ក្នុង​សេចក្ដី​ថ្លែង​ការណ៍​របស់​ WV ប្រចាំ​កម្ពុជា​ថ្ងៃទី៨ ខែ​ធ្នូ បាន​លើក​ឡើង​ថា​ពេល​នេះ​អង្គការ​កំពុង​វាយ​តម្លៃ​ពី​តម្រូវ​ការ​បន្ទាន់​និង​ធ្វើ​ការ​ជាមួយ​អាជ្ញាធរ​កម្ពុជា​ដើម្បី​ជួយ​គាំទ្រ​ដល់​គ្រួសារ​ដែល​រង​ផល​ប៉ះពាល់​។

ក្នុង​សេចក្ដី​ថ្លែង​ការណ៍​នោះ​លើក​ឡើង​ថា៖ «អង្គការទស្សនៈពិភពលោកអន្តរជាតិ ប្រចាំ​នៅ​កម្ពុជា​មាន​ការ​ព្រួយបារម្ភយ៉ាងខ្លាំងចំពោះការប៉ះទង្គិចគ្នានៅតាមបណ្តោយព្រំដែនកម្ពុជា-ថៃ ដែល​បណ្តាល​ឱ្យ​មានការផ្លាស់ទី និងការរំខានដល់អាយុជីវិត។ កុមារគឺជាជនងាយរងគ្រោះបំផុត​ក្នុងវិបត្តិ​នេះ»។

នាយក​ប្រចាំ​ប្រទេស​នៃ​អង្គការ​ទស្សនៈពិភពលោក​ប្រចាំ​កម្ពុជា​លោក ជេណេស អ៊ីម៉ានួអែល ហ្គីនទីញ បាន​បង្ហាញ​ក្ដី​បារម្ភ​ថា​អង្គការ​លោក​ទើប​តែ​បាន​រៀប​ចំ​កម្មវិធី​ជួយ​ស្ដារ​ដល់​កុមារ​ និង​សហគមន៍​ដែល​រង​ផល​ប៉ះពាល់​ពី​ការ​ប៉ះ​ទង្គិច​គ្នា​កាល​ពី​ចុង​ខែ​កក្កដា​កន្លង​ទៅ ហើយ​អ្វី​ដែល​កើត​ឡើង​នៅ​ពេល​នេះ​គឺ​បាន​បង្កើត​នូវ​ការ​ឈឺ​ចាប់​ និង​លំបាក​បន្ថែម​ទៀត​ដល់​ជន​ស៊ីវិល។

លោក​បន្ថែម​ថា​​៖ «ទស្សនៈ​ពិភពលោក និង​សហគមន៍​សប្បុរស​ធម៌​ យើង​បន្ត​សង្ឃឹម និង​បួង​សួង​សុំ​សន្តិភាព​​សម្រាប់​ប្រទេស​ទាំង​ពីរ​ដែល​អាច​រួម​គ្នា​ស្វែង​រក​សន្តិភាព និង​ដំណោះ​ស្រាយ​​ដែល​ស្ថិតស្ថេរ​»។

ដោយ​គ្មាន​ការ​ប្រកាស​ជា​មុន​ទាហាន​ថៃ​បាន​បើក​ការ​វាយ​ប្រហារ​មក​លើ​កម្ពុជា​តាម​បណ្តោយ​ព្រំ​ដែន​ចាប់​តាំង​ពី​ព្រឹក​ថ្ងៃទី​៨ ខែ​ធ្នូ បាន​បង្ខំ​ឱ្យ​ពលរដ្ឋ​ខ្មែរ​រត់​ភៀស​ខ្លួន​គេច​ទៅ​ទីតាំង​សុវត្ថិភាព​ជា​បន្តបន្ទាប់​ សាលា​រៀន​ក្នុងខេត្តជាប់បន្ទាត់ព្រំដែន​ជាមួយ​ថៃ​៤ខេត្ត​បិទទ្វារ​សរុប ៣៧៧សាលា គ្រូបង្រៀន៣១៩៧នាក់ ប៉ះពាល់សិស្សសរុប ៧៨ ៥៨៥នាក់។ ​ គិត​ត្រឹម​ម៉ោង​៦ព្រឹក​ថ្ងៃទី​៩ ខែ​ធ្នូ​នេះ​​មាន​មនុស្ស​ជាង​២ម៉ឺននាក់​បាន​ភៀស​សឹក ខណៈ​មនុស្ស​៧នាក់​ស្លាប់ និង​របួស​២០នាក់​៕

