តាមការផ្តល់ព័ត៍មានពីសមត្ថកិច្ចនិងកន្លែងកើតហេតុបានអោយដឹងថាក្នុងឧកាសដែលសមត្ថកិច្ចកំពុងល្បាតក្នុងមូលដ្ឋានតាមបន្ទាត់ព្រំដែនក៍បានប្រទះឃើញជនជាតិបរទេសបួននាក់សង្ស័យបង្រុងឆ្លង់ដែនខុសច្បាប់ទៅប្រទេសថៃក៍ធ្វើការឃាត់សាក់សួរ។ តាមតាមព្រភពណីសមត្ថកិច្ចផ្តល់អោយបានអោយដឹងថា យុវជនជាជនបរទេសទាំងបួននាក់ដែលបានឃាត់មានស្រី២នាក់។ សមត្ថកិច្ចមិនបានផ្តល់លំអិតពីឈ្មោះឬមានលិខិតឆ្លងដែនឬអត់ហើយត្រូវបញ្ជូនទៅណានោះទេដោយករណីនេះស្ថិតនៅលើសមត្ថកិច្ចយោធាជាអ្នកធ្វើការ។

សូមបញ្ជក់ថាទោះបីជាស្ថានភាពព្រំដែនកម្ពុជាមានភាពតានតឹងនិងមានកងកម្លាំងប្រចាំការយ៉ាងកាមនិងបង្រ្កាប់បានជាបន្តបន្ទាប់យ៉ាងយ៉ាងណាក៍ដោយក៍នៅតែមានជនបរទេសនិងជនជាតិខ្មែរអាចឆ្លងដែនជាក្រុមៗត្រូវបានសមត្ថកិច្ចថៃបង្រ្កាប់បានស្ទើរាល់ថ្ងៃពីសេសបង្រ្កាបបាននៅតាមព្រំដែនឈមនឹងស្រុកម៉ាឡៃ។ជាក់ស្តែងកាលពីថ្ងៃទី២៦មីនា២០២៦យោធាថៃលេខ១២០៤ឈមនឹងស្រុកម៉ាឡៃខេត្តបន្ទាយមានជ័យបានឃាត់ជនជាតិខ្មែរ៦នាក់មានស្រ្តី២នាក់ក្មែង២នាក់នៅចំនុចក្រោយផ្សារណងព្រឺស្ថិតនៅក្រុម១៣ភូមិផាន់សិកស្រុកអារញខេត្តស្រះកែវប្រទេសថៃ។អត្ថបទ៖ អពៅ

The post សមត្ថកិច្ចនគរបាលនិងយោធានៅស្រុកម៉ាឡៃបង្រ្កាបជនជាតិភូមា៤នាក់បម្រុងឆ្លងដែនទៅថៃខុសច្បាប់ appeared first on Kampuchea Thmey Daily.

ការ​បង្ក្រាប​នេះ ធ្វើឡើង​តបតាម​បទ​បញ្ជា​របស់ លោក ឃួង ស្រេង អភិបាល​រាជធានី​ភ្នំពេញ , លោក​ឧត្ដមសេនីយ៍ឯក ជួន ណារិន្ទ អគ្គស្នងការ​រង និង​ជា​ស្នងការ​នគរបាល​រាជធានី​ភ្នំពេញ រួមមាន​ការ​សម្របសម្រួល​នីតិវិធី​ច្បាប់​ពី​តំណាង​ព្រះរាជអាជ្ញា នៃ​អយ្យការ​អម​សាលាដំបូង​រាជធានី​ភ្នំពេញ គណ:បញ្ជាការ​ឯកភាព​ខណ្ឌ​ជ្រោយចង្វារ និង​គណៈ​បញ្ជាការ​ឯកភាព​ខណ្ឌ​ដូនពេញ បាន​ចុះ​ត្រួតពិនិត្យ​រដ្ឋបាល​ទីតាំង​ប្រមូលផ្តុំ​ជនបរទេស​សង្ស័យ​លួចលាក់​ប្រព្រឹត្ត​បទល្មើស​ឆបោក​តាម​ប្រព័ន្ធ​បច្ចេកវិទ្យា(Online Scams) ចំនួន ០២ ទីតាំង ផ្សេងៗ គ្នា ក្នុង​ភូមិសាស្ត្រ​រាជធានី​ភ្នំពេញ។

