ក្នុង​លិខិត​ចុះ​ថ្ងៃទី​២ ខែកញ្ញា ឆ្នាំ២០២៥ លោក អ៊ុំ រាត្រី បានបញ្ជាក់ទៅអភិបាលខេត្តស្រះកែវថា ថៃ​កំពុង​ធ្វើ​សកម្មភាពបំពាន​ដល់​អនុសារៈយោគយល់​គ្នា​ឆ្នាំ​២០០០ កិច្ចព្រមព្រៀង​បទ​ឈប់បាញ់ និង​ស្មារតីនៃកិច្ច​ប្រជុំវិសាមញ្ញនៃគណៈកម្មាធិកា ព្រំដែនទូទៅកម្ពុជា-ថៃ(GBC) និង​កិច្ចប្រជុំគណៈកម្មាធិការព្រំដែនថ្នាក់យោធភូមិភាគ (RBC) រវាងប្រទេសទាំងពីរហើយ។ 

លោកបញ្ជាក់​ថា៖ «បញ្ហាខាងលើគឺ​ជាបញ្ហាពាក់ព័ន្ធនឹងការគ្រប់គ្រងព្រំដែន និងការងារវាស់វែង ខណ្ឌសីមានិងបោះបង្គោលព្រំដែន ដែលជាសមត្ថកិច្ចរបស់គណៈកម្មាធិការព្រំដែន ទូទៅកម្ពុជា-ថៃ (GBC) និងគណៈកម្មការចម្រុះខណ្ឌសីមាព្រំដែនគោក (JBC) នៃប្រទេសទាំងពីរ កម្ពុជា-ថៃ ស្របតាមកិច្ចព្រមព្រៀងស្តីពីកិច្ចសហប្រតិបត្តិការព្រំដែន ចុះថ្ងៃទី២៩ ខែកញ្ញា ឆ្នាំ១៩៩៥ និងអនុស្សរណៈនៃការយោគយល់គ្នា ស្តីពីការវាស់វែង ខណ្ឌសីមាព្រំដែនគោកកម្ពុជា-ថៃ ឆ្នាំ២០០០ (MOU ២០០០)»។  

លោកអភិបាល​ខេត្តបានប្រាប់​ទៅអភិបាល​ខេត្ត​ស្រះកែវ​ឱ្យរក្សា​ក្សាស្ថានភាពព្រំដែន និងស្ថានភាពប្រជាជនកំពុងរស់នាពេលបច្ចុប្បន្ន ហើយទុកកិច្ចការងារនេះជូនទៅ GBC និង JBC ដែលជាយន្តការមានសមត្ថកិច្ចក្នុងការដោះបញ្ហានេះ។

ការ​តវ៉ា​របស់​អភិបាល​ខេត្ត​បន្ទាយ​មាន​ជ័យ​នេះ​គឺ​បន្ទាប់​ពី​អភិបាល​ខេត្ត​ស្រះ​កែវ​ប្រទេ​សថៃលោក បរិញ្ញា ពោធិ៍សាត់ បាន​ប្រកាស​កាលពី​ថ្ងៃច័ន្ទ ទី​១ ខែ​កញ្ញា ឱ្យ​ពលរដ្ឋ​ថៃ​ទៅ​យក​ដី​ដែល​ថៃ​ឈ្លានពាន​យក​នៅ​ភូមិ​ជោគ​ជ័យ ឃុំអូរ​បីជាន់ ស្រុកអូរជ្រៅ​ ខេត្ត​បន្ទាយ​មាន​ជ័យ​ដែល​ជា​ការ​បំពាន​លើកិច្ចព្រមព្រៀង​នៃ​បទ​ឈប់បាញ់ MOU ឆ្នាំ​២០០០ និងសិទ្ធិ​មនុស្ស​យ៉ាង​ធ្ងន់ធ្ងរ៕

ដោយអ ពៅ

The post ខេត្តបន្ទាយមានជ័យតវ៉ា​ទៅខេត្តស្រះកែវ​ប្រទេសថៃឱ្យចេះគោរពច្បាប់ដែល​ខ្លួនសន្យា appeared first on Kampuchea Thmey Daily.

