នៅក្នុងមួយជីវិតរបស់ James Bowen គឺគ្មានអ្នកណាខ្វាយខ្វល់ជាមួយនឹងលោកឡើយ សូម្បីតែឪពុកបង្កើត និងម្ដាយចុង ក៏មិនព្រមទទួលស្គាល់ James ដែរ ដោយសារតែលោក ប្រើប្រាស់ថ្នាំញាណ និង គ្មានការងារធ្វើ ត្រឹមត្រូវ គ្មានសូម្បីតែផ្ទះសម្បែងត្រឹមត្រូវ។

ក្រោយមកពួកគេបានក្លាយជាសម្លាញ់ដ៏ល្អនឹងគ្នា ហើយ James ក៏បានឈប់ជក់ថ្នាំ និងខិតខំរកលុយកាក់ តាមរយៈការលេងហ្គីតា តាមដងផ្លូវរបស់លោក ដើម្បីរកចំណូលចិញ្ចឹមឆ្មា ដែលលោកដាក់ឈ្មោះថា Bob។ នៅថ្ងៃមួយ Bob បានរត់តាម និង បានហក់ឡើងលើស្មារបស់ James ទៅដល់កន្លែង លេងហ្គីតា​។

ឆ្មាដែលមានសម្បុរពណ៌មាស Bob មានអត្តចរិតឆ្លាត រួសរាយ និង អាចសម្ដែងសកម្មភាពផ្សេងៗដ៏ទាក់ទាញ ហើយស្ទាយប្រចាំខ្លួនរបស់ Bob គឺមានចងកន្សែងបង់កពណ៌មួយ និងតែងតែឈរនៅលើឆ្មារបស់ James ជានិច្ច វាមិនខ្លាចមនុស្សនោះឡើយ វាថែមទាំងរួសរាយទៀតផង។

វត្តមានរបស់ Bob ដែលអង្គុយក្បែរ James លេងហ្គីតានេះហើយ បានធ្វើឲ្យមនុស្សម្នារជាច្រើនចាប់អារម្មណ៍ ហើយវាក៏បានជួយឲ្យ James រកចំណូលបានកាន់តែច្រើន មានកេរ្តិ៍ឈ្មោះល្បីល្បាញ។ ជារៀងរាល់ថ្ងៃ ពួកគេតែងតែទៅរកចំណូលជាមួយគ្នាជាប្រចាំ ហើយឆ្មាដ៏ឆ្លាតមួយក្បាលនេះ តែងតែទទួលកាដូពីទស្សនិកជនរបស់គេ។

ជីវិតរបស់ James កាន់តែប្រសើរឡើង មិនត្រឹមតែលោកអាចផ្ដាច់ថ្នាំញាណប៉ុណ្នោះ ជីវិតរបស់លោកបានផ្លាស់ប្ដូរទាំងស្រុង ពីជនអនាថា គ្មានផ្ទះសម្បែង ប្រែក្លាយជាបុគ្គលម្នាក់ ដែលសង្គមទទួលស្គាល់។ ជាពិសេស James Bowen បានក្លាយជាមនុស្សម្នាក់ ដែលជម្រុញទឹកចិត្តមនុស្សរាប់លាននាក់ ឲ្យចេះស្រឡាញ់សត្វ និង ព្យាយាមកែប្រែខ្លួនឯងឲ្យក្លាយជាមនុស្សល្អក្នុងសង្គម។

ក្រោយមក James Bowen បានសរសេរសៀវភៅមួយក្បាលនិយាយអំពី Bob ដែលមានចំណងជើងថា A Street Cat Named Bob ដែលក្លាយជាសៀវភៅមួយក្បាលដែលលក់ដាច់បំផុតនៅឆ្នាំ2012។ មិនតែប៉ុណ្នោះ ខ្សែជីវិតរបស់ James Bowen និង Bob ក៏ត្រូវបានគេផលិតចេញជាខ្សែភាពយន្ដ ដែល Bob ក៏បានដើរតួសម្ដែងខ្លួនឯងទៀតផង ហើយនៅចុងសាច់រឿង យើងក៏បានឃើញ James ចេញមុខបន្ដិចផងដែរ។

ប៉ុន្ដែជាអកុសល ក្នុងវ័យ14ឆ្នា Bob ឆ្មាដ៏គួរឲ្យស្រឡាញ់មួយក្បាលនេះ ត្រូវបានឡានបានបុក មិនអាចជួយសង្គ្រោះបាន ក៏បានអស់ជីវិតនៅក្នុងថ្ងៃទី15​ ខែមិថុនា ឆ្នាំ2020 ដែលធ្វើឲ្យម្ចាស់វា និង មហាជនជាច្រើនដែលស្គាល់វា មានការសោកសៅជាខ្លាំង។