​​​អត្ថបទដោយ ហ៊ុន សិរីវឌ្ឍន៍

The post អង្គការ​ទស្សនៈ​ពិភពលោក​អំពាវនាវ​ឱ្យ​មាន​ការ​ការពារ​កុំ​ឱ្យ​មាន​គ្រោះថ្នាក់​បន្ថែម​ទៀត​លើ​កុមារ​និង​សហគមន៍ appeared first on Kampuchea Thmey Daily.

ការលើកឡើងនេះ គឺបន្ទាប់ពីថ្មីៗនេះ មានអ្នកស្ម័គ្រចិត្តដើរពីរាជធានី/ខេត្តមួយ ទៅកាន់គោលដៅជាច្រើនផ្សេងទៀត ក្រោមគោលគំនិតផ្សេងៗគ្នា។ តែទោះជាបែបនេះ លោកមើលឃើញថា មានមួយចំនួនតូច ចេញដំណើរបេសកកម្មដើរ ដោយមិនមានគោលដៅច្បាស់លាស់ និងមានតម្លាភាពឡើយ។ ដោយហេតុនេះ លោកទទូចសុំដល់អ្នកចូលរួមជួយសង្គម មិនថាតាមរយៈសកម្មភាពដើរ ឬរត់ ឬគោលដៅផ្សេងឡើយ សូមធ្វើការងារសង្គមដោយទទួលខុសត្រូវ។

សូមជម្រាបថា បើរាប់ចាប់តាំងពីខែកញ្ញាមក ពោលគឺក្រោយបវរកកញ្ញាកម្ពុជា កុយ អេនណា ផ្តួចផ្តើមយុទ្ធនាការ “ដើរដោយក្តីសង្ឃឹម ដើរដើម្បីទេសចរណ៍” ដើម្បីរៃអង្គាសថវិកាជួយដល់ក្មេងៗ និងជនមានពិការភាពក្នុងមណ្ឌលខ្វះខាតនោះ ក៏សង្កេតឃើញមានសាធារណជន និងបុគ្គលមានប្រជាប្រិយភាពមួយចំនួនទៀត ចាប់ផ្តើមចេញដំណើរទៅកាន់គោលដៅផ្សេងៗដែរ និងមានគោលដៅច្បាស់លាស់ក្នុងយុទ្ធនាការរបស់ខ្លួន។

ក្នុងចំណោមនោះ រួមមាន យុទ្ធនាការ “ដើរដើម្បីធម្មជាតិ” របស់លោក តាន់ គីមសួរ ជាដើម ក្នុងគោលបំណងផ្សព្វផ្សាយ និងជំរុញការការពារព្រៃឈើលើទឹកដីនៃព្រះរាជាណាចក្រកម្ពុជា ដោយដើរពីភ្នំពេញ ទៅកាន់ភ្នំឱរ៉ាល់ ដោយមានអ្នកជំនួញអនឡាញដ៏មានប្រជាប្រិយ មាស ចាន់ដាលីន, លោក ទ្រី សុីថេង ព្រមនិងសមាជិកមួយចំនួនទៀត។ តួយ៉ាង បើទោះជាបេសកកម្មនេះមិនរៃអង្គាសប្រាក់ក៏ពិតមែន ប៉ុន្តែក៏មានពលរដ្ឋតាមដងផ្លូវទៅកាន់ភ្នំឱរ៉ាល់ ចូលរួមឧបតម្ភផងដែរ ខណៈថវិកាដែលទទួលបាន ក៏បានយកទៅប្រគល់ជូនអ្នកខ្វះខាតដែលបានជួបប្រទះតាមដងផ្លូវធ្វើដំណើរផងដែរ។

