ក្នុងសារបង្ហោះលើបណ្តាញសង្គម X នាម៉ោង១២រំលងអធ្រាត្រឈានចូលថ្ងៃអាទិត្យទី១២ខែមេសាឆ្នាំ២០២៦ លោក Netanyahu សរសេរថា៖ «ប្រទេសអ៊ីស្រាអែល ក្រោមការដឹកនាំរបស់ខ្ញុំ គឺនឹងបន្តប្រយុទ្ធប្រឆាំងនឹងរបបភេរវកម្មរបស់អ៊ីរ៉ង់ និងក្រុមប្រូកស៊ីរបស់ពួកគេ មិនដូចលោក Erdogan ដែលកំពុងផ្តល់ទីជម្រកឲ្យពួកគេ និងកាប់សម្លាប់ពលរដ្ឋឃើដ របស់ខ្លួនឯងនោះឡើយ»។

សាររបស់លោក Netanyahu គឺជាការឆ្លើយតបទៅប្រធានាធិបតីតួកគី ដែលនិយាយថា អ៊ីស្រាអែលបន្តរារាំងឬធ្វើឲ្យរង្គោះរង្គើដល់រាល់កិច្ចខិតខំប្រឹងប្រែងដើម្បីបញ្ចប់សង្រ្គាមជាមួយអ៊ីរ៉ង់។

ថ្លែងបន្ទាប់ពីកិច្ចប្រជុំគណៈរដ្ឋមន្ត្រីនៅវិមានប្រធានាធិបតីក្នុងទីក្រុងអង់ការ៉ាកាលពីសប្តាហ៍មុន លោក Erdogan ថ្លែងថា សង្រ្គាមមជ្ឈិមបូព៌ា ដែលចាប់ផ្ដើមនៅថ្ងៃទី២៨ខែកុម្ភៈ នៅតែបន្តឆក់យកជីវិតមនុស្ស បើទោះបីជាមានកិច្ចខិតខំប្រឹងប្រែងផ្នែកការទូតក៏ដោយ។ អ៊ីស្រាអែល បានបង្អាក់ដល់គំនិតផ្ដួចផ្ដើមទាំងឡាយដែលរៀបចំឡើងដើម្បីបញ្ចប់ជម្លោះនេះ។

ប្រតិកម្មទៅនឹងរឿងនេះ លោក Burhanettin Duran ប្រធានផ្នែកទំនាក់ទំនងរបស់តួកគី បានសរសេរនៅលើបណ្តាញសង្គម X ថា៖ «មនុស្សគ្រប់គ្នាដឹងថា លោក Netanyahu គ្មានតម្លៃសីលធម៌ និងភាពស្របច្បាប់ណាមួយដើម្បីមកបង្រៀននរណាម្នាក់ឡើយ។ Netanyahu ដែលជាអ្នករៀបចំផែនការប្រល័យពូជសាសន៍នៅហ្គាហ្សា និងបានវាយប្រហារប្រទេសចំនួន ៧ ក្នុងតំបន់ ហ៊ានមកកំណត់គោលដៅវាយប្រហារលើប្រធានាធិបតីរបស់យើង ដោយសារតែភាពអស់សង្ឃឹមរបស់លោកតែប៉ុណ្ណោះ»។

លោក Duran បន្តថា Netanyahu គឺជា ឧក្រិដ្ឋជនដែលមានដីកាចាប់ខ្លួនជាប់នឹងឈ្មោះ និងគ្មានមិត្តភក្តិនៅសេសសល់។ គោលនយោបាយរបស់ Netanyahu កំពុងទាញតំបន់ទាំងមូលឲ្យធ្លាក់ក្នុងអស្ថិរភាព និងជម្លោះ ដើម្បីតែជាមធ្យោបាយក្នុងការរក្សាអំណាចរបស់ខ្លួនតែប៉ុណ្ណោះ៕

អត្ថបទ៖ សុខ សុវណ្ណ

The post Netanyahu ប្តេជ្ញាបន្តវាយអ៊ីរ៉ង់ ហើយថែមឌឺដងទៅ ប្រធានាធិបតី តួកគី appeared first on Kampuchea Thmey Daily.

