វីង Archives - Kampuchea Thmey Daily

តើមានរឿងអ្វីកើតឡើងចំពោះ អ្នកឧកញ៉ា គិត ម៉េង កំពូលមហាសេដ្ឋីនៅស្រុកខ្មែរ ?

Sorn Phanith — Tue, 27 Jul 2021 10:21:47 +0000

បើនិយាយពីអ្នកឧកញ៉ា គិត ម៉េង ពិតណាស់មានមនុស្សជាច្រើន ដែលបានស្គាល់គាត់ តាមរយៈទឹកចិត្តដ៏សប្បុរស ដែលបានបរិច្ចាគនូវធនធានផ្ទាល់ខ្លួនជាច្រើនសម្រាប់កិច្ចការសង្គម ហើយនាពេលថ្មីៗនេះ គាត់ទើបត្រូវបានប្រមុខរាជរដ្ឋាភិបាលកម្ពុជា គឺសម្តេចតេជោ ហ៊ុន សែន បានថ្លែងអំណរគុណ ដែលបានផ្តល់ថវិកាចំនួន ៣ លានដុល្លារអាមេរិកបន្ថែមទៀត ដល់រាជរដ្ឋាភិបាលកម្ពុជាសម្រាប់ការទិញឧបករណ៍ធ្វើតេស្តពិនិត្យរកមើលជំងឺកូវីដ១៩ ផងដែរ។

នៅក្នុងវិស័យពាណិជ្ជកម្មវិញ អ្នកឧកញ៉ា គិត ម៉េង គឺជាប្រធាននិងនាយកប្រតិបត្តិ នៃក្រុមហ៊ុន រ៉ូយ៉ាល់គ្រុប ដែលមានក្រុមហ៊ុនបុត្រសម្ព័ន្ធជាច្រើនដូចជា៖ ក្រុមហ៊ុនសេវាទូរស័ព្ទចល័ត Cellcard ក្រុមហ៊ុនសេវាអ៊ិនធឺណែត Ezecom សណ្ឋាគារ Cambodiana ធនាគារ វីង (ខេមបូឌា) ម.ក ស្ថានីយទូរទស្សន៍ស៊ីធីអិន ក្រុមហ៊ុនធានារ៉ាប់រង អ៊ិនហ្វីនីធី និងក្រុមហ៊ុនធំៗជាច្រើនផ្សេងទៀតដែលកំពុងដំណើរការយ៉ាងសកម្មដើម្បីពេញនូវតម្រូវការជាក់ស្តែងដល់ប្រជាជនខ្មែរ។

ប៉ុន្តែពេលថ្មីៗនេះ ខណៈពេលដែលជំងឺកូវីដ ១៩ កំពុងតែរាតត្បាតនៅក្នុងប្រទេសកម្ពុជា ស្រាប់តែមានព័ត៌មានអំពីអាជីពថ្មី១ទៀតរបស់អ្នកឧកញ៉ា គិត ម៉េង ដែលកំពុងតែអង្រួនបណ្តាញសង្គម ហើយធ្វើឲ្យមានការងឿងឆ្ងល់ជាខ្លាំង។ អ្នកខ្លះបាននិយាយថាកំពូលមហាសេដ្ឋីនៅស្រុកខ្មែររូបនេះ បានមកប្រកបរបរជាចុងភៅ ហើយអ្នកខ្លះទៀតថា គាត់គឺអ្នកលក់ឥវ៉ាន់អនឡាញ ហើយក៏មានគេថា គាត់ក្លាយជាអ្នកដឹកជញ្ជូនម្ហូបអាហារតាមម៉ូតូទៅវិញ។

តើមានអ្វីកើតឡើងចំពោះគាត់ឲ្យពិតប្រាកដទៅ?

ដើម្បីឆ្លើយតបទៅនឹងពាក្យចចាមអារាម ដែលកំពុងតែធ្វើឲ្យរំជើបរំជួលក្នុងបណ្តាញសង្គមមួយនេះ វីងនឹងរៀបចំការឡាយផ្ទាល់តាមហ្វេសប៊ុកផ្លូវការរបស់ខ្លួននៅថ្ងៃព្រហស្បតិ៍ ទី២៩ កក្កដា វេលាម៉ោង៧ល្ងាច ដោយបកស្រាយនូវចម្ងល់ផ្សេងៗអំពីកំពូលមហាសេដ្ឋីរូបនេះ។

បើចង់ដឹងច្បាស់មានអ្វីកើតឡើងនោះ សូមតាមហ្វេសប៊ុកផ្លូវការរបស់ធនាគារវីងទាំងអស់គ្នា https://bit.ly/3x7L8mH៕

The post តើមានរឿងអ្វីកើតឡើងចំពោះ អ្នកឧកញ៉ា គិត ម៉េង កំពូលមហាសេដ្ឋីនៅស្រុកខ្មែរ ? appeared first on Kampuchea Thmey Daily.

អ្នកធ្លាប់ផ្ញើនិងដកប្រាក់ នៅវីងយីហោបញ្ញា សូមទៅធ្វើសំណាក ក្រោយម្ចាស់ផ្ទះវិជ្ជមានកូវីដ១៩

Sorn Phanith — Thu, 08 Jul 2021 08:08:08 +0000

អ្នកដែលបានទៅទទួលសេវាកម្ម ផ្ញើនិងដកប្រាក់ នៅវីងមួយកន្លែងឈ្មោះ(បញ្ញា) ដែលស្ថិតក្នុងភូមិឬស្សី សង្កាត់ស្ទឹងមានជ័យទី២ សូមមកធ្វើតេស្តសំណាក ក្រោយម្ចាស់ទីតាំងវីងនេះ វិជ្ជមានកូវីដ១៩ ទាំងពីរនាក់ប្ដីប្រពន្ធ។

