លោក ឡុង សំណាង Archives - Kampuchea Thmey Daily

តម្លៃមាសហក់ឡើងជិត ២០០ ដុល្លារ ក្រោយពេលអាមេរិកយល់ព្រមឈប់បាញ់ជាមួយអ៊ីរ៉ង់ ២ សប្ដាហ៍

deth leng — Wed, 08 Apr 2026 01:10:52 +0000

តម្លៃហាងឆេងមាសបានហក់ឡើងជិត ២០០ ដុល្លារ ដល់ជាង ៥៨០០ ដុល្លារ ក្នុងមួយតម្លឹង នៅព្រឹកថ្ងៃពុធនេះ បន្ទាប់ពីសហរដ្ឋអាមេរិក បានយល់ព្រមលើបទឈប់បាញ់រយៈពេល២សប្តាហ៍ ជាមួយអ៊ីរ៉ង់ ហើយកំពុងពិនិត្យលើសំណើ ១០ ចំណុច របស់អ៊ីរ៉ង ដើម្បីបញ្ចប់សង្គ្រាម។

លោក ឡុង សំណាង ប្រធានផ្នែកប្រឹក្សាយោបល់ហិរញ្ញវត្ថុក្រុមហ៊ុន PP Link securities បានឱ្យដឹងថា តម្លៃមាសចាប់ផ្ដើមកើនឡើងខ្លាំង បន្ទាប់ពីបញ្ចប់ឱសានុវាទរបស់សហរដ្ឋអាមេរិក ខណៈលោក ដូណាល់ ត្រាំ បានយល់ព្រមលើបទឈប់បាញ់រយៈពេល២សប្តាហ៍ ជាមួយអ៊ីរ៉ង់ ដើម្បីបន្ថយភាពតានតឹង។

លោក ឡុង សំណាង យល់ឃើញថា៖ «ក្នុងរយៈពេលវែង ពិភពលោកនឹងទទួលរងនូវវិបត្តិសេដ្ឋកិច្ចធ្ងន់ធ្ងរ ព័ត៌មានសម្ពាធពន្ធអាមេរិក ១៥% សុទ្ធតែជារឿងដែលធ្វើឱ្យលុយដុល្លារខ្សោយ ហើយផលិតផលកើនឡើង និងធ្វើឱ្យសម្ពាធសេដ្ឋកិច្ចតានតឹង តម្លៃមាសប្រាកដនឹងហក់ឡើងក្នុងរយៈពេលវែង»។

ក្រុមហ៊ុន Goldman Sachs បានព្យាករថា តម្លៃមាសនឹងកើនឡើងដល់ ៥៤០០ ដុល្លារ ក្នុងមួយអោន ឬស្មើនឹង ៦៥០៦ ដុល្លារ ក្នុងមួយតម្លឹង នៅដំណាច់ឆ្នាំ ២០២៦នេះ ជំរុញដោយក្ដីរំពឹងពីការកាត់បន្ថយអត្រាការប្រាក់របស់ធនាគារកណ្ដាលអាមេរិក និងការបន្តទិញមាសចូលរបស់ធនាគារកណ្ដាល៕

អត្ថបទ៖ ឡេង ដេត

The post តម្លៃមាសហក់ឡើងជិត ២០០ ដុល្លារ ក្រោយពេលអាមេរិកយល់ព្រមឈប់បាញ់ជាមួយអ៊ីរ៉ង់ ២ សប្ដាហ៍ appeared first on Kampuchea Thmey Daily.

