វីជេ អាណូ Archives - Kampuchea Thmey Daily

វីជេ អាណូ អួលដើម.ក អង្វរភ្ញៀវមួយចំនួនតូចយោគយល់

អ៊ិន ពិសី — Sat, 04 Nov 2023 02:01:07 +0000

អតីតតារាចម្រៀង និងពិធីការិនីអ្នកនាង សួន ភក្តី ហៅ វីជេ អាណូ បច្ចុប្បន្នក្រៅពីការងារលក់ដូរអនឡាញ(បាយស្រូបម្ហូបអាហារច្រើនមុខ និងសម្លៀកបំពាក់ជាដើម) ថ្មីៗមុននេះ នាងក៏ប្រកាសចង់រកការងារបន្ថែមផ្សេងទៀត ដើម្បីរកចំណូលសម្រាប់ជីវភាព និងថែទាំព្យាបាលជំងឺកូនស្រីផងដែរ។

រឿងដែលអ្នកគាំទ្រចាប់អារម្មណ៍ និងអាណិត អាណូ ពេលនេះ ស្របពេលនាងបានចេញមកនិយាយដោយក្តីអង្វរទៅកាន់ភ្ញៀវមួយចំនួនតូច កុម្ម៉ង់ម្ហូបហើយ បែរជាលុបចោលវិញ ធ្វើឲ្យនាងខាតបង់ទាំងពេលវេលា និងលុយកាក់ជាដើម។ នាងថា ពេលនេះខ្លួនកំពុងត្រូវការលុយ ដើម្បីឲ្យថ្លៃពេទ្យ និងការសិក្សាកូន ដូច្នេះសុំឲ្យភ្ញៀវខ្លះយោគយល់ដល់នាងផង។

អាណូ បានរៀបរាប់យ៉ាងកម្សត់ថា «ជាដំបូង ខ្ញុំសូមទោសទៅដល់ភ្ញៀវល្អៗ ការពិតខ្ញុំបានធ្វើ video ដែរ តែទឹកភ្នែកពេក ក៏សម្រេចថាសរសេរវិញ ខ្ញុំជាអ្នកលក់ ខ្ញុំសង្វាតផុស សង្វាតលក់ និងធ្វើជូនភ្ញៀវ ហើយខ្ញុំតែងតែប្រាប់ថា ខ្ញុំធ្វើថ្មីៗ មិនមានការធ្វើទុកនោះទេ ម្ហូបខ្លះក៏លឿន ម្ហូបខ្លះក៏យឺត តម្រូវទៅតាមម្ហូប និងការកុម្ម៉ង់ ម្ហូបខ្លះខ្ញុំធ្វើអត់ល្អ ក៏ខ្ញុំអត់លក់ ឬដឹកជូនភ្ញៀវដែរ ខ្ញុំមានតែសូមទោសគាត់ ព្រោះខ្លាចបាត់បង់គាត់ដែលជាភ្ញៀវល្អ អញ្ចឹងខ្ញុំសុខចិត្តខាតវិញ ទោះបីខ្ញុំបានធ្វើហើយក៏ដោយ»។

អ្នកនាង អាណូ លើកឡើងថា «ម្ហូបខ្លះទៀតខ្ញុំធ្វើទាំងឆ្ងាញ់ទាំងល្អហើយ គ្រាន់តែដឹកយឺត ហេតុអ្វីក៏មក cancel ទៅវិញ ជា set ជា set អញ្ចឹងៗ គិតជាលុយច្រើនណាស់សម្រាប់ខ្ញុំ គេជាអ្នកដឹកយឺត មិនមែនខ្ញុំជាអ្នកធ្វើយឺតនោះទេ ហេតុអ្វីមក cancel ខ្ញុំទៅវិញ ទាំងដែលខ្ញុំធ្វើឆ្អិនរួចរាល់ហើយ។ ខ្ញុំយកលុយទៅទិញ បងៗ ប្អូនៗ (ចំនួនតូច) អញ្ចឹងខ្ញុំក៏ត្រូវការលុយរបស់ខ្ញុំត្រឡប់មកវិញ ក្រោយពេលបងៗ ប្អូនៗ បានទទួលរបស់ពីខ្ញុំដែរ ព្រោះរាល់ថ្ងៃនេះខ្ញុំត្រូវបង់ថ្លៃពេទ្យ ខ្ញុំត្រូវឲ្យថ្លៃពេទ្យជារៀងរាល់ថ្ងៃ»។

