លោក Natthapong Ruengpanyawut Archives - Kampuchea Thmey Daily

សង្គមថៃរងភាពបែកបាក់ ព្រោះតែការផ្សាយគ្មានការពិត និងលម្អៀងតាមនិន្នាការនយោបាយ

Rann Reuy — Fri, 16 Jan 2026 03:30:00 +0000

ក្រោយពីការផ្សព្វផ្សាយលទ្ធផលនៃការស្ទង់មតិលើប្រជាប្រិយភាពរបស់បេក្ខជននាយករដ្ឋមន្ត្រីរបស់ប្រទេសថៃដោយប្រភពផ្សេងៗគ្នា ដោយបង្ហាញពីនិន្នាការផ្សេងៗគ្នាតាមបេក្ខជននិមួយៗនោះ អ្នកសារព័ត៌មានជើងចាស់របស់ប្រទេសថៃ មើលឃើញថា សង្គមថៃកាន់តែមានការបែកបាក់។

ការបង្ហាញពីការបែកបាក់ចាប់ពីអ្នកនយោបាយរហូតដល់ប្រជាជនថៃ នៅពេលដែលសារព័ត៌មាននៃប្រទេសថៃនាពេលនេះបានប្រឹងប្រែងផ្សព្វផ្សាយនៃលទ្ធផលស្ទង់មតិដែលបង្ហាញឲ្យឃើញពីប្រជាប្រិយភាពនៃបេក្ខជននាយករដ្ឋមន្ត្រី នៃបក្សនយោបាយតំណាងឲ្យក្រុមរៀងៗខ្លួន។

លោក Pravit Rojanaphruk អ្នកសារព័ត៌មានដ៏មានបទពិសោធន៍យូរឆ្នាំ បានមើលឃើញថា សង្គមថៃកាន់តែមានការបែងចែកឬថា បែកបាក់កាន់តែខ្លាំងក្នុងពេលនេះ ដោយគ្មានឃើញការបង្ហាញជាសារអព្យាក្រឹត្យដែលគួរជាទីទុកចិត្តបានឡើយ។

លោក Pravit Rojanaphruk បានបង្ហោះសារនៅក្នុងបណ្តាញសង្គមរបស់លោក មានខ្លឹមសារថា នៅក្នុងពិភពនៃការស្ទង់មតិព័ត៌មានសំខាន់ៗរបស់ប្រព័ន្ធផ្សព្វផ្សាយអភិរក្សនិយម លោក អានុទីន ឆានវីរៈគុល (Anutin Charnvirakul) នាំមុខឆ្ងាយណាស់ ខណៈដែលបេក្ខជននាយករដ្ឋមន្ត្រីរបស់គណបក្សប្រជាជន លោក លោក ណាតថាភុង រឿងបញ្ញាវុត (Natthaphong Ruengpanyawut) នៅពីក្រោយឆ្ងាយណាស់នៅក្នុងចំណាត់ថ្នាក់ទីបួន ដោយចំណាត់ថ្នាក់ប្រជាប្រិយភាពទាបជាងលោក Abhisit Vejjajiva។

លោក សរសេរថា៖«នេះឆ្លុះបញ្ចាំងពីរបៀបដែលសង្គមថៃបានបែកបាក់គ្នាយ៉ាងច្បាស់»។

ប្រព័ន្ធផ្សព្វផ្សាយត្រូវបានគេមើលឃើញថាមាន «ពណ៌» នយោបាយ ហើយគណបក្សនយោបាយ ឬអ្នកនយោបាយដែលមានពណ៌ដូចគ្នា មានទំនោរទទួលបានប្រជាប្រិយភាពខ្ពស់ជាង នៅពេលដែលការស្ទង់មតិក្រៅផ្លូវការត្រូវបានធ្វើឡើងដោយប្រព័ន្ធផ្សព្វផ្សាយទាំងនោះ។

លទ្ធផលនៃការការស្ទង់មតិថ្មីមួយទាក់ទិនការបោះឆ្នោតក្នុងប្រទេសថៃ ដែលធ្វើឡើងដោយវិទ្យាស្ថានជាតិរដ្ឋបាលអភិវឌ្ឍន៍ជាតិ (National Institute of Development Administration (NIDA)) ដែលផ្សព្វផ្សាយកាលថ្ងៃទី១១ខែមករាដែរនោះ បានរកឃើញថា ប្រធានគណបក្សប្រជាជនថៃ និងជាបេក្ខជននាយករដ្ឋមន្ត្រី លោក ណាតថាភុង រឿងបញ្ញាវុត បាននាំមុខគេក្នុងការគាំទ្រពីអ្នកបោះឆ្នោត។

