លោក ស ថេត លើកឡើងបែបនេះ នៅក្នុងកិច្ចប្រជុំផ្សព្វផ្សាយផែនការការពារព្រះរាជពិធីបុណ្យអុំទូក បណ្តែតប្រទីប និងសំពះព្រះខែ អកអំបុក នាថ្ងៃទី១២ ខែវិច្ឆិកា នៅនាយកដ្ឋានអង្គរក្ស។

ដើម្បីការពារ សន្តិសុខ សណ្ដាប់ធ្នាប់ សុវត្ថិភាព ក្នុងព្រះរាជពិធីបុណ្យអុំទូក បណ្ដែតប្រទីប និងសំពះព្រះខែ អកអំបុក ភាគីពាក់ព័ន្ធសម្រេចពង្រាយកម្លាំងសមត្ថកិច្ចចម្រុះប្រមាណជាង១ម៉ឺន៦ពាន់នាក់ នៅក្នុងរាជធានីភ្នំពេញ។

តាមរយៈកិច្ចប្រជុំ លោក នាយឧត្តមសេនីយ៍ ស ថេត បានបញ្ចាក់ថា ផែនការការពារសន្ដិសុខ សណ្ដាប់ធ្នាប់ សុវត្ថិភាព ក្នុងព្រះរាជពិធីនេះ ត្រូវបានរៀបចំយ៉ាងម៉ត់ចត់ ដោយមានការចូលរួមសហការពីអាជ្ញាធរមូលដ្ឋាន និងក្រសួង ស្ថាប័នដែលមានការពាក់ព័ន្ធ ដើម្បីធានាថា ព្រះរាជពិធីបុណ្យទូក នឹងត្រូវបានប្រព្រឹត្តទៅដោយរលូន មិនមានបញ្ហាណាមួយកើតឡើងនោះឡើយ។

អគ្គស្នងការរូបនេះ   បានដាក់ចេញនូវបទបញ្ជា ក៏ដូចជាការណែនាំដល់កងកម្លាំង និងអាជ្ញាធរមានសមត្ថកិច្ចពាក់ព័ន្ធទាំងអស់ ត្រូវយកចិត្តទុកដាក់អនុវត្តវិធានការរួម ពោលធានាឲ្យបានដាច់ខាតនូវស្ថិរភាព សន្តិសុខ សណ្តាប់ធ្នាប់សាធារណៈ និងធានាព្រះរាជសុវត្ថិភាពថ្វាយ ព្រះមហាក្សត្រ សុវត្ថិភាពជូនសម្ដេច និងឥស្សរជនជាន់ខ្ពស់ ក្នុងព្រះរាជពិធីនេះ ដោយប្រើប្រាស់វិធានការសរុប មធ្យោបាយសរុប និងកម្លាំងសរុប សំដៅធានាដល់កិច្ចសហការការពារសុវត្ថិភាពក្នុងឱកាសប្រារព្ធព្រះរាជពិធីបុណ្យអុំទូក បណ្ដែតប្រទីប និងសំពះព្រះខែ អកអំបុកឆ្នាំ២០២៤។ បន្ថែមពីនេះ ត្រូវពង្រឹងកិច្ចសហការប្រកបដោយស្មារតីទទួលខុសត្រូវខ្ពស់ពីគ្រប់អង្គភាព និងអាជ្ញាធរមានសមត្ថកិច្ចពាក់ព័ន្ធទាំងអស់ ដើម្បីអនុវត្តឲ្យបានសម្រេចតាមផែនការដែលបានដាក់ចេញ។

