ក្នុងជំនួបកាលពីថ្ងៃទី១០ ខែធ្នូ ឆ្នាំ២០២៤ នៅវិមានរដ្ឋសភា រាជធានីដូហា សម្តេចតេជោ ហ៊ុន សែន ប្រធានព្រឹទ្ធសភា កម្ពុជា និងលោក ហាសាន់ ប៊ីន អាបឌុលឡា អាល-ហ្កានីម ប្រធានសភានៃរដ្ឋកាតា បានជជែកគ្នាអំពីការជំរុញទំនាក់ទំនង និងកិច្ចសហប្រតិបត្តិការសភារវាងប្រទេសទាំងពីរ ក៏ដូចជាការផ្លាស់ប្តូរយោបល់គ្នាលើស្ថានការណ៍បច្ចុប្បន្នរបស់តំបន់ និងពិភពលោក ដែលកំពុងវិវត្តគួរឱ្យព្រួយបារម្ភ។ ថ្នាក់ដឹកនាំទាំងពីរ ក៏បានបង្ហាញការយល់ឃើញដូចគ្នាចំពោះតួនាទីដ៏សំខាន់របស់សភាក្នុងការដោះស្រាយបញ្ហាតំបន់ និងពិភពលោក។

ប្រធានសភាកាតា បានលើកជាយោបល់ឱ្យមានកិច្ចប្រជុំកំពូលសភាមួយ ដើម្បីពង្រឹងទំនាក់ទំនង និងកិច្ចសហប្រតិបត្តិការឱ្យប្រសើរឡើង ខណៈលោកកត់សម្គាល់ឃើញថា ទំនាក់ទំនង និងកិច្ចសហប្រតិបត្តិការសភានៃបណ្ដាប្រទេសជាមិត្តនៅអាស៊ីមិនទាន់មានភាពរឹងមាំនៅឡើយ។ ក្នុងន័យនេះ ប្រធានសភាកាតា នឹងធ្វើការជាមួយសម្តេចតេជោ ហ៊ុន សែន លើកិច្ចការនេះ។

ប្រធានសភាកាតា បញ្ជាក់ប្រាប់សម្ដេចតេជោ ថា កាតាមានតួនាទីសំខាន់នៅក្នុងតំបន់ និងពិភពលោក ហើយកាតាបានចូលរួមចំណែកយ៉ាងសកម្មក្នុងការសម្របសម្រួល ដើម្បីឱ្យមានដំណោះស្រាយបញ្ហាអន្តរជាតិ ដូចជា បញ្ហាអ៊ុយក្រែន ប៉ាឡេស្ទីន និងអាហ្វានីស្ថាន ជាដើម។ ទន្ទឹមការបញ្ជាក់នេះ លោក ក៏បានកោតសរសើរចំពោះជំហរអព្យាក្រឹត្យរបស់កម្ពុជា ទៅលើបញ្ហាប៉ាឡេស្ទីន ហើយលោក យល់ថា បណ្តាសភានៅក្នុងសកលលោក ដែលស្រឡាញ់សន្តិភាព គប្បីរួមដៃគ្នាដោះស្រាយបញ្ហាទាំងនេះ ក្នុងផលប្រយោជន៍សន្តិភាព និងប្រជាជន។