ថ្លែងនៅក្នុង​កិច្ចប្រជុំ​កាលពីពេលថ្មីៗនេះ លោក អ៊ុំ រាត្រី អភិបាល​ខេត្ត​បន្ទាយមានជ័យ​បានឲ្យ​ដឹងថា ក្នុង​ឱកាសថ្ងៃឈប់សម្រាក​ចូលឆ្នាំ​រយៈ​ពេល ៣ ថ្ងៃ ពីថ្ងៃទី ១៤ .១៥ .១៦ ខែ​មេសា នឹង​មានមនុស្ស​ចូលរួម​យ៉ាងកកកុញ។

ដើម្បីរក្សា​តម្លៃ​និង​វប្បធម៌​របស់ជាតិ លោកអភិបាល​ខេត្ត​​បានលើកឡើង​ពី​សីលធម៌​នៃការ​ស្លៀកពាក់ ជា​ពិសេសសម្រាប់​យុវតី​ក្មេងៗមិនត្រូវ​ស្លៀកពាក់​ខើច​លើ​ខើច​ក្រោម។

លោក​អភិបាល​ខេត្ត​បានដាស់តឿន ដល់ យុវនារី ដែលនិយមស្លៀកពាក់សិចស៊ី ហើយ​ចេញ​មក​លេង​កម្សាន្ត ក្នុងឱកាស​បុណ្យចូលឆ្នាំខ្មែរ មានបាញ់ទឹក ឬស្រោចទឹក ប៉ាតម្សៅ ឬលេង ល្បែង​ផ្សេងៗ​ទៀតឲ្យចេះស្លៀកពាក់ឲ្យបានសមរម្យចេះគោរពច្បាប់ប្រពៃណីខ្មែរ។

ជាមួយគ្នានេះ លោក​ក៏បានព្រមានរាល់​ការ​លេង​ល្បែងទាំងឡាយណា​ដែលនាំ​ឲ្យខាតបង់ អន្តរាយ​ទ្រព្យសម្បត្តិនិង​នាំឲ្យ​មាន​គ្រោះថ្នាក់មាន​ល្បែង​ស៊ីសង ល្បែងភ្នាល់​ផ្សេងៗ ក៏​ដូចជា​ការ​គប់ស្បោងទឹក លាបធ្យូង ដល់​អ្នកធ្វើដំណើរ​តាមផ្លូវ ត្រូវហាមដាច់​ខាត។

លោក​ក៏ក្រើន​រំលឹក​ឲ្យ​បង្កើន​ស្មារតី​ប្រុងប្រយ័ត្ន​ក្នុងការដុតទៀនធូប ភ្លើងចង្ក្រាន ឬប្រើប្រាស់គ្រឿងឆេះផ្សេងៗដែលនាំឲ្យ​មានអគ្គិភ័យ និងត្រូវទប់ស្កាត់ ការដុតផាវ គ្រឿងផ្ទុះ គ្រាប់រំសេវដែលនាំឲ្យមានគ្រោះថ្នាក់​ដល់អាយុជីវិតនិងប៉ះពាល់ដល់សណ្តាប់ធ្នាប់សង្គមជាដើម។

​

លោកអ៊ុំ រាត្រី ក៏​បាន​ណែនាំ​ដល់​អង្គភាពទាំង៣ មាន​កងកំលាំងអាវុធហត្ថខេត្ត ស្នងការនគរបាល​ខេត្ត និង សឹករងខេត្តបន្ទាយមានជ័យ និង គណៈបញ្ជាការឯកភាពក្រុង​សិរីសោភ័ណ ត្រូវ​នៅចាំការពារ​គ្រប់ច្រកល្ហក ទាំង​យប់​ទាំងថ្ងៃ ដើម្បីពង្រឹងសន្តិសុខ​ឲ្យបានដាច់ខាត​ក្នុង​ឱកាសបុណ្យចូលឆ្នាំខ្មែររយៈពេល ៣ ថ្ងៃ៕

អត្ថបទ៖ វ៉ាន់ ណាង

The post រដ្ឋបាល​ខេត្ត​បន្ទាយមានជ័យ​ ក្រើន​រំលឹក​ដល់​យុវជន​​ត្រូវ​គោរពតម្លៃប្រពៃណីជាតិ ឱកាស​សប្បាយ​​ចូលឆ្នាំ​ថ្មី​ appeared first on Kampuchea Thmey Daily.

