ថ្លែងបន្ទាប់ពីកិច្ចពិភាក្សាជាមួយលោក Kishida អស់រយៈពេលប្រហែល ២ ម៉ោងនៅឯសេតវិមានដែលផ្ដោតលើតំបន់ឥណ្ឌូប៉ាស៊ីហ្វិក និងសកម្មភាពរបស់ចិន, លោក Biden បានលើកឡើងថា “នេះគឺជាការធ្វើបច្ចុប្បន្នភាពយោធាដ៏ល្អប្រសើរ និងសំខាន់បំផុតនៅក្នុងសម្ព័ន្ធភាពរបស់យើង ចាប់តាំងពីត្រូវបានបង្កើតឡើងមក” ។

ចំណែកលោក Kishida ក៏បានបញ្ជាក់ផងដែរថា “រាល់ការចិញ្ចឹមចិត្តជាឯកតោភាគីក្នុងការផ្លាស់ប្តូរស្ថានភាពដោយការប្រើកម្លាំង ឬការបង្ខិតបង្ខំគឺពិតជាមិនអាចទទួលយកបាននោះទេ ទោះនៅទីកន្លែងណាក៏ដោយ ហើយអាមេរិក និងជប៉ុននឹងបន្តឆ្លើយតបចំពោះសកម្មភាពបែបនេះ រួមទាំងបញ្ហាប្រឈមពីប្រទេសចិនផងដែរ” ។

សហរដ្ឋអាមេរិក និងសម្ព័ន្ធមិត្តរបស់ខ្លួន រួមទាំងប្រទេសជប៉ុនផងដែរនោះ បាននឹងកំពុងពង្រឹងកម្លាំងយោធារបស់ពួកគេ ដើម្បីប្រឆាំងនឹងការសម្លុតគំរាមកាន់តែខ្លាំងឡើងពីសំណាក់ប្រទេសចិននៅក្នុងសមុទ្រចិនខាងត្បូង និងសមុទ្រចិនខាងកើត ជាពិសេសគឺបញ្ឈប់រាល់ការប៉ុនប៉ងណាមួយដើម្បីដណ្តើមយកកោះតៃវ៉ាន់ ដែលចិនចាត់ទុកជាខេត្តមួយរបស់ខ្លួន ។

គួរបញ្ជាក់ថា កិច្ចប្រជុំរវាងលោក Biden និងលោក Kishida នៅសេតវិមាននាពេលនេះគឺឆ្លុះបញ្ចាំងពីសារៈសំខាន់កាន់តែខ្លាំងឡើងថែមមួយកម្រិតទៀតរបស់ជប៉ុននៅលើឆាកអន្តរជាតិ និងចំពោះសហរដ្ឋអាមេរិកតែម្ដង ខណៈមេដឹកនាំទាំងពីរក៏ពិភាក្សាពីបញ្ហាជម្លោះរវាងអ៊ីស្រាអែល-ក្រុមហាម៉ាសនៅតំបន់ហ្គាហ្សា ភ្លើងសង្គ្រាមរុស្ស៊ី-អ៊ុយក្រែន ក៏ដូចជារឿងរ៉ាវនៅកូរ៉េខាងជើង និងចំណុចក្ដៅផ្សេងទៀតរបស់ពិភពលោកផងដែរ ៕

ដោយ ៖ សុខ ជីវ័ន្ត

ចុចអាន ៖ អ៊ីស្រាអែល បញ្ជាក់ពេលវេលាដែល អ៊ីរ៉ង់ នឹងឲ្យខ្លួនភ្លក់រសជាតិវាយប្រហារ សងសឹក

The post អាមេរិក និងជប៉ុន លាតត្រដាងផែនការមេជាច្រើន រួមទាំងមហិច្ឆតាចុះចត​នៅឋានព្រះច័ន្ទ appeared first on Kampuchea Thmey Daily.

