ដំណើរទស្សនកិច្ចនេះ ត្រូវបានធ្វើឡើងក្នុងគោលបំណងស្វែងយល់ពីបច្ចេកវិទ្យាទំនើប ការគ្រប់គ្រងផលិតកម្ម និងសមត្ថភាពផលិតនាវាខ្នាតធំរបស់ក្រុមហ៊ុន ដែលមានឯកទេសក្នុងការសាងសង់នាវាដឹកទំនិញ និងនាវាពាណិជ្ជកម្ម មានទម្ងន់ផ្ទុកចាប់ពី ៣ពាន់តោន ដល់ ៧ពាន់តោន ឬអាចផលិតតាមតម្រូវការរបស់អតិថិជន។

ក្នុងឱកាសនោះ គណៈប្រតិភូបានចុះពិនិត្យដោយផ្ទាល់លើខ្សែចង្វាក់ផលិតកម្ម បច្ចេកទេសផ្សារដែក ការរចនាគ្រោងនាវា និងប្រព័ន្ធបំពាក់បច្ចេកវិទ្យាសុវត្ថិភាពទំនើប ដែលបង្ហាញពីសមត្ថភាព និងស្តង់ដារផលិតកម្មកម្រិតអន្តរជាតិរបស់ក្រុមហ៊ុន។ ក្រុមហ៊ុន Zhejiang Hongsheng Shipbuilding Co.,Ltd. ត្រូវបានគេស្គាល់ថា ជាក្រុមហ៊ុនមួយមានបទពិសោធន៍ និងកេរ្តិ៍ឈ្មោះក្នុងវិស័យសាងសង់នាវា ដោយផ្គត់ផ្គង់នាវាទៅកាន់ទីផ្សារជាច្រើនទាំងក្នុង និងក្រៅប្រទេស។

ថ្នាក់ដឹកនាំគណៈប្រតិភូខេត្តតាកែវ បានលើកឡើងថា ដំណើរទស្សនកិច្ចនេះ ពិតជាមានសារៈសំខាន់ក្នុងការពង្រឹងទំនាក់ទំនងមិត្តភាព និងកិច្ចសហប្រតិបត្តិការរវាងខេត្តតាកែវ និងដៃគូវិនិយោគចិន ពិសេសលើវិស័យឧស្សាហកម្ម ដឹកជញ្ជូន និងភស្តុភារកម្ម ដែលកំពុងមានសក្តានុពលខ្លាំងសម្រាប់ការអភិវឌ្ឍសេដ្ឋកិច្ចនៅកម្ពុជា។

ជាមួយគ្នានេះ គណៈប្រតិភូក៏បានពិភាក្សាផ្លាស់ប្តូរយោបល់ជាមួយថ្នាក់ដឹកនាំក្រុមហ៊ុន អំពីឱកាសវិនិយោគ និងលទ្ធភាពពង្រីកកិច្ចសហការនាពេលអនាគត ជាពិសេសការផ្ទេរបច្ចេកវិទ្យា ការបណ្តុះបណ្តាលធនធានមនុស្ស និងការចែករំលែកបទពិសោធន៍ក្នុងវិស័យសាងសង់នាវា និងដឹកជញ្ជូនតាមផ្លូវទឹក។

ដំណើរទស្សនកិច្ចនេះ បានឆ្លុះបញ្ចាំងពីការយកចិត្តទុកដាក់របស់រដ្ឋបាលខេត្តតាកែវ ក្នុងការស្វែងរកដៃគូវិនិយោគថ្មីៗ និងសិក្សាពីបទពិសោធន៍អភិវឌ្ឍន៍របស់បណ្តាប្រទេសជឿនលឿន ដើម្បីយកមកអនុវត្តស្របតាមទិសដៅអភិវឌ្ឍន៍សេដ្ឋកិច្ច និងសង្គមរបស់ខេត្ត និងប្រទេសជាតិឱ្យកាន់តែរីកចម្រើន៕

អត្ថបទ៖ វីរៈ​

The post គណៈប្រតិភូខេត្តតាកែវ ទស្សនកិច្ចរោងចក្រផលិតនាវាខ្នាតធំនៅប្រទេសចិន បើកទស្សនវិស័យថ្មីលើវិស័យដឹកជញ្ជូន និងវិនិយោគ appeared first on Kampuchea Thmey Daily.

