វេជ្ជបណ្ឌិត សុខ ប៉ូ Archives - Kampuchea Thmey Daily

ជាង ១ ខែ មជ្ឈមណ្ឌលជាតិផ្តល់ឈាម ទទួលបានអំណោយឈាម ៧ ពាន់ប្លោក កើនឡើងជិត ៤០%

អ៊ិន ពិសី — Tue, 12 Aug 2025 08:02:29 +0000

នៅក្នុងរយៈពេលជាង ១ ខែនេះ មជ្ឈមណ្ឌលជាតិផ្តល់ឈាម ទទួលបានអំណោយឈាមប្រមាណ ៧ ពាន់ប្លោក កើនឡើងជិត ៤០% ដែលធ្វើឱ្យមជ្ឈមណ្ឌលមានស្តុកឈាមគ្រប់គ្រាន់ក្នុងការជួយសង្គ្រោះដល់ជនរងគ្រោះ។

លោកវេជ្ជបណ្ឌិត សុខ ប៉ូ ប្រធានមជ្ឈមណ្ឌលជាតិផ្តល់ឈាម បានមានប្រសាសន៍នៅរសៀលថ្ងៃទី ១២ សីហា នេះថា ចាប់តាំងពីខែកក្កដា រហូតដល់ដើមខែសីហា ឆ្នាំ ២០២៥ នេះ មជ្ឈមណ្ឌលជាតិ បានទទួលអំណោយឈាមប្រមាណពី ៦ ទៅ ៧ ពាន់ប្លោក មានកំណើនជិត ៤០% ដែលបានជួយសម្រួលក្នុងការផ្តល់ឈាមបានលឿន ដើម្បីជួយសង្គ្រោះដល់ជនរងគ្រោះដែលត្រូវការឈាមជាចាំបាច់ ពិសេសចូលរួមកាត់បន្ថយការបូមឈាមជំនួសពីសំណាក់បងប្អូនសាច់ញាតិរបស់អ្នកជំងឺបានមួយកម្រិត ខណៈមានអ្នករង់ចាំបរិច្ចាគឈាមជិត ២ ម៉ឺននាក់ទៀត មានឈ្មោះនៅក្នុងបញ្ជីបរិច្ចាគឈាមរួចជាស្រេច ពេលមានតម្រូវការបន្ទាន់ យើងនឹងអញ្ជើញពួកគាត់ចូលរួមបរិច្ចាគឈាមបានគ្រប់ពេលវេលា។

លោកវេជ្ជបណ្ឌិត បានបន្តថា ការកើនឡើង នៃចំនួនអ្នកបរិច្ចាគឈាមនេះ បន្ទាប់ពីប្រទេសកម្ពុជារងការឈ្លានពានពីសំណាក់ប្រទេសថៃ ធ្វើឱ្យប្រជាពលរដ្ឋខ្មែរក្មេងចាស់ប្រុសស្រី រួមទាំងព្រះសង្ឃស្ម័គ្រចិត្តចូលរួមបរិច្ចាគឈាមយ៉ាងផុសផុល ដើម្បីត្រៀមនៅពេលមានតម្រូវការឈាមជាបន្ទាន់ ពិសេសបង្ហាញការគាំទ្រដល់កងទ័ពជួរមុខកម្ពុជាដែលកំពុងប្រយុទ្ធការពារទឹកដីកម្ពុជា។

លោកវេជ្ជបណ្ឌិត សុខ ប៉ូ បានបន្ថែមថា «ទោះបីជាបច្ចុប្បន្នកំណើនអ្នកចូលរួមបរិច្ចាគឈាមកើនក៏ដោយ តែខ្ញុំមិនចង់ឱ្យកើនខ្ពស់ពេកទេ ដោយសារខ្លាចបងប្អូនយើងភ្លេចខ្លួនចូលរួមបរិច្ចាគឈាមបានតែរយៈពេលខ្លី ទៅថ្ងៃក្រោយយើងនៅតែខ្វះឈាមដដែល។ ដូចនេះខ្ញុំអំពាវនាវដល់បងប្អូនប្រជាពលរដ្ឋបន្តចូលរួមបរិច្ចាគឈាមឱ្យបានទៀងទាត់ ដើម្បីឱ្យមជ្ឈមណ្ឌលជាតិអាចមានស្តុកឈាមគ្រប់គ្រាន់ក្នុងការជួយសង្គ្រោះដល់អ្នកជំងឺដែលត្រូវការឈាម»។

លោកវេជ្ជបណ្ឌិត បានបញ្ជាក់ថា មណ្ឌលនៅតែត្រូវការឈាមពីសាច់ញាតិ ឬបងប្អូនអ្នកជំងឺមកផ្តល់ឈាមជំនួសដដែល ព្រោះថាបច្ចុប្បន្នយើងបានកាត់បន្ថយការផ្តល់ឈាមជំនួសបាន ៥០% ពោលគឺពេលអ្នកជំងឺត្រូវការឈាមយើងផ្តល់ជូនទៅតាមស្ថានភាពជាក់ស្តែង តែបើអាចមានអ្នកបូមឈាមជំនួសបាន យើងអនុញ្ញាត ដោយសារយើងនៅមិនទាន់ហ៊ានលែងទាំងស្រុងនោះទេ។

