ដោយសង្កេតឃើញនៅមានមតិមួយចំនួនបន្តបើកកកាយអំពីការស្លាប់របស់តារាសម្តែងលោក អ៊ុន សិទ្ធា មុននេះក្រុមគ្រួសារលោកបានចេញមកស្នើយ៉ាងទទូចសុំបញ្ឈប់បការបង្ហោះវែកញែកការស្លាប់របស់លោក អ៊ុន សិទ្ធា ដើម្បីឱ្យដួងវិញ្ញាណក្ខន្ធសពទៅបានស្ងប់ចិត្តផង។

នៅលើទំព័រហ្វេសប៊ុករបស់ តារាប្រុសលោក អ៊ុន សិទ្ធា ដែលត្រូវបានគ្រប់គ្រងដោយក្មួយបង្កើតរបស់តារាប្រុសរូបនេះបានឱ្យដឹងថា “ពូខ្ញុំគាត់ទៅបានសុខហេីយ អ៊ីចឹងក្នុងនាមខ្ញុំជាក្មួយសំពះសុំបងប្អូនឈប់បន្តការបង្ហោះវែកញែករឿងរ៉ាវគាត់អីទៀតកុំឱ្យវិញ្ញាណក្ខន្ធគាត់នៅមិនដាច់អាល័យ”។

សូមជម្រាបថា តារាសម្តែងដ៏មានប្រជាប្រិយភាពលោក អ៊ុន សិទ្ធា បាន​ទទួល​មរណភាព​ដោយ​ជំងឺដំបៅ​ក្រពះ ពោះវៀនធ្ងន់ធ្ងរ និងទឹកដក់ក្នុងពោះ កាលពីល្ងាចថ្ងៃទី១៩ ខែ​វិច្ឆិកា ឆ្នាំ​២០២៥​។ មរណភាពរបស់លោក អ៊ុន សិទ្ធា គឺ ជាការបាត់បង់សិល្បករដ៏ឆ្នេីមមួយរូប ក្នុងវិស័យសិល្ប:របស់ខ្មែរ។

សពតារាសម្តែង លោក អ៊ុន សិទ្ធា ត្រូវបានធ្វេីពិធីឈាបនកិច្ចតាមបវេណីនៅវត្តពោធិសត្ថារាម (វត្តពោធិចិនតុង) នាព្រឹកថ្ងៃទី២១ ​ខែវិច្ឆិកា ​ឆ្នាំ​២០២៥​នេះ។ ពិធីបូជាសពតារាប្រុសលោក អ៊ុន សិទ្ធា ក៏មានសិល្បករសិល្បការិនីចាស់ក្មេង បានទៅជូនដំណើរជាលើកចុងក្រោយទាំងក្តីអាល័យនិងសោកសង្រេងជាទីបំផុត៕ អត្ថបទ ៖ ចាន់រ៉ា

The post គ្រួសារ អ៊ុន សិទ្ធា ស្នើបញ្ឈប់វែកញែកការស្លាប់ ដើម្បីឱ្យដួងវិញ្ញាណក្ខន្ធសពទៅបានស្ងប់ចិត្ត appeared first on Kampuchea Thmey Daily.

តែយ៉ាងណា កំឡុងពេលដែលទទួលបានប្រជាប្រិយភាពខ្លាំងក្នុងវិស័យភាពយន្តខ្មែរ តារាប្រុសរូបនេះតែងបដិសេធមិនចេញទៅសម្តែងនៅក្រៅប្រទេសដូចអ្នកសិល្បៈដទៃទៀតនោះឡើយ ក៏ព្រោះតែដើម្បីទុកពេលវេលាថែទាំម្តាយឪពុកជរា រហូតលោកទាំងពីររលត់សង្ខាទៅបន្តបន្ទាប់កាលពីឆ្នាំកន្លងទៅ ។