តម្លៃមាសស្ទុះឡើងវិញ ៦២៤០ ដុល្លារ មួយតម្លឹង

deth leng — Tue, 10 Mar 2026 02:22:22 +0000

អ្នកជំនាញនៅក្នុងវិស័យហិរញ្ញវត្ថុបានឱ្យដឹងនៅថ្ងៃអង្គារទី ១០ ខែមីនា ឆ្នាំ ២០២៦នេះថា តម្លៃហាងឆេងមាសបានហក់ឡើងវិញដល់ ៦២៤០ ដុល្លារ ក្នុងមួយតម្លឹង នៅព្រឹកថ្ងៃអង្គារនេះ បន្ទាប់ពីធ្លាក់ចុះកាលពីថ្ងៃចន្ទម្សិលមិញ។

លោក ឡុង សំណាង ប្រធានផ្នែកប្រឹក្សាយោបល់ហិរញ្ញវត្ថុក្រុមហ៊ុន PP Link securities ប្រាប់កម្ពុជាថ្មីថា តម្លៃមាសបានបន្តកើនឡើងតាំងពីដើមឆ្នាំ ២០២៦ រហូតដល់ ៦៦០០ ដុល្លារ ក្នុងមួយតម្លឹង ដោយសារតែវិបត្តិសេដ្ឋកិច្ច ភាពតានតឹងភូមិសាស្ត្រនយោបាយ និងសម្ពាធពន្ធរបស់សហរដ្ឋអាមេរិក។

លោក ឡុង សំណាង លើកឡើងថា នៅពេលសហរដ្ឋអាមេរិក និងអ៊ីស្រាអែល បើកការវាយប្រហារទៅលើប្រទេសអ៊ីរ៉ង់ កាលពីដំណាច់ខែកុម្ភៈ បានធ្វើឱ្យតម្លៃមាសហក់ឡើង បន្ទាប់មកមានការធ្លាក់ចុះមកវិញ ដោយសារតែវិនិយោគិនមួយចំនួនបានដកលុយពីការវិនិយោគលើមាសហើយទៅវិនិយោគលើប្រេងវិញ។

អ្នកជំនាញក្នុងវិស័យហិរញ្ញវត្ថុរូបនេះ បានអះអាងថា តម្លៃមាសនឹងនៅតែបន្តកើនឡើង ដោយសារតែសង្គ្រាម និងភាពតានតឹងរវាងអាមេរិក និងអ៊ីរ៉ង់ នៅតែបន្តកើតមាន៕

អត្ថបទ៖ ឡេង ដេត

The post តម្លៃមាសស្ទុះឡើងវិញ ៦២៤០ ដុល្លារ មួយតម្លឹង appeared first on Kampuchea Thmey Daily.

តម្លៃមាសហក់ឡើងដល់ ៦៣៥០ ដុល្លារ មួយតម្លឹង ដោយសារបញ្ហាភូមិសាស្ត្រនយោបាយ

deth leng — Sat, 28 Feb 2026 01:42:17 +0000

តម្លៃហាងឆេងមាសបានហក់ឡើងដល់ជាង ៦៣៥០ ដុល្លារ ក្នុងមួយតម្លឹងនៅព្រឹកថ្ងៃសៅរ៍ទី ២៨ ខែកុម្ភៈ ឆ្នាំ ២០២៦នេះ បន្ទាប់ពីបានធ្លាក់ចុះក្រោម ៦ ពាន់ដុល្លារ ក្នុងមួយតម្លឹង កាលពីសប្ដាហ៍មុន។

មូលហេតុដែលធ្វើឱ្យតម្លៃហាងឆេងមាសបានកើនឡើង ដោយសារតែវិបត្តិសេដ្ឋកិច្ច, ភូមិសាស្ត្រនយោបាយ និងការប្រឈមមុខនៃសម្ពាធពន្ធរបស់សហរដ្ឋអាមេរិក។

លោក ឡុង សំណាង ប្រធានផ្នែកប្រឹក្សាយោបល់ហិរញ្ញវត្ថុក្រុមហ៊ុន PP Link securities មានប្រសាសន៍ថា កំណើននៃការទិញលើតម្លៃហាងឆេងមាសពីបណ្ដាវិនិយោគិនធំៗ នៅលើពិភពលោកបានធ្វើឱ្យតម្លៃមាសកើនឡើង។

