លោក ហ៊ុយ យ៉ាងឡេង បានរៀបរាប់ថា បច្ចុប្បន្ននេះចំណូលពីការលក់សំបុត្រពីភាពយន្តខ្មែររឿងល្បីផ្ទុះទស្សនិកជនគាំទ្រអាចរកបាន ១លានដុល្លារហើយដល់ពេលហើយសម្តេចពុកលោកឱ្យពួកយើងប្រឹងធ្វើភាពយន្តសម្រាប់ប្រជាជនយើងបងប្អូនដែលស្នេហាភាពយន្តជួយស៊ែរទៅដល់អ្នកវិនិយោគយើងអ្នកឧកញ៉ា, លោកឧញ៉ា, បានឃើញផង។

លោក ហ៊ុយ យ៉ាឡេង បានបន្តថា លោកចង់ឃើញឧកញ៉ា ចេញមុខជួយគាំទ្រភាពយន្តខ្មែរបោះទុនម្នាក់ ១លានម្នាក់ ១លានដុល្លារ ដោយជឿថាភាពយន្តខ្មែរនឹងដើរទៅមុខលឿនមិនចាញ់បរទេសឡើយ។ លោកថា “ហ៊ានធានាជូនអ្នកឧកញ៉ា បងឧកញ៉ាថា វិនិយោគភាពយន្តពេលនេះមិនខាតឡើយ”។

ផលិតករខ្មែររូបនេះបន្ថែមថា “អ្វីដែលអ្នកវិនិយោគទទួលបានលើសពីប្រាក់ចំណេញគឺបងៗ និងទទួលបានកេរ្តិ៍ឈ្មោះនិងកិត្តិយសជូនជាតិតកូនតចៅសូមជួយ ស៊ែរឱ្យមានព្រឹត្តិការណ៍ជួយភាពយន្តខ្មែរនេះកើតឡើងផង”។

គួររម្លឹកថាលោក ហ៊ុយ យ៉ាឡេងជារឿយៗក៏តែងបង្ហាញឆន្ទ:មិនបោះបង់ចោលក្តីស្រមៃរបស់ខ្លួនក្នុងការនាំភាពយន្តខ្មែរទៅកាន់ឆាកអន្តរជាតិក៏ដូចជាការកៀគរផលិតករឬក្រុមហ៊ុនបរទេសចូលមកស ហការផលិតនិងថតភាពយន្តនៅក្នុងស្រុកផងដែរ៕ ចាន់រ៉ា

The post ហ៊ុយ យ៉ាឡេង កៀរគរឧកញ៉ាសហការជាមួយផលិតករ បោះទុនផលិតកុនមានគុណភាពបំពេញទីផ្សារក្នុងស្រុក appeared first on Kampuchea Thmey Daily.

ផលិតកររូបនេះ បានលើកឡើងថា កិច្ចប្រជុំពីភាពយន្តច្រើនឆ្នាំហើយ គឺដោះមិនចេញទើបតែលើកនេះដំណោះស្រាយត្រូវបានដោះចេញស្របពេលរដ្ឋបិទការបញ្ចាំងរឿងសៀម។

ផលិតកររឿងដើម្បីកូនលោក ហ៊ុយ យ៉ាឡេង បានបន្តទៀតថា លោកនឹងបន្តការតស៊ូរទៅមុខទៀតព្រោះយើងដើម្បីភាពយន្តខ្មែរ ។ ត្រង់នេះជាចំណុចមួយដែលទស្សនិកជនបង្ហាញការលើកទឹកចិត្ត និងគាំទ្រនូវឆន្ទ:របស់ផលិតករលោក ហ៊ុយ យ៉ាឡេង ឱ្យបន្តការផលិតភាពយន្តរបស់ខ្មែរជាមួយគុណភាព។