គួររម្លឹកថា កាលពីខែមីនា កន្លងទៅ នាយករដ្ឋមន្ត្រីកម្ពុជា សម្ដេច ហ៊ុន ម៉ាណែត បានប្រកាសថា មិនឱ្យយករថយន្តពន្លត់អគ្គិភ័យទៅបាញ់ទឹកលេង ក្នុងថ្ងៃចូលឆ្នាំខ្មែរឡើយ ទន្ទឹមនេះ សម្ដេចក៏ស្នើឱ្យយុវជនផ្អាកលេងបាញ់ទឹក និងប៉ាតម្សៅ ហើយងាកមកលេងល្បែងប្រជាប្រិយខ្មែរឱ្យបានផុសផុល។​

ក្នុងកិច្ចប្រជុំដដែល អភិបាលខេត្តតាកែវ ជំរុញឱ្យអាជ្ញាធរ និងអ្នករៀបចំកម្មវិធីតាមវត្តអារាម និងទីសាធារណៈ ត្រូវរៀបចំឱ្យមានការលេងល្បែងប្រជាប្រិយខ្មែរ ដែលក្នុងនោះរួមមានបោះអង្គញ់ ចោលឈូង ទាញព្រ័ត្រ លាក់កន្សែងជាដើម។ឯកឧត្តមបានលើកទឹកចិត្តឱ្យមានការរាំតាមចង្វាក់ប្រពៃណីដូចជា រាំវង់ រាំក្បាច់ សារ៉ាវ៉ាន់ និងឡាំលាវ ដែលជានិមិត្តរូបនៃភាពទន់ភ្លន់ និងសាមគ្គីភាពរបស់ខ្មែរ។

អភិបាលខេត្តតាកែវ លោក វ៉ី សំណាង ក៏បានអំពាវនាវដល់បងប្អូនប្រជាពលរដ្ឋទាំងអស់ ត្រូវចូលរួមសហការជាមួយសមត្ថកិច្ច និងអាជ្ញាធរ ដើម្បីធ្វើឱ្យព្រឹត្តិការណ៍ «តាកែវសង្ក្រាន្ត ឆ្នាំ២០២៦» ក្លាយជាការចងចាំដ៏ល្អ សប្បាយរីករាយ និងពោរពេញដោយមោទនភាពជាតិខ្មែរ។

ព្រឹត្តិការណ៍សង្ក្រាន្តខេត្តតាកែវឆ្នាំនេះ រដ្ឋបាលខេត្តតាកែវរំពឹងថានឹងទាក់ទាញភ្ញៀវទេសចរយ៉ាងច្រើនកុះករ មកទស្សនាកម្សាន្តនៅតាមតំបន់រមណីយដ្ឋាន និងទីតាំងសំខាន់ៗក្នុងខេត្ត ក្រោមការយកចិត្តទុកដាក់ខ្ពស់លើផ្នែកសន្តិសុខ និងអនាម័យបរិស្ថាន៕

The post ខេត្តតាកែវមិនអនុញ្ញាតឱ្យលេងប៉ាតម្សៅ បាញ់ទឹកតាមទីតាំងសង្ក្រាន្ត ដងផ្លូវឡើយ ដើម្បីបញ្ចៀសការប៉ះទង្គិចគ្នា និងគ្រោះថ្នាក់ចរាចរណ៍ appeared first on Kampuchea Thmey Daily.

ព្រឹត្តិការណ៍នេះគឺជាវេទិកាដ៏មានសារៈសំខាន់ក្នុងការរឹតចំណងមិត្តភាព និងការផ្លាស់ប្តូរវប្បធម៌ សេដ្ឋកិច្ច រវាងបណ្ដាខេត្តនៃប្រទេសចិន ជាមួយបណ្ដាប្រទេសក្នុងតំបន់អាស៊ាន និងបន្តដំណើរទស្សនកិច្ចសិក្សាស្វែងយល់ពីវិស័យទេសចរណ៍វប្បធម៌ និងការគ្រប់គ្រងសណ្ឋាគារនៅខេត្តហឺណាន ដើម្បីដកស្រង់បទពិសោធន៍ល្អៗយកមកអភិវឌ្ឍន៍វិស័យទេសចរណ៍ក្នុងខេត្តតាកែវ ឱ្យកាន់តែមានភាពទាក់ទាញ និងមានស្ដង់ដារអន្តរជាតិ និងការធ្វើដំណើរទស្សនកិច្ចនេះ សិក្សាផ្ទាល់លើវិស័យកសិកម្ម ជាពិសេសបច្ចេកទេសផលិត «មេពូជ» នៅខេត្តហឺណាន ដែលជាខេត្តមានសក្តានុពលខ្ពស់លើកសិកម្ម។ នេះគឺជាឱកាសមាសសម្រាប់ខេត្តតាកែវ ក្នុងការនាំយកបច្ចេកវិទ្យាគ្រាប់ពូជ និងបច្ចេកទេសដាំដុះថ្មីៗ មកជួយកសិករក្នុងមូលដ្ឋានឱ្យទទួលបានទិន្នផលខ្ពស់ និងទីផ្សារធំទូលាយ។