លោកបាននិយាយបែបនេះក្នុងអំឡុងពេលប្រជុំសភាជាមួយគណបក្សកាន់អំណាច AK កាលពីថ្ងៃព្រហស្បតិ៍ទី១៩ខែមិថុនាឆ្នាំ២០២៥ ដោយលើកឡើងថា «បើមើលរូបថតនិងវីដេអូពីសង្គ្រាមលោកលើកទី២ គឺដូចនឹងអ្វីដែលយើងឃើញនៅហ្គាហ្សាអ៊ីចឹងដែរ។ Netanyahu សាហាវជាងជនផ្តាច់ការ Hitler ទៅទៀតបើនិយាយពីឧក្រិដ្ឋកម្មប្រល័យពូជសាសន៍»។

ទន្ទឹមនោះ លោក Erdogan គូសបញ្ជាក់ថា តួកគីនឹងធ្វើគ្រប់យ៉ាងដើម្បីបញ្ចប់ភាពសាហាវយង់ឃ្នងអមនុស្សធម៌មិនមែនតែនៅហ្គាហ្សាទេ គឺនៅអ៊ីរ៉ង់ ស៊ីរី លីបង់និងយេម៉ែនផងដែរ ហើយរដ្ឋាភិបាលទីក្រុងអ៊ីស្តង់ប៊ុល ត្រៀមរួចជាស្រេចសម្រាប់ការវិវឌ្ឍឬសេណារីយ៉ូអវិជ្ជមានណាមួយ។

សូមជម្រាបជាថ្មី អ៊ីស្រាអែល បានបើកប្រតិបត្តិការ «Risisng Lion» កាលពីថ្ងៃសុក្រទី១៣ខែមិថុនាឆ្នាំ២០២៥ ដោយបាញ់មីស៊ីលលើទីក្រុងតេហេរ៉ង់ ក្នុងគោលបំណងកម្ទេចកម្មវិធីនុយក្លេអ៊ែររបស់អ៊ីរ៉ង់។

យោងតាមតួលេខចុងក្រោយបំផុតពីអង្គការសិទ្ធិមនុស្សដែលមានមូលដ្ឋាននៅសហរដ្ឋអាមេរិក, គិតត្រឹមថ្ងៃព្រហស្បតិ៍ទី១៩ខែមិថុនាឆ្នាំ២០២៥ ការវាយប្រហាររបស់អ៊ីស្រាអែល បានសម្លាប់មនុស្ស៦៣៩នាក់ ខណៈ១ ៣២៩នាក់រងរបួស ហើយក្នុងចំណោមនោះ មាន២៦៣នាក់ជាជនស៊ីវិលនិង១៥៤នាក់ ជាកងកម្លាំងសន្តិសុខ។

ចំណែកនៅហ្គាហ្សាវិញ ចាប់តាំងពីសង្គ្រាមផ្ទុះឡើងនៅថ្ងៃទី៧ខែតុលាឆ្នាំ២០២៣ ក្រសួងសុខាភិបាលគ្រប់គ្រងដោយក្រុមហាម៉ាស បានបង្ហាញតួលេខពលរដ្ឋប៉ាឡេស្ទីនស្លាប់ក្រោមដៃអ៊ីស្រាអែលមានជាង ៥៥ ០០០នាក់។

លើសពីនេះ ជម្លោះនោះក៏បង្កឲ្យមានវិបត្តិមនុស្សធម៌និងគ្រោះទុរ្ភិក្ស ដ៏មហន្តរាយផងដែរ៕

អត្ថបទ៖ សុខ សុវណ្ណ

ចុចអាន៖ ណេតាន់យ៉ាហ៊ូ និយាយថា «ការសម្លាប់ Khamenei អាចបញ្ចប់ជម្លោះ»

The post តួកគី ថ្កោលទោសថា Netanyahu សាហាវជាង Hitler ទៅទៀត appeared first on Kampuchea Thmey Daily.