លោក គួច ខេវិន រៀបរាប់ភ្ជាប់រូបភាពអនុស្សាវរីយ៍ថា “បានស្គាល់ជាដំបូងគ្រាដែលប្អូនប្រុស មកពីខេត្តស្វាយរៀង បានដាក់ពាក្យប្រកួតប្រជែងក្នុងកម្មវិធីស្រីស្រស់-ប្រុសស្អាតCTN ឆ្នាំ២០០៦ ដែលកាលណោះមិនជាមានកាមេរ៉ាទំនើបផ្តិតរូបភាពបានល្អស្អាតនៅឡើយ ប៉ុន្តែចរិយាមាយាទចរិតឬកពារបស់ប្អូនត្រូវបានកត់សម្គាល់និងរុញច្រានឱ្យប្អូនជាប់ចំណាត់ថ្នាក់និងចូលមកក្នុងរង្វង់សិល្បៈ”។

ក្នុងនាមជាអ្នកផលិតកម្មវិធីផ្ទាល់ លោក ខេវិន បញ្ជាក់ថា លោកបានកោតសរសើរលោក អ៊ុន សិទ្ធា តាំងតែតែពីបានស្គាល់ដំបូង ពិសេសពេញចិត្តនូវជីវិតប្រកបដោយគុណធ៌មរបស់បេក្ខភាពប្រុសស្អាតរូបនេះ ហើយបានជួយបណ្តុះបណ្តាល និងទទួលឱ្យរួមកិច្ចការងារជាច្រើនដើម្បីផ្តល់ឱកាសឱ្យទទួលបានបទពិសោធ កាន់តែមានទេពកោសល្យសិល្បៈខ្ពស់។

លោកថា “អ៊ុន សិទ្ធា ជាកូនពៅនៅកៀកកិតស្និតជាប់ជាមួយម្តាយឪពុកចាស់ជរា ដូច្នេះហើយទើបបានជាអំឡុងពេលនៃការប្រកបអាជីពសិល្បៈ ប្អូនតែងបដិសេធមិនចេញទៅសម្តែងនៅក្រៅប្រទេសដូចគេដទៃទៀត ដើម្បីទុកពេលវេលាថែទាំម្តាយឪពុកជរា រហូតលោកទាំងពីររលត់សង្ខាទៅបន្តបន្ទាប់” ។

អ្នកផលិតកម្មវិធីកម្សាន្តរូបនេះ បញ្ជាក់ទៀតថា ពេល “នេះប្អូន អ៊ុន សិទ្ធាបានលាលោកនេះដោយមិនត្រឡប់ ប៉ុន្តែបងនៅតែកោតសរសើរនិងស្ញប់ស្ញែងចំពោះ “សីលធ៌ម គុណធ៌ម”ប្រកបដោយភាពថ្លៃថ្នូររបស់ប្អូនដែលធ្លាប់មាន និងសូមឱ្យបានជាគំរូល្អសម្រាប់ប្អូនៗជំនាន់ក្រោយយកមកលម្អជីវិតកាន់តែប្រសើរ”។

លោកបន្ថែមថា “សូមបួងសួងដល់គុណនៃវត្ថុសក្តិសិទ្ធិលើលោកជួយយិតយោងគាំពារដួងវិញ្ញាណក្ខន្ធរបស់ប្អូនប្រុស អ៊ុន សិទ្ធាបានទៅដល់ទីសុគតិភពកុំបីឃ្លៀ ងឃ្លាតឡើយសូមឱ្យមនុស្សម្នាទាំងអស់ដែលរស់នៅក្នុងសង្គមចេះស្រឡាញ់អាណិតអាសូចេះជួយគ្នានៅគ្រាដែលមនុស្សដែលគួរឱ្យជួយនៅរស់រានមានជីវិតជួបលំបាកកុំបណ្តោយឱ្យគ្នាវេទនារហូតរលត់ជីវិទៅ ហើយទើបពោលថា អាណិតណាស់ព្រោះអ្នកដែលស្លាប់ហើយស្តាប់មិនឮឡើយ”៕ អត្ថបទ ៖ ចាន់រ៉ា

The post លោក គួច ខេវិន រំលឹកជីវិតសិល្បៈ អ៊ុន សិទ្ធា និងហេតុផលដែលតារាប្រុសនេះ តែងបដិសេធឱកាសសម្តែងក្រៅប្រទេស appeared first on Kampuchea Thmey Daily.

