ការ​លើក​ឡើង​របស់​លោក Conor Nestor គ្រូ​បង្វឹក​បឹងកេត បាន​កើត​មាន​ឡើង​កាល​ពី​យប់​ថ្ងៃ​ទី​១២ ខែ​មករា ឆ្នាំ ២០២៦ បន្ទាប់​ពីផេក​មួយ​បាន​ឡើង​ពីកីឡាករ​បរទេស​របស់ បឹងកេត ក្នុង​សម័យ​កាល​ឆ្នាំ ២០១៨ បាន​ក្លាយ​ជាជំនាន់​កីឡាករ​បរទេស​ដ៏ល្អ ប៉ុន្តែ​ប៉ុន្មាន​ឆ្នាំ​ក្រោយ​មក កីឡាករ​បរទេស​​របស់​ក្លិប​មួយ​នេះ​មិន​សូវ​ល្អ​ទេ។ ទើប​តែ​រដូវ​កាល​ឆ្នាំ ២០២៦ មាន​កីឡាករ​បរទេស​ល្អ​លេច​ធ្លោ​គួរឲ្យ​ចាប់​អារម្មណ៍​អាច​ចាត់​ទុក​ជា Legends ប្រសិន​បើ​បន្ត​នៅ​មួយ​ឬ​ពីរ​ឆ្នាំ​ទៀត។

លោក Conor Nestor បាន​លើក​ឡើង​ថា លោក​យល់​ពី​ភាព​ខ្លាំង​របស់ ក្រុម​បឹងកេត កាល​ពី​មុនមែន ហើយ​លោក​ពិត​ជា​កោត​សរសើរ​ខ្លាំង ប៉ុន្តែ​​អនាគត​របស់​ក្រុម​​មិន​មែន​​ពឹង​លើ​តារា​ឆ្នើម (Super Star) ទេ​ គឺ​​ដោយសារ​កីឡា​បាល់ទាត់​ខ្មែរ​ផ្លាស់​ប្តូរ។ អ្វី​ៗ​មិន​អាច​នៅ​ដូច​មុន​ទេ។ អនាគត​របស់​ក្រុម​​ដែល​ខ្លាំង​​បាន​គឺ សាមគ្គីគ្នា និង​​​កម្រិត​​អាជីព​ខ្ពស់។

លោក​បាន​លើក​ឡើង​ថា ៖«ប្រាប់​ខ្ញុំ​មើល៍ តើ​ក្រុម​បាន​ឈ្នះ​ជើង​ឯក​ទេ​តាំង​ពី​ឆ្នាំ ២០១៨ ដោយ​ពឹងផ្អែក​លើ​តារា​ឆ្នើម? គ្មាន​ទេ​គឺ​សេរ៉ូ។ ខ្ញុំ​ចង់​ឲ្យ​អ្នក​សារព័ត៌មាន និង​អ្នក​គាំទ្រ​ដឹង​ថា យើង​ត្រូវ​ការ​កីឡាករ​ល្អ​ដូច​ជា Charlie តែ​គន្លិះ​សំខាន់​គឺ​អ្នក​រាល់​គ្នា​រួប​រួម​គ្នា និង​បំពេញ​ការងារ​​របស់​ពួក​គេ។ ខ្ញុំ​សង្ឃឹម​ថា ជំនាន់កីឡាករ​ជា​ Idol នៅ​កម្ពុជា​ចាប់​ផ្តើម​​​ស្លាប់​​​ហើយ ពី​ព្រោះ​ជំនាន់​ Idol នេះ​គ្មាន​បាន​នាំ​ជោគជ័យ​អ្វី​ទេ ហើយ​មាន​តែ​កីឡាករ​អាជីព​ពិត​ប្រាកដ​​ទើប​ឈ្នះ»។

លោក​បាន​បញ្ជាក់​ថា កីឡាករ Charlie ពិត​ជា​រួម​ចំណែក​ដ៏​សំខាន់​ដល់​ក្រុម​មែន​គឺ​លោក​យល់​ស្រប​ ១០០%។ គាត់​ជា​កីឡាករ​ម្នាក់​ដែល​ចង់​ប្រើ​ប្រាស់​អាជីព​របស់​ខ្លួន​​ដើម្បី​ឲ្យ​មិត្ត​រួម​ក្រុម​ល្អ និងសម្រាប់​​ប្រជា​ជន​ខ្មែរក្នុង​នាម​គាត់​ជា​ idol ម្នាក់។

មួយ​រយៈ​ពេល​ចុង​ក្រោយ​ បឹងកេត ពិត​ជាធ្វើ​បាន​ល្អ​មែន​ទែន​ដោយ​បាន​ឈ្នះ​ ៣ ប្រកួត​ជាប់​គ្នា​គឺ ឈ្នះ ព្រះ​ខ័ន​រាជ​ស្វាយរៀង ២-១, ឈ្នះ កង​យោធពល​ខេមរភូមិន្ទ ៦-០ និង​ឈ្នះ អាយអេសអាយ ដង្កោសែន​ជ័យ ៣-១ ដើម្បី​ឡើង​ទៅ​កាន់​ចំណាត់​ថ្នាក់​លេខ​ ៣ ក្នុង​តារាង​ពិន្ទុ​លីគ​កំពូល​កម្ពុជា៕

អត្ថបទ៖ វិរបុត្រ

The post គ្រូ​​បង្វឹក​បឹងកេត​ថា សម័យ​កាល​កីឡាករ​ Idol នៅ​កម្ពុជា​​​ ចាប់ផ្តើម​រសាត់​បាត់​ហើយ appeared first on Kampuchea Thmey Daily.