ជាការពិតលោក ហ៊ុយ យ៉ាឡេង ផលិករភាពយន្តនិងជាអ្នកដឹកនាំសម្តែងកត់សម្គាល់កន្លងមក លោកតែងលេចមុខខ្នះខ្នែង ក្នុងការចូលរួមលើកស្ទួយវិស័យភាពខ្មែរ តាមរយ:ការផលិតនិងផ្សព្វផ្សាយទៅកាន់ឆាកអន្តរជាតិជាដើម។

លើសពីនេះ លោក ហ៊ុយ យ៉ាឡេង ជារឿយៗក៏តែងបង្ហាញឆន្ទ:មិនបោះបង់ចោលក្តីស្រមៃរបស់ខ្លួន ក្នុងការនាំភាពយន្តខ្មែរទៅកាន់ឆាកអន្តរជាតិ ក៏ដូចជាកាគៀងគរផលិតករ ឬក្រុមហ៊ុនបរទេសចូលមកសហការផលិត និងថតភាពយន្តនៅក្នុងស្រុកផងដែរ៕ ចាន់រ៉ា

The post កថាជ័យ បង្ហាញឆន្ទៈក្នុងការផលិតភាពយន្ត ក្រោយជួបប្រជុំអំពីការពង្រឹងគុណភាពវិស័យភាពយន្តរបស់ជាតិ appeared first on Kampuchea Thmey Daily.

កន្លងមក ផលិតកររូបនេះតែងប្រកាសលក់ទ្រព្យរបស់ខ្លួនដើម្បីផលិតកុន ខុសប្លែកតែលើកនេះ លោកប្រកាសលក់ក្រលៀនខ្លួនឯងដើម្បីផលិតកុន។ អ្នកដឹកនាំរឿង “ដើម្បីកូន” លោក ហ៊ុយ យ៉ាឡេង បានបញ្ជាក់ថា ជីវិតលោកបើមិនបានផលិតភាពយន្ត គឺស្មើនឹងស្លាប់ ដូច្នេះទើបលោកប្រកាសលក់ក្រលៀនមួយចំហៀង ដើម្បីបានថវិការថតភាពយន្ត ខណៈត្រូវការទុនដល់ទៅ ៦ម៉ឺនដុល្លារ ដើម្បីថតភាពយន្តរឿង “ព្រះរស់” ជាសាច់រឿងដែលនិយាយពីគុណរបស់មាតាបិតា។

តាមរយៈសំណេរលើគណនីហ្វេសប៊ុកផ្ទាល់ខ្លួន លោក ហ៊ុយ យ៉ាឡេង បានរៀបរាប់ថា “ខ្ញុំអស់អ្វីលក់ហើយ សង្ឃឹមបងប្អូនជួយម្នាក់បន្តិចៗ ដើម្បីឱ្យខ្ញុំបាទបានថវិការថតហើយខ្ញុំនឹងបរិច្ចាគក្រលៀនមួយចំហៀងទៅបងប្អូនដែលខ្វះខាតហើយត្រូវការ សង្ឃឹមបងប្អូនដែលបានទស្សនាភាពយន្តរបស់ខ្ញុំទាំងអស់ជួយខ្ញុំហើយខ្ញុំនឹងសងគុណទៅបងប្អូនដែលជួយខ្ញុំវិញដោយទស្សនាភាពយន្តរបស់ខ្ញុំដោយមិនគិតថ្លៃពេញមួយជីវិត”។

ផលិតកររូបនេះបន្តថា លោកសន្យានឹងខំប្រឹងផលិតភាពយន្តខ្មែរ ដើម្បីផ្សព្វផ្សាយទៅក្រៅប្រទេស ខណៈពេលនេះលោកកំពុងធ្វើការជាមួយមិត្តចិន ដើម្បីយកភាពយន្តរឿង “ដើម្បីកូន” ចាក់ផ្សាយនៅទូរទស្សន៍ចិន CCTC6 ដោយសង្ឃឹមថានឹងបានជោគជ័យ និងសង្ឃឹមថាមហាជនជួយតាមលទ្ធភាពដើម្បីជួយផលិតភាពយន្តរឿង “ព្រះរស់”។