លោកវេជ្ជបណ្ឌិត បានបន្ថែមទៀតថា បច្ចុប្បន្ន ក្នុង ១ ថ្ងៃ យើងមានតម្រូវការឈាមនៅទូទាំងប្រទេសកើនឡើងដល់ ៤០០ ប្លោក ក្នុងនោះ នៅរាជធានីភ្នំពេញ មានតម្រូវការឈាមដល់ ៣៥០ ប្លោក និងតាមខេត្ត ៥០ ប្លោក ដោយសារនៅតាមខេត្តការវះកាត់មានតិចជាងនៅរាជធានីភ្នំពេញ ពោលគឺក្នុង ១ នាទី ត្រូវការឈាម ១ ប្លោក ដើម្បីយកទៅប្រើប្រាស់ក្នុងការជួយសង្គ្រោះអាយុជីវិតអ្នកជំងឺពាក់ព័ន្ធទៅនឹងគ្រោះចរាចរណ៍ ស្ត្រីឆ្លងទន្លេ ការវះកាត់ធំៗ ដូចជា វះកាត់ជំងឺបេះដូង ជំងឺមិនឆ្លងរួមមាន ជំងឺមហារីក និងជំងឺលាងឈាមជាដើម ខណៈសម្រាប់ឆ្នាំ ២០២៥ នេះ មជ្ឈមណ្ឌលជាតិផ្តល់ឈាម គ្រោងនឹងប្រមូលឈាមឱ្យបាន ១ សែន ៨ ម៉ឺនប្លោក មានការកើនឡើង ២០% បើធៀបទៅនឹងឆ្នាំ ២០២៤ ប្រមូលបាន ១ សែន ៧ ម៉ឺនប្លោក៕

អត្ថបទ ៖ សំអឿន

The post ជាង ១ ខែ មជ្ឈមណ្ឌលជាតិផ្តល់ឈាម ទទួលបានអំណោយឈាម ៧ ពាន់ប្លោក កើនឡើងជិត ៤០% appeared first on Kampuchea Thmey Daily.

ក្នុង ១ ថ្ងៃ កម្ពុជា មានតម្រូវការឈាមកើនឡើងដល់ ៤០០ ប្លោក សម្រាប់ជួយជនរងគ្រោះនៅទូទាំងប្រទេស

អ៊ិន ពិសី — Sat, 14 Jun 2025 04:02:44 +0000

បច្ចុប្បន្ន ប្រទេសកម្ពុជា មានតម្រូវការឈាមកើនឡើងដល់ ៤០០ ប្លោក សម្រាប់ជួយដល់ជនរងគ្រោះនៅទូទាំងប្រទេស ក្នុង ១ ថ្ងៃ ខណៈការចូលរួមបរិច្ចាគឈាមដោយស្ម័គ្រចិត្តមានត្រឹម ២០ ភាគរយ ប៉ុណ្ណោះ។

លោកវេជ្ជបណ្ឌិត សុខ ប៉ូ ប្រធានមជ្ឈមណ្ឌលជាតិផ្តល់ឈាម បានមានប្រសាសន៍ថា ក្នុងចំណោមតម្រូវការឈាម ៤០០ ប្លោក ក្នុងនោះ នៅរាជធានីភ្នំពេញ មានតម្រូវការឈាមរហូតដល់ ៣៥០ ប្លោក និងតាមខេត្ត ៥០ ប្លោក ដោយសារនៅតាមខេត្តការវះកាត់មានតិចជាងនៅរាជធានីភ្នំពេញ ពោលគឺក្នុង ១ នាទី ត្រូវការឈាម ១ ប្លោក ដើម្បីជួយសង្គ្រោះដល់អ្នកជំងឺពាក់ព័ន្ធទៅនឹងគ្រោះថ្នាក់ចរាចរណ៍ ស្ត្រីឆ្លងទន្លេ ការវះកាត់ធំៗ ដូចជា វះកាត់ជំងឺបេះដូង ជំងឺមិនឆ្លងរួមមាន ជំងឺមហារីក និងជំងឺលាងឈាមជាដើម សំដៅជួយកាត់បន្ថយការបរិច្ចាគឈាមជំនួសពីសាច់ញាតិ និងបងប្អូនរបស់អ្នកជំងឺ។

លោកវេជ្ជបណ្ឌិត បានបន្តថា បច្ចុប្បន្ននេះ ចំនួនអ្នកបរិច្ចាគឈាមដោយស្ម័គ្រចិត្តនៅមានកម្រិតនៅឡើយ ពោលមានប្រមាណ ២០% ប៉ុណ្ណោះ ខណៈចំនួនអ្នកផ្តល់ឈាមជំនួសមានរហូតដល់ទៅ ៨០%។

ជាក់ស្ដែងរយៈពេល ៥ ខែ ឆ្នាំ ២០២៥ នេះ មជ្ឈមណ្ឌលជាតិផ្តល់ឈាម ទទួលបានអំណោយឈាមចំនួន ៥៥ ៧៣៤ ប្លោក ក្នុងនោះ អ្នកបរិច្ចាគឈាមដោយស្ម័គ្រចិត្តមានចំនួន ១៤ ៨៧០ ប្លោក និងអ្នកផ្តល់ឈាមជំនួសចំនួន ៤០ ៨៦២ ប្លោក។

លោកវេជ្ជបណ្ឌិត បានអំពាវនាវដល់ប្រជាពលរដ្ឋ ពិសេសយុវជន បន្តចូលរួមបរិច្ចាគឈាមឱ្យបានកាន់តែផុលផុសបន្ថែមទៀត ដើម្បីឱ្យមជ្ឈមណ្ឌលជាតិមានស្តុកឈាមគ្រប់គ្រាន់ក្នុងការជួយសង្គ្រោះដល់អ្នកជំងឺដែលត្រូវការឈាមជាចាំបាច់ ហើយការចូលរួមបរិច្ចាគឈាមពីមហាជន និងយុវជននេះ ក៏នឹងធ្វើឱ្យមជ្ឈមណ្ឌលជាតិផ្តល់ឈាមអាចសម្រេចបានតាមផែនការដែលបានដាក់ចេញដោយនៅក្នុងឆ្នាំ ២០២៥ នេះ គ្រោងនឹងប្រមូលឈាមឱ្យបាន ១ សែន ៨ ម៉ឺនប្លោក មានការកើនឡើង ២០% បើធៀបទៅនឹងឆ្នាំ ២០២៤ ប្រមូលបានតែ ១ សែន ៧ ម៉ឺនប្លោក ប៉ុណ្ណោះ៕

អត្ថបទ ៖ សំអឿន

The post ក្នុង ១ ថ្ងៃ កម្ពុជា មានតម្រូវការឈាមកើនឡើងដល់ ៤០០ ប្លោក សម្រាប់ជួយជនរងគ្រោះនៅទូទាំងប្រទេស appeared first on Kampuchea Thmey Daily.