ក្រៅពីនេះ ក៏មានសាធារណជនផ្សេងទៀត ចាប់ផ្តើមយកទង់ជាតិកម្ពុជាជាស្បៃគ្របខ្លួន ដើរពីខេត្ត/ក្រុង ទៅកាន់គោលដៅផ្សេងៗ រហូតធ្វើឱ្យមានការវែងកញែក និងរិះគន់សកម្មភាពបែបនេះផងដែរ។ ជាក់ស្តែង កាលពីសប្តាហ៍កន្លងទៅ នាយ ពាក់មី ក៏ទើបតែបញ្ចេញសារមួយសំណូមពរឱ្យបញ្ឈប់ការស្ពាយទង់ជាតិដើរទៀត។ ក្នុងន័យនេះ គឺលោកមិនពេញលើការដើររបស់បុគ្គលខ្លះ ដែលហាក់ដូចជាគ្រាន់តែដើរឱ្យតែបានដើរ តែមិនមានគោលដៅច្បាស់លាស់សម្រាប់សង្គម ដែលហេតុនេះ អាចធ្វើឱ្យការលះបង់របស់អ្នកធ្វើដើម្បីសង្គមផ្សេងមុនៗ អាចសាបរលាប។

The post សាយ សំណូមពរអ្នកចូលរួមសកម្មភាពសង្គម ដោយដើរ ឬរត់ បន្ទាប់ពីឃើញខ្លះមិនមានគោលដៅច្បាស់លាស់ និងតម្លាភាព appeared first on Kampuchea Thmey Daily.

ក្នុងដំណើរថ្មើរជើងលើកដំបូងទៅកាន់ខេត្តសៀមរាបក្រោមប្រធានបទ “ដើរដោយក្តីសង្ឃឹម ដើរដើម្បីទេសចរណ៍” កញ្ញា កុយ អេនណា ធ្លាប់បានបញ្ជាក់ថា ព្រឹត្តិការណ៍នេះ ធ្វើឡើងក្នុងគោលដៅធំ២ គឺផ្សារភ្ជាប់នូវការផ្សព្វផ្សាយទេសចរណ៍ក្នុងតំបន់ដែលឆ្លងកាត់ ពីខេត្តមួយទៅកាន់ខេត្តមួយ និងរៃអង្គាសថវិកាជួយកុមារ ​និងជនពិការ​ក្នុងមណ្ឌលខ្វះខាតនៅកម្ពុជា។

កុយ អេនណា បញ្ជាក់ថា សម្រាប់មូលនិធិ និងថវិកាដែលប្រមូលបានពីសប្បុរសជន ខ្លួននឹងយកទៅជួយឧបត្ថម្ភនៅតាមមណ្ឌលកុមារកំព្រា និងជនពិការដែលជួបការខ្វះខាត ដើម្បីសម្រួលដល់ការរស់នៅប្រចាំថ្ងៃរបស់ពួកគាត់។ ក្នុងព្រឹត្តិការណ៍នេះដែរ សប្បុរសជនទាំងអស់អាចចូលរួមគាំទ្រក្នុងគម្រោងរបស់ខ្លួនតាមរយៈការបរិច្ចាគថវិកា ខណៈបេសកកម្ម ចាប់ពីថ្ងៃដែលចេញដំណើរពីថ្ងៃទី០៤ ខែកញ្ញាឆ្នាំ២០២៥ រហូតដល់ថ្ងៃបញ្ចប់គោលដៅ នៅខេត្តសៀមរាប។

