកបច្ចេកវិទ្យាទាំងនេះ។

ជាមួយគ្នានេះ លោកទេសរដ្ឋមន្ត្រី បានគូសបញ្ជាក់ថា ក្រោមការដឹកនាំប្រកបដោយចក្ខុវិស័យរបស់សម្តេចធិបតី ហ៊ុន ម៉ាណែត កម្ពុជាបានដាក់ចេញនូវគោលនយោបាយ និងយុទ្ធសាស្ត្រនានា ដើម្បីលើកកម្ពស់បរិវត្តកម្មឌីជីថលនៅកម្ពុជា សំដៅជំរុញការអភិវឌ្ឍប្រកបដោយចីរភាព និងមានបរិយាបន្ន និងគាំទ្រដល់ការវិនិយោគនៅកម្ពុជា។ តាមរយៈគោល​នយោបាយ និងយុទ្ធសាស្ត្រទាំងនេះ កម្ពុជាបានក្លាយខ្លួនជាគោលដៅវិនិយោគរបស់ក្រុមហ៊ុនបច្ចេកវិទ្យា និងជាដៃគូដ៏មានសក្តានុពលមួយរបស់ចិន។

នៅចំពោះមុខសហគ្រិន លោកទេសរដ្ឋមន្រ្តី លី ធុជ បញ្ជាក់ថា៖«កម្ពុជា គឺជាច្រកដ៏សំខាន់មួយ សម្រាប់ក្រុមហ៊ុនបច្ចេកវិទ្យាចិន ក្នុងការពង្រីកបណ្តាញនៅក្នុងតំបន់ ដោយកម្ពុជាស្ថិតនៅចំណុចកណ្តាលនៃតំបន់អាស៊ាន បានធ្វើសមាហរណកម្មស៊ីជម្រៅជាមួយបណ្តាប្រទេសសមាជិកអាស៊ាន និងមានកិច្ចព្រមព្រៀងពាណិជ្ជកម្មជាមួយប្រទេសជាច្រើន»។
ជាមួយគ្នានេះ កម្ពុជាបានបណ្តុះបណ្តាលធនធានមនុស្សជាច្រើន ក្នុងវិស័យបច្ចេកវិទ្យា ដែលអាចបំពេញតម្រូវធនធានមនុស្ស និងរួមចំណែកក្នុងភាពជោគជ័យរបស់ក្រុមហ៊ុនបច្ចេកវិទ្យាទាំងនេះ។

ក្នុងឱកាសនោះដែរ លោក លី ធុជ ក៏បានលើកឡើងអំពីចក្ខុវិស័យ និងតួនាទីដ៏សំខាន់របស់ចិន ក្រោមការដឹកនាំដ៏ឈ្លាសវៃរបស់ឯកឧត្តមប្រធានាធិបតី ស៊ី ជិនពីង ក្នុងការរក្សាស្ថិរភាព និងអភិវឌ្ឍទូទាំងសាកលលោក ជាពិសេសតាមរយៈគំនិតផ្តួចផ្តើមខ្សែក្រវាត់ និងផ្លូវ ខណៈពិភពលោកកំពុងតែប្រឈមនឹងបញ្ហា បណ្តាលមកពីជម្លោះប្រដាប់អាវុធ ការកើនឡើងនៃភាពតានតឹងភូមិសាស្ត្រនយោបាយ និងការីកសាយនៃការការពារនិយម ដែលបង្កការគំរាមកំហែងដល់សន្តិភាព និងច្បាប់ទំលាប់ពិភពលោក បង្កការលំបាកដល់រស់នៅរបស់មនុស្ស និងធ្វើឱ្យមនុស្សជាច្រើនលាននាក់ធ្លាក់ចូលទៅក្នុងភាពក្រីក្រ។

លោកបានគូសបញ្ជាក់ថា ៖«ឯកឧត្តមប្រធានាធិបតី ស៊ី ជិនពីង បានយកសន្តិភាព វិបុលភាព និងជោគវាសនារួម ជាសរសរស្តម្ភសំខាន់ សម្រាប់ការអភិវឌ្ឍពិភពលោកប្រកបដោយចីរភាព ហើយកម្ពុជា មានមោទនភាពដែលជាប្រទេសមួយដែលទទួលបានផលប្រយោជន៍ធំធេងពីចក្ខុវិស័យ របស់ឯកឧត្តមប្រធានាធិបតី»។