កម្លាំងសរុបទាំងជាង១ម៉ឺន៦នាក់នេះ មកពី១៦ស្ថាប័ន អង្គភាព ក្នុងនោះមានអគ្គស្នងការដ្ឋាននគរបាលជាតិ, បញ្ជាការដ្ឋានកងរាជអាវុធហត្ថ, បញ្ជាការដ្ឋានអង្គរក្ស, បញ្ជាការដ្ឋានជាតិកម្លាំងពិសេសប្រឆាំងភេរវកម្ម, បញ្ជាការដ្ឋានកងទ័ពជើងទឹក, យោធភូមិភាគពិសេស, ក្រសួងសុខាភិបាល, គណៈបញ្ជាការឯកភាពរដ្ឋបាលរាជធានីភ្នំពេញ, ការិយាល័យទី២ នៃកងទ័ពជើងគោក, អគ្គិសនីកម្ពុជា, ក្រុមបច្ចេកទេសរុករកជាតិផ្ទុះកែច្នៃ, អាជ្ញាធរជាតិអាវុធគីមី ជីវសាស្ដ្រ វិទ្យុសកម្ម នុយក្លេអ៊ែរ, គណៈកម្មាធិការជាតិប្រឆាំងភេរវកម្ម, អគ្គនាយកដ្ឋានស្រាវជ្រាវចារកិច្ច, ក្រសួងប្រៃសណីយ៍ និងទូរគមនាគមន៍ និងភ្នាក់ងារសន្ដិសុខឯកជន៕

The post មេប៉ូលិសជាតិ សុំការអធ្យាស្រ័យពីពលរដ្ឋ ចំពោះការបិទផ្លូវ ឬបញ្ហាស្ទះចរាចរណ៍ក្នុងព្រះរាជពិធីបុណ្យអុំទូក appeared first on Kampuchea Thmey Daily.

គោលបំណងសំខាន់នៃជំនួបនេះ គឺដើម្បីលើកកម្ពស់កិច្ចសហប្រតិបត្តិការឱ្យកាន់តែជិតស្និទបន្ថែមទៀតរវាងអគ្គស្នងការដ្ឋាននគរបាលជាតិកម្ពុជា និងទីភ្នាក់ងារនគរបាលជាតិកូរ៉េ លើវិស័យអនុវត្តច្បាប់។

តាមរយៈជំនួបនាព្រឹកថ្ងៃទី២៥ ខែកញ្ញា នេះ លោក នាយឧត្តមសេនីយ៍ ស ថេត បានបញ្ជាក់ជូនលោក Park Jung-Wook អំពីការផ្តល់អាទិភាពក្នុងកិច្ចការពារសន្តិសុខ សុវត្ថិភាពជូនជនបរទេសទាំងអស់ដែលមានវត្តមាននៅក្នុងប្រទេសកម្ពុជា រួមទាំងពលរដ្ឋកូរ៉េផងដែរ។

ភាគីទាំងពីរ ក៏បានឯកភាពគ្នាបន្តពង្រឹងពង្រីកនូវលទ្ធផលកិច្ចសហប្រតិបត្តិការដែលមានស្រាប់ឱ្យកាន់តែទូលំទូលាយ និងជិតស្និទ ជាពិសេសការគាំទ្រជួយគ្នាទៅវិញទៅមកលើការបំពាក់ឧបករណ៍ សម្ភារៈ បច្ចេកទេសសន្តិសុខ ក៏ដូចជាការបណ្តុះបណ្តាលកសាងសមត្ថភាពមន្រ្តី។

ក្នុងជំនួបនេះ ភាគីទាំងពីរបានកោតសរសើរ និងវាយតម្លៃខ្ពស់ ចំពោះលទ្ធផលនៃកិច្ចសហការអនុវត្តច្បាប់រវាងនគរបាលកម្ពុជា និងនគរបាលកូរ៉េផងដែរ។

សូមជម្រាបជូនបន្តិចថា កម្ពុជា និងកូរ៉េខាងត្បូង បានចាប់ដៃគ្នាបង្កើតទំនាក់ទំនងការទូតជាផ្លូវការនៅក្នុងឆ្នាំ១៩៩៧៕

ដោយ៖ ង៉ិល ណារ៉ាត់

The post ទូតកូរ៉េខាងត្បូងអរគុណសមត្ថកិច្ចដែលផ្ដល់សុវត្ថិភាពល្អចំពោះវត្តមានអ្នកទេសចរណ៍ វិនិយោគិន ពលរដ្ឋកូរ៉េ នៅកម្ពុជា appeared first on Kampuchea Thmey Daily.

