ដោយអនុវត្តតាមការណែនាំ លោក ឃឹម ស៊ុនសូដា អភិបាល នៃគណ:អភិបាលខណ្ឌកំបូល លោក ទ្រី ណារ៉េត អភិបាលរង ទទួលបន្ទុកការងារសាធារណះការ និងបរិស្ថាន អនាម័យ ខណ្ឌកំបូល ​ កាលពីថ្ងៃទី០១ ខែកុម្ហ: ឆ្នាំ២០២៦ នេះបានដឹកនាំមន្រ្តីរដ្ឋបាលខណ្ឌកំបូល និងចូលរួមសហការជាមួយ លោកស៊ិន វុទ្ធី ចៅសង្កាត់ភ្លើងឆេះរទេះ ចុះសម្អាតបរិស្ថាន អនាម័យ  និងស្ការព្រៃ តាមបណ្តាយផ្លូវបេតុងធំ ចាប់ពីព្រំប្រទល់ ភូមិព្រៃរងៀង ដល់ ភូមិភ្លើងឆេះរទេះលិច និង ភ្លើងឆេះរទេះកើត សង្កាត់ភ្លើងឆេះរទេះ ខណ្ឌកំបូល រាជធានីភ្នំពេញ។

អាជ្ញាធរបានឲ្យដឹងថា​ ដោយឃើញថាមានពលរដ្ឋមួយចំនួនមិនទាន់ជួយថែរក្សាបរិស្ថាន​ អនាម័យបានល្អ​ បោះចោលសំរាមគ្មានសណ្តាប់ធ្នាប់​ ធើ្វឲ្យប៉ះពាល់ដល់បរិស្ថាន​ គ្មានសោភ័ណភាពទីក្រុងស្អាត​ ទើបមានការដឹកនាំដោយលោក​ ទ្រី​ សារ៉េត​ អភិបាលរងខណ្ឌចុះសហការជាមួយលោកចៅង្កាត់ភ្លើងឆេះរទេះ​ និងមន្ត្រីក្រោមឱវាទចុះសម្អាតបរិស្ថានខាងលើ។

ជាមួយគ្នានោះផងដែរ​ លោកទ្រី ណារ៉េត អភិបាលរង ទទួលបន្ទុកសាធារណ:ការបរិស្ថាន អនាម័យ ខណ្ឌកំបូល ក៏បានជម្រាបជូនដល់ប្រជាពលរដ្ឋរស់នៅបណ្តាយផ្លូវបេតុងធំ ដើម្បីចូលរួមសហការសម្អាតបរិស្ថាន អនាម័យ  វេចខ្ចប់សំរាមឱ្យបានត្រឹមត្រូវ  ទុកដាក់សំរាមឱ្យបានស្អាត និងងាយស្រួលក្រុមការងារឡានសំរាមចុះប្រមូលសំរាមជូនឲ្យបានស្អាតក្នុងមូលដ្ឋានភូមិនីមួយៗ។ អាជ្ញាធរសង្ឃមថាប្រជាពលរដ្ឋនិងជួយសម្អាតបរិស្ថាន​ អនាម័យស្អាតទាំងអស់គ្នា៕ដោយ៖សុខា

The post អាជ្ញាធរខណ្ឌកំបូល សហការជាមួយអាជ្ញាធរសង្កាត់ភ្លើងឆេះរទេះចុះសម្អាតបរិស្ថានក្នុងមូលដ្ឋាន appeared first on Kampuchea Thmey Daily.

នៅក្នុងកិច្ចប្រជុំគណ:បញ្ជាការឯកភាពសង្កាត់ ស្តីពីការងារសន្តិសុខសុវត្ថិភាពក្នុងមូលដ្ឋានភូមិទាំង៨ និងការងារបរិស្ថានអនាម័យ កាលពីព្រឹកថ្ងៃទី១៤ ខែមករា ឆ្នាំ២០២៥ លោក សុិន វុទ្ធី បានណែនាំដល់កម្លាំងនគរបាលប៉ុស្ដិ៍ មេភូមិ និងអនុប្រធានភូមិទាំង៨ ត្រូវពង្រឹងការយកចិត្តទុកដាក់លើការងារសន្តិសុខសុវត្ថិភាពក្នុងមូលដ្ឋានតាមភូមិនីមួយៗ ត្រូវចុះល្បាតឲ្យបានតឹងរ៉ឹងនៅតំបន់ស្មុគស្មាញ​ ងាយរងគ្រោះ​ ដើម្បីទប់ស្កាត់បទល្បេីស​ ជាពិសេសក្រុមក្មេងទំនេីង។

