លោក Erdogan បានប្រាប់កាសែត Hurriyet ថា “ទាក់ទងនឹងការដាក់ទណ្ឌកម្ម យើងកំពុងសិក្សាគោលការណ៍ណែនាំមួយចំនួនរបស់អង្គការសហប្រជាជាតិ ប៉ុន្តែកុំភ្លេចថា យើងមិនអាចចោលទំនាក់ទំនងរបស់យើងជាមួយរុស្ស៊ីបាននោះទេ ជាពិសេសយើងកំពុងប្រើប្រាស់ឧស្ម័នពីរុស្ស៊ី” ។

លោកប្រធានាធិបតីបញ្ជាក់ថា “ឧស្ម័នធម្មជាតិដែលយើងប្រើប្រាស់បានមកពីប្រទេសរុស្ស៊ី ក្រៅពីនោះ យើងក៏កំពុងសាងសង់រោងចក្រថាមពលនុយក្លេអ៊ែរ Akkuyu របស់យើងជាមួយប្រទេសរុស្ស៊ីផងដែរ ។ យើងត្រូវការពារប្រជាជនរបស់យើង ទី១ ខ្ញុំមិនអាចទុកពលរដ្ឋរបស់ខ្ញុំឲ្យកកក្នុងរដូវរងាទេ ហើយទី២ ខ្ញុំមិនអាចចាប់ផ្តើមឧស្សាហកម្មរបស់យើងឡើងវិញទាំងស្រុងបានភ្លាមៗនោះទេ” ។

លោក Erdogan បានរំលឹកឡើងវិញថា “អាជ្ញាធរសាធារណៈរដ្ឋគួរតែការពារពលរដ្ឋរបស់ពួកគេ ។ យើងមានប្រទេសមួយដែលមានប្រជាជនចំនួន ៨៥ លាននាក់ ហើយមានកាតព្វកិច្ចគ្រប់បែបយ៉ាងដើម្បីការពារពួកគេ ។ លើសពីនេះ យើងក៏បានបញ្ជូនឡានដឹកទំនិញចំនួន ៥៦ គ្រឿងជាមួយនឹងជំនួយមនុស្សធម៌ដល់ប្រជាជនអ៊ុយក្រែនផងដែរ ហើយយើងក៏ផ្គត់ផ្គង់ពួកគេទាំងអាហារ សំលៀកបំពាក់ និងឱសថជាដើម” ។

ជាចុងក្រោយទីក្រុងអង់ការ៉ាបាននិយាយម្តងហើយម្តងទៀតថា តួកគីមិនមានចេតនាចូលរួមក្នុងការដាក់ទណ្ឌកម្មប្រឆាំងនឹងរុស្ស៊ីទេដើម្បីកុំឲ្យខូចសេដ្ឋកិច្ចផ្ទាល់ខ្លួន ហើយក៏ទុកច្រកបើកចំហនៃការសន្ទនាជាមួយសហព័ន្ធរុស្ស៊ីផងដែរ ៕

ប្រែសម្រួលដោយ ៖ ជីវ័ន្ត

ប្រភព ៖ TASS

ចុចអាន ៖ អ្នកចង់ចុះឈ្មោះចូលប្រយុទ្ធឲ្យ រុស្ស៊ី នៅ អ៊ុយក្រែន ត្រូវធ្វើតាមលក្ខខណ្ឌ ៣ យ៉ាងនេះ

The post ប្រទេស ណាតូ មួយនេះមិនចូលរួមដាក់ទណ្ឌកម្មប្រឆាំង រុស្ស៊ី ដាច់ខាត appeared first on Kampuchea Thmey Daily.

ថ្លែងបន្ទាប់ពីកិច្ចប្រជុំគណៈរដ្ឋមន្រ្តី នៅរដ្ឋធានីអង់ការ៉ា លោក Erdogan បាននិយាយថា “សហរដ្ឋអាមេរិកកំពុងសរសេរប្រវត្តិសាស្ត្រ ទាំងដៃហូរឈាម នៅក្នុងព្រឹត្តិការណ៍ នៃការវាយប្រហារយ៉ាងធ្ងន់ធ្ងរ លើតំបន់ហ្គាហ្សា ដែលបានធ្វើឲ្យមនុស្សរាប់រយរាប់ពាន់នាក់កំពុងរងគ្រោះ” ។

គួររំឭកថា រដ្ឋបាលលោក Joe Biden បានអនុម័តលើការលក់អាវុធ ក្នុងទំហំទឹកប្រាក់ចំនួន ៧៣៥ លានដុល្លារ ទៅឲ្យអ៊ីស្រាអែល ចំពេលការវាយប្រហារកំពុងបន្តរបស់ទីក្រុង Tel Aviv ទៅលើតំបន់ហ្គាហ្សាស្ទ្រីប ។

ទន្ទឹមនោះ ការអនុម័តនេះក៏ត្រូវបានធ្វើឡើង ចំពេលមានការរិះគន់កាន់តែខ្លាំង ចំពោះការបណ្តេញប្រជាជនប៉ាឡេស្ទីន តាមការគ្រោងទុករបស់អ៊ីស្រាអែល ចេញពីទីក្រុង East Jerusalem និងការវាយឆ្មក់ម្តងហើយម្តងទៀត លើវិហារឥស្លាម Al-Aqsa ដែលជាទីសក្ការៈទី ៣ របស់សាសនាឥស្លាម ៕

ប្រែសម្រួលដោយ ៖ ជីវ័ន្ត

ប្រភព ៖ CGTN

ចុចអាន ៖ លោក​ Joe Biden​ បង្ហាញ​ការគាំទ្រ​​​បទ​ឈប់​បាញ់​គ្នា​នៅហ្គាហ្សា​​​ តែ​ការ​ពារ​សិទ្ធិ​អ៉ីស្រាអែល

ចុចអាន ៖ សម្ដែងការគាំទ្រដល់បទឈប់បាញ់គ្នានៅតំបន់ហ្គាហ្សា តែ ប្រធានាធិបតីអាមេរិក ចុះហត្ថលេខាលក់អាវុធទៅឲ្យ អ៊ីស្រាអែល

The post ប្រធានាធិបតីទួរគី ថ្កោលទោស លោក Biden ចំពោះការយល់ព្រមលក់អាវុធឲ្យ អ៊ីស្រាអែល ហើយថា អាមេរិកកំពុងសរសេរប្រវត្តិសាស្ត្រទាំងដៃហូរឈាម appeared first on Kampuchea Thmey Daily.