លោកបានរំលឹកអំពីមិត្តភាព និងទំនាក់ទំនងជាប្រវត្តិសាស្ត្រ ជាអមតៈ ពុំអាចកាត់ថ្លៃបាន រវាងកម្ពុជា និងចិន និងបានប្រែក្លាយជាមិត្តដែកថែប មិនអាចបំបែកបាន និងបានប្តេជ្ញាកៀកស្មាគ្នាកសាងសហគមន៍វាសនារួមគ្នា។ រយៈពេល ៦៧ឆ្នាំ នៃចំណងការទូតជាផ្លូវការចាប់ពីឆ្នាំ ១៩៥៨ កម្ពុជា-ចិន បានពង្រឹង និងពង្រីកនូវចំណងមិត្តភាព ឲ្យកាន់តែស៊ីជម្រៅ កាន់តែជិតស្និទ្ធ កាន់តែរឹងមាំ ដើម្បីបម្រើឲ្យផលប្រយោជន៍នៃប្រជាជន និងប្រជាជាតិទាំងពីរ ជាពិសេស ក្នុងដំណើរទស្សនកិច្ចជាច្រើនលើករបស់ប្រមុខរាជរដ្ឋាភិបាលកម្ពុជា ចាប់តាំងពីឆ្នាំ១៩៩៩ បានធ្វើឱ្យទំនាក់ទំនងកម្ពុជានិងចិន ឈានដល់ការបង្កើត «ភាពជាដៃគូកិច្ចសហប្រតិបត្តិការយុទ្ធសាស្ត្រគ្រប់ជ្រុងជ្រោយកម្ពុជា-ចិន» ចាប់ពីឆ្នាំ២០១០ ហើយបច្ចុប្បន្ន ក្រោមការដឹកនាំប្រកបដោយចក្ខុវិស័យរបស់ សម្តេចធិបតី នាយករដ្ឋមន្ត្រី ប្តេជ្ញារក្សាទំនាក់ទំនងមិត្តភាពនេះ ឱ្យនៅបន្តគង់វង្ស៕

The post នៅចំពោះមុខសហគ្រិនចិន១ម៉ឺននាក់! ទេសរដ្ឋមន្រ្តី លី ធុជ ថ្លែងថា កម្ពុជាគឺជាច្រកដ៏សំខាន់មួយសម្រាប់ក្រុមហ៊ុនបច្ចេកវិទ្យាចិន appeared first on Kampuchea Thmey Daily.

លោក CARLOS D. SORRETA ប្រធានកិច្ចប្រជុំរដ្ឋភាគីលើកទី១៣ នៃអនុសញ្ញាស្តីពីគ្រាប់បែកចង្កោម បានទទួលលិខិតផ្លូវការរបស់កម្ពុជាចុះថ្ងៃទី២៨ ខែកក្កដា ឆ្នាំ២០២៥ ស្តីពីការថ្កោលទោសចំពោះការប្រើប្រាស់គ្រាប់បែកចង្កោមដោយយោធាថៃនៅតាមបណ្តោយព្រំដែនកម្ពុជា។

តាមរយៈលិខិតនេះ ប្រធានអនុសញ្ញាស្តីពីគ្រាប់បែកចង្កោម បានកោតសរសើរចំពោះកិច្ចខិតខំប្រឹងប្រែងរបស់កម្ពុជា ក្នុងការគាំទ្រចំពោះគោលការណ៍មនុស្សធម៌ ដែលមានចែងនៅក្នុងអនុសញ្ញាស្តីពីគ្រាប់បែកចង្កោម និងធ្វើការបោសសម្អាតផ្ទៃដីដែលរងគ្រោះដោយសារគ្រាប់បែកចង្កោមនៅកម្ពុជា។

លិខិតដដែលបានបញ្ជាក់ថា «ភាពតានតឹង និងការប៉ះទង្គិចប្រដាប់អាវុធនៅតាមព្រំដែនកម្ពុជា-ថៃ បានបង្កជាក្តីព្រួយបារម្ភយ៉ាងខ្លាំង ហើយយើងត្រូវធានាថា ការការពារប្រជាជនស៊ីវិល គឺជាកិច្ចការអាទិភាពចម្បងបំផុត»។

ប្រធានអនុសញ្ញាស្តីពីគ្រាប់បែកចង្កោម សង្ឃឹមថា តាមរយៈកិច្ចសន្ទនា និងការយោគយល់គ្នា នឹងអាចរកឃើញផ្លូវបន្តឆ្ពោះទៅមុខ ដែលគោរពដល់សេចក្តីថ្លៃថ្នូររបស់មនុស្ស និងគោលការណ៍មនុស្សធម៌អន្តរជាតិ ហើយនាំមកនូវសន្តិភាព និងសុខសុវត្ថិភាពយូរអង្វែង ចំពោះប្រទេសជាតិ និងតំបន់របស់យើង៕

The post CCM ប្តេជ្ញារួមចំណែកកាត់បន្ថយផលវិបាកមនុស្សធម៌ ដែលបង្កឡើងដោយការប្រើប្រាស់គ្រាប់បែកចង្កោម appeared first on Kampuchea Thmey Daily.

