ជាការពិត នៅលើបណ្តាញសង្គមហ្វេសប៊ុករបស់តារាចម្រៀងកញ្ញា វី ឌីណែត ដែលជាកូនស្រីបង្កើតតារាចម្រៀងជើងចាស់សំឡេងស្អកល្បីឈ្មោះលោក ហួរ ឡាវី កាលពីល្ងាចថ្ងៃទី០៩ ខែកក្កដា ឆ្នាំ២០២៥ បានទម្លាយរូបភាពជាច្រើនសន្លឹកដោយបង្ហាញពីស្នាមរបួសលើដងខ្លួន កំឡុងពេលចាប់ផ្តើមចូលហ្វឹកហាត់លើកដំបូងរបស់ខ្លួន។

កញ្ញា វី ឌីណែត បានសរសេររៀបរាប់ដោយឆន្ទ:មោះមុតថា “ស្គាល់ហើយ ដឹងហើយ ឭហើយឃើញហើយ ជួបហើយទោះជាយ៉ាងណា នាងខ្ញុំត្រូវតែស៊ូទ្រាំបន្តទៀតដើម្បីការងារមួយនេះ”។ ដោយឃើញរូបភាពបែបនេះ មានអ្នកគាំទ្រមួយចំនួន បានបង្ហាញការលើកទឹកចិត្តដើម្បីឲ្យនាងខិតខំប្រឹងហ្វឹកហាត់រហូតទទួលបានជោគជ័យ។

ជាមួយគ្នានោះដែរ ក៏មានមហាជននិងអ្នកគាំទ្រតារាចម្រៀងរូបនេះ បានកោតសរសើរចំពោះឆន្ទ:និងការលះបង់តាមរយ:ការស្ម័គ្រចិត្តចូលហាត់ទាហាន ដើម្បីរួមចំណែកការពារជាតិដោយមិនខ្លាចខូចសម្រស់ ឬគ្រោះថ្នាក់ពីសំណាក់តារាស្រីរូបនេះផងដែរ។ ទង្វើនេះ អាចចាត់ទុកថាជាគំរូល្អមួយសម្រាប់យុវជនខ្មែរ និងអ្នកសិល្ប:ឯទៀតផងដែរ៕ អត្ថបទ៖ ចាន់រ៉ា

The post ពីដៃកាន់មេក្រូបង្អួតសំនៀង! វី ឌីណែត ទម្លាយរូបភាពក្រោយហ្វឹកហាត់ក្នុងជួរទាហាន ជាមួយឆន្ទ:ស្នេហាជាតិ appeared first on Kampuchea Thmey Daily.

ការ​ប្រកាស​របស់​តារា​ចម្រៀង កញ្ញា វី ឌីណែត ពេលនេះ បាន​ធ្វើ​ឲ្យ​មហាជន និង​អ្នកគាំទ្រ​មួយ​ចំនួន កើត​ចម្ងល់ និង​សួរនាំ​ពី​មូលហេតុ​គ្រប់គ្នា​ថា តើ​នាង​មាន​បញ្ហា​អ្វី​ទើបបាន​និយាយ​ដូច្នេះ​?។ ចំណែក​ខ្លះ​ទៀត ហាក់​បង្ហាញ​ការ​ព្រួយបារម្ភ និង​លើកទឹកចិត្ត​ដល់​តារា​ចម្រៀង​ស្រី​រូប​នេះ​ផង​ដែរ។

ផ្អែក​តាម​ខ្លឹមសារ​របស់​តារា​ចម្រៀង​វ័យ​ក្មេង​ដែល​ជា​កូន​បង្កើត​លោកគ្រូ ហួរ ឡាវី គឺ កញ្ញា វី ឌីណែត បាន​លើក​ឡើង​ថា «បើ​នៅ​លើ​លោក​នេះ​លែង​មាន វី ឌីណែត តើ​អ្នក​ទាំងអស់​គ្នា​នឹក​ខ្ញុំ​ទេ?»។ ការ​បង្ហោះ​នេះ​បាន​ធ្វើ​ឲ្យ​អ្នក​គាំទ្រ​បង្ហាញ​ក្តី​បារម្ភ និង​សួរនាំ​គ្រប់គ្នា​ចំពោះ​ខ្លឹមសារ​ដែល​តារា​ស្រី​រូប​នេះ​បាន​បង្ហោះ​ជា​សាធារណៈ។