មន្ត្រីជាន់ខ្ពស់ លើកទឹកចិត្តឱ្យពលរដ្ឋបង្កើនបរិច្ចាគឈាម ខណៈអ្នកបរិច្ចាគឈាម ដោយស្ម័គ្រចិត្ត នៅមានកម្រិតនៅឡើយ

អ៊ិន ពិសី — Tue, 10 Jun 2025 02:41:45 +0000

មន្ត្រីជាន់ខ្ពស់ នៃមជ្ឈមណ្ឌលជាតិផ្តល់ឈាម បានជំរុញ និងលើកទឹកចិត្តដល់ប្រជាពលរដ្ឋ ពិសេសយុវជន បង្កើនការចូលរួមបរិច្ចាគឈាមឱ្យបានច្រើនបន្ថែមទៀត ខណៈបច្ចុប្បន្នចំនួនអ្នកបរិច្ចាគឈាមដោយស្ម័គ្រចិត្តនៅមានកម្រិតនៅឡើយ ដែលតម្រូវឱ្យសាច់ញាតិ ឬក្រុមគ្រួសារអ្នកជំងឺ ផ្តល់ឈាមជំនួស។

លោកវេជ្ជបណ្ឌិត សុខ ប៉ូ ប្រធានមជ្ឈមណ្ឌលជាតិផ្តល់ឈាម បានមានប្រសាសន៍នៅព្រឹកថ្ងៃទី ១០ មិថុនា ថា ការជំរុញនេះ ដោយសារតែចំនួនអ្នកបរិច្ចាគឈាមដោយស្ម័គ្រចិត្តនៅមានកម្រិត ពោលមានប្រមាណ ២០% ប៉ុណ្ណោះ ខណៈចំនួនអ្នកផ្តល់ឈាមជំនួសមានរហូតដល់ទៅ ៨០%។ ជាក់ស្ដែងរយៈពេល ៥ ខែ ឆ្នាំ ២០២៥ នេះ មជ្ឈមណ្ឌលជាតិផ្តល់ឈាម ទទួលបានអំណោយឈាមចំនួន ៥៥ ៧៣៤ ប្លោក ក្នុងនោះ អ្នកបរិច្ចាគឈាមដោយស្ម័គ្រចិត្តមានចំនួន ១៤ ៨៧០ ប្លោក និងអ្នកផ្តល់ឈាមជំនួសចំនួន ៤០ ៨៦២ ប្លោក ខណៈបច្ចុប្បន្ន ក្នុង ១ ថ្ងៃ មានតម្រូវការឈាមនៅទូទាំងប្រទេសកើនឡើងដល់ ៤០០ ប្លោក ក្នុងនោះ នៅរាជធានីភ្នំពេញមានតម្រូវការឈាមដល់ ៣៥០ ប្លោក និងតាមខេត្ត ៥០ ប្លោក ដោយសារនៅតាមខេត្តការវះកាត់មានតិចជាងនៅរាជធានីភ្នំពេញ ពោលគឺក្នុង ១ នាទី ត្រូវការឈាម ១ ប្លោក។

លោកវេជ្ជបណ្ឌិត បានបន្តថា «ដូចនេះ សូមប្រជាពលរដ្ឋ ពិសេសយុវជន បន្តចូលរួមបរិច្ចាគឈាមឱ្យបានកាន់តែផុលផុសបន្ថែមទៀត ដើម្បីឱ្យមជ្ឈមណ្ឌលជាតិមានស្តុកឈាមគ្រប់គ្រាន់ក្នុងការជួយសង្គ្រោះដល់អ្នកជំងឺពាក់ព័ន្ធទៅនឹងគ្រោះចរាចរណ៍ ស្ត្រីឆ្លងទន្លេ ការវះកាត់ធំៗ ដូចជា វះកាត់ជំងឺបេះដូង ជំងឺមិនឆ្លងរួមមាន ជំងឺមហារីក និងជំងឺលាងឈាមជាដើម សំដៅជួយកាត់បន្ថយការបរិច្ចាគឈាមជំនួសសាច់ញាតិ និងបងប្អូនរបស់អ្នកជំងឺ»។

លោកវេជ្ជបណ្ឌិត បានបន្ថែមថា លើសពីនេះទៀត ការចូលរួមពីមហាជន នឹងធ្វើឱ្យមជ្ឈមណ្ឌលជាតិផ្តល់ឈាម អាចសម្រេចតាមផែនការដែលបានដាក់ចេញនៅក្នុងឆ្នាំ ២០២៥ នេះ គ្រោងនឹងប្រមូលឈាមឱ្យបាន ១ សែន ៨ ម៉ឺនប្លោក មានការកើនឡើង ២០% បើធៀបទៅនឹងឆ្នាំ ២០២៤ ប្រមូលបាន ១ សែន ៧ ម៉ឺនប្លោក៕

អត្ថបទ ៖ សំអឿន

The post មន្ត្រីជាន់ខ្ពស់ លើកទឹកចិត្តឱ្យពលរដ្ឋបង្កើនបរិច្ចាគឈាម ខណៈអ្នកបរិច្ចាគឈាម ដោយស្ម័គ្រចិត្ត នៅមានកម្រិតនៅឡើយ appeared first on Kampuchea Thmey Daily.