អ្នកជំនាញនៅក្នុងវិស័យហិរញ្ញវត្ថុរូបនេះ បានបន្ថែមថា កំណើននៃការប្ដូរប្រាក់ដុល្លារ នៅក្នុងរូបិយបណ្ណអឺរ៉ូប ហើយនិងប្រាក់យ៉េនបានធ្លាក់ចុះខ្លាំង ក៏ជាកត្តាធ្វើឱ្យតម្លៃហាងឆេងមាសមានការកើនឡើង។

និន្នាការតម្លៃហាងឆេងមាសអាចនឹងកើនឡើងដល់ ៧០០០ ដុល្លារ ក្នុងមួយតម្លឹងត្រឹមពាក់កណ្ដាលឆមាសទី១ ឆ្នាំ ២០២៦។ ប៉ុន្តែមុននឹងមានការកើនឡើង ហាងឆេងមាសអាចនឹងមានការធ្លាក់ចុះវិញនៅមុនពេលខែ ៦ ខាងមុខនេះ។ លោក ឡុង សំណាង បញ្ជាក់បែបនេះ៕

អត្ថបទ៖ ឡេង ដេត

The post តម្លៃមាសហក់ឡើងដល់ ៦៣៥០ ដុល្លារ មួយតម្លឹង ដោយសារបញ្ហាភូមិសាស្ត្រនយោបាយ appeared first on Kampuchea Thmey Daily.

តម្លៃមាសបន្តកើនឡើងខ្ពស់ ៦២៥៥ ដុល្លារ មួយតម្លឹង

deth leng — Thu, 26 Feb 2026 01:20:19 +0000

តម្លៃហាងឆេងមាសបានហក់ឡើងវិញដល់ ៦២៥៥ ដុល្លារ ក្នុងមួយតម្លឹងនៅព្រឹកថ្ងៃព្រហស្បតិ៍ ទី ២៦ ខែកុម្ភៈ ឆ្នាំ ២០២៦ នេះ បន្ទាប់ពីបានធ្លាក់ចុះក្រោម ៦ ០០០ ដុល្លារ ក្នុងមួយតម្លឹងកាលពីសប្ដាហ៍មុន។

អ្នកជំនាញនៅក្នុងវិស័យហិរញ្ញវត្ថុបានអះអាងថា មូលហេតុដែលធ្វើឱ្យតម្លៃហាងឆេងមាសបានកើនឡើង ដោយសារតែវិបត្តិសេដ្ឋកិច្ច, ភូមិសាស្ត្រនយោបាយ និងការប្រឈមមុខនៃសម្ពាធពន្ធរបស់សហរដ្ឋអាមេរិក។

លោក ឡុង សំណាង ប្រធានផ្នែកប្រឹក្សាយោបល់ហិរញ្ញវត្ថុក្រុមហ៊ុន PP Link securities បានលើកឡើងថា កំណើននៃការទិញលើតម្លៃហាងឆេងមាសពីបណ្ដាវិនិយោគិនធំៗនៅលើពិភពលោកបានធ្វើឱ្យតម្លៃមាសកើនឡើង ខណៈកំណើននៃការប្ដូរប្រាក់ដុល្លារ នៅក្នុងរូបិយបណ្ណអឺរ៉ូប ហើយនិងប្រាក់យ៉េនបានធ្លាក់ចុះខ្លាំងក៏ជាកត្តាធ្វើឱ្យមាសកើនឡើង។

និន្នាការតម្លៃហាងឆេងមាសអាចនឹងកើនឡើងដល់ ៧០០០ ដុល្លារ ក្នុងមួយតម្លឹងត្រឹមពាក់កណ្ដាលឆមាសទី១ ឆ្នាំ ២០២៦។ ប៉ុន្តែមុននឹងមានការកើនឡើង ហាងឆេងមាសអាចនឹងមានការធ្លាក់ចុះវិញនៅអំឡុងឆមាសទី១ ឆ្នាំ ២០២៦ នេះ៕

អត្ថបទ៖ ឡេង ដេត

The post តម្លៃមាសបន្តកើនឡើងខ្ពស់ ៦២៥៥ ដុល្លារ មួយតម្លឹង appeared first on Kampuchea Thmey Daily.