ការលើកឡើងរបស់ នាយឧត្តមសេនីយ៍ ស ថេត បែបនេះបានធ្វើឡើងក្នុងពិធីសំណេះសំណាលជាមួយក្រុមអ្នកបើកបរផ្តល់សេវាដឹកជញ្ចូនទំនិញ និងអាហារ នាព្រឹកថ្ងៃទី១៨ ខែកញ្ញា ឆ្នាំ២០២៤នេះ ដែលមានអ្នកចូលរួមជាបុគ្គលិកជាអ្នកដឹកជញ្ជូនសរុប ៣៣៥នាក់។

នាយឧត្តមសេនីយ៍ ស ថេត បានមានប្រសាសន៍ថា ការប្រកបរបរទទួលទានដឹកជញ្ជូននេះ វាជារឿងត្រឹមត្រូវ និងសុច្ចរិតភាព ក្នុងការរស់នៅក្នុងសង្គម ក៏ប៉ុន្តែដោយសារកិច្ចការងារនេះ គឺត្រូវពឹងផ្អែកទាំងស្រុងលើការចរាចរណ៍ធ្វើដំណើរយ៉ាងមមាញឹកនៅលើដងផ្លូវសាធារណៈ ដូច្នោះ កត្តានេះគឺចាំបាច់ត្រូវទាមទារឱ្យអ្នកបើកបរទាំងអស់ត្រូវគោរពច្បាប់ចរាចរណ៍ឱ្យបានត្រឹមត្រូវដាច់ខាត។ ឯកឧត្តមអគ្គស្នងការ ណែនាំឱ្យបងប្អូនគោរពច្បាប់ និងគិតពីអាយុជីវិតផ្ទាល់ខ្លួនជារឿងសម្ខាន់ និងអាទិភាពចំពោះមុខ។ នាយឧត្តមសេនីយ៍ ក៏សូមឲ្យអ្នកដឹកជញ្ជូនទាំងអស់កុំគិតតែការចង់បំពេញឱ្យទាន់ចិត្តចង់បានរបស់អ្នកដទៃ ហើយភ្លេចគិតពីផលប៉ះពាល់ដល់ខ្លួនឯង។

លោកឧត្តមសេនីយ៍ឯក ចេវ ហាក់ អគ្គស្នងការរងនគរបាលជាតិ ទទួលផែនការងារចរាចរណ៍ និងសណ្តាប់ធ្នាប់​សាធារណៈ បានឱ្យដឹងថា ក្នុងរយៈពេល០៨ខែដើមឆ្នាំ២០២៤នេះ គ្រោះថ្នាក់ចរាចរណ៍នៅក្នុងរាជធានីភ្នំពេញ កើតឡើងដល់៥៩១ករណី ដែលបានឆក់យកអាយុជីវិតមនុស្សសរុប១៧៣នាក់ ក្នុងនោះ៥៩១ករណី មាន៦០ភាគរយកើតឡើងដោយសារការល្មើសល្បឿន និង៤០ភាគរយ បើកបរដោយធ្វេសប្រហែសមិនគោរពច្បាប់។

តំណាងក្រុមហ៊ុនដឹកជញ្ចូន សម្តែងក្តីរីករាយ និងពេញចិត្តចំពោះការបង្កើតកម្មវិធីសំណេះនេះឡើង ដែលនេះជាជ្រុងមួយ នៃផ្នែកអប់រំផ្សព្វផ្សាយ និងបង្កើនចំណេះដឹងផ្នែកច្បាប់ចរាចរណ៍ឱ្យកាន់តែទូលំទូលាយ ដល់បុគ្គលិកដឹកជញ្ជូនគ្រប់ៗគ្នាដែលកំពុងមានវត្តមាន។