លោក ណាតថាភុង រឿងបញ្ញាវុត (Natthaphong Ruengpanyawut) បាននាំមុខគេក្នុងការគាំទ្រពីអ្នកបោះឆ្នោត។ FB

ការស្ទង់មតិ ដែលធ្វើឡើងទូទាំងប្រទេសចាប់ពីថ្ងៃទី៥ដល់ថ្ងៃទី៨ខែមករា ក្នុងចំណោមអ្នកឆ្លើយតបចំនួន ២៥០០នាក់ ដែលមានអាយុចាប់ពី ១៨ឆ្នាំឡើងទៅ បានរកឃើញថា ២៤.៧៦% គាំទ្រលោក ណាតថាភុង ជានាយករដ្ឋមន្ត្រីដែលពួកគេពេញចិត្ត ប្រសិនបើការបោះឆ្នោតត្រូវបានធ្វើឡើងនៅថ្ងៃនេះ។

លទ្ធផលនោះក៏បានបង្ហាញដែរថា លោក អានុទីន ឆានវីរៈគុល (Anutin Charnvirakul) មកពីគណបក្ស Bhumjaithai ឈរនៅលំដាប់លេខរៀងទី២ ដែលមានការគាំទ្រ ២០.៨៤% ខណៈដែលតួលេខមិនទាន់មានការសម្រេចចិត្តស្តិតនៅលំដាប់លេខរៀងទី៣ គឺ ១៤.១២% ដោយនិយាយថា ពួកគេមិនទាន់រកឃើញបេក្ខជនសមរម្យនៅឡើយទេ។

អតីតនាយករដ្ឋមន្ត្រី លោក Abhisit Vejjajiva ជាប់ចំណាត់ថ្នាក់លេខ៤ ក្នុងសំឡេង ១២.១២% បន្ទាប់មកគឺលោក Yodchanan Wongsawat មកពីគណបក្ស Pheu Thai ក្នុងសំឡេង ៩.៦៤%៕ យោងការចេញផ្សាយរបស់ Thai Enquirer៕

រ៉ាន់ រើយ

The post សង្គមថៃរងភាពបែកបាក់ ព្រោះតែការផ្សាយគ្មានការពិត និងលម្អៀងតាមនិន្នាការនយោបាយ appeared first on Kampuchea Thmey Daily.

ការស្ទង់មតិ៖ បេក្ខជននាយករដ្ឋមន្ត្រីនៃគណបក្សប្រជាជនថៃនាំមុខ ខណៈអានុទីនឈរលេខ២

Rann Reuy — Sun, 11 Jan 2026 05:15:16 +0000

លទ្ធផលនៃការការស្ទង់មតិថ្មីមួយទាក់ទិនការបោះឆ្នោតក្នុងប្រទេសថៃ បានរកឃើញថា ប្រធានគណបក្សប្រជាជនថៃ និងជាបេក្ខជននាយករដ្ឋមន្ត្រី លោក ណាតថាភុង រឿងបញ្ញាវុត (Natthaphong Ruengpanyawut) បាននាំមុខគេក្នុងការគាំទ្រពីអ្នកបោះឆ្នោត ទោះបីជាមានអ្នកបោះឆ្នោតមួយចំនួនធំនៅតែមិនទាន់សម្រេចចិត្តក៏ដោយ។

ការស្ទង់មតិរបស់វិទ្យាស្ថានជាតិរដ្ឋបាលអភិវឌ្ឍន៍ជាតិ (National Institute of Development Administration (NIDA)) ដែលជាមជ្ឈមណ្ឌលស្រាវជ្រាវចម្បងរបស់ប្រទេសថៃ បានឲ្យដឹងថា ការស្ទង់មតិ ដែលធ្វើឡើងទូទាំងប្រទេសចាប់ពីថ្ងៃទី៥ ដល់ថ្ងៃទី៨ខែមករា ក្នុងចំណោមអ្នកឆ្លើយតបចំនួន ២៥០០នាក់ ដែលមានអាយុចាប់ពី ១៨ឆ្នាំឡើងទៅ បានរកឃើញថា ២៤.៧៦% គាំទ្រលោក ណាតថាភុង ជានាយករដ្ឋមន្ត្រីដែលពួកគេពេញចិត្ត ប្រសិនបើការបោះឆ្នោតត្រូវបានធ្វើឡើងនៅថ្ងៃនេះ។