តាមការចុះផ្សាយរបស់សារព័ត៌មាន UPI, ក្នុងដំណើរទស្សនកិច្ចនេះ មេដឹកនាំទាំងពីរ នឹងពិភាក្សាគ្នាអំពីការពង្រឹងទំនាក់ទំនងនយោបាយ សន្តិសុខ សេដ្ឋកិច្ច និងប្រជាជនរវាងសហរដ្ឋអាមេរិកនិងជប៉ុន ក៏ដូចជាការជំរុញឲ្យមាន ទស្សនវិស័យរួមគ្នាសម្រាប់តំបន់ឥណ្ឌូប៉ាស៊ីហ្វិកនិងពិភពលោកសេរី បើកចំហ សុវត្ថិភាព និងវិបុលភាព។

លើសពីនេះ ដំណើរទស្សនកិច្ចនាពេលខាងមុខ នឹងបញ្ជាក់ពីភាពរឹងមាំយូរអង្វែងនៃភាពជាដៃគូរវាងសម្ព័ន្ធមិត្ត ការប្តេជ្ញាចិត្តឥតងាករេរបស់សហរដ្ឋអាមេរិកចំពោះជប៉ុន និងការពង្រឹងតួនាទីជាអ្នកដឹកនាំសកលរបស់ប្រទេសជប៉ុន។

ដំណើរ​ទស្សនកិច្ច​របស់​លោក Kishida កើត​ឡើង ចំ​ពេល​​មាន​ភាព​តានតឹង​កាន់​តែ​ខ្លាំង ​នៅ​ក្នុង​តំបន់​សមុទ្រ​ខាង​កើត ដោយកាលពីសប្តាហ៍មុន ប្រទេសកូរ៉េខាងជើង បានសាកល្បងអាវុធនុយក្លេអ៊ែរក្រោមទឹក ជាការឆ្លើយតបទៅនឹងសមយុទ្ធដែនសមុទ្ររួមគ្នារវាងសហរដ្ឋអាមេរិក ជប៉ុន និងកូរ៉េខាងត្បូង។

ទីភ្នាក់ងារសារព័ត៌មាន KCNA ផ្សាយថា ប្រព័ន្ធសព្វាវុធរបស់ខ្លួន ជាការកំញើញដល់សមយុទ្ធយោធាអរិភាពរបស់កងទ័ពជើងទឹកអាមេរិក និងសម្ព័ន្ធមិត្តរបស់ពួកគេ។

លើសពីនេះ កាលពីដើមសប្តាហ៍ កូរ៉េខាងជើង ក៏បាញ់សាកល្បងមីស៊ីលប្រើឥន្ធនៈរឹងថ្មីមួយប្រភេទបំពាក់ជាមួយក្បាលគ្រាប់ មានល្បឿនលឿនជាងសំឡេងចូលសមុទ្រខាងកើត ផងដែរ។

ក្រៅ​ពី​បញ្ហា​ភូមិសាស្ត្រ​នយោបាយ​​ក្នុង​តំបន់ដែល​ជប៉ុនកំពុង​ប្រឈម​មុខ ប្រទេស​នេះ​ក៏​ត្រូវរងគ្រោះដោយការ​រញ្ជួយដីកម្រិតធ្ងន់​នៅ​ថ្ងៃ​ចូល​ឆ្នាំទៀតផង ខណៈអាជ្ញាធរអះអាងមានអ្នកស្លាប់ ២០៦នាក់៕

អត្ថបទ៖ សុខ សុវណ្ណ

ចុចអាន៖ ជប៉ុន កាត់ទោសប្រហារជីវិតបុរសម្នាក់ ក្នុងករណីដុតស្ទូឌីយូគំនូរជីវចល KyoAni សម្លាប់មនុស្សជាង ៣០នាក់

The post នាយករដ្ឋមន្ត្រីជប៉ុន ទៅអាមេរិកខែ៤ ចំពេលស្ថានការណ៍ក្នុងតំបន់ តានតឹងខ្លាំង appeared first on Kampuchea Thmey Daily.

