នាយឧត្ដមនាវី Samuel Paparo មេបញ្ជាកងទ័ពជើងទឹកអាម៉េរិកប្រចាំឥណ្ឌូប៉ាស៊ីហ្វិក ថ្លែងដូច្នេះ៖ «ការធ្វើផែនការចាប់ផ្តើមជាថ្មីយ៉ាងយកចិត្តទុកដាក់ សម្រាប់សមយុទ្ធឆ្មាំអង្គរ (Angkor Sentinel) នៅចុងខែកុម្ភៈ ឬដើមខែមីនា។ ការរំពឹងទុករបស់យើងគឺថា យើងនឹងធ្វើលំហាត់សមយុទ្ធនៅចុងឆ្នាំនេះ ឆ្នាំ២០២៦ ឬដើមឆ្នាំ២០២៧»។

កម្ពុជា និងសហរដ្ឋអាម៉េរិក បានចាប់ដៃគ្នាបង្កើតទំនាក់ទំនងការទូតជាផ្លូវការ នៅថ្ងៃទី១១ ខែកក្កដា ឆ្នាំ១៩៥០ ក្រោយពេលសង្គ្រាមលោកលើកទី២បញ្ចប់ទៅ។ នៅឆ្នាំ២០១០ ស្របពេលដែលទំនាក់ទំនងការទូតទ្វេភាគី ឈានដល់វ័យ៦០ឆ្នាំ  អាម៉េរិក បានចាប់ដៃកម្ពុជារួមគ្នាធ្វើជាសមយុទ្ធ «ឆ្នាំអង្គរ» ជាលើកដំបូង ក្នុងប្រវត្តិសាស្ត្រនៃវិស័យការពារជាតិនៃប្រទេសទាំងពីរ។  

ភាគីទាំងបានបន្តធ្វើសមយុទ្ធរួមគ្នានៅរៀងរាល់ឆ្នាំនីមួយៗ រយៈពេល៧លើកជាប់ៗគ្នា ដោយផ្ដោតទៅលើប្រធានបទ ប្រតិបត្តិ​ការរក្សា​សន្តិភាព ជំនួយ​មនុស្សធម៌ និង​ការឆ្លើយតប​នឹង​គ្រោះមហន្តរាយ ដែលប្រធានបទនេះ គឺដូចទៅនឹងប្រធានបទដែលកម្ពុជា ធ្វើសមយុទ្ធជាមួយប្រទេសដទៃទៀតដែរ។

យ៉ាងណា សមយុទ្ធឆ្មាំអង្គរ ត្រូវបានផ្អាកសកម្មភាពនៅក្នុងឆ្នាំ២០១៧។ ជិត១០ឆ្នាំហើយ បើគិតចាប់តាំងពីពេលនោះមកដល់ខែចុងខែមករា ឆ្នាំ២០២៦ នេះ  សមយុទ្ធឆ្មាំអង្គរ ត្រូវបានជាប់គាំង មិនទាន់បានធ្វើឡើងវិញឡើយ ទោះបីជារាល់ជំនួបរវាងថ្នាក់ដឹកនាំកំពូល ជំនួបរវាងមេដឹកនាំយោធាប្រទេសទាំងពីរ បានជជែកពីការរៀបចំសមយុទ្ធឆ្មាំអង្គរឡើងវិញម្ដងហើយម្ដងទៀតក៏ដោយ៕

ដោយ៖ ង៉ិល ណារ៉ាត់

The post អាម៉េរិកគ្រោងធ្វើសមយុទ្ធឆ្មាំអង្គរជាមួយកម្ពុជាឡើងវិញនៅចុងឆ្នាំនេះ ឬដើមឆ្នាំ២០២៧ appeared first on Kampuchea Thmey Daily.