រ៉ាន់ រើយ

The post ការស្ទង់មតិ៖ បេក្ខជននាយករដ្ឋមន្ត្រីនៃគណបក្សប្រជាជនថៃនាំមុខ ខណៈអានុទីនឈរលេខ២ appeared first on Kampuchea Thmey Daily.

អនុទីនរងការបរិហារដែលថា លោកនាំប្រទេសថៃចូលក្នុងផ្លូវគ្រោះថ្នាក់

Rann Reuy — Wed, 10 Dec 2025 06:04:19 +0000

នយោបាយថៃកាន់តែបែកបាក់កាន់តែខ្លាំង បន្ទាប់ពីនាយករដ្ឋមន្ត្រី អានុទីន ឆានវីរៈគុល (Anutin Charnvirakul) បានប្រកាសបិទផ្លូវចរចាជាមួយកម្ពុជាក្នុងជម្លោះព្រំដែន ដែលយោធាថៃបង្កឡើងកាលពីថ្ងៃទី៧ខែធ្នូ បន្ទាប់ពីការអនុវត្តកិច្ចព្រមព្រៀងជិត២ខែ។

លោក Natthapong Ruengpanyawut មេដឹកនាំគណបក្សប្រជាជនថៃ ដែលជាបក្សប្រឆាំងដ៏មានប្រជាប្រិយភាព បានព្រមានថា ការបដិសេធរបស់លោកនាយករដ្ឋមន្ត្រី អានុទីន ឆានវីរៈគុល ក្នុងការបន្តការចរចាសន្តិភាពជាមួយកម្ពុជា គឺជាជំហរដ៏គ្រោះថ្នាក់របស់ប្រទេសថៃ។

ជម្លោះនយោបាយក្នុងប្រទេសថៃ បានធ្វើឲ្យប្រទេសនេះប្តូរនាយករដ្ឋមន្ត្រីរហូតដល់ទៅ៣ក្នុងរយៈពេលមិនដល់៣ឆ្នាំ ហើយ កាន់តែធ្ងន់ធ្ងរបំផុតគឺ ជម្លោះនយោបាយថៃ បានពង្រីកជម្លោះមកកាន់ព្រំដែនកម្ពុជា រហូតដល់បង្កសង្គ្រាមផ្ទុះអាវុធរហូតដល់ទៅពីលើក។

ប្រទេសមហាអំណាច មានសហរដ្ឋអាមេរិក និង ចិន បានចូលរួមអន្តរាគមន៍សម្របសម្រួលបញ្ចប់ជម្លោះ និង បង្កើតឲ្យមានកកិច្ចព្រមព្រៀងសន្តិភាពកាលពីថ្ងៃទី២៦ខែតុលាឆ្នាំ២០២៥។

សហរដ្ឋអាមេរិកដែលជាមហាអំណាចផុតលេខក្នុងពិភពលោក និង ជាសម្ព័ន្ធមិត្តយូរឆ្នាំរបស់ថៃ បានចេញមុខសម្របសម្រួលបង្កើតឲ្យមានសន្តិភាព ប៉ុន្តែក្រោយមក នាយករដ្ឋមន្ត្រីថៃ លោក អានុទីន ឆានវីរៈគុល បានបដិសេធមិនទទួលយកការសម្របសម្រួលរបស់សហរដ្ឋអាមេរិក ដែលនឹងធ្វើឲ្យប្រទេសថៃកាន់តែគ្រោះថ្នាក់ទៅបង្កើតសត្រូវជាមួយសហរដ្ឋអាមេរិក។

លោក Natthapong បាននិយាយថា ការពឹងផ្អែករបស់រដ្ឋាភិបាលលើកម្លាំងយោធាតែម្នាក់ឯងមិនអាចដោះស្រាយជម្លោះបានទេ ឥឡូវនេះឈានចូលដល់ថ្ងៃទីបីរបស់ខ្លួនហើយ ដោយមនុស្សជាង១០ម៉ឺននាក់ត្រូវបានជម្លៀសចេញ ហើយសាលារៀន និងមន្ទីរពេទ្យជាច្រើនត្រូវបានបិទ៕

រ៉ាន់ រើយ

The post អនុទីនរងការបរិហារដែលថា លោកនាំប្រទេសថៃចូលក្នុងផ្លូវគ្រោះថ្នាក់ appeared first on Kampuchea Thmey Daily.

