ការចុះចតនាពេលនេះ គឺមុននឹងសមយុទ្ធនាគមាសរួមគ្នារវាងកងយោធពលខេមរភូមិន្ទ និងកងទ័ពរំដោះប្រជាជនចិន នឹងចាប់ផ្ដើមនៅថ្ងៃទី១៤ ខែឧសភា ឆ្នាំ២០២៥។ សមយុទ្ធនាគមាសឆ្នាំ ២០២៥ នឹងចាប់ផ្ដើមពីថ្ងៃទី១៤ ដល់ថ្ងៃទី២៨ ខែឧសភា ពោលគឺធ្វើឡើងរយៈពេល២សប្ដាហ៍ នៅទីតាំងចំនួនពីរផ្សេងគ្នា។ ទីតាំងទី១. សមយុទ្ធដែនគោក គឺធ្វើឡើងនៅមជ្ឈមណ្ឌលហ្វឹកហ្វឺន កងរាជអាវុធហត្ថ ភ្នំជុំសែនរីករាយ ខេត្តកំពង់ឆ្នាំង និងទី២. សមយុទ្ធលើផ្ទៃសមុទ្រ នៅលើផ្ទៃសមុទ្រ និងដែនអាកាស កម្ពុជាក្នុងតំបន់ខេត្តព្រះសីហនុ។

សមយុទ្ធនាគឆ្នាំ២០២៥ នេះ ធ្វើឡើង ក្នុងទំហំកាន់តែធំជាងឆ្នាំមុនៗ ដោយតែចំនួនកងទ័ពកម្ពុជា-ចិន ចូលរួមសរុបនៅឆ្នាំនេះ២ ១៧៦នាក់ ខណៈឆ្នាំមុនកងទ័ពចូលរួមត្រឹមចំនួន ២ ០៧៥នាក់។

នាយឧត្ដមសេនីយ៍ ឥត សារ៉ាត់ អគ្គមេបញ្ជាការរង និងជានាយសេនាធិការចម្រុះ នៃកងយោធពលខេមរភូមិន្ទ ឱ្យដឹងថា ដើម្បីធ្វើសមយុទ្ធនាគមាសកម្ពុជា-ចិន ឆ្នាំ២០២៥ ដែលមានកងទ័ពចូលរួមជាង២ពាន់នាក់នេះ ភាគីចិន នាំយកនាវា៣គ្រឿង ឧទ្ធម្ភាគចក្រជំនាន់ថ្មី Z-20  ២គ្រឿង ដ្រូន២០គ្រឿង រ៉ូបូត ឆ្កែយន្ត រថយន្តគ្មានមនុស្សបើក រថយន្តបញ្ជា ចំណែកភាគីកម្ពុជា នឹងប្រើឧទ្ធម្ភាគចក្រ រថក្រោះ និងអាវុធជាច្រើនផ្សេងទៀត។

តាមរយៈសព្វាវុធបំពាក់បច្ចេកវិទ្យាទំនើប ដែលប្រើក្នុងសមយុទ្ធនេះ  លោក ឥត សារ៉ាត់ បញ្ជាក់ថា នឹងបង្កើនកងការទំនាក់ទំនងរវាងទ័ពប្រទេសទាំងពីរ ភាគីទាំងពីរអាចរៀនសូត្រពីគ្នាទៅវិញទៅមក និងអាចជួយឱ្យកងទ័ពកម្ពុជាទទួលបានចំណេះដឹងបន្ថែមទៀតពីគ្រឿងបំពាក់ និងបច្ចេកវិទ្យាថ្មីៗបន្ថែមទៀត ពាក់ព័ន្ធនឹងសង្គ្រាមបច្ចេកវិទ្យា ងាយស្រួលទប់ស្កាត់សង្គ្រាមបច្ចេកវិទ្យា។

ត្បិតថាសមយុទ្ធនាគមាសកម្ពុជា-ចិន ឆ្នាំ២០២៥ នេះ នឹងមានទំហំធំជាងមុន បំពាក់សព្វាវុធទំនើបជាងមុន ក្នុងនោះក៏មានការប្រើប្រាស់បញ្ញាសិប្បនិម្មិត (AI) ថែមទៀតផង ប៉ុន្តែលោក ឈុំ សុជាត អ្នកនាំពាក្យក្រសួងការពារជាតិអះអាងថា សមយុទ្ធនេះគ្មានចេតនាគំរាមកំហែងប្រទេសណាមួយឡើយ។

គួរជ្រាបថា ឆ្នាំ២០២៥នេះជាលើកទី៧ ហើយ កម្ពុជា-ចិន ចាប់ដៃគ្នាធ្វើសមយុទ្ធនាគមាស។ កម្ពុជា-ចិន ចាប់ផ្ដើមធ្វើសមយុទ្ធនាគមាស ជាលើកដំបូងនៅលើទឹកដីកម្ពុជា នៅឆ្នាំ២០១៦ លើកទី២ នៅឆ្នាំ២០១៨ លើកទី៣ នៅឆ្នាំ២០១៩ លើកទី៤ នៅឆ្នាំ២០២០ លើកទី៥ ឆ្នាំ២០២៣ និងលើកទី៦នៅឆ្នាំ២០២៤។ សម្រាប់ឆ្នាំ២០២១ និង២០២២ ភាគីទាំងពីរ មិនអាចធ្វើសមយុទ្ធរួមគ្នាបានឡើយ ដោយសារតែវិបត្តិកូវីដ១៩៕