ទាហានជាង១ពាន់ នាក់នឹងចូលរួម ក្នុងនោះមានជាង៧០០នាក់មកពីប្រទេសចិន រួមជាមួយនឹងនាវា ឧទ្ធម្ភាគចក្រ និងយន្តហោះគ្មានមនុស្សបើក។ គោលដៅ​គឺ​ជួយ​ប្រទេស​ទាំង​ពីរ​រៀន​ធ្វើ​ការ​ជាមួយ​គ្នា​ឱ្យ​បាន​ល្អ​ប្រសើរ និង​ដោះស្រាយ​ការ​គំរាម​កំហែង​​ដូច​ជា​គ្រោះ​មហន្តរាយ​ធម្មជាតិ ឬ​ឧក្រិដ្ឋកម្ម​សមុទ្រ។

ប្រទេស​អាស៊ាន​ផ្សេង​ទៀត​ក៏ត្រូវបាន​អញ្ជើញ​ឱ្យ​មកទស្សនា​សមយុទ្ធ​នេះដែរ ខណៈនេះ​ជា​លើក​ទី​ប្រាំមួយ​ហើយ​ដែល​ចិន​បាន​រៀបចំ​សមយុទ្ធ​បែប​នេះ​ជាមួយ​ប្រទេស​អាស៊ីអាគ្នេយ៍ ដែល​លើក​ចុងក្រោយបានធ្វើឡើង​នៅ​ឆ្នាំ​២០២៣ ជាមួយ​ប្រទេស​រួម​មាន កម្ពុជា ឡាវ ​ម៉ាឡេស៊ី ថៃ និង​វៀតណាម។

គួរបញ្ជាក់ថាសមយុទ្ធនេះធ្វើឡើងចំពេលភាពតានតឹងនៅតែមានកម្រិតខ្ពស់នៅក្នុងសមុទ្រចិនខាងត្បូង ដែលចិនកំពុងទាមទារ ប៉ុន្តែត្រួតលើគ្នាជាមួយតំបន់ដែលទាមទារដោយម៉ាឡេស៊ី និងប្រទេសដទៃទៀត។ ម៉ាឡេស៊ីក៏កំពុងរៀបចំធ្វើជាម្ចាស់ផ្ទះនៃកិច្ចប្រជុំកំពូលអាស៊ាន និងកិច្ចប្រជុំរដ្ឋមន្ត្រីការពារជាតិនៅចុងខែនេះ ដែលសន្តិភាពក្នុងតំបន់ និងជម្លោះសមុទ្រនឹងត្រូវបានលើកមកពិភាក្សាផងដែរ៕

អត្ថបទ៖ ប៊ុន សុភាព

The post ចិន និងម៉ាឡេស៊ី គ្រោងធ្វើសមយុទ្ធយោធារួមគ្នានៅខែតុលានេះ appeared first on Kampuchea Thmey Daily.

គួរឱ្យដឹងថា ចាប់ពីថ្ងៃទី០៧ ដល់ថ្ងៃទី១០ ខែវិច្ឆិកា​ មេបញ្ជាការកងទ័ពកម្ពុជា បានទៅចូលរួមពិធីផ្លាស់ប្តូរ មេបញ្ជាការកងទ័ពជើងគោក សហរដ្ឋអាមេរិក ប្រចាំប៉ាស៊ីហ្វិក នៅមូលដ្ឋានទ័ព SHAFTER  ដែលជាការផ្ទេរតំណែងពីលោក នាយឧត្តមសេនីយ៍ CHARLES A. FLYNN ទៅឱ្យនាយឧត្តមសេនីយ៍ RONALD P. CLARK។ នៅក្រៅពិធីផ្លាស់ប្ដូរតំណែង លោក ម៉ៅ សុផាន់ បានជួបពិភាក្សាជាមួយលោក ឧត្តមសេនីយ៍ទោ SCOTT A. WINTER ។