វីជេ អាណូ បញ្ជាក់ថា នេះជាអ្វីដែលនាងប្រឹង រំពឹងលុយចំណេញ និងថ្លៃដើម ទុកធ្វើតទៅមុខទៀត ហើយបើភ្ញៀវ(ចំនួនតូច) cancel អ៊ីចឹង តើនាងត្រូវធ្វើយ៉ាងម៉េចទៅ ត្រូវលក់ឲ្យអ្នកណាទៅ?។ នាងថា «ខ្ញុំសុំចិត្តអ្នកទាំងអស់គ្នាវិញ (ចំនួនតូច) អាណិតខ្ញុំផង ហើយអាណិតអ្នកដឹកដែលខ្ញុំអត់ដឹងថា តាមផ្លូវគាត់ជួបអ្វីខ្លះ បើខ្ញុំយឺត ខ្ញុំសូមទោសភ្ញៀវ ព្រោះខ្ញុំខ្លាចបាត់បង់ភ្ញៀវណាស់»៕

អត្ថបទ ៖ ចាន់រ៉ា

The post វីជេ អាណូ អួលដើម.ក អង្វរភ្ញៀវមួយចំនួនតូចយោគយល់ appeared first on Kampuchea Thmey Daily.

អាណូ សន្យាមិនដើរតាមដានចាស់ ដោយប្រឹងតស៊ូដើម្បីចិញ្ចឹមកូនទាំង ២ នាក់

អ៊ិន ពិសី — Wed, 13 Sep 2023 02:04:56 +0000

អតីតតារាចម្រៀង និងពិធីការិនីអ្នកនាង សួន ភក្តី ហៅ អាណូ កាលពីថ្មីៗកន្លងទៅ នាងបានចាក់ពោះខ្លួនឯងប៉ុនប៉ងសម្លាប់ខ្លួន ប៉ុន្តែសំណាងល្អត្រូវបានសង្គ្រោះទាន់ ពេលនេះបានជាសះស្បើយចេញពីមន្ទីរពេទ្យមកបន្តរបរលក់ដូរតាមអនឡាញដូចដើមវិញហើយ តែមិនទាន់អាចធ្វើការធ្ងន់បានទេ។

អ្នកនាង អាណូ ក្រៅពីការងារលក់ដូរអនឡាញ (បាយស្រូប ម្ហូបអាហារច្រើនមុខ និងសម្លៀកបំពាក់ជាដើម) នោះ ថ្មីៗមុននេះដែរ នាងក៏ប្រកាសចង់រកការងារបន្ថែមផ្សេងទៀត ដើម្បីរកចំណូលសម្រាប់ជីវភាព និងថែទាំព្យាបាលជំងឺកូនស្រីផងដែរ។ ដោយឡែកមុននេះ នាងបានសុំការផ្តល់កម្លាំងចិត្តពីអ្នកគាំទ្រ ដើម្បីខំតស៊ូបន្តទៅមុខទៀត។

អាណូ បានរៀបរាប់ឲ្យដឹងថា «ជាដំបូងនាងខ្ញុំអាណូ សំពះអរគុណដល់អ្នករាល់គ្នាដែលបានស្រឡាញ់ចូលចិត្ត ផ្ដល់ទាំងតម្លៃ ផ្ដល់ទាំងក្ដីស្រឡាញ់ និងការលើកទឹកចិត្ត អរគុណដែលឲ្យឱកាសខ្ញុំដោយការ Like comments និង Share អរគុណអ្នកទាំងអស់គ្នាដែលបានឲ្យខ្ញុំត្រឡប់មកជាខ្ញុំវិញសាជាថ្មីម្ដងទៀត»។

អ្នកនាង អាណូ បានបញ្ជាក់ថា «ខ្ញុំពិតជាអរគុណមិនអស់មែន ត្រឡប់មកវិញលើកនេះ ខ្ញុំនឹងស៊ូ ទៅមុខបន្តទៀត បានប៉ុណ្ណាយកប៉ុណ្ណឹង សង្ឃឹមថានឹងមានអ្នកទាំងអស់នៅក្បែរដូចពេលនេះបន្តទៀតដែរ»។