៥ ខែ ឆ្នាំនេះ មជ្ឈមណ្ឌលជាតិផ្តល់ឈាម ទទួលបានអំណោយឈាមជាង ៥៥ ០០០ ប្លោក កើនជាងឆ្នាំមុន

អ៊ិន ពិសី — Mon, 09 Jun 2025 02:50:41 +0000

នៅក្នុងរយៈពេល ៥ ខែ ឆ្នាំ ២០២៥ នេះ មជ្ឈមណ្ឌលជាតិផ្តល់ឈាម បានទទួលអំណោយឈាមប្រមាណជាង ៥៥ ០០០ ប្លោក មានការកើនឡើង បើធៀបទៅនឹងរយៈពេល ៥ ខែដូចគ្នា កាលពីឆ្នាំ ២០២៤ កន្លងទៅ។

លោកវេជ្ជបណ្ឌិត សុខ ប៉ូ ប្រធានមជ្ឈមណ្ឌលជាតិផ្តល់ឈាម បានមានប្រសាសន៍នៅព្រឹកថ្ងៃទី ៩ មិថុនា នេះថា រយៈពេល ៥ ខែ ឆ្នាំ ២០២៥ នេះ មជ្ឈមណ្ឌលជាតិផ្តល់ឈាម ទទួលបានអំណោយឈាមចំនួន ៥៥ ៧៣៤ ប្លោក ក្នុងនោះ អ្នកបរិច្ចាគឈាមដោយស្ម័គ្រចិត្តមានចំនួន ១៤ ៨៧០ ប្លោក និងអ្នកផ្តល់ឈាមជំនួសចំនួន ៤០ ៨៦២ ប្លោក។

លោកវេជ្ជបណ្ឌិត បានបន្តទៀតថា ចំនួននេះ បើធៀបទៅនឹងរយៈពេល ៥ ខែ ឆ្នាំ ២០២៤ កន្លងទៅ ឃើញថា មានការកើនឡើង ដោយ ៥ ខែ ឆ្នាំ ២០២៤ មជ្ឈមណ្ឌលជាតិផ្តល់ឈាម មានចំនួន៤៧ ៩២៦ ប្លោក ក្នុងនោះ អ្នកបរិច្ចាគឈាមដោយស្ម័គ្រចិត្តមានចំនួន ១០ ១៧១ ប្លោក និងអ្នកផ្តល់ឈាមជំនួសចំនួន ៣៧ ៧៥៥ ប្លោក។

លោកវេជ្ជបណ្ឌិត បន្តទៀតថា ការទទួលបានអំណោយឈាមច្រើននេះដោយសារមានការចូលរួមការបរិច្ចាគឈាមពីសំណាក់យុវជនយ៉ាងផុលផុស ពិសេសមានការចូលរួមពីសហភាពសហព័ន្ធយុវជនកម្ពុជាគ្រប់វិស័យ យុវជនកាកបាទក្រហម យុវជនកាយរឹទ្ធិ ក្រសួងស្ថាប័នពាក់ព័ន្ធ វិស័យឯកជន និងសប្បុរសជននានា។

លោកវេជ្ជបណ្ឌិត បានបន្ថែមថា សន្ទុះ នៃការចូលរួមបរិច្ចាគឈាមកើនឡើងនេះបានធ្វើឱ្យមជ្ឈមណ្ឌលជាតិផ្តល់ឈាមអាចមានលទ្ធភាពស្តុកឈាមបានគ្រប់គ្រាន់ ជួយកាត់បន្ថយការបរិច្ចាគឈាមជំនួសសាច់ញាតិ និងបងប្អូនរបស់អ្នកជំងឺបានមួយកម្រិត ខណៈបច្ចុប្បន្ន ក្នុង ១ ថ្ងៃ មានតម្រូវការឈាមនៅទូទាំងប្រទេសបានកើនឡើងដល់ ៤០០ ប្លោក ក្នុងនោះ នៅរាជធានីភ្នំពេញមានតម្រូវការឈាមដល់ ៣៥០ ប្លោក និងតាមខេត្ត ៥០ ប្លោក ដោយសារនៅតាមខេត្តការវះកាត់មានតិចជាងនៅរាជធានីភ្នំពេញ ពោលគឺក្នុង ១ នាទី ត្រូវការឈាម ១ ប្លោក។

យ៉ាងណាក៏ដោយ លោកវេជ្ជបណ្ឌិត សុខ ប៉ូ បានបញ្ជាក់ថា សម្រាប់ឆ្នាំ ២០២៥ នេះ មជ្ឈមណ្ឌលជាតិផ្តល់ឈាម គ្រោងនឹងប្រមូលឈាមឱ្យបាន ១ សែន ៨ ម៉ឺនប្លោក ដើម្បីជួយសង្គ្រោះអាយុជីវិតមនុស្សមានការកើនឡើង ២០% បើធៀបទៅនឹងឆ្នាំ ២០២៤ ប្រមូលបាន ១ សែន ៧ ម៉ឺនប្លោក ហើយឈាមទាំងនោះយកទៅប្រើប្រាស់ក្នុងការជួយសង្គ្រោះអាយុជីវិតអ្នកជំងឺពាក់ព័ន្ធទៅនឹងគ្រោះថ្នាក់ចរាចរណ៍ ស្ត្រីឆ្លងទន្លេ ការវះកាត់ធំៗ ដូចជា វះកាត់ជំងឺបេះដូង ជំងឺមិនឆ្លងរួមមាន ជំងឺមហារីក និងជំងឺលាងឈាមជាដើម៕

អត្ថបទ ៖ សំអឿន

The post ៥ ខែ ឆ្នាំនេះ មជ្ឈមណ្ឌលជាតិផ្តល់ឈាម ទទួលបានអំណោយឈាមជាង ៥៥ ០០០ ប្លោក កើនជាងឆ្នាំមុន appeared first on Kampuchea Thmey Daily.

