លោករដ្ឋមន្រ្តីបានលើកឡើងថា កាលពី ១០ ឆ្នាំមុន លោក​បានជួបស្ថាបនិក​សាលាអន្តរជាតិ​មួយ ហើយ​ទទួលបាន​គំនិតពី​ការ​បង្កើត​កម្មវិធីសិក្សាដែល​ផ្ដោតលើការបណ្ដុះបណ្ដាល​សិស្សឱ្យ​ក្លាយ​ជា​អ្នកគិត​បែបវិភាគ (critical thinkers) និងអ្នកដោះស្រាយបញ្ហា (problem solvers)។

លោកចាប់​អារម្មណ៍ទៅកម្មវិធីសិក្សាដ៏ថ្មីទំនើប​នោះ ខណៈ​នៅ​ពេលដែល​លោក​ទៅ​ទស្សនា​សាលា លោករដ្ឋមន្រ្តីមានការភ្ញាក់ផ្អើល​ជាខ្លាំង ដោយមុន​អាច​ចូលក្នុង​បរិវេណថ្នាក់​សិក្សា​ ត្រូវឆ្លងកាត់​ការធ្វើការ​សាកល្បង​ខ្លះៗ​ដូចជា​ការទាយស្លា​កសញ្ញាសាលា​ជាដើម ដែល​បង្កើត​ចេញ​ពីកូដ (coding)។

លោករដ្ឋមន្រ្តីលើកឡើងថា កាលពី ១០ ឆ្នាំមុន ការបង្រៀនកូដនៅ​កម្រិតសាលារៀន​គឺ​ថ្មី​ណាស់។

ជាក់ស្តែងសៀវភៅស្តីពីសេដ្ឋកិច្ចកម្ពុជា លោកបានចំណាយពេល ១០ ឆ្នាំសរសេរ។ មួយឆ្នាំ​ក្រោយ​មក សិស្សបានត្រឡប់មកវិញ ហើយផ្តល់​អំណោយជា​សៀវភៅស្តី​ពីសេដ្ឋកិច្ច​កម្ពុជា​ដូចគ្នា ប៉ុន្តែត្រូវបានសរសេរ​ឡើងវិញជាភាសាងាយយល់។

លោករដ្ឋមន្រ្តី​ថា សិស្សបានបែងចែកជាក្រុម ធ្វើការស្រាវជ្រាវ និងសម្ភាសន៍អំពីសេដ្ឋកិច្ចកម្ពុជា រួចសរសេរ​ចេញ​ជា​សៀវភៅ។

លោកមានប្រសាសន៍ថា នេះជាវិធីសាស្ត្រដោះស្រាយបញ្ហា (problem-solving approach) ដែល​អនុញ្ញាត​ឱ្យសិស្សយល់ច្បាស់​ពីបញ្ហា ហើយអាចបង្កើតចំណេះដឹងថ្មីៗ។

នៅ​ចំពោះមុខ​រដ្ឋមន្រ្តីក្រសួងអប់រំ យុវសិស្សមួយក្រុមកំពុងសិស្សថ្នាក់ទី ៩ នៅ​សាលា AUPP Liger Leadership Academy​ បានបង្ហាញ​ពី​ដំណោះស្រាយ​ក្នុងការផលិត​សាប៊ូ ដើម្បី​ដោះ​​ស្រាយ​បញ្ហា​​ស្បែកក្បាល។

យុវតីតំណាង​ក្រុមបាន​បង្ហាញពី​ប្រសិទ្ធភាព​នៃដំណោះស្រាយនេះ អាច​ឆ្លើយតប​តម្រូវការ​អ្នក​មាន​បញ្ហា​ស្បែក​ឡើង​អង្គែរ។

បើ​តាម​យុវតីរូបនេះ​អះអាងថា ផលិតផល​បានពីការស្រាវជ្រាវនេះ បានយក​ទៅ​សាកល្បង​ប្រើប្រាស់​នៅ​តាម​ហាង​​​សាឡន​​មួយ​ចំនួន និង​​ទទួល​បានប្រសិទ្ធភាព​ខ្ពស់ក្នុងការប្រើប្រាស់។

លោកស្រី Janet Tartaglia នាយិកសាលា អេយូភីភី ឡៃហ្គឺ លីឌឺហ្សីប អាកាឌឺមី បានថ្លែងថា​ ការអប់រំ​របស់​សាលា​មិនផ្តោតលើការទន្ទេញមេរៀនឡើយ។ សិស្សានុសិស្ស គ្រប់គ្រងគម្រោងដោះស្រាយបញ្ហាក្នុងសង្គមជាក់ស្តែង និងកសាងទំនុកចិត្តក្នុងការដឹកនាំដោយសុចរិតភាព។

ការសិក្សាផ្តោតលើភាពជាអ្នកដឹកនាំដោយផ្តល់បទពិសោធន៍អប់រំ និងការសិក្សាតាមគម្រោង (Project-based learning) តាមរយៈ E-STEAM (សហគ្រិនភាព វិទ្យាសាស្ត្រ បច្ចេកវិទ្យា វិស្វកម្ម សិល្បៈ និងគណិតវិទ្យា) ជួយ​លើកកម្ពស់ក្នុងការគិតវិភាគ ការដោះស្រាយបញ្ហា និងទំនាក់ទំនង។

រដ្ឋមន្រ្តី​ក្រសួង​អប់រំ បាន​លើកឡើង​ពីបរិបទសិក្សាដែលអនាគតទៅមុខ បច្ចេកវិទ្យា​​​បញ្ញានិមិត្ត AI នឹង​ផ្លាស់​ប្តូររ​បៀបសិក្សា និងការអប់រំ។

លោករដ្ឋមន្រ្តីថា យើង​ត្រូវ​ប្រើប្រាស់ AI ជាឧបករណ៍​ដើម្បីបង្កើនលទ្ធភាពទទួលបានចំណេះដឹង ប៉ុន្តែ​ត្រូវ​ទទួល​ខុសត្រូវ និងគិតគូរពីផលប៉ះពាល់។

«វិទ្យាសាស្ត្រណាមួយក៏អាចប្រើប្រាស់ដើម្បីបង្កើតវិបុលភាព ឬបង្កើតគ្រោះមហន្តរាយ​បានដែរ ដូច្នេះ​ចាំ​បាច់​ត្រូវ​មានតុល្យភាព និង​ការប្រើប្រាស់ប្រកប​ដោយប្រាជ្ញា»។ លោក ហង់ ជួនណារ៉ុង​ បញ្ជាក់៕

The post រដ្ឋមន្រ្តី​ក្រសួង​អប់រំ ​រំលឹក​បទ​ពិសោធន៍ ១០ ឆ្នាំ​មុន​ ពី​កម្មវិធី​សិក្សា​បែប​សមាហរណកម្ម ឆ្លើយតប​បញ្ហា​​សង្គម​ជាក់ស្ដែង appeared first on Kampuchea Thmey Daily.

