បន្ទាប់ពីឆ្លងកាត់នៃការធ្លាក់ខ្លួនឈឺជំងឺធ្ងន់ធ្ងរនឹងកាចសាហាវ (ខូចក្រលៀន) តារាសម្តែង យូ ឌីស្កូ កន្លងមកក៏ធ្លាប់បានចែករំលែកបទពិសោធដ៏លំបាក នៃជំងឺដ៏កាចសាហាវមួយនេះ។ មិនតែប៉ុណ្ណោះ លោកបញ្ជាក់ថា អ្នកកើតជំងឺដ៏កាចសាហាវនេះ គឺរស់គ្រាន់តែដើម្បីកំដរការស្លាប់តែប៉ុណ្ណោះ បើគ្មានលុយប្តូរប្រលៀននោះទេ។

ទោះបីយ៉ាងណាគិតមកដល់ពេលនេះ គឺរយៈពេលប្រមាណ៨ឆ្នាំទៅហើយ ដែលលោក យូ ឌីស្កូ បានរួចផុតពីជំងឺដ៏កាចសាហាវទាំងនោះ និងកំពុងបានបន្តជីវិតរស់នៅបំពេញការងារសិល្បៈដូចសព្វថ្ងៃ ខណ:ប្រជាប្រិយភាពក៏ទទួលបានការគាំទ្រដូចមុនផងដែរ។ ដោយឡែកថ្មីៗនេះ លោក យូ ឌីស្កូ ទើបបង្ហោះរូបភាពមួយសន្លឹកគ្រាព្យាបាលនៅប្រទេសឥណ្ឌាលើ Story ហ្វេសប៊ុកផ្ទាល់ខ្លួនអមសំណេរថា “ជីវិតមកសម្រាកព្យាបាលជំងឺម្នាក់ឯងនៅប្រទេសឥណ្ឌាពិតជាកម្សត់ខ្លួនណាស់”។

តាមរយ:កិច្ចសម្ភាសកាលពីថ្មីៗកន្លងទៅ លោក យូ ឌីស្កូ បានរៀបរាប់ថា ឆ្លងកាត់បទពិសោធននេះ លោកពិតជាលំបាកណាស់ ពិសេសអ្នកដែលជួបប្រទះជំងឺដ៏កាចសាហាវនេះច្បាស់ជាយល់។ លោកថា សម្រាប់ខ្លួនលោកមូលហេតុដែលខូចក្រលៀនអាចបណ្តាលមកពីការញ៉ាំថ្នាំផ្សះច្រើនក៏ថាបាន ព្រោះតែកំឡុងពេលនោះលោកឧស្សាហ៍កើតអាការ:ឡើងជាតិអាស៊ីត និងឈឺសន្លាក់ទើបតម្រូវលេបថ្នាំបំបាត់ការឈឺចុកចាប់ ៕ ដោយ : ចាន់រ៉ា

The post យូ ឌីស្កូ ដាច់ចិត្តទម្លាយរូបភាពដ៏កម្សត់ពេលវះកាត់ប្តូរក្រលៀន នៅឥណ្ឌាតែម្នាក់ឯង appeared first on Kampuchea Thmey Daily.

នេះបើតាមការបញ្ជាក់របស់ សាលី ស្រីមាស ក្នុងវីដេអូជាង ៥នាទី ជាមួយនឹងទឹកមុខស្រស់ស្រាយ បញ្ជាក់ន័យនៃស្ថានភាពសុខភាពប្រសើរឡើងវិញ កាលពីថ្ងៃទី១០ ខែឧសភា ឆ្នាំ២០២៥។ 

ដោយក្តីអាណិតអាសូរ និងដើម្បីជាការផ្តល់ឱកាសដល់នាដការីរបាំមួយរូប អាចបន្តចូលរួមចំណែកកិច្ចការលើកស្ទួយវប្បធម៌ អ្នកឧកញ៉ា លាង ម៉េង សហស្ថាបនិកនិងជាប្រធានក្រុមអគ្គនាយកក្រុមហ៊ុន ជីបម៉ុង និងលោកជំទាវ បានសម្រេចជួយឧបត្ថម្ភថវិកាទាំងស្រុង ដើម្បីវះកាត់ដូរក្រលៀនថ្មី។

ជាក់ស្តែងបន្ទាប់ពីចាកចេញទៅព្យាបាល និងវះកាត់ក្រលៀន នៅប្រទេសឥណ្ឌា អស់រយៈពេលប្រមាណជិត ៣ខែហើយនោះ  កញ្ញា សាលី ស្រីមាស បានបង្ហោះវីដេអូបញ្ជាក់ពីស្ថានភាពជំងឺរបស់ខ្លួន។ ក្នុងនោះក៏មហាជននិងអ្នកគាំទ្របានសម្តែងក្តីរំភើបផងដែរ។ 