បញ្ហាព្រំដែនរវាងកម្ពុជា និង ថៃ នៅតែបន្តឡើងកម្តៅខ្លាំងគិតត្រឹមថ្ងៃទី ២៦ ខែ កក្កដា ឆ្នាំ ២០២៥ ។ យ៉ាងណា បន្ទាប់ពីមានជម្លោះនេះកើតឡើង ថៃ បានប្រកាសប្រាប់អន្តរជាតិ ថា កម្ពុជាជាអ្នកចាប់ផ្តើមសង្គ្រាមមុន។ ចំណែក កម្ពុជា វិញបានឈរលើភាពត្រឹមត្រូវ ដោយអះអាងថា ថៃគឺជាអ្នកចាប់ផ្តើមសង្គ្រាមនេះមុន។

ដកស្រង់សំណេរដើមរបស់ បុរសសញ្ជាតិ អៀរឡង់ វ័យ ៤១ ដែលបកប្រែពីភាសា អង់គ្លេស មកខេមរភាសាបានឱ្យដឹងថា៖ «…អ្នកនិយាយថាអ្នកចង់បានសន្តិភាព នេះជាអ្វីដែលរដ្ឋាភិបាលថៃកំពុងនិយាយ ហេតុអ្វីបានជាអ្នកបដិសេធការសម្រុះសម្រួល ហើយបែរ​ជាសុំកិច្ចព្រមព្រៀងទ្វេភាគីជំនួសវិញ? បើ​កម្ពុជា​ចាប់​ផ្តើម​មាន​ជម្លោះ​ដូច​រដ្ឋាភិបាល​ថៃនិយាយពិតមែន ហេតុអ្វី​បាន​ជា​អ្នក​ទុក​ចិត្ត​ក្នុង​កិច្ច​ព្រមព្រៀង​ទ្វេភាគីទៅវិញ? នៅពេល​ការជឿទុកចិត្តត្រូវបានអស់សេចក្តីទុកចិត្ត ការសម្របសម្រួលគឺតែងតែត្រូវការ ប៉ុន្តែនៅពេលដែលអ្នកជាអ្នកឈ្លានពាន ការសម្របសម្រួលគឺជាការគំរាមកំហែងដល់គោលដៅចុងក្រោយរបស់អ្នក។ ខ្ញុំសង្ឃឹមថា សារព័ត៌មានអន្តរជាតិចាប់ផ្តើមឃើញអ្វីច្បាស់ កម្ពុជាជ្រើសរើសសន្តិភាព សុំបទឈប់បាញ់ និងទទួលយកការសម្រុះសម្រួល តែថៃ​បដិសេធ។ កម្ពុជា​ទទួល​យក​ច្បាប់​ក្នុង​សំណុំរឿង​តុលាការ​យុត្តិធម៌​អន្តរជាតិ តែថៃ​មិនព្រម»។

ពាក់ព័ន្ធនឹងបញ្ហានេះ លោក Conor Nestor បានបញ្ចេញមតិជាភាសាអង់គ្លេស ប្រាប់ទៅអ្នកគាំទ្ររបស់លោក ជាពិសេសមិត្តៗរបស់លោកជាជនបរទេសយ៉ាងដូច្នេះថា នៅក្នុងកាលៈទេសៈនេះ វាជាពេលមួយ ដែលពិបាកបែងចែក ថាព័ត៌មានណាពិត ឬមិនពិត។ ប៉ុន្តែបើផ្អែកលើហេតុផល តាមដែលថៃនិយាយថា កម្ពុជា ពិតជាអ្នកចាប់ផ្តើមសង្រាមមុនពិតមែន ចុះហេតុអ្វីបានជាថៃមិនព្រមទទួលយកការសម្របសម្រួល ហើយបែទទូចស្នើសុំការចរចាជាលក្ខណៈទ្វេភាគីទៅវិញ។ ជាមួយគ្នានេះលោកសង្ឃឹមថា សារព័ត៌មានអន្តរជាតិចាប់ផ្តើមមើលឃើញពីអ្វីដែលជាការពិត ដោយកម្ពុជាជ្រើសរើសសន្តិភាព សុំបទឈប់បាញ់ និងទទួលយកការសម្រុះសម្រួល ប៉ុន្តែថៃទៅវិញទេ ដែលតែងតែមិនព្រម។