ក្នុងឱកាសនោះ លោក លី ធុជ បាននាំយកសេចក្តីសាកសួរសុខទុក្ខ និងក្តីនឹករលឹកពីសម្តេចតេជោ ហ៊ុន សែន ប្រធានគណបក្សប្រជាជនកម្ពុជា និងសម្តេចធិបតី ហ៊ុន ម៉ាណែត នាយករដ្ឋមន្រ្តី ជូនប្រជាពលរដ្ឋនៅក្រុងបាវិតទាំងអស់ ព្រមទាំងសម្តែងនូវការដឹងគុណចំពោះគោលនយោបាយរបស់រាជរដ្ឋាភិបាលកម្ពុជា ដែលតែងតែគិតគូរ និងយកចិត្តទុកដាក់ក្នុងការលើកស្ទួចជីវភាពរស់នៅរបស់ប្រជាជនកម្ពុជា។

លោកបានគូសបញ្ជាក់ទៀតថា ជីវភាពរស់នៅរបស់ប្រជាពលរដ្ឋ គឺជាកិច្ចការអាទិភាព របស់រាជរដ្ឋាភិបាលកម្ពុជា ក្រោមការដឹកនាំរបស់សម្តេចធិបតី ហ៊ុន ម៉ាណែត នាយករដ្ឋមន្រ្តី ក្នុងនោះគោលនយោបាយកាត់បន្ថយភាពក្រីក្រ រដ្ឋាភិបាលតែងតែផ្តល់ប្រាក់ឧបត្ថម្ភដល់គ្រួសារក្រីក្រ ការបណ្តុះបណ្តាលជំនាញវិជ្ជាជីវៈដើម្បីទទួលបាននូវឱកាសការងារនិងប្រាក់ចំណូលខ្ពស់ និងការថែទាំសុខភាពដោយឥតគិតថ្លៃតាមរយៈការផ្តល់ប័ណ្ណ .ប.ស.ស. និងប័ណ្ណក្រីក្រ ជាដើម។

ជាមួយគ្នានោះ លោក លី ធុជ បានអំពាវនាវឱ្យប្រជាជនកម្ពុជាទាំងអស់បន្តគាំទ្រការដឹកនាំរបស់ សម្តេចធិបតី បន្តគាំទ្រដល់គោលនយោបាយរបស់រាជរដ្ឋាភិបាលកម្ពុជា និងបោះឆ្នោតជូនគណបក្សប្រជាជនកម្ពុជាគ្រប់អាណត្តិ ដើម្បីអាចបន្តបេសកកម្មដ៏ថ្លៃថ្លាសម្រាប់ជាតិមាតុភូមិ និងធ្វើឱ្យប្រទេសកាន់តែរីកចម្រើន និងជីវភាពរបស់ពលរដ្ឋកាន់តែល្អប្រសើរ៕

ដោយ៖ ភក្ដី

The post លោក លី ធុជ៖ ជីវភាពរស់នៅរបស់ប្រជាពលរដ្ឋ គឺជាកិច្ចការអាទិភាព របស់រាជរដ្ឋាភិបាលកម្ពុជា appeared first on Kampuchea Thmey Daily.

លោកទេសរដ្ឋមន្រ្តី បានលើកឡើងបែបនេះក្នុងឱកាស តាងនាមឱ្យរាជរដ្ឋាភិបាលកម្ពុជា និងលោក Anatoly Borovik ឯកអគ្គរដ្ឋទូតវិសាមញ្ញ និងពេញសមត្ថភាព នៃសហព័ន្ធរុស្ស៉ី ប្រចាំព្រះរាជាណាចក្រកម្ពុជា បានអញ្ជើញជាភ្ញៀវ​កិត្តិយស​ក្នុងពិធីអបអរសាទរខួបលើកទី៨០ នៃជ័យជម្នះរបស់សហភាពសូវៀត ក្នុងសង្រ្គាមលោកលើកទី២ កាលពីថ្ងៃទី ៧ ខែឧសភា ឆ្នាំ ២០២៥។