ក្នុងឱកាសនោះ លោកឧបនាយករដ្ឋមន្ត្រី ហង់ជួន ណារ៉ុន បានអបអរសាទរដល់និស្សិតជ័យលាភីអាហារូបករណ៍រដ្ឋាភិបាលជប៉ុនទាំងអស់ និងបានចែករំលែកពីការវិវឌ្ឍនៃអក្សរសាស្ត្រជប៉ុន ប្រវត្តិសាស្ត្រជប៉ុន ការសម្របខ្លួនរស់នៅក្នុងប្រទេសជប៉ុន។ បន្ថែមពីនេះ លោកបានគូសបញ្ជាក់ពីសារៈសំខាន់នៃការផ្តោតយកចិត្តទុកដាក់រៀនសូត្រឱ្យអស់ពីលទ្ធភាព ដើម្បីពង្រឹងសមត្ថភាពទាំងភាសាបរទេស និងជំនាញទំនាក់ទំនង តាមរយៈការសិក្សាស្រាវជ្រាវ អាន និងសរសេរឱ្យបានច្រើន និងត្រូវចេះជួយយកអាសាគ្នាក្នុងគ្រាលំបាក ហើយសូមយកឱកាសនេះស្វែងយល់ពីវប្បធម៌ អរិយធម៌របស់ជប៉ុន ខណៈត្រូវបន្តថែរក្សាអត្តសញ្ញាណជាតិ និងផ្សព្វផ្សាយពីវប្បធម៌ដ៏ផូរផង់របស់ប្រទេសជាតិផងដែរ។

លោកឧបនាយករដ្ឋមន្ត្រី បានសង្កត់ធ្ងន់ថា «ការវិវឌ្ឍយ៉ាងឆាប់រហ័សនៃបច្ចេកវិទ្យាបញ្ញាសិប្បនិម្មិត(AI) បាននិងកំពុងផ្លាស់ប្តូររបៀបនៃការរៀននិងបង្រៀន ក្នុងន័យនេះ សូមឱ្យនិស្សិតកម្ពុជាគ្រប់រូបបន្តយកចិត្តទុកដាក់តាមដានព័ត៌មានសកលលោកឱ្យបានខ្ជាប់ខ្ជួន ដើម្បីជាជំនួយដល់ការរៀនសូត្រ និងត្រូវថែរក្សាសុខភាពឱ្យរឹងមាំ ទើបអាចទទួលបានជោគជ័យក្នុងការសិក្សាតាមការរំពឹងទុក»។

ជាមួយគ្នានេះ រដ្ឋមន្ត្រីក្រសួងអប់រំ ក៏បានជូនពរឱ្យទទួលជោគជ័យក្នុងការសិក្សារយៈពេលប្រមាណជាង ២ឆ្នាំនេះ ដោយត្រូវបន្តខិតខំប្រឹងប្រែងរៀនសូត្រដើម្បីទទួលបានបទពិសោធ និងចំណេះដឹងល្អៗ យកមកអភិវឌ្ឍប្រទេសជាតិឱ្យកាន់តែរីកចម្រើនថែមទៀត ដោយក្រើនរំលឹកថា ត្រូវតែរៀនឱ្យចេះច្បាស់ ចាប់យកជំនាញពិតប្រាកដ ហើយត្រូវមានសមត្ថភាពប្រើប្រាស់ចំណេះជំនាញនេះបង្កើតជាគុណប្រយោជន៍ដល់សង្គមជាតិ៕

The post រដ្ឋមន្ត្រីក្រសួងអប់រំ ណែនាំឱ្យនិស្សិតកម្ពុជា បន្តតាមដានព័ត៌មានសកលលោក ដើម្បីជាជំនួយដល់ការរៀនសូត្រ appeared first on Kampuchea Thmey Daily.

ក្នុងជំនួបសំណេះសំណាល និងចែកអំណោយរបស់ក្រុមការងាររាជរដ្ឋាភិបាលចុះមូលដ្ឋាលស្រុកកងមាស ជូនជនភៀសសឹក ក្នុងស្រុកកងមាស ខេត្តកំពង់ចាម នាថ្ងៃទី២១ ខែធ្នូ ឆ្នាំ២០២៥ លោក ហង់ជួន ណារ៉ុន បានបង្ហាញពីការសោកស្តាយ ដែលបានឃើញប្រជាពលរដ្ឋត្រូវភៀសខ្លួន ចាកចេញពីផ្ទះសម្បែង បោះបង់ទីលំនៅ និងការងារបង្កបង្កើនផល ដោយសារតែការរំលោភបំពាន និងការឈ្លានពានពីប្រទេសថៃ។ ស្ថានភាពនេះ បានធ្វើឱ្យប្រជាពលរដ្ឋជួបការលំបាកទាំងផ្នែកជីវភាព និងស្មារតី ប៉ុន្តែទោះជាយ៉ាងណា លោក ហង់ជួន ណារ៉ុន បានលើកទឹកចិត្តឱ្យពលរដ្ឋទាំងអស់ត្រូវបន្តខិតខំប្រឹងប្រែងសាមគ្គីគ្នាដូច ចង្កឹះមួយបាច់ទើបសត្រូវមិនអាចកាច់បាក់។

ឧបនាយករដ្ឋមន្ត្រីរូបនេះ ក៏បានអំពាវនាវឱ្យប្រជាពលរដ្ឋកម្ពុជាទាំងអស់ បន្តជឿជាក់លើរាជរដ្ឋាភិបាល ក្រោមការដឹកនាំរបស់ សម្តេចអគ្គមហាសេនាបតីតេជោ ហ៊ុន សែន ប្រធានព្រឹទ្ធសភា និងសម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា ក្នុងការការពារបូរណភាពទឹកដី និងការយកចិត្តទុកដាក់ខ្ពស់ចំពោះសុខទុក្ខរបស់កងទ័ព និងប្រជាជនគ្រប់រូប ដើម្បីធានាបាននូវសុខសន្តិភាព និងការអភិវឌ្ឍប្រកបដោយចីរភាព។

ឧបនាយករដ្ឋមន្ត្រី បានលើកឡើងថា «កាលៈទេសៈនេះ បងប្អូនប្រជាពលរដ្ឋយើងមានការលំបាកខ្លាំង ប៉ុន្តែអ្វីដែលរឹតតែសង្វេគ និងគួរឱ្យអាណិតអាសូរបំផុតនោះគឺវីរកងទ័ពដែលបានលះបង់សាច់ស្រស់ឈាមស្រស់ដើម្បីជាតិមាតុភូមិ និងបានពលីជីវិតក្នុងការការពារបូរណភាពទឹកដីពីការឈ្លានពាន។ ប្រជាជនយើងទាំងអស់នឹងខិតខំតស៊ូក្នុងគ្រាលំបាកនេះ ដើម្បីជាកម្លាំងចិត្តដល់វីរកងទ័ពជួរមុខទាំងអស់ រីឯយើងជាទ័ពជួរក្រោយ ក៏លះបង់កម្លាំងកាយចិត្តមិនខ្លាចនឿយហត់ដើម្បីគាំទ្រវីរភាពដ៏អង់អាចរបស់វីរកងទ័ព និងប្រជាជនយើងដូចគ្នា»។

