វិស័យធានារ៉ាប់រងកម្ពុជា Archives - Kampuchea Thmey Daily

ប្រាក់ចំណូលនៅក្នុងវិស័យធានារ៉ាប់រងនៅកម្ពុជាសម្រេចបាទឹកប្រាក់ជិត ១៣០លានដុល្លារ ក្នុងរយៈពេល៤ខែឆ្នាំនេះ

May Kunmakara — Fri, 06 Jun 2025 03:08:42 +0000

ស្របពេលដែលស្ថានភាពសេដ្ឋកិច្ចសកល និងតំបន់រួមទាំងកម្ពុជានៅបន្តប្រឈមនឹងភាពមិនប្រាកដប្រជា ឧស្សាហកម្មធានារ៉ាប់រងរបស់កម្ពុជា បានកត់ត្រាកំណើនបុព្វលាភរ៉ាប់រង(ប្រាក់ចំណូល) ក្នុងរយៈពេល៤ខែដើមឆ្នាំ២០២៥នេះសម្រេចបានក្នុងទឹកប្រាក់ចំនួន ១២៩,៥ លានដុល្លារ កើនឡើង ៦ ភាគរយធៀបទៅនឹងរយៈពេលដូចគ្នាកាលពីឆ្នាំ២០២៤ ដែលជាកំណើនយឺតធៀបទៅនឹងបណ្តាប៉ុន្មានឆ្នាំមុន ។

យោងតាមរបាយការណ៍បានពីនិយ័តករធានារ៉ាប់រងកម្ពុជា (IRC) នៅក្នុងរយៈពេល៤ខែដើមឆ្នាំ២០២៥នេះបុព្វលាភសរុបរកបានពីក្រុមហ៊ុនធានារ៉ាប់រងទាំង ៤១ របស់កម្ពុជា ក្នុងនោះក្រុមហ៊ុនធានារ៉ាប់រងទូទៅចំនួន ១៨ ក្រុមហ៊ុនធានារ៉ាប់រងអាយុជីវិតចំនួន ១៤ ក្រុមហ៊ុនធានារ៉ាប់រងខ្នាតតូចចំនួន៧ និងក្រុមហ៊ុនធានារ៉ាប់រងបន្តចំនួន ១។ បច្ចុប្បន្ន ឧស្សាហកម្មនេះមានទ្រព្យសកម្មសរុបចំនួន ១,១ ពាន់លានដុល្លារ។

ជាមួយគ្នានេះដែរ ក្នុងរយៈពេល៤ខែដើមឆ្នាំ២០២៥នេះ វិស័យនេះក៏បានធ្វើការទូទាត់សណងដែលមានទឹកប្រាក់រហូតដល់ ៣០,៣៤ លានដុល្លារផងដែរ កើនឡើងជិត ៣៩ ភាគរយពី២១,៧៦ លានដុល្លារក្នុងឆ្នាំ២០២៤។

លោក ប៊ូ ចាន់ភីរូអគ្គនាយក IRC បានថ្លែងនៅក្នុងព្រឹត្តិការណ៍កាលពីពេលកន្លងមកថា ដោយសារស្ថិរភាពនយោបាយ និងកំណើនសេដ្ឋកិច្ចដែលកម្ពុជាបានរក្សាក្នុងរយៈពេលពីរទសវត្សរ៍ចុងក្រោយនេះ វិស័យធានារ៉ាប់រងកម្ពុជាមានការរីកចម្រើនគួរឱ្យកត់សម្គាល់ ហើយកំពុងដើរតួនាទីយ៉ាងសំខាន់ក្នុងការគាំទ្រសន្តិសុខសង្គម និងសេដ្ឋកិច្ចជាតិ។

ទោះជាយ៉ាងណាក៏ដោយ លោកលើកឡើងថា បើក្រឡេកមើលសូចនាករសំខាន់ៗ ដូចជាអត្រាការរួមចំណែកធានារ៉ាប់រងផ្នែកសេដ្ឋកិច្ច និងដង់ស៊ីតេធានារ៉ាប់រងកម្ពុជា អត្រាវិភាគទានមានត្រឹមតែ ១,១៤ភាគរយប៉ុណ្ណោះ ហើយដង់ស៊ីតេមានត្រឹមតែ ២០,៧២ ដុល្លារក្នុងមនុស្សម្នាក់កាលពីឆ្នាំ ២០២៣។