ឆ្លៀតក្នុងឱកាសនោះ លោកបានលើកឡើងពីប្រសាសន៍ដ៏ថ្លៃថ្លារបស់ សម្តេចតេជោ ហ៊ុន សែន ប្រធានព្រឹទ្ធសភាកម្ពុជាថា “បើគ្មានសន្តិភាព យើងមិនអាចនិយាយពីសិទ្ធិមនុស្ស លទ្ធិប្រជាធិបតេយ្យ ឬការអភិវឌ្ឍន៍បានទេ»។

ជាមួយគ្នានេះ លោកបានគូសបញ្ជាក់ថា ៖«កម្ពុជាបានយល់យ៉ាងច្បាស់អំពីសារៈសំខាន់នៃសន្តិភាព និងភាពជូរចត់នៃសង្រ្គាម។ សម្រាប់ប្រទេសកម្ពុជា សន្តិភាពមិនមែនគ្រាន់តែជាអវត្ដមាននៃជម្លោះនោះទេ វាគឺជាមូលដ្ឋានគ្រឹះដ៏សំខាន់សម្រាប់កសាងនូវអនាគត ដែលជាមាគ៌ាមិនអាចខ្វះបានឆ្ពោះទៅរកការអភិវឌ្ឍន៍សេដ្ឋកិច្ចសង្គមប្រកបដោយចីរភាព» ។

ជាមួយគ្នានោះ តាងនាមឱ្យរាជរដ្ឋាភិបាលកម្ពុជា លោកទេសរដ្ឋមន្រ្តី លី ធុជ បានសម្តែងនូវការអបអរសាទរជាមួយរដ្ឋាភិបាល និងប្រជាជននៃសហព័ន្ធរុស្សី ចំពោះជ័យជម្នះរបស់សហភាពសូវៀត ក្នុងសង្រ្គាមលោកលើកទី២ ដែលជ័យជម្នះនេះ មិនគ្រាន់តែបង្ហាញពីការបញ្ចប់អរិភាពនោះទេ វាបានធ្វើឱ្យមានក្តីសង្ឃឹមឡើងវិញសម្រាប់មនុស្សជាតិ និងបានបង្ហាញពីការលះបង់ ពលី និងការតស៊ូរួម ក្នុងការស្វែងរកសន្តិភាព និងស្ថិរភាព សម្រាប់ពិភពលោកទាំងមូល៕

The post ទេសរដ្ឋមន្រ្តី លី ធុជ៖ សន្តិភាពនៅកម្ពុជា មិនគ្រាន់តែជាអវត្តមាននៃជម្លោះ ក៏ជាមូលដ្ឋានគ្រឹះនៃការអភិវឌ្ឍ appeared first on Kampuchea Thmey Daily.

លោកស្រីបញ្ជាក់បែបនេះ នៅក្នុងជំនួបទ្វេភាគី ជាមួយលោកទេសរដ្ឋមន្រ្តី លី ធុជ អនុប្រធានទី១ អាជ្ញាធរមីន និងជាប្រធានគណៈកម្មាធិការជាតិអេស្កាប់ ក្នុងគោលបំណងពង្រឹង និងពង្រីកិច្ចសហប្រតិបត្តិការរវាងកម្ពុជា និង UN-ESCAPនៅទីក្រុងបាងកក ប្រទេសថៃ នាថ្ងៃទី ២២​ ខែ មេសា ឆ្នាំ ២០២៥។

នាឱកាសនោះលោកស្រី Armida Salsiah Alisjahbana បានប្តេជ្ញាបន្តបង្កើនកិច្ចសហប្រតិបត្តិការ និងគាំទ្រដល់ការអភិវឌ្ឍរបស់កម្ពុជា និងបានបញ្ជាក់ជាថ្មី នូវការប្តេជ្ញាគាំទ្រដល់ការលើកកម្ពស់វិស័យប្រាជ្ញាសប្បនិម្មិតនៅកម្ពុជា ក៏ដូចជាការអនុវត្តគោលនយោបាយជាតិសកម្មភាពមីន ២០២៦-២០៣៥ និងជំរុញដល់នវានុវត្តន៍ពាណិជ្ជកម្ម និងការវិនិយោគនៅកម្ពុជា តាមរយៈបណ្តាញធុរៈកិច្ចប្រកបដោយចីរភាពរបស់ ESCAP (ESCAP Sustainable Business Network)។