ជុំវិញ​រឿងរ៉ាវ​ខាងលើ​នេះ កម្ពុជា​ថ្មី នៅ​ព្រឹក​ថ្ងៃ​ទី ១៦ ខែ​ឧសភា ឆ្នាំ ២០២៣ នេះ មិន​អាច​សូម​ការ​បកស្រាយ​ពី​កញ្ញា វី ឌីណែត បាន​ទេ។ ប៉ុន្តែ​បើ​ចាប់អារម្មណ៍​នៅ​លើ​បណ្ដាញ​សង្គម​តារា​ស្រី​រូប​នេះ ក្រោយ​ការ​បង្ហោះ​មួយ​សន្ទុះ ក៏បាន​លុបចោល​ខ្លឹមសារ​ខាងលើ​នេះ​វិញ​ផង​ដែរ៕

អត្ថបទ ៖ ចាន់រ៉ា

The post វី ឌីណែត ៖ «បើលែងមានខ្ញុំ តើអ្នកទាំងអស់គ្នានឹកខ្ញុំទេ»? appeared first on Kampuchea Thmey Daily.

តារាស្រីកញ្ញា វី ឌីណែត បាននិយាយទៀតថា ចំពោះជំងឺដែលនាងកំពុងជួបប្រទះនោះ គឺជាជំងឺពកបំពង់ ក ហើយជំងឺនេះបានចាប់ផ្តើមពិនិត្យឃើញបន្ទាប់ពីនាងព្យាបាលជាសះស្បើយជំងឺកូវីដ-១៩។ នាងបន្តថា ក្រោយពិនិត្យដឹងថា ខ្លួនបានកើតជំងឺនេះភ្លាមៗនោះ នាងហាក់មានអារម្មណ៍តក់ស្លុតនិងបាកទឹកចិត្តជាថ្មី។

វី ឌីណែត រៀបរាប់បន្តទៀតថា ក្រោយពេលពិនិត្យឃើញជំងឺខាងលើ គឺក្រុមគ្រូពេទ្យប្រាប់ឲ្យនាងត្រូវប្រើ(លេប)ថ្នាំពេញមួយជីវិតតែម្តង ព្រោះបើមិនដូច្នេះ គឺវាបណ្តាលឲ្យកើតកាន់ធំ ឬអាចវិវឌ្ឍន៍ទៅជាលានភ្នែកជាដើម។ ម្យ៉ាងទៀតបើសិនជាវះកាត់ គឺបណ្តាលឲ្យខូចសម្លេង៥០ភាគរយផងដែរ។

តារាចម្រៀងកញ្ញា វី ឌីណែត បានបន្ថែមថា ចាប់តាំងពីនាងពិនិត្យឃើញមានកើតជំងឺនេះ គឺក្នុងចិត្តនាងហាក់កើតមានសម្ពាធផ្លូវចិត្តមួយទៀតព្រោះរាល់ថ្ងៃនាងរស់ដោយសារសម្លេងហើយវាបែរមកកើតជំងឺចំកន្លែងបំពង់សម្លេងតែម្តង៕

អត្ថបទ៖ ចាន់រ៉ា

The post វី ឌីណែត កើតជំងឺម្យ៉ាងក្រោយជាសះស្បើយ​ពីកូវីដ ដែលពេទ្យតម្រូវឲ្យលេបថ្នាំពេញមួយជីវិត appeared first on Kampuchea Thmey Daily.