ក្នុង​រង្វង់​ការ​ចុះ​ត្រួតពិនិត្យ​ជា​លទ្ធផល ៖ ទីតាំងទី ០១-នៅក្នុងខុនដូ Yellow Tower ជាន់ទី ០៥ បន្ទប់C ស្ថិតនៅផ្លូវទន្លេសាប ភូមិ ០១ សង្កាត់ជ្រោយចង្វារ ខណ្ឌជ្រោយចង្វារ រាជធានី​ភ្នំពេញ រកឃើញ​បុគ្គលិក​ចំនួន ១៥ នាក់ (ស្រី ០៨ នាក់)។ ក្នុងនោះ មាន​ជនបរទេស​ចំនួន ០៦ នាក់ ស្រី ០៤ នាក់ មាន ០១ សញ្ជាតិ (ឥណ្ឌូនេស៊ី) មាន​លិខិត​ឆ្លងដែន និង​ទិដ្ឋាការ​ស្នាក់នៅ​ត្រឹមត្រូវ រួម​ជាមួយ​សម្ភារៈ វត្ថុតាង​សង្ស័យ​រួមមាន ទូរស័ព្ទ​ដៃ​ផ្ទាល់ខ្លួន​ចំនួន ១៦ គ្រឿង , ម៉ូនីទ័រ ១២ គ្រឿង , CPU ១៧ គ្រឿង។ យោង​តាម​ការ​កោសល្យវិច័យ​សន្និដ្ឋាន​បាន​ឲ្យ​ដឹង​ថា ទីតាំងខាងលើ​ជា​ភ្នាក់ងារ​បម្រើ​សេវាកម្ម​ដាក់​ប្រាក់ ដកប្រាក់ និង​ផ្ទៀងផ្ទាត់​ព័ត៌មាន​ជូន​អតិថិជន​ដែល​ចូល​លេង​ហ្គេម​អនឡាញ ទិសដៅ​ភាគ​ច្រើន​ទៅកាន់​ប្រទេស​ឥណ្ឌូនេស៊ី។

ចំណែក​ទីតាំង​ទី ០២ នៅ​ចំណុច​អគារ​ស្នាក់នៅ គ្មាន​ឈ្មោះ កម្ពស់ ០៨ ជាន់ មាន ៦៤ បន្ទប់។ ក្នុង​នោះ ​រកឃើញ​ជនបរទេស​ស្នាក់នៅ​ជា​លក្ខណៈ​ប្រមូលផ្ដុំ សរុប ៩៣ នាក់ ស្រី ០៤ នាក់ មាន ០២ សញ្ជាតិ រួមមាន ៖ សញ្ជាតិ​ប៉ាគីស្ថាន មាន ៩២ នាក់ (ស្រី ០៤ នាក់) , សញ្ជាតិ​ឥណ្ឌា មាន ០១ នាក់ មាន​លិខិត​ឆ្លងដែន​ត្រឹមត្រូវ ៦២ នាក់ ស្រី ០២ នាក់ , លិខិតឆ្លងដែន(ផុត​ទិដ្ឋាការ) ២៦ នាក់ ស្រី ០១ នាក់ , គ្មាន​លិខិត​ឆ្លងដែន ០៥ នាក់ ស្រី ០១ នាក់។ បច្ចុប្បន្ន សមត្ថកិច្ច​ បាន​បញ្ជូន​ខ្លួន​ជនជាតិ​បរទេស​ទាំងអស់​ ទៅកាន់​ស្នងការដ្ឋាន​នគរបាល​រាជធានី​ភ្នំពេញ ដើម្បី​បន្ត​នីតិវិធី៕

អត្ថបទ ៖ សុភា

The post សមត្ថកិច្ចរាជធានី ចុះពិនិត្យរដ្ឋបាលរកឃើញជនបរទេស ៩៩ នាក់ ស្នាក់នៅខុសច្បាប់ និងពាក់ព័ន្ធបទល្មើសអនឡាញ appeared first on Kampuchea Thmey Daily.

