លោក ហេង សុខគង់ បានលើកឡើងថា បច្ចុប្បន្នក្រុមហ៊ុន Sailun អាចមានសមត្ថភាពផលិតសម្បករថយន្តបានប្រមាណ ៣៥០០០ និងនាំចេញទៅក្រៅប្រទេសបានចំនួន ២៥០០០កង់ ក្នុងមួយថ្ងៃ ដោយនាំចេញទៅចំនួន ១៨០ប្រទេសទូទាំងពិភពលោក។

បើតាមលោក ហេង សុខគង់ ក្រុមហ៊ុននេះ ជាប់ចំណាត់ថ្នាក់លេខ១១នៅលើពិភពលោក ជាសម្បកកង់ដែលមានគុណភាពល្អ ហើយបច្ចុប្បន្ន ក្រុមហ៊ុនបានប្រើប្រាស់វត្ថុធាតុដើមកៅស៊ូក្នុងស្រុកប្រមាណ ៣០% ស្មើនឹងជ័រកៅស៊ូប្រមាណជាង ៥០០តោន ដែលជាការចូលរួមចំណែកយ៉ាងសំខាន់ក្នុងវិស័យសេដ្ឋកិច្ចជាតិ និងជួយដល់ប្រជាកសិករដែលដាំកៅស៊ូផងដែរ។ ក្រៅពីនេះ នៅមានបណ្តារោងចក្រមួយចំនួនទៀត មកពីកូរ៉េ ចិន និងជប៉ុនជាដើម។

រោងចក្រផលិតកង់រថយន្តនេះមានទំហំផ្ទៃដីសរុប ១២០ ហិកតា បង្កើតការងារជូនប្រជាពលរដ្ឋប្រមាណជាង ៣៥០០ កន្លែង។

សូមបញ្ជាក់ថា កាលពីពេលថ្មីៗនេះ ក្រុមហ៊ុន បានដាក់ឱ្យសម្ពោធផលិតផលសម្បកកង់រថយន្តថ្មីម៉ាក SAILUN ដែលជាផលិតផលថ្មីមួយដំបូងគេនៅកម្ពុជា មានរោងចក្រនៅខេត្តស្វាយរៀង៕

The post លោក ហេង សុខគង់៖ រោងចក្រផលិតសម្បកកង់រថយន្តនៅកម្ពុជា ១ថ្ងៃបានជាង៣ម៉ឺនកង់ នាំចេញទៅ ១៨០ប្រទេស appeared first on Kampuchea Thmey Daily.

បើតាមលោក សឿន ដារ៉ា សន្ទុះនៃការប្រើប្រាស់រថយន្តថ្មីនៅកម្ពុជា មានការផ្លាស់ប្តូរទាំងស្រុង ដោយគិតត្រឹមឆ្នាំ ២០១៣ រថយន្តជជុះគ្របដណ្តប់ទីផ្សារប្រមាណ ៩០ភាគរយ ហើយរថយន្តថ្មីមានត្រឹម ១០ភាគរយប៉ុណ្ណោះ។ ប៉ុន្តែ១ទសវត្សក្រោយមក នៅឆ្នាំ ២០២៣ ការប្រើប្រាស់រថយន្តថ្មីបានកើនឡើងរហូតដល់ ៤៥ភាគរយ ខណៈរថយន្តជជុះរក្សាបានទីផ្សារនៅត្រឹម ៥៥ភាគរយ។

លោកបានពន្យល់បន្ថែមដូច្នេះថា«ទាក់ទងរថយន្តថ្មី យើងឃើញថា ទីផ្សារឡើងដល់ ៤៥%ពិតមែន ប៉ុន្តែរថយន្តចំនួន ៤៥%នេះ មិនមែនលក់ដោយក្រុមហ៊ុនទាំងអស់នោះទេ មានន័យថា ប្រហែល ១០% លក់ដោយអាជីវករ ដែលនាំចូលរថយន្តថ្មីពីបរទេសមកលក់ចែកចាយ(ហៅថាជជុះខ្លាញ់គោ) ដូច្នេះទីផ្សារដែលនាំចូលដោយក្រុមហ៊ុនពិតប្រាកដមានចំនួនតែ ៣៥% នៅសល់ ៦៥%ទៀត ដែលត្រូវអភិវឌ្ឍឱ្យរីកចម្រើនលើវិស័យយានយន្តនេះ»។