សេចក្ដីប្រកាសព័ត៌មានស្ដីពីលទ្ធផលជំនួបរវាងលោក ម៉ៅ សុផាន់ និងលោក SCOTT A. WINTER សរសេរថា ៖«ឧត្តមសេនីយ៍ទោ SCOTT A. WINTER បានស្វាគមន៍ និងសូមថ្លែងអំណរគុណដល់ នាយឧត្តមសេនីយ៍ ម៉ៅ សុផាន់ ដែលបានធ្វើដំណើរឆ្លងមហាសមុទ្រ ដើម្បីចូលរួមពិធីផ្លាស់ប្តូរ មេបញ្ជាការកងទ័ពជើងគោកសហរដ្ឋអាមេរិក ប្រចាំប៉ាស៊ីហ្វិក នេះ។ សម្រាប់ឆ្នាំ២០២៥ខាងមុខ កងទ័ពជើងគោកសហរដ្ឋអាមេរិក ប្រចាំប៉ាស៊ីហ្វិក នឹងផ្តល់វគ្គហ្វឹកហ្វឺនមួយចំនួន ព្រមទាំងការផ្លាស់ប្តូរបទពិសោធន៍ (SMEE) ដល់កងទ័ពជើងគោក នៃកងយោធពលខេមរភូមិន្ទ ដែលនេះជាដំណើរការកសាងទំនុកចិត្ត មុននឹងឈានដល់ការរៀបចំឡើងវិញនូវលំហាត់ឆ្មាំអង្គរ រវាងកងទ័ពជើងគោកទាំងពីរ។»។

លោក SCOTT A. WINTER បន្ថែមថា មេបញ្ជាការកងទ័ពជើងគោក សហរដ្ឋអាមេរិក ប្រចាំប៉ាស៊ីហ្វិក នៅមូលដ្ឋានទ័ព SHAFTER រដ្ឋហាវ៉ៃ គ្រោងនឹងបំពេញទស្សនកិច្ចនៅកម្ពុជា ក្នុងឆ្នាំ២០២៥ ខាងមុខ ដើម្បីពង្រឹង និងពង្រីកកិច្ចសហប្រតិបត្តិការយោធារវាងប្រទេសទាំងពីរ។

ជាការឆ្លើយតប នាយឧត្តមសេនីយ៍ ម៉ៅ សុផាន់ បានថ្លែងអំណរគុណដល់ កងទ័ពជើងគោកសហរដ្ឋអាមេរិកប្រចាំប៉ាស៊ីហ្វិក ដែលបានអញ្ជើញលោកដើម្បីចូលរួមពិធីផ្លាស់ប្តូរ មេបញ្ជាការកងទ័ពជើងគោកសហរដ្ឋអាមេរិកប្រចាំប៉ាស៊ីហ្វិក ហើយនេះជាការបោះជំហានថ្មីបន្ថែមក្នុងការកសាងទំនុកចិត្តនិងការជឿជាក់ និងបានគូសបញ្ជាក់អំពីការប្តេជ្ញាចិត្ត ក្នុងការធ្វើការយ៉ាងជិតស្និទ្ធជាមួយ កងទ័ពជើងគោកសហរដ្ឋអាមេរិក ប្រចាំប៉ាស៊ីហ្វិក ស្របតាមលទ្ធផលដំណើរទស្សនកិច្ចរបស់ រដ្ឋមន្ត្រីការពារជាតិសហរដ្ឋអាមេរិកនៅកម្ពុជា កាលពីខែមិថុនា ឆ្នាំ២០២៤ និងលទ្ធផលជំនួបរវាងលោក ជាមួយនឹង អតីតមេបញ្ជាការកងទ័ពជើងគោក សហរដ្ឋអាមេរិក ប្រចាំប៉ាស៊ីហ្វិក នៅមូលដ្ឋានទ័ព SHAFTER នៅប្រទេស FIJIJ។

សូមរម្លឹកថា ក្នុងពេលមកបំពេញទស្សនកិច្ចនៅកម្ពុជា កាលពីខែមិថុនា រដ្ឋមន្ត្រីការពារជាតិអាមេរិក លោក Lloyd Austin  បានឱ្យគូសបញ្ជាក់ថា សហរដ្ឋអាមេរិក នឹងបើកឡើងវិញ អនុញ្ញាតឱ្យនិស្សិតកម្ពុជាទៅសិក្សានៅសាលា Westpoint របស់អាមេរិក ផ្លាស់ប្ដូរការសន្ទនាក្នុងវិស័យយោធា សមយុទ្ធរួមគ្នា ដើម្បីសង្គ្រោះ ការគ្រប់គ្រងគ្រោះមហន្តរាយ។