The post ឧទ្ធម្ភាគចក្រ Z-20 ២គ្រឿងរបស់ចិន ចុះចតនៅមូលដ្ឋានទ័ពអាកាសកម្ពុជា មុនសមយុទ្ធនាគមាសចេញដំណើរ appeared first on Kampuchea Thmey Daily.

នាយឧត្ដមសេនីយ៍ ឈុំ សុជាត អះអាងដូច្នេះ៖ «សមយុទ្ធរវាងកងទ័ពកម្ពុជា-ចិននេះ ក៏ដូចជាសមយុទ្ធកន្លងមក គឺធ្វើឡើងដើម្បីដកបទពិសោធន៍ពីគ្នាទៅវិញទៅមក ពង្រឹងសន្តិសុខ ទប់ស្កាត់អំពើភេរវកម្ម ហើយមិនមានបំណងគំរាមកំហែង ឬធ្វើឱ្យប៉ះពាល់ដល់ប្រទេសណាមួយឡើយ »។

តាមអ្នកនាំពាក្យក្រសួងការពារជាតិ កងយោធពលខេមរភូមិន្ទ និងកងទ័ពរំដោះប្រជាជនចិន នឹងចាប់ផ្តើមធ្វើសមយុទ្ធរួមគ្នាមិត្តភាពកម្ពុជា-ចិន «នាគមាស-២០២៥» ចាប់ពីថ្ងៃទី១៤ ដល់ថ្ងៃទី២៨ ខែឧសភា ឆ្នាំ២០២៥ ខាងមុខនេះ ក្រោមប្រធានបទ៖ «ប្រតិបត្តិការប្រឆាំងភេរវកម្មរួមគ្នា និងការងារសង្គ្រោះមនុស្សធម៌ ដែលសមយុទ្ធនេះធ្វើឡើងក្នុងគោលបំណងផ្លាស់ប្តូរបទពិសោធន៍ ការពង្រឹងទស្សនៈសន្តិសុខដែលមានលក្ខណៈរួមគ្នា និងការលើកកម្ពស់សមត្ថភាពប្រយុទ្ធជាក់ស្តែងរវាងកងទ័ពប្រទេសទាំងពីរ ក្នុងការប្រយុទ្ធប្រឆាំងអំពើភេរវកម្ម រួមចំណែកដល់ការពង្រឹងទំនាក់ទំនង និងកិច្ចសហប្រតិបត្តិការគ្រប់ជ្រុងជ្រោយ ដែលប្រទេសទាំងពីរបានឯកភាពគ្នា កសាងសហគមន៍វាសនារួមកម្ពុជា-ចិន គ្រប់រដូវកាល ក្នុងយុគសម័យថ្មី។

កាលពីថ្ងៃទី០៦ ខែឧសភា នេះ​ នាយឧត្ដមសេនីយ៍ ឥត សារ៉ាត់ អគ្គមេបញ្ជាការរង និងជានាយសេនាធិការចម្រុះ នៃកងយោធពលខេមរភូមិន្ទ     ក៏ប្រាប់ក្រុមអ្នកយកព័ត៌មានថា ដើម្បីធ្វើសមយុទ្ធនាគមាសកម្ពុជា-ចិន ឆ្នាំ២០២៥ ភាគីចិន នាំយកនាវា៣គ្រឿង ឧទ្ធម្ភាគចក្រជំនាន់ថ្មី Z-20  ២គ្រឿង ដ្រូន២០គ្រឿង រ៉ូបូត ឆ្កែយន្ត រថយន្តគ្មានមនុស្សបើក រថយន្តបញ្ជា ចំណែកភាគីកម្ពុជា នឹងប្រើឧទ្ធម្ភាគចក្រ រថក្រោះ និងអាវុធជាច្រើនផ្សេងទៀត។

ក្នុងសន្និសីទលោក ឥត សារ៉ាត់ បន្តប្រាប់ក្រុមអ្នកយកព័ត៌មានថា មូលហេតុដែលកម្ពុជា និងចិន ធ្វើសមយុទ្ធនាគមាសលើប្រធានបទប្រតិបត្តិការប្រឆាំងភេរកម្មរួមគ្នា និងការងារសង្គ្រោះមនុស្សធម៌  មិនធ្វើលើប្រធានបទសង្គ្រាម គឺព្រោះតែកម្ពុជា មើលឃើញថា បញ្ហាភេវរកម្ម ជាបញ្ហាប្រឈមនាពេលសព្វថ្ងៃនេះ ដែលវាងាយកើតឡើងនៅលើដែនគោក និងដែនសមុទ្រ។ ចំណែកការធ្វើសមយុទ្ធលើប្រធានបទសង្គ្រោះមនុស្សធម៌ គឺព្រោះតែបច្ចុប្បន្ននេះ បញ្ហាគ្រោះមហន្តរាយបង្កឡើងដោយធម្មជាតិ ងាយនឹងកើតមានឡើង ដូច្នេះត្រូវកំណត់ប្រធានបទនេះ ដើម្បីពង្រឹងសមត្ថភាពលើការងារសង្គ្រោះគ្រោះមហន្តរាយ។