ហាងឆេងមាសដាំក្បាលចុះក្រោម ៦ ពាន់ដុល្លារ មួយតម្លឹង

deth leng — Sat, 31 Jan 2026 01:43:07 +0000

តម្លៃហាងឆេងមាសបានដាំក្បាលចុះក្រោម ៦ ពាន់ដុល្លារ ក្នុងមួយតម្លឹង នៅថ្ងៃសៅរ៍ទី ៣១ ខែមករា ឆ្នាំ ២០២៦ នេះ បន្ទាប់ពីកើនឡើងដល់ជិត ៧ ពាន់ដុល្លារ ក្នុងមួយតម្លឹង កាលពីថ្ងៃព្រហស្បតិ៍។

លោក ឡុង សំណាង ប្រធានផ្នែកប្រឹក្សាយោបល់ហិរញ្ញវត្ថុក្រុមហ៊ុន PP Link securities បានអះអាងថា ប្រសិនបើស្ថានភាពនយោបាយមានភាពតានតឹង ឬក៏ពាក់ព័ន្ធជាមួយពន្ធមួយចំនួន តម្លៃហាងឆេងមាសអាចនឹងឡើងដល់ ៧ ពាន់ដុល្លារក្នុងមួយតម្លឹង នៅពាក់កណ្ដាលឆ្នាំ ២០២៦ នេះ ប៉ុន្តែនៅចន្លោះឆមាសទី១ មានឹងមានការធ្លាក់ចុះ។

លោក ឡុង សំណាង បន្ថែមថា៖ «ការធ្លាក់ចុះនេះ ជាធម្មតាគេវិភាគទៅលើចិត្តសាស្ត្រ ឬក៏របៀបនៃការវិនិយោគរបស់ធនាគារធំៗ គេតែងតែយកផលចំណេញក្នុងអំឡុងឆមាស ឬក៏ត្រីមាសទី១ មុន ដោយសារតែតម្លៃហាងឆេងមាសឡើងដល់គោលដៅដេលគេចង់បាន ប៉ុន្តែវាស្ទុះឡើងទៀត បន្ទាប់ពីការធ្លាក់ចុះហើយ»។

គិតត្រឹមម៉ោង ៨ ព្រឹកថ្ងៃទី ៣១ ខែមករា ឆ្នាំ ២០២៦ តម្លៃមាសតាមបណ្ដាហាងនានាក្នុងរាជធានីភ្នំពេញលក់ចេញក្នុងតម្លៃ ៥៩០ ដុល្លារ ក្នុងមួយជី៕

អត្ថបទ៖ ឡេង ដេត

The post ហាងឆេងមាសដាំក្បាលចុះក្រោម ៦ ពាន់ដុល្លារ មួយតម្លឹង appeared first on Kampuchea Thmey Daily.

អ្នកជំនាញឱ្យប្រជាពលរដ្ឋ ទិញ-លក់មាស ប្រុងប្រយ័ត្ន នៅចំពេលតម្លៃមាសហក់ឡើងខ្ពស់

deth leng — Sat, 18 Oct 2025 03:25:07 +0000

លោក ឡុង សំណាង ប្រធានផ្នែកប្រឹក្សាយោបល់ហិរញ្ញវត្ថុក្រុមហ៊ុន PP Link securities បានផ្ដល់យោបល់ឱ្យប្រជាពលរដ្ឋមានការប្រុងប្រយ័ត្ន នៅចំពេលដែលតម្លៃមាសកំពុងកើនឡើងខ្ពស់ ប្រសិនបើបងប្អូនទិញក្នុងពេលឥឡូវនេះ ក៏សូមទិញក្នុងតម្លៃដែលទាប នៅពេលដែលវា (មាស) ធ្លាក់ចុះ ហើយលក់កាត់ចំណេញពេលដែលវាកើនឡើង ដោយមិនចង់ឱ្យបងប្អូនទុកយូរ។