ក្នុងសុន្ទរកថាកាលពីថ្ងៃអង្គារទី២៤ខែកញ្ញាឆ្នាំ២០២៤ លោក Erdogan បានថ្កោលទោសសកម្មភាពរបស់រដ្ឋាភិបាលអ៊ីស្រាអែល នៅតំបន់ហ្គាហ្សា ដោយនិយាយថា ដូចដែល Hitler ត្រូវបានបញ្ឈប់ដោយមនុស្សជាតិកាលពី៧០ឆ្នាំមុនដែរ, លោក Netanyahu និងបណ្តាញឃាតកម្មរបស់គាត់ ត្រូវតែបញ្ឈប់ដូចគ្នានេះឲ្យបាន។

លើសពីនេះ ប្រធានាធិបតីតួកគី​បាន​ចោទ​លោក Netanyahu ថា ​កំពុង​ព្យាយាមទាញ​តំបន់​ទាំង​មូល​ឲ្យ​ធ្លាក់ចូល​ក្នុង​សង្រ្គាម ដើម្បី​តែ​ប្រយោជន៍​នយោបាយ​របស់ខ្លួន។

ក្រៅពីស្តីបន្ទោសនាយករដ្ឋមន្ត្រីអ៊ីស្រាអែល, លោក Erdogan ក៏បានរិះគន់ចំៗទៅ UN ឲ្យធ្វើកំណែទម្រង់ដើម្បីឲ្យអង្គការនេះកាន់តែមានឥទ្ធិពលនិងប្រសិទ្ធភាពផងដែរ។ លោក​​បញ្ជាក់​ថា ក្រុមប្រឹក្សា​សន្តិសុខ​ ផ្តោត​​លើ​ផលប្រយោជន៍​របស់​សមាជិក​អចិន្ត្រៃយ៍​ទាំង​៥របស់​ខ្លួនខ្លាំង​ពេកហើយ ហើយមិនបានជួយ​ការពារ​សន្តិភាព និង​សន្តិសុខ​អន្តរជាតិទាល់តែសោះ។

លោក Erdogan សង្កត់ធ្ងន់ថា ងាកទៅមើលប៉ាឡេស្ទីនទៅ មានពលរដ្ឋជាង ៤១ ០០០នាក់ត្រូវសម្លាប់ ចាប់តាំងពីអ៊ីស្រាអែលបើកការវាយលុកថ្ងៃទី៧ខែតុលាឆ្នាំមុន ហើយកុមារជាង ១៧ ០០០នាក់ គឺជាគោលដៅនៃគ្រាប់ផ្លោង គ្រាប់កាំភ្លើងនិងគ្រាប់បែករបស់អ៊ីស្រាអែល។

លោកចោទសួរថា «តើអ្នកនៅរង់ចាំអ្វីទៀត ម្តេចក៏មិនទប់ស្កាត់អំពើប្រល័យពូជសាសន៍នៅហ្គាហ្សា? ម្តេចមិនបញ្ឈប់អំពើឃោរឃៅនិងព្រៃផ្សៃនេះ?»។

ជាចុងក្រោយ លោក Erdogan បានបញ្ជាក់ជាថ្មី នូវការគាំទ្ររបស់គាត់ចំពោះបណ្តឹងរបស់ប្រទេសអាហ្រ្វិកខាងត្បូងនៅតុលាការយុត្តិធម៌អន្តរជាតិ (ICJ) ដែលប្តឹងឲ្យអ៊ីស្រាអែល ទទួលខុសត្រូវចំពោះឧក្រិដ្ឋកម្មប្រឆាំងមនុស្សជាតិនៅតំបន់ហ្គាហ្សា៕

អត្ថបទ៖ សុខ សុវណ្ណ

ចុចអាន៖ លីបង់ ប្រាប់​ថា មាន​តែអាមេរិក​ទេ​ទើប​អាច​ពន្លត់​ភ្លើង​សង្គ្រាម​អ៊ីស្រាអែល-ហេសបូឡា

The post Erdogan ស្តីឲ្យ UN ខ្លាំងៗ និងប្រដូច Netanyahu ទៅ Hitler  appeared first on Kampuchea Thmey Daily.

