លោក តូច ប៉ូលីវ៉ា បានបញ្ជាក់ថា ជាលទ្ធផលនៃការសម្របសម្រួល ភាគីក្រុមហ៊ុន ឆាយណា ហ៊ួយ សាង ខនស្រ្តាក់សិន & ត្រេដ ឯ.ក, លោក MEI QIANJIN ឯកភាពផ្តល់ជូនប្រាក់ឈ្នួលថ្លៃសាងសង់សសរ នៃអាគាររោងចក្រ ខាត់ថាយ អឺរ ឯ.ក បន្ថែមជូនភាគីអ្នកម៉ៅការឈ្មោះ ម៉ែន ដារ៉ា ដើម្បីយកប្រាក់នេះទៅបើកប្រាក់ឈ្នួលជូនកម្មករចំនួន ៤៩នាក់បន្តទៀត។ ចំណែក ភាគីអ្នកម៉ៅការ ឈ្មោះ ម៉ែន ដារ៉ា ក៏យល់ព្រមទទួលប្រាក់ដើម្បីយកទៅបើកប្រាក់ឈ្នួលជូនកម្មករបន្តផងដែរ ហើយខ្លួននឹងបញ្ចប់កិច្ចសន្យាម៉ៅការសាងសង់ជាមួយលោក MEI QIANJIN និងក្រុមហ៊ុន ឆាយណា ហ៊ួយ សាង ខនស្រ្តាក់សិន ចាប់ពីថ្ងៃទី២៩ ខែមករា ឆ្នាំ២០២៤ តទៅ។ ថែមទាំង យល់ព្រមរៀបចំរើសម្ភារចេញពីការដ្ឋានសំណង់ឱ្យបានរួចរាល់យ៉ាងយូរនៅថ្ងៃទី៥ ខែកុម្ភៈ ឆ្នាំ២០២៤ ផងដែរ។

សូមរម្លឹកថា កាលពីថ្ងៃអាទិត្យ ទី២៨ ខែមករា ឆ្នាំ២០២៤ មានការតវ៉ា រវាងអ្នកម៉ៅការបន្ត និងមេម៉ៅការសំណង់របស់ក្រុមហ៊ុន ឆាយណាហ៊ួយសាង ខនស្រ្តាក់សិន & ត្រេដ ឯ. ឱ្យទូទាត់ប្រាក់ឈ្នួលថ្លៃសាងសង់សសរអាគារនៃរោងចក្រ ខាត់ថាយ អឺរ ឯ.ក ឱ្យតាមត្រឹមត្រូវតាមកិច្ចសន្យាដែលធ្លាប់ធ្វើកន្លងមក ហើយសាងសង់តែសសរ ប៉ុន្តែ បច្ចុប្បន្នទំហំការងារសសរដែលត្រូវសាងសង់មានទំហំធំជាងមុន៕

ដោយ៖ ​ភក្ដី

The post វិវាទរវាងអ្នកម៉ៅការបន្ត និងមេម៉ៅការសំណង់ បញ្ចប់ដោយជោគជ័យ ភាគីទាំងសងខាងពេញចិត្តទទួលយក appeared first on Kampuchea Thmey Daily.

វិវាទសំណុំរឿងចំនួន១២ករណី នៅក្នុងខេត្តកំពត ត្រូវបានលើកយកមកដោះស្រាយក្រៅប្រព័ន្ធតុលាការ ក្រោមអធិបតីភាពលោក ម៉ៅ ធិនិន អភិបាលខេត្តកំពត និងលោក ញ៉ូវ សាឯម ប្រធានក្រុមប្រឹក្សាខេត្ត និងលោក លោកជំទាវសមាជិកក្រុមប្រឹក្សាខេត្ត អាជ្ញាធរមូលដ្ឋាន និងអាជ្ញាធរពាក់ព័ន្ធ មន្ត្រីជំនាញ និងមន្ទីរពាក់ព័ន្ធជុំវិញខេត្ត ព្រមទាំងពលរដ្ឋប្រមាណជាង៣០០នាក់។