បើតាម លោក ឈុំ សុជាតិ សមយុទ្ធនាគមាស ឆ្នាំ២០២៥នេះ ត្រូវចែកចេញជា២ផ្នែក ដោយទី១៖ សមយុទ្ធលើគោកនិងអាកាស នៅមជ្ឈមណ្ឌលហ្វឹកហ្វឺនកងរាជអាវុធហត្ថ (ភ្នំជុំសែនរីករាយ) ខេត្តកំពង់ឆ្នាំង និងទី២៖ សមយុទ្ធសមុទ្រនិងអាកាស នៅលើផ្ទៃសមុទ្រនិងដែនអាកាសកម្ពុជា ក្នុងតំបន់ខេត្តព្រះសីហនុ ដោយមានកម្លាំងទ័ពកម្ពុជា-ចិន សរុបជាង ២ពាន់នាក់ចូលរួម ព្រមទាំងមានការប្រើប្រាស់សព្វាវុធ គ្រឿងបំពាក់កាន់តែទំនើប ក្នុងនោះក៏មានការប្រើប្រាស់បញ្ញាសិប្បនិម្មិត (AI) ដែលជាឆ្លើយតបទៅនឹងការធ្វើទំនើបកម្មរបស់កងយោធពលខេមរភូមិន្ទ នៃព្រះរាជាណាចក្រកម្ពុជា ស្របតាមស្ថានភាពវិវឌ្ឍន៍នាពេលបច្ចុប្បន្ន។

លោក ឈុំ សុជាត វាយតម្លៃថា សមយុទ្ធនាគមាសឆ្នាំ២០២៥ គឺជាការឆ្លុះបញ្ចាំងអំពីផ្លែផ្កានៃមិត្តភាពជាប្រពៃណីរវាងកម្ពុជានិងចិន ដែលថ្នាក់ដឹកនាំប្រទេសទាំងពីរ ជាពិសេសក្នុងដំណើរទស្សនកិច្ចផ្លូវរដ្ឋរបស់ លោក ស៊ី ជិនពីង ប្រធានាធិបតីចិន កាលពីខែមេសា កន្លងទៅ បានជំរុញកាន់តែខ្លាំងក្លានូវការកសាងសហគមន៍វាសនារួមកម្ពុជា-ចិន គ្រប់រដូវកាល ក្នុងយុគសម័យថ្មី។

គួរជ្រាបថា ឆ្នាំ២០២៥នេះជាលើកទី៧ ហើយ កម្ពុជា-ចិន ចាប់ដៃគ្នាធ្វើសមយុទ្ធនាគមាស។ កម្ពុជា-ចិន ចាប់ផ្ដើមធ្វើសមយុទ្ធនាគមាស ជាលើកដំបូងនៅលើទឹកដីកម្ពុជា នៅឆ្នាំ២០១៦ លើកទី២ នៅឆ្នាំ២០១៨ លើកទី៣ នៅឆ្នាំ២០១៩ លើកទី៤ នៅឆ្នាំ២០២០ លើកទី៥ ឆ្នាំ២០២៣ និងលើកទី៦នៅឆ្នាំ២០២៤។ សម្រាប់ឆ្នាំ២០២១ និង២០២២ ភាគីទាំងពីរ មិនអាចធ្វើសមយុទ្ធរួមគ្នាបានឡើយ ដោយសារតែវិបត្តិកូវីដ១៩៕

ដោយ៖ ង៉ិល ណារ៉ាត់

The post អ្នកនាំពាក្យ៖ សមយុទ្ធនាគមាសឆ្នាំនេះ ធំជាងមុន សព្វាវុធទំនើបជាងមុន ប្រើAI តែមិនដើម្បីគំរាមប្រទេសណាឡើយ appeared first on Kampuchea Thmey Daily.