ជុំវិញការប្រកាសនេះ ធ្វើឱ្យសាធារណជន រួមទាំងអ្នកផលិតមាតិកាមួយចំនួន បង្ហាញការមិនពេញចិត្តនឹងទង្វើនេះផងដែរ ដោយយល់ថា ជាទម្លាប់ដដែលៗដែលផលិតកររូបនេះធ្វើក្នុងន័យផ្សព្វផ្សាយកុនរបស់ខ្លួនប៉ុណ្ណោះ។

សូមបញ្ជាក់ថាផលិតករភាពយន្តខ្មែរ លោកហ៊ុយ យ៉ាឡេង ថ្វីដ្បិតកន្លងទៅ លោកត្រូវខាតបង់អស់ទ្រព្យពីខ្លួនក្នុងការផលិតរឿងក៏ពិតមែន ប៉ុន្តែលោកនៅក្សាជំហរ និងឆន្ទ:សម្រាប់លើកស្ទួយវិស័យសិល្ប:របស់ខ្មែរ ដើម្បីផ្សព្វផ្សាយទៅកាន់ពិភពលោក។ ជាឆន្ទ:របស់លោក ហ៊ុយ យ៉ាឡេង ក៏បានធ្វើកាសន្យាដោយខិតខំប្រឹងឱ្យអស់លទ្ធភាព ដើម្បីចូលរួមការពារថែរក្សាលើកតម្កើងសិល្បៈទៅកាន់ពិភពលោក៕ ចាន់រ៉ា

The post ខ្វះទុនផលិតកុន! ហ៊ុយ យ៉ាឡេង ប្រកាសលក់ក្រលៀនមួយចំហៀង តែមតិភាគច្រើនមិនពេញចិត្តនឹងទង្វើនេះ appeared first on Kampuchea Thmey Daily.

ជាការពិតមិនខុសគ្នាពីសិល្បករសិល្បការិនីឯទៀតនោះទេ លោក ហ៊ុយ យ៉ាឡេង ដែលជាផលិតករល្បី ឈ្មោះកាលពីថ្មីៗនេះបានបង្ហាញវត្តមានក្នុងការចូល រួមបរិច្ចាគឈាមដើម្បីជួយដល់អ្នកដែលខ្វះខាតនិងកំពុងត្រូវការឈាមចាំបាច់សម្រាប់សង្គ្រោះជីវិតផងដែរ។

អំឡុងពេលនោះដែរលោក ហ៊ុយ យ៉ាឡេង បានរៀបរាប់ពីអត្ថប្រយោជន៍នៃការបរិច្ចាគឈាមដូច្នេះថាការផ្តល់ឈាមគឺ ១. កាត់បន្ថយការដាច់សរសៃឈាមខួរក្បាល។
២. កាត់បន្ថយកូលេស្តេរ៉ុល(ខ្លាញ់) និងភាពតានតឹងក្នុងចិត្ត។
៣. កាត់បន្ថយជំងឺមហារីកជួយឱ្យស្បែកស្រស់ថ្លា។
៤.កាត់បន្ថយការឡើងទម្ងន់ និងជួយឱ្យប្រសើរឡើងនៅជំងឺបេះដូង
៥.កាត់បន្ថយកំហាប់ឈាម និងលើសជាតិដែកធ្វើឱ្យប៉ះពាល់ថ្លើមនិងលំពែង។

ផលិតករភាពយន្តលោក ហ៊ុយ យ៉ាឡេង បាននិយាយទៀតថា ប្រសិនអ្វីបន្ថែមលើសពីនេះអាចចូលរួមផ្តល់ជាមតិ ដើម្បីជាសារបំផុសដល់មហាជន។ ទង្វើនេះត្រូវបានទស្សនិកជន និងអ្នកប្រើប្រាស់បណ្តាញសង្គមហ្វេសប៊ុកចាត់ទុកថា ជាសកម្មភាពមនុស្សធម៌ដ៏គំរូល្អមួយក្នុងការងារចូលរួមចំណែកជួយដល់សង្គម។