មជ្ឈមណ្ឌលជាតិផ្ដល់ឈាម ត្រៀមឈាម ៥ ពាន់ប្លោក សម្រាប់ជួយសង្គ្រោះជនរងគ្រោះ ក្នុងឱកាសបុណ្យចូលឆ្នាំថ្មី

អ៊ិន ពិសី — Thu, 10 Apr 2025 04:16:59 +0000

នៅក្នុងពិធីបុណ្យចូលឆ្នាំថ្មី ប្រពៃណីជាតិ ដែលនឹងឈានចូលមកដល់នាពេលខាងមុខនេះ មជ្ឈមណ្ឌលជាតិផ្តល់ឈាម បានត្រៀមឈាមប្រមាណ ៥ ពាន់ប្លោក សម្រាប់ជួយសង្គ្រោះដល់ជនរងគ្រោះជួបបញ្ហាផ្សេងៗ ពិសេសអ្នកជំងឺដែលត្រូវការឈាមជាចាំបាច់។

លោកវេជ្ជបណ្ឌិត សុខ ប៉ូ ប្រធានមជ្ឈមណ្ឌលជាតិផ្តល់ឈាម បានមានប្រសាសន៍នៅព្រឹកថ្ងៃទី ១០ មេសា នេះថា «ការត្រៀមឈាម ៥ ពាន់ប្លោកនេះ ដោយសារតែឆ្នាំនេះការរៀបចំសង្ក្រាន្តអបអរចូលឆ្នាំថ្មីមានការផុសផុលខ្លាំងជាងរាល់ឆ្នាំ ទើបយើងត្រៀមច្រើនទៅតាមហ្នឹងដែរ ខណៈឆ្នាំមុនត្រៀមតែ ៤០០ ទៅ ៥០០ ប្លោក ប៉ុណ្ណោះ។ ឈាមទាំងនេះគឺយើងមិនខ្វះទេ ដោយសារតែមានការចូលរួមបរិច្ចាគឈាមយ៉ាងសកម្មពីសំណាក់ប្រជាពលរដ្ឋមានការកើនឡើងខ្ពស់ ពិសេសក្រុមយុវជនដែលជាក្រុមស្នូលយ៉ាងសំខាន់ក្នុងការធ្វើឱ្យចំនួនឈាមមានការកើនឡើងជាបន្តបន្ទាប់»។

លោកវេជ្ជបណ្ឌិត បានបន្តថា ជាក់ស្តែងឆ្នាំ ២០២៤ យើងប្រមូលអំណោយឈាមបានប្រមាណ ១ សែន ៧ ម៉ឺនប្លោក ខណៈឆ្នាំ ២០២៥ នេះ យើងដាក់ផែនការប្រមូលឱ្យបាន ១ សែន ៨ ម៉ឺនប្លោក ដើម្បីជួយសង្គ្រោះអាយុជីវិតមនុស្សមានការកើនឡើង ២០%។ ឈាមទាំងនោះយកទៅប្រើប្រាស់ក្នុងការជួយសង្គ្រោះអាយុជីវិតអ្នកជំងឺពាក់ព័ន្ធទៅនឹងគ្រោះចរាចរណ៍ ស្ត្រីឆ្លងទន្លេ ការវះកាត់ធំៗ ដូចជា វះកាត់ជំងឺបេះដូង ជំងឺមិនឆ្លងរួមមានជំងឺមហារីក និងជំងឺលាងឈាមជាដើម។

លោកវេជ្ជបណ្ឌិត បានបន្ថែមថា «សន្ទុះ នៃការចូលរួមបរិច្ចាគឈាមកើនឡើងនេះបានធ្វើឱ្យមជ្ឈមណ្ឌលជាតិផ្តល់ឈាមអាចមានលទ្ធភាពស្តុកឈាមបានគ្រប់គ្រាន់ ជួយកាត់បន្ថយការបរិច្ចាគឈាមជំនួសសាច់ញាតិ និងបងប្អូនរបស់អ្នកជំងឺបានមួយកម្រិត ខណៈបច្ចុប្បន្នក្នុង ១ ថ្ងៃ យើងមានតម្រូវការឈាមនៅទូទាំងប្រទេសបានកើនឡើងដល់ ៤០០ ប្លោក ក្នុងនោះ នៅរាជធានីភ្នំពេញមានតម្រូវការឈាមដល់ ៣៥០ ប្លោក និងតាមខេត្ត ៥០ ប្លោក ដោយសារនៅតាមខេត្តការវះកាត់មានតិចជាងនៅរាជធានីភ្នំពេញ ពោលគឺក្នុង ១ នាទី ត្រូវការឈាម ១ ប្លោក»។

លោកវេជ្ជបណ្ឌិត សូមកោតសរសើរយុវជនកម្ពុជាដែលបានចូលរួមបរិច្ចាគឈាមយ៉ាងផុលផុស និងបានបំបែកឯតទគ្គកម្មការបរិច្ចាគឈាមដែលមានចំនួនច្រើនមិនធ្លាប់មានពីមុនមកដែលធ្វើឱ្យកំណើនការបរិច្ចាគឈាមដោយស្ម័គ្រចិត្តកើនឡើងខ្ពស់ និងសូមយុវជនបន្តចូលរួមការបរិច្ចាគឈាមនេះឱ្យបានផុលផុសបន្ថែមទៀត ដើម្បីឱ្យមជ្ឈមណ្ឌលជាតិមានស្តុកឈាមគ្រប់គ្រាន់សម្រាប់ជួយសង្គ្រោះអាយុជីវិតអ្នកជំងឺដែលត្រូវការឈាមជាចាំបាច់។

គួរបញ្ជាក់ថា ពិធីបុណ្យចូលឆ្នាំថ្មី ប្រពៃណីជាតិ ឆ្នាំនេះ នឹងប្រព្រឹត្តិទៅរយៈពេល ៣ ថ្ងៃ គឺ ចាប់ពីថ្ងៃទី ១៤-១៥ និង ១៦ ខែមេសា ឆ្នាំ ២០២៥៕

អត្ថបទ ៖ សំអឿន

The post មជ្ឈមណ្ឌលជាតិផ្ដល់ឈាម ត្រៀមឈាម ៥ ពាន់ប្លោក សម្រាប់ជួយសង្គ្រោះជនរងគ្រោះ ក្នុងឱកាសបុណ្យចូលឆ្នាំថ្មី appeared first on Kampuchea Thmey Daily.