ដើម្បីឆ្លើយតបទៅនឹងបទបញ្ជាដ៏ម៉ឺងម៉ាត់និងអនុវត្តតាមអនុក្រឹត្យរបស់រាជរដ្ឋាភិបាលស្តីពីការគ្រប់គ្រងសន្តិសុខសុវត្ថិភាពតាមទីតាំងរស់នៅប្រមូលផ្តុំនានាកម្លាំងអាជ្ញាធរមានសមត្ថកិច្ចនៅទូទាំងប្រទេស កំពុងបន្តធើ្វយ៉ាងសស្រាក់សស្រាំបំផុតក្នុងការបោសសម្អាតឧក្រិដ្ឋកម្មឆបោកតាមប្រព័ន្ធអនឡាយចេញពីកម្ពុជាខណៈក្រសួងមហាផ្ទៃនៃកម្ពុជាបានដាក់ឱសានវាទឬ បន្ទាត់ក្រហមត្រឹមកំឡុងខែមេសាឆ្នាំ២០២៦។

សម្រាប់ក្របខណ្ឌនៃរាជធានីភ្នំពេញថ្មីៗនេះកម្លាំងនគរបាលរាជធានីដឹកនាំដោយលោកឧត្តមសេនីយ៍ឯកជួនណារិន្ទអគ្គស្នងការរងនិងជាស្នងការនគរបាលរាជធានីភ្នំពេញបានដឹកនាំកិច្ចប្រជុំផ្សព្វផ្សាយអំពីផែនការបន្តទប់ស្កាត់និងបង្ក្រាបដាច់ខាតលើទីតាំងជួលការស្នាក់នៅទាំងឡាយដែលបានលួចលាក់បន្តផ្តល់ការស្នាក់នៅដល់ជនបរទេសដោយខុសច្បាប់ពិសេសការរស់នៅសម្រាប់ប្រព្រឹត្តិបទល្មើសឆបោកតាមប្រព័ន្ធបច្ចេកវិទ្យា។នេះជាការឆ្លើយតបទៅនឹងការដាក់ឱសានវាទរបស់រដ្ឋបាលរាជធានីភ្នំពេញផងដែរដែលបានកំណត់បន្ទាត់ក្រហមត្រូវលុបបំបាត់បទល្មើសឆបោកនេះឲ្យអស់និងមានប្រសិទ្ធិភាពខ្ពស់ត្រឹមដំណាច់ចុងខែមីនាឆ្នាំ២០២៦។

យោងលើជំពូកទី៦មាត្រា២០នៃអនុក្រឹត្យរបស់រាជរដ្ឋាភិបាលកម្ពុជា ស្តីពីការគ្រប់គ្រងសន្តិសុខ សុវត្ថិភាពតាមទីតាំងរស់នៅប្រមូលផ្ដុំ កាលពីដើមខែមករាឆ្នាំ២០២៦ក៏បានកំណត់ផងដែរចំពោះម្ចាស់ទីតាំងរស់នៅប្រមូលផ្តុំឬអ្នកគ្រប់គ្រងទីតាំងរស់នៅប្រមូលផ្តុំដែលមានចេតនាលាក់បាំងនិងអនុញ្ញាតឲ្យជនបរទេសដែលចូលមកកម្ពុជាដោយខុសច្បាប់ស្នាក់នៅក្នុងទីតាំងស្ថិតនៅក្រោមការទទួលខុសត្រូវរបស់ខ្លួនត្រូវផាកពិន័យជាប្រាក់ចំនួន៤,០០០,០០០រៀលសម្រាប់ជនបរទេសម្នាក់ដោយមិនទាន់គិតដល់ទោសព្រហ្មទណ្ឌដែលបានកំណត់ក្នុងច្បាប់ជាធរមានឡើយ៕ អត្ថបទ៖សុភា