សូមជម្រាបថា សម្រាប់ប្រជាពលរដ្ឋដែលមានវត្តមាននៅទីនេះ ជាបងប្អូនប្រជាពលរដ្ឋភៀសសឹក និងគ្រួសារកងទ័ព ដែលបានជម្លៀសមកដល់មូលដ្ឋានចាប់ពីថ្ងៃទី១៤ ខែធ្នូ ឆ្នាំ២០២៥ គិតមកត្រឹមថ្ងៃទី២០ ខែធ្នូ ឆ្នាំ២០២៥ មានចំនួន៣៩១គ្រួសារ ក្នុងចំណោមនោះមានគ្រួសារវីរះកងទ័ពជួរមុខ ចំនួន២៦គ្រួសារ។ នាឱកាសនៃជំនួបនេះ ក្រុមគ្រួសារភៀសសឹកទាំង៣៩១គ្រួសារ ដោយមួយគ្រួសារ ទទួលបាន អង្ករ១៥គីឡូ មី២កេស កញ្ចប់គ្រឿងឧបភោគបរិភោគចម្រុះ(ទឹកត្រី ទឹកស៊ីអ៊ីវ ត្រីខ ប៊ីចេង ទឹកដោះគោ និងនំចម្រុះ)។

ជាមួយគ្នានេះ លោក យូ ស៊ុនឡុង រដ្ឋមន្ត្រីប្រតិភូអមនាយករដ្ឋមន្ត្រី និងជាអនុប្រធានក្រុមការងារចុះមូលដ្ឋានស្រុកកងមាស បានឧបត្ថម្ភថវិកាដល់គ្រួសារភៀសសឹកទាំង៣៩១គ្រួសារ ដោយមួយគ្រួសារទទួលបានចំនួន ៤០,០០០រៀល។ បន្ថែមលើនេះ លោក គង់ អៀង អនុរដ្ឋលេខាធិការក្រសួងការពារជាតិ និងជាអនុប្រធានក្រុមការងារចុះជួយស្រុកកងមាស បានឧបត្ថម្ភថវិកាចំនួន ១០០,០០០រៀល បន្ថែមសម្រាប់គ្រួសារវីរះកងទ័ពជួរមុខទាំង២៦គ្រួសារផងដែរ៕

The post រដ្ឋមន្ត្រីក្រសួងអប់រំ លើកទឹកចិត្តដល់ពលរដ្ឋ បន្តខិតខំប្រឹងប្រែងសាមគ្គីគ្នាដូចចង្កឹះមួយបាច់ appeared first on Kampuchea Thmey Daily.

ក្រសួងអប់រំយុវជន និងកីឡាបានបើកបវេសនកាលឆ្នាំសិក្សាថ្មី២០២៥-២០២៦ កាលពីថ្ងៃទី ០១ ខែវិច្ឆិកាឆ្នាំ២០២៥ ដោយមានសាលារៀនជាង ៩៥០០ បានបើកដំណើរការសិក្សាតាមការគ្រោងទុក។

ថ្លែងក្នុងពិធីបើកបវេសនកាលឆ្នាំសិក្សា ២០២៥-២០២៦ នៅព្រឹកថ្ងៃទី ១ វិច្ឆិកា ឆ្នាំ ២០២៥ ជានិមិត្តរូប នៅវិទ្យាល័យ ហ៊ុន សែន ចុងកាល់ ខេត្តឧត្តរមានជ័យ លោកបណ្ឌិតសភាចារ្យ ហង់ជួន ណារ៉ុន ឧបនាយករដ្ឋមន្ត្រី រដ្ឋមន្ត្រីក្រសួងអប់រំ យុវជន និងកីឡាបានលើកឡើងថា សាលារៀនសាធារណៈនៅទូទាំងប្រទេសចំនួន ៩៥៤១ មានលទ្ធភាពចាប់ផ្តើមបវេសនកាលឆ្នាំសិក្សា ២០២៥-២០២៦ តាមការគ្រោងទុក។ ចំណែកសាលារៀនចំនួន ៥ នៅមិនទាន់អាចបើកបានដំណើរការ​បាននៅឡើយទេ ក្នុងនោះមាន ១ សាលានៅខេត្តបន្ទាយមានជ័យ ២ សាលានៅខេត្តឧត្តរមានជ័យ និង​២ សាលាទៀត នៅខេត្តព្រះវិហារដោយសារសាលារៀននៅមានគ្រាប់​មិនទាន់ផ្ទុះ ដែលមិនទាន់បានរំដោះចេញបណ្តាលមកពី​សង្គ្រាមឈ្លានពានពីប្រទេសជិតខាង។

យ៉ាងណាក៏ដោយ ក្រសួង មន្ទីរ និងអង្គភាពពាក់ព័ន្ធបានកំពុងរៀបចំឱ្យមានការបង្រៀននៅតាមផ្ទះ, ការរៀនបណ្តោះអាសន្ននៅ​តាម​សាលារៀននៅជិតបំផុត, ការបែងចែកវេនសិក្សាព្រឹក និងរសៀល, និងការបង្រៀននៅក្នុងជំរំ។

លោកឧបនាយករដ្ឋមន្ត្រីបានបញ្ជាក់ថា ក្រសួងក៏បានកំពុងខិតខំកៀរគរ និងផ្តល់​សម្ភារៈចាំបាច់មួយចំនួន​សម្រាប់ការសម្រួល​ដំណើរការរៀនសូត្រ ដោយសូមយកឱកាសនេះដែរ ថ្លែងអំណរគុណដល់ការចូលរួមរបស់សប្បុរសជននានា ក្នុងការគាំទ្រ ដែលបានផ្តល់នូវគ្រឿងឧបភោគបរិភោគ សម្ភារៈកីឡា ភេសជ្ជៈ និងសម្ភារៈប្រើប្រាស់ចាំបាច់ផ្សេងៗមួយចំនួនទៅដល់ លោកគ្រូ អ្នកគ្រូ និងសិស្សានុសិស្ស ដែលរងផលប៉ះពាល់ដោយសារជម្លោះព្រំដែននេះផងដែរ។

លើសពីនេះទៀតក្រសួងអប់រំ យុវជន និងកីឡាបានដាក់ចេញនូវវិធានការលើកទឹកចិត្ត ឱ្យមានការចងសម្ព័ន្ធភាពរវាងមន្ទីរអប់រំយុវជន និងកីឡារាជធានី ខេត្តជាមួយនឹងខេត្ត ដែលរងផលប៉ះពាល់ពីជម្លោះព្រំដែន ដើម្បីផ្តល់ការគាំទ្រ និងស្តារ​ហេដ្ឋារចនាសម្ព័ន្ធអប់រំ ដែលបានរងខ្ទេចខ្ទាំពីសង្គ្រាម ក៏ដូចជាការអភិវឌ្ឍសាលារៀន នៅតាមជាយដែនឱ្យមានភាពគត់មត់នៅក្នុងរយៈពេលខ្លីខាងមុខ និងក្នុងរយៈពេលវែង៕

អត្ថបទ៖សំអឿន

The post ឆ្នាំសិក្សាថ្មី ទូទាំងប្រទេសមានសិស្សចុះឈ្មោះចូលរៀន​ជាង ​៣ ​លាន​ ៣ សែន​នាក់ ចាប់​ពី​មត្តេយ្យ​ដល់​មធ្យម​សិក្សា appeared first on Kampuchea Thmey Daily.