ដំណើរទស្សនកិច្ចរបស់លោក វ៉ី សំណាង នាពេលនេះ មិនត្រឹមតែជាការរឹតចំណងមិត្តភាពដែកថែបកម្ពុជា-ចិន ប៉ុណ្ណោះទេ ប៉ុន្តែគឺជាយុទ្ធសាស្ត្រ «នាំចេញនូវសក្តានុពលខេត្ត និងនាំចូលនូវបច្ចេកវិទ្យាទំនើប» ដើម្បីជំរុញសេដ្ឋកិច្ចខេត្តតាកែវឱ្យកាន់តែរីកចម្រើនខ្លាំងក្លាថែមទៀតនាពេលអនាគត៕

អត្ថបទ៖ វីរៈ

The post អភិបាលខេត្តតាកែវ ដឹកនាំប្រតិភូទៅបំពេញទស្សនកិច្ចការងារនៅប្រទេសចិន ដើម្បីទាក់​ទាញវិនិយោគគិនបន្ថែម appeared first on Kampuchea Thmey Daily.

លោក វ៉ី សំណាង ថា ការឈ្លានពានរបស់ថៃ ដោយបានប្រើប្រាស់អាវុធធុនតូច និងធុនធំ ដោយកំរោល និងមិនរើសគោលដៅយ៉ាងសាហាវព្រៃផ្សៃ បានធ្វើឱ្យប្រជាជនស៊ីវិលកម្ពុជាមួយចំនួនស្លាប់ និងរងរបួស ផ្ទះសម្បែងជាច្រើនខ្នងត្រូវបានបំផ្លាញ សិស្សសាលា ក្មេងចាស់ ប្រុស ស្រី ត្រូវបង្ខំចិត្តភៀសខ្លួនរកទីកន្លែងសុវត្ថិភាពបណ្តោះអាសន្ន។

ថ្លែងក្នុងពិធីជួបសំណេះសំណាល សាកសួរសុខទុក្ខ នាំយកគ្រឿងឧបភោគបរិភោគ និងថវិកាមួយចំនួនប្រគល់ជូនក្រុមគ្រួសារវីរកងទ័ពភៀសសឹក និងគ្រួសារស៊ីវិលភៀសសឹក ចំនួន ២៤៤គ្រួសារ មកស្នាក់នៅជាបណ្តោះអាសន្នក្នុងស្រុកកោះអណ្តែត នាព្រឹកថ្ងៃទី២៥ ខែធ្នូ ឆ្នាំ២០២៥ លោកអភិបាលខេត្តតេកែវ ក៏បានអំពាវនាវឱ្យភាគីថៃ ងាកមកគោរពកិច្ចព្រមព្រៀងបទឈប់បាញ់ សេចក្ដីថ្លែងការណ៍រួម ស្តីពី កិច្ចព្រមព្រៀងសន្តិភាព និងកាតព្វកិច្ចទាំងឡាយ នៅក្រោមច្បាប់អន្ដរជាតិឱ្យបានម៉ឺងម៉ាត់ ស្មោះត្រង់ និងដោយសុច្ឆន្ទៈពិតប្រាកដ ព្រមទាំងប្រកាន់ខ្ជាប់នូវការដោះស្រាយ ជម្លោះដោយសន្តិវិធី ស្របតាមច្បាប់អន្ដរជាតិ ក៏ដូចជាសន្ធិសញ្ញា អនុសញ្ញា និងកិច្ចព្រមព្រៀងដែលមានស្រាប់ ហើយប្រឆាំងនឹងការប្រើប្រាស់កម្លាំងអាវុធ សំដៅស្វែងរកដំណោះស្រាយមួយប្រកបដោយយុត្តិធម៌ ត្រឹមត្រូវ យូរអង្វែង និងស្របតាមច្បាប់អន្តរជាតិ៕

អត្ថបទ៖ វីរៈ

The post អភិបាលខេត្តតាកែវ៖ អំពើឈ្លានពានរបស់ថៃ មកលើកម្ពុជា មានលក្ខណៈសាហាវព្រៃផ្សៃជាទីបំផុត appeared first on Kampuchea Thmey Daily.