ក្រោយពីស្រូវប្រាំងរបស់ពលរដ្ឋ​កំពុងប្រឈមខ្វះទឹកបូមដាក់ស្រែ លោក អ៊ុំ រាត្រី អភិបាលខេត្តបន្ទាយមានជ័យបានដឹកនាំមន្ត្រីជំនាញ១ក្រុម ចុះពិនិត្យទីតាំងស្រូវប្រាំងដែលប្រឈមខ្វះទឹកក្នុងស្រុកមង្គលបុរី។

លោក អ៊ុំ រាត្រី បានប្រាប់អ្នកយកព៍ត័មានពេលចុះពិនិត្យកសិករធ្វើស្រែប្រាំងកំពុងខ្វះទឹកនោះថា នៅឃុំចំណោមនិងឃុំរហាត់ទឹក ស្រុកមង្គលបុរី ខេត្តបន្ទាយមានជ័យ ក្នុងផែនការឲ្យ​កសិករធ្វើស្រូវប្រាំងប្រមាណ ២៧០០០ ហិចតា។ ប៉ុន្តែជាក់ស្តែង ប្រជាកសិករបាននាំគ្នាសំរុកធ្វើស្រូវប្រាំងដល់ទៅចំនួន ៧០ ០០០ ហិចតាជាហេតុធ្វើឲ្យខ្វះទឹកបូមដាក់ស្រែ។

ជាវិធានការដោះស្រាយបន្ទាន់ លោកអភិបាល​ខេត្ត​បាន​ណែនាំ​ឲ្យ​អាជ្ញាធរឃុំ​ចុះពិនិត្យស្រង់ទិន្នន័យជាក់លាក់ ពីផលប៉ះពាល់ និងដំណាំស្រូវខូចខាតរបស់ប្រជាកសិករ ដើម្បី​​រិះរកដំណោះស្រាយទាំងជំនាញធនធានទឹក ជំនាញកសិករ និង អភិវឌ្ឍន៍ជនបទ។

បើតាម​ប្រធានមន្ទីរធនធានទឹក និងឧតុនិយមខេត្តបន្ទាយមានជ័យ ស្រូវប្រាំងដែលប្រឈមខ្វះទឹកបូមដាក់ស្រែនោះមានចំនួន ៤៨៧ ហិកតា ស្ថិតនៅឆ្ងាយពីប្រភពទឹក ស្ថិតក្នុងភូមិសាស្ត្រឃុំរហាត់ទឹកឃុំចំណោម ស្រុកមង្គលបូរី ខេត្តបន្ទាយមានជ័យ៕

អត្ថបទ៖ វ៉ាន់ ណាង

The post ២ឃុំ​នៅ​ស្រុក​មង្គលបុរី​​ខ្វះទឹក​ធ្វើ​ស្រែប្រាំង អភិបាល​ខេត្ត​ចុះទៅពិនិត្យ​រក​វិធីដោះស្រាយ appeared first on Kampuchea Thmey Daily.

តាម​ការ​លើកឡើង​របស់លោក ឈួ ប៊ុនរឿង ប្រធានមន្ទីរអប់រំយុវជននិងកីឡាខេត្តបន្ទាយមានជ័យបានមានប្រសាសន៍​ថា ការប្រឡងសញ្ញាប័ត្រមធ្យមសិក្សាទុតិយភូមិនៅខេត្តបន្ទាយមានជ័យឆ្នាំសិក្សាឆ្នាំ ២០២២-២០២៣ មាន​បេក្ខជន បេក្ខនារីចូលរួមប្រឡងមានចំនួន ៦.១៦៨នាក់ ក្នុងនោះ​បេក្ខនារីមានចំនួន ៣.៣៧៧ នាក់។

បេក្ខជនបានប្រឡងជាប់សញ្ញាបត្រមធ្យមសិក្សាទុតិយភូមិមានចំនួន ៤.១៤៣ នាក់ស្រី ២.៥០៥នាក់ ក្នុង​នោះ​បេក្ខជនជាប់ចំណាត់ថ្នាក់និទ្ទេស A មានចំនួន ៨២ នាក់ ស្រី ៤៣ នាក់ និទ្ទេស B ចំនួន ៣៣១ នាក់ ស្រី ២០៧ នាក់ និទ្ទេស C មានចំនួន ៦៤៦ នាក់ ស្រី ៤៣៥ និទ្ទេស D មានចំនួន ១.៤១៨ នាក់ ស្រី ៨៧១ និងនិទ្ទេស E ចំនួន ១.៦៦៦ នាក់ស្រី ៩៤៩ នាក់។