លោក ឡុង សំណាង បញ្ជាក់ថា តម្លៃមាសឱ្យតែមានការហក់ឡើងខ្ពស់ហើយ វានឹងធ្លាក់ចុះមកវិញនៅក្នុងកម្រិតណាមួយ ដែលនេះជាការប្រុងប្រយ័ត្នសម្រាប់បងប្អូនដែលជួញដូរទៅលើតម្លៃហាងឆេងមាស។

គិតត្រឹមម៉ោង ៩ ព្រឹកថ្ងៃសៅរ៍ទី ១៨ ខែតុលា ឆ្នាំ ២០២៥ នេះ តម្លៃហាងឆេងមាសកំពុងជួញដូរ ៥ ១២០ ដុល្លារ ក្នុងមួយតម្លឹង មានការធ្លាក់ចុះជាង ១០០ ដុល្លារ បើប្រៀបធៀបនឹងថ្ងៃម្សិលមិញ ដែលមានតម្លៃ ៥ ២៣០ ដុល្លារ មួយតម្លឹង។

លោក ឡុង សំណាង យល់ឃើញថា៖ «បើស្ថិតក្នុងស្ថានភាពបែបហ្នឹងបន្តទៀត ពាក់ព័ន្ធជាមួយនឹងភាពតានតឹងភូមិសាស្ត្រនយោបាយ អត្រាអតិផរណាដែលកើតឡើងនៅអាមេរិកសម្ពាធពន្ធ ក៏ដូចជាសង្គ្រាមពាណិជ្ជកម្មមួយចំនួនដែល ពាក់ព័ន្ធជាមួយប្រទេស និងប្រទេសតម្លៃហាងឆេងមាសនឹងបន្តឡើងទៅទៀតនៅចុងឆ្នាំ ២០២៥ អាចនឹងឡើងដល់ ៥៤០០-៥ ៥០០ ដុល្លារ ក្នុងមួយតម្លឹង»។

ប៉ុន្តែប្រសិនបើមានការប្រកាសគម្រោង ឬគោលការណ៍ណាមួយពីអាមេរិក នៅក្នុងឆ្នាំ ២០២៦ ខាងមុខនេះ តម្លៃមាសអាចនឹងមានការធ្លាក់ចុះមកវិញ ដោយសារមានគម្រោងក្នុងការគ្រប់គ្រងដឹកនាំជាប្រទេសមហាអំណាចមួយដូចជាការបិទបញ្ចប់សង្គ្រាមមួយចំនួនផងដែរ ឬក៏ការប្រកាសពីធនាគារកណ្ដាលរបស់សហរដ្ឋអាមេរិកពាក់ព័ន្ធជាមួយការតម្លឹង ឬទម្លាក់អត្រាការប្រាក់ វាអាចនឹងទម្លាក់ខ្លួនចុះ។

អាជីវករលក់មាសផ្សារធំថ្មី អ្នកស្រី ហ៊ង រីណា ប្រាប់កម្ពុជាថ្មីថា តម្លៃមាសបានកើនឡើងរាល់ថ្ងៃ ខណៈសកម្មភាពទិញ-លក់ស្ងប់ស្ងាត់ ដោយសារការបារម្ភរបស់អតិថិជន។

អាជីវកររូបនេះ បញ្ជាក់ថា មានអតិថិជនមួយៗទិញដែរ ប៉ុន្តែទិញជាដុំមាសជាគីឡូ ខណៈគ្រឿងមាសលែងមានជួញដូរហើយ៕

The post អ្នកជំនាញឱ្យប្រជាពលរដ្ឋ ទិញ-លក់មាស ប្រុងប្រយ័ត្ន នៅចំពេលតម្លៃមាសហក់ឡើងខ្ពស់ appeared first on Kampuchea Thmey Daily.