លោក ឥត សារ៉ាត់ ពន្យល់ដូច្នេះ៖« អ្វីដែលវាជាបញ្ហាប្រឈមយើងសព្វថ្ងៃនេះ ទី១ គឺបញ្ហាភេរវកម្មហ្នឹងឯង។  ចឹងបញ្ហាភេវរកម្មវាមានច្រើនណាស់ទាំងនៅលើគោក នៅលើសមុទ្រ។ អ៊ីចឹងបានជាភាគីទាំងពីរ​ឯកភាពគ្នាយកប្រធានបទបញ្ហាប្រតិបត្តិការប្រឆាំងភេរវកម្ម(…)។ បញ្ហាមួយទៀត ខ្លឹមសារសង្គ្រោះគ្រោះមហន្តរាយ នេះជាបញ្ហាដែលកើតឡើងដោយគ្រោះមហន្តរាយគឺជាយថាហេតុ ហើយគ្រប់ទីកន្លែង គ្រប់ពេលវេលា ហើយវាមានច្រើនខុសគ្នា ខ្លះក៏ដោយសារខ្យល់ព្យុះ ខ្លះដោយលិចកប៉ាល់ ខ្លះដោយទឹកជំនន់ ខ្លះដោយគ្រោះរញ្ជួយដី​ ខ្លះដោយភ្លើងឆេះ(…)។ អ៊ីចឹង យើងរៀបចំប្រធានបទហ្នឹងដើម្បីជួយសង្គ្រោះគ្រោះមហន្តរាយដែលកើតមានឡើងនៅកម្ពុជា។ »។

តាមលោក ឥត សារ៉ាត់ សមយុទ្ធនាគមាសកម្ពុជាចិន នឹងធ្វើឡើងចាប់ពីថ្ងៃទី១៤ ដល់ថ្ងៃទី២៨ ខែឧសភា ឆ្នាំ២០២៥ នៅទីតាំងពីរផ្សេងគ្នា។ ទី១. សមយុទ្ធដែនគោក គឺធ្វើឡើងនៅមជ្ឈមណ្ឌលហ្វឹកហ្វឺន កងរាជអាវុធហត្ថ ភ្នំជុំសែនរីករាយ ខេត្តកំពង់ឆ្នាំង និងទី២. សមយុទ្ធលើផ្ទៃសមុទ្រ នៅលើផ្ទៃសមុទ្រ និងដែនអាកាស កម្ពុជាក្នុងតំបន់ខេត្តព្រះសីហនុ។

សមយុទ្ធនាគឆ្នាំ២០២៥ នេះ ធ្វើឡើង ក្នុងទំហំកាន់តែធំជាងឆ្នាំមុនៗ ដោយតែចំនួនកងទ័ពកម្ពុជា-ចិន ចូលរួមសរុបនៅឆ្នាំនេះ២ ១៧៦នាក់ ខណៈឆ្នាំមុនកងទ័ពចូលរួមត្រឹមចំនួន ២ ០៧៥នាក់។

នាយឧត្ដមសេនីយ៍ ឥត សារ៉ាត់ ក៏បានឱ្យដឹងថា ដើម្បីធ្វើសមយុទ្ធនាគមាសកម្ពុជា-ចិន ឆ្នាំ២០២៥ ដែលមានកងទ័ពចូលរួមជាង២ពាន់នាក់នេះ ភាគីចិន នាំយកនាវា៣គ្រឿង ឧទ្ធម្ភាគចក្រជំនាន់ថ្មី Z-20  ២គ្រឿង ដ្រូន២០គ្រឿង រ៉ូបូត ឆ្កែយន្ត រថយន្តគ្មានមនុស្សបើក រថយន្តបញ្ជា ចំណែកភាគីកម្ពុជា នឹងប្រើឧទ្ធម្ភាគចក្រ រថក្រោះ និងអាវុធជាច្រើនផ្សេងទៀត។

តាមរយៈសព្វាវុធបំពាក់បច្ចេកវិទ្យាទំនើប ដែលប្រើក្នុងសមយុទ្ធនេះ  លោក ឥត សារ៉ាត់ បញ្ជាក់ថា នឹងបង្កើនកងការទំនាក់ទំនងរវាងទ័ពប្រទេសទាំងពីរ ភាគីទាំងពីរអាចរៀនសូត្រពីគ្នាទៅវិញទៅមក និងអាចជួយឱ្យកងទ័ពកម្ពុជាទទួលបានចំណេះដឹងបន្ថែមទៀតពីគ្រឿងបំពាក់ និងបច្ចេកវិទ្យាថ្មីៗបន្ថែមទៀត ពាក់ព័ន្ធនឹងសង្គ្រាមបច្ចេកវិទ្យា ងាយស្រួលទប់ស្កាត់សង្គ្រាមបច្ចេកវិទ្យា។

លោក ឥត សារ៉ាត់ អះអាងថា  សមយុទ្ធនាគមាសឆ្នាំ២០២៥ លើប្រធានបទប្រតិបត្តិការប្រឆាំងភេរកម្មរួមគ្នា និងការងារសង្គ្រោះមនុស្សធម៌ មិនបង្កការការគំរាមកំហែងប្រទេសណាមួយឡើយ។

គួរជ្រាបថា នេះជាលើកទី៧ ហើយ កម្ពុជា-ចិន ចាប់ដៃគ្នាធ្វើសមយុទ្ធនាគមាស។ កម្ពុជា-ចិន ចាប់ផ្ដើមធ្វើសមយុទ្ធនាគមាស ជាលើកដំបូងនៅលើទឹកដីកម្ពុជា នៅឆ្នាំ២០១៦ លើកទី២ នៅឆ្នាំ២០១៨ លើកទី៣ នៅឆ្នាំ២០១៩ លើកទី៤ នៅឆ្នាំ២០២០ លើកទី៥ ឆ្នាំ២០២៣ និងលើកទី៦នៅឆ្នាំ២០២៤។ សម្រាប់ឆ្នាំ២០២១ និង២០២២ ភាគីទាំងពីរ មិនអាចធ្វើសមយុទ្ធរួមគ្នាបានឡើយ ដោយសារតែវិបត្តិកូវីដ១៩៕