លោកនាយករដ្ឋមន្ត្រីរំពឹងនឹងធ្វើការរុះរើគណៈរដ្ឋមន្ត្រីនាថ្ងៃព្រហស្បតិ៍ ទី១៤ ខែធ្នូ បន្ទាប់ពីសម័យប្រជុំសភាបិទបញ្ចប់នៅថ្ងៃពុធនេះ ខណៈសមាជិក​ទាំង ៤ ​រូប​នោះមាន​ប្រធាន​ខុទ្ទកាល័យ​លោក Matsuno Hirokazu, រដ្ឋមន្ត្រី​សេដ្ឋកិច្ច ពាណិជ្ជកម្ម និង​ឧស្សាហកម្មលោក Nishimura Yasutoshi, រដ្ឋមន្ត្រី​កិច្ចការ​ផ្ទៃក្នុង និង​ទំនាក់ទំនងលោក Suzuki Junji និង​រដ្ឋមន្ត្រី​កសិកម្ម រុក្ខាប្រមាញ់ និង​នេសាទលោក Miyashita Ichiro ។

ទន្ទឹមនោះ សេចក្ដីសម្រេចចិត្តរបស់លោក Kishida ក្នុងការដកអ្នកទាំង ៤ ចេញពីតំណែង គឺជាការឆ្លើយតបទៅនឹងរឿងអាស្រូវពុករលួយលើលុយជាង ១០០ លានយ៉េន (៦៩ ម៉ឺនដុល្លារ) ដែលសុទ្ធសឹងតែជាប់ពាក់ព័ន្ធទៅនឹងបក្ខពួកដែលធ្លាប់ដឹកនាំដោយអតីតនាយករដ្ឋមន្ត្រីលោក Shinzo Abe ។

ស្របពេលជាមួយគ្នានេះ អ្នកដែលនឹងត្រូវឡើងស្នងតំណែងក្នុងចំណោមសមាជិកគណៈរដ្ឋមន្ត្រីទាំង ៤ នេះ គឺត្រូវបានជ្រើសរើសជាចម្បងចេញពីបុគ្គលដែលមិនធ្លាប់ស្ថិតក្រោមការដឹកនាំរបស់លោក Abe ឡើយ ប៉ុន្តែត្រូវមានពិសោធន៍ធ្វើជារដ្ឋមន្ត្រីពីមុនមក ខណៈរដ្ឋមន្ត្រីចំនួន ៥ រូបផ្សេងទៀតដែលជាបក្ខពួករបស់លោក Abe ក៏ទំនងជាត្រូវផ្លាស់ប្ដូរផងដែរ ។

គួរបញ្ជាក់ថា រឿងអាស្រូវពុករលួយផ្នែកហិរញ្ញវត្ថុនេះកើតមានឡើង ស្របពេលដែលជប៉ុនត្រៀមនឹងរៀបចំកិច្ចប្រជុំកំពូលពិសេសជាមួយសមាជិកអាស៊ារយៈពេល ៣ ថ្ងៃ ចាប់ពីថ្ងៃទី១៦ ដល់ថ្ងៃទី១៨ ខែធ្នូក្នុងទីក្រុងតូក្យូ ខណៈគណបក្ស LDP ក៏នឹងត្រូវរៀបចំការបោះឆ្នោតជ្រើសរើសមេដឹកនាំថ្មីនៅខែកញ្ញា និងការបោះឆ្នោតសកលនៅខែតុលា ឆ្នាំ២០២៥ ៕

ប្រែសម្រួលដោយ ៖ ជីវ័ន្ត

ប្រភព ៖ NHK

ចុចអាន ៖ រឿងអាស្រូវពុករលួយនៅ ជប៉ុន ឈានដល់ការដកតំណែងរដ្ឋមន្ត្រីកំពូលៗ និងអ្នកនាំពាក្យរដ្ឋាភិបាល

The post នាយករដ្ឋមន្ត្រី ជប៉ុន រុះរើសមាជិកគណៈរដ្ឋមន្ត្រីកាលជំនាន់លោក Abe ចំនួន ៤ រូប ក្រោយរឿងអាស្រូវពុករលួយ appeared first on Kampuchea Thmey Daily.