លោក ម៉ៅ ធនិន អភិបាលខេត្តកំពតបានថ្លែងក្នុងវេទិការដោះស្រាយវិវាទក្រៅប្រព័ន្ធតុលាការបានលើកឡើងថា បច្ចុប្បន្នបងប្អូនប្រជាពលរដ្ឋទាំងអស់បានរស់នៅក្រោមម្លប់នៃសុខសន្តិភាពពេញលេញ ហើយសុខសន្តិភាពនេះគឺបានដោយសារតែសម្តេចតេជោ ហ៊ុន សែន ដែលលោកបានខិតខំលះបង់គ្រប់បែបយ៉ាងដើម្បីយកមកជូនប្រជាពលរដ្ឋ ក៏ដូចជាប្រទេសកម្ពុជាទាំងមូលដោយលំបាក។ ម្យ៉ាងទៀតរាជរដ្ឋាភិបាលកម្ពុជាក្នុងអណត្តិទី៧នេះ ក្រោមការដឹកនាំរបស់សម្តេចធិបតី ហ៊ុន ម៉ាណែត ជានាយករដ្ឋមន្ត្រី ក៏បានរៀបចំ និងបង្កើតឱ្យមានអាជ្ញាធរជាតិដោះស្រាយវិវាទក្រៅប្រព័ន្ធតុលាការ ក្នុងគោលបំណងដើម្បីជាយន្តការបំពេញបន្ថែមឱ្យប្រព័ន្ធដោះស្រាយវិវាទនៅកម្ពុជា សំដៅលើកកម្ពស់គុណភាព ប្រសិទ្ធភាព និងភាពឆាប់រហ័សនៃការដោះស្រាយវិវាទ តាមរយៈការសម្រុះសម្រួល ផ្សះផ្សាក្រៅប្រព័ន្ធតុលាការ ក្នុងគោលបំណងជួយកាត់បន្ថយការកកស្ទះសំណុំរឿងនៅតាមសាលាជម្រះក្តី បង្ខិតសេវាដោះស្រាយវិវាទឱ្យកាន់តែទៅកៀកនឹងប្រជាពលរដ្ឋនៅមូលដ្ឋាន និងធានាបាននូវភាពសុខដុមរមនា និងយុត្តិធម៌ក្នុងសង្គមជាតិផងដែរ។

ប្រជាពលរដ្ឋដែលទទួលបានការដោះស្រាយវិវាទក្រៅប្រព័ន្ធតុលាការ បានលើកឡើងថា យន្តការនៃការដោះស្រាយវិវាទក្រៅប្រព័ន្ធតុលាការរបស់អភិបាលខេត្ត ក្រោមយន្តការ ឈ្នះ ឈ្នេះ បានធ្វើឱ្យប្រជាពលរដ្ឋទទួលបាននូវភាពពិតប្រាកដ មានសុក្រិតយុត្តិធម៌ ព្រមទាំងទទួលយកបានទាំងសងខាងរវាងគូរទំនាស់។ ប្រជាពលរដ្ឋបានបន្តទៀតថា ការដោះស្រាយទំនាស់ក្រៅប្រព័ន្ឋតុលាការនេះ បានធ្វើឱ្យពួកគាត់មានចិត្តសប្បាយរីករាយ និងមិនមានការចំណាយថវិកា ពេលវេលា ដើម្បីទៅដោះស្រាយដូចទៅតុលាការនោះឡើយ។

សូមបញ្ជាក់ថា ក្នុងសំណុំរឿងទាំង១២ករណីដែលលើកយកមកដោះស្រាយនាថ្ងៃនេះ ភាគច្រើនជាវិវាទដីធ្លីរវាងម្តាយ និងកូន រវាងបងប្អូនបង្កើត និងករណីជំពាក់ប្រាក់។ ការដោះស្រាយក្រៅប្រព័ន្ធតុលាការនេះ សំណុំរឿងវិវាទដីធ្លីរវាងម្តាយនិងកូន បងប្អូនបង្កើត ត្រូវបានសម្របសម្រួលបញ្ចប់ សះជាគ្នា ដោយភាគីទាំងសងខាងទទួលយកតាមយន្តការដោះស្រាយរបស់លោកអភិបាលខេត្ត។

ជាមួយគ្នានេះដែរ បើតាមការបញ្ចាក់របស់លោក ម៉ៅ ធនិន អភិបាលខេត្តកំពត បានឱ្យដឹងថា រដ្ឋបាលខេត្ត និងបន្តចុះដោះស្រាយរាល់វិវាទក្រៅប្រព័ន្ធតុលាការនេះ នៅតាមមូលដ្ឋានឱ្យបានគ្រប់ក្រុង-ស្រុកទាំងអស់ក្នុងខេត្តកំពតបន្តទៀត តាមយន្តការរបស់រាជរដ្ឋាភិបាល។