លោកថ្លែងថា៖ «សូចនាករនេះបង្ហាញថាទីផ្សារធានារ៉ាប់រងកម្ពុជានៅតែមានសក្ដានុពលខ្លាំងសម្រាប់ការអភិវឌ្ឍន៍នៅពេលអនាគត ប៉ុន្តែឧស្សាហកម្មមួយនេះក៏ប្រឈមនឹងកត្តាមួយចំនួនផងដែរដូចជា កង្វះជំនាញធានារ៉ាប់រង និងកង្វះការយល់ដឹងជាសាធារណៈ»។

យោងតាមរបាយការណ៍របស់ IRC បុព្វលាភរ៉ាប់រងក្នុងឆ្នាំ២០២៤ សម្រេចបានក្នុងទឹកប្រាក់ចំនួន ៣៥៦,៤៥ លានដុល្លារ កើនឡើង ៣,៥ ភាគរយធៀបទៅនឹងរយៈពេលដូចគ្នាកាលពីឆ្នាំ២០២៣។ ជាមួយគ្នានេះដែរ វិស័យនេះក៏បានធ្វើការទូទាត់សណងដែលមានទឹកប្រាក់រហូតដល់ ៧៩,៧ លានដុល្លារផងដែរ កើនឡើងជិត ២០ ភាគរយពី៦៧ លានដុល្លារក្នុងឆ្នាំ២០២៣៕

The post ប្រាក់ចំណូលនៅក្នុងវិស័យធានារ៉ាប់រងនៅកម្ពុជាសម្រេចបាទឹកប្រាក់ជិត ១៣០លានដុល្លារ ក្នុងរយៈពេល៤ខែឆ្នាំនេះ appeared first on Kampuchea Thmey Daily.

វិស័យធានារ៉ាប់រងផ្តល់សំណងជូនអតិថិជន $៩១ លាន នៅឆ្នាំ ២០២៤

deth leng — Sat, 26 Apr 2025 05:22:30 +0000

ក្រុមហ៊ុនធានារ៉ាប់រងទាំងអស់នៅកម្ពុជាបានផ្តល់សំណងជូនអតិថិជនរបស់ខ្លួនដែលជួបនូវហានិភ័យ មានទឹកប្រាក់សរុបចំនួន ៩១ លានដុល្លារអាមេរិកក្នុងឆ្នាំ ២០២៤។ នេះបើយោងតាមមន្រ្តីជាន់ខ្ពស់នៃសមាគមធនារ៉ាប់រងកម្ពុជា (IAC)។

លោក ហ៊ុយ វ៉ាថារ៉ូ ប្រធានសមាគមធានារ៉ាប់រងកម្ពុជា បានលើកឡើងនៅក្នុង ទិវាធានារ៉ាប់រង ២០២៥” នៅខេត្តបាត់ដំបង នៅថ្ងៃទី ២៦ ខែមេសា ឆ្នាំ ២០២៥ថា នៅក្នុងឆ្នាំ ២០២៤ សំណងធានារ៉ាប់រងសរុបចំនួន ៩១ លានដុល្លារអាមេរិក ត្រូវបានទីផ្សារធានារ៉ាប់រងទូទាត់ជូនទៅបុគ្គល និងធុរកិច្ច ដែលជួបប្រទះ និងហានិភ័យ ក្នុងនោះទឹកប្រាក់សំណងប្រមាណ ៥៣ លានដុល្លារ ត្រូវបានទូទាត់ក្រោមបណ្ណសន្យារ៉ាប់រងយានយន្ត, ទ្រព្យសម្បត្តិ ឬអគ្គិភ័យ, ធានារ៉ាប់រងសុខភាព, គ្រោះថ្នាក់បុគ្គល នាវា ការដឹកជញ្ជូន វិស្វកម្ម និងហានិភ័យផ្សេងៗ។

លោក ហ៊ុយ វ៉ាថារ៉ូ បន្ថែមថា ទឹកប្រាក់សំណង ដែលក្រុមហ៊ុនធានារ៉ាប់រងអាយុជីវិត និងក្រុមហ៊ុនធានារ៉ាប់រងខ្នាតតូច បានទូទាត់ជូនអតិថិជនរបស់ខ្លួន ក្រោមបណ្ណសន្យាធានារ៉ាប់រងអាយុជីវិត មានរហូតដល់ទៅ ៣៥ លានដុល្លារអាមេរិក ភាគច្រើននៃសំណងទាំងនោះ ត្រូវបានទូទាត់សម្រាប់អត្ថប្រយោជន៍ដល់កាលកំណត់ នៃបណ្ណសន្យារ៉ាប់រង និងករណីមរណភាព និងពិរភាព។