តាមការចុះផ្សាយរបស់ RT នៅថ្ងៃចន្ទទី២៩ខែកក្កដាឆ្នាំ២០២៤, សង្គ្រាមពាក្យសម្តីរវាងភាគីទាំងពីរ កើតឡើងចំពេលប្រតិបត្តិការរបស់កងកម្លាំងការពារអ៊ីស្រាអែល (IDF) កម្ទេចក្រុមហាម៉ាសក្នុងតំបន់ហ្គាហ្សា នៅតែបន្តគ្មានសញ្ញាថមថយ និងភាពតានតឹងយ៉ាងក្តៅគគុក រវាងអ៊ីស្រាអែល ជាមួយចលនាប្រដាប់អាវុធ ហេសបូឡា ដែលមានមូលដ្ឋាននៅប្រទេសលីបង់។

ថ្លែងនៅការជួបជុំមួយក្នុងស្រុកកំណើតរបស់ខ្លួន, លោក Erdogan លើកឡើងថា «តួកគីអាចចូលទៅអ៊ីស្រាអែល ដើម្បីជួយប៉ាឡេស្ទីន។ យើងត្រូវតែខ្លាំង ដើម្បីកុំឲ្យអ៊ីស្រាអែលធ្វើរឿងគួរឲ្យអស់សំណើចទាំងនេះចំពោះប៉ាឡេស្ទីន»។

មិនទុកយូរឡើយ លោក Katz បានវាយបកទៅវិញ ដោយព្រមានខ្លាំងៗនៅលើបណ្តាញសង្គម X ថា លោក Erdogan កំពុងដើរតាមផ្លូវរបស់ Saddam Hussein ហើយគំរាមវាយប្រហារអ៊ីស្រាអែលថែមទៀត។ 

មិនមែនតែលោក Katz ទេ សូម្បីមេបក្សប្រឆាំងអ៊ីស្រាអែល Yair Lapid ក៏រិះគន់លោក Erdogan ដែរ ដោយហៅគាត់ថាជា មនុស្សគ្រោះថ្នាក់ដល់មជ្ឈិមបូព៌ា និងជាជនផ្តាច់ការ។

លោក Lapid បានបង្ហោះលើ X ដូចគ្នាថា ពិភពលោក និងជាពិសេសសមាជិកណាតូតែម្តង ត្រូវតែថ្កោលទោសឲ្យខ្លាំងក្លាបំផុត ចំពោះការគំរាមកំហែងដ៏ឃោរឃៅរបស់លោក Erdogan ប្រឆាំងអ៊ីស្រាអែល និងត្រូវតែបង្ខំគាត់ឲ្យឈប់គាំទ្រក្រុមហាម៉ាស។

សូមបញ្ជាក់ថា Saddam Hussein ត្រូវ​បាន​ផ្ដួល​រំលំ​ក្នុងការ​លុកលុយដែល​ដឹកនាំ​ដោយ​អាមេរិក​នៅប្រទេស​អ៊ីរ៉ាក់កាលពី​ឆ្នាំ ២០០៣។ ទោះខំប្រឹងពួនសំងំលាក់ខ្លួនយ៉ាងណា ប៉ុន្តែ​ទី​បំផុត គាត់​ត្រូវ​​ទាហាន​អាមេរិក​ចាប់​បានដដែល ហើយ​តុលាការ​អ៊ីរ៉ាក់​ ក៏កាត់ទោសគាត់ពី​បទ​ឧក្រិដ្ឋកម្ម​ប្រឆាំង​មនុស្ស​ជាតិ និង​ត្រូវ​ប្រហារ​ជីវិត​ដោយ​ព្យួរក​ក្នុង​ឆ្នាំ ២០០៦៕

អត្ថបទ៖ សុខ សុវណ្ណ

ចុចអាន៖ សពលោក សាដាម ហ៊ូសេន​ ត្រូវគេគាស់ចេញពីផ្នូរ យកទៅកន្លែងសម្ងាត់ អាថ៌កំបាំងមកដល់សព្វថ្ងៃ

The post អ៊ីស្រាអែល គំរាមថា ប្រធានាធិបតីតួកគី អាចមានវាសនាដូច Saddam Hussein appeared first on Kampuchea Thmey Daily.