ការប្រកាសរបស់តារាចម្រៀងកញ្ញា វី ឌីណែត ពេលនោះបានធ្វើឲ្យមហាជន និងអ្នកគាំទ្រមួយចំនួនកើតជាចម្ងល់ និងសួរនាំពីមូលហេតុគ្រប់គ្នាថា តើនាងឈប់ពីសិល្ប:មែនឬទេ?។ ចំណែកខ្លះទៀតហាត់មិនជឿនោះទេថា នាងដើរចេញនោះព្រោះមិនទាន់មានការបកស្រាយលម្អិតហើយស្ថិតក្នុងតាមដានព្រោះកាលនោះពុំមានដំណឹងជាក់លាក់ណាមួយដែលជឿទុកចិត្តបាន។

ដោយឡែយស្រាប់តែមួយរយ:ចុងក្រោយនេះ កត់សម្គាល់ឃើញថា កូនស្រីសំណព្វចិត្តរបស់តារាជើងចាស់លោកគ្រូ ហួ ឡាវី គឺតារាចម្រៀង វី ឌីណែត នៅបន្ដច្រៀងសម្ដែងជាធម្មតាទាំងនៅផលិតកម្មហង្សមាស និងការប្រគុំតន្រ្តីនានា។ ការបង្ហាញវត្តមាននេះត្រូវបានអ្នកគាំទ្រយល់ថា វី ឌីឡែត អាចមិនដាច់អាល័យពីអាជីពចាស់មួយនេះដែលខ្លួនខំសាងកេរ្តិ៍ឈ្មោះច្រើនឆ្នាំមកហើយ។

ពាក់ព័ន្ធដំណឹងនេះដែរ កម្ពុជាថ្មី នៅរសៀលថ្ងៃទី០៧ ខែកក្កដា ឆ្នាំ២០២២នេះ មិនអាចទាក់ទងដើម្បីសូមការសួរនាំពីកញ្ញា វី ឌីណែត បាននៅឡើយទេ ។ ប៉ុន្តែតាមរយៈសកម្មភាពចុងក្រោយនេះគេឃើញ ឌីណែត នៅតែចេញច្រៀងជាធម្មតា។

សូមបញ្ជាក់ថា វី ឌីណែត ជាតារាចម្រៀងវ័យក្មេងម្នាក់ដែលត្រូវបានមហាជនទទួលស្គាល់ថា នាងមានសម្ថភាពមិនក្រោមតារាស្រីរួមអាជីពផ្សេងៗទៀតឡើយ។

យ៉ាងណាក្តី ចាប់តាំងពីអ្នកម្ដាយជាទីស្រលាញ់ គឺអ្នកស្រី ងួន សុផាន់នី បានទទួលមរណភាពដោយសារជំងឺកូវីដ-១៩កាលពីថ្ងៃទី១៩ ខែមីនា ឆ្នាំ២០២១ គេឃើញ វី ឌីណែត ហាក់បាក់ទឹកចិត្តហើយអារម្មណ៍នាងនៅតែអាលោះអាល័យដល់ម្ដាយជាពន់ពេកបើទោះជាលោក ឡាវី ដែលជាឪពុកតែងតែព្យាយាមលួងលោមនាងយ៉ាងណាក៏ដោយ៕

អត្ថបទ៖ ចាន់រ៉ា

The post វី ឌីណែត មិនទាន់ដាច់អាល័យពីសិល្ប: appeared first on Kampuchea Thmey Daily.

​ថ្វីត្បិតតែ​ពេលនេះ​អ្នក​ម្តាយ​ជាទី​ស្រលាញ់​របស់​កញ្ញា វី ឌី​ណែ​ត នឹង​ត្រូវជា​ភរិយា​របស់​លោកគ្រូ ហួរ ឡា​វី​ បាន​លាចាក​ឆ្ងាយ​ពី​គ្រួសារ​មាន​រយៈពេល ​១ ​ឆ្នាំ​ហើយ​ពិតមែន​ ប៉ុន្តែ​សម្រាប់​ទំហំ​ទឹកចិត្ត​នៃ​ការ​នឹក​ស្រលាញ់​របស់​កូនៗ​ក៏ដូចជា​ក្រុមគ្រួសារ​ទាំងមូល​នៅ​មិនទាន់​បំភ្លេច​បានឡើយ​។​