គួរឱ្យដឹងថា ក្រៅពីលោក Conor Nestor ក៏មានកីឡាករបរទេសមួយចំនួន ដែលកំពុងប្រកបអាជីពនៅកម្ពុជា ដូចជាខ្សែប្រយុទ្ធស្លាបរបស់ វិសាខា Jung-bin Park និងខ្សែការពាររបស់ ភ្នំពេញក្រោន កីឡាករ Yi Young Park បានបញ្ចេញប្រត្តិកម្មលើរឿងនេះផងដែរ៕

អត្ថបទ៖ សេម កុសល

The post លោក Conor បានបញ្ចេញមតិ​ជា​អង់​គ្លេស ចាក់​ដោត ដោយ​ចម្ងល់ ហេតុ​អ្វី​ថៃមិន​ចង់​ឲ្យ​ភាគីទី​ ៣ ជួយ​សម្រុះ​សម្រួល appeared first on Kampuchea Thmey Daily.

ពាក់ព័ន្ធនឹងរឿងខាងលើ គ្រូបង្វឹកសញ្ជាតិ អៀរឡង់ វ័យ ៤១ ឆ្នាំ បានមានប្រសាសន៍នៅក្នុងសន្និសីទកាសែតនាព្រឹកថ្ងៃ អង្គារ៍ ទី ២៤ ខែ មិថុនា ឆ្នាំ ២០២៥ មុនការប្រកួតមិត្តភាពរវាងក្រុមនារី កម្ពុជា ទល់នឹងក្រុមនារី ហ្គាំ ថា៖ «ដូចខ្ញុំបាននិយាយពីដើមមកអ៊ីចឹង ខ្ញុំមកដឹកនាំក្រុមនេះ គឺដោយសារខ្ញុំមានសេចក្តីជឿជាក់លើកីឡាការិនីកម្ពុជា ក៏ដូចជាគ្រូជំនួយលោក ឃួន ឡាបូរ៉ាវី។… ដូចយើងឃើញហើយ ក្រុមនារីកម្ពុជាធ្វើបានល្អនៅក្នុងការប្រកួត AFF Women’s Cup កាលពីឆ្នាំមុន…»។

ថ្វីដ្បិត កម្ពុជា ទើបតែមានលីគនារី នាប៉ុន្មានឆ្នាំចុងក្រោយនេះក៏ពិតមែន ប៉ុន្តែនៅលើឆាកអន្តរជាតិ ក្រុមបាល់ទាត់ជម្រើសជាតិនារីកម្ពុជា បានបញ្ចេញ​សមត្ថភាពល្អគួរឱ្យកត់សម្គាល់ ទោះពុំទាន់បានទទួលបានលទ្ធផលគួរជាទីគាប់ប្រសើរក៏ដោយ។ ជាក់ស្តែងដូចនៅក្នុងពាន AFF Women’s Cup ឆ្នាំ ២០២៤ កម្ពុជា បានឈរនៅកំពូលតារាងក្នុងពូល A ដោយឆ្លងផុតវគ្គចែកពូល ឡើងទៅកាន់វគ្គ ៨ ក្រុមចុងក្រោយ និងឈានដល់វគ្គពាក់កណ្តាលផ្តាច់ព្រ័ត្រថែមទៀត ប៉ុន្តែចុងក្រោយបានបរាជ័យក្រោមថ្វីជើងក្រុម ឥណ្ឌូណេស៊ី ក្នុងលទ្ធផល ៣-១។

លោក Conor បានមានប្រសាសន៍ទៀតថា៖ «ភាពខ្លាំងរបស់បាល់ទាត់នារីកម្ពុជា គឺកម្ពុជាមានលីគនារីអាជីព។ ប្រទេស​មួយចំនួន គឺបានអភិវឌ្ឍអំពីបាល់ទាត់បុរសក៏ពិតមែន ប៉ុន្តែសម្រាប់បាល់ទាត់នារីវិញ គឺពុំទាន់មានលីគនារីអាជីពនៅឡើយទេ។ ចំណែកចំណុចខ្សោយវិញ គឺខ្ញុំចង់ឱ្យមានសកម្មភាពប្រកួតបន្ថែមទាំងបុរស និងនារី។ ហើយឪពុកម្តាយត្រូវជំរុញឱ្យកូនចូលរួមលេងបាល់ទាត់តាំងពីកម្រិតថ្នាល។ នេះវាគឺជារឿងសំខាន់»។