លោក អ៊ុំ រាត្រី អភិបាល​ខេត្ត​បន្ទាយមានជ័យ​បានបញ្ជាក់ឲ្យដឹង​ថា ដំណើរការ​ប្រឡងសញ្ញាប័ត្រមធ្យមសិក្សាទុតិយភូមិនៅខេត្តបន្ទាយមានជ័យ​ឆ្នាំសិក្សាឆ្នាំ ២០២២- ២០២៣ មុនប្រឡងមានអ្នកសង្កេតការណ៍របស់អង្គភាពប្រឆាំងអំពើពុករលួយ​ចូលរួម ដើម្បីរៀបចំដំណើរការ​មណ្ឌលសំណេរនៃការប្រឡងបានលទ្ធផលល្អនិងមានប្រសិទ្ធភាព។

ចំណែកអាជ្ញាធរក្រុងសិរីសោភ័ណបានធ្វើការសម្រួលសណ្តាប់ធ្នាប់ ទីស្នាក់នៅ អាហារកុំឲ្យឡើងថ្លៃផងដែរ។

លោកអភិបាល​ខេត្ត​សង្ឃឹមនិងជឿជាក់ថា សិស្សានុសិស្សគ្រប់ជំនាន់និងរក្សាបាននូវលទ្ធផលដ៏ឆ្នើមនេះបន្ថែមទៀតដើម្បីលើក​ស្ទួយមុខមាត់ខេត្តបន្ទាយមានជ័យបន្ថែមទៀត៕

វ៉ាន់ ណាង

The post សិស្សនិទ្ទេស A ៨២ នាក់​ក្នុង​ខេត្ត​បន្ទាយមានជ័យ ទទួល​កុំព្យូទ័រយួរដៃ​ម្នាក់ ១ គ្រឿងពីអភិបាល​ខេត្ត appeared first on Kampuchea Thmey Daily.

តាមរយៈ​លិខិត​សុំទោស​របស់​ សាន ស៊ានហូ​ បាន​បញ្ជាក់​ថា កន្លងមកនេះលោក​បាន​ប្រព្រឹត្តអំពើខុសឆ្គងយ៉ាងធ្ងន់ធ្ងរដោយបានធ្វើការផ្សាយផ្ទាល់តាមបណ្តាញសង្គមហ្វេសបុកតាមគណនីផ្ទាល់ខ្លួន​ និងតាមបទសំភាសន៍របស់សាព័ត៌មាន SAN BUNTHEOUN NEWS ដែលធ្វើឲ្យ​ប៉ះពាល់ដល់ កិត្តិយស និងសេចក្តីថ្លៃថ្នូររបស់​លោក​ អ៊ុំ រាត្រី អភិបាលខេត្ត និងជាប្រធានគណបក្សប្រជាជនកម្ពុជាខេត្តបន្ទាយមានជ័យ ពិសេសធ្វើឲ្យប៉ះពាល់ដល់លក្ខន្តិកៈនិងបទបញ្ជាផ្ទៃក្នុងរបស់គណបក្សប្រជាជនកម្ពុជា ដែលជាគណបក្សតែមួយដែលបានសង្គ្រោះប្រជាជនកម្ពុជា និងកំពុងដឹកនាំប្រទេសជាតិកម្ពុជា ឲ្យទទួលបានសុខសន្តិភាព ការអភិវឌ្ឍន៍ទៅមុខ និងមាន ការរីកចំរើនលើគ្រប់វិស័យ។

លោកអះអាងដោយ​ទទួល​ស្គាល់​កំហុស និង​សុំការខន្តីអភ័យទោសពីសម្តេចអគ្គមហាសេនាបតីតេជោ ហ៊ុន សែន ប្រធាន​គណបក្សប្រជាជនកម្ពុជា មេត្តាលើកលែងទោសនូវកំហុសឆ្គង។ បន្ថែមពីនេះលោក​សន្យានឹងលុបចោលនូវសារសំលេង និងវិដេអូនិងបញ្ឈប់រាល់សកម្មភាពទាំងឡាយណាដែលធ្វើប៉ះពាល់ដល់ថ្នាក់ដឹកនាំ សង្គមជាតិ និងសន្យាថាបន្តខិតខំប្រឹងប្រែង ចូលរួមអភិវឌ្ឍន៍មូលដ្ឋានឲ្យកាន់តែរីកចំរើនទៅមុខបន្តទៀត ។