​ជាក់ស្តែង​តារាចម្រៀង វី ឌី​ណែ​ត កាលពី​ព្រលប់​ថ្ងៃទី​ ២៣​ ខែមីនា ​ឆ្នាំ​ ២០២២ ​ម្សិលមិញ​នាង​បាន​បង្ហោះ​វីដេអូ​ភ្ជាប់​ការរៀបរាប់​ដូច្នេះ​ថា ​ម៉ាក់​ហា​ ពេលនេះ​ម៉ាក់​បានមក​កន្លែង​ម៉ាក់​ចង់​មក​ហើយ​កូន​បាន​បំពេញ​បំណង​ម៉ាក់​ហើយ ​សូម​វិញ្ញាណក្ខន្ធ​ម៉ាក់​ទៅដល់​ទី​ស្ងប់​សុខ​ចុះ​កូន​នឹក​ម៉ាក់​។​

​វី ឌី​ណែ​ត និយាយទៀតថា ​មួយឆ្នាំ​ហើ​យ​ដែល​ម៉ាក់​ទៅ​ចោល​កូនៗ​នឹង​ស្វាមី​។​ ម៉ាក់​ទៅ​ហើយ​គ្មាន​ថ្ងៃ​ត្រឡប់​ម៉ាក់​ទៅដោយ​គ្មាន​ធម៌​អាថ៌​ជាប់​ខ្លួន​ម៉ាក់​ទៅដោយ​មិនឲ្យ​កូន​ឃើញ​មុខ​លើក​ចុងក្រោយ​។​សូម​ឲ្យ​ផល​បុណ្យ​ទាំងឡាយ​ដែល​កូន​បាន​ធ្វើ បាន​ដល់​អ្នក​ម្ដាយ ងួន សុ​ផានី សូមឲ្យ​អ្នក​ម្ដាយ​បាន​ដល់​នូវ​សេចក្ដីសុខ​ចុះ​។​

​គួ​ររម្លឹកថា ​កាលពី​ ១ ​ឆ្នាំ​កន្លងទៅ​តារាចម្រៀង​វ័យក្មេង​កញ្ញា វី ឌី​ណែ​ត និង​ក្រុមគ្រួសារ​បាន​ជួប​ទុក្ខ​ជាទ​ម្ងន់​ ព្រោះ​អ្នក​ម្ដាយ​ជាទី​ស្រឡាញ់​បានទទួល​មរណភាព​កាលពី​ថ្ងៃទី​ ១៩ ​ខែមីនា​ ឆ្នាំ​ ២០២១ ​ក្នុង​ជន្មាយុ ៦២ ​ឆ្នាំ​ ដោយសារតែ​ជំងឺ​កូ​វីដ​-១៩​។​ ការស្លាប់​ម្តាយតារា​ស្រី វី ឌី​ណែ​ត​ បានធ្វើ​ឲ្យ​មហាជន​មានការ​សោក​ស្តាយ​ និង​ចូលរួម​រំលែក​នូវ​មរណទុក្ខ​ដ៏​ក្រៀមក្រំ​នេះ​ផងដែរ​៕

អត្ថបទ៖ ចាន់​រ៉ា​

The post វី ឌីណែត នៅតែមិនទាន់កាត់ចិត្តក្រោយម្តាយចែកឋាន ១ ឆ្នាំ appeared first on Kampuchea Thmey Daily.