ដោយ៖ ង៉ិល ណារ៉ាត់

The post ហេតុអ្វីកម្ពុជា មិនធ្វើសមយុទ្ធលើប្រធានបទសង្គ្រាម ធ្វើតែលើប្រធានបទប្រឆាំងភេរកម្មរួមគ្នា និងការងារសង្គ្រោះមនុស្សធម៌? appeared first on Kampuchea Thmey Daily.

លោកឧត្តមសេនីយ៍ឯក ចេរ ជៀនឈឹង មេបញ្ជាការរង និងជានាយសេនាធិការតំបន់ភូមិភាគខាងត្បូងនៃកងទ័ពរំដោះប្រជាជនចិន គូសបញ្ជាក់ថា តំបន់ភាគខាងត្បូងនៃកងទ័ពរំដោះប្រជាជនចិន នឹងពួតដៃជាមួយអគ្គបញ្ជាការដ្ឋានកងយោធពលខេមរភូមិន្ទ ក្នុងការជំរុញកិច្ចសហប្រតិបត្តិការរវាងអង្គភាពទាំងពីរឱ្យកាន់តែស៊ីជម្រៅ បម្រើដល់ទំនាក់ទំនង និងកិច្ចសហប្រតិបត្តិការយោធានៃប្រទេសទាំងពីរថែមទៀត។

បើតាមការលើកឡើងរបស់លោកឧត្តមសេនីយ៍ឯក​ មេបញ្ជាការរងរូបនេះ តំបន់ភាគខាងត្បូងកងទ័ពរំដោះប្រជាជនចិន គឺជាស្ថាប័នយោធាកំពូលតែមួយគត់ដែលបានទទួលខុសត្រូវក្នុងការដឹកនាំបញ្ជាប្រយុទ្ធ ហើយចាប់តាំងពីថ្ងៃបង្កើតអង្គភាពនេះ បានរៀបចំទំនាក់ទំនងមិត្តភាពជាមួយកងយោធពលខេមរភូមិន្ទក្នុងការផ្លាស់ប្ដូរគណៈប្រតិភូ ការរៀបចំធ្វើសមយុទ្ធ និងការផ្លាស់ប្តូរនាយទាហានវ័យក្មេង ដែលទទួលបានសមិទ្ធផលជាច្រើន។

ការលើកឡើងខាងលើពីសំណាក់មន្ត្រីជាន់ខ្ពស់នៃកងទ័ពចិន គឺក្នុងឱកាសដែលលោកចូលជួបសម្តែងការគួរសមជាមួយលោកនាយឧត្តមសេនីយ៍ វង្ស ពិសេន អគ្គមេបញ្ជាការនៃកងយោធពលខេមរភូមិន្ទ នៅរសៀលថ្ងៃទី២៧ ឧសភា ឆ្នាំ ២០២៤។ ក្នុងជំនួបនេះ លោកនាយឧត្តមសេនីយ៍ វង្ស ពិសេន និងលោកឧត្តមសេនីយ៍ឯក ចេរ ជៀនឈឹង បានលើកឡើងថា សមយុទ្ធនាគមាសឆ្នាំ២០២៤ មានកម្រិតខ្ពស់ជាងបណ្តាឆ្នាំមុនៗ។

ឧត្តមសេនីយ៍ឯក ចេរ ជៀនឈឹង បានថ្លែងអំណរគុណដល់កម្ពុជា ជាពិសេសលោកអគ្គមេបញ្ជាការនៃកងយោធពលខេមរភូមិន្ទដែលបានយកចិត្តទុកដាក់ទទួលស្និទ្ធស្នាលដល់កងទ័ពរំដោះប្រជាជនចិន ប្រៀបបីដូចបងប្អូន ដោយលោកសង្ឃឹមថា ទៅបណ្ដាឆ្នាំខាងមុខ សមយុទ្ធនេះនឹងទទួលបានជោគជ័យផ្លែផ្កាបន្ថែមទៀត។

ជាកិច្ចឆ្លើយតប លោកនាយឧត្តមសេនីយ៍ វង្ស ពិសេន ថ្លែងការស្វាគមន៍ដល់ដំណើរទស្សនកិច្ចរបស់ឧត្តមសេនីយ៍ឯក ចេរ ជៀនឈឹង ដែលបានមកចូលរួមជាអធិបតីក្នុងពិធីបិទសមយុទ្ធនាគមាស ឆ្នាំ២០២៤ នៅកម្ពុជានាពេលនេះ ដោយចាត់ទុកដំណើរទស្សនកិច្ចនេះ ពិតជាបាននាំមកនូវការពង្រឹង និងពង្រីកទំនាក់ទំនងជាប្រពៃណីរវាងកងទ័ពប្រទេសទាំងពីរ។