លោក អ៊ុន សិទ្ធា បានរៀបរាប់ថា លោកឈប់រែកទៀតហេីយ​ យូរៗទៅកាន់តែធ្ងន់រែកទៀត ដេីម្បីអ្នកណា​ ឯងខ្លួនមួយសោះ​ហ្នឹង​ រកអី្វដែលជាសេចក្តីសុខដាក់ ខ្លួនឯងម្តងមេីល​ តេីវាធ្ងន់ជាងអំរែកចាស់ទេ​បេីរែកសំ រាប់ខ្លួនឯងលោកគិតថា មិនធ្ងន់ហេីយសប្បាយកាយទៀតយល់អ៊ីចឹងមែនទេបងប្អូន​បេីបងៗគេ​មានគ្រួសារអស់ហេីយហ្នឹង​។

លោក អ៊ុន សិទ្ធាបានបន្តថា “ចាប់ពីពេលនេះទៅ​ខ្ញុំ​រែកតែអំរែកខ្ញុំទេហាមបងប្អូន​កូនក្មួយណាមកសុំផ្ញេី​។ ប្អូន ពូ​តារែកអំរែកគ្រួសារនេះជាង២០ឆ្នាំ​មកហេីយ​ យូរៗទៅ​វាទៅធ្ងន់ផ្លូវចិត្តខ្ញុំខ្លាំងទៅៗទៅជាសម្ពាធ​ផ្លូវអារម្មណ៍ចង់គិតផ្តេសផ្តាសម្តងៗដែរ​ តែទង្វេីបែបនេះខ្ញុំស្អប់ណាស់​នឹងហាមខ្លួនឯងគ្រប់ពេល​ ធ្វេីបែបនេះមិនមែនជាដំណោះស្រាយទេវាជាអំពេីឆោតល្ងង់​នឹង គេចវេះពីការពិតខ្លួនឯង​ទៅវិញទេ​” ។

លោកថាពីមុនមកយេីងឆ្លងកាត់បានគ្រប់​ឧបសគ្គ​បានទាំងអស់​ ទាំងគ្មានការជួយពីនរណាម្នាក់យេីងអាចជំនះបាន​ ហេីយនេះគ្រាន់តែរឿងសម្ពាធផ្លូវអារម្មណ៍ដែលអូសទាយយេីងពេលទំនេរសោះមកទន់ជ្រាយអី​ ស៊ូៗបន្តទៀត​ អ៊ុន​ សិទ្ធា​ ញញឹម​អោយច្រេីនក្តីសង្ឃឹមនឹងមកយេីងដោយស្នាញញញឹមនេះឯង​។

សូមជម្រាបដែរថា គិតមកទល់ពេលនេះតារាសម្តែងប្រុសសាច់ដុំកង់ៗលោក អ៊ុន សិទ្ធា បាន​ប្រឡូក​ក្នុង​វិស័យយសិល្បៈតាម​រយៈ​ដើរ​ម៉ូត ,សម្ដែងរឿងនិងធ្វើ ជាពិធីករតាមកម្មវិធី​ផ្សេង​ៗតាំង​ពី​ឆ្នាំ​២០០៦ ដែលរ ហូតមកដល់បច្ចុប្បន្ននេះមានរយ:ពេលប្រមាណ២ ០ឆ្នាំមកហើយ៕ អត្ថបទ :ចាន់រ៉ា

The post សារចុងក្រោយលោក អ៊ុន សិទ្ធា ហាក់បង្ហាញវិបត្តិផ្លូវចិត្តធ្ងន់ធ្ងរ មុនជំងឺផ្តាច់យកសង្ខារលោកក្នុងពេលដ៏ខ្លី appeared first on Kampuchea Thmey Daily.