យោងតាមប្រភពពីលោក សេង វ៉ាន់ថា ចៅរងទី១សង្កាត់ស្ទឹងមានជ័យទី២ បានប្រាប់កម្ពុជាថ្មីនារសៀលថ្ងៃទី៨ ខែកក្កដានេះថា ខណៈនេះអាជ្ញាធរសង្កាត់ស្ទឹងមានជ័យទី២ ខណ្ឌមានជ័យ រាជធានីភ្នំពេញ សូមប្រកាសដល់បងប្អូនប្រជាពលរដ្ឋ ដែលចេញចូលដកនិងផ្ញើប្រាក់នៅទីតាំងប្តូរប្រាក់វីង(បញ្ញា) ដែលស្ថិតក្នុងភូមិឬស្សី សង្កាត់ស្ទឹងមានជ័យទី២ ត្រូវទៅពិនិត្យសំណាកបន្ទាប់ពីម្ចាស់ទីតាំងខាងលើពីរនាក់ប្តីប្រពន្ធ វិជ្ជមានកូវីដ១៩ និងកំពុងសម្រាកព្យាបាលជំងឺ។

លោក សេង វ៉ាន់ថា បានបញ្ជាក់ទៀតថា កាលពីយប់ថ្ងៃទី៧ ខែកក្កដា ម្សិលមិញនេះ គ្រូពេទ្យស្ម័គ្រចិត្តសម្តេចតេជោ បានចុះមកយកអ្នកជំងឺពីរនាក់ប្ដីប្រពន្ធ ដែលប្តីមានឈ្មោះ ម៉ៅ វឹង ជាម្ចាស់ផ្ទះផ្ញើប្រាក់វីងនាំយកទៅព្យាបាល ដោយក្នុងនោះមានមនុស្សពាក់ព័ន្ធ១២នាក់ រកឃើញ៣នាក់ ហើយនៅសល់បងប្អូនប្រជាពលរដ្ឋ និងអ្នកដំណើរជាច្រើនបានមកផ្តល់សេវានៅទីតាំងនេះយ៉ាងច្រើន ហើយមិនទាន់មកយកសំណាកនៅឡើយ។

ជាសំណូមពររបស់អាជ្ញាធរ គឺសុំឲ្យបងប្អូនអ្នកពាក់ព័ន្ធឬមានអាការៈប្លែកក្នុងខ្លួនក្រោយបានទៅទីតាំងវីដនោះ សូមមេត្តាឲ្យគ្រូពេទ្យមកយកសំណាកស្ថិតនៅព្រះវិហាយេស៊ូវ មានទីតាំងស្ថិតក្នុងភូមិឬស្សី សង្កាត់ស្ទឹងមានជ័យ២ ខណ្ឌមានជ័យ ឲ្យទាន់ពេលវេលាកុំគេចវេះឲ្យសោះ៕

អត្ថបទ៖ នរា

The post អ្នកធ្លាប់ផ្ញើនិងដកប្រាក់ នៅវីងយីហោបញ្ញា សូមទៅធ្វើសំណាក ក្រោយម្ចាស់ផ្ទះវិជ្ជមានកូវីដ១៩ appeared first on Kampuchea Thmey Daily.

ភ្នាក់ងារវីងរូមគ្នាម្តងទៀត ដើម្បីជួយសហគមន៍អំឡុងពេលជំងឺកូវីដ១៩

Sorn Phanith — Wed, 05 May 2021 04:28:49 +0000

ក្នុងអំឡុងពេលមានជំងឺរាតត្បាតកូវីដ១៩ នេះ ភ្នាក់ងារវីងទូទាំងប្រទេស បានរួមគ្នាបរិច្ចាគនូវធនធានផ្ទាល់ខ្លួនម្តងទៀតហើយ ដើម្បីជួយសហគមន៍។ ខណៈពេលដែលជំងឺរាតត្បាតនៅតែបន្តជះឥទ្ធិពលដល់ប្រទេសកម្ពុជា ភ្នាក់ងារវីងនៅទូទាំងប្រទេសបានរួបរួមគ្នាម្តងទៀតហើយ ដោយបរិច្ចាគនូវធនធានផ្ទាល់ខ្លួន ដើម្បីគាំទ្រដល់សហគមន៍មូលដ្ឋានដែលកំពុងជួបការលំបាកក្នុងជីវភាពប្រចាំថ្ងៃ។

អ្នកស្រី តាន់ សៀកលៀង មានអាយុ៣០ឆ្នាំ រស់នៅសង្កាត់ស្ទឹងមានជ័យ ក្នុងរាជធានីភ្នំពេញបានរៀបចំអង្ករ ៣០០ គីឡូក្រាម ព្រមទាំងត្រីខកំប៉ុង និងទឹកត្រី នៅពីមុខហាងវីងរបស់គាត់ដើម្បីចែកជូនដល់សហគមន៍ ដែលភាគច្រើន ជាកម្មករសំណង់ និងអ្នករើសអេតចាយ។

អ្នកស្រី សៀកលាង បានឲ្យដឹងថា៖“ ការចូលរួមរបស់ខ្ញុំ គឺមិនច្រើនទេ ប៉ុន្តែវានឹងជួយកាត់បន្ថយបន្ទុកដល់គ្រួសាររបស់ពួកគេបានខ្លះៗ។ ម្តាយខ្ញុំ និងខ្ញុំបានរស់នៅទីនេះជិត ៣០ ឆ្នាំហើយ។ យើងចង់ជួយអ្នកជិតខាងរបស់យើង” ។