យោងតាម Reuters, សេចក្តីសម្រេចរបស់លោក Recep Tayyip Erdogan កើតឡើងបន្ទាប់ពី មានការប្រទាំងប្រទើសគ្នាផ្នែកនយោបាយអស់រយៈពេលជាច្រើនខែ ជុំវិញជំហររបស់ស៊ុយអែត ចំពោះក្រុមសកម្មប្រយុទ្ធឃើដ ដែលទីក្រុអង់ការ៉ា ចាត់ទុកថាជា អង្គការភេរវកម្ម។

នៅក្នុងក្រឹត្យរបស់ប្រធានាធិបតី, លោក Erdogan បានចុះហត្ថលេខាលើសេចក្តីសម្រេច ដែលដាក់ជូនដោយសភាតួកគី រួចឯកសារ​ចូល​ជា​សមាជិក​ ​នឹង​ត្រូវ​បញ្ជូន​ទៅ​ទីក្រុង​វ៉ាស៊ីនតោន​ដើម្បី​ពិនិត្យ​ តាមច្បាប់របស់ប្លុកនេះ។

ភ្លាមៗក្រោយលោក Erdogan បើកភ្លើងខៀវ, នាយករដ្ឋមន្ត្រីស៊ុយអែតលោក Ulf Kristersson បានបង្ហោះតាមប្រព័ន្ធផ្សព្វផ្សាយសង្គមថា ផ្លូវរបស់ស៊ុយអែតចូលណាតូ ជិតដល់ហើយ។

កាលពីសប្តាហ៍មុន សភាតួកគី បានបោះឆ្នោតគាំទ្រការផ្តល់សច្ចាប័នសមាជិកភាពរបស់ស៊ុយអែត ក្នុងសំឡេង ២៨៧ទល់នឹង៥៥។ យ៉ាងណា ការក្លាយជាសមាជិកណាតូពេញសិទ្ធរបស់ស៊ុយអែត ត្រូវឆ្លងកាត់ប្រទេសមួយទៀតនោះគឺ ហុងគ្រី ដែលមិនទាន់ផ្តល់សច្ចាប័ន។

ហុងគ្រី ចោទស៊ុយអែតថា មានអាកប្បកិរិយាមិនសមរម្យ ហើយកាលពីខែមីនា អ្នកនាំពាក្យរដ្ឋាភិបាលទីក្រុងប៊ុយដាប៉ែស លោក Zoltán Kovács បានចោទប្រកាន់មន្ត្រីនៅក្នុងប្រទេសស៊ុយអែត ថាមិនឲ្យតម្លៃលើសីលធម៌ ខណៈរដ្ឋាភិបាលទីក្រុងស្តុកខុល ស្តីបន្ទោសហុងគ្រី វិញថា ធ្វើឲ្យខូចដល់គោលការណ៍ប្រជាធិបតីរបស់សហភាពអឺរ៉ុប។

សូមបញ្ជាក់ជាថ្មី ស៊ុយអែតបានដាក់ពាក្យសុំចូលជាសមាជិកអង្គការណាតូនៅឆ្នាំ២០២២បន្ទាប់ពីការលុកលុយពេញទំហឹងរបស់រុស្ស៊ីលើអ៊ុយក្រែន ប៉ុន្តែកាលនោះ តួកគី មិនយល់ព្រម ដោយចោទថា ស៊ុយអែតគាំទ្រក្រុមផ្តាច់ខ្លួនជនជាតិឃើដ។

ដំបូងឡើយ តួកគីអះអាងថា ភាគីស៊ុយអែត បានផ្តល់ជម្រកដល់ក្រុមសកម្មប្រយុទ្ធឃើដ ហើយចាំបាច់ត្រូវធ្វើឲ្យអស់ពីលទ្ធភាពដើម្បីបង្ក្រាបក្រុមឧទ្ទាមនានា ដូចជាគណបក្សពលករឃើដ (PKK) ជាមុនសិន៕