គេចាំបានថា កាលពីថ្មីៗនេះមហាជនអ្នកគាំទ្របង្ហាញការភ្ញាក់ផ្អើល និងព្រួយបារម្ភគ្រប់គ្នា បន្ទាប់ពីអតីតតារាចម្រៀងអ្នកនាង សួន ភក្ដី ហៅ វីជេ អាណូ បានធ្វើការឡាយវីដេអូរៀបរាប់ពីទុក្ខសោកដែលនាងកំពុងតែជួបបញ្ហាផ្លូវចិត្តធ្ងន់ធ្ងរ។ ក្នុងនោះ វីជេ អាណូ ថែមទាំងយកកូនកាំបិតប៉ុនប៉ងចាក់សម្លាប់ខ្លួនឯងទៀតផង។ បន្ទាប់មកតារាស្រីវីជេ អាណូ ក៏ត្រូវបានក្រុមគ្រួសារ និងមិត្តភ័ក្ដិក្នុងរង្វង់សិល្បៈ បញ្ជូនទៅសង្គ្រោះនៅមន្ទីរពេទ្យកាល់ម៉ែតភ្លាមៗ។ យ៉ាងណាមិញបច្ចុប្បន្ននាងត្រូវបានវិលទៅផ្ទះវិញ ក្រោយសុខភាព និងរបួស បានប្រសើរខ្លះឡើងវិញ៕

អត្ថបទ ៖ ចាន់រ៉ា

The post អាណូ សន្យាមិនដើរតាមដានចាស់ ដោយប្រឹងតស៊ូដើម្បីចិញ្ចឹមកូនទាំង ២ នាក់ appeared first on Kampuchea Thmey Daily.

វីជេ អាណូ ស្នើសុំការងារធ្វើ ក្រោយសុខភាពទើបប្រសើរឡើងវិញ

អ៊ិន ពិសី — Fri, 08 Sep 2023 03:16:40 +0000

បញ្ហាសុខភាពទើបតែប្រសើរវិញខ្លះ អតីតតារាចម្រៀងអ្នកនាង សួន ភក្ដី ហៅ វីជេ អាណូ ប្រកាសស្នើសុំដល់មហាជន ឬ មិត្តភ័ក្ដិដែលស្គាល់ ជួយផ្ដល់ការងារសម្រាប់នាងធ្វើផង ដើម្បីបានប្រាក់កម្រៃចិញ្ចឹមកូនៗ របស់ខ្លួន។

បន្ទាប់មក តារាស្រី វីជេ អាណូ ក៏ត្រូវបានក្រុមគ្រួសារ និងមិត្តភ័ក្ដិក្នុងរង្វង់សិល្បៈ បញ្ជូនទៅសង្គ្រោះនៅមន្ទីរពេទ្យកាល់ម៉ែតភ្លាមៗ។ យ៉ាងណាមិញ បច្ចុប្បន្ន នាង ត្រូវបានវិលត្រឡប់ទៅផ្ទះវិញហើយ ក្រោយសុខភាព និងរបួស បានប្រសើរខ្លះឡើងវិញ។

ទន្ទឹមនេះ តារាចម្រៀង វីជេ អាណូ បានចេញមកប្រកាសស្នើសុំការងារ ដើម្បីបានធ្វើរកប្រាក់ចិញ្ចឹមគ្រួសារ។ អ្នកនាងបញ្ជាក់ថា «ជម្រាបសួរអ្នកទាំងអស់គ្នា នាងខ្ញុំ អាណូ អនុញ្ញាតឲ្យខ្ញុំបានរួមការងារជាមួយអ្នកទាំងអស់គ្នាផង តែអំឡុងពេលនេះបានតែអង្គុយទេ(អង្គុយធ្វើការ live ឬ Reviews អីក៏បាន ឲ្យតែសមស្រប នាងខ្ញុំទទួលធ្វើទាំងអស់»។

ឆ្លើយតបការលើកឡើងរបស់ វីជេ អាណូ ខាងលើនេះ មានអ្នកគាំទ្រមួយចំនួនបានលើកទឹកចិត្ត និងជូនពរនាងឲ្យឆាប់មានសុខភាពល្អដូចដើមឡើងវិញផងដែរ៕

អត្ថបទ ៖ ចាន់រ៉ា

The post វីជេ អាណូ ស្នើសុំការងារធ្វើ ក្រោយសុខភាពទើបប្រសើរឡើងវិញ appeared first on Kampuchea Thmey Daily.

