ក្នុងព្រះរាជពិធីនេះ ក៏មានការអមព្រះរាជដំណើរដោយសម្តេចព្រះមហាសង្ឃរាជ បួរ គ្រី, សម្តេចចៅហ្វាវាំង គង់ សំអុល ឧបនាយករដ្ឋមន្ត្រី រដ្ឋមន្ត្រីក្រសួងព្រះបរមរាជវាំង, លោក ឈិត សុខុន រដ្ឋមន្រ្តីក្រសួងធម្មការ និងសាសនា, ឥស្សរជននានា សាស្ត្រាចារ្យ និងសមណនិស្សិត-និស្សិតជ័យលាភីចំនួន ៥០០រូប។

ពុទ្ធិកសាកលវិទ្យាល័យព្រះសីហមុនីរាជា មានពុទ្ធិកមហាវិទ្យាល័យចំនួន ៤ ពុទ្ធិកមហាវិទ្យាល័យ និងមាន តេប៉ាតឺម៉ងចំនួន ៧ ផ្សេងៗទៀត។ ក្នុងនោះមានដូចជា តេប៉ាតឺម៉ង់ ទស្សនវិជ្ជា និងសាសនា នីតិសាស្រ្ត វិទ្យាសាស្រ្តអប់រំ គ្រប់គ្រងទូទៅ ព័ត៌មានវិទ្យា អក្សរសាស្រ្តអង់គ្លេស និងអក្សរសាស្រ្តខ្មែរ រួមទាំងតេប៉ាតឺម៉ង់ផ្សេងៗទៀត។

ពុទ្ធិកសាកលវិទ្យាល័យព្រះសីហមុនីរាជា ជាគ្រឹះស្ថានឧត្តមសិក្សាសាធារណៈវ័យចំណាស់មួយ ដែលមានបណ្តុះបណ្តាលថ្នាក់បរិញ្ញាបត្រ ថ្នាក់បរិញ្ញាបត្រជាន់ខ្ពស់ ថ្នាក់បណ្ឌិត សម្រាប់សមណនិស្សិតសិស្ស ដែលមានបំណងចង់បន្តការសិក្សាថ្នាក់មហាវិទ្យាល័យឡើងទៅ៕

អត្ថបទ៖ សួស សិត

The post ព្រះមហាក្សត្រ យាងប្រោសព្រះរាជទានសញ្ញាបត្រដល់សមណនិស្សិត-និស្សិត នៅពុទ្ធិកសាកលវិទ្យាល័យព្រះសីហមុនីរាជា appeared first on Kampuchea Thmey Daily.

លោកបណ្ឌិត​​បានថ្លែងចូលរួមអបអរសាទរចំពោះសិស្សជ័យលាភីទាំង ១៥២០នាក់ ដែលបានប្រលងជាប់សញ្ញាបត្រភាសាអង់គ្លេសប៊ែលធី (BELTEI ESL DIPLOMA) ហើយបានថ្លែងកោតសរសើរចំពោះសិស្សទាំងអស់ដែលបានខិតខំយកចិត្តទុកដាក់ប្រឹងប្រែងសិក្សារៀនសូត្រ និង​ស្តាប់គ្រូពន្យល់ ក៏ដូចជាគោរពបទបញ្ជាផ្ទៃក្នុងសាលា មានវិន័យ សីលធម៌ និងគុណធម៌ល្អ។ ត្រង់ចំណុចនេះ លោកបណ្ឌិត​បានលើកឡើងថា ការចេះគោរពបញ្ជា និងគុណធម៌ល្អ មិនបង្កផលលំបាកដល់គ្រួសារ និងសង្គមជាតិ រហូតទទួលបានជោគជ័យក្នុងការប្រឡងបញ្ចប់វគ្គ និងទទួលបានសញ្ញាបត្រភាសាអង់គ្លេសប៊ែលធី នាពេលនេះ។

