លោក សេង សុធារ៉ា Archives - Kampuchea Thmey Daily

ព្រឹត្តិការណ៍ធំៗចំនួន ៥ នាំលំហូរទេសចររាប់ម៉ឺននាក់ទៅកម្សាន្តខេត្តសៀមរាបជារៀងរាល់ឆ្នាំ

Dy Bunnara — Mon, 09 Jun 2025 04:50:32 +0000

ជារៀងរាល់ឆ្នាំ នៅតំបន់អង្គរតែងតែមានព្រឹត្តិការណ៍ធំៗជាប្រចាំ ដែលទាក់ទាញបានទេសចររាប់ម៉ឺននាក់ទៅកម្សាន្តក្នុងខេត្តសៀមរាប។

ក្នុងនោះព្រឹត្តិការណ៍គួរឲ្យចាប់អារម្មណ៍បំផុត ហើយដែលតែងតែនាំលំហូរទេសចររាប់ម៉ឺននាក់ទៅកម្សាន្តនៅក្នុងខេត្តសៀមរាបមានដូចជា ព្រឹត្តិការណ៍អង្គរសង្ក្រាន្ត សមរាត្រីដែលកើតឡើង ២ ដង ក្នុងមួយឆ្នាំ ព្រឹត្តិការណ៍រត់ម៉ារ៉ាតុងអន្តរជាតិ បុណ្យរំលឹកគុណអង្គរ សំណេរអង្គរ បុណ្យវិសាខបូជា រួមទាំងពិធីតាមបែបប្រពៃណីទំនៀមទម្លាប់អ្នកស្រុកអង្គរ (ឡើងមាឃ សុំទឹកភ្លៀង លៀងមេម៉ត់ កោរជុកជាដើម)។

លោក សេង សុធារ៉ា ប្រធាននាយកដ្ឋានអភិវឌ្ឍទេសចរណ៍ និងវប្បធម៌នៃអាជ្ញាធរជាតិអប្សរាបានគូសបញ្ជាក់ថា រមណីយដ្ឋានអង្គរជាមរតកបេតិកភណ្ឌពិភពលោក ដែលមានគុណតម្លៃមិនអាចកាត់ថ្លៃបាន។

ដើម្បីរក្សាចិរភាពរមណីយដ្ឋានអង្គរ តម្រូវឱ្យមានការចូលរួមចំណែកពីប្រជាជនខ្មែរគ្រប់រូប។ បើតាមលោក សេង សុធារ៉ា ការងារអភិរក្សមរតកដូនតាជាភារកិច្ចរបស់យើងទាំងអស់គ្នា ហើយគ្រប់គ្នាត្រូវចូលរួមថែរក្សាមរតកដូនតាដើម្បីទុកសម្រាប់អ្នកជំនាន់ក្រោយ៕

The post ព្រឹត្តិការណ៍ធំៗចំនួន ៥ នាំលំហូរទេសចររាប់ម៉ឺននាក់ទៅកម្សាន្តខេត្តសៀមរាបជារៀងរាល់ឆ្នាំ appeared first on Kampuchea Thmey Daily.

លក់ផលិតផលក្លែងក្លាយនៅរមណីយដ្ឋានអង្គរ អាចឈានដល់ការពិន័យ និងបញ្ឈប់អាជីវកម្ម

Dy Bunnara — Thu, 05 Jun 2025 02:31:11 +0000

រាល់អាជីវកម្មទាំងឡាយណាដែលលក់ផលិតផលក្លែងក្លាយ ក្នុងរូបភាពបោកបញ្ឆោតដល់ភ្ញៀវទេសចរនឹងអាចរងការផាកពិន័យ និងឈានដល់ការបិទអាជីវកម្ម។ នេះបើតាមលោក សេង សុធារ៉ា ប្រធាននាយកដ្ឋានអភិវឌ្ឍ និងទេសចរណ៍នៃអាជ្ញាធរជាតិអប្សរា។

ការរឹតបន្តឹងការគ្រប់គ្រងការលក់ផលិតផលក្នុងបរិវេណរមណីយដ្ឋានអង្គរ ដើម្បីការពារមុខមាត់ដែលអាចនាំឲ្យប៉ះពាល់ដល់តម្លៃបេតិកភណ្ឌពិភពលោក។