ថ្វីត្បិតកម្ពុជា មិនទាន់មានរោងចក្រផលិតរថយន្តនៅក្នុងស្រុក ប៉ុន្តែបច្ចុប្បន្នមានក្រុមហ៊ុនរថយន្តជាច្រើន បាននិងកំពុងដំឡើងរថយន្តនៅកម្ពុជា មានដូចជា ក្រុមហ៊ុន Ford នៅខេត្តពោធិ៍សាត់ ក្រុមហ៊ុន Kia Cambodia នៅប៉ោយប៉ែត ក្រុមហ៊ុន ISUZU Cambodia នៅកំពង់ស្ពឺ និងថ្មីៗនេះ ក្រុមហ៊ុន GTV ជាដើម ហើយនៅពាក់កណ្តាលឆ្នាំ ២០២៤ ក្រុមហ៊ុន Toyota នឹងបើកសម្ពោធក្រុមហ៊ុនរបស់ខ្លួននៅជាយរាជធានីភ្នំពេញផងដែរ។ លោក សឿន ដារ៉ា បានគូសបញ្ជាក់ថា សមិទ្ធផលទាំងនេះ កើតឡើងដោយសារ កម្ពុជា បានអនុម័តច្បាប់វិនិយោគថ្មីនៅក្នុងខែ កញ្ញា ឆ្នាំ ២០២១ និងផែនទីបង្ហាញផ្លូវក្នុងការអភិវឌ្ឍវិស័យយានយន្ត និងអេឡិចត្រនិកនៅចុងឆ្នាំ ២០២២។ បន្ទាប់ពីគោលការណ៍ទាំងពីរនេះ ត្រូវបានអនុម័ត កម្ពុជា ទទួលបានការវិនិយោគជាបន្តបន្ទាប់ពីក្រុមហ៊ុនបរទេសលើវិស័យយានយន្ត។

លោកឧកញ៉ា ឃុន ចាន់ថា ប្រធានអគ្គនាយកប្រតិបត្តិ GTV Motor បានលើកឡើងថា ការផលិតឬដំឡើងរថយន្តនៅក្នុងស្រុក ជួយដល់កំណើនសេដ្ឋកិច្ចជាតិ ជាពិសេសតម្លៃរថយន្តធូរថ្លៃជាងការនាំចូល ព្រោះត្រូវបានសម្រួលទៅលើបញ្ហាពន្ធ។ ជាក់ស្តែងក្រុមហ៊ុន GTV Motor បានដាក់បង្ហាញរថយន្តដែលដំឡើងនៅកម្ពុជា កាលពីថ្ងៃទី ០៣-០៤ ខែកុម្ភៈ ដើម្បីឱ្យប្រជាពលរដ្ឋបើកសាកល្បងគុណភាព។ ក្រុមហ៊ុនបានអះអាងថា នឹងដំឡើងក្នុងមួយឆ្នាំជាង ៣ម៉ឺនគ្រឿង ដើម្បីបំពេញតម្រូវការក្នុងស្រុក។

លោក ហេង សុខគង់ អ្នកនាំពាក្យក្រសួងឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍ បានលើកឡើងនៅក្នុងពិធីសម្ពោធ និងបើកបរសាកល្បងរថយន្ត GTV ថា ក្នុងរយៈពេលប៉ុន្មានឆ្នាំចុងក្រោយនេះ វិស័យយានយន្ត និងអេឡិចត្រូនិកកម្ពុជា មានការអភិវឌ្ឍរីកចម្រើនគួរឱ្យកត់សម្គាល់។ ជាក់ស្តែងលោកថា កម្ពុជា បាននាំចេញគ្រឿងបង្គុំរថយន្តបានប្រមាណជាង ២០០លានដុល្លារ និងគ្រឿងអេឡិចត្រូនិកមានតម្លៃជាង ៩០០លានដុល្លារអាមេរិក នៅឆ្នាំ ២០២៣។

យោងតាមផែនទីបង្ហាញផ្លូវក្នុងការអភិវឌ្ឍវិស័យយានយន្ត និងអេឡិចត្រូនិកនៅកម្ពុជា បានដាក់ចេញនូវគំនិតផ្តួចផ្តើមចំនួន២០ ដែលនៅក្នុងនោះ គំនិតផ្តូចផ្តើមជាអាទិភាពចំនួន៤ មានភាពបន្ទាន់ បាននិងកំពុងអនុវត្ត រួមមាន ការបង្កើតក្រុមប្រឹក្សាផ្តល់យោបល់សម្រាប់អភិវឌ្ឍវិស័យយានយន្ត និងអេឡិចត្រូនិក, ការកំណត់ទីតាំងនៅតំបន់សេដ្ឋកិច្ចពិសេសសម្រាប់ចង្កោមយានយន្ត និងអេឡិចត្រូនិក, សហការជាមួយវិស័យឯកជន ដើម្បីបង្កើនជំនាញដល់កម្មករនិយោជិត​ និងធ្វើឱ្យប្រសើរឡើងនូវនិតិវិធីឡូជីស្ទិក ជាដើម៕

The post កម្ពុជា អាចនឹងមានរោងចក្រផលិតរថយន្តក្នុងស្រុកនៅត្រឹមឆ្នាំ ២០៤០ appeared first on Kampuchea Thmey Daily.