លោក ប៊ូ ច័ន្ទភីរូ អគ្គនាយកនិយ័តករធានារ៉ាប់រងកម្ពុជា មានប្រសាសន៍ថា វិស័យធានារ៉ាប់រង កំពុងរីកចម្រើនក្នុងសន្ទុះមួយយ៉ាងខ្លាំងក្លា ដោយរក្សាបាននូវកំណើនវិជ្ជមានជាមធ្យមប្រមាណ ២០% ក្នុងរយៈពេល ១០ ឆ្នាំចុងក្រោយ។

ជាក់ស្ដែងក្នុងឆ្នាំ ២០២៤ ទីផ្សារធានារ៉ាប់រងកម្ពុជា បានកើនឡើងដល់ប្រមាណ ៣៥៧ លានដុល្លារ នៃបុព្វលាភធានារ៉ាប់រងដុល និងបានផ្ដល់ការធានាជូនប្រជាពលរដ្ឋប្រមាណ ១,៧ លាន បណ្ណសន្យារ៉ាប់រង ជាទឹកប្រាក់ធានាចំនួនជាង ៨៥ ពាន់លានដុល្លារ។

គិតត្រឹមដំណាច់ឆ្នាំ ២០២៤ ក្រុមហ៊ុនធានារ៉ាប់រងទាំងអស់បានវិនិយោគទឹកប្រាក់ចំនួន ៨១៩ លានដុល្លារ ក្នុងសេដ្ឋកិច្ចកម្ពុជា ក្នុងនោះ ៩០% ត្រូវបានវិនិយោគតាមរយៈការដាក់ជាប្រាក់បញ្ញើក្នុងប្រព័ន្ធធនាគារ៕

អត្ថបទ៖ ឡេង ដេត

The post វិស័យធានារ៉ាប់រងផ្តល់សំណងជូនអតិថិជន $៩១ លាន នៅឆ្នាំ ២០២៤ appeared first on Kampuchea Thmey Daily.

កម្ពុជា-កូរ៉េសហការគ្នាដើម្បីចូលរួមអភិវឌ្ឍន៍វិស័យធានារ៉ាប់រង

May Kunmakara — Mon, 10 Mar 2025 03:29:50 +0000

និយ័តករធានារ៉ាប់រងកម្ពុជា (RIC) និងវិទ្យាស្ថានអភិវឌ្ឍន៍ធានារ៉ាប់រងកូរ៉េ (KIDI) បានចាប់ដៃគ្នាក្នុងការពង្រឹងកិច្ចសហប្រតិបត្តិការ តាមរយៈ ការចែករំលែកបទពិសោធន៍ ព្រមទាំងជំនាញបច្ចេកទេសដើម្បីបង្កើនប្រសិទ្ធភាពនៃការគ្រប់គ្រង និងអភិវឌ្ឍវិស័យ ធានារ៉ាប់រងនៃប្រទេសទាំងពីរ។

ការសម្រេចបាននៃកិច្ចសហការនេះធ្វើឡើងតាមរយៈការចុះហត្ថលេខាលើអនុស្សរណៈនៃការយោគយល់គ្នា(MoU) រវាងលោកប៊ូ ច័ន្ទភីរូ អគ្គនាយក នៃ RIC និង លោក Chang-Eon Heo ប្រធាន និងជានាយក ប្រតិបត្តិនៃ KIDI កាលពីថ្ងៃទី៤ខែមីនានៅរាជធានីភ្នំពេញ។

«អនុស្សរណៈនៃការយោគយល់គ្នានេះ រៀបចំឡើងក្នុងគោលបំណងពង្រឹងកិច្ចសហប្រតិបត្តិការ តាមរយៈ ការចែករំលែកបទពិសោធន៍ ព្រមទាំងជំនាញបច្ចេកទេសដើម្បីបង្កើនប្រសិទ្ធភាពនៃការគ្រប់គ្រង និងអភិវឌ្ឍវិស័យ ធានារ៉ាប់រងទាំងក្នុងប្រទេសកូរ៉េ និងព្រះរាជាណាចក្រកម្ពុជា» នេះបើយោងតាម RIC។

