យ៉ាងមិញមកដល់ពេលនេះក៏នៅតែមានការចែករំលែកនូវដំណឹងដ៏សោកសៅ និងការសោកស្តាយរាល់អនុស្សាវរីយ៍ល្អៗរបស់លោកឧកញ៉ា ឈាង រ័ត្ន ដែលជាមនុស្សល្អចេះជួយអ្នកជុំវិញខ្លួន។ ដោយឡែកចាប់អារម្មណ៍ប្រវត្តិសិក្សា និងការងាររបស់ឧកញ៉ា ឈាង រ័ត្ន មុនពេលទទួលមរណភាពកាន់តែរន្ធត់ និងសោកស្តាយថែមទៀត។

ឧកញ៉ា ឈាង រ័ត្ន នៅអំឡុងឆ្នាំ១៩៩៩-២០០២ លោកបានចូលសិក្សានៅវិទ្យាល័យ ហ៊ុន សែន កំពង់ពពិល ក្នុងខេត្តព្រៃវែង។ ហើយនៅក្នុងឆ្នាំ២០០៦ លោកបានបញ្ចប់ថ្នាក់បរិញ្ញាបត្រផ្នែកព័ត៌មានវិទ្យា(IT) នៃសាកលវិទ្យាល័យភ្នំពេញអន្តរជាតិ(PPIU) និងបានបញ្ចប់ថ្នាក់អនុបណ្ឌិតវិទ្យាសាស្ត្រកំព្យូទ័រនៅក្នុងឆ្នាំ២០០៩។

នៅក្នុងឆ្នាំ២០០៩ដដែលលោកឧកញ៉ាក៏បានសិក្សបន្ថែមដោយខ្លួនឯងលើជំនាញផ្សេងៗដូចជា ការគ្រប់គ្រងអាជីវកម្ម ភាពជាអ្នកដឹកនាំ បច្ចេកវិទ្យា ប្រព័ន្ធបណ្តាញសង្គម និងចំណេះដឹងទូទៅជាដើម។

បទពិសោធន៍ការងារគឺលោកឧកញ៉ា ឈាង រ័ត្ន បានចាប់ផ្តើមចេញធ្វើការងារតាំងពីកំពុងរៀននៅសាកលវិទ្យាល័យអំឡុងឆ្នាំ២០០៣ដោយបម្រើការងារនៅតាមបណ្តាក្រុមហ៊ុននានាទាំងវិស័យបច្ចេកវិទ្យា ទូរគមនាគមន៍ និងអចលនទ្រព្យផងដែរ។ នៅឆ្នាំ២០១៧ លោកក្លាយជាប្រធានផ្នែកទីផ្សានៅក្រុមហ៊ុនភ្នាក់ងារអចនទ្រព្យ Bayon Realty។ លោកមានបទពិសោធន៍ជាង៦ឆ្នាំនៅក្នុងវិស័យព័ត៌មានវិទ្យា(IT) និងផ្នែកទីផ្សា។

បទពិសោធន៍ការងាររបស់លោកពិតជាមានវិសាលភាពទាំងយុទ្ធសាស្រ្ត និងការអភវឌ្ឍន៍ផលិតផលការវិភាគអាជីវកម្ម ប្រព័ន្ធទូទាត់វិក័យបត្រ និងថែរក្សាអតិថិជនព្រមទាំងប្រព័ន្ធVAS។ នៅចុងខែមករា ឆ្នាំ២០២២លោកឧកញ៉ា ឈាង រ័ត្ន បានធ្វើពិធីបើកសម្ពោធគម្រោងលំនៅដ្ឋានដ៏ធំ គឺបុរី បុស្បា ដែលចំណាយទឹកប្រាក់វិនិយោគអស់ជាង៧០លានដុល្លារដែលមានទីតាំងស្ថិតនៅសង្កាត់ដង្កោ រាជធានីភ្នំពេញ។

នៅអំឡុងខែកុម្ភ: ឆ្នាំ២០២១ លោកឧកញ៉ា ឈាង រ័ត្ន ត្រូវបានព្រះករុណា ព្រះបាទសម្តេច ព្រះបរមនាថ នរោត្តម សីហមុនី ព្រះមហាក្សត្រព្រះរាជាណាចក្រកម្ពុជា ចេញព្រះរាជក្រឹត្យ ត្រាស់បង្គាប់ផ្តល់គោរមងារជា” ឧកញ៉ា”។ ចំណែកជីវិតអាពាហ៍ពិពាហ៍លោកឧកញ៉ា ឈាង រ័ត្ន គឺបានរៀបការជាមួយលោកស្រី នួន ស៊ុន្ទរី ហៅស្រីអូន កាលពីឆ្នាំ២០១៧​ដោយទទួលបានចំណងដៃកូនស្រីម្នាក់ជាដំណក់ឈាមរួមគ្នា។