ការវាយកម្ទេចចោលរបងដែលសាងសង់រំលោភចំណីមាត់ស្ទឹងនេះនេះ កើតឡើងបន្ទាប់ពីមានរិះគន់ជាបន្តបន្ទាប់ពីសំណាក់ប្រជាពលរដ្ឋតាមរយៈបណ្ដាញសង្គម និងឈានដល់រដ្ឋមន្ត្រីក្រសួងធនធានទឹក និងឧតុនិយម លោក ថោ ជេដ្ឋា និងអភិបាលខេត្តតាកែវ នាព្រឹកថ្ងៃទី១៣ ខែតុលា  បានចុះទៅពិនិត្យអំពីផលប៉ះពាល់ជាក់ស្ដែងដែលកើតចេញពីសំណង់ខុសច្បាប់មួយនេះ។

ក្នុងពេលចុះពិនិត្យផលប៉ះពាល់  រដ្ឋមន្ត្រីក្រសួងធនធានទឹក និងឧតុនិយម និងជាប្រធានគណៈកម្មាធិការជាតិគ្រប់គ្រងអាងទន្លេ នាព្រឹកនេះ បានទុកពេលឱ្យម្ចាស់សំណង់របងរយៈពេល១៤ថ្ងៃ រុះរើសំណង់របងបេតុងប្រវែង ១១៩ម៉ែត្រ ដែលបានសង់កៀកនឹងមាត់ស្ទឹង ហើយថយមកខាងក្រោយដោយរក្សាទុកគម្លាត ៣០ម៉ែត្រ ពីមាត់ច្រាំងស្ទឹង ទៅតាមច្បាប់កំណត់។ ការអនុវត្តការរុះរើរបងនេះ គឺស្ថិតក្រោមការត្រួតពិនិត្យយ៉ាងយកចិត្តទុកដាក់សំណាក់ស្ថាប័នជំនាញ។

ជុំវិញករណីនេះ តាមរយៈបណ្ដាញសង្គមហ្វេសប៊ុក លោកបណ្ឌិត គិន ភា ជំរុញ​ឱ្យចាប់ខ្លួនបុគ្គលប្រព្រឹត្តបទល្មើស ឬមន្ត្រីដែលពុករលួយគប់គិតគ្នា ផ្ដន្ទាទោសតាមច្បាប់  ដើម្បីព្រមានកុំឱ្យមានអ្នកជាន់ឈ្លីច្បាប់បន្តទៅទៀត បើមិនអនុវត្តច្បាប់ទេ  ករណីល្មើសច្បាប់បែបនេះ នឹងបន្តកើតមានទៀត។   

លោកបណ្ឌិត គិន ភា សង្កត់ ធ្ងន់ដូច្នេះ៖« មន្ត្រីពុករលួយ អ្នកចាក់ដីយកស្ទឹង យកបឹង យកទន្លេ យកសមុទ្ររបស់រដ្ឋ អ្នកកាយដីយកភ្នំរដ្ឋ អ្នកព័ទ្ធយកដីរដ្ឋនិងដីរាស្ត្រ និងឈ្មួញគេចពន្ធ ចាប់បាន រឹបអូសទ្រព្យសម្បត្តិឱ្យអស់ និងដាក់គុកតាមទម្ងន់ទោសឱ្យបានត្រឹមត្រូវទៅ លែងមានអ្នកហ៊ានប្រព្រឹត្តហើយ។»។