ក្រៅពីរឹតបន្តឹងការលក់ផលិតផលក្នុងតំបន់រមណីយដ្ឋានអង្គរ អាជ្ញាធរក៏មានវិធានការគ្រប់គ្រងលើមគ្គុទ្ទេសក៍ទេសចរបំពេញការងារ ប្រសិនមានការបរិយាយខុសឆ្គងពីប្រវត្តិសាស្រ្តអាចឈានដល់ការកាត់ពិន្ទុ និងដកអាជ្ញាប័ណ្ណថែមទៀត។ លោក សេង សុធារ៉ា បញ្ជាក់បន្ថែម។

ពាក់ព័ន្ធការគ្រប់គ្រងការលក់ផលិតផលនៅក្នុងតំបន់រមណីយដ្ឋានអង្គរ លោក សេង សុធារ៉ា ក៏ស្នើដល់អាជីវករចូលរួមលើកកម្ពស់ និងលក់ផលិតផលណាដែលជួយលើកតម្លៃរមណីយដ្ឋានអង្គរក្នុងក្រសែភ្នែកភ្ញៀវទេសចរ៕

The post លក់ផលិតផលក្លែងក្លាយនៅរមណីយដ្ឋានអង្គរ អាចឈានដល់ការពិន័យ និងបញ្ឈប់អាជីវកម្ម appeared first on Kampuchea Thmey Daily.

ផលិតកម្មបរទេសបន្តបន្ទាប់ ចុះមកថតនៅតំបន់រមណីយដ្ឋានអង្គរ ផ្សព្វផ្សាយទៅក្រៅប្រទេស

Dy Bunnara — Wed, 04 Jun 2025 02:21:10 +0000

រមណីយដ្ឋានអង្គរបានក្លាយជាគោលដៅដ៏ទាក់ទាញមួយសម្រាប់ផលិតកម្មក្រៅស្រុក និងក្នុងស្រុក ដែលមួយរយៈចុងក្រោយនេះបានសហការជាមួយអាជ្ញាធរជាតិអប្សរា ចុះមកថតជាផ្ទាំងទស្សនីយភាពផ្សព្វផ្សាយទៅក្រៅប្រទេស។

លោក សេង សុធារ៉ា ប្រធាននាយកដ្ឋានអភិវឌ្ឍន៍ និងទេសចរណ៍នៃអាជ្ញាធរជាតិអប្សរាបានគូសបញ្ជាក់ថា ផលិតកម្មមកពីប្រទេសចិនបានចុះអនុស្សរណៈយោគយល់ជាមួយអាជ្ញាធរជាតិអប្សរា ដើម្បីសហការក្នុងការថតជាផ្ទាំងទស្សនីយភាពពីអច្ឆរិយនៃតំបន់រមណីយដ្ឋានអង្គរ ដើម្បីផ្សព្វផ្សាយទាក់ទាញទេសចរចិនមកកម្សាន្ត។

ក្រៅពីផលិតកម្មមានមូលដ្ឋាននៅបរទេស ក៏មានផលិតកម្មក្នុងស្រុកមួយចំនួនដែលសហការជាមួយផលិតកម្មក្រៅស្រុក បានស្នើទីតាំងនៅតំបន់រមណីយដ្ឋានអង្គរ ដើម្បីថតជាផ្ទាំងទស្សនីយភាពនិងស្ពតផ្សព្វផ្សាយជាបន្តបន្ទាប់។ លោក សេង សុធារ៉ា បន្ថែម។

លោក សេង សុធារ៉ា បានបញ្ជាក់ថា អាជ្ញាធរតែងតែសហការនិងលើកទឹកចិត្ត ដើម្បីជំរុញការផ្សព្វផ្សាយពីរមណីយដ្ឋានអង្គរឲ្យបានទូលំទូលាយ ដើម្បីធ្វើឲ្យតំបន់នេះក្លាយជាគោលដៅអាចទាក់ទាញទេសចរមកកម្សាន្តកាន់តែច្រើនថែមទៀត។

បើតាមមន្រ្តីអាជ្ញាធរអប្សរា នៅឆ្នាំ ២០២៤ មានផលិតកម្មចំនួន ២ បានជ្រើសរើសតំបន់ភ្នំគូលែនថតជាស្ពតផ្សព្វផ្សាយដោយសារជាទីតាំងដែលមានសក្តានុពលល្អ ហើយដែលត្រូវបានយកទៅផ្សព្វផ្សាយនៅតាមបណ្តាញសង្គម និងព័ត៌មានធំៗនៅលើពិភពលោក៕

The post ផលិតកម្មបរទេសបន្តបន្ទាប់ ចុះមកថតនៅតំបន់រមណីយដ្ឋានអង្គរ ផ្សព្វផ្សាយទៅក្រៅប្រទេស appeared first on Kampuchea Thmey Daily.