លោកបណ្ឌិត លី ឆេង ក៏បានផ្តាំផ្ញើដល់សិស្សទាំងអស់ឲ្យខិតខំយកចិត្តទុកដាក់លើការរៀនសូត្របន្ថែមទៀត ដើម្បីអភិវឌ្ឍសមត្ថភាពផ្ទាល់ខ្លួន ក្នុង​ចាប់យកអាជីពការងារទៅថ្ងៃអនាគត និងការប្រកួតប្រជែងដណ្តើមទីផ្សារការងារជាមួយបណ្តាយុវជនទាំងក្នុងតំបន់អាស៊ាន និងពិភពលោក ជាពិសេសត្រូវដើរឲ្យទាន់នូវការរីកចម្រើនផ្នែកបច្ចេកវិទ្យា សម័យបដិវត្តឧស្សាហកម្ម៤.០។​

ជាមួយគ្នានេះ លោកបណ្ឌិត​បានគូសបញ្ជាក់ថា សិស្សជ័យលាភី នឹងទទួលបានសញ្ញាបត្រចំនួនពីរ គឺ៖១.សញ្ញាបត្រចេញដោយសាលា ប៊ែលធី អន្តរជាតិ និង២.សញ្ញាបត្រចេញដោយក្រុមប្រឹក្សាភាសាអង់គ្លេស នៃចក្រភពអង់គ្លេស​។ សញ្ញាបត្រទាំងពីរនេះ ក៏ត្រូវបានដាក់បញ្ចូល ទៅក្នុងវេបសាយរបស់សាលា ប៊ែលធី អន្តរជាតិ ដើម្បីទុកជាឯកសារយូរអង្វែងសម្រាប់សិស្សគ្រប់រូបទាញយកមកប្រើប្រាស់តាមតម្រូវការផងដែរ។​

បើតាមលោក ចាន់ ទីតា ប្រធានការិយាល័យភាសាអង់គ្លេសទូទៅ បានឲ្យដឹងថា បច្ចុប្បន្ននេះ សាលា ប៊ែលធី ​អន្តរជាតិ មាន ២៦សាខា​​ (២៤សាខា កំពុងដំណើរការ និង២សាខាកំពុងសាងសង់) ដែលមានបុគ្គលិកបម្រើការសរុបចំនួន ២៤៤៦នាក់ និងមានសិស្សានុសិស្សកំពុងសិក្សាសរុបចំនួន ៥៨,១៨៤នាក់ (នារី ២៩,០៩២នាក់)។កម្មវិធីសិក្សាផ្នែកភាសាអង់គ្លេសទូទៅ ត្រូវបានរៀបចំឡើងតាមកម្មវិធីសិក្សាមុខវិជ្ជាសិក្សាសំខាន់ៗ ហើយសៀវភៅសិក្សាត្រូវបានសហការគាំទ្រដោយក្រុមហ៊ុនរបស់សហរដ្ឋអាមេរិក។ សិស្សដែលបានបញ្ចប់ថ្នាក់ភាសាអង់គ្លេសទូទៅកម្រិត១២ មានសមត្ថភាពគ្រប់គ្រាន់ទាំងការនិយាយ ការស្តាប់ ការអាន និងការសរសេរ និងមានសមត្ថភាពប្រឡងតេស្តអន្តរជាតិបានគ្រប់ៗគ្នា​៕

ដោយ៖ ធឿន វ៉ាន់សុង

The post លោកបណ្ឌិត​ លី​ ឆេង ៖ ការ​យ​កចិត្ត​ទុកដាក់រៀន​សូត្រ​​បន្ថែម​ នឹង​​អាច​​ឈាន​ទៅ​​ប្រកួត​ប្រជែង​ទីផ្សារ​ការងារ​​ទាំង​ក្នុង​តំបន់​អាស៊ាន និង​ពិភពលោ​ក​ ពិសេស​ដើរ​ទាន់​សម័យ​បច្ចេកវិទ្យា​ឌីជីថល appeared first on Kampuchea Thmey Daily.