ក្នុងជំនួបនោះលោក លី ធុជ ថ្លែងអំណរគុណ UN-ESCAP ដែលបង្ហាញពីឆន្ទៈបន្តបង្កើនកិច្ចសហប្រតិបត្តិការ និងគាំទ្រដល់ការអភិវឌ្ឍរបស់កម្ពុជា និងការអនុវត្តគោលនយោបាយជាតិសកម្មភាពមីន ២០២៦-២០៣៥។ លោកក៏បានពាំនាំនូវសេចក្តីសាកសួរសុខទុក្ខពី សម្តេចមហាបវរធិបតី ហ៊ុន ម៉ាណែត នាយករដ្ឋមន្រ្តី ជូនចំពោះលោកស្រី Armida Salsiah Alisjahbana ព្រមទាំងបានថ្លែងអំណរ ដែលតែងតែយកចិត្តទុកដាក់ និងផ្តល់ការគាំទ្រពេញទំហឹងដល់ការអភិវឌ្ឍនៅក្នុងប្រទេសកម្ពុជា ក៏ដូចជាតំបន់អាស៊ី និងប៉ាស៊ីហ្វិកទាំងមូល។

លោកទេសរដ្ឋមន្រ្តី លី ធុជ បានវាយតម្លៃខ្ពស់ចំពោះការគាំទ្ររបស់ UN-ESCAP ក្នុងការរៀបចំគោលនយោបាយជាតិសកម្មភាពមីនកម្ពុជា ដែលជាផែនទីបង្ហាញផ្លូវវិស័យសកម្មភាពមីននៅកម្ពុជាសម្រាប់រយៈពេល១០ឆ្នាំ ស្របតាមយុទ្ធសាស្ត្របច្ចកោណរបស់រាជរដ្ឋាភិបាលកម្ពុជា។

លោកបានគូសបញ្ជាក់ថា៖«សកម្មភាពមីន បានចូលរួមយ៉ាងសំខាន់នៅក្នុងការធានាសុខសុវត្ថិភាពជូនប្រជាជន កាត់បន្ថយភាពក្រីក្រ និងការអភិវឌ្ឍសេដ្ឋកិច្ច-សង្គមនៅកម្ពុជា និងបានស្នើសុំ UN-ESCAP បន្តគាំទ្រការអនុវត្តគោលនយោបាយថ្មីនេះ ជាពិសេសលើការកសាងធនធានមនុស្ស នវានុវត្តន៍ ការគ្រប់គ្រងទិន្នន័យ និងការកៀរគរធនធានប្រកបដោយចីរភាព»។

បន្ថែមលើនេះ ភាគីកម្ពុជា ក៏បានថ្លែងអំណរគុណចំពោះ UN-ESCAP ដែលថ្មីៗនេះ បានប្តេជ្ញាគាំទ្រកម្ពុជា ក្នុងការរៀបចំក្របខណ្ឌគោលនយោបាយជាតិ ដើម្បីលើកកម្ពស់ប្រាជ្ញាសប្បនិម្មិត (Artificial Intelligence) ដែលនឹងចូលរួមយ៉ាងសំខាន់ ដល់ការអនុវត្តក្របខណ្ឌគោលនយោបាយសេដ្ឋកិច្ច និងសង្គមឌីជីថលកម្ពុជា (២០២១-២០៣៥) និងការអភិវឌ្ឍប្រកបដោយចីរភាពនៅកម្ពុជា។

សូមជម្រាបថា ជំនួបទ្វេភាគីខាងលើ មានការចូលរួមពីតំណាងគណៈកម្មាធិការជាតិអេស្កាប់ ក្រសួងការបរទេសនិងសហប្រតិបត្តិការអន្តរជាតិកម្ពុជា ក្រសួងប្រៃសណីយ៍និងទូរគមនាគមន៍ ក្រសួងផែនការ ក្រសួងរៀបចំដែនដី នគរូបនីយកម្ម និងសំណង់ ក្រសួងសេដ្ឋកិច្ចនិងហិរញ្ញវត្ថុ និងស្ថានទូតនៃព្រះរាជាណាចក្រកម្ពុជាប្រចាំព្រះរាជាណាចក្រថៃឡង់ដ៍៕

The post UN-ESCAP ប្តេជ្ញាគាំទ្រគោលនយោបាយជាតិសកម្មភាពមីន និងការអភិវឌ្ឍរបស់កម្ពុជា appeared first on Kampuchea Thmey Daily.