គួរ​បញ្ជាក់​ថា ថ្មីៗ​នេះ លោក សាន ស៊ានហូ សមាជិកគណៈកម្មាធិការគណបក្សប្រជាជនកម្ពុជាខេត្ត អនុប្រធានគណៈកម្មាធិការគណបក្សប្រជាជនកម្ពុជាក្រុងប៉ោយប៉ែត និងជាប្រធានក្រុមប្រឹក្សាក្រុងប៉ោយប៉ែតខេត្តបន្ទាយមានជ័យ​បាន​​រិះគន់វាយប្រហារ​លោក អុំ រាត្រី អភិបាល​ខេត្ត​បន្ទាយមានជ័យ ដោយ​លោក​បាន​ចោទ​ប្រកាន់បានជ្រៀតជ្រែក​កិច្ចការថ្នាក់ក្រោម​ និង​បង្គាប់បញ្ជា​តាមអំពើ​ចិត្ត​ដោយអាងខ្លួនជាថ្នាក់ដឹកនាំដោយមិនផ្តល់ការ​គោរព​ដល់មន្រ្តីមូលដ្ឋាន។

លោកថែមទាំងអះអាង​ទទួលខុសត្រូវ​ចំពោះ​រាល់សកម្មភាព​និង​រាល់ពាក្យ​សម្តី​ ហើយ​ហ៊ាន​តទល់ជាមួយ​ថ្នាក់ដឹកនាំ​ខេត្ត​ និងអភិបាល​ខេត្ត​ដោយ​ប្រកាស​មិន​ខ្លាចប៉ះពាល់ដល់​មុខ​​តំណែង​ថែម​ទៀត​ផង​៕

គួរ​បញ្ជាក់ថ្មីៗ លោក ស

The post អតីតអភិបាលក្រុង​ប៉ោយប៉ែត ចេញលិខិតសុំទោស ក្រោយ​​រិះគន់វាយប្រហារ​អភិបាល​ខេត្ត​បន្ទាយមានជ័យ appeared first on Kampuchea Thmey Daily.

ការចុះពិនិត្យនិងដោះស្រាយភ្លាមៗនោះ លោកក៍បានសូមបងប្អូនប្រជាពលរដ្ឋដែលរស់នៅក្បែរដងស្ទឹងនិងកន្លែងដែលមានហានិភ័យមេត្តាប្រុងប្រយ័ត្នខ្ពស់ ប្រសិនបើមានករណីចាំបាច់សូមរាយការណ៍ជាបន្ទាន់មកអាជ្ញាធរមានសមត្ថកិច្ច និងកងកម្លាំង។

គួរបញ្ជាក់ថា ដោយសារប៉ុន្មានថ្ងៃនេះមានភ្លៀងធ្លាក់ជាប់គ្នាទាំងថ្ងៃនឹងយប់ធ្វើអោយតំបន់ខ្លះត្រូវជនលិចផ្លូវដោយសារទឹកហូរមិនទាន់តាមប្រព័ន្ធលូដែលស្ទះដូចជានៅក្រុងប៉ោប៉ែតនិងនៅតាមដងស្ទឹង។ជាក់ស្តែងថ្មីនេះម្នទីរពេទ្យបង្អែកស្រុកស្វាយចេកដែលនៅជិតស្ទឹងត្រូវបានទឹកជំនន់ជនលិច៕

អត្ថបទ៖ អពៅ

The post ជម្លៀស​អ្នក​ជំងឺ​ចេញពី​មន្ទីរពេទ្យស្រុកស្វាយចេក ដោយសារជំនន់ទឹកភ្លៀងជន់លិច appeared first on Kampuchea Thmey Daily.