សម្តេចតេជោ ហ៊ុន សែន ប្រធានព្រឹទ្ធសភាកម្ពុជា បានទទួលស្គាល់ដោយការពេញចិត្ត និងវាយតម្លៃខ្ពស់តួនាទីរបស់កាតានៅលើឆាកអន្តរជាតិ ដោយសម្តេច បានបញ្ជាក់ថា ជំហររបស់កាតា និងកម្ពុជាលើបញ្ហាអន្តរជាតិ និងតំបន់ មិនខុសគ្នាទេ។ សម្តេចតេជោ សង្កត់ធ្ងន់ថា ទោះបីប្រទេសយើងជាប្រទេសតូចយ៉ាងណាក៏ដោយ យើងត្រូវចូលរួមចំណែកក្នុងការដោះស្រាយបញ្ហាតំបន់ និងអន្តរជាតិ។ សម្ដេច បានប្រាប់ប្រធានសភាកាតា ថា កម្ពុជា បានចូលរួមក្នុងប្រតិបត្តិការរក្សាសន្តិភាពក្រោមឆត្រអង្គការសហប្រជាជាតិយ៉ាងសកម្ម ដោយបានបញ្ជូនកម្លាំងទៅតាមបណ្ដាប្រទេសជាច្រើននៅលើពិភពលោក រហូតមកទល់នឹងពេលបច្ចុប្បន្ន។

ចំពោះការលើកឡើងពីកិច្ចប្រជុំអន្តរជាតិសភារបស់លោកប្រធានសភាកាតា សម្តេចតេជោ បានបញ្ជាក់ថា កម្ពុជា បានរៀបចំសម័យប្រជុំពេញអង្គលើកទី១១ នៃសភាអន្តរជាតិដើម្បីភាពអត់ឱន និងសន្តិភាព (IPTP) កាលពីរសប្តាហ៍កន្លងទៅនេះ ក្នុងនោះ ថែមទាំងបានអនុម័តធម្មនុញសន្តិភាពសកលលោក ដែលបើកចំហរសម្រាប់សភាផ្សេងៗទៀតចូលជាសមាជិកផងដែរ។ សម្តេច បន្ថែមថា ក្នុងនាមសភាកាតា លោកអាចផ្តួចផ្តើមគំនិតបង្កើតកិច្ចប្រជុំសភាអាស៊ីមួយ ហើយកម្ពុជាពេញចិត្តចូលរួមដើម្បីដោះស្រាយបញ្ហាតំបន់ និងសកល។ សម្តេច ថា សម្លេងរបស់សភារួមគ្នា អាចរួមសម្លេងជាមួយរដ្ឋាភិបាល នៅអង្គការសហប្រជាជាតិ បើទោះបីជាសម្លេងស្រាល តែប្រសើរជាងមិនបានធ្វើអ្វីទាំងអស់។

ឆ្លើយតបការលើកឡើងរបស់សម្ដេចតេជោ, លោកប្រធានសភាកាតា យល់ស្របថា ធម្មនុញសន្តិភាពសកលលោកមានសារៈសំខាន់យ៉ាងខ្លាំងក្នុងការពង្រីកទំនាក់ទំនងសភា និងអ្នកស្រឡាញ់សន្តិភាព ហើយលោក នឹងធ្វើការជាមួយកម្ពុជាដើម្បីសន្តិភាពពិភពលោកប្រឆាំងសង្គ្រាម៕

The post ប្រធានសភាកាតា គាំទ្រធម្មនុញ្ញសន្តិភាព ហើយប្រកាសធ្វើការជាមួយកម្ពុជាក្នុងបុព្វហេតុសន្តិភាពសកល   appeared first on Kampuchea Thmey Daily.

សម្ដេចធិបតី ហ៊ុន ម៉ាណែត នាយករដ្ឋមន្ត្រីកម្ពុជា ក្នុងនាមជាសមាជិកសភាមួយរូប បានលើកទឹកចិត្តឱ្យមានការផ្លាស់ប្ដូរ ទស្សនកិច្ចរវាងសភាកម្ពុជា និងចិន ឱ្យបានញឹកញាប់ និងជាប្រចាំ ព្រោះដំណើរទស្សនកិច្ចនេះ នឹងមាន ផលប្រយោជន៍ដល់ស្ថាប័ននីតិបញ្ញត្តិទាំងពីរ ជាពិសេស សម្រាប់សមាជិកសភាវ័យក្មេង ក្នុងការស្វែងយល់ និងផ្លាស់ប្ដូរបទពិសោធន៍ និងទស្សនៈជាមួយគ្នា។