ថ្លែងក្នុងពិធីសម្ពោធ និងបើកបរសាកល្បងរថយន្តរបស់ក្រុមហ៊ុន GTV Motor Co.,Ltd នៅ ឌឹ ព្រីមៀរ សែនសុខកាលពីថ្ងៃទី៣កម្ភៈ លោកបានបន្តថា ក្នុងចំណោមរោងចក្របង្កើតថ្មីចំនួន២៤១រោងចក្រ ក្នុងនោះ មានរោងចក្រចំនួន៨ ដែលបានសុំអាជ្ញាបណ្ណ ពីក្រសួងឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍ក្នុងការផ្គុំ និងដំឡើងយានយន្តនៅកម្ពុជា ដែលក្នុងនោះមានក្រុមហ៊ុនចំនួន៥ហើយ ដែលបានដំណើរការជាផ្លូវការក្នុងនោះក៏មានក្រុមហ៊ុនខ្មែរទី១ ដែលបានដំឡើងឡានខ្មែរមុនគេគឺក្រុមហ៊ុន GTV Motor ហើយនៅខែឧសភា ខាងមុខនេះ តូយ៉ាតូ ក៏នឹងសម្ពោធជាផ្លូវការក្នុងការផលិតរថយន្ត Pick up & SUV នៅកម្ពុជាផងដែរ ។

លោករដ្ឋលេខាធិការបានស្នើដល់ក្រុមហ៊ុន GTV Motorសហការឱ្យបានល្អជាមួយក្រសួង ស្ថាប័នពាក់ព័ន្ធដើម្បីប្រែក្លាយក្រុមហ៊ុន GTV Motor ក្រុមហ៊ុនគម្រូមួយនៅកម្ពុជា ជាក់ស្តែងដូចជាជាមួយក្រសួងឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍ បន្ទាប់ពីទទួលបានអាជ្ញាបណ្ណដំណើរការជាផ្លូវការហើយ ផលិតផលយានយន្តត្រូវ មាន អនុលោមភាព និងការត្រួតពិនិត្យស្តង់ដារច្បាស់លាស់ ដូចជាស្តង់ដារសុវត្ថិភាពយានយន្ត បទ បញ្ញត្តិបច្ចេកទេសផលិតផលយានយន្ត និងបណ្តាស្តង់ដារចាំបាច់មួយចំនួនទៀត ដើម្បីធានាសុវត្ថិ ភាពអ្នកប្រើប្រាស់ ក៏ដូចជាងាយស្រួលក្នុងការនាំចេញទៅក្រៅប្រទេស។ ពិនិត្យលទ្ធភាពក្នុងការស្នើសុំការពារកម្មសិទ្ធិលើកាសនីយបត្រតកក្កកម្ម (Patent) និង គំនូរឧស្សាហកម្ម ដែលមិនត្រឹមតែអាចការពារបាននៅកម្ពុជាទេ តែជាមួយបណ្តាប្រទេសជាង២៧ នៅសហគមន៍អឺរ៉ុប នៅអាមេរិក ជប៉ុន ចិន កូរ៉េ និងសឹង្ហបុរីផងដែរ ។

លើសពីនេះទៀត ពិនិត្យលទ្ធភាពប្រើប្រាស់វត្ថុធាតុដើមក្នុងស្រុក ដូចជាសំបកកង់រថយន្ត (រោងចក្រ Sailun នៅ តំបន់សេដ្ឋកិច្ចពិសេសស្វាយរៀង គាត់ផលិតសំបកកង់ឡានមួយថ្ងៃបានរហូតដល់ ៣៥០០០ គ្រាប់និងធ្វើការនាំចេញប្រមាណ២៥០០០ គ្រាប់ក្នុងមួយថ្ងៃទៅ១៨០ប្រទេស និងតំបន់លើពិភពលោក រោងចក្រគាត់ប្រើ Robot ៩០%) រោងចក្រចិន កូរ៉េ ជប៉ុន ដែលផលិតខ្សែបង្គុំរថយន្ត និងគ្រឿងបង្គំ រថយន្តដទៃទៀតនៅកម្ពុជា ។ ចាប់ផ្ដើមធ្វើនវានុវត្តន៍ក្នុងការដំឡើង និងផលិតយានយន្តប្រើអគ្គិសនី ឬថាមពលស្អាតនិងចាប់ផ្តើមឈានចូលទីផ្សារភាគហ៊ុន នៅកម្ពុជា និងបន្ទាប់នៅហុងកុង ឬសឹង្ហបុរី និងឈានដល់ Nasdaq នៅអាម៉េរិក។