នៅភាគឦសាននៃប្រទេសកម្ពុជាឯណោះវិញ លោកស្រី មូ ស៊ីវតាន មានអាយុ៣៨ឆ្នាំ ជាម្ចាស់ហាងវីង យីហោ ថៃ ឆាង ក្នុងខេត្តរតនគិរី បានចែកអាហារដល់អ្នកខ្វះខាត និងអ្នកធ្វើការងារនៅមណ្ឌលចាក់វ៉ាក់សាំងកូវីដ១៩។ លោកស្រី ស៊ីវតាន បានមានប្រសាសន៍ថា៖“ នេះជាស្មារតីនៃការចែករំលែកដល់សហគមន៍។ ឥឡូវនេះ ខ្ញុំកំពុងបបួលបងប្អូនឲ្យចូលរួមកិច្ចការសប្បុរសនេះបន្ថែមទៀត។

លោក ម៉ានូ រ៉ាចាន់ អគ្គនាយកនៃធនាគារ វីង (ខេមបូឌា) ម.ក បានមានប្រសាសន៍ថា៖“ សាមគ្គីភាពមានសារសំខាន់ក្នុងការជម្នះនូវការលំបាក ដែលកើតឡើងនៅក្នុងស្ថានភាពវិបត្តិបែបនេះ។ យើងមានមោទនភាពណាស់ដែលភ្នាក់ងាររបស់យើងជាច្រើនបានចូលរួមក្នុងសកម្មភាពសប្បុរសធម៌បែបនេះម្តងទៀត។ សកម្មភាពសប្បុរសធម៌របស់ពួកគេនឹងជំរុញអ្នកជិតខាងរបស់ពួកគេឱ្យចូលរួមផងដែរ ។ លោក ស្រ៊ុន ឈាងស្រេង នាយកគ្រប់គ្រងអាជីវកម្មទីផ្សារអតិថិជននៃធនាគារ វីង បានសង្កេតឃើញនូវការចូលរួមវិភាគទានសប្បុរសធម៌ពីភ្នាក់ងារវីងជាច្រើននៅទូទាំងប្រទេសនៅពេលពួកគេចែកចាយសកម្មភាពទាំងនោះតាមអ៉ីនធើណេត។

លោក ឈាង ស្រេង មានប្រសាសន៍ថា៖“ យើងបានឃើញមានភ្នាក់ងារនៅខេត្តបាត់ដំបង បន្ទាយមានជ័យ កំពង់ឆ្នាំង មណ្ឌលគីរី និងខេត្តដទៃទៀត បានជួយគាំទ្រសហគមន៍របស់ពួកគេ ។ យើងបានស្នើពួកគេឲ្យគោរពតាមវិធានការសុវត្ថិភាពដោយពាក់ម៉ាស រក្សាគម្លាតសុវត្ថិភាពសង្គម និងឈរតាមស្លាកសញ្ញាសុវត្ថិភាពនៅពេលពួកគេធ្វើកិច្ចការសប្បុរសធម៌” ។ ក្នុងគ្រាដ៏លំបាកនេះ វីងក៏មិនយកថ្លៃសេវាសម្រាប់ការផ្ទេរប្រាក់ពីវីងទៅវីងដោយប្រើកម្មវិធីស្មាតហ្វូនវីងហើយអនុញ្ញាតឲ្យផ្ទេរប្រាក់បានរហូតដល់ ២០.០០០ ដុល្លារ ក្នុង១ថ្ងៃ។ នេះនឹងផ្តល់ភាពងាយស្រួលដល់ប្រជាជនកម្ពុជាទាំងអស់ក្នុងការផ្ញើប្រាក់ទៅគ្រួសាររបស់ពួកគេហើយនឹងកាត់បន្ថយការធ្វើដំណើរក្នុងពេលមានជំងឺកូវីដ១៩ នេះ។

ចំណែក វីងម៉ល ក៏កំពុងផ្តល់សេវាកម្មដឹកជញ្ជូនឥតគិតថ្លៃដល់អាជីវករដែលកំពុងជួបការលំបាកនិងអ្នកដែលត្រូវការទិញអាហារ គ្រឿងទេស និងទំនិញចាំបាច់តាមរយៈកម្មវិធីស្មាតហ្វូនវីង។ ប្រជាជនក៏អាចប្រើកម្មវិធីស្មាតហ្វូនវីងដើម្បីទូទាត់ការចំណាយផ្សេងៗដោយមិនចាំបាច់ធ្វើដំណើរឆ្ងាយ សម្រាប់សេវាកម្មសំខាន់ៗដូចជា៖ ការទូទាត់ថ្លៃទឹកភ្លើង បញ្ចូលទឹកប្រាក់ទូរស័ព្ទ ការទូទាត់ជាមួយសេវាកម្មដឹកជញ្ជូន និងអាជីវកម្មផ្សេងៗ៕

The post ភ្នាក់ងារវីងរូមគ្នាម្តងទៀត ដើម្បីជួយសហគមន៍អំឡុងពេលជំងឺកូវីដ១៩ appeared first on Kampuchea Thmey Daily.

លែងពិបាកទៀតហើយ គ្រប់ដេប៉ូរបស់ IQPS អាចទូទាត់ប្រាក់តាមរយៈវីង

Sorn Phanith — Mon, 03 May 2021 03:21:10 +0000

ធនាគារវីងដែលជាអ្នកផ្តល់សេវាកម្មហិរញ្ញវត្ថុតាមទូរស័ព្ទចល័តឈានមុខគេនៅកម្ពុជា និង IQPS ដែលជាក្រុមហ៊ុនបោះដុំនិងចែកចាយស្រាបៀរ ភេសជ្ជៈ ទឹកសុទ្ធ បារី Marlboro និង L&M ដែលឈានមុខគេនៅកម្ពុជា បានសហការគ្នាដើម្បីអនុញ្ញាតដល់ដៃគូអាជីវកម្មរបស់ IQPS អាចទូទាត់ប្រាក់តាមរយៈវីង។