នៅយប់ថ្ងៃទី១៩ ខែវិច្ឆិកា ឆ្នាំ២០២៥លោក ហ្វៃ​ សំអាង នឹងលោកស្រីចន​ ច័ន្ទលក្ខិណា​ បាននាំយកបវច្ច័យទៅប្រគល់ជូនដល់គ្រួសារសពរបស់​លោក អ៊ុន សិទ្ធា​ ដែល​បាន​ទទួល​មរណភាព​ដោយ​ជំងឺដំបៅ​ក្រពះ កាលពីថ្ងៃទី១៩ខែ​វិច្ឆិកា ឆ្នាំ​២០២៥​ នៅវេលា​មម៉ោង៥ល្ងាច​ ។

ជាមួយគ្នានោះ គ្រួសារ​របស់​លោក​ អ៊ុន​ សិទ្ធា​ បានសំពះគោរព​ថ្លែង​អំណរគុណ​យ៉ាង​អនេក​ដល់​សម្តេច​ទាំង​ទ្វេ​ និង​សូមបួងសួងដល់វត្ថុ​ស័ក្ដិសិទ្ធិ​ប្រទានពរ​ជ័យ​ដល់សម្តេច​តេជោ​ និង​ក្រុម​គ្រួសារ​មាន​សុខភាព​ល្អ​បរិបូរណ៍។

គួរបញ្ជាក់ថា ស្នាដៃ​សិល្បៈ​របស់​លោក​ អ៊ុន​ សិទ្ធា​ គឺលោកមាន​កិត្តិយស​បាន​សម្ដែង​នៅ​ក្នង​ររឿងកូន​ប្រុស​ក្រោម​ពន្លឺ​ព្រះ​ចន្ទ​ពេញ​បូរណ៍មី​ របស់​ទូរទស្សន៍​បាយ័នភាពយន្ត​ចម្រៀង​ទុក្ខស្រីប្តីព្រាត់របស់​សមាគម​សិល្បករ​ខ្មែរ​ ដែល​ក្នុង​អាណត្តិ​លោក​ស្រី ចន​ ច័ន្ទលក្ខិណា​ ជា​ប្រធាន​ ។

លោក​ធ្លាប់​ជាប់លេខ១​ ប្រុស​ស្អាត​​ របស់​ទូរទស្សន៍​ CTN ធ្លាប់​ជា​ពិធីករកម្មវិធី​ អប្សរា​ Award របស់​ទូរទស្សន៍​ អប្សរា​ រួម​នឹង​ស្នាដៃ​ភាពយន្ត​ សិល្បៈ​ជា​ច្រើន​ទៀត​។ ស្នាដៃភាពយន្តចុងក្រោយរបស់លោកគឺថតរឿងអប្សរា​មហាអង្គរ​”របស់​ផលិតកម្ម​រស្មីហង្សមាស និងទូរទស្សន៍ហង្សមាសមិន​ទាន់​ចាក់​បញ្ចាំង​នៅ​ឡើយ​។

ទោះបីយ៉ាងណាមរណភាពរបស់លោក អ៊ុន សិទ្ធា មិនមែនត្រឹមតែដំណឹងដ៏សោកសៅសម្រាប់អ្នករួមអាជីព និងក្រុមគ្រួសារប៉ុណ្ណោះទេ សូម្បីតែសាធារណជនដែលជាអ្នកគាំទ្រតារាប្រុសឆ្នើមរូបនេះបង្ហាញក្តីសោកសង្រែងជាពន់ពេកផងដែរ ខណៈដែលពុំធ្លាប់លេចឭដំណឹងស្ថានភាពសុខភាពណាមួយរបស់លោកសោះ តែសុខៗស្រាប់តែបានទទួលដំណឹងស្លុតចិត្តភ្លាមៗនេះទៅវិញ៕ អត្ថបទ ៖ ចាន់រ៉ា

The post សម្តេចតេជោ និងសម្តេចកិត្តិព្រឹទ្ធបណ្ឌិត ចូលបច្ច័យ​បុណ្យសព អ៊ុន​ សិទ្ធា ចំនួន​៣០លានរៀល appeared first on Kampuchea Thmey Daily.