The post សមត្ថកិច្ចនឹងចាត់វិធានការច្បាប់ រួមទាំងពិន័យជាប្រាក់ ចំពោះម្ចាស់ទីតាំងលួចផ្តល់ការស្នាក់នៅដល់ជនបរទេសប្រព្រឹត្តិបទល្មើសOnline Scams appeared first on Kampuchea Thmey Daily.

ហេតុការណ៍នេះបានបង្កការភ្ញាក់ផ្អើល កាលពីវេលាម៉ោង១២ នឹង២០នាទី រំលងអធ្រាត្រឈាន ចូលថ្ងៃទី១២ ខែធ្នូ ឆ្នាំ២០២៥ ស្ថិតក្នុងសង្កាត់ឬស្សីកែវ ខណ្ឌឬស្សីកែវ រាជធានីភ្នំពេញ។

តាមការបញ្ជាក់នគរបាលជំនាញបានអោយដឹងថា មុនពេលកើតហេតុ នគរបាលខណ្ឌឫស្សីកែវ បានបញ្ចេញកម្លាំងល្បាតពួនស្ទាក់ ក្នុងមូលដ្ឋាន ការពារមុខសញ្ញា លួច ឆក់ ដើម្បីសុវត្ថិភាពជូនប្រជាពលរដ្ឋ។ ខណៈពេលល្បាតនោះ ក៏ប្រទះឃើញជនសង្ស័យម្នាក់ កំពុងជិះម៉ូតូមួយគ្រឿង ម៉ាក SUZUKI NEX ពាក់ស្លាកលេខ ភ្នំពេញ 1HH-8184 ដោយមានការសង្ស័យសមត្ថកិច្ចបានអោយ ជនសង្ស័យខាងលើអែបកៀន ដើម្បីសុំធ្វើការត្រួតពិនិត្យ ប៉ុន្តែបែរជាមិនព្រមឈប់ បន្តបន្ថែមល្បឿន រហូតទៅដល់ក្រោមស្ពានជ្រោយចង្វារ ជនសង្ស័យបានផ្តួលម៉ូតូចោល រួចដកកាំភ្លើងខ្លីចេញពីចង្កេះ បាញ់ទៅលើសមត្ថកិច្ច អស់ជាច្រើនគ្រាប់ គោលបំណងបម្រុងរត់គេចខ្លួន តែត្រូវសមត្ថកិច្ចព័ទ្ធឃាត់បានភ្លាមៗ តែម្តង។

ក្រោយពេលកើតហេតុសមត្ថកិច្ចបាន ឃាត់ខ្លួនជនសង្ស័យខាងលើ និង វត្ថុតាងរួមមាន កាំភ្លើងខ្លី មួយដើម និងម៉ូតូយកទៅប៉ុស្តិ៍នគរបាលរដ្ឋបាលឬស្សីកែវ ដើម្បីធ្វើការសាកសួរ និងបន្តតាមនីតិវិធីច្បាប់៕ អត្ថបទ ៖ រដ្ឋា

The post នគរបាលខណ្ឌឫស្សីកែវ ប្រដេញឃាត់ជនសង្ស័យម្នាក់ ក្រោយបាញ់ទៅលើសមត្ថកិច្ចជាច្រើនគ្រាប់ appeared first on Kampuchea Thmey Daily.

