ដំណើរការជ្រើសរើសនាយករដ្ឋមន្ត្រី ត្រូវបានអនុវត្តក្រោមមាត្រា ១៥៩ នៃរដ្ឋធម្មនុញ្ញ ដោយមានលក្ខខណ្ឌសំខាន់ៗដូចខាងក្រោម៖

• បេក្ខជនតែងតាំង ត្រូវតែមកពីគណបក្សដែលមានអាសនៈក្នុងសភាត្រឹម ៥% ឬ ២៥ អាសនៈឡើងទៅ។
• ការតែងតាំងត្រូវតែមានការគាំទ្រពីសមាជិកសភាយ៉ាងហោចណាស់ ១ ភាគ ១០ នៃសមាជិកសភាទាំងអស់ ឬមិនតិចជាង ៥០ រូប។
• បេក្ខជនដែលត្រូវបានតែងតាំងម្នាក់ៗ ត្រូវតម្រូវឲ្យថ្លែងសុន្ទរកថានៅក្នុងអង្គសភា និងបង្ហាញពីចក្ខុវិស័យរបស់ខ្លួន មុនពេលការបោះឆ្នោតចាប់ផ្តើម។
• ការបោះឆ្នោតត្រូវបានធ្វើឡើងដោយចំហ ដោយសមាជិកសភាត្រូវបានហៅឈ្មោះម្នាក់ម្តងៗតាមលំដាប់អក្ខរក្រម។
• ជាមួយចំនួនសមាជិកសភាសរុប ៤៩៩ រូប បេក្ខជនម្នាក់ត្រូវការសំឡេងគាំទ្រលើសពីពាក់កណ្តាលនៃសមាជិកសភាសរុប ឬយ៉ាងហោចណាស់ ២៥០ សំឡេង ដើម្បីជាប់ឆ្នោតជានាយករដ្ឋមន្ត្រី។

ក្នុងការបោះឆ្នោតនៅសភាថ្ងៃព្រហស្បតិ៍ទី១៩ខែមីនាឆ្នាំ២០២៦ លោក Anutin ទទួលបានសំឡេងគាំទ្រពីតំណាងរាស្រ្ត២៩៣រូប យកឈ្នះលោក Natthapong Ruangpanyawut ខាងគណបក្សប្រជាជន ដែលទទួលបានសំឡេងពីតំណាងរាស្រ្តត្រឹម១១៩រូប ខណៈ៨៦រូបទៀត អនុបវាទ។

បន្ទាប់ពីទទួលបានការគាំទ្រពីសភានេះហើយ ឈ្មោះរបស់ Anutin នឹងត្រូវបញ្ជូនទៅថ្វាយព្រះមហាក្សត្រ ដើម្បីសុំការតែងតាំងជាផ្លូវការ។

សូមជម្រាបថា Anutin គ្រោងបង្ហាញសមាសភាពគណៈរដ្ឋមន្ត្រីថ្មី និងថ្លែងគោលនយោបាយទៅកាន់សភា ដើម្បីចាប់ផ្តើមការងារជាផ្លូវការឲ្យបានមុនពិធីបុណ្យចូលឆ្នាំថៃ៕

អត្ថបទ៖ សុខ សុវណ្ណ

The post រដ្ឋសភាថៃ ជ្រើសតាំង Anutin ជានាយករដ្ឋមន្ត្រីថ្មីផ្លូវការហើយ appeared first on Kampuchea Thmey Daily.

តាមការផ្សាយរបស់ Khaosod នៅថ្ងៃព្រហស្បតិ៍ទី១២ខែកុម្ភៈឆ្នាំ២០២៦, អនុទីន និយាយថា៖ «ខ្ញុំជឿជាក់លើ EC, រដ្ឋាភិបាលមិនមែនជាអ្នករៀបចំការបោះឆ្នោតទេ។ ឱកាសក្នុងការបន្លំគឺស្ទើរតែគ្មាន! ជាធម្មតា តំណាងមកពីគ្រប់គណបក្សសុទ្ធតែមានវត្តមានដើម្បីតាមដានដំណើរការរាប់សន្លឹកឆ្នោត តាំងពីសន្លឹកដំបូងរហូតដល់សន្លឹកចុងក្រោយ។ មានការហៅឈ្មោះឮៗ ហើយការប្រកាសសំឡេងឆ្នោតក៏ត្រូវបានធ្វើឡើងម្តងមួយៗ យ៉ាងច្បាស់លាស់ និងត្រឹមត្រូវ។ ឱកាសនៃការបន្លំគឺស្ទើរតែស្មើនឹងសូន្យ»។