លោក Matsuno ស្ថិតក្នុងចំណោមសមាជិកសភាជាច្រើនរូបដែលជាប់ពាក់ព័ន្ធក្នុងរឿងអាស្រូវមិនបានរាយការណ៍អំពីប្រាក់រាប់ម៉ឺនដុល្លារ ដែលទទួលបានក្នុងកិច្ចខិតខំប្រឹងប្រែងរៃអង្គាសថវិកានៅក្នុងបក្ខពួកគណបក្សសម្ព័ន្ធប្រជាធិបតេត្យសេរី (LDP) ។

ទន្ទឹមនោះ រឿងនេះក៏កំពុងធ្វើឲ្យលោកនាយករដ្ឋមន្ត្រី Fumio Kishida ឈឺក្បាលខ្លាំងផងដែរ ហើយកំពុងពិចារណារុះរើគណៈរដ្ឋមន្ត្រីទាំងស្រុង រួមទាំងការដកតំណែងថ្នាក់ដឹកនាំក្នុងជួររដ្ឋាភិបាល និងគណបក្ស រាប់ចាប់ពីតំណែងតូចតាច ទៅដល់សមាជិកទាំងអស់នៃបក្សពួកដែលធ្លាប់ដឹកនាំដោយអតីតនាយករដ្ឋមន្ត្រី Shinzo Abe ។

នៅពេលនេះ សមាជិកនៃបក្សពួកចំនួន ១៥ រូបដែលស្ថិតនៅក្នុងជួររដ្ឋាភិបាល ក្នុងនោះមានរដ្ឋមន្ត្រីចំនួន ៤ នាក់ អនុរដ្ឋមន្ត្រីចំនួន ៥ នាក់ និងមន្ត្រីនយោបាយចំនួន ៦ នាក់ ខណៈដែល ៣ នាក់ទៀតជានាយកប្រតិបត្តិរបស់បក្ស LDP សុទ្ធសឹងតែក្នុងចំណោមអ្នកដែលនឹងត្រូវដកតំណែង ។

គួរបញ្ជាក់ថា រឿងអាស្រូវពុករលួយផ្នែកហិរញ្ញវត្ថុនេះកើតមានឡើង ស្របពេលដែលជប៉ុនត្រៀមនឹងរៀបចំកិច្ចប្រជុំកំពូលពិសេសជាមួយសមាជិកអាស៊ារយៈពេល ៣ ថ្ងៃ ចាប់ពីថ្ងៃទី១៦ ដល់ថ្ងៃទី១៨ ខែធ្នូក្នុងទីក្រុងតូក្យូ ខណៈគណបក្ស LDP ដែលកាន់អំណាចស្ទើរតែគ្រប់យុគសម័យក្រោយសង្គ្រាមរបស់ប្រទេសជប៉ុន ក៏នឹងត្រូវរៀបចំការបោះឆ្នោតជ្រើសរើសមេដឹកនាំថ្មីនៅខែកញ្ញា និងការបោះឆ្នោតសកលនៅខែតុលា ឆ្នាំ២០២៥ ៕

ប្រែសម្រួលដោយ ៖ ជីវ័ន្ត

ប្រភព ៖ NHK / Japan Times

ចុចអាន ៖ អតីតទាហាន ជប៉ុន ៣ នាក់ជាប់ទោសពីបទរំលោភផ្លូវភេទមិត្តរួមការងារ

The post រឿងអាស្រូវពុករលួយនៅ ជប៉ុន ឈានដល់ការដកតំណែងរដ្ឋមន្ត្រីកំពូលៗ និងអ្នកនាំពាក្យរដ្ឋាភិបាល appeared first on Kampuchea Thmey Daily.

ជាក់ស្តែង ការទទួលទានអាហារថ្ងៃត្រង់មួយពេលនេះ មានគោលបំណងរំងាប់ក្តីបារម្ភ អំពីផលប៉ះពាល់អវិជ្ជមានលើសុខភាពមនុស្ស និងស្តារកេរ្តិ៍ឈ្មោះឡើងវិញ ចំពោះផលនេសាទពីតំបន់ជុំវិញខេត្តភាគឦសានប្រទេសជប៉ុន។

បន្ទាប់ពីជំនួបនៅទីស្តីការនាយករដ្ឋមន្ត្រី, រដ្ឋមន្ត្រីសេដ្ឋកិច្ច ពាណិជ្ជកម្ម និងឧស្សាហកម្មទទួលបន្ទុកគោលនយោបាយនុយក្លេអ៊ែរ លោក Yasutoshi Nishimura និយាយថា លោក Kishida បានបរិភោគ sashimi, ត្រីអណ្ដាតឆ្កែសមុទ្រ និងមឹក ដែលយកមកពីតំបន់ ហ្វូគូស៊ីម៉ា។