ដោយ​អនុវត្ត​តាម​បទបញ្ជា​របស់ លោក​នាយ​ឧត្ដមសេនីយ៍ ស ថេត អគ្គស្នងការ​នគរបាល​ជាតិ និង​លោក​ឧត្ដមសេនីយ៍​ឯក ង៉េង ជួ ប្រធាន​នាយកដ្ឋាន​នគរបាល​ព្រហ្មទណ្ឌ នៅ​ថ្ងៃ​ទី ២៨ ខែ​សីហា ឆ្នាំ ២០២៥ នេះ លោក​ឧត្ដមសេនីយ៍​ត្រី ខេង ម៉េងឈាង អនុ​ប្រធាន​នាយកដ្ឋាន បាន​ដឹកនាំ​កម្លាំង​ជំនាញ សហការ​ជាមួយ​ស្នងការដ្ឋាន​នគរបាល​ខេត្ត​កណ្ដាល ចាប់ខ្លួន​ជន​ដៃ​ដល់​ម្នាក់ ពាក់ព័ន្ធ​ករណី​ឃាតកម្ម​សម្លាប់​ស្ត្រី​ម្នាក់ នៅ​បន្ទប់ទឹក នៃ​សណ្ឋាគារ​ណាហ្គា ១ កាលពី​ឆ្នាំ ២០២៣។

ការ​ចាប់​ខ្លួន​នេះ​ធ្វើ​ឡើង​ដោយ​អនុវត្ត​តាម​ដីកា​បង្គាប់​ឲ្យ​ចាប់ខ្លួន​-​ឃុំខ្លួន លេខ ១២០២ (​ឆ​.១) ដ​.​ច​.​ន​/២៤ ចុះ​ថ្ងៃ​ទី ១ ខែ​សីហា ឆ្នាំ ២០២៤ របស់​លោក ហម ម៉េងសែ ប្រធាន​ក្រុមប្រឹក្សា​ជំនុំ​ជម្រះ នៃ​សាលាដំបូង​រាជធានី​ភ្នំពេញ លើ​ឈ្មោះ សេង ពៅ ភេទ​ប្រុស អាយុ ២៥ ឆ្នាំ ជនជាតិ​ខ្មែរ អាសយដ្ឋាន​បន្ទប់​ជួល ផ្លូវ​លេខ ១៩៧៤ សង្កាត់​ភ្នំពេញ​ថ្មី ខណ្ឌ​សែន​សុខ រាជធានី​ភ្នំពេញ ពី​បទ «ឃាតកម្ម និង​លួច​មាន​ស្ថាន​ទម្ងន់​ទោស ដោយសារ​ការ​ប្រព្រឹត្តិ​អំពើ​ហិង្សា​»។

ប្រតិបត្តិការ​នេះ កម្លាំង​សមត្ថកិច្ច បាន​ធ្វើការ​ស្រាវជ្រាវ​ឃាត់ខ្លួន​ជន​ដៃ​ដល់​នៅ​ចំណុច​ភូមិ​ព្រែក​ស៊ឹង សង្កាត់​សំពៅ​ពួន ក្រុង​សំពៅ​ពូន ខេត្ត​កណ្ដាល។ បច្ចុប្បន្ន ជន​ដៃ​ដល់ ត្រូវ​បាន​បញ្ជូន​មក​កាន់​នាយកដ្ឋាន​នគរបាល​ព្រហ្មទណ្ឌ ដើម្បី​ចាត់ការ​បន្ត​តាម​នីតិវិធី នៃ​ច្បាប់៕

អត្ថបទ ៖ ម៉េង

The post ករណីឃាតកម្មសម្លាប់ស្ត្រីម្នាក់ក្នុងបន្ទប់ទឹកសណ្ឋាគារណាហ្គា ១ កាលពីឆ្នាំ ២០២៣ សមត្ថកិច្ចស្រាវជ្រាវឃាត់ខ្លួនជនដៃដល់បានហើយ appeared first on Kampuchea Thmey Daily.