មរណភាពរបស់លោក អ៊ុន សិទ្ធា មិនមែនត្រឹមតែដំណឹងដ៏សោកសៅសម្រាប់អ្នករួមអាជីព និងក្រុមគ្រួសារប៉ុណ្ណោះទេ សូម្បីតែសាធារណជនដែលជាអ្នកគាំទ្រតារាប្រុសឆ្នើមរូបនេះ ក៏បង្ហាញក្តីសោកសង្រែងជាពន់ពេកផងដែរ ខណៈដែលពុំធ្លាប់លេចឭដំណឹងស្ថានភាពសុខភាពណាមួយរបស់លោកសោះ តែសុខៗស្រាប់តែបានទទួលដំណឹងស្លុតចិត្តភ្លាមៗនេះទៅវិញ។

សូម្បីតែមិត្តសិ្នតស្នាលនឹងតារាប្រុសឆ្នើមរូបនេះ គឺលោក សឿន វីតា ក៏ពុំបានទទួលដំណឹងថាមិត្តខ្លួនធ្លាក់ខ្លួនឈឺរហូតដេកស្លាប់លើគ្រែពេទ្យនោះដែរ។ បើតាមសំណេររៀបរាប់របស់លោក សឿន វីតា បញ្ជាក់ថា លោក អ៊ុន សិទ្ធា ចូលសង្គ្រោះបន្ទាន់ និងសម្រាកពេទ្យ ៥ថ្ងៃ តែបែរជាលាក់បាំងមិនប្រាប់មិត្តសោះឡើយ។

ទន្ទឹមនឹងដំណឹងដ៏សោកសៅនេះ សមាគមសិល្បករខ្មែរក៏បានចេញសាររំលែកទុក្ខផងដែរ ដោយរៀបរាប់ថា តាងនាមថ្នាក់ដឹកនាំ​ ក្រុមការងារ​ សមាជិក​ សមាជិកាទាំងអស់​ នៃសមាគមសិល្បករខ្មែរ​ យេីងខ្ញុំទាំងអស់គ្នា​ ពិតជាមានសេចក្ដីរន្ធត់​ តក់ស្លុត​ប្រកបដោយក្ដីក្រៀមក្រំជាទីបំផុត​ ដោយទទួលដំណឹងថា​ តារាសម្ដែងលោក​ អ៊ុន​ សិទ្ធា​ បានទទួលមរណភាពដោយរោគាពាធនៅល្ងាចថ្ងៃពុធ​ ទី១៩​ ខែវិច្ឆិកា​ ឆ្នាំ២០២៥​ នេះ។

ក្នុងបរិយាកាសប្រកបដោយក្ដីអាឡោះអាល័យនេះ សមាគមសិល្បករខ្មែរ ចូលរួមសម្ដែងនូវសមានទុក្ខប្រកបដោយភាពសោកស្ដាយជាពន់ពេកចំពោះការបាត់បង់លោក​ អ៊ុន​ សិទ្ធា​ ដែលជាតារាសម្ដែងដ៏ឆ្នេីមមួយរូប និងចាត់ទុកជាការបាត់បង់នូវសាច់ញាតិប្រកបដោយកតញ្ញូតាធម៌ ដែលតាំងពីដើមរៀងមកទល់ពេលលាចាក លោកបានលះបង់គ្រប់បែបយ៉ាងក្នុងបុព្វហេតុគ្រួសារ។