ទន្ទឹមនោះពាក់ព័ន្ធការចោទប្រកាន់អំពីភាពអយុត្តិធម៌និងខ្វះតម្លាភាពក្នុងការបោះឆ្នោត ដែលនឹងនាំទៅដល់ការរាប់សន្លឹកឆ្នោតឡើងវិញ, លោក អានុទីន បញ្ជាក់ថា វាអាស្រ័យលើ EC, ការងាររបស់ EC បានប្រព្រឹត្តទៅយ៉ាងរលូន ហើយរដ្ឋាភិបាលគាំទ្រយ៉ាងពេញទំហឹងលើផ្នែកថវិកា និងការរៀបចំ។

សម្តីរបស់លោកអានុទីន កើតឡើងស្របពេលស្ថានការណ៍នៅថៃក្រោយការបោះឆ្នោត កាន់តែក្តៅទៅៗហើយ ដោយសារតែមានការធ្វើបាតុកម្មជាច្រើនកន្លែងនៅតាមបណ្តាខេត្តនានា ជាពិសេសតាមមណ្ឌលរាប់សន្លឹកឆ្នោតតែម្តង។

ប្រជាពលរដ្ឋ នាំគ្នាចេញមកតវ៉ា និងឡោមព័ទ្ធមណ្ឌលរាប់សន្លឹកឆ្នោត ដោយសារពួកគេមិនពេញចិត្តនឹងការបកស្រាយរបស់មន្ត្រីបោះឆ្នោត ហើយសង្ស័យថាមានការបន្លំលទ្ធផល និងខ្វះតម្លាភាព។

ក្នុងនោះ ខេត្ត Chonburi មានភាពវឹកវរខ្លាំងជាងគេ ដោយនៅមណ្ឌលទី៣ មានព័ត៌មានលេចធ្លាយថា មន្ត្រីបានលួចដឹកជញ្ជូនហឹបឆ្នោតទៅទុកក្នុងឃ្លាំងងងឹតមួយនាពេលយប់។

ចំណែកនៅខេត្ត Chai Nat អ្នកគាំទ្របក្សប្រជាជន បានសម្រុកទៅកាន់សាលាខេត្ត ដើម្បីទាមទារឲ្យរាប់សន្លឹកឆ្នោតឡើងវិញ បន្ទាប់ពីរកឃើញថាចំនួនសន្លឹកឆ្នោតមានភាពមិនប្រក្រតី ពោលគឺសន្លឹកឆ្នោតលើសចំនួនអ្នកបោះឆ្នោត រហូតដល់ជិត ៧ ០០០ សន្លឹក។

រីឯនៅខេត្ត Udon Thani, បេក្ខជនសមាជិកសភាម្នាក់បានសម្រុកទៅតវ៉ានៅមណ្ឌលគណៈកម្មាធិការខេត្ត ដោយសារតែគាត់បានបោះឆ្នោតឲ្យខ្លួនឯងផ្ទាល់ ប៉ុន្តែលទ្ធផលផ្លូវការដែលប្រកាសចេញមក បែរជាបង្ហាញថាលទ្ធផលរបស់គាត់គឺ «សូន្យសំឡេង» ទៅវិញ។

សូម្បីនៅរាជធានីបាងកក និស្សិតថៃជាច្រើននាក់ ក៏បានលើកគ្នាទៅតវ៉ានៅមុខទីស្នាក់ការ EC ផងដែរដើម្បីទាមទារឲ្យមានការរាប់សន្លឹកឆ្នោតទូទាំងប្រទេសឡើងវិញ ចំពេលមានការចោទប្រកាន់អំពីការក្លែងបន្លំនិងទិញសន្លឹកឆ្នោត៕

អត្ថបទ៖ សុខ សុវណ្ណ

The post អានុទីន ចេញមុខកាន់ជើង គណៈកម្មាធិការបោះឆ្នោតថៃ appeared first on Kampuchea Thmey Daily.