លោកមានប្រសាសន៍ថា តាំងពីដើមរៀងមក ការរំឭកគុណគ្រូ និងការដឹងគុណគ្រូបានក្លាយទៅជាចលនាជាតិដ៏ផុសផុលមួយត្រូវបានស្តែងឡើងតាមរយៈការជួបជុំសិស្ស ឬអតីតសិស្សជាមួយគ្រូបង្រៀន ឬគ្រូបង្រៀនចូលនិវត្ត ដើម្បីប្រារព្ធទិវារំឭកគុណគ្រូនៅតាមសាលារៀន ក៏ដូចជាការបង្កើតឱកាសនានា ដើម្បីសួរសុខ ទុក្ខ និងជួបជុំជាមួយគ្រូបង្រៀន តាមគ្រប់រូបភាព។

នៅឆ្នាំនេះ ការប្រារព្ធទិវាគ្រូបង្រៀន នៅថ្នាក់ជាតិបាន និងកំពុងប្រព្រឹត្តទៅក្រោម ប្រធានបទ “គ្រូបង្រៀនជាតួអង្គសំខាន់នៃបរិវិត្តកម្មបញ្ញាសិប្បនិម្មិត” ដើម្បីបង្ហាញអំពីទិសដៅ គោលនយោបាយរបស់ក្រសួងអប់រំ យុវជន និងកីឡា ក្នុងការកសាងមូលដ្ឋានគ្រឹះរបស់គ្រូបង្រៀន ឆ្លើយតបទៅនឹងបរិវិត្តកម្មវិស័យអប់រំនៅកម្ពុជា ផ្តោតលើការប្រើប្រាស់ និងការចេះទាញយក អត្ថប្រយោជន៍ជាអតិបរិមានៃការរីកចម្រើនបច្ចេកវិទ្យាអប់រំ (EdTech) និងបញ្ញាសិប្បនិម្មិត (AI) ក្នុងការលើកកម្ពស់គុណភាពអប់រំ តាមរយៈការអភិវឌ្ឍបំណិនឌីជីថលដល់គ្រូបង្រៀននៅកម្ពុជា ដើម្បីឆ្លើយតបទៅនឹងការវិវត្តយ៉ាងឆាប់រហ័សនៃបច្ចេកវិទ្យាឌីជីថលក្នុងតំបន់ និងពិភពលោកដែលនឹងនាំមកនូវការផ្លាស់ប្តូរជាវិជ្ជមានយ៉ាងច្រើនដល់វិស័យអប់រំនៅកម្ពុជា។

ឆ្លៀតក្នុងឱកាសនេះ លោក ហង់ជួន ណារ៉ុន បានវាយតម្លៃខ្ពស់ចំពោះគណៈគ្រប់គ្រង គ្រូឧទ្ទេស និងលោកគ្រូ អ្នកគ្រូនៃវិទ្យាស្ថានជាតិអប់រំ វិទ្យាស្ថានគរុកោសល្យរាជធានីភ្នំពេញ វិទ្យាស្ថានគរុកោសល្យ បាត់ដំបង និងសាលារៀនជំនាន់ថ្មី ដែលបានជំរុញនវានុវត្តន៍ក្នុងការងារបង្រៀន និងរៀនឱ្យកាន់តែមានប្រសិទ្ធភាព តាមរយៈការធ្វើសមាហរណកម្មបច្ចេកវិទ្យាអប់រំ (EdTech) និងបញ្ញា សិប្បនិម្មិត (AI) ក្នុងការបង្រៀននៅកម្ពុជា។ នវានវុត្តន៍នេះជាកាតាលីករពន្លឿនបរិវិត្តកម្ម បច្ចេកវិទ្យាឌីជីថល និងការធ្វើសមាហរណកម្មប្រព័ន្ធអប់រំកម្ពុជាចូលទៅក្នុងតំបន់ និងពិភពលោក ស្របតាមកំណែទម្រង់ការអប់រំឌីជីថលរបស់ក្រសួងអប់រំ យុវជន និងកីឡា។

គ្រូបង្រៀនគឺជាភ្នាក់ងារដ៏សំខាន់ ក្នុងការលើកកម្ពស់លទ្ធផលសិក្សារបស់សិស្ស។ ការបង្កើនគុណភាព និងឧត្តមភាពរបស់គ្រូបង្រៀន គឺជាកត្តាគន្លឹះ ដោយក្រសួងនឹងបន្តកំណែទម្រង់សាលាគរុកោសល្យ ពោលគឺការប្រែក្លាយសាលា​គរុកោសល្យ ឱ្យក្លាយទៅជាមជ្ឈមណ្ឌល ឧត្តមភាពក្នុងការបណ្តុះបណ្តាល និងវិក្រឹតការគ្រូបង្រៀនគ្រប់កម្រិត ដើម្បីធានាបាននូវ គុណភាព និងឧត្តមភាព ឆ្លើយតបនឹងតម្រូវការក្នុងបរិបទថ្មីនេះ។

ការអភិវឌ្ឍគ្រូបង្រៀន ត្រូវការនូវគោល​នយោបាយអប់រំគ្រូបង្រៀនដែលគ្រប់ជ្រុងជ្រោយ និងឆ្លើយតបទៅនឹងការផ្លាស់ប្តូរនៃ តម្រូវការអប់រំជាតិ ការអភិវឌ្ឍសេដ្ឋកិច្ច-សង្គម និងការលើកកម្ពស់ឋានៈរបស់គ្រូបង្រៀននៅក្នុងសង្គម។ ហេតុដូចនេះហើយ ទើបគោលនយោបាយស្តីពី គ្រូបង្រៀន ត្រូវបានអភិវឌ្ឍ និងកែលម្អជាបន្តបន្ទាប់ ដើម្បីទាក់ទាញ និងលើកទឹកចិត្តអ្នកមានសមត្ថភាពឱ្យប្រកបវិជ្ជាជីវៈជាគ្រូបង្រៀន៕

The post រដ្ឋមន្រ្តីអប់រំ៖ ទិវាគ្រូបង្រៀន គឺជាការរំលឹកគុណគ្រូបង្រៀនគ្រប់ជំនាន់ដែលបានផ្ទេរចំណេះដឹង appeared first on Kampuchea Thmey Daily.

មាន​តែ​ការ​សិក្សា​មួយ​គត់​ទេីប​នាំ​ឱ្យ​យេីងអាចជៀស​ផុតជីវិភាពលំបាក​ ដូចពាក្យមួយបានពោលថា​ បេីយេីងឈប់រៀនដោយសារភាពក្រ​ នោះយេីងនឹងក្រមួយជីវិត​ បេី​សិន​យេីងឈប់រៀនដោយសារការលំបាកគឺយេីងនិងលំបាកមួយ​ជីវិត។

ដូច្នេះ​លោក​សូម​បំផុស​បំផុល​ស្មារតី​ដល់​យុវជន​គ្រប់​រូប​ឱ្យមាន​ឧត្ដមគតិ​ស្រលាញ់ការសិក្សា​ដេីម្បី​ជា​ទុន​ក្រែប្រែ​ជោគវាសនា​ពួក​យេីង​ ក៏​ដូច​ជា​ចូលរួម​ចំណែកក្នុងការអភិវឌ្ឍន៍សេដ្ឋកិច្ច​សង្គម​ជាតិ​របស់​ពួក​យេីង​ផង​ និង​ការ​លេីកកម្ពស់ពីមួយជំនាន់ទៅមួយជំនាន់។