វីជេ អាណូ អរគុណអ្នកជួយសង្គ្រោះជីវិត និងលើកទឹកចិត្ត

អ៊ិន ពិសី — Sun, 20 Aug 2023 04:23:57 +0000

អតីតតារាចម្រៀងអ្នកនាង សួន ភក្ដី ហៅ វីជេ អាណូ ខណៈអាការជំងឺមានភាពធូរស្រាលបន្តិចនោះ នាងបានចេញសារអរគុណចំពោះអ្នកដែលជួយសង្គ្រោះជីវិត និងលើកទឹកចិត្តអំឡុងពេលកំពុងជួបទុក្ខ។

វីជេ អាណូ បាននិយាយថា «ជាដំបូង នាងខ្ញុំ អាណូ សូមគោរពអរគុណ និងថ្លែងអំណរគុណ សម្រាប់ទឹកចិត្តមេត្តាសន្ដោសយោគយល់ អធ្យាស្រ័យ និងការលើកទឹកចិត្ត អរគុណបងៗ ដែលបានជួយ មិនថាជាថវិកា ឬ messenger នាងខ្ញុំ បានឃើញទាំងអស់ និងអ្នកដែលបានមកជួប និងមិនបានជួប ទាំងអ្នកស្គាល់ និងមិនស្គាល់ អរគុណសម្រាប់មហាទឹកចិត្តដែលមិនអាចកាត់ថ្លៃបាន ទាំងនេះ នាងខ្ញុំ អាណូ នឹងចងចាំទុក»។

អ្នកនាង អាណូ បញ្ជាក់ថា «នៅពេលដែលសុខភាពខ្ញុំប្រសើរជាងនេះ ខ្ញុំនឹង Live អរគុណដល់បងៗ ប្អូនៗ ឲ្យបានគ្រប់ៗគ្នា ហើយនឹងប្រឹងទៅមុខជាបន្តទៀត ជាចុងក្រោយចង់និយាយថា ទទួលធ្វើម្ហូបជូនបងៗ ប្អូនៗ ពិសាធម្មតា»។ គេចាំបានថា វីជេ អាណូ បច្ចុប្បន្នកំពុងសម្រាកនៅមន្ទីរពេទ្យបន្ទាប់ពីចាក់ប៉ងសម្លាប់ខ្លួនឯង កាលពីយប់ថ្ងៃទី ១៣ ខែសីហា ដោយសារបញ្ហារងសម្ពាធផ្លូវចិត្តធ្ងន់ធ្ងរ។

គួរជម្រាបថា មហាជនអ្នកគាំទ្របង្ហាញការភ្ញាក់ផ្អើល និងព្រួយបារម្ភគ្រប់គ្នា បន្ទាប់ពីអតីតតារាចម្រៀងអ្នកនាង សួន ភក្ដី ហៅ វីជេ អាណូ បានធ្វើការឡាយវីដេអូរៀបរាប់ពីទុក្ខសោកដែលនាងកំពុងតែជួបបញ្ហាផ្លូវចិត្តធ្ងន់ធ្ងរ។ ក្នុងនោះ វីជេ អាណូ ថែមទាំងមានកាំបិតនៅក្នុងដៃប៉ុនប៉ងចាក់សម្លាប់ខ្លួនឯងទៀតផង៕

អត្ថបទ ៖ ចាន់រ៉ា

The post វីជេ អាណូ អរគុណអ្នកជួយសង្គ្រោះជីវិត និងលើកទឹកចិត្ត appeared first on Kampuchea Thmey Daily.