នាយឧត្តមសេនីយ៍ វង្ស ពិសេន បានថ្លែងអំណរគុណដល់កងទ័ពរំដោះប្រជាជនចិន និងបានគាំទ្រចំពោះការលើកឡើងរបស់លោកឧត្តមសេនីយ៍ឯក ចេរ ជៀនឈឹង ដោយបានបញ្ជាក់ថា ការធ្វើសមយុទ្ធឆ្នាំនេះមានលក្ខណៈស៊ីជម្រៅ និងចំនួនយោធិន យុទ្ធោបករណ៍ចូលរួមកាន់តែច្រើន និងទំនើបជាងឆ្នាំមុនៗ ដោយសង្ឃឹមជឿជាក់ថា សមយុទ្ធទ្វេភាគីរវាង កម្ពុជា-ចិន និងបន្តលើកកម្ពស់ពង្រឹងពង្រីកបន្ថែមទៀត។

ដើម្បីបន្តលើកកម្ពស់កិច្ចសហប្រតិបត្តិការរវាងកងទ័ពប្រទេសទាំងពីរ លោកនាយឧត្តមសេនីយ៍អគ្គមេបញ្ជាការ បានស្នើដល់ភាគីចិនបន្តការផ្លាស់ប្តូរទស្សនកិច្ចគ្រប់កម្រិត ការបណ្តុះបណ្តាលធនធានមនុស្ស ការផ្លាស់ប្តូរព័ត៌មានចារកិច្ចឱ្យកាន់ តែធំទូលាយ និងទាន់ពេលវេលា ក្នុងទិសដៅប្រឆាំងក្រុមជ្រុលនិយម ទប់ស្កាត់បដិវត្តន៍ពណ៌ និងទប់ស្កាត់ឧក្រិដ្ឋកម្មផ្សេងៗ៕

The post មេទ័ពកម្ពុជា-ចិន៖ សមយុទ្ធយោធារួមគ្នាឆ្នាំនេះ ជាសមិទ្ធផលថ្មីនៃកិច្ចសហប្រតិបត្តិការរវាងកងទ័ពទាំងពីរ appeared first on Kampuchea Thmey Daily.

បើមិនមានការប្រែប្រួល សមយុទ្ធនាគមាស ឆ្នាំ២០២៤នេះ នឹងត្រូវរៀបចំធ្វើនៅមជ្ឈមណ្ឌលហ្វឹកហ្វឺនកងរាជអាវុធហត្ថ​ (ភ្នំជុំសែនរីករាយ) ស្ថិតនៅក្នុងភូមិសាស្ត្រភូមិច្រកកូវ ឃុំពាម ស្រុកសាមគ្គីមានជ័យ ខេត្តកំពង់ឆ្នាំង និងនៅលើផ្ទៃសមុទ្រ និងដែនអាកាសកម្ពុជា ក្នុងតំបន់ខេត្តព្រះសីហនុ ចាប់ពីថ្ងៃទី១៦ ដល់ថ្ងៃទី៣០ ខែឧសភា ឆ្នាំ២០២៤។

សមយុទ្ធនាគមាស កម្ពុជា និងចិន ក្នុងឆ្នាំនេះ ក្នុងគោលបំណងហ្វឹកហាត់ទីបញ្ជាការដែលផ្តោតទៅលើការសិក្សារៀនសូត្រទ្រឹស្ដី ការសិក្សាការធ្វើផែនការប្រតិបត្តិការប្រយុទ្ធ ការហាត់សមបញ្ជាតាមដំណាក់កាលសេណារីយ៉ូ ការរៀបចំកម្មវិធីផ្លាស់ប្តូរបទពិសោធន៍ស្ដីពីការប្រតិបត្តិការរួមគ្នាប្រឆាំងភេរវកម្ម និងការសង្គ្រោះមនុស្សធម៌ ការរៀបចំកិច្ចពិគ្រោះពិភាក្សាស្ដីពីប្រតិបត្តិការប្រឆាំងភេរវកម្មតំបន់ភ្នំ ប្រតិបត្តិការការប្រឆាំងការចាប់ជម្រិតលើសមុទ្រ និងប្រតិបត្តិការរួមគ្នារុករកសង្គ្រោះលើសមុទ្រ។