សមាគមសិល្បករខ្មែរ ក៏សូមអំពាវនាវដល់បងប្អូនសិល្បករ សិល្បការិនី ទាំងអស់ដែលមាននូវការរាប់អាន ព្រមទាំងញាតិមិត្តជិតឆ្ងាយ មេត្តាអញ្ជើញចូលរួមបុណ្យឈាបនកិច្ចសពលោក​ អ៊ុន​ សិទ្ធា​ ឱ្យបានច្រេីនកុះករសក្ដិសមនឹងកិត្តិនាមល្បីល្បាញរបស់លោកដែលបានបម្រេីអារម្មណ៍មហាជនជាច្រេីនឆ្នាំកន្លងមកនេះ។

គួររំលឹកថា តារាសម្តែងសាច់ដុំកង់ៗលោក អ៊ុន សិទ្ធា បាន​ប្រឡូក​ក្នុង​វវិស័យសិល្បៈ​តាម​រយៈ​ដើរ​ម៉ូត សម្ដែង​រឿង និង​ធ្វើ​ជា​ពិធី​ករ​តាម​កម្មវិធី​ផ្សេង​ៗតាំង​ពី​ឆ្នាំ​២០០៦ ដែលគិតមកដល់ពេលនេះ មានរយ:ពេលប្រមាណជិត ២០ឆ្នាំហើយ។

តាមរយ:សមត្ថភាពនិងទេពកោសល្យសម្តែងជាច្រើនកន្លងមក លោក អ៊ុន សិទ្ធា ត្រូវបានអ្នកគាំទ្រចាត់ទុកថា លោកគឺជាតារាប្រុសដែលមានភាពលេចធ្លោកលើការសម្តែង ទោះបីជាមួយរយ:ពេលចុងក្រោយ ហាក់ស្ងប់ស្ងាត់ ពោលគឺចាប់តាំងពីអ្នកម្តាយនិងលោកឪពុកចេញឋានទៅ៕

The post អ្នកសិល្បៈ ស្លុតចិត្តនឹងដំណឹងមរណភាពតារាប្រុសឆ្នើម អ៊ុន សិទ្ធា ខណៈសូម្បីអ្នកស្និតស្នាល ក៏មិនដឹងដំណឹងសម្រាកពេទ្យ ៥ថ្ងៃដែរ appeared first on Kampuchea Thmey Daily.

ឆ្លងកាត់បទពិសោធយូរឆ្នាំកន្លងមកនេះ ត្រូវបានតារាសម្តែងលោក អ៊ុន សិទ្ធា ទម្លាយថា កំឡុងពេលប្រឡូកវិស័យមួយនេះ គឺបានបង្រៀនឱ្យស្គាល់គ្រប់រសជាតិ។ មិនតែប៉ុណ្ណោះ លោកថែមទាំងមើលមនុស្សសឹងតែមេីលធ្លុះទៀតផង។យ៉ាងណាលោក អ៊ុន សិទ្ធា ក៏ហាក់បង្ហាញតម្រុយឃ្លាតឆ្ងាយពីសិល្ប: ដែលខំសាងកេរ្តិ៍ឈ្មោះ ២០ឆ្នាំកន្លងមកដែរ។

ជាមួយគ្នានេះ លោក អ៊ុន សិទ្ធា បានរំលឹកនូវអនុស្សាវរីយ៍ខ្លះៗដែរថា “ថ្វីត្បិត​តែរឿងបានថតបញ្ចប់ និងចាក់ផ្សាយចប់ហេីយក៏ដោយ​ ក៏ខ្ញុំ​នៅតែនឹក និងមាន​អនុស្សាវរីយ៍ជាច្រើនជាមួយគ្នាមិនថាតែជាមួយតួ​ក្រុមការងារ ជាពិសេស​ ឯកឧត្ដម​បង​ ហ៊ុយ​ វាសនា​ នឹងកាន់តែ​អស្ចារ្យ​សម្រាប់ខ្ញុំ​ គឺមាន​វាសនា​ខ្ពស់ណាស់បានជួប​សម្តេចពុកដោយផ្ទាល់ និងបានការណែនាំពីពុកផ្ទាល់​ ពីបុគ្គលិកលក្ខណៈ​របស់តួអង្គ(ធី) ព្រមទាំងបងវាសនាផងដែរ គឺសុទ្ធសឹងតែអ្នកផ្តល់ឱកាសនឹងមេីលឃេីញ​ពី​សមត្ថភាព​របស់​ខខ្ញុំ”។