នេះ​បេី​យោង​តាម​ប្រសាសន៍​ លោក​បណ្ឌិតសភាចារ្យ ហង់ជួន ណារ៉ុន ឧបនាយករដ្ឋមន្ត្រី រដ្ឋមន្ត្រីក្រសួងអប់រំ យុវជន និង​កីឡា​ បាន​ថ្លែង​ក្នុង​ពិធី​ចែក​សញ្ញាប័ត្រ​ជូន​និស្សិតជ័យលាភី នៅថ្ងៃទី១៥​ ខែកញ្ញា​ ឆ្នាំ២០២៥​ នៅ​សាកល​វិទ្យាល័យ​ ពាណិជ្ជសាស្ត្រ អេ​ ស៊ី លីដា។

ក្នុងឱកាសនេះផងដែរ​ លោកបណ្ឌិត ផុន ណារិន សាកលវិទ្យាធិកាសាកលវិទ្យាល័យ ពាណិជ្ជសាស្ត្រ អេស៊ីលីដា បានថ្លែងថា​ សាកលវិទ្យាល័យ ពាណិជ្ជសាស្ត្រ អេស៊ីលីដា ជាសាកលវិទ្យាល័យ ដើម្បីភាពជោគជ័យក្នុងអាជីព មានចក្ខុវិស័យជាសាកលវិទ្យាល័យធុរកិច្ចឈានមុខប្រកបដោយឧត្តមភាពនិងភាពជោគជ័យរបស់និស្សិត មានមោទនភាពនិងកិត្តិយសដ៏ឧត្តុង្គឧត្តម ចំពោះវត្តមានដ៏ខ្ពង់ខ្ពស់របស់ លោក​បណ្ឌិតសភាចារ្យ ហង់ជួន ណារ៉ុន ឧបនាយករដ្ឋមន្ត្រី រដ្ឋមន្ត្រីក្រសួងអប់រំ យុវជន និងកីទ្បា បានផ្តល់កិត្តិយសអញ្ជើញចូលរួមជា គណៈអធិបតីដ៏ខ្ពង់ខ្ពស់ ព្រមទាំងវត្តមានរបស់​ឯកឧត្ដម លោកជំទាវ លោក-លោកស្រី អ្នកនាងកញ្ញា ភ្ញៀវជាតិ អន្ដរជាតិ មាតា-បិតា អាណាព្យាបាល ថ្នាក់គ្រប់គ្រង និងបុគ្គលិកសិក្សា ដែល​បាន​អញ្ជើញ​ចូល​រួម​ក្នុង​ពិធី​ចែកសញ្ញាបត្រ​ជូននិស្សិតជ័យលាភី សរុបចំនួន ៦៣២ នាក់ ថ្នាក់បរិញ្ញបត្រជាន់ខ្ពស់ ៣៨នាក់, បរិញ្ញាបត្រ ៤២៦នាក់ និងបរិញ្ញាបត្ររង ១៦៨នាក់ ក្នុងឱកាសដ៍មានសារៈសំខាន់នេះ ។

ស្ថិតក្នុងបរិយាកាសអធិកអាធម និងមានអត្ថន័យនាពេលនេះ សូមគោរព​អនុញ្ញាត​រាយការណ៍ដោយសង្ខេប ជូន​អង្គពិធីអំពីវិវឌ្ឍនាការ និងសមិទ្ធផលដែលសាកលវិទ្យាល័យ ពាណិជ្ជសាស្ត្រ អេស៊ីលីដា សម្រេចបានគិតត្រឹមថ្ងៃទី៣១ ខែសីហា ឆ្នាំ២០២៥ មានដូចខាងក្រោម ៖

សាកលវិទ្យាល័យ ពាណិជ្ជសាស្ត្រ អេស៊ីលីដា ជាក្រុមហ៊ុនបុត្រសម្ព័ន្ធ របស់ធនាគារ អេស៊ីលីដា ភីអិលស៊ី ទទួលស្គាល់ដោយរាជរដ្ឋាភិបាល នៃព្រះរាជាណាចក្រកម្ពុជា តាមអនុក្រឹត្យលេខៈ ២៧ អនក្រ.បក ចុះថ្ងៃទី១២ ខែកុម្ភៈ ឆ្នាំ២០២៤ និងបានចុះបញ្ជីនៅក្រសួងពាណិជ្ជកម្មលេខ ០០០០៣៨៣៦ ។ មានបុគ្គលិកអចិន្ត្រៃយ៍សរុបចំនួន ១៧៥នាក់ ស្រី ៨២នាក់ សាស្ត្រាចារ្យ និងគ្រូបង្រៀនទាំងពេញម៉ោង និងវេលាការសរុបចំនួន២៨១នាក់ ក្នុងនោះមានគ្រូជនជាតិបរទេសចំនួន ៣ នាក់ ដែលសាស្រ្តាចារ្យ និងគ្រូបង្រៀនទាំងអស់មានសញ្ញាបត្រ ចាប់ពីកម្រិតបរិញ្ញាបត្រជាន់ខ្ពស់ទ្បើងទៅ និងចំនួន២៥នាក់មានសញ្ញាបត្រកម្រិតបណ្ឌិត។

– សាកលវិទ្យាល័យមានកម្មវត្ថុធ្វើការបណ្តុះបណ្តាលកម្រិតបរិញ្ញាបត្ររង បរិញ្ញាបត្រ និងបរិញ្ញាបត្រជាន់ខ្ពស់ ដែលមាន សាលាក្រោយបរិញ្ញាបត្រ និងមហាវិទ្យាល័យចំនួន០៥គឺ មហាវិទ្យាល័យហិរញ្ញវត្ថុនិងគណនេយ្យ នីតិសាស្ត្រនិងវិទ្យាសាស្ត្រសេដ្ឋកិច្ច ពាណិជ្ជសាស្ត្រ បច្ចេកវិទ្យានិងវិទ្យាសាស្ត្រ និងមហាវិទ្យាល័យសិល្បៈមនុស្សសាស្ត្រនិងភាសា។

– មានមជ្ឈមណ្ឌលស្រាវជ្រាវ និងនវានុវត្តន៍ ដែលទទួលខុសត្រូវលើកិច្ចការស្រាវជ្រាវ បោះពុម្ពទស្សនាវដ្តីស្រាវជ្រាវវិទ្យាសាស្ត្រ កិច្ចការបណ្តុះធុរកិច្ចថ្មី ធ្វើទំនើបកម្មនៃកម្មវិធីសិក្សា។ល។

– មានមជ្ឈមណ្ឌលការងារទទួលខុសត្រូវលើការស្វែងរកឱកាសការងារជូននិស្សិត ដោយធានាផ្តល់នូវព័ត៌មានគ្រប់គ្រាន់ពីស្ថាប័នដែលមានតម្រូវការបុគ្គលិក និងបច្ចេកទេសនៃការសរសេរប្រវត្តិរូបសង្ខេប ក៏ដូចជាគន្លឹះនៃការសម្ភាស ដើម្បីទទួលបានការងារធ្វើ ។