ដោយក្ដីស្រឡាញ់លើសលុប មហាជនក៏បានកសាងរូបសំណាក់របស់ Bob នៅក្នុងសួនច្បារ ដើម្បីរំលឹកអំពីឆ្មា ដែលជួយសង្គ្រោះជីវិត James ឲ្យផុតពីរណ្ដៅទុក្ខ មនុស្សនឹងចងចាំវត្តមានដ៏អស្ចារ្យរបស់ Bob លើផែនដីនេះ៕

The post ប្រវត្តិរបស់​ James Bowen និង Bob ឆ្មា ដែលបានជួយសង្គ្រោះជីវិតលោក appeared first on Kampuchea Thmey Daily.

១. ពុកមាត់ក្រាស់ជារោម

ពុកមាត់ឆ្មាមានទំហំធំជាងរោមធម្មតា ២ ទៅ ៣ ដង និងមានឫសជ្រៅជាង ៣ ដងឯណោះ ។

២. មានចំនួនសមាមាត្រ

ជាទូទៅ ឆ្មាមានពុកមាត់ ២៤ សរសៃ ឬម្ខាង ១២ សរសៃ ខ្លះទៀតមានលើស ២៤ សរសៃ ប៉ុន្តែពុកមាត់ទាំងសងខាងតែងសមាមាត្រគ្នាជានិច្ច ។

៣. ឆាប់ប្រតិកម្ម

ពុកមាត់ឆ្មាផ្សាភ្ជាប់ជាមួយនឹងប្រព័ន្ធប្រសាទ ហើយចុងរបស់សរសៃការ៉ាទីនត្រូវបានបំពាក់ជាមួយសរីរាង្គអារម្មណ៍ហៅថា proprioceptors ដែលមាននាទីបញ្ជូនសារទៅកាន់ខួរក្បាល ។

៤. មានពុកមាត់ស្ត្រេស

ពេលដែលឆ្មាស៊ីចំណី ឬផឹកទឹកពីចានតូចចង្អៀត ពុកមាត់របស់វានឹងប៉ះទង្គិចចានហើយបង្កទៅជាស្ត្រេស ដូច្នេះអ្នកចិញ្ចឹមគួរផ្លាស់ប្ដូរចានឲ្យទូលាយទើបល្អ ។

៥. ទំហំពុកមាត់អាស្រ័យលើទំហំសត្វឆ្មា

ឆ្មាកាន់តែធំ ពុកមាត់កាន់តែវែង ដូចជាឆ្មា Missi the Maine Coon ដែលមានពុកមាត់ ១៩ សង់ទីម៉ែត្រ វែងជាងគេបង្អស់នៅលើពិភពលោក ។

៦. មានចលនា

សរសៃពុកមាត់នីមួយៗភ្ជាប់ទៅនឹងសាច់ដុំ ដែលអាចឲ្យឆ្មាបញ្ជាវាបាន ។

៧. បង្ហាញពីអារម្មណ៍ឆ្មា

យោងតាមមហាវិទ្យាល័យ Melbourne បានឲ្យដឹងថា ពុកមាត់ឆ្មាអាចបង្ហាញពីអារម្មណ៍ស្ងប់ស្ងាត់ និងភាពភ័យខ្លាចរបស់វា ។

៨. ជ្រុះដូចរោម

អ្នកមិនគួរកាត់ពុកមាត់ឆ្មាទេ វាអាចដុះ និងជ្រុះដោយឯកឯងទើបគ្មានផលប៉ះពាល់ដល់សុខភាពឆ្មា ។

សូមបញ្ជាក់ថា ការកាត់ពុកមាត់ឆ្មាមិនបង្កការឈឺចាប់ទេ ប៉ុន្តែវាបង្កឲ្យឆ្មាវង្វេងវង្វាន់ ឬមិនអាចធ្វើសកម្មភាពទូទៅប្រចាំថ្ងៃបាន ៕

ប្រែសម្រួល ៖ វារី

ចុចអាន ៖ តារានិករទាំង ៤ នេះ ចាត់ទុកសត្វចិញ្ចឹមដូចកូនបង្កើត

The post ៨ យ៉ាង អំពីពុកមាត់ឆ្មា មនុស្សភាគច្រើនមិនសូវដឹង appeared first on Kampuchea Thmey Daily.