មន្ត្រីជាន់ខ្ពស់ ៖ នៅកម្ពុជាមានអ្នកជំងឺត្រូវការឈាមរៀងរាល់ ៦ នាទីម្តង ដើម្បីសង្គ្រោះអាយុជីវិត

អ៊ិន ពិសី — Fri, 21 Mar 2025 09:58:07 +0000

លោកវេជ្ជបណ្ឌិត សុខ ប៉ូ ប្រធានមជ្ឈមណ្ឌលជាតិផ្តល់ឈាមបានអះអាងថា ការបរិច្ចាគឈាមមិនត្រឹមតែផ្តល់អត្ថប្រយោជន៍ចំពោះសុខភាពប៉ុណ្ណោះទេ ថែមទាំងជួយសង្គ្រោះជីវិតអ្នកជំងឺផងដែរ ខណៈបច្ចុប្បន្នមានអ្នកជំងឺត្រូវការឈាមជារៀងរាល់ ៦ នាទីម្តង។

ថ្លែងនៅក្នុងកម្មវិធីបរិច្ចាគឈាមដោយស្ម័គ្រចិត្តដែលរៀបចំឡើងដោយមន្ទីរពេទ្យកាល់ម៉ែតនៅព្រឹកថ្ងៃទី ២១ មីនានេះ លោកវេជ្ជបណ្ឌិត សុខ ប៉ូ បានជំរុញឱ្យចូលរួមបរិច្ចាគឈាមឱ្យបានច្រើនបន្ថែមទៀត ដើម្បីឱ្យមជ្ឈមណ្ឌលមានលទ្ធភាពផ្គត់ផ្គង់ឈាមបានគ្រប់គ្រាន់សម្រាប់ជួយសង្គ្រោះអាយុជីវិតអ្នកជំងឺដែលត្រូវការឈាមជាចាំបាច់។ ម្យ៉ាងទៀតការចូលរួមបរិច្ចាគឈាមដោយស្ម័គ្រចិត្តគឺជាការបង្កើតទម្លាប់ និងវប្បធម៌ នៃការចែករំលែកសកម្មភាពមនុស្សធម៌ដ៏ប្រពៃនៅក្នុងសង្គមជាតិ។

លោកវេជ្ជបណ្ឌិត បានបន្តទៀតថា តាមផែនការឆ្នាំ ២០២៥ នេះ យើងគ្រោងនឹងប្រមូលឈាមឱ្យបាន ១ សែន ៨ ម៉ឺនប្លោក កើនឡើង ២០% បើធៀបទៅនឹងឆ្នាំ ២០២៤ កន្លងទៅ ប្រមូលបាន ១ សែន ៧ ម៉ឺនប្លោក ស្មើនឹង ១% នៃចំនួនប្រជាពលរដ្ឋទូទាំងប្រទេស ១៧ លាននាក់ ដែលជាចំនួនមួយឈានដល់កម្រិតឆ្លើយតបទៅនឹងសូចនាកររបស់អង្គការសុខភាពពិភពលោកដែលបានដាក់ជូនមជ្ឈមណ្ឌលផ្តល់ឈាម។

លោកវេជ្ជបណ្ឌិត បានបន្ថែមថា ឆ្នាំមុនការប្រមូលឈាមមានកំណើនប្រមាណ ២៥% ហើយឈាមទាំងនោះបានយកទៅប្រើប្រាស់ក្នុងការជួយសង្គ្រោះអាយុជីវិតអ្នកជំងឺពាក់ព័ន្ធទៅនឹងគ្រោះថ្នាក់ចរាចរណ៍ ស្ត្រីឆ្លងទន្លេ ការវះកាត់ធំៗ ដូចជាវះកាត់ជំងឺបេះដូង ជំងឺមិនឆ្លងរួមមានជំងឺមហារីក និងជំងឺលាងឈាមជាដើម។

លោកវេជ្ជបណ្ឌិត បានបញ្ជាក់ថា សន្ទុះ នៃការចូលរួមបរិច្ចាគឈាមកើនឡើងនេះបានធ្វើឱ្យមជ្ឈមណ្ឌលជាតិផ្តល់ឈាមអាចមានលទ្ធភាពស្តុកឈាមបានគ្រប់គ្រាន់ ជួយកាត់បន្ថយការបរិច្ចាគឈាមជំនួសសាច់ញាតិ និងបងប្អូនរបស់អ្នកជំងឺបានមួយកម្រិត ខណៈបច្ចុប្បន្នក្នុង ១ ថ្ងៃ យើងមានតម្រូវការឈាមនៅទូទាំងប្រទេសបានកើនឡើងដល់ ៤០០ ប្លោក ក្នុងនោះនៅរាជធានីភ្នំពេញមានតម្រូវការឈាមដល់ ៣៥០ ប្លោក និងតាមខេត្ត ៥០ ប្លោក ដោយសារនៅតាមខេត្តការវះកាត់មានតិចជាងនៅរាជធានីភ្នំពេញ ពោលគឺក្នុង ១ នាទី ត្រូវការឈាម ១ ប្លោក។

លោកវេជ្ជបណ្ឌិត បានអំពាវនាវឱ្យយុវជនបន្តចូលរួមការបរិច្ចាគឈាមនេះឱ្យបានផុលផុសបន្ថែមទៀត ដើម្បីឱ្យមជ្ឈមណ្ឌលជាតិមានស្តុកឈាមគ្រប់គ្រាន់សម្រាប់ជួយសង្គ្រោះអាយុជីវិតអ្នកជំងឺដែលត្រូវការឈាមជាចាំបាច់ ពិសេសជំងឺមិនឆ្លងដែលមានការកើនឡើង៕

អត្ថបទ ៖ សំអឿន

The post មន្ត្រីជាន់ខ្ពស់ ៖ នៅកម្ពុជាមានអ្នកជំងឺត្រូវការឈាមរៀងរាល់ ៦ នាទីម្តង ដើម្បីសង្គ្រោះអាយុជីវិត appeared first on Kampuchea Thmey Daily.