តារាសម្តែងលោក អ៊ុន សិទ្ធាបន្តថា “បេះដូងសិល្បៈតែលោកក៏មិនដឹងថា​បេះដូង​មួយនេះ និងឈរលេីផ្លូវនេះបានយូរដល់ពេលណាទេ​។ អ្វីៗសម្រេចលេីពេលលវេលា”។

លោក អ៊ុន សិទ្ធា ធ្លាប់បានបញ្ជាក់ឱ្យដឹងថា ២០ឆ្នាំ​ជាងលេី​វិស័យសិល្ប:ដែលធ្វេីឱ្យលោកស្គាល់គ្រប់ស្ទេីរតែគ្មាន​ចន្លោះ​ ហេីយក៏បង្ហាត់បង្រៀនលោកឱ្យចេះសឹងតែសព្វគ្រប់ការងារផងដែរ។ ចំណុចដែលសំខាន់បំផុតនោះ គឺធ្វេីឱ្យលោកចេះមេីលមនុស្សបានថែមទៀត​សឹងតែមេីលថ្លុះទៀតផងថាជា AI ឬក៏ពិត​បាន៕ ចាន់រ៉ា

The post អ៊ុន សិទ្ធា ហាក់បង្ហាញតម្រុយចង់ឃ្លាតឆ្ងាយពីអាជីព ក្រោយសាងកេរ្តិ៍ឈ្មោះប្រមាណ ២០ឆ្នាំ លើវិថីសិល្បៈ appeared first on Kampuchea Thmey Daily.

តាមរយ:សមត្ថភាពនិងទេពកោសល្យសម្តែងជាច្រើនកន្លងមក លោក អ៊ុន សិទ្ធា ត្រូវបានអ្នកគាំទ្រចាត់ទុកថា លោកគឺជាតារាប្រុសដែលមានភាពលេចធ្លោកលើការសម្តែង ទោះបីជាមួយរយ:ពេលចុងក្រោយនេះ ហាក់ស្ងប់ស្ងាត់ពោលគឺចាប់តាំងពីអ្នកម្តាយនិងលោកឪពុកចេញឋានទៅ។

យ៉ាងណាមិញមុននេះ ស្រាប់តែលោក អ៊ុន សិទ្ធា បានបង្ហើបថា លោកសង្ឃឹមអាចបំពេញបំណងក្នុងវិស័យ​សសិល្បៈឱ្យបានគ្រប់​ទម្រង់ ពិសេសចង់ជួបជាមួយតួអង្គពីរ​លក្ខណ:ទៀត​ គឺ(​តួគ​ ថ្លង់ នឹងខ្វាក់)។ លោក អ៊ុន សិទ្ធា បាននិយាយថា បេីនិយាយពី​រូប​សសម្បត្តិគឺមធ្យមទេតែអាងលេី​សមត្ថភាពទេពកោសល្យ​ច្រេីនជាង​ ថ្វីត្បិត​តតែលោកតស៊ូ​មកដល់ពេលនេះមែន​ តែលោកនៅមិនទាន់បាន​បំពេញបំណងខ្លួននៅឡេីយទេ​ ។