ក្រុងអង្គរធំទំហំជាង ៣ គីឡូម៉ែត្រការ៉េ គ្រោងរៀបចំជាតំបន់លំហែបៃតង មិនឲ្យយានយន្តឆ្លងកាត់

Dy Bunnara — Mon, 02 Jun 2025 02:26:45 +0000

នៅថ្ងៃខាងមុខនេះ អាជ្ញាធរជាតិអប្សរានឹងគិតគូរសិក្សាបរិវេណក្រុងអង្គរធំ សម្រាប់រៀបចំជាទីលំហែបៃតងដោយមិនអនុញាតិឲ្យយានយន្តធ្វើដំណើរឆ្លងកាត់នោះទេ។

លោក សេង សុធារ៉ា ប្រធាននាយកដ្ឋានអភិវឌ្ឍ និងទេសចរណ៍នៃអាជ្ញាធរអប្សរាបានបញ្ជាក់ថា កន្លងទៅ អាជ្ញាធរជាតិអប្សរាបានរៀបចំនៅខាងមុខបរិវេណប្រាសាទអង្គរវត្ត សម្រាប់តែជាផ្លូវថ្មើរជើងនិងជិះកង់តែប៉ុណ្ណោះ ដើម្បីផ្តល់ជាទីលំហែបៃតងឲ្យភ្ញៀវទេសចរអាចទស្សនាដើរកម្សាន្តដោយរីករាយ។

ខណៈនៅកណ្តាលក្រុង អាជ្ញាធរខេត្តក៏បានរៀបចំំឲ្យមានផ្លូវទេសចរណ៍ (tourist Street) ចំនួនពីរខ្សែនៅជុំវិញវត្តបូណ៌។

បន្ថែមពីនេះ បើតាមលោក សេង សុធារ៉ា អាជ្ញាធរជាតិអប្សរាក៏កំពុងសិក្សាក្នុងការជ្រើសរើសបរិវេណក្រុងអង្គរធំ ដែលមានទំហំផ្ទៃដីជាង ៣ គីឡូម៉ែត្រការ៉េ រៀបចំជាតំបន់លំហែបៃតង ដើម្បីផ្តល់បរិយាកាសផ្សារភ្ជាប់ធម្មជាតិ ដោយមិនអនុញ្ញាតិឲ្យមានយានយន្តឆ្លងកាត់ ដែលនាំឲ្យបំពុលបរិស្ថាននិងរំខានអារម្មណ៍ដល់ទេសចរដើរកម្សាន្ត៕

The post ក្រុងអង្គរធំទំហំជាង ៣ គីឡូម៉ែត្រការ៉េ គ្រោងរៀបចំជាតំបន់លំហែបៃតង មិនឲ្យយានយន្តឆ្លងកាត់ appeared first on Kampuchea Thmey Daily.

បង្គោលអង់តែនទូរសព្ទសិប្បនិម្មិត ចំនួន ២១ បន្ថែមទៀត នឹងត្រូវដំឡើងនៅតំបន់អង្គរ

Dy Bunnara — Sat, 31 May 2025 02:44:08 +0000

លោក សេង សុធារ៉ា ប្រធាននាយកដ្ឋានអភិវឌ្ឍន៍ទេសចរណ៍ និងវប្បធម៌ នៃអាជ្ញាធរជាតិអប្សរាបានបញ្ជាក់ថា បង្គោលអង់តែនសេវាទូរសព្ទសិប្បនិម្មិតចំនួន ២១ បន្ថែមទៀតនឹងត្រូវដំឡើងរួចរាល់នៅតំបន់រមណីយដ្ឋានអង្គរ ក្នុងបំណាច់ឆ្នាំ២០២៥ នេះ។

ការគូសបញ្ជាក់នេះ ខណៈដែលក្រុមអ្នកសារព័ត៌មានចម្រុះស្ថាប័នបានចុះទៅស្វែងយល់ពីកិច្ចការអភិវឌ្ឍនៅតំបន់រមណីយដ្ឋានបេតិកភណ្ឌក្នុងខេត្តសៀមរាប។