តាមរយៈ MoU នេះភាគីទាំងពីរនឹងធ្វើការបំពេញទស្សនកិច្ចសិក្សារវាងទៅវិញទៅមក; ការរៀបចំកម្មវិធីផ្សេងៗ រួមមាន សិក្ខាសាលា វេទិកា និងកម្មវិធីបណ្តុះបណ្តាលក្នុងវិស័យ; ការចែករំលែកព័ត៌មានពាក់ព័ន្ធនឹងវិស័យធានារ៉ាប់រង ជាពិសេសលើការគ្រប់គ្រងស្ថិតិធានារ៉ាប់រង និង ការអភិវឌ្ឍប្រព័ន្ធបច្ចេកវិទ្យាធានារ៉ាប់រង; និង ការបំពេញកិច្ចការផ្សេងទៀតតាមការព្រមព្រៀងរបស់ភាគីទាំងសងខាង។

ឧស្សាហកម្មធានារ៉ាប់រងរបស់កម្ពុជា បានកត់ត្រាកំណើនបុព្វលាភរ៉ាប់រង(ប្រាក់ចំណូល) ក្នុងឆ្នាំ២០២៤កន្លងទៅនេះសម្រេចបានក្នុងទឹកប្រាក់ចំនួន ៣៥៦,៤៥ លានដុល្លារ កើនឡើង ៣,៥ ភាគរយធៀបទៅនឹងរយៈពេលដូចគ្នាកាលពីឆ្នាំ២០២៣។ កំណើនយឺតនេះ ដោយសារតែការធ្លាក់ចុះសេដ្ឋកិច្ចពិភពលោក និងក្នុងតំបន់។

យោងតាមរបាយការណ៍បានពីនិយ័តករធានារ៉ាប់រងកម្ពុជា (IRC) នៅក្នុងឆ្នាំ២០២៤កន្លងទៅនេះ បុព្វលាភសរុបរកបានពីក្រុមហ៊ុនធានារ៉ាប់រងទាំង ៤១ របស់កម្ពុជា ក្នុងនោះក្រុមហ៊ុនធានារ៉ាប់រងទូទៅចំនួន ១៨ ក្រុមហ៊ុនធានារ៉ាប់រងអាយុជីវិតចំនួន ១៤ ក្រុមហ៊ុនធានារ៉ាប់រងខ្នាតតូចចំនួន៧។ និងក្រុមហ៊ុនធានារ៉ាប់រងបន្តចំនួន ១។ បច្ចុប្បន្ន ឧស្សាហកម្មនេះមានទ្រព្យសកម្មសរុបចំនួន ១,១ ពាន់លានដុល្លារ។

ជាមួយគ្នានេះដែរ វិស័យនេះក៏បានធ្វើការទូទាត់សណងដែលមានទឹកប្រាក់រហូតដល់ ៧៩,៧ លានដុល្លារផងដែរ កើនឡើងជិត ២០ ភាគរយពី៦៧ លានដុល្លារក្នុងឆ្នាំ២០២៣៕

The post កម្ពុជា-កូរ៉េសហការគ្នាដើម្បីចូលរួមអភិវឌ្ឍន៍វិស័យធានារ៉ាប់រង appeared first on Kampuchea Thmey Daily.

មេធានារ៉ាប់រង ៖ដង់ស៊ីតេនៃវិស័យធានារ៉ាប់រងនៅកម្ពុជានៅមានកម្រិតទាប ធៀបជាមួយបណ្តាប្រទេសតំបន់ និងសកលលោក

May Kunmakara — Tue, 18 Feb 2025 10:29:06 +0000

អគ្គនាយកនៃ និយ័តករធានារ៉ាប់រងកម្ពុជា លោក ប៊ូ ច័ន្ទភីរូ បានថ្លែង ការយល់ដឹងរបស់ពលរដ្ឋអំពីសារៈប្រយោជន៍នៃវិស័យធនារ៉ាប់រងនៅមានកម្រិតនៅឡើយ ខណៈដង់ស៊ីតេធានារ៉ាប់រងមានតែ ២២ ដុល្លារអាមេរិក ក្នុងមនុស្សមួយនាក់ដែលអត្រានេះនៅទាប បើប្រៀបធៀបទៅនឹងបណ្តាប្រទេសនានានៅក្នុងតំបន់ និងសកលលោក។