ផ្តើមដំបូងចេញពីសារព័ត៌មាន Reuters របស់អង់គ្លេស ដែលបានចេញផ្សាយអត្ថបទកាលពីថ្ងៃចន្ទទី៩ខែកុម្ភៈឆ្នាំ២០២៦ ជាមួយចំណងជើងថា៖ «គណបក្សកាន់អំណាចរបស់ប្រទេសថៃ ត្រៀមខ្លួនសម្រាប់ការចរចាបង្កើតរដ្ឋាភិបាលចម្រុះ បន្ទាប់ពីទទួលបានជ័យជម្នះយ៉ាងធំធេងក្នុងការបោះឆ្នោត»។

ក្នុងនោះ មានចំណុចមួយសរសេរថា អនុទីនព្យាយាមទាញយកប្រយោជន៍ពីរលកនៃស្មារតីជាតិនិយម ដែលកើតចេញពីជម្លោះរយៈពេល ៣ សប្តាហ៍រវាងប្រទេសថៃនិងកម្ពុជា។ 

ទន្ទឹមនោះ សារព័ត៌មាន BBC របស់អង់គ្លេស ក៏ទម្លាយដែរថា «ដោយផ្អែកលើមនោសញ្ចេតនាអ្នកស្នេហាជាតិ បន្ទាប់ពីសង្គ្រាមព្រំដែនរយៈពេលខ្លីចំនួនពីរលើកជាមួយកម្ពុជាកាលពីឆ្នាំមុន គណបក្សរបស់លោក អានុទីន បានក្លាយជាអ្នកតំណាងដ៏សំខាន់សម្រាប់ក្រុមអភិរក្សនិយម»។

ចំណែកបើយោងតាម Al​ Jazeera របស់កាតា, គណបក្សភូមិចៃថៃ បានទាញយកប្រយោជន៍ពីភាពពុះកញ្ជ្រោលនៃស្មារតីជាតិនិយម ដែលបង្កឡើងដោយការប៉ះទង្គិចគ្នាប្រដាប់អាវុធដ៏សាហាវនៅតាមព្រំដែនប្រទេសកម្ពុជា។

រីឯសារព័ត៌មាន NHK របស់ជប៉ុន ផ្សាយថា អានុទីន អាចពង្រីកមូលដ្ឋានគាំទ្រគណបក្សរបស់លោកបាន តាមរយៈការទាញយកប្រយោជន៍ពីស្មារតីជាតិនិយម ដែលមានសន្ទុះខ្លាំងដោយសារជម្លោះជាមួយកម្ពុជា។

សូម្បីកាសែត Straits Times របស់សិង្ហបុរី ក៏ចេញផ្សាយអត្ថបទមួយដែរ ដោយបង្ហាញថា អ្វីដែលផ្ដល់ប្រៀបឈ្នះដល់លោក អានុទីន និង គណបក្សភូមិចៃថៃ អាចមកពីកត្តាចំនួនបីគឺ៖ ជំហរដ៏រឹងមាំរបស់លោកចំពោះប្រទេសកម្ពុជា ការបញ្ចូលអ្នកបច្ចេកទេស និងសមត្ថភាពអភិបាលកិច្ច។

ជុំវិញកត្តាជម្លោះជាមួយកម្ពុជា, ជំហររបស់ អានុទីន បានទាក់ទាញចិត្តអ្នកបោះឆ្នោត។ ក្នុងអំឡុងពេលមានភាពរកាំរកូសក្នុងតំបន់ ធ្វើឲ្យអ្នកបោះឆ្នោតងាកទៅគាំទ្រលោកអានុទីន ដែលនេះសបញ្ជាក់យ៉ាងច្បាស់ថា ប្រជាជនថៃភាគច្រើនកំពុងគាំទ្រនិងស្រឡាញ់សង្គ្រាមជាងសន្តិភាព៕

ប្រភព៖ Reuters, BBC, Al​ Jazeera, NHK & Straits Times

The post សារព័ត៌មានល្បីៗលើពិភពលោក សុទ្ធតែផ្សាយថា ជម្លោះជាមួយកម្ពុជា ជួយឲ្យ អានុទីន ឈ្នះឆ្នោត appeared first on Kampuchea Thmey Daily.

កាសែត Straits Times បានចេញផ្សាយអត្ថបទមួយនៅរាត្រីថ្ងៃអាទិត្យទី៨ខែកុម្ភៈឆ្នាំ២០២៦ ដោយបង្ហាញថា អ្វីដែលផ្ដល់ប្រៀបឈ្នះដល់លោក អានុទីន និង គណបក្សភូមិចៃថៃ អាចមកពីកត្តាចំនួនបីគឺ៖ ជំហរដ៏រឹងមាំរបស់លោកចំពោះប្រទេសកម្ពុជា ការបញ្ចូលអ្នកបច្ចេកទេស និងសមត្ថភាពអភិបាលកិច្ច។