គួរឱ្យដឹងថា សមយុទ្ធយោធា «ឆ្នាំអង្គរ» ជាសមយុទ្ធមួយដែលកម្ពុជា និងអាមេរិក បានចាប់ដៃគ្នាធ្វើជាលើកដំបូង នៅក្នុងឆ្នាំ ២០១០ ហើយបន្តធ្វើសមយុទ្ធរួមគ្នានៅរៀងរាល់ចុងឆ្នាំនីមួយៗរយៈពេល៧លើកជាប់ៗគ្នា។ សមយុទ្ធ ឆ្មាំអង្គរ ត្រូវបានផ្អាកនៅឆ្នាំ២០១៧។ ចាប់តាំងពីឆ្នាំ២០១៧ រហូតមកដល់ខែវិច្ឆិកា ឆ្នាំ២០២៤នេះ សមយុទ្ធយោធារវាងកម្ពុជា និងសហរដ្ឋអាមេរិក មិនបានរៀបចំឡើងឡើយ៕

ដោយ៖ ង៉ិល ណារ៉ាត់

The post ឆ្នាំ២០២៥ កងទ័ពអាមេរិក នឹងផ្តល់វគ្គហ្វឹកហ្វឺនមួយចំនួនដល់កម្ពុជា មុននឹងរៀបចំសមយុទ្ធយោធា«ឆ្មាំអង្គរ»ឡើងវិញ appeared first on Kampuchea Thmey Daily.

សមយុទ្ធនេះបានចាប់ផ្តើមប៉ុន្មានម៉ោង បន្ទាប់ពីក្រសួងការបរទេសកូរ៉េខាងជើងបានចេញសេចក្តីថ្លែងការណ៍មួយដោយនិយាយឡើងវិញនូវការឈ្លោះប្រកែកគ្នារបស់កូរ៉េខាងជើងថា សមយុទ្ធបែបនេះគឺជា «សមយុទ្ធសង្រ្គាមបង្កហេតុសម្រាប់ការឈ្លានពាន» និងថែមទាំងបាននិយាយថា មហិច្ឆតានុយក្លេអែររបស់កូរ៉េខាងជើង គឺសមហេតុផលក្នុងការរក្សាតុល្យភាពនៃកម្លាំងជាប្រចាំសម្រាប់ការ​ឆ្លើយតប​និង​ការ​ការ​ពារ​សង្រ្គាម ។

ជាមួយគ្នានេះសហរដ្ឋអាមេរិក និងកូរ៉េខាងត្បូងបានពណ៌នាសមយុទ្ធរួមគ្នារបស់ពួកគេថា ជាការការពារធម្មជាតិ ហើយបាននិងកំពុងពង្រីក និងធ្វើឱ្យប្រសើរឡើងនូវការហ្វឹកហ្វឺនរបស់ពួកគេក្នុងរយៈពេលប៉ុន្មានឆ្នាំចុងក្រោយនេះ ដើម្បីទប់ទល់នឹងការគំរាមកំហែងដែលកំពុងវិវត្តរបស់កូរ៉េខាងជើង។

ជាការឆ្លើយតប យោធាអាមេរិក និងកូរ៉េខាងត្បូង មិនបានប្រតិកម្មភ្លាមៗចំពោះសេចក្តីថ្លែងការណ៍របស់ក្រសួងការបរទេសកូរ៉េខាងជើងនោះទេ ខណៈសមយុទ្ធ Ulchi Freedom Shield មានរយៈពេល១១ថ្ងៃ រហូតដល់ថ្ងៃទី២៩ ខែសីហា រួមមានទាំងការហាត់សមធ្វើសង្គ្រាមក្លែងក្លាយ​ធ្វើដោយកុំព្យូទ័រ និងលំហាត់ជាង៤០ប្រភេទ រួមទាំងសមយុទ្ធបាញ់គ្រាប់ពិតផងដែរ។

សមយុទ្ធនៅឆ្នាំនេះគឺផ្តោតលើការបង្កើនការត្រៀមខ្លួនរបស់ពួកគេប្រឆាំងនឹងការគំរាមកំហែងផ្សេងៗរបស់កូរ៉េខាងជើង រួមទាំងមីស៊ីល ការជាប់គាំង GPS និងការវាយប្រហារតាមអ៊ីនធឺណិត ហើយនឹងអនុវត្តមេរៀនដែលបានរៀនពីជម្លោះប្រដាប់អាវុធនាពេលថ្មីៗនេះ​។