ចំពោះលំហាត់លើទីលាន គឺមានសមយុទ្ធលើគោក ដែលនឹងត្រូវហ្វឹកហាត់ជំនាញមូលដ្ឋាន (ការហាត់រៀនទ្រឹស្តី ការអនុវត្តជាក់ស្ដែង និងការបែងចែកជាក្រុមហ្វឹកហាត់) ការប្រើប្រាស់បរិក្ខារគ្មានមនុស្សបើក (Drone and Robot Dog) ការអនុវត្តប្រើប្រាស់កាំភ្លើងធំ អាវុធធុនស្រាល (បូករួមការបាញ់គ្រាប់ពិត) ការជួយសង្គ្រោះលើសមរភូមិ ការហ្វឹកហាត់រួមគ្នា និងការហ្វឹកហាត់រួមត្រៀមសម្តែងសមយុទ្ធ។ រីឯ សមយុទ្ធលើសមុទ្រ នឹងមានការហ្វឹកហ្វឺនរួមគ្នាលើជំនាញប្រតិបត្តិការរួមគ្នាប្រឆាំងភេរវកម្ម និងការចាប់ជម្រិតលើសមុទ្រ សកម្មភាពរួមគ្នាឆ្លើយតបនឹងភាពអាសន្ន សកម្មភាពពង្រាយរូបភាពរុករក សកម្មភាពចូលរំដោះដោយប្រដាប់អាវុធ សកម្មភាពសង្គ្រោះលើសមុទ្រ ដោយមានការសហការជាមួយកម្លាំងកងទ័ពជើងអាកាស​ ជាដើម។

គួរកត់សម្គាល់ថា សមយុទ្ធនាគមាស​​ ឆ្នាំ២០២៤នេះ គឺជាលើកទី៦ហើយ ខណៈលើកទី៥ បានរៀបចំឡើងកាលពីឆ្នាំ ២០២៣ ក្រោមប្រធានបទ «ប្រតិបត្តិការការពារសន្តិសុខក្នុងព្រឹត្តិការណ៍ធំៗ និងការជួយសង្រ្គោះមនុស្សធម៌នៃកងទ័ពទាំងពីរកម្ពុជា-ចិន»។ លំហាត់សមយុទ្ធនាគមាស ដែលកងទ័ពកម្ពុជា-ចិន ធ្វើរួមគ្នានៅលើទឹកដីកម្ពុជា គឺលើកទី១ ធ្វើឡើងនៅឆ្នាំ២០១៦ លើកទី២ នៅឆ្នាំ២០១៨ លើកទី៣ នៅឆ្នាំ២០១៩ លើកទី៤ នៅឆ្នាំ២០២០ លើកទី៥ ឆ្នាំ២០២៣ និងឆ្នាំ២០២៤នេះ គឺជាលើកទី៦ហើយ៕  

The post កងទ័ពកម្ពុជា-ចិន គ្រោងធ្វើសមយុទ្ធនាគមាស ជាលើកទី៦ នាខែនេះ appeared first on Kampuchea Thmey Daily.

ជាមួយគ្នាដែរ ក្រសួង​ការពារ​ជាតិ​កម្ពុជាបាននិយាយថា នាវា Jinggangshan បានចាកចេញពីកំពង់ផែយោធាក្នុងទីក្រុង Zhanjiang ខេត្ត Guangdong ភាគខាងត្បូងប្រទេសចិន និងមក​ដល់​កំពង់​ផែ​ស្វយ័ត​ក្រុង​ព្រះសីហនុ កាលពីថ្ងៃអាទិត្យ ទី១៩ ខែមីនា។

ក្នុងនោះបុគ្គលិក និងកងកម្លាំងយោធាជាង ២០០នាក់មកពីកងទ័ពជើងគោក និងជើងទឹក និងអង្គភាពគាំទ្រផ្នែកភស្តុភាររួម នៃបញ្ជាការដ្ឋានសមរភូមិភាគខាងត្បូងរបស់ប្រទេសចិន បានមកដល់ដែនសមុទ្រកម្ពុជា ដើម្បីចូលរួមក្នុងសមយុទ្ធដែលមានឈ្មោះថា “នាគមាស២០២៣” (Golden Dragon 2023) ជាមួយកងទ័ពជើងទឹកកម្ពុជា ដែលការអនុវត្តសមយុទ្ធនេះនឹងបន្តរហូតដល់ថ្ងៃទី៨ ខែមេសា ឆ្នាំ២០២៣។

ដោយឡែកលោកអនុសេនីយ៍ឯក Xu Jinfeng មេបញ្ជាការកងនាវាចរណ៍ Jinggangshan បាននិយាយនៅក្នុងរបាយការណ៍មួយរបស់រដ្ឋថា “នៅក្នុងសមយុទ្ធនាវាចរណ៍ និងទំនាក់ទំនងរយៈពេលពីរម៉ោងជាមួយកងទ័ពជើងទឹកកម្ពុជា ការរៀបចំ និងបញ្ជារបស់យើងមានភាពច្បាស់លាស់ ការសម្របសម្រួលមានភាពជិតស្និទ្ធ ហើយការទំនាក់ទំនងមានភាពរលូនល្អ”។ យោងតាមប្រព័ន្ធផ្សព្វផ្សាយរដ្ឋរបស់ចិន សមយុទ្ធនាគមាសនឹងរួមបញ្ចូលបុគ្គលិកជាង ៣ពាន់នាក់ និងរថយន្ត ៣០០គ្រឿង ដែលមកពីភាគីប្រទេសទាំងពីរ។