ថ្លែងនៅក្នុងអង្គសិក្ខាសាលាមួយ ស្ដីពីការផ្សព្វផ្សាយ និងបញ្ជ្រាបការយល់ដឹង នៅរសៀលថ្ងៃទី ១៨ ខែកុម្ភៈ ឆ្នាំ២០២៥ នៅក្នុងបរិវេណសណ្ឋាគារស្ទឹងសង្កែ កណ្តាលក្រុងបាត់ដំបង លោក ប៊ូ ច័ន្ទភីរូថាការរៀបចំជាសិក្ខាសាលា នៅពេលនេះ ក្នុងគោលបំណងលើកកម្ពស់ការយល់ដឹង របស់ផលិតផលធានារ៉ាប់រងផ្ទាល់។ លោកថា វិស័យធានារ៉ាប់រងគឺជាវិស័យហិរញ្ញវត្ថុ មិនមែនធនាគារនិងមានតួនាទីសំខាន់ក្នុងការគ្រប់គ្រង វិស័យសន្តិសុខ សង្គម និងសេដ្ឋកិច្ចជាតិ។

លោកបានថ្លែងពន្យល់ថា កាលពីឆ្នាំ ២០២១ រាជរដ្ឋាភិបាលបានធ្វើកំណែទម្រង់ លើយន្តការស្ថាប័នដោយបង្កើតនិយ័តករគ្នារ៉ាប់រងកម្ពុជា នៃអាជ្ញាធរ សេវាហិរញ្ញវត្ថុ មិនមែនធនាគារ ដែលមានតួនាទីជាសេនាធិការឲ្យរាជរដ្ឋាភិបាល ។ ទន្ទឹមនឹងនោះនិយ័តករធានារ៉ាប់រងកម្ពុជាក៏បានដាក់ចេញនូវផែនការ យុទ្ធសាស្ត្រអភិវឌ្ឍន៍ វិស័យធានារ៉ាប់រងកម្ពុជា ២០២១-២០៣០ ដើម្បីកំណត់ផែនទីចង្អុលផ្លូវសម្រាប់អភិវឌ្ឍន៍វិស័យធានារ៉ាប់រងកម្ពុជាក្នុងរយៈពេលខ្លី រយៈពេលមធ្យម និងរយៈពេលវែង។

លោក ប៊ូ ច័ន្ទភីរូ បានថ្លែងបញ្ចាក់ថា៖« ជាក់ស្ដែងនៅថ្ងៃនេះនិយ័តករធានារ៉ាប់រងកម្ពុជា បានរៀបចំសិក្ខាសាលាស្ដីពីការផ្សព្វផ្សាយ ផលិតផលធានារ៉ាប់រងទូទៅ ដើម្បីចែករំលែកចំណេះដឹង និងបញ្ជ្រាបការយល់ដឹង ពីអត្ថប្រយោជន៍ផលិតផលធានារ៉ាប់រងទូទៅ»។

លោក ពិន ប្រាកដ អភិបាលរងនៃគណៈអភិបាលខេត្តបាត់ដំបង បានលើកឡើងថា ជាគន្លឹះខ្លះៗ ដោយបានលើកឡើងអំពីភូមិសាស្ត្រនៃទឹកដីខេត្តបាត់ដំបង ដែលអំណោយផលពីធម្មជាតិ ទាំងវិស័យកសិកម្ម ទាំងវិស័យឧស្សាហកម្ម ក៏ដូចជាវិស័យទេសចរណ៍ ដែលធ្វើឲ្យខេត្តបាត់ដំបង មានឈ្មោះបោះសំឡេងតាំងពីសម័យដើមរៀងមក ពិសេសគឺអាកាសធាតុ ដែលធ្វើឲ្យវិស័យកសិកម្មមានការរីកចម្រើន ។

បើតាមលោក ប៊ូ ច័ន្ទភីរូ កំណើនទីផ្សារធានារ៉ាប់រងកម្ពុជាប្រចាំឆ្នាំ ជាមធ្យមកើនឡើង ២០% បច្ចុប្បន្នទីផ្សារធានារ៉ាប់រងបានកើនឡើងប្រមាណ ៣៧០ លាន ដុល្លារអាមេរិក ក្នុងឆ្នាំ ២០២៤៕

អត្ថបទ : សោ និយមរ័ត្ន

The post មេធានារ៉ាប់រង ៖ដង់ស៊ីតេនៃវិស័យធានារ៉ាប់រងនៅកម្ពុជានៅមានកម្រិតទាប ធៀបជាមួយបណ្តាប្រទេសតំបន់ និងសកលលោក appeared first on Kampuchea Thmey Daily.