ជុំវិញកត្តាជម្លោះជាមួយកម្ពុជា, ជំហររបស់ អានុទីន បានទាក់ទាញចិត្តអ្នកបោះឆ្នោត។ ក្នុងអំឡុងពេលមានភាពរកាំរកូសក្នុងតំបន់ ធ្វើឲ្យអ្នកបោះឆ្នោតងាកទៅគាំទ្រលោកអានុទីន ដែលនេះសបញ្ជាក់យ៉ាងច្បាស់ថា ប្រជាជនថៃភាគច្រើនកំពុងគាំទ្រនិងស្រឡាញ់សង្គ្រាមជាងសន្តិភាព។

លោក Napon Jatusripitak អ្នកស្រាវជ្រាវ និងជាអ្នកសម្របសម្រួលកម្មវិធីសិក្សាពីប្រទេសថៃនៅវិទ្យាស្ថាន ISEAS – Yusof Ishak នៃប្រទេសសិង្ហបុរីបានឲ្យដឹងថា លោកអានុទីន ទទួលបានការគាំទ្រខ្លាំងពីក្រុមអ្នកអភិរក្សនិយមថៃ។

ចំណែក លោក Titipol Phakdeewanich អ្នកវិទ្យាសាស្ត្រនយោបាយនៅសាកលវិទ្យាល័យ Ubon Ratchathani ប្រទេសថៃនិយាយថា ជ័យជម្នះរបស់គណបក្សភូមិចៃថៃ មិនមែនជារឿងគួរឲ្យភ្ញាក់ផ្អើលឡើយ។ គណបក្សនេះបាននិងកំពុងប្រើប្រាស់ «សន្លឹកបៀជាតិនិយម» ដែលមិនមែនត្រឹមតែលើបញ្ហាជម្លោះព្រំដែនជាមួយកម្ពុជាប៉ុណ្ណោះទេ ប៉ុន្តែវាក៏ជារឿងពាក់ព័ន្ធនឹងមនោគមវិជ្ជា «ភាពជាថៃ» ផងដែរ។

សូមជម្រាបថា លទ្ធផលក្រៅផ្លូវការ គិតត្រឹមម៉ោង៧ព្រឹកថ្ងៃចន្ទ គណបក្សភូមិចៃថៃ ជាប់លេខ១ដោយទទួលបាន​អាសនៈចំនួន២០០, គណបក្សប្រជាជនជាប់លេខ២ មាន៩៦​ អាសនៈ, ភឿថៃ លេខ៣មាន៨៣​អាសនៈ និងក្លាថាម លេខ៤មាន៦៤​ អាសនៈ៕

អត្ថបទ៖ សុខ សុវណ្ណ

The post Straits Times៖ ជម្លោះព្រំដែនកម្ពុជា-ថៃ ជាកត្តាមួយ ជួយឲ្យ អនុទីន ឈ្នះឆ្នោត appeared first on Kampuchea Thmey Daily.

​​​ការ​ស្ទង់មតិ​របស់​វិទ្យាស្ថានជាតិ​​​រដ្ឋបាល​អភិវឌ្ឍន៍​ជាតិ (National Institute of Development Administration (NIDA)) ​ដែល​ជា​​មជ្ឈមណ្ឌល​​​ស្រាវជ្រាវ​ចម្បង​របស់​ប្រទេស​ថៃ ​​បាន​​​ឲ្យ​ដឹងថា ការស្ទង់មតិ ដែលធ្វើឡើងទូទាំងប្រទេសចាប់ពីថ្ងៃទី៥ ដល់ថ្ងៃទី៨ខែមករា ក្នុងចំណោមអ្នកឆ្លើយតបចំនួន ២៥០០នាក់ ដែលមានអាយុចាប់ពី ១៨ឆ្នាំឡើងទៅ បានរកឃើញថា ២៤.៧៦% គាំទ្រលោក ណាតថា​​ភុង ជានាយករដ្ឋមន្ត្រីដែលពួកគេពេញចិត្ត ប្រសិនបើការបោះឆ្នោតត្រូវបានធ្វើឡើងនៅថ្ងៃនេះ។

​លទ្ធផល​នោះ​ក៏បាន​បង្ហាញដែរថា លោក​ អានុទីន ឆានវីរៈគុល (Anutin Charnvirakul) មកពីគណបក្ស Bhumjaithai ​ឈរ​នៅ​លំដាប់​លេខរៀងទី២ ដែល​មាន​​ការ​គាំទ្រ ២០.៨៤% ខណៈដែលតួលេខ​​មិន​ទាន់​មានការ​សម្រេច​ចិត្តស្តិត​នៅលំដាប់លេខរៀងទី​៣ ​គឺ ១៤.១២% ដោយ​​និយាយថា ពួកគេមិនទាន់រកឃើញបេក្ខជនសមរម្យនៅឡើយទេ។