សូមបញ្ជាក់ថា កងទ័ពកម្ពុជា និងចិន នឹងធ្វើសមយុទ្ធរួមគ្នា ដោយមានលក្ខណៈទ្រង់ទ្រាយធំ ចាប់ពីថ្ងៃទី២៣ ខែមីនា ដល់ថ្ងៃទី៨ ខែមេសា ឆ្នាំ២០២៣ ក្នុងគោលបំណងការពារនូវសន្តិសុខចំពោះព្រឹត្តិការណ៍ធំៗ និងរបៀបជួយប្រជាពលរដ្ឋដែលជួបគ្រោះមហន្តរាយនានាដែលកើតចេញពីយថាហេតុណា៕

ប្រែសម្រួល៖ គង់ សំអាន

ប្រភព៖ Mgronline

ចុចអាន៖ ចិន បញ្ជូនកងទ័ពជាង ២០០ នាក់ ចូលរួមសមយុទ្ធ “នាគមាស ២០២៣” នៅ កម្ពុជា (មានវីដេអូ)

ចុចអាន៖ រថក្រោះខ្លារខិនរបស់ន័រវែស ទៅដល់ដៃ អ៊ុយក្រែន ហើយ

ចុចអាន៖ ថៃ​ នឹង​សាងសង់​អាកាសយានដ្ឋាន​ថ្មី​ចំនួន ៧ កន្លែង​

The post មេបញ្ជាការកងទ័ពចិនថា សមយុទ្ធដែនសមុទ្រ “នាគមាស ២០២៣” ដំណើរការរលូនល្អ appeared first on Kampuchea Thmey Daily.

លំហាត់សមយុទ្ធយោធារួមគ្នានេះនឹងប្រព្រឹត្តទៅចាប់ពីថ្ងៃទី២០ ខែមីនា ដល់ថ្ងៃទី៨ ខែមេសា នៅឯមូលដ្ឋានហ្វឹកហ្វឺនក្នុងប្រទេសកម្ពុជា ខណៈទាហាន រួមទាំងបរិក្ខារធុនធ្ងន់ និងសម្ភារៈពាក់ព័ន្ធផ្សេងទៀត បានចាកចេញពីកំពង់ផែយោធាក្នុងទីក្រុង Zhanjiang ខេត្ត Guangdong ប្រទេសចិន កាលពីថ្ងៃទី១០ ខែមីនា ហើយ​នឹង​មក​ដល់​កំពង់​ផែ​ស្វយ័ត​ក្រុង​ព្រះសីហនុ រួច​ផ្លាស់​ទៅ​មូលដ្ឋាន​ហ្វឹកហ្វឺន ​មុន​ថ្ងៃ​ទី​២០ ខែ​មីនា ។

សមយុទ្ធយោធារួមគ្នានេះ ត្រូវបានគេរំពឹងថា នឹងពង្រឹងភាពជាដៃគូសហប្រតិបត្តិការយុទ្ធសាស្ត្រគ្រប់ជ្រុងជ្រោយ ចិន-កម្ពុជា ការជឿទុកចិត្តគ្នាទៅវិញទៅមកផ្នែកនយោបាយ និងការផ្លាស់ប្តូរយុទ្ធសាស្ត្ររវាងកងកម្លាំងប្រដាប់អាវុធទាំងពីរផងដែរ ។

ទន្ទឹមនោះ សមយុទ្ធ “នាគមាស ២០២៣” នេះក៏នឹងពង្រឹងសមត្ថភាពរបស់កងកម្លាំងប្រដាប់អាវុធ ចិន-កម្ពុជា ក្នុងការរួមគ្នាប្រយុទ្ធប្រឆាំងនឹងអំពើភេរវកម្ម និងការងារផ្តល់ជំនួយមនុស្សធម៌ជាដើម ។

គួរបញ្ជាក់ថា សម្រាប់លំហាត់សមយុទ្ធ “នាគមាស ២០២៣”  នេះគឺជាលើកទី ៥ ហើយដែលកងទ័ព កម្ពុជា-ចិន ធ្វើរួមគ្នានៅលើទឹកដីនៃព្រះរាជាណាចក្រកម្ពុជា ដោយកាលពីលើកទី១ ធ្វើឡើងនៅឆ្នាំ ២០១៦ លើកទី២ នៅឆ្នាំ២០១៨ លើកទី៣ នៅឆ្នាំ ២០១៩ និងលើកទី៤ នៅឆ្នាំ២០២០ ៕

សូមទស្សនាវីដេអូ!

ប្រែសម្រួលដោយ ៖ ជីវ័ន្ត

ប្រភព ៖ CCTV

ចុចអាន ៖ មកដឹងប្រទេសកំពូលទាំង ១០ មាននាវាមុជទឹក ខណៈ ចិន នៅលើ អាមេរិក

The post ចិន បញ្ជូនកងទ័ពជាង ២០០ នាក់ ចូលរួមសមយុទ្ធ “នាគមាស ២០២៣” នៅ កម្ពុជា (មានវីដេអូ) appeared first on Kampuchea Thmey Daily.