បើតាមអនុក្រឹត្យស្តីពីការគ្រប់គ្រងអាងទន្លេ ត្រង់មាត្រា៨ បញ្ញត្តិថា ដីចំណីមាត់ច្រាំង និងឆ្នេរ នៃតំបន់អាងទន្លេត្រូវកំណត់ចម្ងាយដូចតទៅ៖ ទី១)ឆ្នេរនិងពាមសមុទ្រ ចម្ងាយ១០០ម៉ែត្រពីមាត់ឆ្នេរ និងមាត់ពាម(ពេលទឹកជោរអតិបរមា),  ទី២)ទន្លេចម្ងាយ៥០ម៉ែត្រពីមាត់ច្រាំងទន្លេ, ទី៣)ស្ទឹង ចម្ងាយ៣០ ម៉ែត្រពីមាត់ច្រាំងស្ទឹង , ទី៤)ព្រែក ចម្ងាយ២០ម៉ែត្រពីមាត់ច្រាំងព្រែក, ទី៥) អូរ ចម្ងាយ១០ម៉ែត្រពីមាត់ច្រាំងអូរ,  ទី៦)ប្រឡាយមេ ចម្ងាយ១០ម៉ែត្រ ពីជើងទេរភ្លឺប្រឡាយផ្នែកខាងក្រៅ, ទី៧)ប្រឡាយរង ចម្ងាយ៥ម៉ែត្រពីជើងទេរភ្លឺប្រឡាយផ្នែកខាងក្រៅ,ទី៨) ប្រឡាយស្រោចស្រព ចម្ងាយ៣ម៉ែត្រពីជើងទេរភ្លឺប្រឡាយផ្នែកខាងក្រៅ, ទី៩)អាងទឹក ចម្ងាយ១០០ម៉ែត្រពីក្រិតកម្ពស់ទឹកអតិបរមាដែលបានតម្កល់នៅក្នុងអាងទឹក, ទី១០)បឹងបួ ចម្ងាយ៥០ ម៉ែត្រគិតពីក្រិតកម្ពស់ទឹកអតិបរមាដែលបានតម្កល់នៅក្នុងអាងទឹក និងទី១១)ទំនប់អាងទឹកចម្ងាយ២០ម៉ែត្រពីជើងទេរផ្នែកខាងក្រោមទំនប់អាងទឹកដែលមានកម្ពស់តិចជាង៤ម៉ែត្រ។ ចម្ងាយ១០០ម៉ែត្រ គិតពីជើងទេរផ្នែកខាងក្រោមទំនប់អាងទឹកដែលមានកម្ពស់ពី៤ម៉ែត្រទៅ៨ម៉ែត្រ។ ក្នុងករណីទំនប់ដែលមានកម្ពស់លើសពី៨ម៉ែត្រឡើងទៅត្រូវបានកំណត់អនុក្រឹត្យដោយឡែក៕

ដោយ៖ ង៉ិល ណារ៉ាត់

The post អភិបាលខេត្តតាកែវ៖ របងថ្ម១៤៨ម៉ែត្រ សង់ប៉ះពាល់ចំណីស្ទឹងស្លាគូរ ត្រូវបានម្ចាស់វាយរំលំរួចរាល់ appeared first on Kampuchea Thmey Daily.

លោក វ៉ី សំណាង លើកឡើងបែបនេះនាឱកាស អញ្ជើញដឹកនាំគណៈប្រតិភូខេត្ត មន្ត្រីជំនាញ និងអាជ្ញាធរមូលដ្ឋាន ចុះបំពេញទស្សនកិច្ចសិក្សាស្វែងយល់ដោយផ្ទាល់អំពីសង្វាក់ផលិតកម្មផលិតទឹកដោះគោស្រស់នៅកសិដ្ឋាន ដែលមានទីតាំងស្ថិតនៅតំបន់ភ្នំតាម៉ៅ ក្នុងស្រុកបាទី ខេត្តតាកែវ នៅព្រឹកថ្ងៃអាទិត្យ ទី២៨ ខែកញ្ញា ឆ្នាំ២០២៥។

ក្នុងឱកាសនោះ លោក វ៉ី សំណាង បានថ្លែងកោតសរសើរយ៉ាងខ្លាំងចំពោះកសិដ្ឋាន ដែលប្រើប្រាស់បច្ចេកទេសកសិកម្មទំនើបក្នុងការចិញ្ចឹមគោ និងផលិតទឹកដោះគោស្រស់។​ លោក បានគូសបញ្ជាក់ថា៖ «ក្នុងពេលបច្ចុប្បន្ននេះ បញ្ហាសង្គ្រាមឈ្លានពាន និងការបិទព្រំដែនដោយឯកតោភាគីពីយោធាថៃ គឺជា ឱកាសមាស សម្រាប់ពាណិជ្ជករក្នុងស្រុកបង្កើនការផលិតទំនិញសម្រាប់ផ្គត់ផ្គង់ទីផ្សារជាតិ»។ ទោះជាយ៉ាងណា លោក ក៏បានសង្កត់ធ្ងន់ដែរថា ការផលិតត្រូវតែមាន គុណភាពខ្ពស់ និងតម្លៃសមរម្យ។

The post អភិបាលខេត្តតាកែវ អំពាវនាវដល់ពលរដ្ឋខ្មែរបន្តពហិការមិនប្រើទំនិញថៃ ហើយមកគាំទ្រផលិតផលក្នុងស្រុកឱ្យបានច្រើន appeared first on Kampuchea Thmey Daily.