លោក អ៊ុំ រាត្រី អភិបាលខេត្តបន្ទាយមានជ័យបានប្រាប់អ្នកយកព័ត៌មានឲ្យដឹងថា ក្រុមគ្រូពេទ្យស្ម័គ្រចិត្តនៃ Medical Service Corps Jeolladuk.do  អង្គការហាឆាន់ខាំ ដឹកនាំដោយ លោក ចង ក្យុងហូ ប្រធានក្រុមការងារបានដឹក​នាំក្រុមគ្រូពេទ្យស្ម័គ្រចំនួន៣០នាក់។

លោក អភិបាលខេត្ត បានបញ្ជាក់ឲ្យដឹងបន្តទៀតថា ក្រុមគ្រូពេទ្យស្ម័គ្រចិត្តរបស់អង្គការហាឆាន់ខាំនេះ បានចុះមកពិនិត្យ ព្យាបាលជំងឺជូនពលរដ្ឋទូទៅនៅក្រុងសិរីសោភ័ណ ដោយមិនប្រកាន់និន្នាការនយោបាយ សាសនា វណ្ណៈក្នុងបំណងរួម​ចំណែកបន្ថែមក្នុងការបំប៉ន លើកកម្ពស់សុខុមាលភាព កាត់បន្ថយភាពក្រីក្រជូនប្រជាពលរដ្ឋតែប៉ុណ្ណោះ។

ជាមួយគ្នានេះ លោកបានបានថ្លែងអំណរគុណដល់ក្រុមការងារគ្រូពេទ្យស្ម័គ្រចិត្តអាមេរិច ដែល បានចុះមក​ពិនិត្យជំងឺជូនប្រជាពលរដ្ឋនៅក្នុងក្រុវសិរីសោភ័ណនេះដោយមិនគិតថ្លៃ ជួយជាមនុស្សធម៌សុខ​ភាពដល់​ប្រជាពលរដ្ឋនៅក្នុងខេត្តបន្ទាយមានជ័យនេះ៕

អត្ថបទ៖ វ៉ាន់ ណាង

The post ក្រុមគ្រូពេទ្យស្ម័គ្រចិត្ត ចុះពិនិត្យ និងព្យាបាលជំងឺទូទៅ ដោយមិនគិតថ្លៃ ជូនប្រជាពលរដ្ឋ នៅក្រុងសិរីសោភ័ណ appeared first on Kampuchea Thmey Daily.

លោក អ៊ុំ រាត្រី បានបញ្ជាក់ថា ការបោះឆ្នោតជ្រើសតាំង តំណាងរាស្រ្ដ នីតិកាលទី ៧ នៅខេត្តបន្ទាយមានជ័យ បានប្រព្រឹត្តទៅដោយរលូនល្អ មិនមានឧបសគ្គរាំងស្ទះឡើយ។

លោក អ៊ុំ រាត្រី បានឲ្យដឹងបន្តថា នៅខេត្តបន្ទាយមានជ័យ មានការិយាល័យបោះឆ្នោតចំនួន ១,១១៩ការិយាល័យ ដែលភាគច្រើននៅក្នុងសាលារៀន និងវត្ត។ ខេត្តបន្ទាយមានជ័យ អាសនៈចំនួន ៦ ហើយការបោះឆ្នោតជ្រើសតាំង តំណាងរាស្រ្ដ នីតិកាលទី ៧នេះ មានគណបក្សនយោបាយចំនួន ១១ បានចុះបញ្ជីចូលរួមប្រកួតប្រជែង។ ប្រជាពលរដ្ឋនៅខេត្តបន្ទាយមានជ័យ ដែលមានឈ្មោះក្នុងបញ្ជីបោះឆ្នោតមានចំនួន ៤៣១,៧៧៥នាក់។

លោក អ៊ុំ រាត្រី បានបញ្ជាក់ទៀតថា គ្រប់មូលដ្ឋានក្រុង ស្រុក ទាំង ៩ នៅក្នុងខេត្តបន្ទាយមានជ័យ បានដំណើរការបោះឆ្នោតទៅដោយមានសន្តិសុខ និងសណ្ដាប់ធ្នាប់ល្អ ហើយមិនមានបញ្ហាអ្វីមួយកើតឡើងនោះឡើយ៕

អត្ថបទ៖ វ៉ាន់ ណាង

The post លោក អ៊ុំ រាត្រី បញ្ជាក់ថា ការបោះឆ្នោតនៅខេត្តបន្ទាយមានជ័យ បានប្រព្រឹត្តទៅដោយរលូនល្អ appeared first on Kampuchea Thmey Daily.