អតីតនាយករដ្ឋមន្ត្រី លោក Abhisit Vejjajiva ជាប់ចំណាត់ថ្នាក់លេខ៤ ក្នុងសំឡេង ១២.១២% បន្ទាប់មកគឺលោក Yodchanan Wongsawat មកពីគណបក្ស Pheu Thai ក្នុងសំឡេង ៩.៦៤%៕​​ យោង​​​ការ​ចេញផ្សាយ​របស់ Thai Enquirer៕

រ៉ាន់ រើយ​

The post ​ការស្ទង់មតិ៖ បេក្ខជន​នាយករដ្ឋមន្ត្រី​​នៃគណបក្ស​ប្រជាជនថៃ​នាំមុខ​ ខណៈអានុទីន​ឈរលេខ២​ appeared first on Kampuchea Thmey Daily.

ប្រធានគណៈកម្មាធិការសិទ្ធិមនុស្សកម្ពុជា ទេសរដ្ឋមន្ត្រីកែវ រ៉េមី ថានាយករដ្ឋមន្ត្រីចាំផ្ទះថៃ គ្មានអំណាច អនុទីន ឆានវីរៈគុល ជាមនុស្សសាហាវព្រៃផ្សៃ ប្រមាថមាក់ងាយជីវិតមនុស្ស និងកំពុងតែដុតបញ្ឆេះកំហឹងឲ្យកូនខ្មែរក្រោកតស៊ូមិនខ្លាចស្លាប់ ដើម្បីការពារបូរណភាពទឹកដី ប្រឆាំងការឈ្លានពានរបស់ថៃ។ លោកកែវ រ៉េមី លើកឡើងដូច្នេះតាមរយៈបណ្ដាញសង្គម facebook ផ្លូវការនារសៀលថ្ងៃ១៣ ខែធ្នូ ក្រោយ អនុទីន ប្រកាសថា ថៃនឹងបន្តវាយប្រហារមកលើកម្ពុជាបន្តទៀតទាល់តែកម្ពុជាលែងទៅជាប្រទេសដែលមានការគំរាមកំហែង លែងទៅជាប្រទេសគ្រោះថ្នាក់សម្រាប់ថៃ។

ប្រធានគណៈកម្មាធិការសិទ្ធិមនុស្សកម្ពុជា ចាត់ទុកដូច្នេះថា ៖” ពាក្យសម្តីរបស់អានុទីនបានឆ្លុះបញ្ចាំងពីការគិតរបស់មេដឹកនាំចាំផ្ទះរូបនេះ និងក្រុមរបស់ពួកគេចង់ឃើញកម្ពុជាធ្លាក់ខ្លួនជាប្រទេសទន់ខ្សោយនិងក្រីក្រ។ សម្តីបានបង្ហាញថាគាត់ជាមនុស្សគ្មានមេត្តាធម៌ ជាមនុស្សព្រៃផ្សៃ ជាមនុស្សមិនគោរព និងឲ្យតម្លៃទៅលើជីវិតរបស់មនុស្ស ។ “។

ទេសរដ្ឋមន្ត្រី កែវ រ៉េមី ថា ៖ “សម្តីអានុទីនរូបនេះបាននិងកំពុងដុតកំហឹងដល់កូនចៅខ្មែរគ្រប់ជំនាន់ក្រោកឈរឡើងតស៊ូដោយមិនខ្លាចបាត់បង់ជីវិតក្នុងបុព្វហេតុការពារគ្រួសារ និងទឹកដីពីការឈ្លានពានរបស់សត្រូវប្រវត្តិសាស្ត្រ។ ” ។