​យោងតាម​ប្រភពពី​លោកស្រី ខៀវ សុភា​វី ប្រធានការិយាល័យ​ច្រកចេញ​ចូល​តែមួយ សាលា​ខណ្ឌ​ច្បារអំពៅ​ បាន​ឲ្យ​ដឹង​ថា ចាប់តាំងពី​ម៉ោង​២​រសៀល​រហូតដល់​ម៉ោង​១១​យប់​ថ្ងៃ​ទី​៣​ ខែ​កុ​ម្ភៈ​នេះ ​លោក ចេង មុនី​រ៉ា អភិបាលខណ្ឌ​ច្បារអំពៅ បាន​ដឹកនាំ​ក្រុមការងារ រួមមាន​លោក លោកស្រី អភិបាលរងខណ្ឌ លោកនាយក នាយករង​រដ្ឋបាល​សាលា​ខណ្ឌ​និង​មន្ត្រី​ការិយាល័យ​ច្រក ចេញចូល​តែមួយ បាន​យក​សញ្ញាបត្រ​មធ្យមសិក្សា​ទុតិយភូមិ​ឆ្នាំ​សិក្សា ២០១៩-២០២០ ដែល​បានធ្វើ​នីត្យានុកូលកម្ម​មក​ចម្លង​ជូន​តាម​ច្បាប់ដើម ក្នុង​សញ្ញាបត្រ​មួយ​ចំនួន​១០​សន្លឹក​ សម្រាប់​ជូន​ដល់​សិស្សានុសិស្ស​ ដែល​ទើប​បញ្ចប់​ថ្នាក់​ទី​១២​ក្នុង​វិទ្យាល័យ​ទាំង​៤​ក្នុង​មូលដ្ឋាន​ខណ្ឌ​ច្បារអំពៅ​រាជធានី​ភ្នំពេញ ​ដើម្បី​ងាយស្រួល​ដល់​ប្អូនៗ​យកទៅ​ប្រើប្រាស់​តាម​តម្រូវ​ដោយ​មិនចាំបាច់​មក​ធ្វើ​ច្បាប់​ចម្លង​នៅ​ការិយាល័យ​ច្រកចេញចូល​តែមួយ​នៃ​សាលា​ខណ្ឌ​ច្បារអំពៅ​ ដោយ​មិនបាច់​ចំណាយ​ប្រាក់​ទៀត​ផង​។

​លោកស្រី​ប្រធានការិយាល័យ​ច្រកចេញចូលតែមួយ​ បាន​ឲ្យ​ដឹង​ថា ​មូលហេតុ​ដែល​លោក​អភិបាលខណ្ឌ​ច្បារអំពៅ​ខិតខំ​ធ្វើ​ច្បាប់​ចម្លង​ជូន​ដល់​ប្អូនៗ​សិស្សានុសិស្ស​ទាំង​យប់​នេះ ​គឺ​សម្រាប់​ផ្តល់ជូន​ដល់​សិស្ស​នា​ព្រឹក​ថ្ងៃទី​៤​ខែ​កុ​ម្ភៈ​នេះ​ឲ្យ​បាន​គ្រប់គ្នា​។ ​ក្នុង​នោះ​ គឺ​វិទ្យាល័យ​ច្បារអំពៅ​ គឺ​មាន​ច្បាប់ដើម​៤៥៥​និង​ធ្វើ​ជូន​ចំនួន​១០​សន្លឹក​ស្មើ​និង​៤៥៥០​សន្លឹក​។​ វិទ្យាល័យ​ព្រែក​ឯង​ច្បាប់ដើម​មាន​១៧២​ បាន​ចម្លង​ជូន​១០​សន្លឹក​ស្មើ​និង​១៧២០​សន្លឹក​។​ វិទ្យាល័យ​ព្រែក​ថ្មី​ច្បាប់ដើម​ចំនួន​៥២​ បាន​ចម្លងជូន​១០​សន្លឹក​ស្មើ​និង​៥២០​សន្លឹក​។​ ដោយឡែក​សាលា​ពុទ្ធិ​កះ​សា​មណះ​សិស្ស​ច្បាប់ដើម​មាន​៤៧​ ចម្លងជូន​១០​សន្លឹក​ស្មើ​និង​១៨៨​សន្លឹក​។