ភាពជាដៃគូនេះ នឹងជួយសម្រួលដល់ដៃគូអាជីវកម្មរបស់ក្រុមហ៊ុន IQPS ជាង៦០០០០ កន្លែងនៅ២៥ខេត្តក្រុង នៃព្រះរាជាណាចក្រកម្ពុជាអាចទូទាត់ប្រាក់ជាមួយក្រុមហ៊ុន IQPS តាមរយៈប្រព័ន្ធឌីជីថលអេកូឡូស៊ីដ៏ទំនើបរបស់វីង ប្រកបដោយ ភាពងាយស្រួល ឆាប់រហ័សនិងមានសុវត្ថិភាពខ្ពស់។

នេះជាជំហាន ថ្មីមួយទៀតដែលវីងនឹង ផ្តល់អត្ថប្រយោជន៍កាន់តែច្រើនដល់ដៃគូអាជីវកម្ម ជាពិសេស ក្រុមហ៊ុន IQPS នឹងចំណេញពេលវេលា ចំណាយធនធានកាន់តែតិច និងកាត់បន្ថយហានិភ័យក្នុងការប្រមូលថ្លៃទូទាត់ប្រាក់ពីដេប៉ូនីមួយៗ។ គ្រប់ដេប៉ូទាំងអស់អាចធ្វើការទូទាត់ប្រាក់ជាមួយក្រុមហ៊ុន IQPS បានយ៉ាងងាយស្រួល តាមរយៈ កម្មវិធីស្មាតហ្វូនវីង (Wing Money App) ក្នុងមុខងារ ទូទាត់វិក្កយបត្រ (Bill Payment) ឬ ស្កេន QR កូដ បានយ៉ាងរហ័ស និង សុក្រិតបំផុត។ អតិថិជនទាំងអស់អាចតាមដានប្រវត្តិប្រតិបត្តិការនីមួយៗតាមរយៈ Wing App បានយ៉ាងច្បាស់និងងាយស្រួលបំផុត។

ជាងនេះទៅទៀត ម្ចាស់ដេប៉ូនីមួយៗក៏អាចដាក់ប្រាក់ក្នុងគណនីវីងរបស់ពួកគេ និងទូទាត់វិក្កយបត្រជាមួយក្រុមហ៊ុន IQPS ដែលមានលេខកូដទូទាត់ ៩២៦២ សម្រាប់ប្រាក់ដុល្លារ តាមរយៈភ្នាក់ងារវីងជាង៩៣០០ កន្លែងនៅទូទាំងប្រទេសកម្ពុជាផងដែរ៕

The post លែងពិបាកទៀតហើយ គ្រប់ដេប៉ូរបស់ IQPS អាចទូទាត់ប្រាក់តាមរយៈវីង appeared first on Kampuchea Thmey Daily.

អ្នកឧកញ៉ា គិត ម៉េង និងលោកជំទាវ ម៉ៅ ចំណាន ឧបត្ថម្ភថវិកា៦០លានរៀលដល់ក្រសួងការងារនិងបណ្តុះបណ្តាលវិជ្ជាជីវៈដើម្បីគាំទ្រការចាក់វ៉ាកសាំងជំងឺកូវីដ១៩

Kang Tola — Thu, 08 Apr 2021 12:59:34 +0000

ថ្នាក់ដឹកនាំនៃធនាគារឯកទេសវីង (ខេមបូឌា) លីមីតធីត បានយកនូវទឹកប្រាក់វិភាគទានចំនួន៦០លានរៀល ដែលជាទឹកចិត្តដ៏ថ្លៃថ្លារបស់អ្នកឧកញ៉ា គិត ម៉េង អគ្គនាយកក្រុមហ៊ុនរ៉ូយ៉ាល់គ្រុប និងលោកជំទាវ ម៉ៅ ចំណានព្រមទាំងក្រុមគ្រួសារ មកប្រគល់ជូនក្រសួងការងារ និងបណ្តុះបណ្តាលវិជ្ជាជីវៈ កាលពីថ្ងៃទី០៨ ខែមេសា ឆ្នាំ២០២១ នេះ ដើម្បីជាការគាំទ្រក្នុងយុទ្ធនាការចាក់វ៉ាក់សាំងការពារជំងឺកូវីដ១៩ ជូនកម្មករនិយោជិត។

ពិធីប្រគល់ថវិកានេះ ត្រូវបានធ្វើឡើងនៅក្នុងបរិវេណនៃក្រសួងការងារ និងបណ្តុះបណ្តាលវិជ្ជាជីវៈ ក្នុងរាជធានីភ្នំពេញ ដោយមានការចូលរួមជាអធិបតីភាពនៃ ឯកឧត្តម ហេង សួរ រដ្ឋលេខាធិការ ក្រសួងការងារ និងបណ្តុះបណ្តាលវិជ្ជាជីវៈ ព្រមទាំងតំណាងនៃធនាគារឯកទេសវីង ដោយអនុវត្តទៅតាមគោលការណ៍សុវត្ថិភាពយ៉ាងជាក់លាក់។

ខណៈដែលប្រទេសកម្ពុជាមានការរីករាលដាលជំងឺកូវីដ១៩ ក្រសួងការងារ និងបណ្តុះបណ្តាលវិជ្ជាជីវៈ បានកំពុងរៀបចំយុទ្ធនាការចាក់វ៉ាក់សាំងកូវីដ ១៩ ជូនដល់មន្ត្រីរាជការក្រសួងការងារ និងបណ្តុះបណ្តាលវិជ្ជាជីវៈ ថ្នាក់ដឹកនាំអង្គការវិជ្ជាជីវៈ កម្មករនិយោជិតតាមរោងចក្រ សហគ្រាស និងកម្មករនិយោជិតសេដ្ឋកិច្ចក្រៅប្រព័ន្ធ ដើម្បីទប់ស្កាត់ និងបង្ការការរីករាលដាលជំងឺកូវីដ១៩។