ប្រាក់ចំណូលនៅក្នុងវិស័យធានារ៉ាប់រងនៅកម្ពុជាសម្រេចបាទឹកប្រាក់ជាង ៣៥៦ លានដុល្លារ កាលពីឆ្នាំ២០២៤

May Kunmakara — Mon, 03 Feb 2025 06:31:02 +0000

ជាមួយគ្នានេះដែរ វិស័យនេះក៏បានធ្វើការទូទាត់សណងដែលមានទឹកប្រាក់រហូតដល់ ៧៩,៧ លានដុល្លារផងដែរ កើនឡើងជិត ២០ ភាគរយពី៦៧ លានដុល្លារក្នុងឆ្នាំ២០២៣។

យោងតាមរបាយការណ៍របស់ IRC បុព្វលាភធានារ៉ាប់រងដុល (GWP) របស់វិស័យធានារ៉ាប់រងរបស់កម្ពុជា កាលពីឆ្នាំ ២០២៣ មានចំនួន ៣៣២ លានដុល្លារ កើនឡើង ២០ ភាគរយពី ៣៣១,៨ លានដុល្លារកាលពីឆ្នាំ ២០២២៕

The post ប្រាក់ចំណូលនៅក្នុងវិស័យធានារ៉ាប់រងនៅកម្ពុជាសម្រេចបាទឹកប្រាក់ជាង ៣៥៦ លានដុល្លារ កាលពីឆ្នាំ២០២៤ appeared first on Kampuchea Thmey Daily.

ឧស្សាហកម្មធានារ៉ាប់រងរបស់កម្ពុជាមានកំណើនទាបក្នុងរយៈពេល៩ខែកន្លងមកនេះ

May Kunmakara — Tue, 29 Oct 2024 04:01:00 +0000

និយតករធានារ៉ាប់រងកម្ពុជា (IRC) បានឱ្យដឹងនៅក្នុងរបាយការណ៍ថា គិតត្រឹមរយៈពេល៩ខែមកនេះ ឧស្សាហកម្មធានារ៉ាប់រងរបស់កម្ពុជាបានកត់ត្រាបុព្វលាភសរុបចំនួន ២៧២,៨ លានដុល្លារ កើនឡើងតិចតួចក្នុងអត្រា៣,២ភាគរយ ពី២៦៤,២ លានដុល្លារក្នុងរយៈពេលដូចគ្នាកាលពីឆ្នាំមុន ខណៈអ្នកនៅក្នុងឧស្សាហកម្មនេះលើកឡើងថាអត្រាកំណើននេះគឺជាទាបជាងខ្លាំងបើធៀបទៅបណ្តឆ្នាំមុនៗ។

កំណើននេះត្រូវបានបង្កើតឡើងដោយក្រុមហ៊ុនធានារ៉ាប់រងទូទៅចំនួន ១៨ ក្រុមហ៊ុនធានារ៉ាប់រងអាយុជីវិតចំនួន ១៤ ក្រុមហ៊ុនធានារ៉ាប់រងខ្នាតតូចចំនួន៧ និងក្រុមហ៊ុនធានារ៉ាប់រងបន្តចំនួន១។

របាយការណ៍ដដែលបានបង្ហាញឱ្យឃើញទៀតថាចំនួនសរុបនៃសំណងមានប្រហែល ៥១ លានដុល្លារក្នុងអំឡុង៩ខែឆ្នាំនេះកើនឡើង ១៥ ភាគរយពី ៤៤,៣ លានដុល្លារក្នុងរយៈពេលដូចគ្នាកាលពីឆ្នាំមុន។ សម្រាប់ទ្រព្យសកម្មនៅក្នុងវិស័យនេះទាំងមូលមានជាង១ពាន់លានដុល្លារ។

លោក យក់ ចំរើនរិទ្ធ ប្រធានអគ្គនាយកនៃក្រុមហ៊ុនធានារ៉ាប់រង Forte បានថ្លែងប្រាប់កម្ពុជាថ្មីនៅថ្ងៃទី២៩ខែតុលានេះថា លោកទទួលស្គាល់ថាកំណើននៅក្នុងវិស័យនេះមានកម្រិតទាប បើធៀបទៅនឹងកំណើនសេដ្ឋកិច្ចដែលមានក្នុងរង្វង់ជិត៦ភាគរយប្រចាំឆ្នាំ។