បុគ្គលិកយោធាកូរ៉េខាងត្បូងប្រហែល១៩០០០នាក់នឹងចូលរួមនៅក្នុងសមយុទ្ធនេះ ដែលនឹងធ្វើឡើងស្របពេលជាមួយនឹងសមយុទ្ធការពារជនស៊ីវិល និងការជម្លៀសពីថ្ងៃចន្ទដល់ថ្ងៃព្រហស្បតិ៍ដែលនឹងរួមបញ្ចូលកម្មវិធីផ្អែកលើសេណារីយ៉ូនៃការវាយប្រហារនុយក្លេអ៊ែរកូរ៉េខាងជើង។

យោធា​អាមេរិក​មិន​បាន​បញ្ជាក់​ពី​ចំនួន​ទាហាន​អាមេរិក​ដែល​ចូល​រួម​ក្នុង​សមយុទ្ធ​នេះ។ ទោះយ៉ាងណា សហរដ្ឋអាមេរិកក្នុងរយៈពេលប៉ុន្មានខែថ្មីៗនេះ បានបង្កើនការដាក់ពង្រាយកងទ័ពនៅក្នុងតំបន់សម្ព័ន្ធរបស់ខ្លួនរួមទាំងយន្តហោះទម្លាក់គ្រាប់បែកចម្ងាយឆ្ងាយ នាវាមុជទឹក និងក្រុមនាវាផ្ទុកយន្តហោះ ដើម្បីហ្វឹកហាត់ជាមួយកងកម្លាំងកូរ៉េខាងត្បូង និងជប៉ុន។

សមយុទ្ធនេះអាចបង្កឱ្យមានការឆ្លើយតបដ៏កាចសាហាវពីប្រទេសកូរ៉េខាងជើង ដែលបានកំពុងអួតពីកម្មវិធីអាវុធដែលកំពុងកើនឡើងរបស់ខ្លួន និងចេញការគំរាមកំហែងដោយពាក្យសំដីជម្លោះនុយក្លេអ៊ែរប្រឆាំងនឹងទីក្រុងវ៉ាស៊ីនតោន និងទីក្រុងសេអ៊ូល។

លើសពីនេះកាលពីដើមខែនេះ មេដឹកនាំកូរ៉េខាងជើង លោក គីម ជុងអ៊ុន បានរៀបចំពិធីដ៏ធំមួយនៅក្នុងរដ្ឋធានីព្យុងយ៉ាង ដើម្បីប្រារព្ធពិធីប្រគល់មីស៊ីលដែលមានសមត្ថភាពនុយក្លេអ៊ែរចំនួន ២៥០ដល់អង្គភាពយោធាជួរមុខ និងបានអំពាវនាវឱ្យមានការពង្រីកឥតឈប់ឈរនៃកម្មវិធីនុយក្លេអ៊ែររបស់យោធារបស់ខ្លួន។ជាមួយគ្នានេះភាគខាងជើងព្រំដែនកូរ៉េទាំងពីរក្នុងប៉ុន្មានសប្តាហ៍ថ្មីៗនេះក៏បានបង្ហោះប៉េងប៉ោងរាប់ពាន់ដែលដឹកសំរាមឆ្ពោះទៅភាគខាងត្បូងក្នុងយុទ្ធនាការសង្គ្រាមចិត្តសាស្ត្រដែលបានធ្វើឱ្យទំនាក់ទំនងកូរ៉េទាំងពីរកាន់តែយ៉ាប់យ៉ឺន៕

អត្ថបទ៖ ប៊ុន សុភាព

The post អាមេរិកនិងកូរ៉េខាងត្បូងធ្វើ​សមយុទ្ធការពារ​ ប៉ុន្តែ​កូរ៉េ​ខាងជើងចោទ«ជាសមយុទ្ធ​ឈ្លានពាន»​ appeared first on Kampuchea Thmey Daily.