អនុវត្ត​តាម​បទបញ្ជា​ផ្ទាល់​ពី​លោក​ឧត្ដមសេនីយ៍​ឯក ជួន ណារិន្ទ អគ្គ​ស្នងការ​រង និង​ជា​ស្នងការ​នគរបាល​រាជធានី​ភ្នំពេញ នៅ​វេលា​ម៉ោង ០៣ និង ១៥ នាទី​ទៀបភ្លឺ ថ្ងៃ​ទី ២២ ខែ​សីហា ឆ្នាំ ២០២៥ កម្លាំង​ការិយាល័យ​នគរបាល​ព្រហ្មទណ្ឌ​កម្រិត​ស្រាល​រាជធានី​ភ្នំពេញ សហការ​ជាមួយ​កម្លាំង​អធិការដ្ឋាន​នគរបាល​ខណ្ឌ​មានជ័យ ឃាត់ខ្លួន​ជនសង្ស័យ ២ នាក់ នៅ​ចំណុច​ភូមិ​ត្នោតជ្រុំ​ ៣ សង្កាត់​បឹងទំពុន​ទី​ ២ ខណ្ឌ​មានជ័យ ពាក់ព័ន្ធ​ករណី​ធាក់ និង​កាប់​ប្លន់​យក​ម៉ូតូ ​ម៉ាក SCOOPY ពណ៌​ប្រផេះ ស៊េរី​ឆ្នាំ ​២០២៣ ពាក់​ផ្លាកលេខ ភ្នំពេញ 1LQ- 5358 ប្រព្រឹត្ត​ល្មើស​នៅ​ចំណុច​ក្រោយ​ធនាគារ J TRUST ផ្លូវ​ 51BT ភូមិ​ក្បាល​ទំនប់ សង្កាត់​បឹងទំពុន​ទី​ ២ ខណ្ឌ​មានជ័យ រាជធានី​ភ្នំពេញ កាលពី​ថ្ងៃ​ទី​ ១៦ ខែ​សីហា ឆ្នាំ ២០២៤។

ឃាត់ខ្លួន​ជនសង្ស័យ ២ នាក់ រួមមាន ៖ ១-​ឈ្មោះ គុយ សីហា ហៅ ដាំ ភេទ​ប្រុស មុខរបរ​មិន​ពិត​ប្រាកដ និង ២-​ឈ្មោះ ម៉ៅ ផានិត ហៅ ម៉ន ភេទ​ប្រុស មុខរបរ​មិន​ពិតប្រាកដ។ ចំណែក​វត្ថុតាង​ដក​ហូត​បាន​ដាវ​ចំនួន ១ ដើម។

បច្ចុប្បន្ន ជនសង្ស័យ និង​វត្ថុតាង កំពុង​ឃាត់​ជា​បណ្ដោះអាសន្ន​នៅ​ការិយាល័យ​នគរបាល​ព្រហ្មទណ្ឌ​កម្រិត​ស្រាល ធ្វើការ​សាកសួរ និង​ចាត់ការ​តាម​នីតិវិធី៕

អត្ថបទ ៖ សុខា

The post សមត្ថកិច្ចស្រាវជ្រាវឃាត់ខ្លួនជនសង្ស័យ ២ នាក់ កាប់ប្លន់យកម៉ូតូ ១ គ្រឿង ហើយគេចខ្លួនមួយរយៈ appeared first on Kampuchea Thmey Daily.

លោក​ឧត្ដមសេនីយ៍​ឯក ជួន ណារិន្ទ អគ្គ​ស្នងការ​រង​នគរបាល​ជាតិ និង​ជា​ស្នងការ​នគរបាល​រាជធានី​ភ្នំពេញ បាន​ឲ្យ​ដឹង​ថា ក្នុង​រយៈពេល ១ ខែ​កន្លះ នៅ​ចុង​ឆមាស​ទី ១ ឆ្នាំ ២០២៥ នេះ កម្លាំង​សមត្ថកិច្ច​រាជធានី​ភ្នំពេញ បាន​បង្ក្រាប​ករណី​ប្រើប្រាស់ និង​ជួញដូរ​គ្រឿងញៀន រួម​ទាំង​ករណី​ក្មេង​ទំនើង​កាន់កាប់​អាវុធ​ជាច្រើន​ករណី ដោយ​បាន​ឃាត់ខ្លួន​ជនសង្ស័យ​សរុប ៧៣ នាក់។