ភាពខ្លាំងរបស់បាល់ទាត់នារីកម្ពុជា គឺលោក Conor បានធ្វើការប្រៀបធៀប ដោយយកប្រទេស កម្ពុជា ធៀបជាមួយប្រទេសមួយចំនួន ដែលពុំទាន់មានលីគអាជីពប្រកួតត្រឹមត្រូវ។ ស្របពេល កម្ពុជា គឺមានការប្រកួតលីគជាផ្លូវការរួចទៅហើយ។ យ៉ាងណា បុរសសញ្ជាតិ អៀរឡង់ រូបនេះបានទទូចសុំឱ្យឪពុកម្តាយរបស់ក្មេងប្រុស ស្រី ក្នុងប្រទេស កម្ពុជា ត្រូវជម្រុញកូនៗបន្ថែម ដើម្បីឱ្យពួកគេមានសកម្មភាពជាមួយកីឡា និងចូលរួមហ្វឹកហាត់បាល់ទាត់តាំងពីកម្រិតតូចៗមក។

គួរឱ្យដឹងថា នៅថ្ងៃ ពុធ ទី ២៥ ខែ មិថុនា ស្អែកនេះ លោក Conor នឹងត្រូវដឹកនាំក្រុមបាល់ទាត់នារី កម្ពុជា ប្រកួតមិត្តភាពទល់នឹងក្រុម ហ្គាំ ដើម្បីត្រៀមលក្ខណៈមុនការប្រកួតជម្រុះពាន AFC Women’s Asian Cup ចាប់ពីថ្ងៃទី ២៩ ខែ មិថុនា ដល់ថ្ងៃទី ៥ ខែ កក្កដា ឆ្នាំ ២០២៥៕

អត្ថបទ៖ សេម កុសល

The post លោក Conor សម្លឹងឃើញភាពខ្លាំង​របស់​ក្រុម​បាល់ទាត់នារីកម្ពុជា appeared first on Kampuchea Thmey Daily.

លោក Conor នឹងត្រូវមានភារកិច្ចដឹកនាំក្រុមនារី កម្ពុជា នៅក្នុងការប្រកួតវគ្គជម្រុះពានរង្វាន់ AFC Women’s Asian Cup Australia 2026 Qualifiers ដែលកម្ពុជាធ្វើជាម្ចាស់ផ្ទះសម្រាប់ពូល G រួមមាន ហុងកុង ហ្វីលីពីន និងអារ៉ាប៊ីសាអ៊ូឌីត។

គួរបញ្ជាក់ថា ការប្រកួតវគ្គជម្រុះពាន AFC Women’s Asian Cup Australia 2026 Qualifiers ប្រចាំពួល G ដែលកម្ពុជាធ្វើជាម្ចាស់ផ្ទះ នឹងធ្វើឡើងពីថ្ងៃទី ២៩ ខែ មិថុនា ដល់ថ្ងៃទី ៥ ខែ កក្កដា ឆ្នាំ ២០២៥៕

អត្ថបទ៖ សេម កុសល

The post ផ្លូវការ! លោក Conor Nester ត្រូវបានតែងតាំងជាគ្រូបង្គោលថ្មីរបស់ក្រុមបាល់ទាត់នារីកម្ពុជា appeared first on Kampuchea Thmey Daily.

ក្នុង​បទ​សម្ភាស​ជា​មួយ​សារ​ព័ត៌មាន​«កម្ពុជា​ថ្មី» លោក Conor Nestor គ្រូ​បង្វឹក​បឹងកេត បានលើក​ឡើង​ថា ៖«ព្រះ​ខ័ន​រាជ​ស្វាយរៀង​​ឈ្នះ​ពាន​៣​​កាល​ពី​រដូវ​កាលមុន​។ វា​អាច​ទៅ​រួច​ដែល​ពួក​គេ​​អាច​​ឈ្នះ​បន្តទៀត ប៉ុន្តែ​​តាម​ពិត​ទៅ​ ខ្ញុំ​សង្ឃឹម​ថា ពួក​គេ​មិន​ឈ្នះ​ពាន​សម្តេច​តេជោ​ឆ្នាំ​នេះ​ទេ ពី​ព្រោះ​ខ្ញុំ​សង្ឃឹម​បឹងកេត​ឈ្នះ​វិញ។ យ៉ាង​ណា អ្វី​ៗ​មិន​អាច​មើល​ឃើញ​ទេ វា​ត្រូវ​ការ​និរន្តរភាព​ និងគុណភាព​​​ខ្ពស់​ជាក់​លាក់។ ខ្ញុំ​គិត​ថា វា​ត្រូវ​ការ​រួម​បញ្ចូល​គ្នា​រវាង​កីឡាករ​ក្នុង​ស្រុក និងបរទេស»។