​តាងនាម​ឲ្យ​សិស្សានុសិស្ស​និង​អាណាព្យាបាល​សិស្ស ​ក្នុង​មូលដ្ឋាន​ខណ្ឌ​ច្បារអំពៅ​ បាន​សំដែង​នូវ​ការ​អរគុណ​ដល់​លោក ​ចេង មុនី​រ៉ា អភិបាល​នៃ​គ​ណៈ​អភិបាលខណ្ឌ​ច្បារអំពៅ​ ដែល​ខិតខំ​ធ្វើ​ច្បាប់​ចម្លង​សញ្ញាបត្រ​មធ្យមសិក្សា​ទុតិយភូមិ​ជូន​ដល់​សិស្ស​ដោយ​មិន​គិត​ថ្លៃ​ហើយ​យក​មក​ប្រគល់​ដល់​ដៃ​សិស្ស​ ដែល​ទើប​បញ្ចប់​ថ្នាក់​ទី​១២​បាន​គ្រប់ៗ​គ្នា​ ដើម្បី​យក​ទៅ​ប្រើប្រាស់​តាម​ផ្លូវ​ច្បាប់​៕

អត្ថបទ៖ ​ន​រា

សូមចុចអាន៖ ​ក្រសួង​អប់រំ​ប្រកាសឱ្យ​មាតាបិតាសិស្ស រាយការណ៍ផ្ទាល់ទៅគណៈគ្រប់គ្រងសាលាពេលមានភាពមិនប្រក្រតី

The post ទោះ​ម៉ោង​១១​យប់ ខណ្ឌ​ច្បារអំពៅ នៅ​តែ​ចម្លង​សញ្ញាបត្រ​មធ្យមសិក្សា​ទុតិយភូមិ ដោយ​មិន​គិត​ថ្លៃ​ដល់​សិស្ស appeared first on Kampuchea Thmey Daily.

​នេះ​បើ​តាម​ការ​បញ្ជាក់​របស់​លោក​ឯក ឃុន​ដឿ​ន​ អភិបាល​នៃ​គណៈ​អភិបាលខណ្ឌ​ទូក​គោក ក្នុង​កិច្ចប្រជុំ​សាមញ្ញ​លើក​ទី​២០​របស់​ក្រុមប្រឹក្សា​ ខណ្ឌទួលគោក​អាណត្តិ​ទី​៣ នា​ព្រឹក​ថ្ងៃទី​២៨ ខែមករា​ ឆ្នាំ​២០២១​នេះ នៅ​សាលា​ខណ្ឌ​ទួលគោក ក្រោម​វត្តមាន លោក​ ម៉ែន សិរី​ប្រធាន​ក្រុមប្រឹក្សា​ខណ្ឌ និង​លោក​ ឯក ឃុន​ដឿ​ន​អភិបាល​ខណ្ឌទួលគោក​។

​លោក​ ឯក ឃុន​ដឿ​ន​ បាន​មានប្រសាសន៍​លើកឡើង​ថា អនុវត្ត​តាម​ដីកា​សម្រេច​របស់​ក្រសួងមហាផ្ទៃ លោក​ស្នើ​ឲ្យ​មន្ត្រី​ពាក់ព័ន្ធ​ទាំងអស់​របស់​រដ្ឋបាល​ខណ្ឌទួលគោក ត្រូវ​ចុះ​ស្រង់​ស្ថិតិ​ប្រជាពលរដ្ឋ ពិសេសៗ​សិស្សានុសិស្ស​ ដែល​បាន​ជាប់​បាក់​ឌុប​នៅ​ឆ្នាំនេះ​ ដើម្បី​យើង​គ្រប់គ្រង​ស្ថិតិ​ឲ្យ​បាន​ច្បាស់លាស់ ​ក្នុង​ការ​ផ្ដល់សេវា​នៃ​ការ​បញ្ជាក់​សញ្ញាបត្រ​បាក់​ឌុប​ជូន​ពួកគាត់​