ថ្លែង​នៅ​ក្នុង​ឱកាស​ចុះ​ជួប​សំណេះសំណាល​ជាមួយ​មន្ត្រី​ច្រក​ទ្វា​អន្តរជាតិ​ភ្នំ​ដិ​ន កាលពី​រសៀល​ថ្ងៃ​ទី ២២ ខែ​ឧសភា ឆ្នាំ ២០២៥ ម្សិលមិញ​នេះ លោក​អភិបាល​ខេត្ត​តាកែវ បាន​ថ្លែង​ថា ច្រក​ទ្វា​អន្តរជាតិ​ភ្នំ​ដិ​ន គឺជា​ច្រក​ទ្វា​ដ៏​ធំ​មួយ​ដែល​នាំ​ទំនិញ​ពី​កម្ពុជា​ទៅ​វៀតណាម និង​នាំ​ទំនិញ​ពី​ប្រទេស​វៀតណាម​ចូល​មក​កម្ពុជា ជាពិសេស​បន្លែ​ផ្លែឈើ​ជាច្រើន​បាន​នាំ​ពី​ប្រទេស​វៀតណាម​ចូល​តាម​ច្រក​នេះ​មក​ផ្គត់ផ្គង់​ទីផ្សារ​ប្រទេស​កម្ពុជា។ ដូច្នេះ​មន្ត្រី​ពាក់ព័ន្ធ​នានា​ដែល​ប្រចាំការ​នៅ​ច្រក​ទ្វា​ភ្នំ​ដិ​ន​នេះ ត្រូវ​ពិនិត្យ​រក​សារធាតុ​គីមី​ជាមុន​សិន មុននឹង​អនុញ្ញាត​ឲ្យ​នាំ​បន្លែ​ផ្លែឈើ​ចូល ហើយ​បើ​រក​ឃើញ​មាន​សារ​ធាតុគីមី​នៅ​លើ​បន្លែ​ផ្លែឈើ​ប៉ះពាល់​សុខភាព​អ្នក​ទទួលទាន ត្រូវតែ​ហាមឃាត់​ដាច់ខាត​មិន​ឲ្យ​នាំ​ចូល​មកកាន់​ទីផ្សារ​នៅ​ក្នុង​ប្រទេស​កម្ពុជា​នោះ​ទេ ជាពិសេស​ផ្លែ​ទុរេន​របស់​ប្រទេស​វៀតណាម​គឺ​ត្រូវ​ហាម​ដាច់ខាត​មិន​ឲ្យ​នាំចូល​តែម្ដង។

នៅ​ក្នុង​ឱកាស​នោះ លោក​អភិបាល​ខេត្ត​តាកែវ ក៏បាន​ធ្វើការ​ណែនាំ​ដល់​មន្ត្រី​ចត្តាឡីស័ក​ដែល​ប្រចាំ​នៅ​ច្រក​ទ្វា​អន្តរជាតិ​ភ្នំ​ដិ​ន ត្រូវ​ត្រួតពិនិត្យ​សុខភាព​អ្នកដំណើរ​ឆ្លងកាត់​ចូល​មក​ប្រទេស​កម្ពុជា​ឲ្យ​បាន​ច្បាស់លាស់ ព្រោះ​បច្ចុប្បន្ន​ជំងឺ​កូវីដ-១៩ កំពុងតែ​ផ្ទុះ​ឡើង​សាជាថ្មី​នៅ​ប្រទេស​ក្បែរ​ខាង​កម្ពុជា ហើយ​បើ​ពិនិត្យ​រក​ឃើញ​ភាព​មិន​ប្រក្រតី​ណាមួយ ត្រូវ​រាយការណ៍​បន្ទាន់​ទៅ​ថ្នាក់លើ ដើម្បី​ចាត់​វិធានការណ៍​ទប់ស្កាត់​ឲ្យ​បាន​ទាន់​ពេលវេលា៕

អត្ថបទ ៖ វីរៈ

The post មន្ត្រីច្រកទ្វាអន្តរជាតិភ្នំដិន ហាមឃាត់ការនាំបន្លែផ្លែឈើមានជាតិគីមីពី វៀតណាម ចូលកម្ពុជា appeared first on Kampuchea Thmey Daily.