បឹងកេត មិន​ទាន់​បាន​ឡើង​ទៅ​កាន់​វគ្គ​ផ្តាច់​ព្រ័ត្រ ពាន​រង្វាន់​សម្តេចតេជោ​ទេ ដោយ​ត្រូវ​​ប្រកួត​ជើង​ទី២ ជា​មួយ​ ព្រះខ័ន​រាជ​ស្វាយរៀង វេលា​ម៉ោង​៦​ល្ងាច ថ្ងៃ​ទី​១៤ ខែ​ឧសភា​​នេះ​ នៅ​ទឹក​ដី​ខេត្ត​ស្វាយរៀង ដើម្បី​កាត់​សេចក្តី​ថា​តើ​ក្រុម​ណា​ឡើង​ទៅ​វគ្គ​ផ្តាច់​ព្រ័ត្រ​ជួប​ ភ្នំពេញ​ក្រោន។ កាល​ពី​ជើង​ទី១ បឹងកេត បាន​ចាញ់ ព្រះ​ខ័ន​រាជ​ស្វាយរៀង ១-០ នៅ​ពហុកីឡដ្ឋាន​ជាតិ​អូឡាំពិក។

បឹងកេត បាន​បង្ហាញ​គុណភាព​លេង​គួរ​ឲ្យ​ចាប់​អារម្មណ៍​នា​ប៉ុន្មាន​ប្រកួត​ចុង​ក្រោយ ដោយ​កីឡាករ​ក្នុង​ស្រុក និង​កីឡាករ​បរទេសបាន​យល់ចិត្ត​គ្នា​ច្រើន។ ក្នុង​រដូវ​កាល​នេះ ពួក​គេ​មាន​ការ​ផ្លាស់​ប្តូរ​ច្រើន​មែន​ទែន​ទាំងកីឡាករ និង​គ្រូ​បង្វឹក ប៉ុន្តែ​លទ្ធផល​នៅ​តែ​មិន​ទាន់​ល្អ​ប្រសើរ​ខ្លាំង។

សូម​បញ្ជាក់​ថា ការ​ប្រកួត​វគ្គ​ផ្តាច់​ព្រ័ត្រ ពាន​សម្តេច​តេជោ រដូវ​កាល​នេះ​ធ្វើ​នៅ​ពហុកីឡដ្ឋាន​ជាតិ មរតក​តេជោ ដោយ​សំបុត្រ​ ត្រូវ​បាន​បើក​លក់​កាល​ពី​ថ្ងៃ​ទី​១២ ខែ​ឧសភា ឆ្នាំ​២០២៥។ ​សំបុត្រ​ ប្រភេទ A តម្លៃ ១៧,០០០​រៀល មាន​ឱកាស​ឈ្នះ​ពាន​រង្វាន់​រថយន្ត (១រង្វាន់) និង​សំបុត្រ​ ប្រភេទ B តម្លៃ ១០,០០០​រៀល មាន​ឱកាស​ឈ្នះ​រង្វាន់​ម៉ូតូ (៣​រង្វាន់)៕

អត្ថបទ៖ វីរបុត្រ

The post លោក Conor Nestor សង្ឃឹម​ បឹងកេត ឈ្នះ​ពាន​សម្តេច​តេជោ​ឆ្នាំ​នេះ appeared first on Kampuchea Thmey Daily.

ក្នុង​បទ​សម្ភាសជា​មួយ​សារព័ត៌មាន​«កម្ពុជា​ថ្មី» លោក Conor Nestor បាន​លើក​ឡើង​ថា ឥឡូវ​នេះ វា​ជា​ពេល​វេលា​ដ៏​រីក​រាយ​ពិត​ប្រាកដ ​សម្រាប់​ក្លិប​ព្រះខ័ន​រាជស្វាយរៀង ​អ្នក​គាំទ្រ​ទាំង​អស់ និង​អ្នក​ខេត្ត​ស្វាយ​រៀង ប៉ុន្តែ​​ក៏​សម្រាប់​បាល់ទាត់​កម្ពុជា​ទាំង​មូល។ វា​ជា​ពេល​វេលា​ដ៏​មាន​សក្តានុពល​​​នៅ​​ក្នុង​ប្រវត្តិ​សាស្ត្រ​បាល់ទាត់​កម្ពុជា។ អ្នក​គាំទ្រ ប្រជា​ជន​កម្ពុជា គ្រប់​​ ក្លិប​ទាំង​អស់​ស្ថិត​នៅ​ពី​ក្រោយ​​ព្រះ​ខ័ន​រាជ​ស្វាយ​រៀងនៃ​ការ​ប្រកួត​វគ្គ​ផ្តាច់​ព្រ័ត្រ​ ពាន​រង្វាន់​លំដាប់​អាស៊ី​ ពី​ព្រោះ​វា​​រឿង​ល្អ​សម្រាប់​បាល់ទាត់​កម្ពុជា។

លោក​មាន​ប្រសាសន៍​ថា ៖«ប្រសិន​បើ ព្រះ​ខ័ន​រាជ​ស្វាយរៀង​​ឈ្នះ​ជើង​ឯក​ នោះ​នឹង​ជួយ​ដល់​ក្មេងប្រុស ក្មេង​ស្រី​ជំនាន់​ក្រោយ​ឲ្យ​ជឿ​ជាក់​ថា ពួក​គេ​ក៏​អាច​​មានលទ្ធភាព​ទទួល​បាន​ជោគជ័យ​​ដូច​នេះ​ដែរ​នៅ​ថ្ងៃ​ក្រោយ»។