ប្រធានគណៈកម្មាធិការសិទ្ធិមនុស្សកម្ពុជាមើលឃើញថា សម្ដីឥតកោតក្រែង បញ្ឆេះកំហឹងជាតិនិយមខ្មែររបស់អនុទីនបែបនេះ នឹងធ្វើប្រជាជនខ្មែរ និងថៃ គ្មានថ្ងៃអាចរស់នៅក្នុងសន្តិភាពបានទេ។លោកថា បើចង់ឱ្យពលរដ្ឋទាំងពីររស់នៅក្នុងសន្តិភាពបាន ដំណោះស្រាយមានតែបញ្ញាវ័ន្តថៃ ប្រជាជនថៃ អាជីវករថៃ និង អ្នកនយោបាយថៃដែលស្រឡាញ់សន្តិភាព មិត្តភាព ស្រឡាញ់ជីវិតមនុស្ស និងការអភិវឌ្ឍត្រូវរួបរួមគ្នាជ្រើសរើសមេដឹកនាំថៃដែលមានគុណសម្បត្តិល្អ ដើម្បីកសាងព្រំដែនសន្តិភាពជាមួយកម្ពុជា រួមគ្នាបង្កើនមិត្តភាព សហប្រត្តិបត្តការ និងការអភិវឌ្ឍយូរអង្វែង។ បើមិនដូច្នេះទេ ការបង្ហូរឈាមនៃប្រជាជននៃប្រទេសទាំងពីរនឹងបន្តហូរគ្មានទីបញ្ចប់។ គូរគូសបញ្ជាក់ថាការលើកឡើងរបស់អនុទីន

ប្រធានគណៈកម្មាធិការសិទ្ធិមនុស្សកម្ពុជាមើលឃើញថា សម្ដីឥតកោតក្រែង បញ្ឆេះកំហឹងជាតិនិយមខ្មែររបស់អនុទីនបែបនេះ នឹងធ្វើប្រជាជនខ្មែរ និងថៃ គ្មានថ្ងៃអាចរស់នៅក្នុងសន្តិភាពបានទេ។លោកថា បើចង់ឱ្យពលរដ្ឋទាំងពីររស់នៅក្នុងសន្តិភាពបាន ដំណោះស្រាយមានតែបញ្ញាវ័ន្តថៃ ប្រជាជនថៃ អាជីវករថៃ និង អ្នកនយោបាយថៃដែលស្រឡាញ់សន្តិភាព មិត្តភាព ស្រឡាញ់ជីវិតមនុស្ស និងការអភិវឌ្ឍត្រូវរួបរួមគ្នាជ្រើសរើសមេដឹកនាំថៃដែលមានគុណសម្បត្តិល្អ ដើម្បីកសាងព្រំដែនសន្តិភាពជាមួយកម្ពុជា រួមគ្នាបង្កើនមិត្តភាព សហប្រត្តិបត្តការ និងការអភិវឌ្ឍយូរអង្វែង។ បើមិនដូច្នេះទេ ការបង្ហូរឈាមនៃប្រជាជននៃប្រទេសទាំងពីរនឹងបន្តហូរគ្មានទីបញ្ចប់។

គូរគូសបញ្ជាក់ថាការលើកឡើងរបស់អនុទីននាយករដ្ឋមន្ត្រីចាំផ្ទះរបស់ថៃ ធ្វើឡើងបន្ទាប់ពីប្រធានាធិបតីសហរដ្ឋអាមេរិកលោកដូណាល់ត្រាំ ទូរសព្ទមកកាន់នាយករដ្ឋមន្ត្រីកម្ពុជា-ថៃ កាលពីយប់ថ្ងៃទី១២ ខែធ្នូ សម្របសម្រួលឱ្យបញ្ឈប់ជម្លោះប្រដាប់អាវុធងាកទៅគោរពកិច្ចព្រមព្រៀងសន្តិភាព។

ប៉ុន្មានម៉ោងក្រោយប៉ុណ្ណោះក្រោយកិច្ចសន្ទនារវាងប្រធានាធិបតីសហរដ្ឋអាមេរិក ជាមួយប្រធានអាស៊ាន និងភាគីជម្លោះប្រដាប់អាវុធកម្ពុជា-ថៃបញ្ចប់ទៅ ពោលនៅម៉ោងជិត៦ព្រឹកថ្ងៃទី១៣ ខែធ្នូ យោធាថៃនៅតែបន្តបើកការវាយប្រហារមកលើកម្ពុជា ឈ្លានពានឥតឈប់ និងថែមទាំងប្រើប្រាស់យន្តហោះចម្បាំងរបស់សហរដ្ឋអាមេរិកទម្លាក់គ្រាប់បែកលើស្ពានជម្នះ (ស្ពានស្ទឹងមេទឹក) ដែលជាជំនួយរបស់ចិនដល់កម្ពុជាសាងសង់ឡើងនៅក្នុងភូមិសាស្ត្រតំបន់ថ្មដា ខេត្តពោធិ៍សាត់។