ថ្លែងនៅក្នុងទំព័រហ្វេសប៊ុកផ្លូវការ កាលពីពេលថ្មីៗនេះ អ្នកឧកញ៉ា គិត ម៉េង បានមានប្រសាសន៍ថា “នៅក្នុងស្ថានភាពបច្ចុប្បន្ននេះ យើងត្រូវជឿជាក់ និងការពារខ្លួនយើងនិងក្រុមគ្រួសាររបស់យើងពីវីរុស តាមរយៈវ៉ាក់សាំងបង្ការដែលត្រូវបានផ្តល់ឲ្យដោយរដ្ឋាភិបាល។ យើងទាំងអស់គ្នាពិតជាមានសំណាងណាស់ដែលអាចទទួលបានវ៉ាក់សាំងបានយ៉ាងលឿន ដោយសារកិច្ចខិតខំរបស់រាជរដ្ឋាភិបាល ជាពិសេស សម្តេចអគ្គមហាសេនាបតីតេជោ ហ៊ុន សែន និងក្រសួងសុខាភិបាល។”

ថវិកាដែលទទួលបាននៅពេលនេះ ក្រសួងការងារ និងបណ្តុះបណ្តាលវិជ្ជាជីវៈ នឹងយកទៅទិញនូវបរិក្ខារចាំបាច់មួយចំនួនសម្រាប់ជួយដល់ក្រុមគ្រូពេទ្យប្រើប្រាស់នៅពេលចាក់វ៉ាក់សាំងកូវីដ១៩នៅតាមតំបន់គោលដៅ ដើម្បីការពារសហគមន៍ពីជំងឺកូវីដ១៩ ក៏ដូចជាជួយឲ្យពួកគាត់មានភាពសុវត្ថិភាពក្នុងការប្រកបការងារប្រចាំថ្ងៃដើម្បីទ្រទ្រង់ជីវភាពគ្រួសារ៕

The post អ្នកឧកញ៉ា គិត ម៉េង និងលោកជំទាវ ម៉ៅ ចំណាន ឧបត្ថម្ភថវិកា៦០លានរៀលដល់ក្រសួងការងារនិងបណ្តុះបណ្តាលវិជ្ជាជីវៈដើម្បីគាំទ្រការចាក់វ៉ាកសាំងជំងឺកូវីដ១៩ appeared first on Kampuchea Thmey Daily.

វីង និង City Express ជប៉ុនចាប់ដៃគូ ដើម្បីសម្រួលការផ្ទេរប្រាក់មកកម្ពុជា

Sorn Phanith — Fri, 26 Mar 2021 05:49:27 +0000

វីង និង City Express ជប៉ុនចាប់ដៃគូ ដើម្បីសម្រួលការផ្ទេរប្រាក់មកកម្ពុជាភាពជាដៃគូរវាង City Express ជប៉ុននិងធនាគារឯកទេសវីង ជួយឲ្យពលករខ្មែរនៅប្រទេសជប៉ុនអាចផ្ញើប្រាក់បានភ្លាមៗ ដើម្បីផ្គត់ផ្គងគ្រួសារនៅក្នុងប្រទេសកម្ពុជា។

ធនាគារឯកទេសវីង (ខេមបូឌា) លីមីតធីត ដែលជាអ្នកផ្តល់សេវាកម្មធនាគារតាមទូរសព្ទចល័តដំបូងគេនៅកម្ពុជា និងក្រុមហ៊ុន City Express Money Transfer Japan Co., Ltd. ដែលជាក្រុមហ៊ុនផ្ទេរប្រាក់ឈានមុខគេមួយរបស់ប្រទេសជប៉ុន បានបង្កើតភាពជាដៃគូ ដើម្បីផ្តល់សេវាកម្មហិរញ្ញវត្ថុកាន់តែប្រសើរឡើងដល់ប្រជាជនកម្ពុជាទាំងអស់ ដែលរស់នៅជប៉ុន។ តាមរយៈធនាគារឯកទេសវីង ឥឡូវនេះប្រជាជនអាចផ្ញើប្រាក់ ដែលរកបានមកទ្រទ្រង់គ្រួសាររបស់ពួកគេបានភ្លាមៗនៅគ្រប់ទីកន្លែងក្នុងប្រទេសកម្ពុជា។

លោក ម៉ានូ រ៉ាចាន់ អគ្គនាយកនៃធនាគារឯកទេស វីង បានមានប្រសាសន៍ថា៖“ ក្នុងអំឡុងពេលមានជំងឺរាតត្បាតកំពុងបន្តបែបនេះ វាចាំបាច់ណាស់ដែលយើងពង្រឹងសមត្ថភាពសេវាផ្ទេរប្រាក់ឆ្លងប្រទេស ដើម្បីគាំទ្រដល់តម្រូវការរបស់សហគមន៍យើង ។ ពលករកម្ពុជានៅជប៉ុនឥឡូវអាចផ្ញើប្រាក់មកផ្ទះទោះជានៅដល់ភូមិដាច់ស្រយាលក៏ដោយ។” បច្ចុប្បន្នមានប្រជាជនកម្ពុជាជាង ១០.០០០ នាក់កំពុងធ្វើការនៅប្រទេសជប៉ុន។ តាមរយៈភាពជាដៃគូនេះពួកគេអាចទៅម៉ាស៊ីនអេធីអឹមណាមួយនិងសាខាណាមួយនៃក្រុមហ៊ុន City Express ជប៉ុនហើយជ្រើសរើសផ្ញើប្រាក់តាមរយៈវីង។ បន្ទាប់មកពួកគេនឹងទទួលបានលេខកូដ ៨ ខ្ទង់សម្រាប់ក្រុមគ្រួសាររបស់ពួកគេដើម្បីដកប្រាក់នៅប្រទេសកម្ពុជាតាមរយៈភ្នាក់ងារវីងដែលមានជាង ៩០០០ កន្លែង ។