ជាមួយគ្នានេះដែរ កញ្ញា កុយ អេនណា ក៏ធ្លាប់បានអំពាវនាវបើកទទួលការសហការឧបត្ថម្ភចំពោះបណ្តាក្រុមហ៊ុនដែលមានបំណងចង់ចូលរួមគាំទ្រនៅក្នុងបេសកកម្មរបស់ខ្លួន អាចធ្វើការទំនាក់ទំនងដោយផ្ទាល់ដោយកញ្ញាទទួលដោយស្ម័គ្រចិត្ត មិនថាថវិការឧបត្ថម្ភ ឬជាកន្លែងស្នាក់នៅអាហារដ្ឋាន (នៅតាមទីតាំងគោលដៅ ដែលនាងនឹងត្រូវសម្រាករហូតដល់ខេត្តសៀមរាប) ឬសម្ភារៈជំនួយដល់ការធ្វើដំណើរជាដើម៕

The post បេសកកម្មថ្មើរជើងទៅកាន់ខេត្តសៀមរាប របស់ កុយ អេនណា ទទួលបានស្វាគមន៍យ៉ាងកក់ក្តៅពីសាធារណជន appeared first on Kampuchea Thmey Daily.

សូម​បញ្ជាក់​ថា សិស្សសាលា​មធ្យម​វិចិត្រ​សិល្បៈ បាន​រួម​គ្នា​សម្ដែង​ទស្សនីយភាព​សិល្បៈ ស្នាដៃ​សិស្ស ឆ្នាំ​សិក្សា ២០២៤-២០២៥ រួមមាន របាំ​បុរាណ របាំ​ប្រពៃណី សៀក និង​ល្ខោនខោល​ជាដើម ដើម្បី​ប្រមូល​ថវិកា​ជួយ​ឧបត្ថម្ភ​កងទ័ព​ជួរមុខ និង​ជនភៀសសឹក​នៅ​តំបន់​ជម្លោះព្រំដែន​កម្ពុជា​-​ថៃ៕

The post រដ្ឋមន្ត្រីក្រសួងវប្បធម៌ បានទទួលការចូលរួមឧបត្ថម្ភជំនួយសប្បុរសធម៌ពី អ្នកឧកញ៉ា សំអាង វឌ្ឍនៈ ក្នុងកម្មវិធីសិល្បៈសប្បុរសធម៌ ដើម្បីវីរកងទ័ព appeared first on Kampuchea Thmey Daily.

ព្រះវររាជមាតាជាតិខ្មែរ ព្រះប្រធានកិត្តិយសកាកបាទក្រហមកម្ពុជា សម្តេចព្រះមហាក្សត្រី នរោត្តម មុនិនាថ សីហនុ នៅ​ថ្ងៃទី​៤ ខែ​សីហា បានប្រោសព្រះរាជទានព្រះរាជទ្រព្យដ៏ឧត្តុង្គឧត្តមចំនួន ​១៥.០០០​ដុល្លារ (មួយម៉ឺនប្រាំពាន់ដុល្លារអាម៉េរិក) រួមជាមួយស្បៀង​ និងសម្ភារមួយចំនួនទៀត ដូចជាក្រដាសសើមម៉ាក MG ចំនួន ២០កេស ឆៃប៉ូវ ៥០០គីឡូក្រាម និងត្រសក់ចាវ ៣៥០គីឡូក្រាម ចំពោះកាកបាទក្រហមកម្ពុជា​​ សម្រាប់ជួយដល់ប្រជារាស្ត្រភៀសសឹក។

ប្រធានកាកបាទក្រហមកម្ពុជា សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន បាន​សម្ដែង​នូវ​អំណរព្រះគុណចំពោះព្រះ​មហាក្សត្រីដោយថា សម្តេចព្រះមហាក្សត្រី ព្រះវររាជមាតាជាតិខ្មែរ តែងតែប្រោសព្រះរាជទាននូវភាពកក់ក្តៅដល់កាកបាទក្រហមកម្ពុជា ដើម្បីបម្រើជាតិ មាតុភូមិ និងប្រជារាស្ត្រកម្ពុជា។

ក្រោយ​មាន​ជម្លោះ​ប្រដាប់​អាវុធ​ដែល​ផ្ដើម​ចេញពី​ថៃ បាន​បង្ក​ឱ្យពលរដ្ឋ​ខ្មែរ​ដែល​រស់​នៅ​ក្បែរ​ទីតាំង​ជម្លោះជម្លៀស​ខ្លួន​ទៅ​កាន់​ទី​តាំង​សុវត្ថិភាពដែល​មាន​ប្រមាណ១៧ម៉ឺននាក់​៕

អត្ថបទដោយ ហ៊ុន សិរីវឌ្ឍន៍

The post សម្ដេចម៉ែប្រទានព្រះរាជទ្រព្យនិងស្បៀងដល់កាកបាទក្រហមជួយដល់ជនភៀសសឹក appeared first on Kampuchea Thmey Daily.

