ទោះបីជាយ៉ាងណាក៏ដោយ នៅពេលអ្នកសារព័ត៌មានសួរអំពីលទ្ធផលនៃជំនួបរវាងអ្នកចរចាអាមេរិកជាមួយមេដឹកនាំរុស្ស៊ី, លោកត្រាំ ឆ្លើយទៅវិញថា លោកមិនអាចនិយាយបានទេ ព្រោះភាគីទាំងពីរត្រូវធ្វើការជាមួយគ្នា ប៉ុន្តែប្រមុខសេតវិមានបង្ហើបថា ជំហានដំបូង អ៊ុយក្រែនបានឯកភាពលើសំណើរបស់អាមេរិកហើយ ហើយទីក្រុងកៀវនឹងទទួលយកកិច្ចព្រមព្រៀងនៅខែកុម្ភៈខាងមុខ ពេលលោកនិងប្រធានាធិបតីអ៊ុយក្រែន វ៉ូឡូឌីមៀរ ហ្សេលេនស្គី ជួបគ្នានៅសេតវិមាន។ 

សូមជម្រាបថា បេសកជន​អាមេរិក​ Steve Witkoff និង​ Jared Kushner បានជួបចរចាជាមួយលោក ពូទីន នៅទីក្រុងមូស្គូ​អស់​រយៈពេល​​៥​ម៉ោង​​កាល​ពី​ថ្ងៃ​អង្គារ​ទី​២​ខែ​ធ្នូ​ឆ្នាំ​២០២៥ ប៉ុន្តែជំនួបនោះ បានបញ្ចប់ទៅ​ដោយ​គ្មានផលវិជ្ជមាន​ណាមួយឡើយ ​លើ​ផែនការ​សន្តិភាព​អ៊ុយក្រែន។

គណៈប្រតិភូ​អាមេរិក​របស់លោក ត្រាំ បាន​ដាក់​ជូន​នូវ​អ្វី​ដែល​គេ​ជឿ​ថា​ជា​សេចក្ដី​ស្នើ​កែប្រែ​នៃ​សំណើ​មុន​ចំនួន២៨ចំណុច ដែល​បាន​ទាក់ទាញ​ការ​ជំទាស់​យ៉ាង​ខ្លាំង​ពី​ទីក្រុង​កៀវ និង​​​អឺរ៉ុប។

ទីបញ្ចប់ លោក Witkoff និង​លោក Kushner មិន​បាន​និយាយ​ជាមួយ​អ្នកកាសែត​ទេ ​បន្ទាប់ពី​ចាកចេញ​ពី​វិមាន​ក្រឹមឡាំង ហើយ​ក៏​ត្រឡប់​ទៅ​ស្ថានទូត​អាមេរិក​វិញ៕

អត្ថបទ៖ សុខ សុវណ្ណ

The post ត្រាំ៖ ពូទីន ចង់បញ្ចប់សង្គ្រាមនៅអ៊ុយក្រែន ណាស់ appeared first on Kampuchea Thmey Daily.

ថ្លែងនៅក្នុងវេទិកាសេដ្ឋកិច្ចអន្តរជាតិក្នុងទីក្រុង Saint Petersburg លោក ពូទីន បានបដិសេដសំណួរនេះតែជំនួសមកវិញដោយបានសង្កត់ធ្ងន់លើតម្រូវការសម្រាប់ដំណោះស្រាយនយោបាយចំពោះជម្លោះដែលកំពុងកើនឡើងរវាងអ៊ីរ៉ង់ និងអ៊ីស្រាអែល។

លោកពូទីនក៏បានច្រានចោលគំនិតដែលថារដ្ឋាភិបាលអ៊ីរ៉ង់មិនមានស្ថិរភាព ដោយនិយាយថាប្រជាជនអ៊ីរ៉ង់នៅតែគាំទ្រមេដឹកនាំរបស់ពួកគេ ទោះបីជាមានបញ្ហាផ្ទៃក្នុងខ្លះក៏ដោយ។ លោក​បាន​ស្នើ​ឲ្យ​ជួយ​សម្របសម្រួល​រវាង​អ៊ីរ៉ង់ និង​អ៊ីស្រាអែល ប៉ុន្តែ​បណ្តា​ប្រទេស​លោកខាងលិច​មិន​ទុក​ចិត្ត​លោក​ច្រើន​ទេ ដោយសារ​តែ​ទំនាក់ទំនង​ជិតស្និទ្ធ​របស់​រុស្ស៊ី​ជាមួយ​អ៊ីរ៉ង់។

ស្របពេលការវាយប្រហាររបស់អ៊ីស្រាអែលក្នុងប្រទេសអ៊ីរ៉ង់ តាមសេចក្តីរាយការណ៍បានសម្លាប់មនុស្សយ៉ាងតិច ៥៨៥នាក់ រួមទាំងជនស៊ីវិល២៣៩នាក់ ដែលជំរុញឱ្យមានការភ័យខ្លាចនៃការកើនឡើងបន្ថែមទៀត។ ប្រធានាធិបតីអាមេរិក លោក ដូណាល់ ត្រាំ បានទទួលស្គាល់ថា សហរដ្ឋអាមេរិកដឹងពីទីតាំងរបស់លោក Khamenei ប៉ុន្តែមិនបានប្តេជ្ញាចិត្តចូលរួមសកម្មភាពរបស់អ៊ីស្រាអែលនោះទេ។

យ៉ាងណាលោកពូទីនបានរំលឹកឡើងវិញនូវការគាំទ្ររបស់រុស្ស៊ីចំពោះកម្មវិធីនុយក្លេអ៊ែរស៊ីវិលរបស់អ៊ីរ៉ង់ ដោយបានបដិសេធរាល់ការផ្គត់ផ្គង់អាវុធដល់ទីក្រុងតេហេរ៉ង់ ទោះបីជាមានភាពជាដៃគូយុទ្ធសាស្ត្រក៏ដោយ។ លោក​បាន​បញ្ជាក់​ថា រោងចក្រ​នុយក្លេអ៊ែរ​អ៊ីរ៉ង់​នៅ​តែ​ដំណើរការ ហើយ​បុគ្គលិក​រុស្ស៊ី​នៅ​រោងចក្រ​ថាមពល Bushehr មាន​សុវត្ថិភាព​ក្រោម​ការ​រៀបចំ​សន្តិសុខ​ជាមួយ​អ៊ីស្រាអែល។

ដោយអំពាវនាវឱ្យមានតុល្យភាពរវាងសិទ្ធិនុយក្លេអ៊ែររបស់អ៊ីរ៉ង់ និងសន្តិសុខរបស់អ៊ីស្រាអែល លោក ពូទីន បាននិយាយថា ដំណោះស្រាយដោយសន្តិវិធីគឺអាចធ្វើទៅបាន ប៉ុន្តែតម្រូវឱ្យមានការធ្វើការទូតដោយប្រុងប្រយ័ត្ន៕

អត្ថបទ៖​ ប៊ុន សុភាព

The post ពូទីន ​មិន​ឆ្លើយ​សំណួរ​​​អំពី​ការ​ប៉ងសម្លាប់មេដឹកនាំកំពូលអ៊ីរ៉ង់ Khamenei appeared first on Kampuchea Thmey Daily.