សម្ពាធពន្ធអាមេរិក រុញច្រានឱ្យមាសហក់ឡើងជាង ១០០ ដុល្លារ

deth leng — Wed, 23 Jul 2025 02:56:03 +0000

តម្លៃហាងឆេងមាសបានបន្តកើនឡើងជាង ១០០ ដុល្លារ នៅប៉ុន្មានថ្ងៃជាប់ៗគ្នា ពាក់ព័ន្ធនឹងអត្រាការប្រាក់ និងសម្ពាធពន្ធរបស់អាមេរិកទៅលើបណ្ដាប្រទេសនៅអឺរ៉ុបមួយចំនួន។

លោក ឡុង សំណាង ប្រធានផ្នែកប្រឹក្សាយោបល់ហិរញ្ញវត្ថុក្រុមហ៊ុន PP Link securities ប្រាប់កម្ពុជាថ្មីនៅថ្ងៃពុធនេះថា កត្តាចំនួន ៣ បានធ្វើឱ្យតម្លៃហាងឆេងមាសកើនឡើងទី១ ពាក់ព័ន្ធនឹងអត្រាការប្រាក់របស់សហរដ្ឋអាមេរិក ដែលលោក ដូណាល់ ត្រាំ ប្រធានាធិបតីសហរដ្ឋអាមេរិក បានស្នើសុំឱ្យប្រធានធនាគារកណ្ដាលកាត់បន្ថយអត្រាការប្រាក់មកនៅកម្រិតក្រោម ៤.៥%។

លោកថា ចំណុចនេះ បានធ្វើឱ្យមាសកើនឡើង ប៉ុន្តែមានការគាំទ្រ និងម៉ឺងម៉ាត់របស់លោក Powell គាត់ជឿជាក់ថា នឹងមិនផ្លាស់ប្ដូរទៅតាមទំនោរដែលគេស្នើសុំទេ គាត់ធ្វើតាមគោលនយោបាយហិរញ្ញវត្ថុរបស់គាត់ ប៉ុន្តែចំណុចនេះ ដែលធ្វើឱ្យវិនិយោគិនជាច្រើន មើលឃើញថា ថ្ងៃណាមួយអាមេរិកគង់តែកាត់បន្ថយអត្រាការប្រាក់ ត្រង់ចំណុចនេះដែលគេមើលឃើញថា អ្នកដែលជួញដូរទាំងអស់គេបានបោះបង់ប្រាក់ដុល្លារ បានន័យថា គេលក់ដុល្លារចេញ យកលុយហ្នឹងទៅទិញភាគហ៊ុន និងមាស ដែលរុញច្រានឱ្យមាសកើនឡើង។

លោក ឡុង សំណាង យល់ឃើញថា៖ «សម្ពាធពន្ធក៏ពាក់ព័ន្ធជាមួយអត្រាការប្រាក់ដែរ ដោយសារតែលោក Powell គាត់រង់ចាំមើលថា តើសម្ពាធពន្ធពីបណ្ដាប្រទេសជាមួយអាមេរិកតើវាកម្រិតណា ព្រោះដោយសារតែផលិតផលមួយចំនួនត្រូវបាននាំចូល អញ្ចឹងបើផលិតផលនាំចូល ជាប់សម្ពាធពន្ធច្រើន ប្រជាជនរបស់គាត់នឹងអាចចំណាយ ការចាយវាយតឹងជាងមុន បានន័យថា ចាយលុយច្រើនតែបានរបស់តិច អញ្ចឹងហើយគាត់អត់អាចទម្លាក់អត្រាការប្រាក់បានទេ»។

ម្យ៉ាងទៀត ទំនុកចិត្តអតិថិជនទៅលើប្រាក់ដុល្លារ ដែលភាគច្រើនមានតែគេលក់ចេញ ដោយសារតែគេគិតថា ទោះបីដំណាក់កាលនេះ មិនទម្លាក់ ក៏ចុងឆ្នាំទម្លាក់អត្រាការប្រាក់ដែរ បើទម្លាក់អត្រាការប្រាក់មាសនឹងកើនឡើង។