ចន ច័ន្ទលក្ខិណា ទទួលបានថវិកាបរិច្ចាគជាង ២ ពាន់ដុល្លារ ជួយសម្រាលបន្ទុកថ្លៃព្យាបាល វីជេ អាណូ

អ៊ិន ពិសី — Tue, 15 Aug 2023 04:06:24 +0000

ប្រធានសមាគមសិល្បករខ្មែរ អ្នកនាង ចន ច័ន្ទលក្ខិណា ប្រកាសថា គិតត្រឹមព្រឹកថ្ងៃទី ១៥ ខែសីហា ឆ្នាំ ២០២៣ នេះ អ្នកនាងទទួលបានថវិកាបរិច្ចាគពីសិល្បករ-សិល្បការិនី ព្រមទាំងសប្បុរសជន ជាង ២ ពាន់ដុល្លារ ក្នុងការជួយសម្រាលបន្ទុកថ្លៃព្យាបាល វីជេ អាណូ ដែលកំពុងសង្គ្រោះនៅមន្ទីរពេទ្យកាល់ម៉ែត។

អ្នកនាង ចន ច័ន្ទលក្ខិណា បញ្ជាក់ថា «មកដល់ពេលនេះ នាងខ្ញុំ បានទទួលការបរិច្ចាគទឹកប្រាក់របស់បងប្អូនសប្បុរសជនសម្រាប់ជួយសម្រាលបន្ទុកថ្លៃព្យាបាលប្អូនស្រី Vj Ano ចំនួន ២១៦១ ដុល្លារ នាងខ្ញុំ សូមថ្លែងអំណរគុណយ៉ាងជ្រាលជ្រៅចំពោះទឹកចិត្តដ៏ជ្រះថ្លារបស់បងប្អូនចំពោះប្អូនស្រី»។

អ្នកនាង ចន ច័ន្ទលក្ខិណា បានឲ្យដឹងដែរថា «ពេលនេះស្ថានភាពផ្លូវកាយស្ថិតក្នុងការតាមដានបន្តទៀត (គាត់ចាក់ខ្លួនឯង ២ កាំបិត របួសមួយជ្រៅ របួសមួយកន្លែងទៀតរាងមិនសូវជ្រៅ) ប៉ុន្តែជំងឺផ្លូវចិត្តគឺខ្ញុំមិនហ៊ាននិយាយអ្វីទេ គ្រាន់តែខ្ញុំជជែកជាមួយគាត់តាមវិធីសាស្ត្ររបស់ខ្ញុំ គឺពេលនេះគាត់បានសន្យាជាមួយខ្ញុំហើយថា មិនធ្វើបែបនេះទៀតទេ គាត់ នឹងដើរចេញពីអតីតកាលដែលឈឺចាប់ គឺ គាត់ នឹងរស់ក្នុងបច្ចុប្បន្ន»។

អ្នកនាងបន្តថា «សូមបងប្អូនសិល្បៈ និងអ្នកដែលស្គាល់គាត់ ជួយជាថវិកាដល់រូបគាត់ផង ព្រោះថ្លៃព្យាបាលគឺត្រូវចំណាយច្រើនណាស់ កន្លងមកគាត់មានបន្ទុកច្រើនត្រូវចិញ្ចឹមម្ដាយ ជួយប្អូនៗ រៀន ជាពិសេសពេលនេះគាត់ត្រូវប្រឹងរកលុយដើម្បីព្យាបាលជំងឺកូនស្រីរបស់គាត់ដែលត្រូវបន្តការតាមដានជារៀងរាល់ខែ ដែលជាកង្វល់ដ៏ខ្លាំងបំផុតសម្រាប់គាត់ ដែលបណ្ដាលឲ្យគាត់អស់សង្ឃឹមក្នុងការរស់នៅលើពិភពលោកនេះទៀត»៕

អត្ថបទ ៖ ចាន់រ៉ា

The post ចន ច័ន្ទលក្ខិណា ទទួលបានថវិកាបរិច្ចាគជាង ២ ពាន់ដុល្លារ ជួយសម្រាលបន្ទុកថ្លៃព្យាបាល វីជេ អាណូ appeared first on Kampuchea Thmey Daily.