ក្នុងជំនួបសម្ដែងការគួរសម និងពិភាក្សាការងារ លោក ចាវ ឡឺជី ប្រធានសភាតំណាងប្រជាជនទូទាំងប្រទេស នៅមហាវិមានប្រជាជន លោក ចាវ ឡឺជី ក៏បានយល់ស្របចំពោះ ការលើកឡើងរបស់ សម្ដេចធិបតី និងប្តេជ្ញាជំរុញទំនាក់ទំនងរវាងសភានៃប្រទេសទាំងពីរ ឱ្យកាន់តែល្អប្រសើរ និងប្រកបដោយ មេត្រីភាព ដោយមិនកំណត់នូវលក្ខខណ្ឌ ឬបង្កប់នូវរបៀបវារៈណាមួយឡើយ។

ជាមួយនឹងការឯកភាពបន្តសហការ ផ្លាស់ប្ដូរនូវបទពិសោធន៍ និងខិតខំអនុវត្តគម្រោងដែលបាន ព្រមព្រៀងកន្លងមកឱ្យទទួលបានជោគជ័យ សម្ដេចធិបតី និង លោក ចាវ ឡឺជី បានឯកភាព ចំពោះគោលការណ៍នៃការបន្តកសាងលទ្ធិប្រជាធិបតេយ្យ ស្របតាមលក្ខខណ្ឌរបស់ប្រទេសជាតិនីមួយៗ សំដៅបម្រើផលប្រយោជន៍ដល់ប្រជាជនជាធំ។ ជារួម កម្ពុជា និងចិន ប្ដេជ្ញាបន្តសហការជាមួយគ្នាក្នុង នាមជាមិត្តដ៏ល្អ ដែលជឿទុកចិត្តបាន ព្រមទាំងបន្តសាមគ្គីជាមួយគ្នា ដើម្បីទប់ទល់នូវរាល់ការប៉ុនប៉ង ឬ ជ្រៀតជ្រែកពីខាងក្រៅ។

ពីជំនួបនាព្រឹកថ្ងៃទី១៥ ខែកញ្ញា លោក ចាវ ឡឺជី  មានជំនឿយ៉ាងមុតមាំថា កម្ពុជាក្រោមការដឹកនាំរបស់ សម្ដេចធិបតី នឹងបន្តរីក លូតលាស់ និងអភិវឌ្ឍទៅមុខទៀត ហើយចិន នឹងបន្តគាំទ្រកម្ពុជា ក្នុងកិច្ចដំណើរការអភិវឌ្ឍសង្គម សេដ្ឋកិច្ចរបស់ខ្លួន។ លោក ចាវ ឡឺជី ក៏បានរំលេចផងដែលថា ចំណងមិត្តភាព សាមគ្គីភាព និងកិច្ចសហប្រតិបត្តិការកម្ពុជា-ចិន នឹងចូលរួមកសាងសហគមន៍វាសនារួមក្នុងយុគសម័យថ្មី ហើយ ប្រជាជាតិទាំងពីរ នឹងទទួលបានផ្លែផ្កាពីការកសាងសហគមន៍នេះ។

សម្ដេចធិបតី ក៏បានគូសរំលេចជូន លោក ចាវ ឡឺជី នូវសារនយោបាយចំនួនពីរ ពាក់ព័ន្ធនឹងជោគជ័យរបស់គណបក្សប្រជាជនកម្ពុជា។ សារទី១ នោះគឺ ជោគជ័យដ៏ភ្លូកទឹកភ្លូកដីនេះបង្ហាញអំពីអារម្មណ៍កក់ក្តៅ និងការទុកចិត្តរបស់ប្រជាពលរដ្ឋកម្ពុជា ចំពោះគណបក្សប្រជាជនកម្ពុជា ជាពិសេស ចំពោះ សម្តេចតេជោ ប្រធានគណបក្ស និងជាប្រធាន ក្រុមឧត្តមប្រឹក្សាផ្ទាល់ព្រះមហាក្សត្រ ដែលតែងនៅជាប់រួមសុខរួមទុក្ខជាមួយប្រជាពលរដ្ឋនៅគ្រប់ កាលៈទេសៈទាំងអស់។ ចំណែកឯសារទី២ គឺជាការផ្តល់ជំនឿទុកចិត្តរបស់ប្រជាពលរដ្ឋ ដល់អ្នកបន្តវេន នៃគណបក្សប្រជាជនកម្ពុជា ដើម្បីបន្តដឹកនាំកម្ពុជាទៅក្នុងវដ្ដថ្មីនៃការអភិវឌ្ឍ។