ក្នុងឱកាសនោះឯកឧត្តម ម៉ៅ ធនិន អភិបាលខេត្តកំពត បានដោះស្រាយរឿងវិវាទក្រៅប្រព័ន្ធតុលាការនេះរួចហើយក៏បានឧបត្ថម្ភថវិកាមួយចំនួន ជូនដល់លោកតា លោកយាយ ដែលមានវ័យចាស់ជរា និងផ្តល់ជាអង្ករដល់ប្រជាពលរដ្ឋដែលមកចូលរួមក្នុងវេទិការនេះផងដែរ៕

អត្ថបទ៖ សឹង រ៉ាត់

The post ពលរដ្ឋក្នុងខេត្តកំពត សាទរការដោះស្រាយវិវាទក្រៅប្រព័ន្ធតុលាការរបស់អភិបាលខេត្ត appeared first on Kampuchea Thmey Daily.

លោក តូច ចាន់នី អគ្គនាយក​បច្ចេកទេស នៃក្រសួងសង្គមកិច្ច អតីតយុទ្ធជន និង យុវីនីតិ​សម្បទា បាន​ប្រាប់​ឲ្យដឹង​ថា គណៈកម្មការអន្តរក្រសួងនេះ បង្កើតឡើង ដើម្បីដោះស្រាយបញ្ហារបស់កុមារ នៅ អង្គការ​សុវណ្ណកុមារ មិនមែនដោះស្រាយ​ជម្លោះ​របស់​អ្នកគ្រប់គ្រងចាស់ និងអ្នកគ្រប់គ្រងថ្មីទេ ។

លោកថា បន្ទាប់ពីការចុះធ្វើអធិការកិច្ចពិសេស បានឃើញថា ស្ថាន​ភាព​កុមារនៅអង្គការសុវណ្ណកុមារ បច្ចុប្បន្ន​នេះ មិនដូចជាកុមារនៅក្នុងមណ្ឌលឡើយ ព្រោះកុមារហ៊ាន​ប្រ​ឆាំង រហូតដល់ហ៊ាន​គំរាម​អ្នក​គ្រប់​គ្រង ពោលគឺស្ថានភាពកាន់តែវឹកវរ និង ក្តៅទៅៗ  ។

​លោក តូច ចាន់នី បានបន្ថែមថា“ យើងមិនអាចបន្ទោសកុមារបានទេ ! មិនអាចបន្ទោសបាន​ ដោយហេតុ​ថា កាលពីមុនកុមារទាំងនោះ ជាកុមារស្លូតបូត  មានសុជីវធម៌ ទើបតែពេលបច្ចុប្បន្នេះទេ ទើបកុមារ​បញ្ចេញ​អាកប្បកិរិយា​បែបនោះ ក៏​ព្រោះតែអ្នកគ្រប់គ្រងធ្វើកិច្ចការមិនបានល្អ ធ្វើឱ្យកុមារបាត់ភាពកក់ក្តៅ បាត់បង់សេរីភាព រហូរកុមារទទួលយកមិនបាន ។ ហេតុនេះមូលហេតុ និង គោលដៅដ៏សំខាន់បំផុត នៃ គណៈកម្មការចម្រុះ ដែលសម្រេចចិត្តជ្រើសយកជម្រើសដកសិទ្ធិជាបណ្តោះអាសន្ន នូវតួនាទីអ្នក​គ្រប់គ្រង​បច្ចុប្បន្ននេះ គឺ ដើម្បី សម្រួលស្ថានការណ៍ “ ប៉ុន្តែការដកហូតសិទ្ធិនេះត្រូវស្នើសុំ​កិច្ចសហការជាមួយក្រ​សួង​យុត្តធម៌ និងស្ថាប័នតុលាការជាមុន។

​​លោក តូច ចាន់នី បានបញ្ជាក់ថា ការដកសិទ្ធិអ្នកគ្រប់គ្រងនេះ គឺគ្រាន់តែជាការ​ដក​បណ្ដោះអាសន្នសិន​ប៉ុណ្ណោះ ។ ហេតុនេះអ្នកគ្រប់គ្រងបច្ចុប្បន្ន នឹងអាចត្រូវបានប្រគល់ការងារវិញ ឬ យ៉ាងណានោះ គឺអា​ស្រ័យ​ទៅលើលទ្ធផលនានា បន្ទាប់ពីក្តីក្តាំរបស់គាត់ត្រូវបានតុលាការបិទបញ្ចប់ ៕

អត្ថបទ ៖ វត្តី

The post មន្ត្រី​៖ស្ថានភាព​កុមារ​នៅ​អង្គការ​សុវណ្ណ​កុមារ ​កាន់​តែ​វឹកវរ​ appeared first on Kampuchea Thmey Daily.