ក្រោយចប់កម្មវិធីសំណេះសំណាល នាយឧត្តមសេនីយ៍អគ្គស្នងការ ក៏បានអញ្ជើញចែកមួកសុវត្ថិភាពថ្មីមួយ ជូនបុគ្គលិកដឹកជញ្ចូនទាំង៣៣៥នាក់ ដើម្បីយកទៅប្រើប្រាស់៕

អត្ថបទ៖ សុភា

The post នាយឧត្តមសេនីយ៍ ស ថេត ស្នើឲ្យអ្នកប្រកបរបរ​សេវាដឹកជញ្ជូន ចូលរួមគោរពច្បាប់ចរាចរណ៍ឲ្យបានខ្ជាប់ខ្ជួន appeared first on Kampuchea Thmey Daily.

តាងនាមថ្នាក់ដឹកនាំកងកម្លាំងនគរបាលជាតិ និងក្នុងនាមលោកនាយឧត្តមសេនីយ៍ ស ថេត អគ្គស្នងការនគរបាលជាតិ មានក្តីរន្ធត់ក្នុងចិត្តយ៉ាងខ្លាំង ដោយបាន ទទួលដំណឹងថា លោកអនុសេនីយ៍ត្រី សៅ រក្សា មន្ត្រីប៉ុស្តិ៍នគរបាលរដ្ឋបាលបឹងកេងកងទី២ អធិការដ្ឋាន នគរបាលខណ្ឌបឹងកេងកង នៃស្នងការដ្ឋាននគរបាលរាជធានីភ្នំពេញ បានទទួលមរណភាពកាលពីថ្ងៃ ព្រហស្បតិ៍ ១០រោច ខែស្រាពណ៍ ឆ្នាំរោង ឆស័ក ព.ស.២៥៦៨ ត្រូវនឹងថ្ងៃទី២៩ ខែសីហា ឆ្នាំ២០២៤ ក្នុង ប្រតិបត្តិការបង្ក្រាបករណីហិង្សា នៅចំណុចផ្លូវលេខ៣០៤ សង្កាត់បឹងកេងកងទី២ ខណ្ឌបឹងកេងកង រាជធានី ភ្នំពេញ។

មរណទុក្ខដ៏ក្រៀមក្រំនេះ ជំនួសមុខឱ្យលោកនាយឧត្តមសេនីយ៍ អគ្គស្នងការនគរបាលជាតិ លោកឧត្តមសេនីយ៍ឯក លន់ សុផាត អគ្គស្នងការរងនគរបាលជាតិ បានបំពាក់ឋានន្តរសិក្ត ថ្នាក់អនុសេនីយ៍ទោ ជាកិច្ចបច្ឆាមរណៈ និងបានចាត់ទុកមរណភាពរបស់លោកអនុសេនីយ៍ត្រី សៅ រក្សា គឺជាការបាត់បង់នូវកូនជាទីស្រលាញ់ ប្រកបដោយព្រហ្មវិហារធម៌ ជាសសរទ្រូងនៃគ្រួសារ ក៏ដូចជាការបាត់បង់នូវមន្ត្រីនគរបាលជាតិ ដ៏សកម្មចំពោះការងារ ដែលជានិច្ចកាលបានលះបង់កម្លាំងកាយចិត្ត ពេលវេលា និងសេចក្តីសុខផ្ទាល់ខ្លួន រហូតអវសាននៃជីវិតដើម្បីចូលរួមបុព្វហេតុថែរក្សាសន្តិសុខ សណ្តាប់ធ្នាប់សាធារណៈ និងសុវត្ថិភាពសង្គម។

លោកឧត្តមសេនីយ៍ឯក លន់ សុផាត បន្តថា យើងខ្ញុំទាំងអស់គ្នាជាថ្នាក់ដឹកនាំ និងមន្ត្រីនគរបាល នៃអគ្គស្នងការដ្ឋាននគរបាលជាតិ សូមសម្តែងនូវសមានចិត្តក្រៀមក្រំ ចូលរួមរំលែកមរណទុក្ខដោយក្តីសោកស្តាយ និងសូមបួងសួងឧទ្ទិសដល់គុណបុណ្យ ព្រះរតនត្រ័យជួយដល់ដួងវិញ្ញាណក្ខន្ធរបស់ លោកអនុសេនីយ៍ត្រី សៅ រក្សា សូមឆាប់បានយោនយកកំណើត ចាប់បដិសន្ធិក្នុងសុគតិភពកុំបីឃ្លៀងឃ្លាតឡើយ៕