លោក​ឧត្ដមសេនីយ៍​ឯក​ស្នងការ បញ្ជាក់​ថា ក្នុងចំណោម​ជនសង្ស័យ​ទាំង ៧៣ នាក់ ក្នុង​នោះ មាន​ស្រី ៨ នាក់។ ចំណោម​ជនសង្ស័យ​ទាំង ៧៣ នាក់ មាន ៣០ នាក់ (ស្រី ៣ នាក់) ត្រូវ​បាន​បញ្ជូន​ទៅ​កាន់​តុលាការ​អនុវត្ត​តាម​នីតិវិធី​ច្បាប់។ ដោយឡែក នៅសល់ ៤៣ នាក់​ទៀត (ស្រី ៥ នាក់) ត្រូវ​បាន​បញ្ជូន​ទៅ​មណ្ឌល​ស្ដារ​នីតិសម្បទា ដើម្បី​កាត់ផ្ដាច់​សារធាតុ​ញៀន។

ករណី​បង្ក្រាប​គ្រឿងញៀន​នេះ កម្លាំង​សមត្ថកិច្ច​ដកហូត​បាន​វត្ថុតាង​រួមមាន ៖ ថ្នាំញៀន​សរុប​ចំនួន ៧៨ កញ្ចប់​តូច-ធំ , ដាវ​ដែក , កាំបិត​ដែក , ពូថៅ ៦៥ ដើម , កាំភ្លើង​កែច្នៃ ៣ ដើម , ឧបករណ៍​កាច់.ក ម៉ូតូ​មួយ​ចំនួន ​, គ្រាប់​អាវុធ​ខ្លី ៧៥ គ្រាប់ រួម​ទាំង​ឧបករណ៍​ប្រើប្រាស់​គ្រឿងញៀន​មួយ​ចំនួន​ធំ​ផ្សេង​ទៀត​ផង​ដែរ។

លោក​ឧត្ដមសេនីយ៍​ឯក បញ្ជាក់​ទៀត​ថា កម្លាំង​សមត្ថកិច្ច​រាជធានី​ភ្នំពេញ បាន​បន្ត​បង្កើន​ការ​បង្ក្រាប​បទល្មើស​គ្រឿងញៀន​ឲ្យ​មាន​ប្រសិទ្ធភាព​ខ្ពស់ សំដៅ​ធានា​ឈាន​ទៅ​រក​ការ​កាត់បន្ថយ និង​លុប​បំបាត់​គ្រឿងញៀន​ចេញ​ពី​មូលដ្ឋាន ដើម្បី​សង្គម​ជាតិ និង​ជា​អត្ថប្រយោជន៍​ដល់​ប្រជាពលរដ្ឋ​ទាំងអស់។

សូម​បញ្ជាក់​ថា ក្នុង​អាណត្តិ​រាជរដ្ឋាភិបាល​នីតិកាល​ទី ៧ នេះ ដែល​ដឹកនាំ​ដោយ សម្តេច​មហា​បវរ​ធិបតី ហ៊ុន ម៉ាណែត នាយករដ្ឋមន្ត្រី រាជរដ្ឋាភិបាល បាន​ចាត់​ទុក​បញ្ហា​គ្រឿងញៀន​គឺជា​កិច្ច​ការងារ​អាទិភាព​ចម្បង​ទី ៤ ចាំបាច់​ត្រូវ​យកចិត្តទុកដាក់​គិតគូរ​ក្នុង​ការ​ទប់ស្កាត់ និង​បង្ក្រាប​ឲ្យ​មាន​ប្រសិទ្ធភាព​ខ្ពស់​បំផុត៕

អត្ថបទ ៖ សុភា

The post សមត្ថកិច្ចរាជធានីបង្ក្រាបបទល្មើសគ្រឿងញៀនឃាត់មនុស្ស ៧៣ នាក់ ក្នុងរយៈពេល ១ ខែកន្លះ ចុងឆមាសទី ១ appeared first on Kampuchea Thmey Daily.