លោក Nishimura ប្រាប់អ្នកយកព័ត៌មានបន្ទាប់ពីកិច្ចប្រជុំនេះថា យើងចាំបាច់ត្រូវធានាអះអាងដល់ប្រជាជនទាំងក្នុងនិងក្រៅប្រទេស អំពីសុវត្ថិភាពនៃគ្រឿងសមុទ្រ ដែលនេសាទបានពីសមុទ្រក្បែរបរិវេណនុយក្លេអ៊ែរ ហ្វូគូស៊ីម៉ា។

គួរបញ្ជាក់ជាថ្មី កាលពីថ្ងៃព្រហស្បតិ៍សប្តាហ៍មុន ប្រទេសជប៉ុន បានចាប់ផ្តើមបញ្ចេញទឹកដែលសម្អាតរួចពីរោងចក្រថាមពលនុយក្លេអ៊ែរ Fukushima Daiichi ចូលទៅក្នុងមហាសមុទ្រប៉ាស៊ីហ្វិក។

រដ្ឋាភិបាលទីក្រុងតូក្យូអះអាងថា សារធាតុវិទ្យុសកម្មភាគច្រើន លើកលែងតែ Tritium ប៉ុណ្ណោះ គឺត្រូវបានសម្អាតអស់ពីទឹក តាមរយៈដំណើរការបន្សុទ្ធ មុនពេលបង្ហូរចេញ៕

សូមទស្សនាវីដេអូ៖

ប្រែសម្រួល៖ Vann Vann

ប្រភព៖ Asian Nikkei

ចុចអាន៖ ប្រធានាធិបតីកូរ៉េខាងត្បូង ទទួលទានគ្រឿងសមុទ្រ ដើម្បីធានាដល់ប្រជាជន កុំឲ្យព្រួយបារម្ភ

The post លោក Kishida ហៅរដ្ឋមន្ត្រីមួយក្រុម មកទទួលទានគ្រឿងសមុទ្រ យកពី ហ្វូគូស៊ីម៉ា ជាមួយគ្នា ដើម្បីធានាសុវត្ថិភាព appeared first on Kampuchea Thmey Daily.

លោក Kishida គ្រោងនឹងទៅបំពេញទស្សនកិច្ចនៅប្រទេសឥណ្ឌូណេស៊ី និងឥណ្ឌា ក្នុងដំណើរចេញក្រៅប្រទេសរយៈពេល ៧ ថ្ងៃដែលនឹងចាប់ផ្តើមនៅថ្ងៃទី៥ ខែកញ្ញាតទៅ ហើយលោកនឹងចូលរួមកិច្ចប្រជុំកំពូលជាមួយមេដឹកនាំនៃសមាគមប្រជាជាតិអាស៊ីអាគ្នេយ៍ (អាស៊ាន) និងក្រុមប្រទេសសេដ្ឋកិច្ច G20 ផងដែរ ។

ទន្ទឹមនោះ លោក​នាយក​រដ្ឋមន្ត្រី​ Kishida ក៏គ្រោង​នឹង​ឆ្លៀត​ឱកាសនេះ​ស្វែង​រក​ការ​យល់​ដឹងបន្ថែម​ពី​អន្តរជាតិផងដែរ ចំពេលដែលប្រទេសចិនបានចេញការជំទាស់ និង​បន្ត​រិះគន់​រដ្ឋាភិបាលទីក្រុងតូក្យូកាន់​តែ​ខ្លាំងឡើង ជាពិសេសគឺការផ្អាកការនាំចូលអាហារសមុទ្រទាំងអស់របស់ជប៉ុន ក្រោយការបង្ហូរទឹកសំណល់ចេញពីរោងចក្រកាលពីថ្ងៃទី២៤ ខែសីហា ។