លោក​បាន​បន្ត​ថា ៖«វា​តែង​តែ​មាន​សារសំខាន់​បំផុត យើង​មើល​ទៅដូច​ជា​​ World Cup ប្រទេស​ណា​​ឈ្នះ​ជើង​ឯក​ម្តង​ហើយ ជា​ទូទៅ​អាចឈ្នះ​បន្ត​ទៀត។ អ្វី​មួយ​ដែល​ទទួល​បាន​ជោគជ័យ​​លើក​ទី១​ហើយ​ វា​គឺ​ជា​ការ​បង្កើត​កេរដំណែល​សម្រាប់​ប្រទេស​ជាតិ​ឲ្យ​មាន​ការ​ជឿ​ជាក់​ទៅ​ថ្ងៃ​ក្រោយ។ ហេតុ​អ្វី​បាន​ជា​ពេល​នេះ​គឺ​ជា​ពេល​វេលា​ដ៏​មាន​សារសំខាន់​បំផុត ពី​ព្រោះប្រសិន​បើ ពួក​គេ​ឈ្នះ​ជើង​ឯក អីចឹង​ជោគជ័យ​នេះ​នឹង​​ផ្តល់​ឲ្យ​យុវជន​កម្ពុជា​ជំនាន់​ក្រោយ​ស្រឡាញ់​បាល់ទាត់​កាន់​តែ​ខ្លាំង»។

លោក Conor Nestor ដែល​ជា​គ្រូ​បង្វឹក​ដែល​មាន​បទ​ពិសោធ​ច្រើន​នៅ​កម្ពុជាបាន​រៀប​រាប់​ថា ៥​ទៅ​៦​ឆ្នាំ​ចុង​ក្រោយ​នេះ បាល់ទាត់​កម្ពុជា​​មាន​​ការ​វិវត្ត​​ទៅ​មុខ​គួរ​ឲ្យ​កត់​សំគាល់។ ទាំង​នោះ​​គឺ​ជាគុណផល​​នៃ​ការ​ប្រកួត​របស់​ក្លិបទាំង​អស់។ ឧទាហរណ៍ ភ្នំពេញ​ក្រោន ប្រកួត​ឈ្នះ​​​​ក្រុម​អូស្ត្រាលី​ក្នុង​ពាន​រង្វាន់ AFC Cup ។ លោក Oleg គ្រូ​បង្វឹក​ភ្នំពេញ​ក្រោន ​​​​បាន​រួម​ចំណែក​​បង្កើន​កម្រិត​គុណភាព​បាល់​ទាត់​កម្ពុជា​រួច​ហើយ។ បន្ទាប់​មក​លោក​គ្រូ Pep ​បាន​ចូល​មក​គឺ​កំពុង​ធ្វើ​ឲ្យ​បាល់ទាត់​រីក​ចម្រើន​ជា​មួយ​ក្លិប​ព្រះ​ខ័ន​រាជ​ស្វាយរៀង ហើយ​លោក​បាន​នាំ​ទៅ​កាន់​មួយ​កម្រិត​ទាំង​គុណភាព​ក្លិប និង​កីឡាករ។

លោក​បន្ថែម​ថា ៖«ព្រះ​ខ័ន​រាជ​ស្វាយរៀង​បាន​ឈ្នះ​ពាន​៣​ផ្សេង​គ្នា​កាល​ពី​រដូវ​កាលមុន។ វា​អាច​ទៅ​រួច​ដែល​ពួក​គេ​​អាច​​បន្តឈ្នះ​ទៀត តែ​​ខ្ញុំ​សង្ឃឹម​ថា ពួក​គេ​មិន​ឈ្នះ​ពាន​សម្តេច​តេជោ​ឆ្នាំ​នេះ​ទេ ពី​ព្រោះ​ខ្ញុំ​សង្ឃឹម​បឹងកេត​ឈ្នះ​វិញ។ ប៉ុន្តែ​​អ្វី​ៗ វា​បង្ហាញ​ពីភាពស្ថិតស្ថេរ និង​កម្រិត​ដ៏​ខ្ពស់​ជាក់​លាក់ ខ្ញុំ​គិត​ថា វា​ត្រូវ​ការ​រួម​បញ្ចូល​គ្នា​រវាង​កីឡាករ​ក្នុង​ស្រុក និង​កីឡាករ​បរទេស​ទើប​អាច​សម្រេច​បាន​លទ្ធផល»។