គួរជម្រាបថា បច្ចុប្បន្នស្ថានភាពសុខភាព កញ្ញា សាលី ស្រីមាស បានធូរស្រាលច្រើន ខណ:អ្នកគាំទ្រសង្ឃឹមថា សាលី ស្រីមាស នឹងបង្ហាញវត្តមាននៅក្នុងវិស័យសិល្ប:ឆាប់ៗនេះខាងមុខនេះ៕ អត្ថបទ៖ ចាន់រ៉ា

The post មហាជនសាទរ ក្រោយឃើញ សាលី ស្រីមាស ធូរស្បើយ និងជោគជ័យទាំងស្រុងលើការវះកាត់ប្តូរក្រលៀនថ្មី appeared first on Kampuchea Thmey Daily.

ស្ថិតក្នុងអាយុ៤៥ឆ្នាំតារាកំប្លែងនាយ តាក់សុី កាលពីថ្មីៗកន្លងទៅបានទើបប្រទះជំងឺជំងឺទឹកនោមផ្អែមធ្វេីអោយខូចក្រលៀននិងជំងឺទឹកដក់ក្នុងសួតផងដែរ។តារាកំប្លែងនាយ តាក់ស៊ី ត្រូវការដូក្រលៀនម្ខាងគឺត្រូវចំណាយលុយចំនួនខ្ទង់៥ម៉ឺនដុល្លារខណ:លោកវេជ្ជ បណ្ឌិតក៏បានបញ្ជាក់ឲ្យដឹងថានាយតាក់សុី គឺមានជំរេីសពីរ,ទីមួយត្រូវលាងឈាមពេញមួយជីវិតមួយអា ទិត្យចំនួនបីដងនិងជំរេីសទី២គឺត្រូវតែធ្វេីការវះកាត់ប្ដូរក្រលៀនថ្មី។

យ៉ាងណាមិញក្រោយទទួលបានការឧបត្ថម្ភពីសប្បុរសជនទាំងក្នុងនិងក្រៅស្រុក ជាពិសេសបំផុតនោះគឺការសន្តោសប្រណីពីសម្តេចបវរធិបតី ហ៊ុន ម៉ាណែត ដែលចំណាយថ្លៃព្យាបាលជំងឺទាំងស្រុង តារាកំប្លែងនាយតាក់ស៊ីពេលនេះបានចេញទៅវះកាត់ប្តូរក្រលៀនថ្មីរួចរាល់ហើយ។

តួយ៉ាង កាលពីថ្ងៃទី​១៨ ខែ​កុម្ភៈ ឆ្នាំ​២០២៥ ភរិយា នាយតាក់ស៊ី បាន​បង្ហោះវីដេអូរៀបរាប់ពីក្ដីនឹករលឹកដល់ស្វាមីបើទោះជា​ការ​វះកាត់​ទទួល​បាន​ជោគជ័យហើយនោះ។ ភរិយានាយ តាក់ស៊ី បញ្ជាក់ថា មូលហេតុដែលនាងយំក៏ព្រោះនឹកប្តីដោយសារគ្រូពេទ្យមិន​អនុញ្ញា តឱ្យ​មាន​អ្នក​កំដរឬចូលសួរសុខទុក្ខឡើង។ ម្យ៉ាងទៀត នាយ តាក់ស៊ី ដែលជាប្តីត្រូវសម្រាករយៈពេល​១០ ថ្ងៃទៀតឯណោះ។

ឆ្លើយតបទៅនឹងការសួរថា បងតាក់ស៊ី វះហើយមែនបង? ភរិយាយនាយ តាក់ស៊ី ដែលប្រើប្រាស់គណនីសង្គមឈ្មោះយាយផឹម ប្រពន្ធនាយ តាក់ស៊ី បានឱ្យដឹងថា “វះកាត់រួចហើយជោគជ័យតែនឹកប្តី។ បងវះរួចតែគេមិនឱ្យប្រពន្ធកំដរទេប្រហែល១០ថ្ងៃទៀតទើបបានគាត់ត្រឡប់មកវិញពេលខាងគេមើលទាល់តែជាមុខរបួសបានមកវិញ”៕ អត្ថបទចាន់រ៉ា

The post នាយ តាក់ស៊ី វះកាត់ប្តូរក្រលៀនជោគជ័យ ខណ:ភរិយាពេទ្យមិនទាន់អនុញ្ញាតឱ្យចូលសួរសុខទុក្ខ appeared first on Kampuchea Thmey Daily.