បន្ថែមពីនេះ សម្ដេចធិបតី បានអរគុណប្រជាជន និងរដ្ឋាភិបាលចិន ដែលបានរួមចំណែក យ៉ាងច្រើន នៅក្នុងកិច្ចដំណើរការអភិវឌ្ឍសង្គម-សេដ្ឋកិច្ចរបស់កម្ពុជា ដូចជា ការជួយឧបត្ថម្ភគាំទ្រដល់ កម្ពុជាទាន់ពេល ក្នុងគ្រាលំបាកនៃវិបត្តិជំងឺកូវីដ-១៩ ជាដើម។ សម្ដេចធិបតី ក៏បានបញ្ជាក់បន្ថែមជូន លោក ចាវ ឡឺជី អំពីការបន្តរក្សាគោលជំហរ និងគោលនយោបាយការបរទេសរបស់កម្ពុជា ក្រោមការដឹកនាំរបស់ សម្ដេចធិបតី ទោះជាពិភពលោកកំពុងប្រែប្រួល និងមានភាពមិនច្បាស់លាស់ ក៏ដោយ។

លើសពីនេះទៅទៀត លោក ចាវ ឡឺជី បានផ្តាំផ្ញើសួរសុខទុក្ខ ប្រកបដោយក្តីនឹករលឹកជូន សមភាគីរបស់លោក គឺ សម្តេចមហារដ្ឋសភាធិការធិបតី ឃួន សុដារី និងជូនចំពោះ សម្ដេចអគ្គមហាពញាចក្រី ហេង សំរិន, សម្តេចអគ្គមហាសេនាបតីតេជោ ហ៊ុន សែន និង សម្ដេចវិបុលសេនាភក្តី សាយ ឈុំ ផងដែរ។

ជាចុងក្រោយ លោក  ចាវ ឡឺជី បានជូនពរឱ្យ សម្ដេចធិបតី និងគណៈប្រតិភូជាន់ខ្ពស់ បំពេញទស្សនកិច្ចផ្លូវការប្រកបដោយជោគជ័យ និងសូមឱ្យការធ្វើដំណើរមាតុភូមិនិវត្តន៍ប្រកបដោយសុខ សុវត្ថិភាព៕

The post សម្ដេចធិបតី លើកទឹកចិត្តឱ្យមានការផ្លាស់ប្ដូរទស្សនកិច្ចរវាងសភាកម្ពុជា និងចិន ឱ្យបានញឹកញាប់ និងជាប្រចាំ appeared first on Kampuchea Thmey Daily.

ការលើកឡើងបែបនេះ ត្រូវបានធ្វើឡើងបន្ទាប់ពីកិច្ចប្រជុំគណៈរដ្ឋមន្ត្រីនៅថ្ងៃនេះ (២១ កុម្ភៈ) លោក វិស្ណុះ គ្រឿង៉ាម ឧបនាយករដ្ឋមន្ត្រីបានថ្លែងបញ្ជាក់អំពីពេលវេលាកំណត់នៃការរៀបចំការបោះឆ្នោតរបស់រដ្ឋាភិបាលចាំផ្ទះ នឹងត្រូវប្រកាសនៅក្នុងខែមីនាខាងមុខ ខណៈដែលកាលបរិច្ឆេទនៃការបោះឆ្នោតបច្ចុប្បន្នក៏នឹងត្រូវបានអនុលោមយោងតាមការប្រកាសរបស់គណៈកម្មាធិការជាតិរៀបចំការបោះឆ្នោត (គជប) នៅថ្ងៃទី៧ ខែឧសភា ឆ្នាំ២០២៣៕