ព្រះ​ខ័ន​រាជ​ស្វាយ​រៀង បាន​ក្លាយ​ជា​ក្រុម​កម្ពុជា​ទី​២​បាន​ឡើង​វគ្គ​ផ្តាច់​ព្រ័ត្រ ពាន​រង្វាន់ AFC Challenge League បន្ទាប់​ពី​ភ្នំពេញ​ក្រោន​ធ្លាប់​បាន​ឡើង​កាល​ពី​ឆ្នាំ​២០១១ ប៉ុន្តែ​ជា​ក្រុម​កម្ពុជា​ទី១​​នាំ​ការ​ប្រកួត​វគ្គ​ផ្តាច់​ព្រ័ត្រ​មក​ទឹក​ដី​កម្ពុជា៕

អត្ថបទ៖ វីរបុត្រ

The post លោក Conor Nestor ចាត់ទុកសមិទ្ធផល​របស់ ព្រះ​ខ័ន​រាជ​ស្វាយរៀង នឹង​ធ្វើ​ឲ្យ​យុវជន​កម្ពុជា​កាន់​តែ​មាន​ជំនឿ​ចិត្ត appeared first on Kampuchea Thmey Daily.

ការ​ចូលរួម​ជាមួយ​ក្លិប​ថ្មី​នៅ​លីគ​ឥណ្ឌា​នេះ លោក​នឹង​កាន់​តួនាទី​ជា​គ្រូ​ជំនួយ ដោយ​មាន​គ្រូ​ធំ​ជា​ជនជាតិ​ឥណ្ឌា​ផ្ទាល់ គឺ លោក Thangboi Singto។

និយាយ​អំពី​ការ​តែងតាំង​ថ្មី​នេះ ម្ចាស់​ក្លិប Hyderabad FC លោក Varun Tripuraneni បាន​និយាយ​ថា «យើង​រីករាយ​ក្នុង​ការ​ស្វាគមន៍ Conor Nestor មក​កាន់​ក្លិប Hyderabad FC។ បន្ទាប់ពី​បាន​ឃើញ​ការ​ដឹកនាំ ៣ រដូវ​កាល​ដ៏​ល្អ យើង​ដឹង​ថា យើង​ត្រូវការ​គ្រូ​ដ៏​ត្រឹមត្រូវ​បែបនេះ ដើម្បី​កសាង​ក្រុម​សម្រាប់​រដូវ​កាល​បន្ទាប់។ Conor គឺជា​គ្រូ​ដែល​យើង​បាន​កំណត់​អត្តសញ្ញាណ​ដំបូង ហើយ​ជា​អ្នក​ដែល​យល់ និង​សម​នឹង​ទស្សនវិជ្ជា​ក្លិប។ វិធីសាស្ត្រ​របស់​គាត់​ពិត​ជា​គួរ​ឲ្យ​ចាប់អារម្មណ៍​ខ្លាំង​ណាស់ ហើយ​ខ្ញុំ​មាន​ទំនុក​ចិត្ត​ថា ជាមួយ​នឹង Conor ក្លិប​នឹង​ឈាន​ទៅរក​ទិសដៅ​ថ្មី​មួយ​»។

លោក Conor Nestor បាន​ចូល​មក​ដឹកនាំ​ព្រះខ័នរាជ​ស្វាយរៀង នៅ​ឆ្នាំ ២០១៨ ប៉ុន្តែ​រដូវ​កាល​ដំបូង​បាន​ត្រឹម​នាំ​ក្រុម​បញ្ចប់​នៅ​ចំណាត់ថ្នាក់​លេខ ៦។ លុះ​ចូល​ដល់​ឆ្នាំ ២០១៩ អ្វីៗ​ប្រែប្រួល​ទាំងស្រុង លោក​បាន​នាំ​ក្រុម​ដែល​មាន​មូលដ្ឋាន​នៅ​ខេត្ត​ស្វាយរៀង នា​ឈ្នះ​ជើងឯក​លីគ​កំពូល​កម្ពុជា រដូវ​កាល ២០១៩ និង​បាន​ឡើង​ដល់​វគ្គ​ផ្ដាច់ព្រ័ត្រ​ពានរង្វាន់​សម្ដេច​តេ​ជោ ហ៊ុន សែន ប៉ុន្តែ​បាន​ត្រឹម​រង​ជើង​ឯក។

សមិទ្ធផល​ផ្សេងៗ​ទៀត​របស់​លោក​រួមមាន​ដូចជា ឆ្នាំ ២០១៨ បាន​លេខ ៦, ២០១៩ ឈ្នះ​ជើងឯក​លីគ, ២០២០ រងជើង​ឯក​, ២០២១ រងជើង​ឯក​, ២០២២ លេខ ៣។ ដោយឡែក​ក្នុង​ពាន​សម្ដេច​តេ​ជោ ហ៊ុន សែន រដូវ​កាល​ដំបូង វគ្គ ៨ ក្រុម​ចុងក្រោយ​, ២០១៩ ជើងឯក​រង​, ២០២០ វគ្គ ៨ ក្រុម​ចុងក្រោយ, ២០២១ ជើងឯក​រង​, ២០២២ វគ្គ ៨ ក្រុម​ចុងក្រោយ ក្រៅពី​នេះ​លោក​ក៏​ធ្លាប់​បាន​ឈ្នះ​ពាន​ឯកត្តជន គ្រូ​ល្អ​ជាងគេ​ប្រចាំ​ឆ្នាំ ២០១៩ នៃ​លីគ​កំពូល​កម្ពុជា ផង​ដែរ។