លោក ពៅ ម៉ាលី រដ្ឋលេខាធិការក្រសួងសាធារណការ និងដឹកជញ្ជូន បានទទួលស្គាល់ថាការបង្កើតឱ្យមានរោងចក្រផលិតដែលអាចឱ្យពលរដ្ឋមានលទ្ធភាពប្រើប្រាស់ និងផ្គុំដំឡើងយានយន្តនៅក្នុងប្រទេសកម្ពុជានាពេលបច្ចុប្បន្ននេះ បានប្រែក្លាយកម្ពុជាពីប្រទេសនាំចូល និងប្រើប្រាស់យានយន្តទៅជាប្រទេសឧស្សាហកម្មយានយន្ត ដូចបណ្តាប្រទេសមួយចំនួននៅក្នុងតំបន់អាស៊ាន។ ម៉្យាងវិញទៀត រោងចក្រផលិត និងផ្គុំដំឡើងយានយន្ត បានដើរតួយ៉ាងសំខាន់ក្នុងការបំពេញតម្រូវការប្រើប្រាស់ក្នុងស្រុក និងជួយជំរុញដល់វិស័យឧស្សាហកម្មធុនធ្ងន់នៅកម្ពុជា ស្របតាមផែនទីបង្ហាញផ្លូវអភិវឌ្ឍវិស័យយានយន្ត និងអេឡិចត្រូនិច នៅកម្ពុជា ដែលរាជរដ្ឋាភិបាលបានដាក់ចេញនាពេលកន្លងមក។

លោកបានបន្តថា នៅក្នុងរយៈពេលប៉ុន្មានឆ្នាំចុងក្រោយនេះ កំណើននៃការប្រើប្រាស់យានយន្តនៅកម្ពុជាមានការកើនឡើងគួរឱ្យកត់សម្គាល់ ជាពិសេសប្រភេទយាយន្តថ្មីៗ រួមទាំងយានយន្តដើរដោយម៉ាស៊ីនចំហេះក្នុង (ICE) ប្រើប្រាស់ថាមពលហ្វូស៊ីល និងយានយន្តអគ្គិសនី (EV) ប្រើប្រាស់ថាមពលស្អាតផងដែរ៕

អត្ថបទ៖សំអឿន

The post កម្ពុជា មានរោងចក្រធុនធំជាង ២ពាន់រោងចក្រមានទុនវិនិយោគជិត ២ម៉ឺនលានដុល្លារ appeared first on Kampuchea Thmey Daily.

ថ្លែងប្រាប់កម្ពុជាថ្មី លោក ហេង សុខគង់ បានឱ្យដឹងថា មានកត្តាសំខាន់មួយចំនួនដែលទាក់ទាញវិនិយោគិនចិន និងក្រុមហ៊ុនអាមេរិកនៅចិនឱ្យចូលមកវិនិយោគនៅកម្ពុជា។ លោកបានថ្លែងបន្តថា «ថ្មីៗនេះ ខ្ញុំទើបបានជួប​ប្រធានសភាពាណិជ្ជកម្មអាមេរិកប្រចាំនៅចិនភាគខាងត្បូង បានលើកឡើងថា វិនិយោគិនអាមេរិក នៅចិនមួយ​ចំនួនកំពុងស្វែងរកទីតាំងវិនិយោគនៅអាស៊ីអាគ្នេយ៍ ដែលក្នុងនោះកម្ពុជា គឺជាជម្រើសមួយដ៏ល្អ សម្រាប់​បណ្តាក្រុមហ៊ុនអាមេរិកនៅប្រទេសចិន នឹងជ្រើសរើសចូលមកវិនិយោគនៅឆ្នាំ ២០២៤-២០២៥»។