តាមរយៈសមាគមបណ្ណាល័យគំនិត អំណោយជាសម្ភារៈនិងគ្រឿងឧបភោគបរិភោគជាច្រើនដែលជាការចូលរួមជួយពីសប្បុរសជននានាទាំងក្នុងស្រុកនិងក្រៅស្រុក រួមមាន អង្ករ មី ត្រីខ ទឹកត្រី ទឹកស៊ីអ៊ីវ មុងខ្នើយ កន្ទេល អាហារក្រៀម សម្លៀកបំពាក់ និងថ្នាំស្កូវមួយចំនួនផង ត្រូវបាននាំយកទៅចែកជូនដល់ប្រជាពលរដ្ឋខ្មែរដែលបានធ្វើដំណើរចាកចេញពីតំបន់ប៉ះទង្គិចជួរមុខ សរុប២០៦គ្រួសារ មានចំនួន៥៩៨នាក់ (ស្ត្រី ៣៣៥នាក់ និងកុមារ ៩៤នាក់)។

តាមឱ្យដឹងពីអាជ្ញាធរមូលដ្ឋាន ប្រជាពលរដ្ឋត្រូវបានបង្ខំចិត្តជម្លៀសចេញពីតំបន់ផ្ទុះអាវុធនៅទិសប៉ៃលិន
(៣គ្រួសារ) បន្ទាយមានជ័យ (១គ្រួសារ) ឧត្តរមានជ័យ (១៨២គ្រួសារ) និងមកពីទិសដៅផ្សេងៗទៀតចំនួន ២០គ្រួសារ។ ពលរដ្ឋភៀសសឹកទាំងនេះត្រូវបានរៀបចំឱ្យមកស្នាក់នៅបណ្ដោះអាសន្នក្នុងបរិវេណវត្តយាង មានភូមិសាស្ត្រនៅក្នុងភូមិយាង ឃុំយាង ស្រុកពួក ខេត្តសៀមរាប។

សេចក្ដីរាយការណ៍មួយរបស់ក្រសួងការពារជាតិ បានឱ្យដឹងថា ចំនួនជនភៀសសឹក គិតត្រឹមថ្ងៃទី៣០
ខែកក្កដា ឆ្នាំ២០២៥(វេលាម៉ោង ១៧:៤៥នាទី) រួមមាន ខេត្តឧត្តរមានជ័យ ចំនួន ៣៩៥៤៦ នាក់, ខេត្តព្រះវិហារ ចំនួន ៣២៥៥៨ នាក់, ខេត្តបន្ទាយមានជ័យ ចំនួន ៣៥០៥៧ នាក់, ខេត្តពោធិ៍សាត់ ចំនួន ៣០២៦ នាក់, ខេត្តសៀមរាប ចំនួន ៦១៩០៧ នាក់ សរុបរួមចំនួន ១៧២០៩៤ នាក់៕

The post សមាគមបណ្ណាល័យគំនិត នាំយកអំណោយជូនដល់ជនភៀសសឹកនិងគ្រួសារយុទ្ធជននៅខេត្តសៀមរាប appeared first on Kampuchea Thmey Daily.