២០២៥ មជ្ឈមណ្ឌលជាតិផ្តល់ឈាម គ្រោងនឹងប្រមូលឈាមឱ្យបាន ១ សែន ៨ ម៉ឺនប្លោក ជួយសង្គ្រោះជីវិតមនុស្ស

អ៊ិន ពិសី — Tue, 11 Mar 2025 04:37:09 +0000

សម្រាប់ឆ្នាំ ២០២៥ នេះ មជ្ឈមណ្ឌលជាតិផ្តល់ឈាម គ្រោងនឹងប្រមូលឈាមឱ្យបាន ១ សែន ៨ ម៉ឺនប្លោក ដើម្បីជួយសង្គ្រោះអាយុជីវិតមនុស្សមានការកើនឡើង ២០% បើធៀបទៅនឹងឆ្នាំ ២០២៤ ប្រមូលបាន ១ សែន ៧ ម៉ឺនប្លោក។

លោកវេជ្ជបណ្ឌិត សុខ ប៉ូ ប្រធានមជ្ឈមណ្ឌលជាតិផ្តល់ឈាម បានមានប្រសាសន៍នៅព្រឹកថ្ងៃទី ១១ មីនា នេះថា តាមផែនការឆ្នាំ ២០២៥ នេះ យើងគ្រោងនឹងប្រមូលឈាមឱ្យបាន ១ សែន ៨ ម៉ឺនប្លោក កើនឡើង ២០% បើធៀបទៅនឹងឆ្នាំ ២០២៤ កន្លងទៅ ប្រមូលបាន ១ សែន ៧ ម៉ឺនប្លោក ស្មើនឹង ១% នៃចំនួនប្រជាពលរដ្ឋទូទាំងប្រទេស ១៧ លាននាក់ ដែលជាចំនួនមួយឈានដល់កម្រិតឆ្លើយតបទៅនឹងសូចនាកររបស់អង្គការសុខភាពពិភពលោកដែលបានដាក់ជូនមជ្ឈមណ្ឌលផ្តល់ឈាម។

លោកវេជ្ជបណ្ឌិត បានបន្តថា ឆ្នាំមុន ការប្រមូលឈាមមានកំណើនប្រមាណ ២៥% ហើយឈាមទាំងនោះបានយកទៅប្រើប្រាស់ក្នុងការជួយសង្គ្រោះអាយុជីវិតអ្នកជំងឺពាក់ព័ន្ធទៅនឹងគ្រោះថ្នាក់ចរាចរណ៍ ស្ត្រីឆ្លងទន្លេ ការវះកាត់ធំៗ ដូចជាវះកាត់ជំងឺបេះដូង ជំងឺមិនឆ្លងរួមមានជំងឺមហារីក និងជំងឺលាងឈាមជាដើម។

លោកវេជ្ជបណ្ឌិត បានបន្តទៀតថា ការទទួលបានអំណោយឈាមច្រើននេះដោយសារមានការចូលរួមការបរិច្ចាគឈាមពីសំណាក់យុវជនយ៉ាងផុលផុស។ ជាក់ស្តែងដូចជានៅក្នុងទិវា នៃក្តីស្រលាញ់ដែលមានអ្នកចូលរួមបរិច្ចាគឈាមជាង ១ ពាន់ប្លោក និងនៅថ្ងៃទី ១៨ កុម្ភៈ ដែលរៀបចំឡើងដោយក្រុមពិធីករកីឡាមានអ្នកចូលរួមបរិច្ចាគឈាម ១ ២៥៨ ប្លោក ដែលមានការចូលរួមពីសហភាពសហព័ន្ធយុវជនកម្ពុជា យុវជនកាកបាទក្រហម យុវជនកាយរឹទ្ធិជាដើម។

លោកវេជ្ជបណ្ឌិត បានបន្ថែមថា សន្ទុះ នៃការចូលរួមបរិច្ចាគឈាមកើនឡើងនេះបានធ្វើឱ្យមជ្ឈមណ្ឌលជាតិផ្តល់ឈាមអាចមានលទ្ធភាពស្តុកឈាមបានគ្រប់គ្រាន់ជួយកាត់បន្ថយការបរិច្ចាគឈាមជំនួសសាច់ញាតិ និងបងប្អូនរបស់អ្នកជំងឺបានមួយកម្រិត ខណៈបច្ចុប្បន្នក្នុង ១ ថ្ងៃ យើងមានតម្រូវការឈាមនៅទូទាំងប្រទេសបានកើនឡើងដល់ ៤០០ ប្លោក ក្នុងនោះ នៅរាជធានីភ្នំពេញមានតម្រូវការឈាមដល់ ៣៥០ ប្លោក និងតាមខេត្ត ៥០ ប្លោក ដោយសារនៅតាមខេត្តការវះកាត់មានតិចជាងនៅរាជធានីភ្នំពេញ ពោលគឺក្នុង ១ នាទី ត្រូវការឈាម ១ ប្លោក។

លោកវេជ្ជបណ្ឌិត បានលើកឡើងថា «តាងនាមឱ្យមជ្ឈមណ្ឌលជាតិ សូមកោតសរសើរយុវជនកម្ពុជាដែលបានចូលរួមបរិច្ចាគឈាមយ៉ាងផុលផុស និងបានបំបែកឯកទគ្គកម្មការបរិច្ចាគឈាមដែលមានចំនួនច្រើនមិនធ្លាប់មានពីមុនមកដែលធ្វើឱ្យកំណើនការបរិច្ចាគឈាមដោយស្ម័គ្រចិត្តកើនឡើងខ្ពស់។ សូមយុវជនបន្តចូលរួមការបរិច្ចាគឈាមនេះឱ្យបានផុលផុសបន្ថែមទៀត ដើម្បីឱ្យមជ្ឈមណ្ឌលជាតិមានស្តុកឈាមគ្រប់គ្រាន់សម្រាប់ជួយសង្គ្រោះអាយុជីវិតអ្នកជំងឺដែលត្រូវការឈាមជាចាំបាច់ ពិសេសជំងឺមិនឆ្លងដែលមានការកើនឡើង»៕

អត្ថបទ ៖ សំអឿន

The post ២០២៥ មជ្ឈមណ្ឌលជាតិផ្តល់ឈាម គ្រោងនឹងប្រមូលឈាមឱ្យបាន ១ សែន ៨ ម៉ឺនប្លោក ជួយសង្គ្រោះជីវិតមនុស្ស appeared first on Kampuchea Thmey Daily.