​ចំពោះការងារបរិស្ថាន និងអនាម័យ លោកចៅសង្កាត់ណែនាំឲ្យអាជ្ញាធរជូនដំណឹងដល់ប្រជាពលរដ្ឋឲ្យចូលរួមសហការសម្អាតបរិស្ថាន និងវេចខ្ចប់សំរាមឲ្យបានត្រឹមត្រូវ និងទុកដាក់សំរាមបានស្អាត ដើម្បីងាយស្រួលក្រុមការងារឡានសំរាមចុះប្រមូលតាមមូលដ្ឋានភូមិនីមួយៗឲ្យបានស្អាត។

ក្នុងនាមអាជ្ញាធរ លោកសង្កាត់ភ្លេីងឆេះរទេះសង្ឃឹមថា ប្រជាពលរដ្ឋនឹងយល់ដឹងអំពីបរិស្ថានអនាម័យ​ និងចូលរួមសហការឲ្យបានល្អទាំងអស់គ្នា៕

អត្ថបទ៖ សុខា

The post ចៅសង្កាត់ភ្លេីងឆេះរទេះ ណែនាំឲ្យនគរបាលប៉ុស្ដិ៍ និងមេភូមិពង្រឹងការពារសុវត្ថិភាពក្នុងមូលដ្ឋានឲ្យបានល្អ appeared first on Kampuchea Thmey Daily.

ការណែនាំនេះបានធ្វើឡើងនៅក្នុងកិច្ចប្រជុំស្តីពីការងារសន្តិសុខសណ្តាប់ធ្នាប់ និងបរិស្ថាន​ អនាម័យក្នុងមូលដ្ឋានភូមិទាំង៨ កាលពីព្រឹកថ្ងៃទី២៥ ខែធ្នូ ឆ្នាំ២០២៤ នៅសាលាសង្កាត់។

ក្រៅពីវិធានការណ៍បង្ការទប់ស្កាត់បទល្មើស និងក្រុមក្មេងទំនើង លោកចៅសង្កាត់ក៏បានណែនាំឲ្យមន្ត្រីមូលដ្ឋានត្រូវពង្រឹងការយកចិត្តទុកដាក់ការងារបរិស្ថាន​ អនាម័យ ត្រូវចូលរួមសហការសម្អាតបរិស្ថាន ទុកដាក់សំរាមបានត្រឹមត្រូវ និងត្រូវណែនាំប្រជាពលរដ្ឋ វេចខ្ចប់សំរាមឲ្យបានស្អាតយកមកដាក់ក្នុងធុងសំរាម ងាយស្រួលក្រុមការងារឡានសំរាមចុះប្រមូល​តាមមូលដ្ឋានភូមិនីមួយៗ។

ក្នុងនាមអាជ្ញាធរ​ លោក សុិន វុទ្ធី ចៅសង្កាត់ភ្លើងឆេះរទេះ បានសំណូមពរដល់ប្រជាពលរដ្ឋទាំងអស់នៅក្នុងមូលដ្ឋានសូមចូលរួមសហការក្នុងការសម្អាតបរិស្ថាន​ អនាម័យ​ ចៀសវាងបោះចោលពាសវាលពាសកាលបង្កផលប៉ះពាល់ដល់​ បរិស្ថាន​ ហេីយក៏អរគុណដល់ពលរដ្ឋមួយចំនួនដែលបានចូលរួមសហការបានយ៉ាងល្អ៕

អត្ថបទ៖ សុខា

The post ចៅសង្កាត់ភ្លេីងឆេះរទេះណែនាំឲ្យនគរបាលប៉ុស្ដិ៍ និងប្រជាការពារចេញល្បាតក្នុងភូមិសាស្ដ្រស្មុកស្មាញដើម្បីបង្ក្រាបបទល្មើស និងក្មេងទំនើង appeared first on Kampuchea Thmey Daily.