លោក Shrestha Mahesh Kumar ប្រធាននាយកប្រតិបត្តិនៃក្រុមហ៊ុន City Express ជប៉ុនបានមានប្រសាសន៍ថា៖“ យើងជឿជាក់ថាភាពជាដៃគូនេះនឹងបង្ហាញសមត្ថភាពសេវាហិរញ្ញវត្ថុរបស់យើង តាមរយៈការផ្តល់សេវាហិរញ្ញវត្ថុកាន់តែប្រសើរឡើងដល់ប្រជាជនកម្ពុជាទាំងអស់ ។ បណ្តាញដ៏រឹងមាំរបស់ក្រុមហ៊ុនទាំងពីរនឹងផ្តល់ការផ្ទេរប្រាក់ភ្លាមៗនិងមានសុវត្ថិភាពដែលមានសារសំខាន់ណាស់សម្រាប់ប្រជាជនកម្ពុជារស់នៅក្នុងប្រទេសជប៉ុន។ ក្រុមហ៊ុន City Express ជប៉ុននិងវីងតាំងចិត្តប្រើសមត្ថភាពហិរញ្ញវត្ថុរបស់ពួកគេ ដើម្បីជាប្រយោជន៍ដល់សហគមន៍ ។ ក្រុមហ៊ុន City Express ជប៉ុនប្តេជ្ញាផ្តល់ដំណោះស្រាយផ្ទេរប្រាក់លឿនរហ័សគួរទុកចិត្ត និងមានសុវត្ថិភាពដល់អតិថិជនតាមរយៈបណ្តាញភ្នាក់ងារនៅទូទាំងពិភពលោក។ ដូចគ្នានេះដែរ ចក្ខុវិស័យរបស់វីង គឺផ្តល់ជូនប្រជាជនកម្ពុជាគ្រប់រូបនូវលទ្ធភាពទទួលបានសេវាហិរញ្ញវត្ថុតាមទូរស័ព្ទជាមួយបណ្តាញភ្នាក់ងារវីងនៅទូទាំងប្រទេស៕

ភាពជាដៃគូរវាង City Express ជប៉ុននិងធនាគារឯកទេសវីង ជួយឲ្យពលករខ្មែរនៅប្រទេសជប៉ុនអាចផ្ញើប្រាក់បានភ្លាមៗ ដើម្បីផ្គត់ផ្គងគ្រួសារនៅក្នុងប្រទេសកម្ពុជា។

The post វីង និង City Express ជប៉ុនចាប់ដៃគូ ដើម្បីសម្រួលការផ្ទេរប្រាក់មកកម្ពុជា appeared first on Kampuchea Thmey Daily.

គ្មានអ្នកជំងឺកូវីដ១៩ ត្រូវបាន រកឃើញនៅធនាគារឯកទេស វីង

Sorn Phanith — Fri, 12 Mar 2021 01:35:56 +0000

កាលពីពេលថ្មីៗនេះ ធនាគារឯកទេសវីងបានសង្កេតឃើញថា មានការចែករំលែកនូវតារាងបញ្ជីទីតាំងមួយចំនួន ដែលត្រូវបានយល់ច្រឡំថាមានអ្នកជំងឺកូវីដ១៩ បានទៅកាន់ទីតាំងទាំងនោះ ហើយក្នុងតារាងបញ្ជីទីតាំងនោះ ក៏មានទីតាំងការិយាល័យកណ្តាលនៃធនាគារឯកទេសវីងក្នុងរាជធានីភ្នំពេញផងដែរ។ ធនាគារឯកទេសវីង សូមបដិសេដចោលនូវព័ត៌មានខាងលើនេះទាំងស្រុង។

តាមការជូនដំណឹងពីក្រុមការងារ “Stop Covid” ក៏ដូចជាការសង្កេតតាមដានដោយផ្ទាល់នៅទីតាំងការិយាល័យកណ្តាលនៃធនាគារឯកទេសវីង គឺមានអតិជនម្នាក់បានស្កែន “Stop Covid” QR Code ហើយទទួលបានសញ្ញាពណ៌លឿង។ អ្នកដែលបានស្កែន “Stop Covid” QR Code ទទួលបានសញ្ញាពណ៌លឿង មិនត្រូវបានអនុញ្ញាតឲ្យចូលក្នុងបរិវេណរបស់ធនាគារនោះឡើយ។ ដោយអនុវត្តតាម ការណែនាំរបស់ក្រសួងប្រៃសណីយ៍និងទូរគមនាគមន៍ និងក្រសួងសុខាភិបាល ធនាគារឯកទេសវីងអនុញ្ញាតឲ្យតែអ្នកដែលបានស្កែន “Stop Covid” QR Code ហើយទទួលបានសញ្ញាពណ៌បៃតងប៉ុណ្ណោះ ទើបអនុញ្ញាតឲ្យចូលក្នុងបរិវេណធនាគារ។

ធនាគារឯកទេសវីង បានអនុវត្តតាមវិធានការណ៍ណែនាំរបស់ក្រសួងសុខាភិបាលដោយតម្រូវឲ្យភ្ញៀវគ្រប់រូបដែលមកធ្វើប្រតិបត្តិការនៅក្នុងធនាគារ ត្រូវរក្សាគម្លាតសុវត្ថិភាព បាញ់អាល់កុលលាងដៃ វាស់សីតុណ្ហភាព និង ពាក់ម៉ាស់ជាចាំបាច់។

ទន្ទឹមនឹងនេះដែរ ធនាគារឯកទេសវីង ក៏សូមឲ្យអតិថិជនទាំងអស់ ដែលមកធ្វើប្រតិបត្តិការហិរញ្ញវត្ថុមិនថា ជានៅការិយាល័យកណ្តាល ឬក៏នៅតាមភ្នាក់ងារវីងនានានៅទូទាំងប្រទេស ចូលរួមសហការនិងអនុវត្តតាមការណែនាំរបស់ក្រសួងសុខាភិបាល ដើម្បីការពារការឆ្លងជំងឺកូវីដ១៩ ក៏ដូចជារួមគ្នាទប់ស្កាត់ការចម្លងបន្តដល់សហគមន៍យើង។ ធនាគារឯកទេសវីងតែងតែសហការជាមួយស្ថានប័ណ្ណពាក់ព័ន្ធទាំងអស់ ដើម្បីចូលរួមការពារការរីករាលដាលនៃជំងឺកូវីដ១៩នេះ៕

អត្ថបទពាណិជ្ចកម្ម

The post គ្មានអ្នកជំងឺកូវីដ១៩ ត្រូវបាន រកឃើញនៅធនាគារឯកទេស វីង appeared first on Kampuchea Thmey Daily.