មន្រ្តីជាន់ខ្ពស់ក្រសួងឧស្សាហកម្ម បានគូសបញ្ជាក់ទៀតថា ក្រោមការដឹកនាំរបស់រាជរដ្ឋាភិបាលថ្មី មានសម្តេច ហ៊ុន ម៉ាណែត ជានាយករដ្ឋមន្រ្តី បានបង្កើតយន្តការជាចរន្តដើរទៅមុខលឿន ដោយមានកិច្ចសហការទាំងមន្រ្តីចាស់ និងថ្មី បង្កើនផលិតភាពការងារប្រកបដោយគុណាធិបតេយ្យ និងតម្លាភាព។ កត្តានេះ នឹងធ្វើឱ្យកម្ពុជា ទាក់ទាញបាន​វិនិយោគិនបន្ថែមទៀត តាមរយៈការចុះបញ្ជីតាមប្រព័ន្ធអនឡាញ នឹងជួយសម្រួលដល់ធុរកិច្ច។

លើសពីនេះទៀត កត្តាគោលនយោបាយ សុខសន្តិភាពរបស់រាជរដ្ឋាភិបាល ចាប់តាំងពីយុទ្ធសាស្ត្រចតុកោណ រហូតដល់បញ្ចកោណដំណាក់កាលទី១នេះ ជាយុទ្ធសាស្រ្តដែលមានការទាក់ទាញវិនិយោគិន បួករួមទាំង​ច្បាប់វិនិយោគថ្មីរបស់កម្ពុជា ដែលមានការទាក់ទាញខ្លាំង។

ទាក់ទិននឹងទីតាំងភូមិសាស្រ្ត កម្ពុជា ស្ថិតនៅចំកណ្តាលអាស៊ាន។ ដូច្នេះហើយ កម្ពុជា បានដើរតួនាទីសំខាន់ ក្នុងការប្រែក្លាយខ្លួនទៅជាមជ្ឈមណ្ឌលភស្តុភារកម្ម សម្រាប់អាស៊ានទាំងមូល។ លើសពីនេះទៀត គម្រោង​ព្រែកជីកហ្វូណន គឺមានសារសំខាន់ក្នុងការជំរុញលើកកម្ពស់ ការតភ្ជាប់វិស័យភស្តុភារកម្មរវាងកម្ពុជា និងអន្តរជាតិផងដែរ។

ជាមួយគ្នានេះ កត្តាហេដ្ឋារចនាសម្ព័ន្ធ ទាំងផ្លូវទឹក ផ្លូវគោក ផ្លូវដែក និងផ្លូងអាកាស បានរៀបចំល្អប្រសើរ ជាពិសេស​ការរៀបចំប្រព័ន្ធទឹកភ្លើង មានភាពល្អ និងតម្លៃសមរម្យ។ ដោយឡែកកម្លាំងពលកម្មជំនាញ ដែលរដ្ឋាភិបាល បានរៀប​ចំបណ្តុះបណ្តាល ១លាន ៥សែននាក់ ក៏ជាកត្តាសំខាន់ទាក់ទាញវិនិយោគបរទេសផងដែរ។ នេះជាការ​បន្ថែម​របស់លោក ហេង សុខគង់។

អ្នកនាំពាក្យរូបនេះ មានសុទិដ្ឋិនិយមថា វិនិយោគិនបរទេស អាចនឹងមកបណ្តាក់ទុនលើវិស័យអទិភាព ដូចជា វិស័យកម្មន្តសាល វិស័យឧស្សាហកម្មវាយនភណ្ឌ មិនមែនកាត់ដេរ និងឧស្សាហកម្មបច្ចេកវិទ្យា ជាដើម។ ក្រៅពីនេះ ក៏អាចមានការបណ្តាក់ទុនលើផ្នែកភស្តុភារកម្ម​ ទេសចរណ៍ ឧស្សាហកម្មយានយន្ត និងរថយន្តអគ្គិសនី ផងដែរ៕

The post អ្នកនាំពាក្យអះអាងថា វិនិយោគិនចិន និងក្រុមហ៊ុនអាមេរិក​នៅចិន នឹងចូលមកវិនិយោគនៅកម្ពុជាឆាប់ៗនេះ appeared first on Kampuchea Thmey Daily.