លោកថា ៖«យើងមើលឃើញថាសម្រាប់ធនារ៉ាប់រងអាយុជីវតិមានកំណើនក្នុងរង្វង់ជាង៣% ខណៈធនារ៉ាប់រងទូទៅមានកំណើនតែក្នុងរង្វង់ជាង១%ប៉ុណ្ណោះដែលជាអត្រាមួយដ៏ទាបបើធៀបទៅនឹងកំណើនGDP ដែលមានជាង៥%។ ដូច្នេះខ្ញុំអាចនិយាយបានថាវិស័យនេះហាក់សឹងតែគ្មានកំណើនសម្រាប់ឆ្នាំនេះ ដោយសារតែយើងធ្លាប់កើនចន្លោះពី៧%ទៅ៨%ឆ្នាំមុនៗ»។

The post ឧស្សាហកម្មធានារ៉ាប់រងរបស់កម្ពុជាមានកំណើនទាបក្នុងរយៈពេល៩ខែកន្លងមកនេះ appeared first on Kampuchea Thmey Daily.

វិស័យធានារ៉ាប់រងនៅកម្ពុជាមានកំណើនទាបនៅឆមាសទី១ ឆ្នាំនេះ

deth leng — Thu, 18 Jul 2024 10:32:53 +0000

វិស័យធានារ៉ាប់រងរបស់កម្ពុជាមានកំណើនទាបនៅឆមាសទី១ ឆ្នាំ ២០២៤នេះដែលសម្រេចបានទឹកប្រាក់ចំនួន ១៧៨ លានដុល្លារ កើនឡើងប្រមាណតែ ១ ភាគរយ ធៀបនឹងរយៈពេលដូចគ្នា កាលពីឆ្នាំ ២០២៣ មានចំនួន ១៧៦ លានដុល្លារ។ នេះបើយោងតាមនិយ័តករធានារ៉ាប់រងកម្ពុជា (RIC)។

លោក ទូច ម៉េងឡេង ប្រធាននាយកដ្ឋានអភិវឌ្ឍន៍ទីផ្សារ នៃនិយ័តករធានារ៉ាប់រងកម្ពុជា មានប្រសាសន៍នៅក្នុងវេទិកាចែករំលែកព័ត៌មានស្តីពី «បច្ចុប្បន្នភាពនៃទីផ្សារធានារ៉ាប់រងនៅកម្ពុជា» នៅថ្ងៃទី ១៨ ខែកក្កដានេះថា វិស័យធានារ៉ាប់រងកម្ពុជាមានកំណើនវិជ្ជមានតិចតូច ប៉ុន្តែអ្វីដែលកើនខ្លាំង គឺការផ្ដល់សំណងដែលមានការកើនឡើងជាង ៧០% បើធៀបនឹងរយៈពេលដូចគ្នា កាលពីឆ្នាំមុន តែទោះជាយ៉ាងណាវិស័យនេះ នៅតែបន្តរីកចម្រើនទៅមុខ។

លោក ពន្លឺ តុលា អគ្គនាយកក្រុមហ៊ុនព្រូដិនសលកម្ពុជា មានប្រសាសន៍ថា ការរីកចម្រើនវិស័យធនារ៉ាប់រងនៅឆមាសទី១ មានកំណើនតិច ដោយសារផលប៉ះពាល់នៃសេដ្ឋកិច្ចជាសកល និងវិបត្តិក្រោយជំងឺកូវីដ១៩។

លោក ប៊ូ ច័ន្ទភីរូ អគ្គនាយកនិយ័តករធានារ៉ាប់រងកម្ពុជា មានប្រសាសន៍ថា វិស័យធានារ៉ាប់រងនៅកម្ពុជានៅកម្រិតទាបនៅឡើយបើធៀបនឹងពិភពលោក និងតំបន់ ដោយសារចំណេះដឹងប្រជាពលរដ្ឋនៅមានកម្រិតជុំវិញវិស័យធានារ៉ាប់រង និងទំនុកចិត្តរបស់ប្រជាពលរដ្ឋ។