គួរបញ្ជាក់ដែរថាលោក ហ៊ុយ យ៉ាឡេង ជាផលិករភាពយន្តនិងជាអ្នកដឹកនាំសម្តែងដោយកត់សម្គាល់កន្លងមក លោកតែងលេចមុខខ្នះខ្នែងក្នុងការចូលរួមលើកស្ទួយវិស័យភាពខ្មែរ តាមរយ:ការផលិតនិងផ្សព្វផ្សាយទៅកាន់ឆាកអន្តរជាតិជាដើម។ ជារឿយៗ លោកក៏តែងបង្ហាញឆន្ទ:មិនបោះបង់ចោលក្តីស្រមៃរបស់ខ្លួនក្នុងការនាំភាពយន្តខ្មែរទៅកាន់ឆាកអន្តរជាតិក៏ដូចជាការគៀងគរផលិតករ ឬក្រុមហ៊ុនបរទេសចូលមកសហការផលិត និងថតភាពយន្តនៅក្នុងស្រុកទៀតផង៕ អត្ថបទ៖ ចាន់រ៉ា

The post លោក ហ៊ុយ យ៉ាឡេង ចាត់ទុកការផ្តល់ឈាម ជាអត្ថប្រយោជន៍អាចសង្គ្រោះជីវិតទាំងអ្នកជំងឺ និងខ្លួនឯង appeared first on Kampuchea Thmey Daily.

ការចេញមុខពីសំណាក់ផលិតករនិងជាអ្នកដឹកនាំសម្តែងរឿង”ដើម្បីកូន”លោក ហ៊ុយ យ៉ាឡេង នាពេលនេះ គឺធ្វើឡើងដោយសង្កេតឃើញថា មួយរយ:ពេលចុងក្រោយនេះ មានបុគ្គលមួយចំនួនតូច បានចេញមុខអះអាងថាជាអ្នកស្នងបារមីដូនតាឬចាប់ជាតិផងដែរ។ ទង្វើនេះត្រូវបានមហាជនយល់ថាជារឿងប៉ះពាល់ដ៏ធ្ងន់ធ្ងរនិងជាការបំពុងសង្គម។

ផលិតករភាពយន្តលោក ហ៊ុយ យ៉ាឡេង ក៏បានលើកឡើងតាមរយ:ការអំពាវនាវថា “ល្មមបញ្ឈប់ទៅកុំយកដូនតាមកលែងសើចចាប់ជាតិអីនោះ កម្មពារធ្លាក់នរកមិនចាំជាតិក្រោយទេ” ។ ការលើកឡើងរបស់ផលិតករលោក ហ៊ុយ យ៉ាងឡេង បានធ្វើឱ្យមហាជនបង្ហាញការគាំទ្រនឹងស្នើឲ្យបុគ្គលទាំងនោះបញ្ឈប់សកម្ម ភាពបំភ័ន្តមហាជនទៀតទៅ។

គួរកត់សម្គាល់ថា ថ្មីៗនេះបានផ្ទុះនូវរឿងរ៉ាវដ៏ហួសចិត្ត ក្រោយឃើញមានបុគ្គលមួយចំនួនតូច បានចេញមុខដោយខ្លះអះអាងខ្លួនថា ជាវីរ:សិល្បករល្បីឈ្មោះចាប់ជាតិ រីឯខ្លះទៀតក៏បានតាំងខ្លួនថាជាអ្នកស្នងបារមីមហាបុព្វបុរសខ្មែរ ឬដូនតាខ្មែរទៀតផង។ ខណ:មហាជនបានរិះគន់និងថ្កោលទោស ថាជាទង្វើបំពុលសង្គមដ៏អគតិនិងថោកទាបបំផុត៕ អត្ថបទ៖ ចាន់រ៉ា

The post លោក ហ៊ុយ យ៉ាងឡេង ស្នើឱ្យបញ្ឈប់ទង្វើយកឈ្មោះដូនតាមកលេងសើច ឬអះអាងថាចាប់ជាតិ appeared first on Kampuchea Thmey Daily.