ម៉ា ដូណា ស្នើបណ្ដាញសារព័ត៌មានក្នុងស្រុកចុះផ្សាយលើកទឹកចិត្ត វីជេ អាណូ ជៀសវាងប៉ះពាល់ផ្លូវចិត្ត

អ៊ិន ពិសី — Tue, 15 Aug 2023 02:42:57 +0000

តារាសម្ដែងលោក ម៉ា ដូណា បានចេញមកស្នើសុំដោយទទូចដល់បណ្ដាញសារព័ត៌មានក្នុងស្រុក មេត្តាធ្វើការចុះផ្សាយដោយការលើកទឹកចិត្តចំពោះ វីជេ អាណូ ជៀសវាងប៉ះពាល់សតិអារម្មណ៍ និងផ្លូវចិត្តសម្រាប់នាងដែលកំពុងជួបវិបត្តិផ្លូវចិត្តធ្ងន់ធ្ងរ។

លោក ម៉ា ដូណា ក៏បានអំពាវនាវសិល្បករ-សិល្បការិនី និងមហាជន ផ្ដល់ការលើកទឹកចិត្ត និង ចូលរួមឧបត្ថម្ភតាមលទ្ធភាព ដើម្បីជួយសម្រួលដល់ការព្យាបាលរបស់ វីជេ អាណូ នាពេលនេះ។

តារាសម្ដែង ម៉ា ដូណា ដែលបានទៅដល់ផ្ទាល់នៅមន្ទីរពេទ្យ បានបញ្ជាក់ប្រាប់ “កម្ពុជាថ្មី” ថា អាការ វីជេ អាណូ ពេលនេះ មានលក្ខណៈធ្ងន់ធ្ងរនៅឡើយ ព្រោះរបួសដែលចាក់នោះមានសភាពមុតជ្រៅ ប៉ះពាល់ដល់ពោះវៀន ដូច្នេះត្រូវការព្យាបាលយ៉ាងយកចិត្តទុកដាក់សិន។

លោក ម៉ា ដូណា និយាយទៀតថា «សូមបងប្អូនអ្នកសារព័ត៌មាន សូមជួយចុះផ្សាយក្នុងការលើកទឹកចិត្តគាត់ផង ជៀសវាងកុំឲ្យមានការ comment ពាក្យមិនល្អ ធ្វើឲ្យគាត់ប៉ះពាល់សតិអារម្មណ៍ផ្លូវចិត្តគាត់»។

លោក ម៉ា ដូណា បានបញ្ជាក់ថា «សម្រាប់ស្ថានភាព វីជេ អាណូ ពេលនេះ គឺមានការឈឺចុកចាប់ខ្លាំង បន្ទាប់ពីគាត់ចាក់ខ្លួនឯងបណ្ដាលឲ្យរងរបួសជ្រៅ ដែលប៉ះពាល់ដល់ប្រព័ន្ធខាងក្នុងខ្លួន»។

លោកថា «រឿងដែលកើតឡើងនេះ អាចបណ្ដាលមកពីបញ្ហានៅក្នុងគ្រួសារ បញ្ហាបំណុលខ្លះ និងអ្វីដែលសំខាន់នោះ គឺ វីជេ អាណូ ចង់វិលចូលសិល្បៈវិញ ប៉ុន្តែមិនត្រូវបានផ្ដល់ឱកាស និងថែមទាំងរងការប្រមាថមើលងាយមិនឲ្យតម្លៃពីបុគ្គលមួយចំនួន»៕

អត្ថបទ ៖ ចាន់រ៉ា

The post ម៉ា ដូណា ស្នើបណ្ដាញសារព័ត៌មានក្នុងស្រុកចុះផ្សាយលើកទឹកចិត្ត វីជេ អាណូ ជៀសវាងប៉ះពាល់ផ្លូវចិត្ត appeared first on Kampuchea Thmey Daily.