លោក នី លីហួង ប្រធានគណៈកម្មការអប់រំនៃសមាគមធានារ៉ាប់រងកម្ពុជា មានប្រសាសន៍ថា បច្ចុប្បន្នកម្ពុជាមានក្រុមហ៊ុនធានារ៉ាប់រងចំនួន ៤០ ដែលមានទ្រព្យសកម្មសរុប ១,១១ ពាន់លានដុល្លារ។

យោងតាមរបាយការណ៍របស់និយ័តករធានារ៉ាប់រងកម្ពុជា បុព្វលាភធានារ៉ាប់រងនៅឆ្នាំ ២០២៣ សម្រេចបាន ៣៤៤ លានដុល្លារ កើនជិត ៤% បើធៀបនឹងឆ្នាំ ២០២២ ដែលមាន ៣៣១ លានដុល្លារ៕

អត្ថបទ៖ ឡេង ដេត

The post វិស័យធានារ៉ាប់រងនៅកម្ពុជាមានកំណើនទាបនៅឆមាសទី១ ឆ្នាំនេះ appeared first on Kampuchea Thmey Daily.

ប្រាក់ចំណូលនៅក្នុងវិស័យធានារ៉ាប់រងនៅកម្ពុជាសម្រេចបានទឹកប្រាក់ជាង៩៦លានដុល្លារ ក្នុងត្រីមាសទី១

May Kunmakara — Wed, 12 Jun 2024 04:24:25 +0000

ឧស្សាហកម្មធានារ៉ាប់រងរបស់ព្រះរាជាណាចក្រកម្ពុជា បានកត់ត្រាកំណើនបុព្វលាភរ៉ាប់រង(ប្រាក់ចំណូល) ក្នុងត្រីមាសទី១នេះសម្រេចបានក្នុងទឹកប្រាក់ចំនួន ៩៦,៥ លានដុល្លារ កើនឡើង ៩ ភាគរយធៀបទៅនឹងរយៈពេលដូចគ្នាកាលពីឆ្នាំមុន។ កំណើនយឺតនេះ ដោយសារតែការធ្លាក់ចុះសេដ្ឋកិច្ចពិភពលោក និងក្នុងតំបន់។

យោងតាមរបាយការណ៍បានពីនិយ័តករធានារ៉ាប់រងកម្ពុជា (IRC) ដែលបានចេញផ្សាយកាលពីថ្ងៃទី១១ខែមិថុនាកន្លងមក នៅក្នុងត្រីមាសទី១នេះ បុព្វលាភសរុបរកបានពីក្រុមហ៊ុនធានារ៉ាប់រងទាំង ៤១ របស់កម្ពុជា ក្នុងនោះក្រុមហ៊ុនធានារ៉ាប់រងទូទៅចំនួន ១៨ ក្រុមហ៊ុនធានារ៉ាប់រងអាយុជីវិតចំនួន ១៥ ក្រុមហ៊ុនធានារ៉ាប់រងខ្នាតតូចចំនួន៧។ និងក្រុមហ៊ុនធានារ៉ាប់រងបន្តចំនួន ១។ បច្ចុប្បន្ន ឧស្សាហកម្មនេះមានទ្រព្យសកម្មសរុបចំនួន ១,១ ពាន់លានដុល្លារ។

របាយការណ៍បន្តថា សម្រាប់បុព្វលាភធានារ៉ាប់ទូទៅមានចំនួន ៤៤,៩ លានដុល្លារ កើនឡើង ភាគរយ និងការធានារ៉ាប់រងអាយុជីវិត មានចំនួន ៥១,៥ លានដុល្លារកើនឡើងតែ០,៩ភាគរយប៉ុណ្ណោះ។ ជាមួយគ្នានេះដែរ វិស័យនេះក៏បានធ្វើការទូទាត់សណងដែលមានទឹកប្រាក់រហូតដល់ ១៦,៥ លានដុល្លារផងដែរ កើនឡើង ១៣,៦ ភាគរយពី១៤,៥ លានដុល្លារក្នុងត្រីមាសទី១កាលពីឆ្នាំ២០២៣។

The post ប្រាក់ចំណូលនៅក្នុងវិស័យធានារ៉ាប់រងនៅកម្ពុជាសម្រេចបានទឹកប្រាក់ជាង៩៦លានដុល្លារ ក្នុងត្រីមាសទី១ appeared first on Kampuchea Thmey Daily.