ចំពោះ​ក្លិប Hyderabad FC គឺជា​ក្លិប​ថ្មី​ទើប​បង្កើត​ឡើង​នៅ​ឆ្នាំ ២០១៩ ដោយ​ទិញ​យក​ពី​ក្លិប Pune City ដែល​ត្រូវ​បាន​រំសាយ​ដោយសារ​បញ្ហា​ផ្ទេរ​កីឡាករ និង​ប្ដូរ​ឈ្មោះ​ទៅជា​ក្លិប Hyderabad FC នេះ។

ក្លិប​នេះ​ធ្លាប់​ឈ្នះ​លីគ​កំពូល​ឥណ្ឌា​ម្ដង​កាលពី​រដូវ​កាល ២០២១-២២។ ដោយឡែក​កាលពី​រដូវ​កាល​មុន ឈរ​នៅ​លេខ ៣ នៃ​លីគ​កំពូល​ឥណ្ឌា ខណៈ​នៅ​រដូវ​កាល​ថ្មី​ខាងមុខនេះ លីគ​គេ​នឹង​ចាប់ផ្ដើម​ខែ​កញ្ញា ឆ្នាំ ២០២៣៕

អត្ថបទ ៖ មន្នីរ័ត្ន

The post លោក Conor Nestor ក្លាយជាគ្រូជំនួយនៅក្លិបមួយ នៃលីគកំពូលឥណ្ឌា appeared first on Kampuchea Thmey Daily.

ប្រភពមួយបានបញ្ជាក់ថា លោកបានយល់ព្រមចុះកុងត្រារយៈពេលមួយឆ្នាំជាមួយក្លិបដែលទើបបង្កើតបាន ៣ឆ្នាំមួយនេះ ហើយរដូវកាលកន្លងទៅជាក្រុមលេខ២ ក្នុងវគ្គវិលជុំសន្សំពិន្ទុ ហើយ​បាន​ឡើងទៅវគ្គខ្វែងបានធ្លាក់វគ្គពាក់ណ្ដាលផ្ដាច់ព្រ័ត្រ។

លោក Nestor ជាគ្រូបង្វឹកវ័យក្មេង និងឆ្នើម​ម្នាក់​ដែល​មានមូលដ្ឋានចេញពីកម្ពុជា។ ក្នុងឆ្នាំ២០០៧ លោក​ជាគ្រូបង្វឹក​ UK Elite Soccer។ លោកបានធ្វើការជាមន្ត្រីអភិវឌ្ឍ​សម្រាប់ សហព័ន្ធបាល់ទាត់អៀរឡង់។ លោកបានធ្វើការជាមួយកីឡាករបាល់ទាត់ល្បីៗមួយចំនួនរបស់ប្រទេសអៀរឡង់ រួមទាំង Gary O Neil, Shane McLoughlin និង Garvin Dillon។

ឆ្នាំ២០១៨ អ្នកចាត់ការសញ្ជាតិអៀរឡង់ វ័យ​៣៨ឆ្នាំត្រូវបានតែងតាំងជាគ្រូបង្វឹកក្លិបព្រះខ័នរាជស្វាយរៀង។ ក្រុមតំណាងខេត្តស្វាយរៀង ឈ្នះជើងឯកលីគកំពូលកម្ពុជា រដូវកាល ២០១៨-១៩ ក្រោមការដឹកនាំរបស់លោក។ 

ក្រោមការដឹកនាំរបស់ លោក Manolo Marquez ក្លិប Hyderabad FC បច្ចុប្បន្នកំពុងប្រកួតប្រជែងក្នុងពានរង្វាន់ Hero Super Cup 2023។ ម្យ៉ាងវិញទៀត លោក Marquez គ្រោងនឹងចាកចេញពីក្លិប និងចូលរួមជាមួយក្លិប FC Goa នៅរដូវកាលក្រោយ។

លោក Conor Nestor គឺជាអ្នកជំនួសលោក Manolo Marquez ដ៏ស័ក្តិសម។ វាគឺដោយសារតែជំនាញយ៉ាងទូលំទូលាយរបស់លោកក្នុងការដោះស្រាយជាមួយកីឡាករវ័យក្មេង និងនាំក្រុមសាមញ្ញទៅរកជ័យជម្នះ៕

ប្រែសម្រួល៖ មន្នីរ័ត្ន
ប្រភព៖ footballexpress.in

The post ក្លិបលីគកំពូលឥណ្ឌាត្រៀមតែងតាំងលោក Conor Nestor ឆាប់ៗ appeared first on Kampuchea Thmey Daily.