អត្ថបទ៖ សុខ សុវណ្ណ

ចុចអាន៖ ទីបំផុត សភាតួកគី បោះឆ្នោត គាំទ្រឲ្យ ស៊ុយអែត ចូលអង្គការ ណាតូ 

The post ឆ្លងមួយដំណាក់កាលទៀត ស៊ុយអែត អាចក្លាយជាសមាជិកណាតូ បានហើយ appeared first on Kampuchea Thmey Daily.

មិនត្រឹមប៉ុណ្ណឹង លោក Erdogan ក៏​បានប្រដូច​ការ​វាយ​ប្រហារ​របស់​អ៊ីស្រាអែល​លើ​តំបន់​ហ្គាហ្សា​ ទៅ​នឹងទង្វើរបស់ពួក​ណាស៊ី ដែល​ប្រព្រឹត្ត​ដាក់​ប្រជាជន​ជ្វីហ្វ ផងដែរ។

លោកនិយាយថា ប្រទេសលោកខាងលិចដែលគាំទ្រអ៊ីស្រាអែល កំពុងធុញទ្រាន់ចំពោះឧក្រិដ្ឋកម្មសង្គ្រាម។ តួកគី ស្វាគមន៍អ្នករៀនសូត្រនិងអ្នកវិទ្យាសាស្ត្រ ដែលប្រឈមមុខនឹងការធ្វើទុក្ខបុកម្នេញ ដោយសារតែទស្សនៈរបស់ពួកគេលើជម្លោះនេះ។

លោក Erdogan និយាយថា “អ៊ីស្រាអែល ធ្លាប់និយាយអាក្រក់ពី Hitler។ តើ​អ្នក​មានអ្វី​ខុស​ពី​ Hitler ទៅ? គេធ្វើឲ្យយើងនឹកដល់ Hitler។ តើទង្វើរបស់លោក Netanyahu ខុសពី Hitler ប៉ុន្មានទៅ”។

ទោះបីជាយ៉ាងណាក៏ដោយ លោក Erdogan អះអាងថា “លោក Netanyahu ​មាន​ជាង Hitler, គាត់​ទទួល​បាន​ការ​គាំទ្រ​ពី​បស្ចិម​ប្រទេស។ មានការគាំទ្រគ្រប់យ៉ាងពីសហរដ្ឋអាមេរិក ហើយតើពួកគេបានធ្វើអ្វីជាមួយការគាំទ្រទាំងអស់នេះ? ពួកគេបានសម្លាប់ប្រជាជនហ្គាហ្សា ជាង ២០០០០នាក់។

មិនទុកយូរ លោក Netanyahu បាន​ឆ្លើយ​តបវិញភ្លាមៗ​​ដោយផ្លែផ្កាឲ្យថា “ប្រធានាធិបតី​តួកគី ​គួរតែ​ជា​មនុស្ស​ចុងក្រោយ​ដែល​បង្រៀន​អ៊ីស្រាអែល។ លោក Erdogan បានប្រព្រឹត្តអំពើប្រល័យពូជសាសន៍ប្រឆាំងជនជាតិឃើដ ហើយជាប់កំណត់ត្រាពិភពលោកសម្រាប់ការចាប់អ្នកកាសែតដែលប្រឆាំងនឹងការគ្រប់គ្រងរបស់គាត់។ គាត់គឺជាមនុស្សចុងក្រោយដែលមកផ្សព្វផ្សាយសីលធម៌ដល់ពួកយើង”។