​អត្ថបទ៖ សុខា

The post លោក ស ថេត ចាត់តំណាងនាំយកបច្ច័យ និងសាររំលែកទុក្ខជូនគ្រួសារសពអនុសេនីយ៍ត្រី សៅ រក្សា appeared first on Kampuchea Thmey Daily.

ការដែលមេប៉ូលិសជាតិ ចេញមុខលើកឡើងបែបនេះ គឺបន្ទាប់ពីមានក្រុមប្រឆាំងជ្រុលនិយមមួយក្តាប់តូចនៅក្រៅប្រទេស បាននិងកំពុងធ្វើសកម្មភាពអំពាវនាវ និងបំផុសបំផុលញុះញង់ប្រជាពលរដ្ឋ និងកងកម្លាំងប្រដាប់អាវុធឱ្យក្រោកបះបោរប្រឆាំងនឹងរាជរដ្ឋាភិបាល ដែលបានយកបញ្ហានៅប្រទេសបង់ក្លាដេសមកបំផុសឱ្យមានចលនាបដិវត្តន៍ពណ៌ផ្ដួលរំលំរាជរដ្ឋាភិបាលស្របច្បាប់នៅកម្ពុជា និងបានភ្ជាប់ជាមួយនឹងករណីតំបន់ត្រីកោណកម្ពុជា ឡាវ វៀតណាម CLV។

តាមរយៈសន្និសីទសារព័ត៌មាន លោកអគ្គស្នងការនគរបាលជាតិ អំពាវនាវឱ្យបញ្ឈប់ជាបន្ទាន់រាល់ការចូលរួមចលនាណាមួយ ដែលជាសកម្មភាពខុសច្បាប់ តាមការញុះញង់របស់ក្រុមប្រឆាំងក្រៅប្រទេស។ បើមិនដូច្នេះ កងកម្លាំងនគរបាលជាតិ នឹងចាត់វិធានការតាមច្បាប់កំណត់ជាធរមាន ដោយគ្មានការលើកលែងជាដាច់ខាត។

ជាមួយគ្នា លោក ស ថេត ក៏បានដាស់តឿន ឪពុកម្ដាយ ឬអាណាព្យាបាល ត្រូវជួយអូសទាញ និងប្រាប់កូនចៅឱ្យពិចារណា ឬដកខ្លួនចេញពីក្រុមប្រឆាំងខុសច្បាប់ ដែលចង់បះបោរផ្ដួលរំលំរដ្ឋាភិបាលស្របច្បាប់នៅកម្ពុជា ហើយបន្តចូលរួមជាមួយរដ្ឋាភិបាល ដើម្បីអភិវឌ្ឍន៍ជាតិកម្ពុជាឱ្យកាន់តែរីកចម្រើនថែមទៀត៕

The post មេប៉ូលិសជាតិ៖ការបង្ក្រាបអ្នករៀបគម្រោងផ្ដួលរំលំរដ្ឋាភិបាល មិនមែនគំរាម បំបិទសិទ្ធិ តែជាការអនុវត្តច្បាប់ appeared first on Kampuchea Thmey Daily.