– ក្នុងរយៈពេលប្រាំបួនឆ្នាំកន្លងទៅនេះ  សាកលវិទ្យាល័យ ពាណិជ្ជសាស្រ្ត អេស៊ីលីដា ទទួលបាននិស្សិតចុះឈ្មោះចូលសិក្សាចំនួន ០៩ជំនាន់ ដែលមាននិស្សិតសរុបចំនួន ៩,២៣២ នាក់ និស្សិតស្រីចំនួន ៧,០៤៤ នាក់ ។ និស្សិតកំពុងបន្តការសិក្សាកម្រិតបរិញ្ញាបត្ររង,បរិញ្ញាបត្រ និងបរិញ្ញាបត្រជាន់ខ្ពស់មាន ១៤០ ថ្នាក់ និស្សិតសរុបចំនួន ៥,៩០៧ នាក់ ស្រីមានចំនួន ៤,៤៩៤ នាក់ ។

➢ និស្សិតបញ្ចប់ការសិក្សា

ថ្នាក់បរិញ្ញាបត្ររង ៦ជំនាន់ មានចំនួន ៥៦៩នាក់ ស្រីចំនួន ៤៨៣ នាក់ ។

ថ្នាក់បរិញ្ញាបត្រ ៥ជំនាន់ មានចំនួន ១,២៩៧ នាក់ ស្រីចំនួន ១,០២៦ នាក់ ។

ថ្នាក់បរិញ្ញាបត្រជាន់ខ្ពស់ ២ជំនាន់ និស្សិតចំនួន ៥២ នាក់ ស្រីចំនួន ២៤នាក់ ។

សរុបនិស្សិតបានបញ្ចប់ការសិក្សាមានចំនួន ១,៩១៨នាក់ ស្រីចំនួន ១,៥៣៣នាក់ ។

យោងតាមរបាយការណ៍ស្តីពីការសិក្សាស្ថានភាពនិស្សិតក្រោយបញ្ចប់ការសិក្សា និស្សិតមានការងារធ្វើចំនួន១,៨០៦នាក់ ស្មើនឹង៩៦% នៃចំនួនសិស្សិតបានបញ្ចប់ការសិក្សា និង ៤% ទៀតកំពុងបន្តការសិក្សាពុំទាន់មានបំណងរកការងារធ្វើនៅទ្បើយ។ ក្នុងនោះ ៨២,៧% មានការងារពេញម៉ោង៣,៦%មានការងារវេលាការ ២,២%មានសហគ្រាសផ្ទាល់ខ្លួន និង៨%ជានិស្សិតជួយអាជីវកម្មក្នុងគ្រួសារ។

និស្សិតចំនួន ៣១% នៃចំនួននិស្សិតកំពុងបន្តការសិក្សា ក៍កំពុងមានការងារធ្វើផងដែរ។

សាកលវិទ្យាល័យបាននឹងកំពុងបន្តអនុវត្តយុទ្ធសាស្ត្រឲ្យសម្រេចបាននូវមជ្ឈមណ្ឌលឧត្តមភាពនៃការបង្រៀននិងរៀន(Center of Excellent of Teaching & Learning), ការកែលម្អកម្មវិធីសិក្សាលើការអនុវត្តការងារជាក់ស្តែង ជាពិសេសជំនាញទន់ ដោយបានបញ្ចូលវិធីសាស្រ្តបង្រៀនបែប Student Center រួមមាន Active learning, Inquiry-based, Project-based, កម្មវិធីហាត់ការនិងកម្មសិក្សាដល់និស្សិត និងបន្តអភិវឌ្ឍឱ្យបានល្អបំផុតពីមួយឆ្នាំទៅមួយឆ្នាំ ។

នៅក្នុងឆ្នាំ២០២៥នេះសាកលវិទ្យាល័យបានអភិវឌ្ឍមុខជំនាញថ្មីបន្ថែមគឺបរិញ្ញាបត្រវិទ្យាសាស្ត្រ ជំនាញ វិទ្យាសាស្ត្រទិន្នន័យ (Data Sceince) ។ ធ្វើ​ទំនើបកម្ម​សីតូបករណ៍​ស្របតាមយុគសម័យ ឌីជីថល ដោយកំពុងដំណើរការបំពាក់ Smart Class Room ជាបណ្តើរៗដែលនឹងផ្ដល់ឱ្យសាស្រ្តចារ្យ និង និស្សិតនូវបទពិសោធទាន់សម័យបំផុត នៃការបង្រៀននិងរៀន ។

ចាប់ពីឆ្នាំ២០២៦តទៅ សាកលវិទ្យាល័យមានគម្រោងអភិវឌ្ឍមុខជំនាញថ្មីបន្ថែមទៀត រួមមាន៖ ថ្នាក់បរិញ្ញាបត្រវិទ្យាសាស្ត្រ ជំនាញបញ្ញាសម្បនិម្មិត Artificial Intelligent (AI) ថ្នាក់បរិញ្ញាបត្រជាន់ខ្ពស់ ជំនាញ អភិបាលកិច្ចបច្ចេកវិទ្យាព័ត៌មាន (Information Technology Governance) និងមានគម្រោងបើកកម្រិតថ្នាក់បណ្ឌិត ជាដើម ។

សាកលវិទ្យាល័យបានជំរុញលើកទឹកចិត្តដល់សាស្ត្រាចារ្យ គ្រូបង្រៀន និងនិស្សិតចូលរួមការងារស្រាវជ្រាវ និងបោះពុម្ពផ្សាយអត្ថបទស្រាវជ្រាវ ក្នុងក្របខណ្ឌជាតិ និងអន្តរជាតិ។ កន្លងមកបានបោះពុម្ពអត្ថបទស្រាវជ្រាវក្នុងទស្សនាវដ្តីស្រាវជ្រាវអន្តរជាតិ សរុបចំនួន៩អត្ថបទ ដែល៣អត្ថបទជាប់ក្នុង Scopus និងបានបោះពុម្ភទស្សនាវដ្តីស្រាវជ្រាវផ្ទាល់ខ្លួនគឺ AUB Research Series និង CJBPP ជាប្រចាំឆ្នាំ ដោយទទួលបានលេខ ISSN និង DOI សរុបបានចំនួន ៣២អត្ថបទ ។ 

កម្មវិធីExchange program ជាអន្តរជាតិ ក្រៅពីបន្តអនុវត្តតាមកម្មវិធីសិក្សាពីដៃគូសាកលវិទ្យាល័យ California Berkeley សហរដ្ឋអាមេរិច សាកលវិទ្យាល័យបានចុះអនុសារណៈយោគយល់គ្នាជាមួយសាកលវិទ្យាល័យ UNIVERISITAS MULTIMEDIA NUSANTARA (UMN) និង UNIVERSITAS MERDEKA MALANG (UMNER) នៃប្រទេសឥណ្ឌូនេស៊ី ដោយបានបញ្ជូននិស្សិតទៅសិក្សារយៈពេលខ្លីនៅប្រទេស Indonesia បានមួយជំនាន់ ។ សាកលវិទ្យាល័យ ពាណិជ្ជសាស្ត្រ អេស៊ីលីដា បានចូលជាសមាជិកសមាគមគ្រឹះស្ថានឧត្តមសិក្សាប្រជាជាតិអាស៊ីអាគ្នេយ៍(ASAIHL-អាសៃហ៊ីល)មានសមាជិក២៦៣សាកលវិទ្យាល័យមកពី២៨ប្រទេសទាំងនៅអាស៊ីនិងអឺរ៉ុប គិតត្រឹមឆ្នាំ២០២៤

សាកលវិទ្យាល័យក៏បានយកចិត្តទុកដាក់ចំពោះបរិស្ថានបានដាំកូនឈើនិងផ្កាជាច្រើនប្រភេទ សរុបចំនួន៨,២៦០ដើមនិងបន្តដាំឲ្យក្លាយជាសួនបរិស្ថានបៃតងមួយនៅរាជធានីភ្នំពេញ ។

ឯកឧត្ដម-លោកជំទាវ លោក-លោកស្រីនាងកញ្ញា ជាទីគោរព និងជាទីមេត្រី !