ក្រុមហ៊ុន Visa និង ធនាគារឯកទេសវីង ប្រកាសដាក់ឲ្យប្រើប្រាស់ការទូទាត់ថ្មី តាមរយៈប្រព័ន្ធអនឡាញថ្មី

Sorn Phanith — Thu, 04 Feb 2021 07:49:17 +0000

Visa ដែលជាក្រុមហ៊ុនបច្ចេកវិទ្យាទូទាត់សាច់ប្រាក់តាមប្រព័ន្ធឌីជីផល ឈានមុខគេនៅក្នុងពិភពលោក និង ធនាគារឯកទេសវីង (ខេមបូឌា) លីមីតធីត កំពុងចាប់ដៃគូសហការដើម្បីផ្តល់ជូននូវសេវាកម្ម ‘Wing Virtual Visa Card’ ដែលជាកាតនិម្មិតសម្រាប់ទូទាត់តាមប្រព័ន្ធអ៊ីនធើណេតដល់អ្នកប្រើប្រាស់កម្មវិធីស្មាតហ្វូនវីង។

លោក ម៉ានូ រ៉ាចាន់ អគ្គនាយកនៃធនាគារឯកទេស វីង បានមានប្រសាសន៍ថា៖ «ដោយយកបទពិសោធន៍របស់អតិថិជនជាអាទិភាពស្នូល ធនាគារឯកទេស វីង មានក្តីសោមនស្សរីករាយ ក្នុងការធ្វើជាដៃគូសហការជាមួយ Visa ដើម្បីដាក់ឲ្យប្រើប្រាស់កាតនិម្មិតដែលផ្តល់នូវអត្ថប្រយោជន៍ជាច្រើនសម្រាប់អតិថិជនរបស់យើង។» លោកបន្តទៀតថា៖ «តាមរយៈសេវាកម្មរបស់យើង អតិថិជនដែលប្រើប្រាស់កម្មវិធីស្មាតហ្វូនវីង អាចបង្កើត ‘Wing Virtual Visa Card’ និងទូទាត់តាមប្រព័ន្ធអ៊ីនធើណេតបានយ៉ាងងាយស្រួល លើសពីនេះទៅទៀតពួកគាត់នឹងទទួលបានការបញ្ចុះតម្លៃ និងរង្វាន់លើកទឹកចិត្តជាច្រើនថែមទៀតផង។»

ការបើកដំណើរការទូទាត់តាមរយៈកាតថ្មីនេះ នឹងនាំមកនូវអត្ថប្រយោជន៍ជាច្រើនដល់អ្នកប្រើប្រាស់កម្មវិធីស្មាតហ្វូនវីង ក្នុងនោះអតិថិជនក៏អាចបញ្ជាទិញទំនិញតាមប្រព័ន្ធអ៊ីនធើណេតបានគ្រប់ទីកន្លែងដែលទទួលយកការទូទាត់តាមរយៈ Visa កាត ដែលវានឹងបង្កើនភាពច្បាស់លាស់លើការចំណាយ ហើយលុបបំបាត់ការត្រួតពិនិត្យឥណទាននិងការកំណត់ឥណទានអថេរ។។

អ្នកស្រី ជុំ ម៉ូនីកា នាយិកាគ្រប់គ្រងក្រុមហ៊ុន Visa ប្រចាំប្រទេសកម្ពុជា បានមានប្រសាសន៍ថា៖ «តាងនាមឲ្យ Visa យើងមានមោទនភាពក្នុងការធ្វើជាដៃគូសហការជាមួយក្រុមហ៊ុន ដែលមានភាពច្នៃប្រឌិតដូចជាធនាគារឯកទេស វីង ក្នុងការណែនាំនូវបច្ចេកវិទ្យាទូទាត់តាមរយៈឌីជីថលថ្មី ដែលអាចនឹងជួយជំរុញឲ្យប្រទេសរបស់យើង បោះជំហានកាន់តែខិតជិតទៅនឹងចក្ខុវិស័យរបស់ខ្លួន ក្នុងការក្លាយទៅជាប្រទេសមួយដែលមិនប្រើប្រាស់ក្រដាសប្រាក់» ។ អ្នកស្រីបន្តទៀតថា៖ «ការរីករាលដាលនៃជំងឺរាតត្បាតកូវីដ១៩បានធ្វើឲ្យសាធារណជនមានទំនោរចង់ជៀសវាងកន្លែងសាធារណៈ ព្រមទាំងជំរុញឲ្យពួកគាត់មានការផ្លាស់ប្តូរដោយជ្រើសរើសការទិញទំនិញតាមរយៈអ៊ីនធើណេតវិញ ហើយមធ្យោបាយទូទាត់បែបឌីជីថលដូចជា កម្មវិធីស្មាតហ្វូនវីង កាន់តែមានសារៈសំខាន់សម្រាប់អ្នកប្រើប្រាស់ទូទាំងប្រទេស ផងដែរ។ តាមរយៈការណែនាំ Wing Virtual Visa Card អ្នកប្រើកម្មវិធីហិរញ្ញវត្ថុតាមប្រព័ន្ធអ៊ិនធើណេត ឥឡូវនេះអាចធ្វើការទូទាត់ប្រកបដោយសុវត្ថិភាព រហ័ស និង ងាយស្រួលជាងមុន»។