ទោះបីជារិះគន់អ៊ីស្រាអែលក្តី ក៏តួកគីនៅតែរក្សាទំនាក់ទំនងពាណិជ្ជកម្មជាមួយរដ្ឋនេះជានិច្ច ដោយបង្កឲ្យមានការរិះគន់យ៉ាងខ្លាំងពីសំណាក់ភាគីប្រឆាំង និងប្រទេសអ៊ីរ៉ង់។ ប៉ុន្តែទីក្រុងអង់ការ៉ានិយាយថា ពាណិជ្ជកម្មជាមួយអ៊ីស្រាអែល បានដាំក្បាលចុះ ចាប់តាំងពីថ្ងៃទី៧ខែតុលា នៅពេលក្រុមហាម៉ាសបើកការវាយប្រហារឆ្លងដែន សម្លាប់មនុស្ស១២០០នាក់ ជាហេតុបង្ខំឲ្យអ៊ីស្រាអែល ចាប់ផ្តើមសង្រ្គាមលើចលនាប៉ាឡេស្ទីននេះតែម្តង។

ហើយមិន​ដូច​សម្ព័ន្ធមិត្ត​លោកខាងលិច​របស់ខ្លួន និង​ប្រទេស​អារ៉ាប់​មួយ​ចំនួនឡើយ សមាជិក​ណា​តូតួ​ក​គី ​មិន​ចាត់ទុក​ក្រុម​ហាម៉ាស​ជា​អង្គការ​ភេរវកម្ម​នោះទេ៕

ប្រែសម្រួល៖ Vann Vann

ប្រភព៖ Daily Mail

ចុចអាន៖ តួកគី៖ ថ្ងៃណាមួយ ICC នឹងចោទប្រកាន់លោក Netanyahu ពីបទឧក្រិដ្ឋកម្មសង្គ្រាម

The post ប្រធានាធិបតីតួកគី ប្រដូចនាយករដ្ឋមន្ត្រីអ៊ីស្រាអែល ទៅនឹង Adolf Hitler appeared first on Kampuchea Thmey Daily.

ទីភ្នាក់ងារសង្គ្រោះបន្ទាន់រដ្ឋអ៊ុយក្រែននិយាយថា គិតត្រឹមថ្ងៃពុធ ទី៧ ខែមិថុនា មានសំណង់យ៉ាងតិច ២,៦០០ ត្រូវបានទឹកជន់លិចនៅផ្នែកខាងលិចនៃទន្លេ Dnipro ក្នុងតំបន់ Kherson។

ទន្ទឹមនោះ រដ្ឋអាជ្ញា​អ៊ុយក្រែនបានចង្អុលទៅរុស្ស៊ី ឲ្យ​ទទួល​ខុសត្រូវ​ចំពោះ​អ្វី​ដែល​ពួកគេ​ចាត់​ទុក​ថា​ជា​ឧក្រិដ្ឋកម្ម​សង្គ្រាម ព្រោះ​មាន​អ្នក​ស្រុក​ជាង ​៤ ម៉ឺន​នាក់​កំពុងស្ថិតនៅ​ក្នុង​តំបន់​រង​គ្រោះ ប៉ុន្តែរុស្ស៊ីបានចោទបកទៅ​អ៊ុយក្រែនវិញ​ថា ជាអ្នកបំផ្លាញ​ទំនប់នោះ ។

បន្ទាប់ពីកិច្ចសន្ទនាតាមទូរស័ព្ទជាមួយមេដឹកនាំអ៊ុយក្រែន កាលពីថ្ងៃពុធ, ការិយាល័យប្រធានាធិបតីតួកគីនិយាយថា លោក Erdogan បានស្នើទៅប្រធានាធិបតីអ៊ុយក្រែនលោក Volodymyr Zelensky នូវគំនិតបង្កើតគណៈកម្មការអន្តរជាតិមួយ ដែលមានអ្នកជំនាញមកពីប្រទេសរុស្ស៊ី អ៊ុយក្រែន តួកគី និងអង្គការសហប្រជាជាតិ ដើម្បីស៊ើបអង្កេតបញ្ហានេះ។

ដោយឡែក តាមសេចក្តីរាយការណ៍ លោក Erdogan ក៏បានប្រាប់ទៅប្រធានាធិបតីរុស្ស៊ី លោក Vladimir Putin ដែរថា តួកគីនឹងសម្របសម្រួលការស៊ើបអង្កេតដ៏ទូលំទូលាយមួយ៕