កិច្ចប្រតិបត្តិការ​នេះ​ធ្វើ​ឡើង​កាលពី​វេលា​ម៉ោង ១៥ និង ០០ នាទី ថ្ងៃ​ទី ១១ ខែ​មិថុនា ឆ្នាំ ២០២៥ ដោយ​បាន​ការ​អនុញ្ញាត​ពី លោក​ឧត្ដមសេនីយ៍​ទោ ដាញ់ អេង​ប៊ុន​ចាន់ ស្នងការ នៃ​ស្នងការដ្ឋាន​នគរបាល​ខេត្ត​បាត់ដំបង លោក​វរសេនីយ៍ឯក យី យក់សាន នាយការិយាល័យ​នគរបាល​ប្រឆាំង​បទល្មើស​សេដ្ឋកិច្ច បាន​ដឹកនាំ​កម្លាំង ​ចុះ​ត្រួតពិនិត្យ​ឃើញ​រថយន្ត​សាំង​យ៉ុង​ចំនួន ០៨ គ្រឿង ដឹក​ត្រី​ក្លាសេ​ប្រភេទ ​(​ត្រី​ពោ និង​ត្រី​កាប​) នាំចូល​ពី​ប្រទេស​ថៃ មក​ក្នុង​ភូមិសាស្ត្រ​តាម​ផ្លូវ​ជាតិ​លេខ ៥ ត្រង់​ចំណុច​ភូមិ​អូរ​តា​គី ឃុំ​អូរ​តា​គី ស្រុក​ថ្មគោល ខេត្ត​បាត់ដំបង។

នៅ​ពេល​សមត្ថកិច្ច​ជំនាញ​ត្រួតពិនិត្យ​ គឺ​ ត្រី​ទាំងអស់​មាន​ចំនួន ២៤ តោន។ សមត្ថកិច្ច បាន​នាំមក​កាន់​ស្នងការដ្ឋាន​ធ្វើការ​សាកសួរ ហើយ​ជា​លទ្ធផល រថយន្ត​ទាំង ០៨ គ្រឿង ដែល​ដឹក​ត្រី​នេះ មាន​លិខិត​អនុញ្ញាត​ឱ្យ​ដឹក​ត្រី​ពី​រដ្ឋបាល​ជលផល នៃ​ក្រសួង​កសិកម្ម​ រុក្ខា​ប្រមាញ់ និង​នេសាទ​ ចំនួន​ ១០ តោន តែប៉ុណ្ណោះ។ ដូច្នេះ​ ត្រី​ក្លាសេ ​ចំនួន ​១៤​ តោន ទៀត​ មិន​មាន​ការ​អនុញ្ញាត​នោះ​ទេ។

ស្រប​តាម​អនុសាសន៍​របស់ លោក កែវ សុជាតិ ព្រះរាជអាជ្ញា​អម​សាលាដំបូង​ខេត្ត​បាត់ដំបង រថយន្ត​និង​ត្រី​ក្លាសេ​ ទាំងនេះ​ សមត្ថកិច្ច​ បាន​បញ្ជូន​ទៅ​ជំនាញ​ជលផល​ នៃ​មន្ទីរ​កសិកម្ម ​រុក្ខា​ប្រមាញ់ និង​នេសាទ ដើម្បី​អនុវត្ត​បន្ត​តាម​នីតិវិធី៕

អត្ថបទ ៖ សោ និយមរ័ត្ន

The post សមត្ថកិច្ចរឹបអូសត្រីក្លាសេ ជាង ២០ តោន នាំចូលពីថៃខុសច្បាប់ appeared first on Kampuchea Thmey Daily.