បណ្ណាល័យគំនិត បាននាំយកស​ម្ភារៈសិក្សាមួយចំនួនដូចជា សៀវភៅ ប៊ិក បន្ទាត់ ខ្មៅដៃ យកចែកជូនទៅដល់កុមារៗនៃសាលាបឋមសិក្សាដីក្រហម រួមទាំងសៀវភៅអំណាននិង សៀវភៅនិទានជាច្រើនក្បាលទៀតជូនទៅដល់គណៈគ្រប់គ្រងសាលាដើម្បីតម្កល់ទុកនៅក្នុង
បណ្ណាល័យជាប្រយោជន៍ក្នុងការសិក្សារបស់សិស្សានុសិស្សផងដែរ។

ក្រៅពីចែកជូនសម្ភារៈសិក្សារនិងសៀវភៅអំណាន ព្រះតេជគុណសីលរក្ខិតោ រឹម ឈាវ បានមានសង្ឃដីកាចែករំលែកមេរៀនអប់រំតាមបែបព្រះពុទ្ធសាសនានិងបទពិសោធន៍ពីជីវិតពិត
ក្នុងសង្គមដើម្បីជាធម្មទានចែកជូនដល់សិស្សានុសិស្សផង និងអ្នកចូលរួមក្នុងកម្មវិធី សប្បុរសធម៌នេះផង ដើម្បីបណ្ដុះផ្នត់គំនិត តម្លៃ និងមនសិការ បង្កើននូវសាមគ្គីភាព ភាតរភាព ហើយឈ្វេងយល់ពីជីវិតពិតតាមរយៈកិច្ចការសង្គមនិងធម្មជាតិ។

ព្រះតេជគុណសីលរក្ខិតោ រឹម ឈាវ មានសង្ឃដីកា៖ «ចង់ធ្វើជាសិស្សពូកែត្រូវតែពូកែរៀន ហើយចង់ធ្វើជាសិស្សល្អត្រូវស្ដាប់ដំបូន្មានរបស់លោកគ្រូអ្នកគ្រូ ចង់ក្លាយទៅជាពលរដ្ឋគំរូ»។

នៅក្នុងកម្មវិធីនេះ ក្រុមការងារសមាគមបណ្ណាល័យគំនិតក៏មានសកម្មភាពដាំកូនឈើ ប្រណិតជាច្រើនប្រភេទចំនួន ៥០ដើម នៅក្នុងបរិវេណនៃសាលាបឋមសិក្សាដីក្រហម។ ព្រះតេជគុណ រឹម ឈាវ មានសង្ឃដីកាបន្ថែមថា ដើមឈើគ្រប់ប្រភេទសុទ្ធតែមានអត្ថប្រយោជន៍ មិនអាចកាត់ថ្លៃបាន ហេតុដូច្នេះហើយការដាំដើមឈើបន្ថែមពិតជាមានសារៈសំខាន់សម្រាប់ សង្គមរស់នៅរបស់មនុស្សជាតិ។

នៅចុងបញ្ចប់នៃកម្មវិធីសប្បុរសធម៌នេះ ក្រុមការងារបណ្ណាល័យគំនិតក៏បានរៀបចំអាហារ សាមគ្គីជូនដល់កុមារៗដែលជាសិស្សានុសិស្សនៃសាលបឋមសិក្សាដីក្រហមចំនួន​ ២៥៤នាក់ ផងដែរ។

កម្មវិធី​សប្បុរសធម៌​លើកទី២ របស់សមាគមបណ្ណាល័យគំនិត មានការនិមន្ត​ និងអញ្ជើញ ចូលរួមពីគណៈអធិបតី និងភ្ញៀវកិត្តិយស រួមមាន លោក ធាង ឡេង អភិបាល នៃគណៈអភិបាល ស្រុកវាងវែង លោក ខុន ព្រីង ប្រធានការិយាល័យអប់រំ យុវជននិងកីឡាស្រុកវាលវែង ព្រះភិក្ខុសីលរក្ខិតោ រឹម ឈាវ ស្ថាបនិក និងជាប្រធានសមាគមបណ្ណាល័យគំនិត ព្រះភិក្ខុ ចូច ពិស៊ិទ ប្រធានក្រុមបណ្ណាល័យអំណានជីវិត លោកស្រី ឈីន សារិ នាយិកាសាលាបឋមសិក្សាដី ក្រហម ព្រមទាំងលោកគ្រូអ្នកគ្រូនៃសាលាបឋមសិក្សាដីក្រហម មាតាបិតា អាណាព្យាបាល សិស្សានុសិស្ស និងភ្ញៀវកិត្តិយសជាច្រើនរូបទៀតសរុបជាង៣០០នាក់។