ប៉ុន្តែ នៅក្នុងសេចក្ដីប្រកាសព័ត៌មាន មិនបានសរសេរលម្អិតថា សមយុទ្ធយោធា កម្ពុជា អាមេរិក ដែលលោករដ្ឋមន្ត្រីការពារជាតិអាមេរិកប្រកាសថានឹងធ្វើជាមួយកម្ពុជាឡើងវិញនោះ នឹងចាប់ផ្ដើមនៅក្នុងកាលបរិច្ឆេទជាក់លាក់ណាមួយនោះទេ។

តាមសេចក្ដីប្រកាសព័ត៌មាន ក្នុងជំនួបនាថ្ងៃទី០៤ ខែមិថុនា នេះ  លោក Lloyd Austin បានកោតសរសើរចំពោះសម្ដេចធិបតី ហ៊ុន ម៉ាណែត  នាយករដ្ឋមន្ត្រី ដែលបានបង្ហាញជំហរយ៉ាងរឹងមាំក្នុងវិស័យការពារជាតិ ដើម្បីរៀបចំនូវទំនាក់ទំនងរវាងកម្ពុជា អាមេរិក។

ជាមួយគ្នានេះ លោក​រដ្ឋមន្ត្រីការពារជាតិ​ ក៏អះអាងថា អាមេរិក និងបន្តការបណ្ដុះបណ្ដាលជាមួយកម្ពុជា ក្នុងវិស័យដោះ មីននិងគ្រាប់មិនទាន់ផ្ទុះ ដោយចាប់ផ្ដើមកិច្ចសន្ទនាការពារជាតិដើម្បីដោះស្រាយភាពខុសគ្នា ដើម្បីកសាងនូវទំនុកចិត្តឱ្យកាន់តែខ្លាំងដើម្បីអនាគតរបស់ប្រទេសទាំងពីរ ដែលមានផលប្រយោជន៍ទៅវិញទៅមក។

គួរឱ្យដឹងថា កម្ពុជា អាមេរិក បានចាប់ដៃគ្នាធ្វើសមយុទ្ធយោធា ដែលមានឈ្មោះថា ឆ្នាំអង្គរ ជាលើកដំបូង នៅក្នុងឆ្នាំ ២០១០ ហើយបន្តធ្វើសមយុទ្ធរួមគ្នានៅរៀងរាល់ចុងឆ្នាំនីមួយៗរយៈពេល៧លើកជាប់ៗគ្នា។ សមយុទ្ធ នេះ ត្រូវបានភាគីកម្ពុជាសម្រេចផ្អាកនៅឆ្នាំ២០១៧ ដោយសារកាលណោះ កម្ពុជា ជាប់ដៃរៀបចំការបោះឆ្នោត។ ចាប់តាំងពីពេលនោះមកសមយុទ្ធយោធារវាងកម្ពុជា និងសហរដ្ឋអាមេរិក មិនមានសកម្មភាពណាមួយឡើយរហូតមកដល់ខែមិថុនា នេះ។

សូមជម្រាបថាបន្តិចថា កាលពីចុងខែឧសភា កន្លងទៅ មន្ត្រីជាន់ខ្ពស់ក្រសួងការពារជាតិកម្ពុជា បានអះអាងថា កម្ពុជា ស្វាគមន៍ជានិច្ច ចំពោះភាគីទាំងឡាយណា ដែលចង់ចាប់ដៃកម្ពុជា ដើម្បីធ្វើសមយុទ្ធយោធារួមគ្នា តែត្រូវអនុលោមតាមច្បាប់៕​

The post រដ្ឋមន្ត្រីការពារជាតិអាមេរិក៖ អាមេរិក នឹងបើកសមយុទ្ធយោធាជាមួយកម្ពុជាឡើងវិញ appeared first on Kampuchea Thmey Daily.