លោក ឡុង សំណាង បញ្ជាក់ថា គិតត្រឹមម៉ោង ៩ ព្រឹកថ្ងៃទី ២៣ ខែកក្កដា ឆ្នាំ ២០២៥ មាសជួញដូរនៅតម្លៃ ៤១២៤ ដុល្លារ ក្នុងមួយតម្លឹង ប្រសិនបើដំណោះស្រាយសម្ពាធពន្ធ និងអត្រាការប្រាក់មិនចេញទេ មាសនឹងឡើងដល់ ៤២៥០ ក្នុងមួយតម្លឹង។ សម្រាប់ហាងលក់មាសនៅក្នុងរាជធានីភ្នំពេញ លក់ចេញក្នុងតម្លៃ ៤១១ ដុល្លារ ក្នុងមួយជី៕

អត្ថបទ៖ ឡេង ដេត

The post សម្ពាធពន្ធអាមេរិក រុញច្រានឱ្យមាសហក់ឡើងជាង ១០០ ដុល្លារ appeared first on Kampuchea Thmey Daily.

ហាងឆេងមាសធ្លាក់ចុះ នៅដើមសប្ដាហ៍នេះ

deth leng — Mon, 07 Jul 2025 03:42:37 +0000

តម្លៃហាងឆេងមាសបានធ្លាក់ចុះវិញនៅព្រឹកថ្ងៃទី ០៧ ខែកក្កដា ឆ្នាំ ២០២៥ បន្ទាប់ពីបានកើនឡើងបន្តិចកាលពីសប្ដាហ៍មុន ពាក់ព័ន្ធនឹងព័ត៌មាននៃអត្រាការងារនៅសហរដ្ឋអាមេរិក។

លោក ឡុង សំណាង ប្រធានផ្នែកប្រឹក្សាយោបល់ហិរញ្ញវត្ថុក្រុមហ៊ុន PP Link securities ប្រាប់កម្ពុជាថ្មីថា ហាងឆេងមាស បានបើកផ្សារនៅក្នុងតម្លៃ ៤០២០ ដុល្លារ មួយតម្លឹងនៅព្រឹកថ្ងៃច័ន្ទនេះ។ គិតត្រឹមម៉ោង ៩ ព្រឹកនេះ ហាងឆេងមាសកំពុងជួយដូរក្នុងតម្លៃ ៣៩៩៥ ដុល្លារ ក្នុងមួយតម្លឹង ពោលគឺមានការធ្លាក់ចុះ។

លោក ឡុង សំណាង បានឱ្យដឹងថា ថ្នាក់ដឹកនាំជាន់ខ្ពស់អាមេរិកបានទៅប្រជុំជាមួយសហភាពអឺរ៉ុបពាក់ព័ន្ធនឹងការបន្ថែមទៅលើការចំណាយថវិកាលើយោធាក្នុងការការពារអឺរ៉ុបទាំងមូល ខណៈសមាជិកអឺរ៉ុបភាគច្រើនបានឯកភាពទៅលើគម្រោងខាងលើ។

លោក ឡុង សំណាង បានបន្ថែមថា៖ «ពាក់ព័ន្ធជាមួយនឹងពន្ធរបស់អាមេរិក លោក ដូណាល់ ត្រាំ បាននិយាយថា ប្រសិនបើប្រទេសដែលបានចរចាជាមួយអាមេរិក ដែលសម្ពាធពន្ធបានធ្លាក់ចុះ ហ្នឹងគឺល្អប្រសើរហើយ ប៉ុន្តែប្រទេសមួយចំនួន ដែលមិនទាន់បានចរចា ឬក៏ព្រមព្រៀងធ្វើកិច្ចសន្យាជាមួយអាមេរិកទេ ពន្ធរបស់ពួកគាត់ នឹងចូលជាធរមាននៅថ្ងៃទី ០១ ខែសីហា ដូចកាលពីខែមេសា ដែលបានប្រកាស»។