ប្រែសម្រួល៖ គង់ សំអាន

ប្រភព៖ posttoday

ចុចអាន៖ ថៃចាប់បានថ្នាំញៀនជាង៦លានគ្រាប់ក្បែរតំបន់ត្រីកោណមាស

ចុចអាន៖ EU ដាក់ទណ្ឌកម្មថ្មីលើ មីយ៉ាន់ម៉ា ដោយបង្កកទ្រព្យសម្បត្តិអ្នកមុខអ្នកការ​ក្នុងជួរយោធា

The post លោក ប្រាយុទ្ធ ចាន់អូចា ប្រកាសរំលាយសភានៅដើមខែមីនា appeared first on Kampuchea Thmey Daily.

ហ្វូង​មនុស្ស ​បានទម្លាយ​របាំង​សន្តិសុខ និង​​ចូល​ទៅក្នុង​អគារ​សភា​កាល​ពី​ថ្ងៃ​អាទិត្យទី០៨ខែមករា។ ពួកគេ​ក៏​បាន​លុកលុយអគារ​តុលាការ​កំពូល និង​​វិមាន​ប្រធានាធិបតីផងដែរ។

វីដេអូ​បង្ហាញ​ថា មនុស្ស​ដែល​ពាក់​ទង់ជាតិ​បាន​សម្រុក​ចូលទៅ​ក្នុង​អគារ​សភា និង​មាន​ការ​បាញ់​ឧស្ម័ន​បង្ហូរ​ទឹក​ភ្នែក​របស់​ប៉ូលិស។

ប្រព័ន្ធផ្សព្វផ្សាយប្រេស៊ីលរាយការណ៍ថា មនុស្សប្រហែល ៣០០០ នាក់បានចូលរួមក្នុងការលុកលុយនេះ ដោយវាយកម្ទេចបង្អួចមួយចំនួន។ ពេលនេះក្រុមមន្ត្រីបានបញ្ជាក់ថា មនុស្សប្រហែល១៧០នាក់ ត្រូវបានចាប់ខ្លួនហើយ។

គួរបញ្ជាក់ថា អ្នកឆ្វេងនិយមលោក Luiz Inacio Lula da Silva បានឈ្នះការបោះឆ្នោតប្រធានាធិបតីខែតុលាឆ្នាំ២០២២ ហើយចូលកាន់តំណែងនៅថ្ងៃទី០១ខែមករាឆ្នាំ២០២៣។

ទោះបីជាយ៉ាងណាក៏ដោយ អ្នកគាំទ្រមួយចំនួនរបស់លោក Bolsonaro បានបដិសេធ ទទួលស្គាល់ជ័យជម្នះរបស់លោក Lula ហើយបានធ្វើបាតុកម្មជុំវិញអគារសហព័ន្ធ។

លោក Lula បានប្រាប់អ្នកយកព័ត៌មាននៅទីក្រុង Sao Paulo ថា អ្នកណាក៏ដោយដែលវាយលុកចូលអគារ នឹងត្រូវចាប់ខ្លួន និងដាក់ទណ្ឌកម្ម៕

ប្រែសម្រួល៖ Vann Vann

ប្រភព៖ NHK

ចុចអាន៖ លោក Lula da Silva ស្បថចូលកាន់តំណែងជាប្រធានាធិបតី ប្រេស៊ីល

The post អ្នកគាំទ្រលោក Bolsonaro សម្រុកចូល បង្កចលាចលក្នុងសភា និងវិមានប្រធានាធិបតីប្រេស៊ីល appeared first on Kampuchea Thmey Daily.