១. អណ្ដើកយក្ស Pinta 

អណ្ដើកយក្ស Pinta ចុងក្រោយគេបង្អស់មានឈ្មោះថា Lonesome George វាងាប់នៅថ្ងៃទី២៤ ខែមិថុនា ឆ្នាំ ២០១២ ក្នុងអាយុជាង ១០០ ឆ្នាំ ។

២. កង្កែបពុលដ៏អស្ចារ្យ

កង្កែបពុលដ៏អស្ចារ្យផុតពូជនៅឆ្នាំ ២០២០ ហើយត្រូវគេកត់ត្រាចុងក្រោយក្នុងឆ្នាំ ១៩៩២ ។

៣. Spix’s Macaw

សេក Macaw មានដើមកំណើតនៅប្រទេសប្រេស៊ីល ត្រូវបានគេឃើញចុងក្រោយនៅក្នុងព្រៃឆ្នាំ ២០១៦ និងប្រកាសថាផុតពូជនៅឆ្នាំ ២០១៩ ។

៤. Pyrenean Ibex

Pyrenean ibex ចុងក្រោយគឺជាសត្វញីឈ្មោះ Celia ដែលងាប់នៅភាគខាងជើងនៃប្រទេសអេស្ប៉ាញក្នុងថ្ងៃទី៦ ខែមករា ឆ្នាំ២០០០ ដោយគ្មានមូលហេតុពិតប្រាកដ ។

៥. Bramble Cay Melomys

Bramble Cay Melomys ត្រូវបានប្រកាសថាផុតពូជដោយ IUCN ក្នុងខែឧសភា ឆ្នាំ២០១៥ គេឃើញវាចុងក្រោយក្នុងឆ្នាំ២០០៩ នៅលើកោះផ្កាថ្មតូច Bramble Cay ។

៦. រមាសខ្មៅលោកខាងលិច

រមាសខ្មៅលោកខាងលិចត្រូវបានប្រកាសថាផុតពូជដោយ IUCN ក្នុងឆ្នាំ២០១១ ។

សត្វជាច្រើនបានផុតពូជដោយសារសកម្មភាពរបស់មនុស្សដែលបណ្ដាលឲ្យពួកវាឈឺ បាត់បង់ទីជម្រក ខ្វះចំណី និងការរំខានផ្សេងៗដូចជាការបរបាញ់ជាដើម ៕

ប្រែសម្រួល ៖ វារី

ចុចអាន ៖ សត្វ ៥ ប្រភេទ ផុតពូជពីផែនដីគ្មានសល់

The post សត្វ ៦ ប្រភេទ ទើបតែផុតពូជក្នុងសតវត្សទី ២១ appeared first on Kampuchea Thmey Daily.

១. រមាសខ្មៅអាហ្វ្រិកខាងលិច

កន្លងមករមាសខ្មៅប្រភេទនេះ វារស់នៅក្នុងតំបន់ភាគអាគ្នេយ៍នៃទ្វីបអាហ្វ្រិក មានប្រវែង ៣-៣,៨ម៉ែត្រ កម្ពស់ ១,៤-១,៧ម៉ែត្រ និងទម្ងន់៨០០-១,៣០០គីឡូក្រាម។ ចំណុចសម្គាល់នៃរមាសនេះគឺមានកុយ២ខុសពីរមាសទូទៅ ហើយស៉ីស្លឹកនិងពន្លករុក្ខជាតិជាអាហារ។ វាត្រូវបានប្រកាសថាផុតពូជនៅឆ្នាំ ២០១១។

២. ដូហ្វីនស Baiji 

ដូហ្វីនស Baiji ពីមុនមាននៅក្នុងទន្លេ Yangtze ប្រទេសចិនតែមួយគត់។ ថនិកសត្វនេះអាចលូតលាស់ធំបំផុតប្រហែល ២៥០គីឡូក្រាម និងត្រូវផុតពូជដោយសារការរីកចម្រើនក្នុងប្រទេសចិនដែលជះឥទ្ធិពលអាក្រក់ដល់ការរស់នៅរបស់ដូហ្វីនសBaiji។ ទោះបីជាមិនទាន់មានការប្រកាសជាផ្លូវការពីការដាច់ពូជក្ដី ចាប់តាំងពីឆ្នាំ២០០២ មកគ្មាននរណាម្នាក់បានឃើញវាម្ដងទៀតឡើយ។

៣. ពពែ Pyrenean Ibex

គេប្រទះឃើញពូជពពែនេះនៅក្នុងឧបទ្វីប Iberian ពួកវាមានទម្ងន់ ២៤-៨០គីឡូក្រាម ហើយស៉ីស្មៅជាចម្បង។ មូលហេតុពិតប្រាកដនៃការផុតពូជនៅមិនទាន់ដឹងច្បាស់នៅឡើយទេ ដឹងត្រឹមថាពពែចុងក្រោយដែលនៅសល់បានស្លាប់ដោយសារធ្លាក់ពីលើដើមឈើក្នុងភាគខាងជើងប្រទេសអេស្ប៉ាញឆ្នាំ២០០០។

៤. ព្រាប Passenger

ព្រាប Passenger មានដើមកំណើតនៅអាមេរិកខាងជើងបានផុតពូជតាំងពីដើមសតវត្សទី២០។ កាលពីសតវត្សទី១៩ សត្វព្រាបត្រូវចាត់ទុកថាជាអាហារថោកសម្រាប់អ្នកក្រទើបបណ្តាលឱ្យមានការបរបាញ់សម្លាប់យ៉ាងច្រើនរហូតដល់ផុតពូជ។

៥. ខ្លា Tasmanian 

ខ្លា Tasmanian មានដើមកំណើតនៅប្រទេសអូស្ត្រាលី មិនមែនជាអំបូរសត្វខ្លាដូចឈ្មោះទេ វាមានរូបរាងនិងទំហំប្រហែលសត្វឆ្កែទៅវិញ។ គេជឿជាក់ថាសត្វខ្លានេះត្រូវមនុស្សតាមបរបាញ់ វាទីជម្រក និងបូករួមកត្តាជំងឺផងដែរទើបដាច់ពូជបាត់ទៅ។ យ៉ាងណាមិញ សត្វខ្លា Tasmanian ចុងក្រោយត្រូវបានសម្លាប់នៅចន្លោះឆ្នាំ១៩១០-១៩២០៕

ប្រែសម្រួលដោយ៖ វារី

ចុចអាន៖ ការពិតដ៏អស្ចារ្យ ១០ យ៉ាង ពីសត្វសំពោច Meerkat

The post សត្វ ៥ ប្រភេទ ផុតពូជពីផែនដីគ្មានសល់ appeared first on Kampuchea Thmey Daily.