ម៉ា ដូណា បញ្ជាក់ស្ថានភាព វីជេ អាណូ ក្រោយចូលសង្គ្រោះបន្ទាន់ នៅមន្ទីរពេទ្យកាល់ម៉ែត

អ៊ិន ពិសី — Mon, 14 Aug 2023 04:49:09 +0000

ជុំវិញស្ថានភាព វីជេ អាណូ តារាសម្ដែងលោក ម៉ា ដូណា បញ្ជាក់ប្រាប់ “កម្ពុជាថ្មី” តាមរយៈសារអេឡិចត្រូនិក នៅព្រឹកនេះថា បច្ចុប្បន្ននាងកំពុងស្ថិតក្នុងការសង្គ្រោះពីសំណាក់ក្រុមគ្រូពេទ្យ បន្ទាប់ពីចាក់ប៉ងសម្លាប់ខ្លួនឯង កាលពីយប់ថ្ងៃទី ១៣ សីហា ម្សិលមិញ ដោយសារបញ្ហារងសម្ពាធផ្លូវចិត្តធ្ងន់ធ្ងរ។

លោក ម៉ា ដូណា បានបញ្ជាក់ថា សម្រាប់ស្ថានភាព វីជេ អាណូ ពេលនេះ គឺមានការឈឺចុកចាប់ខ្លាំង បន្ទាប់ពីគាត់ចាក់ខ្លួនឯងបណ្ដាលឲ្យរងរបួសជ្រៅ ដែលប៉ះពាល់ដល់ប្រព័ន្ធខាងក្នុងខ្លួន។ លោកថា រឿងដែលកើតឡើងនេះអាចបណ្ដាលមកពីបញ្ហានៅក្នុងគ្រួសារ បញ្ហាបំណុលខ្លះ និងអ្វីដែលសំខាន់នោះគឺ វីជេ អាណូ ចង់វិលចូលសិល្បៈវិញ ប៉ុន្តែមិនត្រូវបានផ្ដល់ឱកាស និងថែមទាំងរងការប្រមាថមើលងាយមិនឲ្យតម្លៃពីបុគ្គលមួយចំនួនទៀតផង។

តារាសម្ដែង ម៉ា ដូណា ដែលបានទៅដល់ផ្ទាល់នៅមន្ទីពេទ្យបាននិយាយទៀតថា អាការ វីជេ អាណូ ពេលនេះ មានលក្ខណៈធ្ងន់ធ្ងរនៅឡើយ ព្រោះរបួសដែលចាក់នោះមានសភាពមុតជ្រៅ ប៉ះពាល់ដល់ពោះវៀន ដូច្នេះត្រូវការព្យាបាលយ៉ាងយកចិត្តទុកដាក់សិន។

លោក ម៉ា ដូណា ក៏បានអំពាវនាវសិល្បករ-សិល្បការិនី និងមហាជន ផ្ដល់ការលើកទឹកចិត្ត និងចូលរួមឧបត្ថម្ភតាមលទ្ធភាព ដើម្បីជួយសម្រួលដល់ការព្យាបាលនាពេលនេះ។

សូមជម្រាបថា មហាជនអ្នកគាំទ្រ បង្ហាញការភ្ញាក់ផ្អើល និងព្រួយបារម្ភគ្រប់គ្នា បន្ទាប់ពីអតីតតារាចម្រៀងអ្នកនាង សួន ភក្ដី ហៅ វីជេ អាណូ បានធ្វើការឡាយវីដេអូរៀបរាប់ពីទុក្ខសោកដែលនាងកំពុងតែជួបបញ្ហាផ្លូវចិត្តធ្ងន់ធ្ងរ។ ក្នុងនោះ វីជេ អាណូ ថែមទាំងមានកាំបិតនៅក្នុងដៃប៉ុនប៉ងចាក់សម្លាប់ខ្លួនឯងទៀតផង៕

អត្ថបទ ៖ ចាន់រ៉ា

The post ម៉ា ដូណា បញ្ជាក់ស្ថានភាព វីជេ អាណូ ក្រោយចូលសង្គ្រោះបន្ទាន់ នៅមន្ទីរពេទ្យកាល់ម៉ែត appeared first on Kampuchea Thmey Daily.