​ដោយ​មិន​គិត​ប្រាក់ ដោយ​ចាប់​ផ្តើម​អនុវត្ត​ចាប់ពី​ពេល​ដែល​ពួកគាត់​ទទួល​បាន​សញ្ញាបត្រ​បាក់​ឌុប​រហូតដល់​ថ្ងៃ​ទី​៣១ ខែ​មិនា​ ឆ្នាំ​២០២១។ នេះ​ជាការ​លើកទឹកចិត្ត​ដល់​ប្អូន​សិស្ស និស្សិត​ទាំងអស់​ក្នុងដំណាក់កាល​ដែល ប្រទេស​កម្ពុជា​ប្រឈម​នឹង​ជំងឺ​កូ​វីដ​-១៩។ លោក​ ឯក ឃុន​ដឿ​ន ក៏បាន​បញ្ជាក់​ ផង​ដែរ​ថា ចំពោះ​ប្អូនៗ ដែល​ត្រូវ​បញ្ជាក់​សញ្ញាបត្រ មិន​យកប្រាក់​នេះ​ គឺធ្វើឡើង​ចំពោះ​ប្អូនៗ​ដែល​ស្នាក់នៅ​រៀនសូត្រ​នៅ​ក្នុង​មូលដ្ឋាន​ខណ្ឌទួលគោក និង​សិស្សានុសិស្ស​ ដែល​រៀន​នៅ​សាលា​ ដែល​មាន​មូលដ្ឋាន​ខណ្ឌ​ទួលគោក​។

​លោក​ ម៉ែន សិរី ប្រធាន​ក្រុមប្រឹក្សា​ខណ្ឌ​ទួលគោក បានបញ្ជាក់​ផង​ដែរ​ថា ការ​បញ្ជាក់​ខាងលើនេះ គឺ​ដើម្បី​ឲ្យ​ការិយាល័យ​ច្រក​ចេញចូល​តែមួយ​របស់​ខណ្ឌ​ទួលគោក មាន​ជា​មូលដ្ឋាន​ក្នុង​ការ​ធ្វើការ​នៃ​ការផ្ដល់សេវា​កម្មនេះ ​ជូន​ទៅដល់​ប្អូនៗ​សិស្សានុសិស្ស​ដែល​ទើប​ជាប់​បាក់​ឌុប ដោយ​ស្វ័យប្រវត្តិ ដោយ​មិន​គិត​ថ្លៃ​ទៅតាម​អនុសាសន៍​ដ៏​ខ្ពង់ខ្ពស់​របស់​សម្ដេច​អគ្គមហាសេនាបតី​តេ​ជោ​ ហ៊ុន សែន​។ នេះ​ជាការ​លើកទឹកចិត្ត​មួយ​ដ៏​ធំ​មួយ​របស់​រដ្ឋាភិបាល​ក​ម្ពុ​ជា ​ក្នុង​ដំណាក់កាល​ប្រទេស​កម្ពុ​ុ​ជា​ប្រឈម​នឹង​ជំងឺ​កូ​វីដ​-១៩៕​

អត្ថបទ៖ ស្រីរ័ត្ន​

សូមចុចអាន៖ វិស័យ​តែងនិពន្ធ​ប៉ុន្មាន​ឆ្នាំចុងក្រោយ ស្ថិត​លើ​ផ្លូវវិជ្ជមាន​

The post បញ្ជាក់​សញ្ញាបត្រ ដោយ​មិន​គិតប្រាក់​ រយៈពេល​៦០​ថ្ងៃ សម្រាប់​សិស្សនិស្សិត​ appeared first on Kampuchea Thmey Daily.