លោក សេង សុធារ៉ា បានឲ្យដឹងថា បង្គោលអង់តែនចំនួន ១៨ បង្គោលដែលបានសាងសង់រួចរាល់កន្លងមក អាចគ្របដណ្ដប់បានតំបន់មួយចំនួន ប៉ុន្តែដោយសារតំបន់អង្គរមានកំពែង និងដើមឈើខ្ពស់ៗ ដែលបាំងហ្រ្វេកង់រលកសញ្ញាទូរសព្ទ និងអ៊ីនធឺណិត ទើបអាជ្ញាធរសហការជាមួយក្រសួងប្រៃសណីយ៍ និងទូរគមនាគមន៍ និងដោយមានការអនុញ្ញាតពី ICC អង្គរ បន្តសាងសង់បង្គោលអង់តែនចំនួន ២១ បន្ថែមទៀត ដែលនឹងរួចរាល់នៅចុងឆ្នាំ ២០២៥។

ការរៀបចំដំឡើងបង្គោលអង់តែនបន្ថែមនេះមានសារសំខាន់ណាស់ ដែលនឹងជួយសម្រួលដល់ពលរដ្ឋរស់នៅនៅក្នុងតំបន់ ក៏ដូចជាភ្ញៀវទេសចរអាចទទួលបានសេវាទូរសព្ទប្រើប្រាស់បានទូលំទូលាយ និងល្អប្រសើរ។ លោក សេង សុធារ៉ា បញ្ជាក់បន្ថែម។

The post បង្គោលអង់តែនទូរសព្ទសិប្បនិម្មិត ចំនួន ២១ បន្ថែមទៀត នឹងត្រូវដំឡើងនៅតំបន់អង្គរ appeared first on Kampuchea Thmey Daily.

លោក សេង សុធារ៉ា Archives - Kampuchea Thmey Daily

ព្រឹត្តិការណ៍​ធំៗ​ចំនួន ៥ នាំ​លំហូរ​ទេសចរ​រាប់​ម៉ឺន​នាក់​ទៅ​កម្សាន្ត​​ខេត្ត​សៀមរាប​​ជា​រៀងរាល់ឆ្នាំ

លក់​ផលិតផល​ក្លែងក្លាយ​នៅ​រមណីយដ្ឋាន​អង្គរ​ អាច​ឈាន​ដល់​ការ​ពិន័យ ​និង​បញ្ឈប់​អាជីវកម្ម

​ផលិតកម្ម​បរទេសបន្តបន្ទាប់ ចុះមក​ថត​នៅ​តំបន់​​រមណីយដ្ឋាន​អង្គរ ផ្សព្វផ្សាយ​ទៅ​ក្រៅ​ប្រទេស

ក្រុង​អង្គរ​ធំ​ទំហំ​ជាង ៣ គីឡូម៉ែត្រ​ការ៉េ គ្រោង​រៀបចំ​ជា​តំបន់​លំហែ​​បៃតង​ មិន​ឲ្យ​យានយន្ត​ឆ្លង​កាត់

បង្គោល​អង់តែន​​ទូរសព្ទ​សិប្បនិម្មិត ចំនួន ២១ បន្ថែម​ទៀត នឹងត្រូវដំឡើងនៅតំបន់​អង្គរ

ព្រឹត្តិការណ៍ធំៗចំនួន ៥ នាំលំហូរទេសចររាប់ម៉ឺននាក់ទៅកម្សាន្តខេត្តសៀមរាបជារៀងរាល់ឆ្នាំ

លក់ផលិតផលក្លែងក្លាយនៅរមណីយដ្ឋានអង្គរ អាចឈានដល់ការពិន័យ និងបញ្ឈប់អាជីវកម្ម

ផលិតកម្មបរទេសបន្តបន្ទាប់ ចុះមកថតនៅតំបន់រមណីយដ្ឋានអង្គរ ផ្សព្វផ្សាយទៅក្រៅប្រទេស

ក្រុងអង្គរធំទំហំជាង ៣ គីឡូម៉ែត្រការ៉េ គ្រោងរៀបចំជាតំបន់លំហែបៃតង មិនឲ្យយានយន្តឆ្លងកាត់

បង្គោលអង់តែនទូរសព្ទសិប្បនិម្មិត ចំនួន ២១ បន្ថែមទៀត នឹងត្រូវដំឡើងនៅតំបន់អង្គរ