វីជេ អាណូ ត្រូវបានបញ្ជូនសង្គ្រោះបន្ទាន់នៅមន្ទីរពេទ្យកាល់ម៉ែត ក្រោយប៉ងបញ្ចប់ជីវិត

អ៊ិន ពិសី — Mon, 14 Aug 2023 02:35:20 +0000

អតីតតារាចម្រៀងអ្នកនាង សួន ភក្ដី ហៅ វីជេ អាណូ ត្រូវបានបញ្ជូនទៅសង្គ្រោះបន្ទាន់នៅមន្ទីរពេទ្យកាល់ម៉ែត បន្ទាប់ពីនាងប៉ងបញ្ចប់ជីវិតខ្លួនឯង កាលពីយប់ថ្ងៃទី ១៣ ខែសីហា ឆ្នាំ ២០២៣ យប់មិញ ដោយសារវិបត្តិរងសម្ពាធផ្លូវចិត្តធ្ងន់ធ្ងរ។

បើតាមតារាភេទទី ៣ លោក ម៉ា ដូណា បានបញ្ជាក់ថា «វីជេ អាណូ ពេលនេះ ត្រូវបានបញ្ជូនចូលសង្គ្រោះនៅមន្ទីរពេទ្យកាល់ម៉ែតហើយ»។ លោកបន្តថា «មកដល់កាល់ម៉ែតហើយ ឃើញហើយពិតជាមិនយល់ ហេតុអ្វីដល់ថ្នាក់ហ្នឹង សង្ឃឹម និងយល់ពីគាត់ផង និងផ្ដល់ឱកាសឲ្យគាត់បានរស់ផង សុំចិត្តកុំទាន់ដាក់សម្ពាធគាត់»។

តារាសម្ដែងភេទទី ៣ លោក ម៉ា ដូណា បានស្នើដល់សិល្បៈ និងបណ្ដាអ្នកសារព័ត៌មានដែរថា «សូមអំពាវនាវដល់បងប្អូន និងសិល្បៈ ជួយគាត់តាមសិទ្ធា សុំចិត្តអ្នកសារព័ត៌មានកុំទាន់អាលមកសម្ភាសន៍គាត់នៅពេលនេះ ព្រោះគាត់មានបញ្ហាផ្លូវចិត្តធ្ងន់ធ្ងរ»។

ដោយឡែកបើតាម វីជេ អាណូ បាននិយាយថា «ខ្ញុំរងសម្ពាធ ខ្ញុំទៅមុខទៀតអត់រួចសោះ ខ្ញុំអត់សមធ្វើជាម្ដាយគេទេ ខ្ញុំពិបាកក្នុងខ្លួនខ្លាំងណាស់ ហេតុអ្វីខ្ញុំមកជួបរឿងបែបនេះ… ប៉ុន្មានថ្ងៃនេះខ្ញុំខំទៅរកការងារធ្វើ តែរងពាក្យមើលងាយថា មីនឹងវាចេញមកទៀតហើយ ពេលមានបញ្ហាវារត់រកឲ្យគេជួយ.. ខ្ញុំខំប្រឹងដោយកម្លាំងខ្លួនឯងហើយ គ្រាន់តែចង់រកស៊ីចិញ្ចឹមកូនហេតុអ្វីក៏ខ្ញុំត្រូវរងពាក្យសម្ដីប្រមាថមើលងាយច្រើនយ៉ាងនេះ?»។ អ្នកនាង បន្តថា ហេតុអ្វីត្រូវរងសម្ពាធដូច្នេះ ហើយចាំបាច់និយាយពាក្យអសុរោះ ហៅអញ ងែងៗ ទើបធ្វើឲ្យនាងទទួលយកមិនបានដែលដក់ជាប់នៅក្នុងខួរក្បាលតែម្ដង។

វីជេ អាណូ បញ្ជាក់ថា ព្រោះតែការរងនូវសម្ពាធផ្លូវចិត្តខ្លាំងទើបបានជាលែងចង់រស់តទៅទៀត ខណៈនាងថា កន្លងមកខ្លួនធ្លាប់ប៉ងសម្លាប់ខ្លួន ២ ដងរួចមកហើយ ដោយការលេបថ្នាំ និងចង.ក ប៉ុន្តែអត់ស្លាប់៕

អត្ថបទ ៖ ចាន់រ៉ា

The post វីជេ អាណូ ត្រូវបានបញ្ជូនសង្គ្រោះបន្ទាន់នៅមន្ទីរពេទ្យកាល់ម៉ែត ក្រោយប៉ងបញ្ចប់ជីវិត appeared first on Kampuchea Thmey Daily.