លោក ហេង សុខគង់ បានថ្លែងប្រាប់កម្ពុជាថ្មីថា នាពេលថ្មីៗនេះ សកលវិទ្យាល័យ ហានយ៉ាង ល្បីល្បាញផ្នែក​បណ្តុះបណ្តាលផលិតបន្ទះឈីប បានចុះពិនិត្យផ្ទាល់គ្រោងង្កើតរោងចក្រផលិតសម្រាប់ផ្គត់ផ្គង់​ឱ្យទៅក្រុមហ៊ុនសាំស៊ុង​របស់ប្រទេសកូរ៉េ។ បើតាមលោក សុខគង់ សកលវិទ្យាល័យនេះ បានមកនៅកម្ពុជា និងបានសិក្សាលទ្ធភាពត្រៀម​ក្នុងការចុះអនុស្សារណៈ​នៃការយោគយល់​គ្នា​ MOU ជាមួយក្រសួងឧស្សាហកម្ម វិទ្យាសាស្ដ្រ បច្ចេកវិទ្យា និងនវានុវត្តន៍។

លោក បានបន្តទៀតថា« ឥឡូវសេចក្តីព្រៀង MOU នេះ ​យើងបានរៀបចំរួចរាល់ហើយ នឹងត្រៀមចុះក្នុងពេលឆាប់ៗ​ខាងមុខនេះ»។

អ្នកនាំពាក្យក្រសួងឧស្សាហកម្ម បានបន្ថែមថា គោលបំណងនៃការចុះ MOU នេះ ក្រៅពីការបណ្តុះបណ្តាលធន​ធាន​មនុស្ស ទៅលើលទ្ធភាព និងបច្ចេកវិទ្យានៃការផលិតបន្ទះឈីប សកលវិទ្យាល័យ ហានយ៉ាង ក៏កំពុងមានផែនការ​ស្វែងរក​ដៃគូដទៃទៀត បង្កើតរោងចក្រផលិតឈីប ដើម្បីផ្គត់ផ្គង់ឱ្យក្រុមហ៊ុនសាំស៊ុង និងក្រុមហ៊ុនផ្សេងៗទៀត នៅប្រទេសកូរ៉េខាង​ត្បូងផងដែរ។

បើតាមលោក ហេង សុខគង់ កម្ពុជា ស្វាគមន៍រាល់វិនិយោគទាំងអស់ ដែលមានគម្រោងចង់មកបណ្តាក់ទុននៅកម្ពុជា ក្នុងគោលដៅជំរុញចក្ខុវិស័យ កម្ពុជាប្រែក្លាយទៅជាប្រទេសចំណូលមធ្យមកម្រិតខ្ពស់ ក្នុងឆ្នាំ២០៣០ និងជា​ប្រទេស​ដែលមានចំណូលខ្ពស់ ក្នុងឆ្នាំ២០៥០។

សូមបញ្ជាក់ថា គិតត្រឹមចុងខែ កក្កដា ឆ្នាំ ២០២៣ មានរោងចក្របង្កើតថ្មីតាមរយៈក្រសួងឧស្សាហកម្មចំនួន ៩៨ រោងចក្រ ដោយមានទុនវិនិយោគប្រមាណ ៣០១លានដុល្លារអាមេរិក។

ដោយឡែកតម្លៃបរិមាណផលិតផលដែលក្រសួងឧស្សាហកម្មទទួលបាន គិតត្រឹមខែមិថុនា មានចំនួន ៧៣១៥លានដុល្លា​រអាមេរិក ក្នុងនោះ ការនាំចេញមានចំនួនជាង ៥ពាន់លានដុល្លារ និងសម្រាប់លក់​ក្នុងស្រុកមានចំនួនជិត ២ពាន់លាន​ដុល្លារ។ នេះបើតាមការបញ្ជាក់របស់លោក ហេង សុខគង់៕

The post ចិន កូរ៉េ ឥណ្ឌា កំពុងសិក្សាបង្កើតរោងចក្រ​ផលិតបន្ទះឈីប នៅកម្ពុជា appeared first on Kampuchea Thmey Daily.

ដោយឡែកតម្លៃបរិមានផលិតផលដែលក្រសួងឧស្សាហកម្មទទួលបាន គិតត្រឹមខែមិថុនា មានចំនួន ៧៣១៥​លានដុល្លារអាមេរិក ក្នុងនោះ ការនាំចេញមានចំនួនជាង ៥ពាន់លានដុល្លារ និងសម្រាប់លក់ក្នុងស្រុកមានចំនួនជិត ២ពាន់លានដុល្លារ។ នេះជាការបញ្ជាក់របស់លោក ហេង សុខគង់។

បើតាមលោក ហេង សុខគង់ មកទល់ពេលនេះ មានក្រុមហ៊ុនជាច្រើន កំពុងសិក្សាបង្កើតរោងចក្រផលិតបន្ទះ​ឈីបនៅកម្ពុជា។ ក្រុមហ៊ុនទាំងនោះ មានមកពីប្រទេសកូរ៉េ ចិន និងឥណ្ឌា ជាដើម៕

The post លោក ហេង សុខគង់ ៖ ៧ខែ ឆ្នាំនេះ មានរោងចក្របង្កើតថ្មី ៩៨ លើទុនវិនិយោគជាង ៣០០លានដុល្លារ appeared first on Kampuchea Thmey Daily.