​ការប្រកាស​របស់​តារាចម្រៀង​កញ្ញា វី ឌី​ណែ​ត ពេល​នេះ​បានធ្វើ​ឲ្យ​មហាជន​និង​អ្នកគាំទ្រ​មួយចំនួន​កើត​ចម្ងល់​ និង​សួរនាំ​ពី​មូលហេតុ​គ្រប់គ្នា​ថា ​តើ​នាង​ឈប់​ពី​សិល្បៈមែន​ឬទេ​?​។ ​ចំណែក​ខ្លះទៀត​ហាក់មិន​ជឿ​នោះទេ​ថា ​នាង​ដើរចេញ​នោះ​ព្រោះ​មិនទាន់មាន​ការបកស្រាយ​លម្អិត​ហើយ​កំពុង​តាមដាន​ដំណឹ​ង​ជាក់លាក់​ណាមួយ​ដែល​ជឿទុកចិត្ត​បាន​។​

​កញ្ញា វី ឌី​ណែ​ត បាន​សរសេរ​នៅលើ​ហ្វេ​ស​ប៊ុ​ក​ផ្ទាល់​ខ្លួន​ថា ​តិច​ទៀត​ឈប់​ច្រៀង​ហើយ​។​ នាង​បានបញ្ជាក់​បន្ថែមថា ​អា​រឿង​ឈប់​នឹង​ឈប់​ហើ​យ​តែ​រឿង​ក្លាយជា​អី​ផ្សេង​អត់​ដឹងអី​ទេ​។​យ៉ាងណាមិញ​គេ​នៅ​មិនទាន់​ដឹង​ច្បាស់​នៅឡើយ​ទេ​ថា ​ការប្រកាស​បែបនេះ​ពី​កញ្ញា វី ឌី​ណែ​ត នាពេលនេះ​ជាការ​លេង​សើច​ ឬ​ជាការ​ពិត ​ខណៈពេលដែល​មានការ​ជជីកសួរ​ពី​អ្នកគាំទ្រ​ ប៉ុន្តែ​នាង​នៅ​មិនទាន់មាន​ការឆ្លើយ​ណាមួយ​ឡើយ​។

​ដោយឡែក​បើ​ក្រឡេក​ទៅ​មើល​ការខំ​មិន​ពី​តា​រាចម្រៀ​ង​រួម​ទ្រនំ​ គឺ​កញ្ញា ឈិន ម៉ា​និ​ច ដែល​បា​នសសេរ​ក្រោម​សារ​ដែល វី ឌី​ណែ​ត បាន​បង្ហោះ​គឺ​បាន​ពោល​ពាក្យ​យ៉ាង​ចាក់​ដោត​ថា ចា៎ លោកជំទាវ ម៉េចៗ​មើល​ឯង​ផង​ណាស់ ណ​ប់​ក្នុងពេលដែល វី ឌី​ណែ​ត ត្រឹមតែ​បាន​ឆ្លើយតប​យ៉ាងខ្លី​ថា ចេះ​ថា​ម៉ ង​។​

​ដោយសារតែ​ហេតុផល​នេះហើយ ​ទើប​ធ្វើឲ្យក រ​សង្ស័យថា ​តើ វី ឌី​ណែ​ត ពិត​មាន​គម្រោង​សាង​គ្រួសារ​ឆាប់ៗ​ហើយ​ទើប​បញ្ចប់​អាជីព​សិល្បៈចម្រៀងរបស់​នាង​នាពេល​ដ៏​ខ្លី​ខាងមុខនេះ ​ឬ​យ៉ាងណា ។ ​ជុំវិញ​ព័ត៌មាន​ខាងលើនេះ ​មិនទាន់​អាច​ស្វែងរក​ការ​បំភ្លឺ​ពី​កញ្ញា វី ឌី​ណែ​ត បាន​នៅឡើយ​ទេ​ នា​ព្រឹក​ថ្ងៃទី ១៤​ ខែមករា ​ឆ្នាំ​ ២០២១ ​នេះ​៕

អត្ថបទ៖ ចាន់​រ៉ា​

The post វី ឌីណែត ប្រកាសត្រៀមដកខ្លួនចេញពីសិល្បៈ ដើម្បីក្លាយខ្លួនទៅជាជំទាវ? appeared first on Kampuchea Thmey Daily.