បន្ថែមពីនេះ លោកនាយឧត្តមសេនីយ៍ អគ្គស្នងការនគរបាលជាតិ ក៏បានដាក់ចេញការណែនាំមួយចំនួនដែលជាទិសដៅការងារបន្ដទៅកាន់បណ្ដាអង្គភាព នាយកដ្ឋាន មន្ទីរ និងស្នងការដ្ឋាននគរបាលរាជធានី-ខេត្តទាំងអស់ ត្រូវបន្ដផ្ដោតយកចិត្តទុកដាក់ក្នុងការបំពេញការងារ ដើម្បីធានាដល់ប្រសិទ្ធភាពខ្ពស់ ជាពិសេសការទប់ស្កាត់ និងបង្ការបង្រ្កាបបទល្មើសគ្រប់ប្រភេទ ពិសេសករណីគ្រឿងញៀន និងក្មេងទំនើង។

ការលើកឡើងទាំងនេះរបស់លោកនាយឧត្តមសេនីយ៍ ស ថេត ក្នុងឱកាសអញ្ជើញជាអធិបតីពិធីប្រកាសផ្ទេរភារកិច្ច និងតែងតាំងមុខតំណែងនាយនគរបាលថ្នាក់ឧត្តមសេនីយ៍ ព្រមទាំងកិច្ចប្រជុំប្រចាំខែ និងផ្សព្វផ្សាយសភាពការណ៍ថ្មីៗរបស់អគ្គស្នងការដ្ឋាននគរបាលជាតិ កាលពីថ្ងៃទី១៧ ខែមិថុនា ឆ្នាំ២០២៤។

នាយឧត្តមសេនីយ៍ ស ថេត​ ក៏បានណែនាំឱ្យបន្ដពង្រឹងយន្ដការប្រចាំបញ្ជា និងប្រព័ន្ធទូរស័ព្ទទាន់ហេតុការណ៍ ដើម្បីអន្ដរាគមន៍ដោះស្រាយសំណូមពររបស់ប្រជាពលរដ្ឋ ព្រមទាំងថែបំប៉នកម្លាំងអន្ដរាគមន៍ឱ្យបានរឹងមាំ មានវិន័យកងកម្លាំង សំដៅត្រៀមដោះស្រាយហេតុការណ៍ជាយថាហេតុ។ ទន្ទឹមនេះ ត្រូវខិតខំលើកកម្ពស់ប្រសិទ្ធភាពការងាររបស់ក្រុមប្រតិកម្មរហ័ស ដើម្បីឆ្លើយតបនឹងសំណូមពរ ឬមតិរិះគន់របស់សាធារណៈជនបានទាន់ពេលវេលា សំដៅការពារនូវកិត្តិយស និងសេចក្ដីថ្លៃថ្នូររបស់កងកម្លាំងនគរបាលជាតិ៕

The post អគ្គស្នងការឱ្យលុបបំបាត់រាល់ចំណុចខ្វះខាត​ សំដៅបញ្ចៀសការរិះគន់មិនល្អដល់ស្ថាប័ននគរបាលជាតិ appeared first on Kampuchea Thmey Daily.

ការណែនាំរបស់ លោកនាយឧត្តមសេនីយ៍ ស ថេត ធ្វើឡើងនៅព្រឹកថ្ងៃទី៧ ខែឧសភា ឆ្នាំ២០២៤ នេះ ក្នុងឱកាសអញ្ជើញជាអធិបតីភាព ក្នុងពិធីប្រកាសផ្ទេរភារកិច្ច តែងតាំងមុខតំណែង នាយនគរបាលថ្នាក់ឧត្តមសេនីយ៍ និងកិច្ចប្រជុំបូកសរុបលទ្ធផលអនុវត្តការងារប្រចាំខែមេសា លើកទិសដៅការងារសម្រាប់ខែឧសភា ឆ្នាំ២០២៤។ ព្រមទាំងណែនាំស្តីពី វិធានការពង្រឹងសន្តិសុខ សណ្តាប់ធ្នាប់សាធារណៈ សុវត្ថិភាពសង្គម ឆ្ពោះទៅកាន់ការបោះឆ្នោតជ្រើសរើសក្រុមប្រឹក្សារាជធានី ខេត្ត ក្រុង ស្រុក ខណ្ឌ អាណត្តិទី៤ ឆ្នាំ២០២៤។