នៅក្នុងឱកាសអញ្ជើញទស្សនកិច្ចនៅចិន ដើម្បីចូលរួមពិធីបិទសមយុទ្ធពហុសាសន៍ «សន្តិភាព មិត្តភាព ឆ្នាំ២០២៣» លោកនាយឧត្តមសេនីយ៍ វង្ស ពិសេន អគ្គមេបញ្ជាការនៃកងយោធពលខេមរភូមិន្ទ ក៏បានចូលជួបសម្ដែងការគួរសមជាមួយលោកនាយឧត្តមសេនីយ៍ វ៉ាងស៊ីវពីន មេបញ្ជាការតំបន់ភូមិភាគខាងត្បូងនៃកងទ័ពរំដោះប្រជាជនចិន នារសៀលថ្ងៃទី២០ ខែវិច្ឆិកា ឆ្នាំ២០២៣។  

ក្នុងជំនួបនោះ នាយឧត្ដមសេនីយ៍ អគ្គមេបញ្ជាការនៃកងយោធពលខេមរភូមិន្ទ បានលើកឡើងពីគោលបំណងនៃដំណើរទស្សនកិច្ច ដើម្បីពង្រឹងពង្រីកទំនាក់ទំនងជាប្រពៃណី និងជាប្រវត្តិសាស្ត្រដ៏ល្អរវាងកងទ័ពនៃប្រទេសទាំងពីរ ក៏ដូចជាការលើកទឹកចិត្ត និងគាំទ្រដល់កិច្ចខិតខំប្រឹងប្រែងរបស់កងកម្លាំងនៃបណ្ដាប្រទេសទាំងអស់ដែលបានចូលរួមក្នុងសមយុទ្ធ ពហុសាសន៍នេះឱ្យទទួលបានជោគជ័យ និងរួមចំណែកក្នុងការនាំមកនូវសន្តិភាព ស្ថិរភាព និងវិបុលភាពក្នុងតំបន់។

ជាកិច្ចឆ្លើយតប លោកនាយឧត្តមសេនីយ៍ វ៉ាង ស៊ីវពីន មេបញ្ជាការតំបន់ភូមិភាគខាងត្បូងនៃកងទ័ពរំដោះប្រជាជនចិន បានថ្លែងអំណរគុណចំពោះកងយោធពលខេមរភូមិន្ទ ដែលបានបញ្ជូនកងកម្លាំងមកចូលរួមក្នុងសមយុទ្ធពហុសាសន៍ «សន្តិភាព មិត្តភាព ឆ្នាំ២០២៣»។ លោក ចាត់ទុកថា នេះ បានសបញ្ជាក់ពីការគាំទ្ររបស់កម្ពុជាដល់កងទ័ពរំដោះប្រជាជនចិន និងជាពិសេសតំបន់ភូមិភាគខាងត្បូង។ មន្ត្រីយោធាជាន់ខ្ពស់ចិនរូបនេះ បានបញ្ជាក់ថា កម្ពុជា-ចិន នឹងនៅតែបន្តកិច្ចសហប្រតិបត្តិការឱ្យកាន់តែរឹងមាំ និងស៊ីជម្រៅថែមទៀត៕

The post មន្ត្រីយោធាចិន៖ ការចូលរួមរបស់កងទ័ពកម្ពុជាក្នុងសមយុទ្ធនៅចិន បញ្ជាក់ពីការគាំទ្ររបស់កម្ពុជាដល់កងទ័ពចិន appeared first on Kampuchea Thmey Daily.

ក្រសួងការពារជាតិរុស្ស៊ីបានប្រកាសពីការចាប់ផ្តើមនៃការធ្វើសមយុទ្ធកងទ័ពជើងទឹករយៈពេល ១០ ថ្ងៃនៅឯឆ្នេរសមុទ្រ Richards Bay ភាគខាងកើតនៃប្រទេសអាហ្វ្រិកខាងត្បូង ។

ទន្ទឹមនោះ ក្នុងសមយុទ្ធនេះដែរ កងទ័ពរុស្ស៊ីក៏បានបញ្ជូននាវាចម្បាំងមួយគ្រឿង មានសមត្ថភាពប្រដាប់ដោយមីស៊ីល Zircon ដែលអាចផ្ទុកក្បាលគ្រាប់នុយក្លេអ៊ែរ និងធ្វើដំណើរក្នុងល្បឿនលឿនជាងសំឡេងដល់ទៅ ៩ ដង បន្ទាប់ពីត្រូវបានដាក់ពង្រាយកាលពីខែមុន ។