លោក ហេង សុខគង់ រដ្ឋលេខាធិការ និងជាអ្នកនាំពាក្យក្រសួងឧស្សាហកម្ម វិទ្យាសាស្ដ្រ បច្ចេកវិទ្យា និងនវានុវត្តន៍ បានបញ្ជាក់ថា វិស័យឧស្សាហកម្ម ត្រូវការជាចាំបាច់ក្នុងកិច្ចសហការគ្នា តាមរយៈការបញ្ជ្រាបប្រព័ន្ធបច្ចេកវិទ្យា​ទៅក្នុងបណ្តារោងចក្រទាំងអស់ ដើម្បីបង្កើនផលិតភាពការងារ។ លោកថ្លែងបន្តដូច្នេះថា«បើយើងប្រើដៃសុទ្ធ ឧទាហរណ៍ថា មួយថ្ងៃយើងដេរអាវបាន ១០ឬ ១៥អាវ… តែនៅពេលដែលយើងប្រើបច្ចេកវិទ្យា វាអាចឈានដល់ ២០ទៅ ៣០អាវ ដូច្នេះវាជួយបង្កើនផលិតភាពបានច្រើន»។

បើតាមលោក ហេង សុខគង់ រាជរដ្ឋាភិបាល មានផែនការចក្ខុវិស័យច្បាស់លាស់ នៅក្នុងការជំរុញវិស័យ​បច្ចេក​វិទ្យានៅកម្ពុជា។ យើងបានរៀបចំគោនយោបាយសម្រាប់អភិវឌ្ឍវិស័យបច្ចេកវិទ្យាឆ្នាំ ២០២៣-២០៣០ តាមរយៈ​ផែនទីបង្ហាញផ្លូវសម្រាប់វិស័យបច្ចេកវិទ្យា នវានុវត្តន៍ និងគោលនយោបាយផ្សេងៗទៀត លើវិស័យសង្គមឌីជីថលកម្ពុជា ដែលទាំងនេះ គឺជាភាពទាក់ទាញបណ្តាវិនិយោគិនឱ្យមើលឃើញពីលក្ខណៈរបស់កម្ពុជា។

លើសពីនេះទៀត លោក ហេង សុខគង់ បានលើកឡើងថា កម្ពុជា បានចុះ MOU កិច្ចព្រមព្រៀង​ពាណិជ្ជកម្ម​សេរី​រ FTA ជាមួយបណ្តាប្រទេសសំខាន់ៗមួយចំនួនទៀត ដូចជា ប្រទេសចិន កូរ៉េខាងត្បូង និងទៅអនាគតជាមួយប្រទេស​អារ៉ាប់ និងជប៉ុន ជាដើម ខណៈដែលកិច្ចព្រមព្រៀងភាពជាដៃគូសេដ្ឋកិច្ចគ្រប់ជ្រុងជ្រោយតំបន់ (អាសិប-RCEP) ជាអនុស្សរណៈដ៏ធំជាងគេនៅលើពិភពលោក កម្ពុជាបានចុះរួចហើយ។

មន្រ្តីជាន់ខ្ពស់ក្រសួងឧស្សាហកម្ម បានគូសបញ្ជាក់ថា ការខិតខំប្រឹងប្រែងរបស់រាជរដ្ឋាភិបាល ពង្រឹងទៅលើកិច្ចការ​ទាំងអស់នេះ ដើម្បីបង្ហាញទៅវិនិយោគិនបរទេសអំពីការអភិវឌ្ឍដ៏ខ្លាំងក្លាទៅលើបច្ចេកវិទ្យា ដែលជាផ្នែក​មួយទាក់​ទាញ​អ្នកវិនិយោគ។

​​ជាងនេះទៀត កម្ពុជា លើកទឹកចិត្តដល់ក្រុមហ៊ុន ដែលវិនិយោគទៅលើផ្នែកបច្ចេកវិទ្យានេះផងដែរ។ ទន្ទឹមគ្នានេះ  ស្របជា​មួយផែនទីបង្ហាញផ្លូវឆ្នាំ ២០២៣-២០៣០ តាមផែនការរាជរដ្ឋាភិបាល នឹងជំរុញបង្កើតសួនតំបន់​វិទ្យាសាស្រ្ត បច្ចេកវិទ្យា និងនវានុវត្តន៍ ដូចបណ្តាប្រទេសធំៗមួយចំនួន ដែលផែនការនេះ បាននិងកំពុងចាប់ផ្តើមហើយ និងមានប្រទេសមួយចំនួនកំពុងចែចង់ មានដូចជា ចិន ឥណ្ឌា និងកូរ៉េ បានត្រៀមខ្លួនសហការជាមួយកម្ពុជា។