ក្រសួងការពារជាតិកម្ពុជានៅព្រឹកថ្ងៃទី១៣ ខែធ្នូ នេះ បានចោទប្រកាន់ថា យោធាថៃបានរំលោភបំពានយ៉ាងច្បាស់ក្រឡែតនៅធម្មនុញ្ញអង្គការសហប្រជាជាតិ ធម្មនុញ្ញអាស៊ាន និងគោលការណ៍ជាមូលដ្ឋានគ្រឹះនៃច្បាប់អន្តរជាតិ ពីព្រោះបានបើកការវាយប្រហារមកលើកម្ពុជាកាលពីថ្ងៃទី៧ ខែធ្នូ ដោយប្រើយកយុទ្ធោបករណ៍ អាវុធធុនធ្ងន់ជាច្រើនប្រភេទដូចជាយន្តហោះចម្បាំងF-16 ទម្លាក់គ្រាប់បែក គ្រាប់បែកចង្កោម ការដាក់ពង្រាយទាហានយ៉ាងច្រើនលើសលប់ដើម្បីទន្ទ្រានយកទឹកដីកម្ពុជា។ ក្រសួងថា

ក្រសួងថាសកម្មភាពដែលគ្មានទំនួលខុសត្រូវ និងខុសច្បាប់របស់យោធាថៃបែបនេះ បង្កគ្រោះថ្នាក់ធ្ងន់ធ្ងន់បំផុតមិនត្រឹមតែសន្តិភាព ស្ថិរភាពនៅក្នុងតំបន់តែប៉ុណ្ណោះទេ ប៉ុន្តែថែមទាំងរំលោភបំពានដល់គោលការណ៍ជាមូលដ្ឋានគ្រឹះនៃសណ្ដាប់ធ្នាប់អន្តរជាតិផងដែរ។

បើតាមរបាយការណ៍របស់ក្រសួងបានឲ្យដឹងថា ពលរដ្ឋកម្ពុជាស្លូតត្រង់១១នាក់ ក្នុងនោះទារកម្នាក់បានស្លាប់បាត់បង់ជីវិត ជាង៧០នាក់ផ្សេងទៀតរងរបួស និងពលរដ្ឋភៀសសឹកកើនឡើងដល់ជាង៣០ម៉ឺននាក់ ព្រោះតែការឈ្លានពានដ៏ព្រៃផ្សៃ បាញ់ប្រហារមនុស្សគោលដៅទម្លាក់គ្រាប់បែកលើកទីតាំងស៊ីវិលពីសំណាក់យោធាថៃ៕

ដោយ៖ ង៉ិល ណារ៉ាត់

The post មេសិទ្ធិមនុស្សកម្ពុជាថា អនុទីនជាមនុស្សព្រៃផ្សៃ មិនឱ្យតម្លៃជីវិតមនុស្ស ដុតកំហឹងឱ្យខ្មែរក្រោកតស៊ូមិនខ្លាចស្លាប់ដើម្បីការពារទឹកដី និងជាតិ appeared first on Kampuchea Thmey Daily.

ការអះអាងនេះកើតឡើង បន្ទាប់ពីស្តេចថៃ Maha Vajiralongkorn ចេញព្រះរាជក្រឹត្យអនុម័តការរំលាយសភា ហើយ​ត្រៀមរៀបចំការបោះឆ្នោតថ្មីក្នុងរយៈពេល៤៥ទៅ៦០ថ្ងៃ ខណៈ អានុទីន ត្រូវដឹកនាំរដ្ឋបាលបណ្តោះអាសន្នរហូតដល់រដ្ឋាភិបាលថ្មី ត្រូវបានបង្កើតឡើងនៅឆ្នាំ២០២៦។

សូមជម្រាបថា នេះគឺជាការរំលាយសភាលើកទី១៦ ចាប់តាំងពីការបញ្ចប់របបរាជាធិបតេយ្យផ្តាច់ការក្នុងឆ្នាំ​១៩៣២​មក។

ការរំលាយចំនួន២លើក រួមទាំងឆ្នាំ២០២៣ និង ២០២៥ ត្រូវគេមើលឃើញយ៉ាងច្បាស់ថា ជាយុទ្ធសាស្ត្រមានគោល​បំណង​ធានា​អត្ថប្រយោជន៍បោះឆ្នោត ឬកំណត់នយោបាយសម្ព័ន្ធភាពឡើងវិញ។