បក្សប្រឆាំងមានឥទ្ធិពលនៅថៃចេញមុខផ្សះផ្សាបក្សផ្សេងៗដែលប្តឹងនាយករដ្ឋមន្ត្រីស្តីទី

Rann Reuy — Thu, 04 Sep 2025 04:15:58 +0000

ប្រធានគណបក្សប្រជាជន (Prachachon) របស់ប្រទេសថៃ បានចេញមុខអំពាវនាវឲ្យគណបក្សផ្សេងៗទម្លាក់ចោលការប្តឹង នាយករដ្ឋមន្ត្រីស្តីទី លោក Phumtham Wechayachai ដោយចោទពីបទបរិហារកេរ្តិ៍ព្រះមហាក្សត្រ ដោយសារតែនាយករដ្ឋមន្ត្ត្រ្តីស្តីទីថ្វាយសេចក្តីព្រាងព្រះរាជក្រមឲ្យទ្រង់យល់ព្រម«រំលាយសភា»។

លោក Natthapong Ruengpanyawut (កណ្តាល) បានចាប់ដៃលោក អានុទីន កាលពីដើមខែកក្កដាបន្ទាប់ពីលោក អានុទីន ដកខ្លួនចេញពីរដ្ឋាភិបាលចម្រុះដឹកនាំដោយគណបក្សភឿថៃ។ khaosod

សារព័ត៌មានថៃបានស្រង់សម្តី លោក Natthapong Ruengpanyawut ដែលនិយាយនៅក្នុងការធ្វើបាឋកថាផ្សាយតាមបណ្តាញសង្គម ដោយបានអំពាវនាវឲ្យគណបក្ស ភូមិចៃថៃ (Bhumjaithai) និងគណបក្សប្រជាធិបតេយ្យថ្មី (New Democracy Party) ឲ្យលុបចោលបណ្តឹងបរិហារកេរ្តិ៍របស់ព្រះមហាក្សត្រ ដែលបានធ្វើឡើងប្រឆាំងនឹងនាយករដ្ឋមន្ត្រីស្តីទី Phumtham Wechayachai។

នាយករដ្ឋមន្ត្រីស្តីទី Phumtham Wechayachai ដែលជាសមាសភាពថ្នាក់ដឹកនាំនៃគណបក្សភឿថៃ បានថ្វាយសេចក្តីព្រាងព្រះរាជក្រមទៅកាន់ស្ថាប័នមហាក្សត្រថៃ នៅថ្ងៃទី២ខែកញ្ញាកន្ងងទៅនេះ បន្ទាប់ពីការបរាជ័យក្នុងការចរចាជាមួយគណបក្សប្រជាជនក្នុងការបោះឆ្នោតគាំទ្របេក្ខភាពនាយករដ្ឋមន្ត្រីមកពីគណបក្សភឿថៃ ដែលដែនអំណាចនាយករដ្ឋមន្ត្រីស្តីទីស្ថិតនៅក្នុងភាពមិនច្បាស់លាស់ក្នុងការស្នើបែបនេះ។

គណបក្សប្រជាជន ដែលត្រូវបានបង្កើតឡើងក្រោយតុលាការធម្មនុញ្ញរំលាយគណបក្សឆ្ពោះទៅមុខ (Move Forward) កាលពីខែសីហាឆ្នាំ២០២៤ ក្រោយរកឃើញកំហុសនៃប្រធានបក្សនេះប៉ុនប៉ងធ្វើវិសោធនកម្មមាត្រា១១២ ដែលប៉ះពាល់ដល់រាជបល្ល័ង្ក ហើយថ្នាក់ដឹកនាំមួយចំនួននៃគណបក្សនេះត្រូវបានជាប់បម្រាមធ្វើនយោបាយ។ ប៉ុន្តែការបង្កើតបក្សប្រជាជននេះឡើង សមាជិកសភាជាប់ឆ្នោតនៃគណបក្សចាស់នោះ ក៏បានបន្តរួបរួមគ្នា ក្លាយជាគណបក្សប្រឆាំងដ៏ធំ រក្សាគោលជំហរគណបក្សចាស់ ដូចជា ការប៉ុនប៉ងធ្វើវិសោធនកម្មរដ្ឋធម្មនុញ្ញថៃ។