មុននឹងបញ្ចប់ ឆ្លៀត​ក្នុង​ឱកាស​ដ៏​មានសារៈសំខាន់នេះ ក្នុងនាមតំណាង ភាគហ៊ុនិក ក្រុមប្រឹក្សាភិបាល ថ្នាក់ដឹកនាំ និង​បុគ្គលិកនៃសាកលវិទ្យាល័យ ពាណិជ្ជសាស្ត្រ អេស៊ីលីដា សូមថ្លែងអំណរ​គុណ​យ៉ាង​ជ្រាល​ជ្រៅ​បំផុតចំពោះ លោកបណ្ឌិតសភាចារ្យឧបនាយករដ្ឋមន្តី ឯកឧត្តម លោកជំទាវ លោក លោកស្រី អ្នកនាងកញ្ញា មាតា-បិតា អាណាព្យាបាល និង និស្សិតទាំងអស់ ដែលបានចំណាយពេលវេលាដ៏មានតម្លៃ ចូលរួមជាអធិបតី និងជាភ្ញៀវកិត្តិយសក្នុងពិធីចែកសញ្ញាបត្រនេះ និងសូមថ្លែងអំណរគុណចំពោះ រាជរដ្ឋាភិបាលកម្ពុជា ក្រសួងអប់រំ យុវជន និងកីឡា ដែលបាននិងកំពុងគាំទ្រ សាកលវិទ្យាល័យ ពាណិជ្ជសាស្ត្រ អេស៊ីលីដា ឱ្យទទួលបាននូវ សេចក្តីចម្រុងចម្រើន លូតលាស់ ប្រកបដោយមង្គលឧត្តុង្គឧត្តម រហូតដល់បច្ចុប្បន្ន។

ជាទីបញ្ចប់ សូមគោរពជូនពរលោក​បណ្ឌិតសភាចារ្យ ហង់ ជួនណារ៉ុន ឧបនាយករដ្ឋមន្ត្រី រដ្ឋមន្ត្រី ក្រសួងអប់រំ យុវជន និងកីឡា ឯកឧត្តម លោក ជំទាវ លោក លោកស្រី អ្នកនាងកញ្ញា ភ្ញៀវកិត្តិយសជាតិ-អន្តរជាតិ ថ្នាក់គ្រប់គ្រង កម្មករនិយោជិត គ្រប់លំដាប់ថ្នាក់ នៃសាកលវិទ្យាល័យ ពាណិជ្ជសាស្ត្រ អេស៊ីលីដា មាតា-បិតា អាណាព្យាបាល និងនិស្សិតជ័យលាភីទាំងអស់ សូមបានជួបប្រទះនូវពុទ្ធពរទាំង៤ប្រការគឺ៖ អាយុ   វណ្ណៈ សុខៈ និង ពលៈ កុំបីឃ្លាងឃ្លាតទ្បើយ៕

The post លោក​បណ្ឌិត​សភាចារ្យ ហង់ជួន ណារ៉ុន ៖ មាន​តែ​ការ​សិក្សាទេ​ ទេីប​ធ្វេី​ឱ្យ​យេីង​ជៀសផុត​ពី​ការ​លំបាក appeared first on Kampuchea Thmey Daily.

ឧបនាយករដ្ឋមន្ត្រី រដ្ឋមន្ត្រីក្រសួងអប់រំ យុវជននិងកីឡាបណ្ឌិតសភាចារ្យ ហង់ ជួនណារ៉ុន ព្រមានថា” អ្នកដែលប្រព្រឹត្តល្មើសត្រៀមខ្លួនទៅ”។ ឧបនាយករដ្ឋមន្ត្រី ហង់ ជួនណារ៉ុន ព្រមានបែបនេះ តាមរយ:ការប្រើគណនីហ្វេសប៊ុកផ្លូវការចូលទៅបញ្ចេញមតិ នៅក្នុងគណនីហ្វេសប៊ុកមួយដែលចែករំលែកព័ត៌មានដែល ក្រសួងអប់រំកំពុងស៊ើបអង្កេតករណីជជែកវែកញែកថា មានការបែកធ្លាយវិញ្ញាសាការប្រឡងបាក់ឌុបឆ្នាំ២០២៥។

ជាការកត់សម្គាល់ក្រោយការប្រឡងសញ្ញាបត្រមធ្យមសិក្សាទុតិយភូមិឬបាក់ឌុប សម័យប្រឡង២៨ -២៩ សីហា ឆ្នាំ២០២៥ បានបញ្ចប់ទៅ នៅល្ងាចថ្ងៃទី២៩ ខែសីហា នៅលើបណ្ដាញសង្គម មានការជជែកវែកញែកដ៏ក្ដៅគគុកថា វិញ្ញាសាគណិតវិទ្យា សម្រាប់ថ្នាក់វិទ្យាសាស្ត្រពិត ត្រូវបានបែកធ្លាយ និងត្រូវបានយកទៅបង្រៀនពីរបៀបដោះស្រាយលំហាត់នៅរាត្រីថ្ងៃទី២៨ ខែសីហា និងមានការជជែកវែកញែកទៀតថា មានការបែកធ្លាយវិញ្ញាសាផ្សេងៗទៀតដូចជាជីវវិទ្យា គីមីវិទ្យា និងរូបវិទ្យាជាដើម។

យ៉ាងណាក៏ដោយក្រោយពីមានការជជែកវែកញែកដ៏ក្ដៅគគុកកាត់យប់បែបនេះ, នៅព្រឹកថ្ងៃទី៣០ ខែសីហា អ្នកនាំពាក្យក្រសួងអប់រំ យុវជន និងកីឡា លោកស្រី ឃួន វិច្ឆិកា បានអះអាងថា មិនមានការបែកធ្លាយវិញ្ញាសាទេ អំឡុងពេលប្រឡងសញ្ញាបត្រមធ្យមសិក្សាទុតិយភូមិ ឬបាក់ឌុបនេះទេ ប៉ុន្តែក្រសួងអប់រំ យុវជន និងកីឡា បាននិងកំពុងស្រាវជ្រាវយ៉ាងយកចិត្តទុកដាក់ជាទីបំផុត៕

ដោយ÷ ង៉ិល ណារ៉ាត់

The post រដ្ឋមន្ត្រីក្រសួងអប់រំ ព្រមានថា “អ្នកដែលប្រព្រឹត្តល្មើសត្រៀមខ្លួនទៅ” ស្របពេលក្រសួងកំពុងស៊ើបអង្កេតករណីបែកធ្លាយវិញ្ញាសាបាក់ឌុប២០២៥ appeared first on Kampuchea Thmey Daily.