គួររំលឹកផងដែរថា ព្រះសង្ឃ និងយុវជននៃសមាគមបណ្ណាល័យគំនិតបានធ្វើ សកម្មភាពសប្បុរសធម៌លើកទី១ តាមរយៈកម្មវិធីអប់រំសីលធម៌ និងលើកកម្ពស់អំណាន ដល់កុមារក្រីក្រនិងកំព្រានៅតាមជនបទ ក្នុងនោះ​ក៏មាន​ការផ្តល់ឱ្យកុមារនូវអាវរងា អាហារ នៃក្តីស្រឡាញ់ កាលពីថ្ងៃទី០៩ ខែធ្នូ ឆ្នាំ២០២៣៕

The post បណ្ណាល័យគំនិតផ្ដល់សម្ភារៈសិក្សា និងអាហារសាមគ្គីដល់កុមារសាលាបឋមសិក្សាមួយក្នុងខេត្តពោធិ៍សាត់ appeared first on Kampuchea Thmey Daily.

បើតាមសកម្មភាពដំណើរកម្សាន្តលើហ្វេសប៊ុកផេករបស់កំពូលតារាចម្រៀង ព្រាប សុវត្ថិ លោកនិងក្រុមគ្រួសារ បានជួបសំណេះសំណាលនឹងបុរស ២នាក់ ដែលទំនងជាគ្រួសារតែមួយ ទន្ទឹមនឹងជូនថិកាដល់ពួកគាត់ផងដែរ។ ហើយដោយក្តីរំភើបជាពន់ពេក គាត់លើកដៃជូតទឹកភ្នែក និងសម្តែងការអរគុណ ចំពោះក្រុមគ្រួសារឧកញ៉ារូបនេះ ដែលមានទឹកចិត្តសង្វេគនឹងជីវិតខ្លួន ខណៈកំពុងខ្វះខាតនិងជួបការលំបាក។

តាមរយៈសកម្មភាពនេះ មហាជនបានកោតសរសើរនូវសន្តានចិត្តរបស់ឧកញ៉ា ព្រាប សុវត្ថិ និងក្រុមគ្រួសារ ដែលមិនមើលរំលងអ្នកក្រក្សត់ ឆ្លៀតជួយក្រុមគ្រួសារខាងលើដោយមិនមើលនឹងភ្នែក។ ដោយមើលឃើញនូវទឹកចិត្តសប្បុរសនេះ មតិខ្លះបានលើកឡើងថា “គួរឱ្យសរសើរ my idol ល្អទាំងចិត្ត ល្អទាំងកាយ ស័ក្តសមជាអ្នកគួរជាទីគោរពស្រលាញ់”។

គួរបញ្ជាក់ថា កន្លងមកឧកញ៉ា ព្រាប សុវត្ថិ តែងមានចិត្តជួយអ្នកដែលជួបប្រទះនឹងការលំបាក មិនថាអ្នករួមអាជីព ឬពលរដ្ឋខ្មែរដែលលោកបានជួបដោយចៃដន្យនៅទីកន្លែងណានោះទេ។ មិនតែប៉ុណ្ណោះ តារា​ចម្រៀងជួរមុខរូបនេះ ក៏តែងចូលរួមដល់សង្គមជាតិតាមរយៈសកម្មភាពនានាផងដែរ៕

The post បុរសកម្សត់ម្នាក់ អួលដើមកសម្រក់ទឹកភ្នែក លើកដៃទទួលទឹកចិត្តឧកញ៉ា ព្រាប សុវត្ថិ ដែលជូនថវិកាដល់គ្រួសារខ្លួន appeared first on Kampuchea Thmey Daily.