ភាពជាដៃគូនេះបានដាក់រួមបញ្ចូលនូវជំនាញឯកទេស និងបច្ចេកវិទ្យារបស់ Visa ក្នុងការទូទាត់សាច់ប្រាក់តាមរយៈឌីជីថល ព្រមទាំងពាណិជ្ជកម្មអេឡិចត្រូនិក រួមជាមួយនឹងធនាគារឯកទេស វីង ដែលជាអ្នកផ្តល់សេវាហិរញ្ញវត្ថុតាមទូរសព្ទដៃឈានមុខគេនៅកម្ពុជា។ បន្ទាប់ពីបានបើកដំណើរការនៅឆ្នាំ ២០០៩ ធនាគារឯកទេស វីង បានបង្កើតបណ្តាញយ៉ាងទូលំទូលាយ និងបានណែនាំសេវាកម្មជាច្រើនដល់អតិថិជនរបស់ខ្លួន រួមមាន៖ ការទូទាត់វិក្កយបត្រ ការបញ្ចូលទឹកប្រាក់តាមទូរស័ព្ទ ការផ្ទេរប្រាក់ក្នុងស្រុក និងអន្តរជាតិ ការទិញទំនិញតាមអ៊ីនធើណេត និងការទូទាត់តាមរយៈQRកូដជាដើម។ ធនាគារឯកទេស វីង បានខិតខំប្រឹងប្រែងយ៉ាងអស់ពីសមត្ថភាព ដើម្បីធានាបានថា ប្រជាជនកម្ពុជាគ្រប់រូបអាចប្រើប្រាស់គណនីធនាគារ តាមរយៈការធ្វើបរិយាបន្នហិរញ្ញវត្ថុ នៅក្នុងប្រទេសកម្ពុជា។

លោក ម៉ានូ ក៏បានមានប្រសាសន៍បន្ថែមទៀតថា៖ «ជាមួយការរីករាលដាលនៃជំងឺរាតត្បាត ដែលបានជះឥទ្ធិពលដល់អតិថិជននៅទូទាំងប្រទេស វាមានសារសំខាន់ណាស់ដែលយើងបង្កើនសេរីភាពជូនដល់អតិថិជនក្នុងការបញ្ជាទិញទំនិញ និងធ្វើប្រតិបត្តិការចាំបាច់របស់ពួកគេ តាមប្រព័ន្ធឌីជីថលប្រកបដោយសុវត្ថិភាព» ។

អ្នកប្រើប្រាស់កម្មវិធីស្មាតហ្វូនវីង ដែលជ្រើសរើសប្រើ Wing Virtual Visa Card អាចចូលរួមក្នុងកម្មវិធីពិសេសៗជាច្រើន រួមមានទាំងកម្មវិធីចាប់រង្វាន់ជារៀងរាល់ខែ ការទទួលបានលុយត្រលប់មកវិញភ្លាមៗពីការជិះ Grab និងការបញ្ចុះតម្លៃសម្រាប់ការទិញទំនិញតាមអនឡាញជាដើម។ ព័ត៌មានលម្អិតស្តីពីការផ្តល់ជូននេះ នឹងមានប្រកាសផ្សាយតាម Facebook ផ្លូវការរបស់ ធនាគារឯកទេស វីង ក្នុងពេលឆាប់ៗនេះ៕

អត្ថបទពាណិជ្ជកម្ម

The post ក្រុមហ៊ុន Visa និង ធនាគារឯកទេសវីង ប្រកាសដាក់ឲ្យប្រើប្រាស់ការទូទាត់ថ្មី តាមរយៈប្រព័ន្ធអនឡាញថ្មី appeared first on Kampuchea Thmey Daily.

វីង Archives - Kampuchea Thmey Daily

តើ​មានរឿង​អ្វី​កើតឡើង​ចំពោះ ​អ្នកឧកញ៉ា គិត ម៉េង កំពូល​មហាសេដ្ឋី​នៅ​ស្រុក​ខ្មែរ ?

ភ្នាក់ងារ​វី​ង​រូ​ម​គ្នា​ម្តងទៀត ​ដើម្បី​ជួយ​សហគមន៍​អំឡុង​ពេល​ជំងឺ​កូ​វីដ១៩

លែង​ពិបាក​ទៀតហើយ គ្រប់​ដេប៉ូ​របស់ IQPS អាច​ទូទាត់​ប្រាក់​តាមរយៈ​វី​ង

វី​ង​ និង ​City Express ជប៉ុន​ចាប់​ដៃគូ​ ដើម្បី​សម្រួលការ​ផ្ទេរ​ប្រាក់​មក​កម្ពុជា

គ្មានអ្នកជំងឺកូវីដ១៩ ត្រូវបាន រកឃើញនៅធនាគារឯកទេស វីង​

តើមានរឿងអ្វីកើតឡើងចំពោះ អ្នកឧកញ៉ា គិត ម៉េង កំពូលមហាសេដ្ឋីនៅស្រុកខ្មែរ ?

ភ្នាក់ងារវីងរូមគ្នាម្តងទៀត ដើម្បីជួយសហគមន៍អំឡុងពេលជំងឺកូវីដ១៩

លែងពិបាកទៀតហើយ គ្រប់ដេប៉ូរបស់ IQPS អាចទូទាត់ប្រាក់តាមរយៈវីង

វីង និង City Express ជប៉ុនចាប់ដៃគូ ដើម្បីសម្រួលការផ្ទេរប្រាក់មកកម្ពុជា

គ្មានអ្នកជំងឺកូវីដ១៩ ត្រូវបាន រកឃើញនៅធនាគារឯកទេស វីង