ចំណុចដែលចម្បងនៅក្នុងសាច់រឿង “អ្នកចំបាំងអណ្តាតភ្លើង” ត្រូវបានលោក ហ៊ុយ យ៉ាឡេង រៀបរាប់ខ្លឹមសារថា ជាភាពយន្តធំរបស់ហុងកុងហើយដែលផលិតនិងសម្តែងដោយបងធំ លី តៅហួ ផ្ទាល់តែម្តងហើយដែលជាទំនងមួយទៀតនោះគឺ គាត់ក៏ស្ថិតក្នុងក្រុមអ្នកដឹកនាំផងដែរដោយគាត់ផ្តល់ឱកាសឱ្យអ្នកថតដែលមានបទពិសោធយូរមកគ្រងតំណែងដឹកនាំរឿងហើយគាត់នៅពីក្រោយ។

ផលិតករភាពយន្តខ្មែររូបនេះ បន្តថា រឿង”អ្នកចំបាំងអណ្តាតភ្លើង”នេះ ជាភាពយន្តជាតិនិយមមួយ ដែលនិយាយអំពីរដ្ឋាភិបាលហុងកុងតែម្តងដែលត្រូវដោះស្រាយបញ្ហាឆេះតំបន់អេតចាយមួយ ហើយទៅជាធ្លាយវិទ្យុសកម្មវិញ ខណៈក្រុមអគ្គិភ័យដើរតួឈានមុខក្នុងកិច្ចការនេះ បងធំ លី តៅហួ ដើរតួជាក្រុមប្រឹក្សា និងរាជរដ្ឋាភិបាលត្រូវដោះស្រាយយ៉ាងណាកុំឱ្យវិទ្យុសកម្មសាយភាយនិងធ្វើឱ្យលឿនកុំឱ្យប្រជាជនដឹង។

លោក ហ៊ុយ យ៉ាងឡេង បានសង្កត់ធ្ងន់ថា “ភាពយន្តនេះ បានធ្វើឱ្យខ្ញុំទឹកភ្នែក នៅពេលដែលវីរបុរសអគ្គិភ័យត្រូវពលីជីវិតដើម្បីដោះស្រាយបញ្ហានេះ។ នេះបញ្ជាក់ថា ដរាបណាជាតិមានបញ្ហា ហើយជាតិមានវីរបុរសក្លាហាននោះ យើងនឹងឈ្នះ”។

លោកបញ្ជាក់ទៀតតថា ភាពយន្តបានឆ្លុះបញ្ចាំងថា ពិភពលោកនេះមិនមែនសម្រាប់ពួកអ្នកមានផ្តាច់មុខ ដែលចង់ក្រឡុកផែនដីដោយទឹកលុយនោះឡើយ ហើយភាពយន្តនេះ ក៏ចង់បង្ហាញពីប្រជាជនហុងកុងដែលមានបញ្ញាចេះដឹងមិនចលាចល់នៅពេលប្រទេសមានគ្រាអាសន្នដែរ គឺពួកគាត់ចូលរួមសហការជាមួយរដ្ឋាភិបាលដែលជាចំណុចមួយជួយឱ្យរដ្ឋដោះបញ្ហាបានជោគជ័យផងដែរ។

ផលិតករភាពយន្ត “រឿងដើម្បីកូន “លោក ហ៊ុយ យ៉ាឡេង បាននិយាយបន្ថែមថា ភាពយន្តនេះរកចំណូលបាន ៤១លានដុល្លារហើយ តែមិនទាន់មានប្រភពថាចាយអស់ប៉ុន្មានតែបើខ្ញុំស្មានក៏មិនក្រោយ៣០លានដែរ៕ អត្ថបទ៖ ចាន់រ៉ា

The post លោក ហ៊ុយ យ៉ាឡេង ស្រក់ទឹកភ្នែក ក្រោយទស្សនាភាពយន្តហុងកុងមួយសម្តែងដោយ លី តៅហួ appeared first on Kampuchea Thmey Daily.