ប្រែសម្រួល៖ Vann Vann

ប្រភព៖ NHK

ចុចអាន៖ អ៊ុយក្រែន ព្រមានថា លោក ពូទីន អាចព្យាយាមបំផ្ទុះរោងចក្រនុយក្លេអ៊ែរធំបំផុត នៅអឺរ៉ុប

The post តួកគី ស្នើបង្កើតគណៈកម្មការអន្តរជាតិ ស៊ើបអង្កេត ករណីបំផ្លាញទំនប់វារីអគ្គិសនី អ៊ុយក្រែន appeared first on Kampuchea Thmey Daily.

ប្រធានក្រុមប្រឹក្សាបោះឆ្នោតកំពូល លោក Ahmet Yener បានប្រាប់អ្នកយកព័ត៌មានកាលពីយប់ថ្ងៃអាទិត្យទី២៨ខែឧសភាថា លោក Erdogan ទទួលបានសំឡេងឆ្នោត៥២,១៤% ខណៈលោក Kilicdaroglu ទទួលបានត្រឹម ៤៧,៨៦%។ លោក Erdogan បានយកឈ្នះគូប្រជែងរបស់គាត់ ដោយសំឡេងគាំទ្រប្រហែល២.២លានសំឡេង។

នេះគឺជាការបោះឆ្នោតលើកទី២ ក្នុងរយៈពេលជាច្រើនសប្តាហ៍បន្ទាប់ពីលោក Erdogan ឈរនៅទីកំពូលក្នុងអំឡុងការបោះឆ្នោតជុំទីមួយកាលពីថ្ងៃទី១៤ខែឧសភា ប៉ុន្តែមិនទទួលបានសំឡេងគាំទ្រ ៥០% ដែលចាំបាច់ដើម្បីចៀសវាងការបោះឆ្នោតជុំទី២នោះទេ។

ទោះបីជាយ៉ាងណាក៏ដោយ លោក Kilicdaroglu មិនទាន់ទទួលស្គាល់បរាជ័យឡើយ ហើយបានប្រាប់អ្នកគាំទ្រកាលពីថ្ងៃអាទិត្យថា លោកពិតជាខកចិត្តណាស់ ចំពោះលទ្ធផលនៃការបោះឆ្នោតនេះ ហើយនឹងបន្តតស៊ូដើម្បីលទ្ធិប្រជាធិបតេយ្យពិតប្រាកដ នាពេលអនាគត។

គួរបញ្ជាក់ថា លោក Erdogan បានកាន់តំណែងជាប្រធានាធិបតីចាប់តាំងពីឆ្នាំ២០១៤មក។ លោកគឺជាអ្នកអភិរក្សសង្គមដែលបានដឹកនាំប្រទេសតួកគី ឲ្យនៅឆ្ងាយពីការធ្វើសមាហរណកម្មជាមួយសហភាពអឺរ៉ុប ហើយពង្រឹងអំណាចផ្ទាល់ខ្លួននិងលើកកម្ពស់គោលនយោបាយឥស្លាមនិយមនៅក្នុងប្រទេស។

លោកបានបង្កើតទំនាក់ទំនងពាណិជ្ជកម្ម និងការទូតយ៉ាងជិតស្និទ្ធជាមួយរុស្ស៊ីនិងចិន ហើយបានរក្សាជំហរ ជាអ្នកសម្របសម្រួលសន្តិភាពសម្រាប់ជម្លោះក្នុងតំបន់ រួមទាំងនៅអ៊ុយក្រែនផងដែរ៕

ប្រែសម្រួល៖ Vann Vann

ប្រភព៖ RT

ចុចអាន៖ លោក Erdogan បិទទ្វារលែងជួបឯកអគ្គរដ្ឋទូត អាមេរិក ប្រចាំ តួកគី ក្រោយជួបមេបក្សប្រឆាំង

The post លោក Erdogan ឈ្នះឆ្នោតជាប្រធានាធិបតីតួកគី អាណត្តិទី៣ appeared first on Kampuchea Thmey Daily.