គួររជម្រាបដែរថា បើយោងតាមសមត្ថកិច្ចសង្កាត់វាលស្បូវ ខណ្ឌច្បារអំពៅ បានបញ្ជាក់ថា ស្វាមីរបស់ស្រីអូនសម្រស់ធម្មជាតិលោកឧកញ៉ា ឈាង រ័ត្ន ពិតជាបានបញ្ចប់ជីវិតខ្លួនឯងដោយការចងករនៅវេលាម៉ោង២និង៥០នាទីរសៀលនាទីថ្ងៃទី១១ ខែតុលា ឆ្នាំ២០២៣ ក្នុងគេហដ្ឋានរបស់លោកចំណុចលេខ១៤២ ផ្លូវ R12គម្រោងរ៉ូសវីលបុរីប៉េងហួតភូមិវាលស្បូវសង្កាត់វាស្បូវ ខណ្ឌច្បារអំពៅរាជធានីភ្នំពេញ។

តាមរយ:ដំណឹងខាងលើនេះគឺ បានធ្វើឲ្យមហាជននិ ងអ្នកសិល្ប:ជាច្រើនបានបង្ហាញការភ្ញាក់ផ្អើលជាខ្លាំ ងនិងបានផ្ញើសារចូលរួមរំលែកទុក្ខដល់ក្រុមគ្រួសារឧកញ៉ា ឈាង រ័ត្ន គ្រប់ៗគ្នា៕

អត្ថបទ៖ ចាន់រ៉ា

The post ប្រវត្តិសិក្សា និងការងាររបស់ឧកញ៉ា ឈាង រ័ត្ន មុនពេលទទួលមរណភាព appeared first on Kampuchea Thmey Daily.

បន្ទាប់ពី លោកឧកញ៉ា ឈាង រ័ត្ន  បានមរណភាពកាលពីរសៀលថ្ងៃម្សិលមិញ នៅព្រឹកថ្ងៃទី១២ ខែតុលានេះ ក្រុមគ្រួសារសពបានទទូចសុំឱ្យ អ្នកសារព័ត៌មាន និងសាធារណជនទាំងអស់ ដែលបានបង្ហោះរូបភាព ឬ វិដេអូទាំងឡាយណា ដែលមិនគួរគប្បី សូមបញ្ឈប់ការផុសស៊ែ និងលុបចេញពីគ្រប់បណ្តាញសង្គម រួមមានជាអាទិ៍ Facebook និង Tiktok ជាបន្ទាន់។

ការណ៍ដែលក្រុមគ្រួសារ ទទូចឱ្យលុបចេញជាបន្ទាន់បែបនេះ  ព្រោះតែក្រុមគ្រួសារសពសង្កេតឃើញថា មានអ្នកសារព័ត៌មាន និងសាធារណជនមួយចំនួន បានធ្វើចែកចាយរូបភាព និងវីដេអូមិនសមរម្យលើបណ្តាញសង្គម ពាក់ព័ន្ធនឹងសពរបស់លោក ឧកញ៉ា ឈាង រ័ត្ន ជាហូរហែ ដោយគ្មានការ អនុញ្ញាត។

ក្រុមគ្រួសារសពបានចាត់ទុកទង្វើទាំងនេះ ថាមិនបានផ្តល់ការគោរពសិទ្ធិបុគ្គល និងឱ្យតម្លៃ ព្រមទាំងធ្វើឱ្យប៉ះពាល់យ៉ាងខ្លាំងដល់សេចក្ដី ថ្លៃថ្នូរ និងកិត្តិយសនៃសព និងប៉ះពាល់ដល់អារម្មណ៍ផ្លូវចិត្តរបស់ក្រុមគ្រួសារទាំងមូលផងដែរ។

លើសពីនេះទៅទៀត ក្រុមគ្រួសារសព ក៏បានចាត់ទុកទង្វើនេះ ថាមិនបានបង្ហាញអំពីសេចក្តីថ្លៃថ្នូរ និងគុណធម៌ក្នុងនាមជាមនុស្ស និងធ្វើឱ្យសីលធម៌ក្នុងសង្គមជាតិទាំងមូលមានការធ្លាក់ចុះថែមទៀតផង។​

អាស្រ័យហេតុនេះ  ក្រុមគ្រួសារនៃសព បានទទូចសុំដល់សារព័ត៌មាន និងសាធារណជនទាំងអស់ មេត្តាលុបរូបភាព វីដេអូ មិនសមរម្យពាក់ព័ន្ធនឹងសពរបស់លោកឧកញ៉ា ឈាង រ័ត្ន ចេញជាបន្ទាន់ ដើម្បីចូលរួមសហការជាមួយក្រុមគ្រួសារនៃសព ដែលកំពុងជួបវិចិត្តយ៉ាងធ្ងន់ធ្ងរ៕

The post គ្រួសារសព ទទូចឱ្យអ្នកផ្សាយត្រូវលុបចេញជាបន្ទាន់រាល់  វីដេអូមិនសមរម្យ នៃការស្លាប់របស់លោក ឈាង រ័ត្ន appeared first on Kampuchea Thmey Daily.