មហិច្ឆតាពង្រឹងគ្រូបង្រៀនជាប់កិច្ចសន្យានេះ ត្រូវបានលើកឡើងនាឱកាស លោកបានអញ្ជើញដឹកនាំកិច្ចប្រជុំស្ដីពី ការជ្រើសរើសនិងការគ្រប់គ្រងគ្រូបង្រៀនជាប់កិច្ចសន្យាចំណេះទូទៅ ដោយមានការអញ្ជើញចូលរួមពីសំណាក់ ថ្នាក់ដឹកនាំក្រសួង និងមន្ត្រីមកពីនាយកដ្ឋានពាក់ព័ន្ធក្រោមឱវាទ កាលពីថ្ងៃទី ២២ ខែឧសភា ឆ្នាំ ២០២៥។ កិច្ចប្រជុំនេះ ក៏ដើម្បីដាក់បង្ហាញនូវរបាយការណ៍ស្តីពី ការប្រើប្រាស់គ្រូបង្រៀនជាប់កិច្ចសន្យាចំណេះទូទៅ និងការពិភាក្សាផ្លាស់ប្ដូរយោបល់លើវឌ្ឍនភាពនៃការងារជ្រើសរើសនិងការគ្រប់គ្រងគ្រូបង្រៀនជាប់កិច្ចសន្យា។

លោករដ្ឋមន្រ្តី បានលើកឡើងថា នាពេលអនាគត ក្រសួងអប់រំ យុវជន និងកីឡា មានចក្ខុវិស័យ បន្តពង្រឹងគុណវុឌ្ឍិគ្រូជាប់កិច្ចសន្យាសម្រាប់គ្រូមត្តេយ្យសិក្សាត្រូវមានកម្រិតយ៉ាងតិច១២+២ ឬបរិញ្ញាបត្រ+១ រីឯគ្រូបឋមសិក្សាត្រូវមានកម្រិតយ៉ាងតិច ១២+៤ ឬបរិញ្ញាបត្រ+១ ចំណែកគ្រូបឋមភូមិ ត្រូវមានកម្រិតយ៉ាងតិច១២+៤ ឬបរិញ្ញាបត្រ+១ និងគ្រូទុតិយភូមិត្រូវមានកម្រិតបរិញ្ញាបត្រ+២។

ឆ្លៀតក្នុងឱកាសនោះ លោក ហង់ជួន ណារ៉ុន បានផ្តល់អនុសាសន៍ថា ចំពោះរយៈពេលវែង ១០ឆ្នាំខាងមុខ គ្រូបង្រៀនជាប់កិច្ចសន្យាត្រូវមានកម្រិតបណ្ដុះបណ្ដាលបរិញ្ញាបត្រ ដោយប្រើរូបមន្ត ១២+៤ ឬបរិញ្ញាបត្រ+១ ជាការបណ្ដុះ​បណ្ដាលឱ្យមានអាជ្ញាបណ្ណ។ លោកបញ្ជាក់ថា៖«ការបណ្ដុះបណ្ដាលត្រូវផ្ដោតទៅលើវិធីសាស្ត្របង្រៀន ការគ្រប់គ្រងថ្នាក់រៀន និងចិត្តគរុកោសល្យ ទាំងគ្រូបង្រៀនកិច្ចសន្យាក្នុងប្រព័ន្ធនិងក្រៅប្រព័ន្ធ»។

ជាមួយគ្នានេះ លោកបានណែនាំឱ្យ រៀបចំជាគោលការណ៍ក្នុងការជ្រើសរើសគ្រូបង្រៀនកិច្ចសន្យាទៅតាមកម្រិតសញ្ញាបត្រ ការវាយតម្លៃ និងគុណវុឌ្ឍិ ដោយរៀបជាស្ដង់ដារួមមួយ, ការរៀបចំឱ្យប្រឡងដោយផ្ដោតលើអំណានដំបូង គណិតដំបូង ការគ្រប់គ្រងថ្នាក់រៀន និងចិត្តគរុកោសល្យ , រៀបចំបណ្ដុះបណ្ដាលទាំងផ្ទាល់និងអនឡាញ ដោយផ្ដល់ជាក្រេឌីត ដើម្បីបំពេញគុណវុឌ្ឍិឈានទៅបរិញ្ញាបត្រ។

រាជរដ្ឋាភិបាលកម្ពុជា នឹងបន្តផ្តល់អាទិភាពក្នុងការជ្រើសរើសគ្រូបង្រៀន ដើម្បីបំពេញបន្ថែមនូវតម្រូវការគ្រូបង្រៀន និងប្រកបដោយគុណភាព ព្រមទាំងកៀរគរផ្តល់ធនធានបន្ថែមទៀតសម្រាប់គាំទ្រដល់ការអភិវឌ្ឍសមត្ថភាពគ្រូបង្រៀន។ ដើម្បីលើកទឹកចិត្ត និងយកចិត្តទុកដាក់លើកិច្ចការដ៏មានសារៈសំខាន់នេះ នាយករដ្ឋមន្ត្រី សម្តេចធិបតី ហ៊ុន ម៉ាណែត បានផ្តល់អនុសាសន៍ ឱ្យបន្តកែទម្រង់គ្រឹះស្ថានបណ្តុះបណ្តាលគ្រូ ដោយត្រូវបង្កើនគុណវុឌ្ឍិគ្រូបង្រៀនចេញថ្មី និងធ្វើវិក្រឹតការគ្រូបង្រៀនដែលបានចេញបង្រៀនរួចហើយ ឱ្យឆ្លើយតបទៅនឹងការអប់រំសតវត្សរ៍ទី២១ និងការរីកចំរើនបច្ចេកវិជ្ជាឌីជីថល រួមទាំងបញ្ញាសិប្បនិម្មិត (AI) និងដើម្បីបំពេញតាម «ស្តង់ដាវិជ្ជាជីវៈគ្រូបង្រៀន» និង «ស្តង់ដាសាលាគរុកោសល្យគំរូ»។

សូមជម្រាបថា គ្រូបង្រៀនជាប់កិច្ចសន្យា សំដៅដល់គ្រូបង្រៀនមិនមែនជាគ្រូក្របខណ្ឌ ដែលត្រូវបានជ្រើសរើសក្នុងចំណោមគ្រូបង្រៀនចូលនិវត្តន៍ យុវជន និងជនពិការដែលមានទីលំនៅក្នុងមូលដ្ឋានដែលខ្វះគ្រូ ឬ មូលដ្ឋានក្បែរនោះនៅក្បែរនោះ ឱ្យបង្រៀននៅកម្រិតថ្នាក់ណាមួយនៅគ្រឹះស្ថានបឋមសិក្សាសាធារណៈដែលខ្វះគ្រូក្របខណ្ឌ៕

The post រដ្ឋមន្រ្តីអប់រំ បង្ហាញចក្ខុវិស័យពង្រឹងគុណវុឌ្ឍិគ្រូជាប់កិច្ចសន្យាឱ្យខ្លាំងពូកែ appeared first on Kampuchea Thmey Daily.