នៅក្នុងលក្ខខណ្ឌដែលចរចាបរាជ័យជាមួយគណបក្សភឿថៃ គឺ គណបក្សប្រជាជនបានដាក់លក្ខខណ្ឌឲ្យគណបក្សភឿថៃប្រកាសរំលាយសភាបន្ទាប់ពីការកាន់អំណាច៤ខែ និង ការធ្វើប្រជាមតិដើម្បីធ្វើវិសោធនកម្មរដ្ឋធម្មនុញ្ញ។ ប៉ុន្តែគណបក្សភឿថៃមិនស្របតាម ដែលធ្វើឲ្យគណបក្សប្រជាជនងាកទៅគាំទ្រ គណបក្សភូមិចៃថៃវិញ ហើយគណបក្សភឿថៃដែលកំពុងដឹកនាំរដ្ឋាភិបាលចាំផ្ទះក៏សម្រេចចិត្តដាក់សំណើព្រាងព្រះរាជក្រមទៅស្ថាប័នមហាក្សត្រដើម្បីឲ្យទ្រង់យល់ព្រម «រំលាយសភា»។

យោងការស្រង់សម្តីរបស់សារព័ត៌មាន ខាវសុត លោក Parit Wacharasindhu ជាសមាជិកសភានៃគណបក្សប្រជាជននិងជាអ្នកនាំពាក្យគណបក្សនេះ បាននិយាយថា គណបក្សនេះមិនយល់ស្របជាមួយគោលជំហររបស់គណបក្សផ្សេងៗទៀតដែលមានជម្រើសផ្លូវច្បាប់ប្រឆាំងនាយករដ្ឋមន្ត្រីស្តីទី លើអំណាចស្នើរំលាយសភានោះទេ៕

រ៉ាន់ រើយ

The post បក្សប្រឆាំងមានឥទ្ធិពលនៅថៃចេញមុខផ្សះផ្សាបក្សផ្សេងៗដែលប្តឹងនាយករដ្ឋមន្ត្រីស្តីទី appeared first on Kampuchea Thmey Daily.

​លោក Natthapong Ruengpanyawut Archives - Kampuchea Thmey Daily

​សង្គមថៃ​រងភាពបែកបាក់​ ព្រោះតែការផ្សាយ​គ្មានការពិត និងលម្អៀង​តាមនិន្នាការនយោបាយ​

​ការស្ទង់មតិ៖ បេក្ខជន​នាយករដ្ឋមន្ត្រី​​នៃគណបក្ស​ប្រជាជនថៃ​នាំមុខ​ ខណៈអានុទីន​ឈរលេខ២​

​អនុទីន​​​រងការបរិហារ​ដែលថា លោក​នាំ​ប្រទេសថៃ​​ចូល​ក្នុង​ផ្លូវ​គ្រោះថ្នាក់​​

បក្សប្រឆាំងមានឥទ្ធិពល​នៅថៃ​​ចេញមុខ​ផ្សះផ្សា​បក្ស​ផ្សេងៗ​​ដែល​ប្តឹង​​នាយករដ្ឋមន្ត្រីស្តីទី​

លោក Natthapong Ruengpanyawut Archives - Kampuchea Thmey Daily

សង្គមថៃរងភាពបែកបាក់ ព្រោះតែការផ្សាយគ្មានការពិត និងលម្អៀងតាមនិន្នាការនយោបាយ

ការស្ទង់មតិ៖ បេក្ខជននាយករដ្ឋមន្ត្រីនៃគណបក្សប្រជាជនថៃនាំមុខ ខណៈអានុទីនឈរលេខ២

អនុទីនរងការបរិហារដែលថា លោកនាំប្រទេសថៃចូលក្នុងផ្លូវគ្រោះថ្នាក់

បក្សប្រឆាំងមានឥទ្ធិពលនៅថៃចេញមុខផ្សះផ្សាបក្សផ្សេងៗដែលប្តឹងនាយករដ្ឋមន្ត្រីស្តីទី