​ជាការ​ពិត​ចំពោះ​ការបាត់បង់​មនុស្ស​ជាទី​ស្រលាញ់​ ចេញពី​ក្រុមគ្រួសារ​ពិតជា​ធ្វើ​ឲ្យ​ពួកគេ​មានការ​សោក​ស្តាយ​និង​អាឡោះអាល័យ​ខ្លាំង​បំផុត​។​ ម្យ៉ាង​ការបាត់បង់​នេះ ​គឺ​ស្រប​ពេលដែល​បញ្ហា​ជំងឺ​កូ​វីដ​-១៩​កំពុង​រាតត្បាត​ ដែល​ធ្វើ​ឲ្យ​ពួកគេ​ពិបាក​ក្នុង​ការ​រៀប​ចំ​ពិធី​បុណ្យ​សព​ផងដែរ​ ព្រោះ​ដើម្បី​ចូលរួម​តាម​ការណែ​នាំ​និង​ទប់ស្កាត់​ការ​ឆ្លង​ជំងឺ​ដ៏​កាច​សាហាវ​នេះ។​

​ចំពោះ​តារា​ប្រុស​-​ស្រី​ទាំង​៥​រូប​ដែល​ជួប​ទុក្ខ​នោះ​រួមមាន​,

១. ​តារាចម្រៀង​ទ្រនំ​ហង្ស​មាស ក​ញ្ញា វី ឌី​ណែ​ត​ និង​ក្រុម​គ្រួសារ​ បាន​ជួប​ទុក្ខ​ជា​ទម្ងន់​ដោយសារ​អ្នក​ម្ដាយ​ជាទី​ស្រឡាញ់​ បាន​ទទួល​មរណភាព​កាលពី​ថ្ងៃទី​១៩​ ខែ​មីនា ​ឆ្នាំ​២០២១ ​ក្នុង​ជន្មាយុ​៦២​ឆ្នាំ​ ដោយសារ​តែ​ជំងឺ​កូ​វីដ​-១៩​។​

២. តារា​កំប្លែង​កញ្ញា ស្រី ពីន ​បានជួបទុក្ខធំ និង​ក្រៀម​ក្រំ​កាលពី​ថ្ងៃ​ទី​២៣​ ខែមីនា ឆ្នាំ​២០២១​ ខណៈ​អ្នកម្ដាយ​ជាទី​ស្រឡាញ់​របស់​នាង​ បាន​ទទួល​មរណភាព​ ក្នុង​ជន្មាយុ​៦២ឆ្នាំ​ ដោយសារ ជំងឺកូវីដ-១៩។

៣. តារា​សម្ដែង វ៉ាង ស្រីណូ បានជួបទុក្ខយ៉ាងក្រៀម​ក្រំ​ជាទីបំផុត​ ព្រោះ​លោក​ឪពុក​ជាទី​ស្រឡាញ់​ បាន​ទទួលមរណភាព កាលពីយប់ថ្ងៃទី០១​ ខែមេសា ឆ្នាំ២០២១​ ដោយ​រោគាពាធ​។​

៤. ​តារា​សម្ដែង​កញ្ញា​ គៀត សុវណ្ណា​ឡាង បានជួបទុក្ខ​ធំ​ដូចគ្នា​ ខណៈលោកឪពុកជាទីស្រឡាញ់ បាន​ទទួល​មរណភាព​ កាលពី​ថ្ងៃ​ទី​៣០​ ខែ​មេសា ​ឆ្នាំ​២០២១ ​ក្នុងជន្មាយុ៥០ឆ្នាំ ដោយលោក​ឪពុក របស់នាង ​មាន​ជំងឺកៀបសរសៃឆ្អឹងខ្នង​។​

៥. តារាចម្រៀង​ប្រុស​លោក ឆន សុវណ្ណ​រាជ ក៏បាន​ជួប​ទុក្ខ​ធំ​ក្នុង​គ្រួសារ​ដូចគ្នា ​ខណៈអ្នក​ម្តាយ​ជាទី​ស្រលាញ់​ បានទទួល​មរណភាព​ កាលពី​ថ្ងៃ​ទី​២៣ ​ខែឧសភា ​ឆ្នាំ​២០២១​។​ បើ​តាម​ការបញ្ជាក់​ម្តាយ​របស់​តារា​ចម្រៀង​លោក ឆន សុវណ្ណ​រាជ​បាន​ទទួល​មរណភាព ​ដោយសារ​ជំងឺលើសឈាម​និង​គាំងបេះដូង​។​