តារាសម្តែងលោក អ៊ុន សិទ្ធា បាននិយាយទៀតថា សង្ឃឹម​ថាខ្ញុំនឹងនៅមាន​ឱកាសបានបំពេញបំណងរបស់ខ្ញុំ ក្នុង​វិស័យ​សិល្ប:ឱ្យបានគ្រប់​ទម្រង់នៃការចង់បាន​របស់ខ្ញុំផង​ចុះ​ គឺខ្ញុំ​ចង់ជួបជាមួយតួអង្គពីរ​លក្ខណៈ​ទៀត​គឺ(​តួគ​ ថ្លង់ នឹង​ ខ្វាក់)។ជាការពិតកិត្តិនាម​របស់លោក​ចាប់​ផ្ដើម​ល្បី​សុះសាយ និង​ទទួល​បាន​ការ​គាំទ្រ​ច្រើន​ពី​ទស្សនិកជន បន្ទាប់​ពី​លោក​បាន​ដើរ​ជា​តួ​អង្គ​សំខាន់​ម្នាក់​ក្នុង​រឿង “ស្បែក​គង់” ព្រម​ទាំង​រឿង​ខ្នាត​ធំនិង​រឿង​ភាគ​ដែល​បញ្ចាំង​លើ​កញ្ចក់​ទូរទស្សន៍​ជា​ច្រើន​ទៀត៕ អត្ថបទ៖ ចាន់រ៉ា

The post លោក អ៊ុន សិទ្ធា សង្ឃឹមអាចសម្រេចបំណងក្នុងវិស័យ​សសិល្ប:ឱ្យបានគ្រប់​ទម្រង់ appeared first on Kampuchea Thmey Daily.

សកម្មភាពនេះត្រូវបានមហាជនជាច្រើន បានសម្តែងការកោតសរសើរ និងគាំទ្រចំពោះទង្វើល្អពីសំណាក់តារាសម្តែងលោក សឿន វីតា និង តារាប្រុសលោកលោក អ៊ុន សិទ្ធា ដែលជាមិត្តភក្តិជិតស្និទ្ធនឹងគ្នា។ ដោយឡែក លោក អ៊ុន សិទ្ធា បានបញ្ជាក់ថា វីរៈ​សិល្បករ​ជេីងចាស់ បេីគ្មានពួកលោកទេក៏មិនអាចជំរុញលោកមកដល់ពេលនេះលេី​វិថី​សិល្បៈ​ដែរ។

លោក អ៊ុន សិទ្ធា បានឲ្យដឹងទៀតថា ការធ្វេីដោយទឹកចិត្ត​គោរព​ស្រលាញ់នឹងជ្រះថ្លាទោះតិចក្តី​ក៏ជាក្តីសុខដែរ ប្រសិនខ្ញុំនៅមានបុណ្យហេីយមាន​លទ្ធភាព​ច្រើន​ នឹងបានជួបជុំហេីយច្រេីនជាងនេះ​ ជាពិសេស​ វវីរៈសិល្បករជេីងចាស់។ លោកថាសូមឱ្យខ្ញុំក្លាយជាអ្នកមានឆាប់ៗក្នុងឆ្នាំថ្មីនេះ ​ដេីម្បីងាយស្រួលចែករំលែកក្តីស្រលាញ់បន្តទៀត​។

តាមរយ:នេះក៏មានការលើកឡើងថា មានទឹកចិត្តល្អណាស់ សឿន វីតា បើទោះបីខ្លួនលំបាកមិនសូវមានជីវភាពធូរធារដូចមុនបានរួមគ្នាជាមួយលោក អ៊ុន សិទ្ធា បង្កើតកម្មវិធីសប្បុរសធម៌ជួយដល់សិល្បករវ័យច្រើនហើយទទួលបានការសារទរយ៉ាងច្រើន៕ ចាន់រ៉ា

The post ទោះខ្លួនលំបាក សឿន វីតា និង អ៊ុន សិទ្ធា រួមគ្នាបង្កើតកម្មវិធីសប្បុរសធម៌ជួយដល់សិល្បករវ័យចាស់ appeared first on Kampuchea Thmey Daily.