លោក ហេង សុខគង់ បានសង្កត់ធ្ងន់ថា ផែនការនេះ នឹងរួមចំណែក​​ក្នុងកំណើនសេដ្ឋកិច្ចជាតិយ៉ាងសំខាន់ ដែលជាបរិបទថ្មីនៃការវិវត្តន៍ទៅលើផ្នែកវិទ្យាសាស្រ្ត និងបច្ចេកវិទ្យាកម្ពុជា៕

The post ក្រសួងឧស្សាហកម្ម នឹងបញ្ជ្រាបបច្ចេកវិទ្យា​ចូលក្នុងវិស័យកាត់ដេរ ដើម្បីជំរុញកំណើនផលិតភាព appeared first on Kampuchea Thmey Daily.

លោកបានលើកឡើងថា ការកើនឡើងនេះ ដោយសាររាជរដ្ឋាភិបាលកម្ពុជា បានបង្កើតនូវលិខិតបទដ្ឋានគតិ​យុត្តជា​បន្តបន្ទាប់ នៅក្នុងគោលដៅជំរុញ និងលើកកម្ពស់វិស័យធុរកិច្ចនៅកម្ពុជា ជាពិសេសទាក់ទាញវិនិយោគិន​ឱ្យកាន់​តែប្រសើរ។

បើតាមលោក ហេង សុខគង់ បញ្ជាក់ថា ច្បាប់វិនិយោគថ្មី បានទាក់ទាញវិនិយោគិនយ៉ាងច្រើនឱ្យចូលមកដាក់​ទុនវិនិយោគ​នៅកម្ពុជា ក្រោយពីច្បាប់នេះចេញជាស្ថាពរ។ មន្រ្តីជាន់ខ្ពស់ក្រសួងឧស្សាហកម្ម បានបន្ថែមដូច្នេះថា« នៅក្រោយបោះឆ្នោត នឹងមានបណ្តាក្រុមវិនិយោគិនថ្មីៗ មកបោះទុនរកស៊ីនៅកម្ពុជាបន្ថែមទៀត ជាពិសេសវិស័យ Non Garment ដូចជា បច្ចេកវិទ្យា វិនិយោគលើធនធានរ៉ែ កម្មន្តសាល និងបង្កើតរោងចក្រផលិតឈីប ជាដើម»។

​លោក សុខគង់ បានសង្កត់ធ្ងន់ថា បច្ចុប្បន្ននេះកម្ពុជា ចិន មានទំនាក់ល្អទាំងសេដ្ឋកិច្ច ពាណិជ្ជកម្ម និងនយោបាយ។ លោកថ្លែងបែបនេះថា« បើគិតទៅវិនិយោគិនចិនមកបណ្តាក់ទុនលេខ១នៅកម្ពុជាយើង រយៈពេលចុងក្រោយនេះ ពោលគឺប្រជែងជាមួយជប៉ុន និងកូរ៉េខាងត្បូង»។

ទោះយ៉ាងណាលោកថា កម្ពុជា ស្វាគមន៍រាល់អ្នកវិនិយោគទាំងអស់ ដែលមានបំណងចូលមកបណ្តាក់ទុននៅកម្ពុជា ក្នុងគោលបំណងប្រែក្លាយចក្ខុវិស័យប្រទេសដែលមានចំណូលមធ្យមកម្រិតខ្ពស់នៅឆ្នាំ ២០៣០ និងចំណូលខ្ពស់ នៅឆ្នាំ ២០៥០ខាងមុខ។

ជាមួយនឹងកំណើននេះ ធនាគារជាតិ ក៏បានព្យាករថា នៅឆ្នាំ២០២៣ សេដ្ឋកិច្ចកម្ពុជា នឹងមានកំណើន ៥,៥% ជាមួយនឹងកម្រិតអតិផរណាទាបប្រមាណ ២%៕

​

The post មន្រ្តីជាន់ខ្ពស់រំពឹងវិស័យឧស្សាហកម្មកើនឡើងជិត ៤០%ក្នុងឆ្នាំ ២០២៣ appeared first on Kampuchea Thmey Daily.