​ជា​ការ​កត់សម្គាល់​តាម​រយៈ​ដំណឹង​នៃ​មរណទុក្ខ​ដ៏​ក្រៀមក្រំ​នេះ ​គេ​ឃើញ​មាន​មិត្តភក្តិ​សិល្បៈ ដែល​ស្និទ្ធ​ជាមួយ​តារា​ចម្រៀង​និង​សម្តែង​ប្រុស​-​ស្រី​ល្បីៗ​ទាំងនោះ បាន​សម្តែង​ការចូលរួម​រំលែក​ទុក្ខ​ដ៏​សោកសៅ​និង​ក្រៀមក្រំ​នេះ​គ្រ​ប់ៗ​គ្នា​ផង​ដែរ​៕

អត្ថបទ៖ ចាន់​រ៉ា

សូមចុចអាន៖ ​មក​ស្គាល់​ថៅកែ​ម្ចាស់​សណ្ឋាគារ​សមុទ្រមាស ដែល​ដាក់​បង្កប់​កាមេរ៉ា​ក្នុង​បន្ទប់​សណ្ឋាគារ​នៅ​ព្រះសីហនុ

The post តារា​ប្រុស​-​ស្រី​ល្បីៗ​៥​រូប ​ជួប​ទុក្ខ​ធំ​អំឡុង​ជំងឺ​កូ​វីដ​រាតត្បាត​ appeared first on Kampuchea Thmey Daily.

តាមការកត់សម្គាល់ កញ្ញា វី ឌីណែត ក្រោយពេលបានជាសះស្បើយជំងឺកូវីដហើយបានត្រលប់ទៅផ្ទះវិញគេឃើញទឹកមុខរបស់នាងគឺមានភាពស្រស់ថ្លាជាពេលមុនៗបន្តិច។ ប៉ុន្តែសម្រាប់គីឡូ វី ឌីណែត ហាក់មានការប្រប្រួលច្រើន (ស្រកសាច់) ខុសប្លែងជាងកាលមិនទាន់ធ្លាក់ខ្លួនឈឺ។

ជាក់ស្តែងបើចាប់អារម្មណ៍មកមើលលើរូបភាពរបស់ វី ឌីណែត ប្រមាណ៣សន្លឹកទើបបង្ហោះថ្មីៗនេះត្រូវបានអ្នកគាំទ្រយល់ថានាងពិតជាស្រកចុះគីឡូច្រើន បើប្រៀបធាបកាលពីគ្រាមុនៗ។ ទោះបីជាមានការលើកឡើងបែបនេះក្តីតែ វី ឌីណែត បានរក្សាជំហខ្លួនឯងត្រូវតែរឹងមាំ។

កញ្ញា វី ឌីណែត លើកឡើងថា កេីតមកមានរូបគឺមានទុក្ខអ្នកម៉ែតែងតែប្រាប់បែបនេះរហូតមកកូន។ អញ្ចឹងហេីយទោះជាមានរឿងអ្វីកេីតឡេីងក៏ដោយយេីងត្រូវតែរឹងមាំញញឹមរក្សាជំហរដេីម្បីបន្តដំណេីរទៅមុខទៀត។ ជាមួយគ្នានេះក៏មានការជួនពរហើយលើកទឹកចិត្តដល់ វី ឌីណែត ត្រូវតែមានភាពរឹងមាំផងដែរ៕

អត្ថបទ៖ ចាន់រ៉ា

The post តារាចម្រៀងវ័យក្មេង វី ឌីណែត ហាក់ស្រកសាច់ជាងមុន ក្រោយជាសះស្បើយពីជំងឺកូវីដ១៩ appeared first on Kampuchea Thmey Daily.