ប្លែកលើកនេះ លោក ហ៊ុយ យ៉ាឡេង អ្នកដឹកនាំរឿងដើរតួខ្លួនឯង បានផ្តល់ឱកាសដល់តារាថ្មីសម្តែងវិញម្តង ក្នុងរឿងថ្មីរបស់លោកចំណងជើងថា “កុំស្លាប់” ខណៈភាពយន្តនេះ លោកបានគិតយូរមកហើយ ជាសាច់រឿងរៀបរាប់ពីយុវវ័យជាច្រើន ដែលតែងគិតខ្លីលេបថ្នាំសម្លាប់ខ្លួន ឬលោតទឹកជាដើម។ ជាមួយនឹងខ្សែភាពយន្តនេះដែរ លោកនឹងស្រាយចម្ងល់ថា ហេតុអ្វីយុវវ័យទាំងនោះជ្រើសរើសយកវិធីធ្វើអត្តឃាតខ្លួនឯង។

នៅពេលសួរថា តើនៅពីក្រោយរឿងនោះដោយសារអ្វី? លោកបានបញ្ជាក់ថា រឿងនេះលោកបានដកស្រង់ពីជីវិតពិតកាលលោកនៅយុវវ័យ ដោយមិត្តរបស់លោកបានលេបថ្នាំសម្លាប់ខ្លួន កាលនៅរៀនថ្នាក់ទី១២ ហើយនិងរឿងពិតរបស់លោកខ្លួនឯងផងដែរ ដែលធ្លាប់គិតខ្លី​ចង់សម្លាប់ខ្លួន ចង់លោតពីលើស្ពាន ចង់លោតចូលភ្លើងជាដើម។

លោកបន្តថា នៅពេលយើងគិតខ្លីចង់សម្លាប់ខ្លួន គឺមានស្រមោលបិសាចតាមលងបន្លាច ហើយទម្រាំលោកផ្តាច់បាន មានរឿងជាច្រើនដែលលោកបានជួប ហើយលោកបានយកបង្ហាញក្នុងរឿងនេះ ហើយនិងវិធីដោះស្រាយដើម្បីគេចចេញពីស្រមោលបិសាច។

“កុំស្លាប់” អាចចាត់ទុកជាខ្សែភាពយន្តឆ្លុះបញ្ចាំងពីរឿងរ៉ាវនៃជីវិតយុវវ័យ ចំណោទបញ្ហា និងវិធីដោះស្រាយវិបត្តិផ្លូវអារម្មណ៍ ដែលគ្រោងចាក់បញ្ចាំង នៅថ្ងៃទី ០៦ ខែធ្នូ ឆ្នាំ២០២៤ ខាងមុខនេះ៕ អត្ថបទ៖ ចាន់រ៉ា

The post ផលិតករ ហ៊ុយ យ៉ាឡេង បញ្ជាក់ថា “កុំស្លាប់” ជារឿងពិតក្រោយជួបវិបត្តិចង់សម្លាប់ខ្លួន ៣ដង appeared first on Kampuchea Thmey Daily.