លោកបានលើកឡើងបែបនេះ ក្នុងងឱកាសដឹកនាំគណៈប្រតិភូគម្រោងបោសសម្អាតមីនដើម្បីលទ្ធផលដំណាក់កាលទី៤ (CfRIV) ចុះពិនិត្យសកម្មភាពបោសសម្អាតមីនរបស់អង្គភាពស៊ីម៉ាក់ និងជួបសំណេះសំណាលជាមួយអ្នកទទួលផល និងជនរងគ្រោះថ្នាក់ដោយសារមីន ស្ថិតក្នុងភូមិពាម ឃុំតាតោក ស្រុកសំឡូត ខេត្តបាត់ដំបង នៅថ្ងៃទី២៥ ខែកុម្ភៈ ឆ្នាំ២០២៥។

ក្នុងការចុះពិនិត្យនេះដែរ លោកទេសរដ្ឋមន្រ្តី ក៏បានណែនាំឱ្យប្រជាពលរដ្ឋ ត្រូវបន្តមានការប្រុងប្រយ័ត្នខ្ពស់ និងមិនត្រូវចូលទៅក្នុងតំបន់ណា ដែលមិនទាន់ធ្វើការបោសសម្អាត និងសង្ស័យថាមានមីន។

ទន្ទឹមនេះ លោកកបានថ្លែងអំណរគុណ ដល់កម្មវិធីអភិវឌ្ឍន៍សហប្រជាជាតិ(UNDP) និងរដ្ឋាភិបាល និងប្រជាជននៃប្រទេសអូស្រ្តាលី សាធារណរដ្ឋកូរ៉េ និងណូវែលហ្សេឡង់ ក្នុងចំណោមប្រទេសជាមិត្ត និងដៃគូដទៃទៀត ដែលតែងតែផ្តល់ការគាំទ្រប្រកបដោយទឹកចិត្តសប្បុរស និងឈរក្នុងភាពជាដៃគូជាមួយរាជរដ្ឋាភិបាលកម្ពុជា ក្នុងការងារបោសសម្អាតមីន និងសំណល់ជាតិផ្ទុះពីសង្រ្គាមនៅកម្ពុជា ដើម្បីសុខសុវត្ថិភាព និងលើកកម្ពស់ជីវភាពរស់នៅរបស់ប្រជាពលរដ្ឋនៅតាមមូលដ្ឋាន ជាពិសេសចូលរួមក្នុងការអនុវត្តគោលនយោបាយឈ្នះ ឈ្នះ របស់សម្តេចតេជោ ហ៊ុន សែន អតីតនាយករដ្ឋមន្រ្តី។

លោក លី ធុជ បានកោតសរសើរ និងវាយតម្លៃខ្ពស់ចំពោះសមត្ថភាពរបស់អង្គភាពស៊ីម៉ាក់ ដែលជាប្រតិបត្តិករជាតិដ៏ឆ្នើម ក្នុងការរំដោះផ្ទៃដីចេញពីការគំរាមកំហែងដោយសារគ្រាប់មីន និងសំណល់ជាតិផ្ទុះពីសង្រ្គាមអស់រយៈពេលជាង ៣០ឆ្នាំ មកនេះ។ ជាមួយគ្នានោះ លោកបានចូលរួមរំលែកមរណទុក្ខចំពោះការបាត់បង់អ្នកបោសសម្អាតមីនដ៏ឆ្នើមរបស់អង្គភាពស៊ីម៉ាក់ ក្នុងខែមករា ឆ្នាំ២០២៥ កន្លងទៅនេះ។

ចំណែក ប្រជាពលរដ្ឋដែលជាអ្នកទទួលផល មានសេចក្តីសប្បាយរីករាយ ដែលបានជួបផ្ទាល់ជាមួយម្ចាស់ជំនួយ ក្នុងការជួយផ្តល់សុខសុវត្ថិភាព លើដីរបស់គាត់ ដែលអាចឱ្យគាត់អាចបង្កបង្កើនផល ដោយគ្មានការភ័យខ្លាច និងមានចំណូលកើនឡើង សម្រាប់គ្រួសាររបស់គាត់៕

The post លោក លី ធុជ ជំរុញឱ្យពលរដ្ឋបង្កើនការប្រើប្រាស់ដីដែលបោសសម្អាតមីនរួច ដើម្បីលើកស្ទួយជីវភាពគ្រួសារ appeared first on Kampuchea Thmey Daily.