បើតាមលោក ឡុង សំណាង ព័ត៌មានទាំងពីរខាងលើ ធ្វើឱ្យសេដ្ឋកិច្ចអាមេរិកមានភាពល្អប្រសើរ នៅពេលដែលមានការឯកភាពពីសហភាពអឺរ៉ុប និងការបន្ធូរបន្ថយពន្ធនៅក្នុងពាណិជ្ជកម្មអន្តរជាតិជាមួយអាមេរិក ខណៈសន្ទុះលុយដុល្លារអាមេរិកបានកើនឡើងនៅថ្ងៃនេះ បានធ្វើឱ្យហាងឆេងមាសធ្លាក់ចុះ។

នៅថ្ងៃទី ០៧ ខែកក្កដា ឆ្នាំ ២០២៥ តម្លៃហាងឆេងមាសបានបើកផ្សារនៅក្នុងតម្លៃ ៤០២០ ដុល្លារ ក្នុងមួយតម្លឹង។ សម្រាប់ហាងលក់មាសក្នុងស្រុកនៅក្នុងរាជធានីភ្នំពេញ លក់ចេញក្នុងតម្លៃ ៤០១ ដុល្លារ ក្នុងមួយជី៕

អត្ថបទ៖ ឡេង ដេត

The post ហាងឆេងមាសធ្លាក់ចុះ នៅដើមសប្ដាហ៍នេះ appeared first on Kampuchea Thmey Daily.

លោក ឡុង សំណាង Archives - Kampuchea Thmey Daily

​តម្លៃ​មាស​ហក់​ឡើង​ជិត ​២០០ ​ដុល្លារ ​ក្រោយពេល​អាមេរិក​យល់ព្រម​ឈប់​បាញ់​ជាមួយ​អ៊ីរ៉ង់​ ២ សប្ដាហ៍​

តម្លៃមាស​ស្ទុះឡើង​វិញ​ ៦២៤០ ​ដុល្លារ ​មួយតម្លឹង

​តម្លៃ​មាស​ហក់​ឡើងដល់​ ៦៣៥០ ​ដុល្លារ ​មួយ​តម្លឹង​ ដោយសារបញ្ហាភូមិសាស្ត្រនយោបាយ

​តម្លៃមាស​បន្ត​កើន​ឡើង​ខ្ពស់​ ​៦២៥៥ ​ដុល្លារ ​មួយតម្លឹង​

​ហាងឆេង​មាស​ដាំក្បាលចុះ​ក្រោម ៦ ​ពាន់ដុល្លារ ​មួយតម្លឹង​

​​អ្នក​ជំនាញ​ឱ្យ​ប្រជា​ពលរដ្ឋ​ ទិញ-លក់មាស ប្រុងប្រយ័ត្ន​ នៅ​ចំ​ពេល​​តម្លៃ​មាស​ហក់​ឡើង​ខ្ពស់​

សម្ពាធពន្ធអាមេរិក រុញច្រានឱ្យមាសហក់ឡើងជាង ១០០ ដុល្លារ

ហាងឆេងមាសធ្លាក់ចុះ នៅដើមសប្ដាហ៍នេះ

តម្លៃមាសហក់ឡើងជិត ២០០ ដុល្លារ ក្រោយពេលអាមេរិកយល់ព្រមឈប់បាញ់ជាមួយអ៊ីរ៉ង់ ២ សប្ដាហ៍

តម្លៃមាសស្ទុះឡើងវិញ ៦២៤០ ដុល្លារ មួយតម្លឹង

តម្លៃមាសហក់ឡើងដល់ ៦៣៥០ ដុល្លារ មួយតម្លឹង ដោយសារបញ្ហាភូមិសាស្ត្រនយោបាយ

តម្លៃមាសបន្តកើនឡើងខ្ពស់ ៦២៥៥ ដុល្លារ មួយតម្លឹង

ហាងឆេងមាសដាំក្បាលចុះក្រោម ៦ ពាន់ដុល្លារ មួយតម្លឹង

អ្នកជំនាញឱ្យប្រជាពលរដ្ឋ ទិញ-លក់មាស ប្រុងប្រយ័ត្ន នៅចំពេលតម្លៃមាសហក់ឡើងខ្ពស់