បើទោះបីព្រឹត្តិការណ៍សំខាន់ៗ ដែលកម្ពុជាធ្វើជាម្ចាស់ផ្ទះនាពេលកន្លងទៅ ព្រមទាំងព្រឹត្តិការណ៍បោះឆ្នោតឃុំសង្កាត់, ជ្រើសតាំងតំណាងរាស្ដ្រ និងជ្រើសរើសសមាជិកព្រឹទ្ធសភា បានប្រព្រឹត្តទៅដោយរលូនយ៉ាងណាក្ដី ប៉ុន្ដែ លោកនាយឧត្តមសេនីយ៍ ស ថេត បានពញ្ញាក់ស្មារតី ថ្នាក់ដឹកនាំ និងកម្លាំងនគរបាលទាំងអស់ថា «មិនត្រូវធ្វើការធ្វេសប្រហែសជាដាច់ខាត ខណៈក្រុមអមិត្តនៅតែចិញ្ចឹមចិត្តចង់បង្កចលាចលជានិច្ចប្រសិនបើយើងមានការធ្វេសប្រហែសដោយប្រការណាមួយ»។

លោកនាយឧត្តមសេនីយ៍ បានសង្កត់ធ្ងន់ថា កិច្ចការងារសន្ដិសុខ គឺជាកិច្ចការងារដ៏មានសារៈសំខាន់សំដៅធានាដល់សន្ដិសុខជាតិទាំងមូល ប៉ុន្ដែមិនមែនអនុវត្តតែស្ថាប័ននគរបាលជាតិ តែម្នាក់ឯងអាចទៅរួចនោះទេ ពោលទាមទារកិច្ចសហការយ៉ាងល្អពីបណ្ដាស្ថាប័ន និងអង្គភាពពាក់ព័ន្ធដទៃផ្សេងទៀត បូករួមទាំងស្ថាប័នដែលមិនមែនជំនាញសន្ដិសុខផងដែរ ទើបអនុវត្តទៅបានជោគជ័យទាំងព្រម។

ក្រៅពីការត្រៀមលក្ខណៈធានាដល់សន្ដិសុខ សណ្ដាប់ធ្នាប់សាធារណៈ សុវត្ថិភាពសង្គម ឆ្ពោះទៅរកការបោះឆ្នោតជ្រើសរើសក្រុមប្រឹក្សារាជធានី ខេត្ត ក្រុង ស្រុក ខណ្ឌ លោកអគ្គស្នងការនគរបាលជាតិ ក៏បានណែនាំនូវការងារជំនាញមួយចំនួនផងដែរ ដល់នាយកដ្ឋាន អង្គភាព មន្ទីរ និងស្នងការនគរបាលរាជធានី-ខេត្ត ដើម្បីបន្ដយកចិត្តទុកដាក់ និងកែប្រែនូវរាល់អ្វីដែលជាចំណុចខ្វះខាត។ ទន្ទឹមនោះ ត្រូវង្រឹងការអនុវត្តច្បាប់ចរាចរណ៍ គ្រឿងញៀន ព្រហ្មទណ្ឌ ព្រំដែន ប្រឆាំងការជួញដូរមនុស្ស ពិសេស ប៉ុស្ដិ៍នគរបាលរដ្ឋបាលជាដើម ដែលនៅក្បែរប្រជាពលរដ្ឋ ត្រូវតែបន្ដពង្រឹងការអនុវត្តគោលនយោបាយភូមិឃុំសង្កាត់មានសុវត្ថិភាព ក៏ដូចជាពង្រឹងសមត្ថភាព ដើម្បីលើកកម្ពស់ប្រសិទ្ធភាពក្នុងការបំពេញការងារបម្រើប្រជាពលរដ្ឋនៅមូលដ្ឋាន ឱ្យកាន់តែមានប្រសិទ្ធភាពខ្ពស់បន្ថែមទៀត និងស្របតាមគោលនយោបាយរបស់រាជរដ្ឋាភិបាល នីតិកាលទី៧។