យ៉ាងណា ការរំលាយចុងក្រោយបំផុតនេះ បានគូសបញ្ជាក់ពីប្រវត្តិដ៏យូរអង្វែងនៃភាពងាយបង្កជាអស្ថិរភាពនយោបាយរបស់ប្រទេសថៃ។ ក្នុងរយៈពេល៩ទសវត្សរ៍កន្លងមក សភាត្រូវបានរំលាយដោយសារហេតុផលផ្សេងៗ រាប់​ចាប់តាំង​ពីការបរាជ័យរបស់រដ្ឋាភិបាលក្នុងចលនាសំខាន់ៗ រហូតដល់បាតុកម្មទ្រង់ទ្រាយធំ វិវាទរដ្ឋធម្មនុញ្ញ និងយុទ្ធសាស្ត្រនយោបាយ៕

អត្ថបទ៖ សុខ សុវណ្ណ

The post អានុទីន បញ្ជាក់ពីកិច្ចសន្ទនាតាមទូរស័ព្ទជាមួយលោក ត្រាំនិងអាន់វ៉ា នៅម៉ោង ៩ យប់នេះ  appeared first on Kampuchea Thmey Daily.

មុនពេលថៃបើកការឈ្លានពានកម្ពុជាសាជាថ្មី មានការបែកធ្លាយរូបភាពរបស់លោក អានុទីន ជាមួយមេ Scammer ដែលបង្កឲ្យមានការសង្ស័យអំពីទំនាក់ទំនងរវាងអ្នកទាំងពីរ។

ពាក់ព័ន្ធរឿងនេះ អានុទីន បានប្រកែកញ័រមាត់ថា រូបថត​នេះគឺ​ថត​នៅ​ប្រទេស​សិង្ហបុរី​ភ្លាមៗ​បន្ទាប់ពី​រដ្ឋប្រហារ​យោធា ក្នុងអំឡុង​អាហារ​ពេលល្ងាច​ជា​ក្រុម​ដែល​ចូលរួម​ដោយ​គណៈប្រតិភូ​របស់​លោក​ឧត្តមសេនីយ៍ Apirat Kongsompong។ លោក​​ប្រាប់​អ្នក​យក​ព័ត៌មាន​ថា៖ «ខ្ញុំ​បាន​ជួប​គាត់​នៅ​ទីនោះ​ដោយ​ចៃដន្យ។ គ្មាន​ការ​ជាប់​ពាក់ព័ន្ធ​បន្ត​ទៀត​ទេ»។

ម្យ៉ាងវិញទៀត មុននេះដែរ អានុទីន បានរងពាក្យរិះគន់យ៉ាងចាស់ដៃ ពីសំណាក់ពលរដ្ឋថៃនៅភាគខាងត្បូង ជាពិសេសស្រុក ហាតយ៉ៃ នៃខេត្ត សុងក្លា ជុំវិញការឆ្លើយតបនិងការលាក់បាំងតួលេខជនរងគ្រោះដោយទឹកជំនន់ដ៏សាហាវ។

ពលរដ្ឋជាច្រើន បានស្តីបន្ទោសអានុទីន ថាមិនសូវអើពើ ទុកឲ្យពួកគេស្លាប់ ហើយក៏មិនសូវខិតខំជួយធ្វើការបោសសម្អាតនិងស្តារឡើងវិញផងដែរ ក្រោយទឹកស្រក។

យ៉ាងណា រឿងរ៉ាងទាំងនេះត្រូវបិទជិតឈឹង ពេលដែលថៃ បើកការឈ្លានពាន ដោយសារព័ត៌មានទាំងអស់ផ្សាយតែពីសង្គ្រាម ហើយប្រឹងលាបពណ៌និងប្រតិដ្ឋព័ត៌មានចោទប្រកាន់កម្ពុជា។

រឿងនេះ ត្រូវគេមើលឃើញថា ជាល្បែងនយោបាយនិងចេតនារបស់រដ្ឋាភិបាលថៃ ដែលយកការធ្វើសង្គ្រាមជាមួយកម្ពុជា ដើម្បីបិទបាំងទង្វើដ៏ស្មោកគ្រោករបស់ខ្លួន ខណៈក្រុមសារព័ត៌មានព្យាយាមបង្វែរឿង បោកពលរដ្ឋខ្លួនឯង ឲ្យភ្លេចរឿង Scammer និងទឹកជំនន់ ហើយទាញប្រជាប្រិយភាពមកវិញ៕ 

អត្ថបទ៖ សុខ សុវណ្ណ

The post សារព័ត៌មានថៃ កំពុងបង្វែររឿង លែងផ្សាយបញ្ហាទឹកជំនន់ និងទំនាក់ទំនងអានុទីន ជាមួយមេ Scammer appeared first on Kampuchea Thmey Daily.