លោក Kishida គ្រោងនឹងពន្យល់ថា ការបង្ហូរទឹកសំណល់ចេញនេះមិនមានហានិភ័យ និងប៉ះពាល់ដល់សុវត្ថិភាពណាមួយនោះទេ ដោយសារយើងបានបំពេញតាមស្តង់ដារវិទ្យាសាស្ត្រ ហើយលោក​ក៏​មាន​បំណង​បញ្ជាក់​យ៉ាង​ច្បាស់ដែរ​ថា ជប៉ុន​នឹង​បន្ត​ផ្តល់​ព័ត៌មាន​អំពី​បញ្ហាទាំងអស់​នេះ​ក្នុង​លក្ខណៈ​តម្លាភាព​ខ្ពស់ ។

ពាក់ព័ន្ធនឹងបញ្ហានេះដែរ អ្នកសង្កេតការណ៍កំពុងរង់ចាំមើលថាតើលោក Kishida នឹងមានឱកាសជួបនិយាយជាមួយមេដឹកនាំចិនជាលក្ខណៈបុគ្គលដែរឬក៏យ៉ាងណានោះទេ ខណៈនាយករដ្ឋមន្ត្រីចិនលោក Li Qiang អាចនឹងចូលរួមកិច្ចប្រជុំអាស៊ាន ហើយលោកប្រធានាធិបតី Xi Jinping ទំនងជានឹងចូលរួមក្នុងកិច្ចប្រជុំកំពូល G20 ។

គួរបញ្ជាក់ថា រោងចក្រថាមពលនុយក្លេអ៊ែរ Fukushima Daichi បានរងផលប៉ះពាល់ចំនួន ៣ ដងនៅក្នុងការរញ្ជួយដី និងរលកយក្សស៊ូណាមិឆ្នាំ ២០១១ ហើយទឹក​ដែល​ប្រើ​សម្រាប់​ធ្វើ​ឲ្យ​ឥន្ធនៈត្រជាក់​រលាយនៅក្នុងរោងចក្រ​បាន​និង​កំពុង​លាយឡំ​ជាមួយ​ទឹកភ្លៀង និង​ទឹកក្រោមដី ៕

ប្រែសម្រួលដោយ ៖ ជីវ័ន្ត

ប្រភព ៖ NHK

ចុចអាន ៖ ជម្លោះរឿងគ្រឿងសមុទ្រ, ជប៉ុន គំរាមនាំ ចិន ទៅ WTO

The post ជប៉ុន គ្រោងយកកិច្ចប្រជុំអាស៊ាន និង G20 ពន្យល់ការបង្ហូរទឹកសំណល់​ចេញពីរោងចក្រនុយក្លេអ៊ែរ Fukushima appeared first on Kampuchea Thmey Daily.

មុនពេលធ្វើដំណើរទៅកាន់ទីក្រុងសេអ៊ូល លោក Kishida បានប្រាប់អ្នកយកព័ត៌មានថា លោកចង់ដោះដូរយោបល់ដោយស្មោះត្រង់ជាមួយប្រធានាធិបតីកូរ៉េខាងត្បូងលោក Yoon Suk-yeol ដោយផ្អែកលើការជឿទុកចិត្តគ្នាទៅវិញទៅមក។

មេដឹកនាំទាំងពីរត្រូវបានគេរំពឹងថា នឹងយល់ព្រមបង្កើនកិច្ចសហប្រតិបត្តិការផ្នែកសន្តិសុខ។ សកម្មភាពនេះគឺសំដៅដោះស្រាយបញ្ហានានា ដូចជាកម្មវិធីអភិវឌ្ឍន៍នុយក្លេអ៊ែរ និងមីស៊ីលរបស់កូរ៉េខាងជើងជាដើម។

របៀបវារៈនៃកិច្ចប្រជុំកំពូល ក៏ទំនងជារួមបញ្ចូលទាំងកិច្ចសហប្រតិបត្តិការសន្តិសុខសេដ្ឋកិច្ចនៅក្នុងការផលិតឧបករណ៍អេឡិចត្រូនិក ក៏ដូចជាការត្រួតពិនិត្យការនាំចេញផងដែរ។

លើសពីនេះ មេដឹកនាំទាំងពីរ ត្រូវបានគេរំពឹងថានឹងចែករំលែកព័ត៌មាន ស្តីពីការអនុវត្តផែនការជាមួយគោលបំណងដោះស្រាយបញ្ហាពលកម្មក្នុងសម័យសង្គ្រាម។