សូមជម្រាបថា នាយនគរបាលថ្នាក់ឧត្តមសេនីយ៍ ដែលត្រូវបានប្រកាសតែងតាំងនោះ រួមមាន ទី១.លោកឧត្តមសេនីយ៍ឯក ស៊ាង ធារិទ្ធ ពីអនុប្រធាននាយកដ្ឋានកណ្ដាលសន្ដិសុខ ទៅជាអគ្គស្នងការរងនគរបាលជាតិ​​​ និងទី២. លោកឧត្តមសេនីយ៍ឯក សម វណ្ណវីរៈ ពីប្រធាននាយកដ្ឋានសន្ដិសុខផ្ទៃក្នុង ទៅជាអគ្គស្នងការរងនគរបាលជាតិ ៕

The post អគ្គស្នងការនគរបាលជាតិ ណែនាំជាថ្មីដល់បណ្ដាអង្គភាព ឱ្យង្រឹងលើការងារសន្ដិសុខ សណ្ដាប់ធ្នាប់ បន្ថែមទៀត appeared first on Kampuchea Thmey Daily.

ថ្លែងក្នុងពិធីសំណេះសំណាលជាមួយកងកម្លាំងនគរបាលជាតិនៃនាយកដ្ឋាននគរបាលការពារ អង្គភាពអន្តរាគមន៍ និងអង្គភាពតម្រួតបទបញ្ជា នារសៀលថ្ងៃទី៩ ខែមេសា ឆ្នាំ២០២៤ នាយឧត្តមសេនីយ៍ ស ថេត អគ្គស្នងការនគរបាលជាតិ បានណែនាំកងកម្លាំងនគរបាលទាំងអស់ឱ្យមានការទទួលខុសត្រូវខ្ពស់ទៅលើការបែងចែកវេនប្រចាំការ គឺសំដៅត្រៀម ជួយសង្រ្គោះប្រជាពលរដ្ឋ និងត្រៀមជួយសង្រ្គោះរាល់ហេតុការណ៍ដែលកើតឡើងជាយថាហេតុ ក្នុងឱកាសបុណ្យចូលឆ្នាំប្រពៃណីជាតិខ្មែរ ខាងមុខនេះ។

ក្នុងន័យនេះ លោកនាយឧត្តមសេនីយ៍ ស ថេត បានបញ្ជាឱ្យនាយកដ្ឋាន ក៏ដូចជាអង្គភាពដែលស្ថិតក្រោមចំណុះអគ្គស្នងការដ្ឋាននគរបាលជាតិ ត្រូវតែមានកងកម្លាំងប្រចាំការ ២៤ម៉ោងលើ២៤ម៉ោង ដើម្បីរងចាំទទួលព័ត៌មាន និងដោះស្រាយរាល់បញ្ហាដែលកើតឡើងទាំងនោះ។

នាយឧត្តមសេនីយ៍ ស ថេត ក៏បានសង្កត់ធ្ងន់ឱ្យនាយកដ្ឋាន និងអង្គភាពពាក់ព័ន្ធ ត្រូវតែបង្ការទប់ស្កាត់ចំពោះបទល្មើសផ្សេងៗនៅពេលប្រជាពលរដ្ឋចេញទៅកម្សាន្តនៅតាមបណ្តាខេត្ត ក៏ដូចជាតាមរមណីដ្ឋាននានា ជាពិសេសនគរបាលនៅតាមូលដ្ឋានទាំងអស់ត្រូវបង្ការទប់ស្កាត់រាល់សកម្មភាពចោរកម្ម ក៏ដូចជាករណីលួច ឆក់ប្លន់នៅតាមដងផ្លូវ ករណីគាស់ផ្ទះ ដោយត្រូវប្រចាំការនៅកន្លែង ហើយមានការបែងចែកវេនផ្លាស់ប្តូរគ្នា៕

The post មេប៉ូលិសជាតិ បញ្ជាឱ្យកងកម្លាំងទប់ស្កាត់រាល់បទល្មើសក្នុងបុណ្យចូលឆ្នាំ ដោយត្រូវមានកម្លាំងប្រចាំការ appeared first on Kampuchea Thmey Daily.