លោក ហ៊ុយ យ៉ាឡេង បាន​លើក​ឡើង​ថា «ក្នុង​នាម​ជា​ជនជាតិ​តែមួយ យើង​មិន​គួរ​ដណ្ដើម​គ្នា​រស់​នោះ​ទេ យើង​ត្រូវ​ចែក​គ្នា​រស់ តាំងពី​ដើម​មក ក្រុម​ផលិតករ​បាន​ឯកភាព​គ្នា​រឿង​ខ្មែរ​រក្សា​គម្លាត​គ្នា​បញ្ចាំង ១ អាទិត្យ ១ រឿង ចូល​ថ្ងៃ​ព្រហស្បតិ៍​ហើយ ពួក​យើង​មិនដែល​បំពាន​គ្នា​ទេ តែ​អ្នក​មក​ក្រោយ ទោះ​អ្នក​មិន​បាន​ចូល​ក្នុង​ក្រុម​ផលិតករ ក៏​អ្នក​មិន​គួរ​ណា​ចង់​បំបែក​ច្បាប់​អ្នក​ចាស់​ដែល​មិន​ទាន់​បាន​ចូល​តុ​ចរចា​ដែរ»។

ផលិតករ លោក ហ៊ុយ យ៉ាឡេង បាន​និយាយ​ទៀត​ថា «ចុះ​បើ​មាន​អ្នក​ផ្សេង​ធ្វើ​ដាក់​អ្នក​វិញ តើ​អ្នក​រីករាយ​ទេ ហើយ​បើ​នាំគ្នា​ធ្វើ​ស្រេច​តែ​ចិត្ត បែក​ម៉ាំ តើ​វិស័យ​ភាពយន្ត​នឹង​ទៅ​ជា​យ៉ាងណា ពួក​យើង​ចង់​ជួប​អ្នក ហើយ​ចង់​ដឹង​ពី​ចិត្ត​អ្នក តើ​អ្នក​ចង់​ធ្វើ​បែប​ណា​លើ​វិថី​ភាពយន្ត​នេះ»។

លោក ហ៊ុយ យ៉ាឡេង បាន​បញ្ជាក់​បន្ថែម​ទៀត​ថា «យើង​មាន​នាយកដ្ឋាន​ភាពយន្ត យើង​មាន​សមាគម​ភាពយន្ត យើង​មាន​សមាគម​ផលិតករ យើង​បង្កើត​មក ដើម្បី​រក​ផ្លូវ​តែមួយ ដើម្បី​អភិវឌ្ឍន៍​ភាពយន្ត​ខ្មែរ តើ​អ្នក​ចង់​ដើរ​តែ​ម្នាក់​ឯង ដោយ​មិន​ខ្វល់​ពី​ពួក​យើង​ទាំងអស់​គ្នា ឬមួយ​យ៉ាងណា»។

គួរ​បញ្ជាក់​ថា ផលិតករ​ភាពយន្ត​ខ្មែរ លោក ហ៊ុយ យ៉ាឡេង ថ្វីត្បិត​កន្លងទៅ លោក​ត្រូវ​ខាតបង់​អស់​ទ្រព្យ​ពី​ខ្លួន​ក្នុង​ការ​ផលិត​រឿង​ក៏​ពិតមែន ប៉ុន្តែ​លោក​នៅ​រក្សា​ជំហរ និង​ឆន្ទៈ សម្រាប់​លើក​ស្ទួយ​វិស័យ​សិល្បៈ​របស់​ខ្មែរ ដើម្បី​ផ្សព្វផ្សាយ​ទៅ​កាន់​ពិភពលោក។ ជា​ឆន្ទៈ​របស់ លោក ហ៊ុយ យ៉ាឡេង ក៏បាន​ធ្វើការ​សន្យា​ដោយ​ខិតខំ​ប្រឹង​ឲ្យ​អស់​លទ្ធភាព ដើម្បី​ចូលរួម​ការពារ​ថែរក្សា​លើក​តម្កើង​សិល្បៈ​ទៅ​កាន់​ពិភពលោក៕

អត្ថបទ ៖ ចាន់រ៉ា

The post លោក ហ៊ុយ យ៉ាឡេង ប្រតិកម្មនឹងផលិតករខ្មែរគិតតែផលប្រយោជន៍បុគ្គលផ្ទាល់ខ្លួន appeared first on Kampuchea Thmey Daily.