កម្ពុជាត្រូវការឈាម លើសតម្រូវការ ប្រមាណជិត ២០ ភាគរយ

KC Virak — Fri, 08 Apr 2022 07:45:17 +0000

ភ្នំពេញ៖ លោកវេជ្ជបណ្ឌិត សុខ ប៉ូ ប្រធានមជ្ឈមណ្ឌលជាតិផ្តល់ឈាម មានប្រសាសន៍ថា ជារៀងរាល់ឆ្នាំ កម្ពុជាមានតម្រូវការឈាមលើសប្រមាណជិត ២០ ភាគរយសម្រាប់ជួយសង្គ្រោះដល់ជនរងគ្រោះដែលត្រូវការឈាមជាចាំបាច់។

ថ្លែងក្នុងកម្មវិធីបរិច្ចាគឈាមដោយស្ម័គ្រចិត្ត ក្រោមប្រធានបទ “រួមគ្នាបរិច្ចាគឈាមថ្ងៃនេះ ដើម្បីសង្គ្រោះជីវិតមាតា” នៅថ្ងៃទី៨ ខែមេសា ឆ្នាំ២០២២នេះ នៅមន្ទីរពេទ្យកាល់ម៉ែត្រ លោកវេជ្ជបណ្ឌិតបានបន្តថា ក្នុងឆ្នាំ២០២១ កន្លងទៅ កម្ពុជាត្រូវការឈាមមួយប្លោកដើម្បីជួយសង្គ្រោះអាយុជីវិតអ្នកជំងឺរៀងរាល់ ៦ នាទីម្តង ដោយតម្រូវការឈាមប្រចាំថ្ងៃប្រមាណ ២០០ ប្លោកនៅរាជធានីភ្នំពេញ និងតម្រូវការទូទាំងប្រទេសប្រមាណ ១០ ម៉ឺនប្លោក ដែលលើសពីឆ្នាំមុនជិត ២០ ភាគរយហើយមជ្ឈមណ្ឌលផ្តល់ឈាមបានគ្របដណ្តប់ជាង ៧០ ភាគរយនៃការផ្គត់ផ្គង់ទូទាំងប្រទេស។

លោកវេជ្ជបណ្ឌិតបានបន្តទៀតថា ចំណែកការទទួលឈាមតាមរយៈសប្បុសជនដោយមិនគិតកម្រៃ និងដោយស្ម័គ្រចិត្តឆ្លើយតបបានប្រហែល ១០ ភាគរយនៃតម្រូវការក្នុងប្រទេសប៉ុណ្ណោះ ខណៈប្រទេសជិតខាងការបរិច្ចាគឈាមដោយស្ម័គ្រចិត្តអាចផ្គត់ផ្គង់ដល់លើស ៩០ ភាគរយនៃតម្រូវការ។

លោកវេជ្ជបណ្ឌិត បានបន្ថែមថា ដូចនេះការចូលរួមបរិច្ចាគឈមពីសប្បុរសជន និងអង្គភាពស្ថាប័នពាក់ព័ន្ធនានាដូចជាមន្ទីរពេទ្យកាល់ម៉ែតនាពេលនេះ ពិតជាមានសារៈសំខាន់ណាស់មិនត្រឹមតែចូលរួមបំផុសចលនាស្ម័គ្រចិត្តបរិច្ចាគឈាមប៉ុណ្ណោះទេ ថែមទាំងចូលរួមចំណែកបំពេញតម្រូវស្តុកឈាម ដល់អ្នកជំងឺដែលកំពុងត្រូវការឈាមជាចាំបាច់នៅតាមមន្ទីរពេទ្យនានាផងដែរ។

ប្រធានមជ្ឈមណ្ឌលជាតិផ្តល់ឈាម បានមានប្រសាសន៍ថា នៅឆ្នាំ២០២២នេះ មជ្ឈមណ្ឌលជាតិផ្តល់ឈាម ត្រូវការឈាមប្រមាណ ១ សែន ១ ម៉ឺនប្លោក សម្រាប់ជួយសង្គ្រោះដល់អ្នកជំងឺដែលត្រូវការឈាមចាំបាច់ដូចជា អ្នកជំងឺទាក់ទិននឹងការហូរឈាមតាមប្រដាប់រំលាយអាហារ ការវះកាត់ជំងឺបេះដូង គ្រោះថ្នាក់ចរាចរណ៍ ការហូរឈាមមិនប្រក្រតីនៅមុន និងក្រោយពេលសម្រាលកូន ជំងឺខ្សោយតំរង់នោម ការព្យាបាលថែទាំជំងឺមហារីក ពិសេសការដូរក្រលៀន ដែលជាសេវាកម្មថ្មីមួយដែលត្រូវការឈាមច្រើន។

លោកសាស្ត្រាចារ្យ ឈាង រ៉ា អគ្គនាយកមន្ទីរពេទ្យកាល់ម៉ែត បានមានប្រសាសន៍ថា ដោយស្ថានភាព នៃសង្គមមានសភាពវិលត្រលប់មកកាន់ប្រក្រតីភាពថ្មីវិញ គួបផ្សំជាមួយយុទ្ធសាស្រ្តចាក់វ៉ាក់សាំងរបស់ប្រមុខរាជរដ្ឋាភិបាល មន្ទីរពេទ្យ បានសម្រេចចិត្តរៀបចំការបរិច្ចាគឈាមឡើងវិញតាមគន្លងប្រក្រតីភាពថ្មី ដើម្បីបំពេញបន្ថែមដល់តម្រូវការឈាមជាចាំបាច់ក្នុងក្របខណ្ឌទូទាំងប្រទេស៕

អត្ថបទ៖ សំអឿន

The post កម្ពុជាត្រូវការឈាម លើសតម្រូវការ ប្រមាណជិត ២០ ភាគរយ appeared first on Kampuchea Thmey Daily.