គួរបញ្ជាក់ថា ដំណើរ​ទស្សនកិច្ច​របស់លោក Kisihda កើត​ឡើង​បន្ទាប់​ពី​នាយក​រដ្ឋ​មន្ត្រី​រូបនេះ ឈានដល់​កិច្ច​ព្រម​ព្រៀង​មួយជាមួយលោក Yoon ក្នុង​អំឡុង​ពេល​កិច្ច​ប្រជុំ​នៅ​ទីក្រុង​តូក្យូ​កាលពី​ខែ​មីនា៕

ប្រែសម្រួល៖ Vann Vann

ប្រភព៖ NHK

ចុចអាន៖ ប៉ូលិសរកឃើញតម្រុយថ្មីបន្ថែមទៀតរបស់ជនសង្ស័យប៉ុនប៉ងធ្វើឃាតនាយករដ្ឋមន្ត្រី ជប៉ុន

The post លោក Kishida ធ្វើទស្សនកិច្ច​កូរ៉េ​ខាង​ត្បូង​ ខណៈមានភាពតានតឹងជាមួយ កូរ៉េខាងជើង appeared first on Kampuchea Thmey Daily.

ប្រភពស៊ើបអង្កេតបាននិយាយថា កំណត់ត្រារុករកនៅលើកុំព្យូទ័រផ្ទាល់ខ្លួនដែលរឹបអូសពីផ្ទះរបស់ជនសង្ស័យឈ្មោះ Kimura Ryuji បានកត់ត្រាការចូលមើលគេហទំព័រ LDP ម្តងហើយម្តងទៀត ដើម្បីពិនិត្យមើលកាលវិភាគនៃយុទ្ធនាការឃោសនាបោះឆ្នោត និងដើម្បីស្វែងរកឱកាសធ្វើការវាយប្រហារលោក Kishida ។

ទន្ទឹមនោះមន្ត្រី LDP ក៏បាននិយាយដែរថា ពួកគេបានប្រកាសកាលវិភាគសុន្ទរកថានៅឯកំពង់ផែនេសាទរបស់លោក Kishida នៅលើគេហទំព័រគណបក្សភ្លាមៗនៅម៉ោង ៥ ល្ងាចថ្ងៃទី១៤ ខែមេសា ពោលមួយថ្ងៃមុនពេលការវាយប្រហារបានកើតឡើង ។

មន្ត្រីគណបក្សបញ្ជាក់ថា វាជាលើកដំបូងក្នុងរយៈពេល ៩ ខែសម្រាប់លោក Kishida ដែលចេញទៅថ្លែងសុន្ទរកថាយុទ្ធនាការឃោសនា ចាប់តាំងពីការបោះឆ្នោតសភាជាន់ខ្ពស់កាលពីរដូវក្តៅមុន ។

គួរបញ្ជាក់ថា រយៈពេលមួយសប្តាហ៍ហើយ ចាប់តាំងពីជនសង្ស័យគប់គ្រាប់បែកទៅលើលោក Kishida ក្នុងអំឡុងពេលយុទ្ធនាការបោះឆ្នោតនៅទីក្រុងកំពង់ផែនេសាទ Wakayama ភាគខាងលិចប្រទេសជប៉ុន ខណៈក្នុងហេតុការណ៍នោះ មនុស្ស ២ នាក់បានរងរបួស ហើយប៉ូលិសបានចាប់ខ្លួនជនសង្ស័យវ័យ ២៤ ឆ្នាំជាអ្នករស់នៅក្បែរខេត្ត Hyogo នៅនឹងកន្លែងតែម្ដង ៕

ប្រែសម្រួលដោយ ៖ ជីវ័ន្ត

ប្រភព ៖ NHK

ចុចអាន ៖ ប៉ូលិសរកឃើញព័ស្តុតាងថ្មីរបស់ជនសង្ស័យប៉ុនប៉ងធ្វើឃាតនាយករដ្ឋមន្ត្រី ជប៉ុន

The post ប៉ូលិសរកឃើញតម្រុយថ្មីបន្ថែមទៀតរបស់ជនសង្ស័យប៉ុនប៉ងធ្វើឃាតនាយករដ្ឋមន្ត្រី ជប៉ុន appeared first on Kampuchea Thmey Daily.