ថ្លែងក្នុងឱកាសអញ្ជើញជាអធិបតីភាពក្នុងពិធីស្រោចស្រព្វសុគន្ធាវារី និងសម្ពោធសមិទ្ធផលនានាក្នុងវត្តព្រៃវែង ស្ថិតនៅស្រុកគិរីវង់ នាព្រឹកថ្ងៃអាទិត្យ ទី៣០ ខែមីនា ឆ្នាំ២០២៥ លោក វ៉ី សំណាង បានមានប្រសាសន៍បន្តទៀតថា ខេត្តតាកែវកំពុងទាក់ទាញវិនិយោគិនជាតិ និងអន្តរជាតិកាន់តែច្រើនឡើងៗ ដោយសារស្ថិរភាពសន្តិសុខ និងសក្តានុពលសេដ្ឋកិច្ចដ៏រឹងមាំ។ កំណើនវិនិយោគនេះ បាននាំមកនូវផលប្រយោជន៍យ៉ាងច្រើនដល់ប្រជាពលរដ្ឋក្នុងខេត្ត ដូចជាការបណ្តាក់​ទុន​វិនិយោគថ្មីៗបានបង្កើតឱកាសការងារជាច្រើនសម្រាប់ពលរដ្ឋ ធ្វើឱ្យជីវភាពរបស់ពួកគាត់កាន់តែប្រសើរឡើង ព្រមទាំងលើកកម្ពស់ជីវភាពរស់នៅរបស់ប្រជាជនខេត្តតាកែវទាំងមូល តាមរយៈការបង្កើនប្រាក់ចំណូល និងកំណើនការងារកាន់តែច្រើនកន្លែង។

ក្នុងនាមរដ្ឋបាលខេត្ត លោកអភិបាលខេត្ត នឹងខិតខំកៀរគរអ្នកវិនិយោគិនធ្វើយ៉ាងណាឱ្យរោងចក្រ សហគ្រាស មានវត្តមាននៅក្បែរផ្ទះរបស់ប្រជាពលរដ្ឋ ងាយស្រួលចេញចូលមកធ្វើការ មិនឆ្ងាយពីផ្ទះ ហើយក៏មិនចំណាកស្រុកទៅធ្វើការនៅឆ្ងាយពីផ្ទះផងដែរ។

លោក វ៉ី សំណាង បានគូសបញ្ជាក់ថា កត្តាដែលជំរុញកំណើនវិនិយោគិនមកបណ្តាក់ទុកវិនិយោគនៅខេត្តតាកែវនេះ គឺដោយសារស្ថិរភាពនយោបាយ និងសន្តិសុខល្អ សក្តានុពលសេដ្ឋកិច្ចខ្ពស់ក្នុងវិស័យកសិកម្ម ឧស្សាហកម្ម និងទេសចរណ៍ ហើយអ្នកតាកែវយើងជាមនុស្សដែលមានភាពឧស្សាហ៍ព្យាយាម រួសរាយរាក់ទាក់ និងមានសណ្តានចិត្តល្អថែមទៀត ដូច្នោះហើយបានជាទាក់ទាញចិត្តអ្នកវិនិយោគបាន។

បើតាមការបញ្ជាក់ពីលោក វ៉ី សំណាង កំណើនវិនិយោគនៅខេត្តតាកែវ គឺជាសញ្ញាវិជ្ជមាននៃភាពរីកចម្រើនរបស់ខេត្ត និងជាឱកាសដ៏ល្អសម្រាប់ពលរដ្ឋដែលរស់នៅក្នុងខេត្តតាកែវ ទទួលបានជីវភាពកាន់តែល្អប្រសើរឡើងថែមមួយកម្រិតទៀតផងដែរ៕

The post លោក វ៉ី សំណាង៖ ម្លប់នៃសន្តិភាពផ្តល់ឱកាសវិនិយោគិនមកវិនិយោគក្នុងខេត្តតាកែវកាន់តែច្រើន appeared first on Kampuchea Thmey Daily.