ចំណែក មេបញ្ជាការចិនវិញ ក៏បានបញ្ជូននាវាចម្បាំងចំនួន ៣ គ្រឿងដើម្បីចូលរួមក្នុងសមយុទ្ធនេះផងដែរ ។ នាវាទាំងនោះ រាប់បញ្ចូលទាំងនាវាពិឃាត នាវាចម្បាំង និងនាវាគាំទ្រ ។

កន្លងមក មេដឹកនាំនៅអាហ្វ្រិកខាងត្បូងបានរក្សាជំហរអព្យាក្រឹតលើសង្គ្រាមនៅអ៊ុយក្រែន ប៉ុន្តែទោះយ៉ាងណាអ្នកតំណាងរបស់គណបក្សប្រឆាំងបាននិយាយថា សមយុទ្ធនេះគឺច្បាស់ណាស់ ជាសារគាំទ្រសម្រាប់សង្គ្រាមលុកលុយលើរដ្ឋាភិបាលទីក្រុងកៀវ ៕

ប្រែសម្រួលដោយ ៖ ជីវ័ន្ត

ប្រភព ៖ NHK

ចុចអាន ៖ អ៊ុយក្រែន អះអាងថា រុស្ស៊ី ទើបតែប្រើមីស៊ីលជំនាន់ឆ្នាំ ៦០ ប៉ុណ្ណោះ (មានវីដេអូ)

The post រុស្ស៊ី បញ្ជូននាវាចម្បាំងផ្ទុកក្បាលគ្រាប់នុយក្លេអ៊ែរ ទៅធ្វើសមយុទ្ធជាមួយ ចិន appeared first on Kampuchea Thmey Daily.

ក្រសួងការពារជាតិបាននិយាយថា ប្រទេសបេឡារុសដែលជាសម្ព័ន្ធមិត្តជិតស្និទ្ធរបស់រុស្ស៊ី ក៏ដូចជាបានអនុញ្ញាតឲ្យទីក្រុងមូស្គូ យកទឹកដីរបស់ខ្លួនធ្វើជាផ្នែកមួយនៃសង្គ្រាមលុកលុយលើអ៊ុយក្រែន ក៏បានចាប់ផ្តើមសមយុទ្ធនៅជិតរដ្ឋធានី Minsk និងតំបន់ភាគឦសាននៃទីក្រុង Vitebsk ផងដែរ ។

ក្រសួងបាននិយាយទៀតថា សមយុទ្ធដែលគ្រោងនឹងអូសបន្លាយរហូតដល់ថ្ងៃទី ១៤ ខែកញ្ញា នឹងអនុវត្ត “ការរំដោះទឹកដីដែលត្រូវបានរឹបអូសជាបណ្តោះអាសន្នដោយសត្រូវ” និង “ការដណ្តើមគ្រប់គ្រងតំបន់ព្រំដែនឡើងវិញ” ផងដែរ ។

យោងតាមក្រសួងការពារជាតិបានឲ្យដឹងថា ចំនួនកងទ័ព និងកម្រិតឧបករណ៍យោធាដែលចូលរួមក្នុងសមយុទ្ធនេះ មិនតម្រូវឲ្យមានការជូនដំណឹងណាមួយទៅខាងក្រៅនោះទេ ពោលវានៅក្រោមគោលការណ៍ណែនាំរបស់អង្គការសន្តិសុខ និងសហប្រតិបត្តិការនៅអឺរ៉ុប ៕

ប្រែសម្រួលដោយ ៖ ជីវ័ន្ត

ប្រភព ៖ Al Jazeera

ចុចអាន ៖ ពូទីន ប្រាប់មូលហេតុដែលមិននិយាយពី អ៊ុយក្រែន ក្នុងវេទិកាសេដ្ឋកិច្ចបូព៌ា

The post ប្រទេសសម្ព័ន្ធមិត្ត រុស្ស៊ី ធ្វើសមយុទ្ធយោធាអំពី “ការរំដោះទឹកដីដែលរឹបអូស​​ដោយសត្រូវ” ជិតព្រំដែន អ៊ុយក្រែន appeared first on Kampuchea Thmey Daily.