​លោក កែវ រតនៈ ​រដ្ឋមន្ត្រីក្រសួងរ៉ែ ​និង​ថាមពល ​មានប្រសាសន៍​នៅ​ក្នុង​សន្និបាត​បោះឆ្នោត​ជ្រើស​រើស​ក្រុម​ប្រឹក្សា​ភិបាល ​សមាគមថ្មអារកម្ពុជា ​អាណត្តិទី១ថា ​គិត​មកដល់​ពេលនេះ ​មាន​ក្រុម​ហ៊ុន​ធ្វើ​អាជីវកម្មរ៉ែថ្មអារ​នៅ​កម្ពុជា​ជាង​ ៤០ ក្រុមហ៊ុន នៅក្នុងអាជ្ញាបណ្ណជាង ៦០។​

​លោក កែវ រតនៈ ​លើកឡើងថា៖ ​«រដ្ឋាភិលបាតម្រូវឱ្យក្រុមហ៊ុនដែលធ្វើអាជីវកម្មក្នុងវិស័យរ៉ែបង់សួយ​សារ ហើយបើយើងបូកជាមួយពន្ធនាំចេញ រយៈពេល ៣ ឆ្នាំមកនេះ បានជិត ៤០ លានដុល្លារ»។ ​

​លោក​ស្រី ឡេង ដាវី ​ប្រធាន​ក្រុមហ៊ុន Rithy Granite ​បាន​លើក​ឡើង​ពីសក្តានុពល​ និងការរីកលូត​លាស់នៃអាជីវកម្មថ្មអារនៅកម្ពុជា ខណៈបច្ចុប្បន្នរាជរដ្ឋាភិបាលក៏កាន់តែ​មានការយកចិត្ត​ទុកដាក់​ខ្លាំង​តាមរយៈការសម្រួលបែបបទផ្សេងៗ ព្រមទាំងកាត់បន្ថយពន្ធនាំចេញ​ទៅក្រៅ​ប្រទេស។​

​ថ្មអារ​ជាប្រភេទថ្ម ​សម្រាប់តុបតែង ​និង​កែច្នៃធ្វើ​ឧបករណ៍ប្រើប្រាស់ផ្សេងៗ ​ដែលមានសក្ដានុពល​ប្រើប្រាស់ក្នុងស្រុក ​និងនាំចេញទៅប្រទេសចំនួន ១៣ ​ដូចជាអាមេរិក ​កាណាដា រុស្ស៊ី ឥណ្ឌា ចិន សិង្ហបុរី ហ្វីលីពីន ឥណ្ឌូនេស៊ី តៃវាន់ជាដើម។​ ការវិនិយោគរួម​ ក្នុងវិស័យថ្មអារ​ប្រមាណ ១៧០ ​លានដុល្លារ៕

អត្ថបទ៖ ឡេង ដេត

The post ​វិស័យរ៉ែ​ថ្មអារ ​ផ្ដល់​ចំណូល​ដល់​រដ្ឋ​ជិត ​៤០ ​លានដុល្លារ appeared first on Kampuchea Thmey Daily.

រដ្ឋាភិបាលនៅតែបន្តការផ្តល់ភាពអនុគ្រោះពន្ធ និងការលើកទឹកចិត្តនានាក្នុងការលើកកម្ពស់ឧស្សាហកម្មថ្មអារ ដើម្បីទាញយកផលប្រយោជន៍ពីឧស្សាហកម្មមួយនេះដែលជាធនធានធម្មជាតិដ៏មានតម្លៃ របស់​កម្ពុជា។

ថ្លែងក្នុងសិក្ខាសាលាស្តីពី ​ការជំរុញការប្រើប្រាស់ផលិតផលថ្មអារក្នុងស្រុកកាលពីចុងសប្តាហ៍មុន លោកសួង ម៉េងគា រដ្ឋលេខាធិការ ក្រសួងសេដ្ឋកិច្ចនិងហិរញ្ញវត្ថុ ​បានថ្លែងថា រដ្ឋាភិបាលបាននិងកំពុងយកចិត្តទុកដាក់ខ្ពស់លើការគ្រប់គ្រងធនធានរ៉ែ និងចំណូលពីវិស័យរ៉ែ ជាពិសេសវិស័យថ្មអារ នេះ ដោយបានដាក់ចេញនូវវិធានការសំខាន់ៗ និងដំណោះស្រាយបញ្ហាប្រឈម ជាបន្តបន្ទាប់ដូចជា​ ​ ការកែ សម្រួលអត្រាអាករនាំចេញលើមុខសញ្ញាទំនិញថ្មធម្មជាតិ, ​ ការសម្របសម្រួលការផ្តល់សេវាសាធារណៈ នីតិវិធីសម្រាប់ ការធ្វើអាជីវកម្ម និងការនាំចេញថ្មអារ ជូនដល់វិនិយោគិន ឱ្យកាន់តែមានភាពងាយស្រួល និងឆាប់រហ័ស, ​ការកសាង ហេដ្ឋារចនាសម្ព័ន្ធគាំទ្រដល់ការដ្ឋានរ៉ែ ដូចជា ការដំឡើងអង់តែនទូរស័ព្ទ និងសេវាអ៊ិនធើណិត នៅតាមបណ្តាការដ្ឋានរ៉ែ ឆ្ងាយដាច់ស្រយាល, ​

លោកបានថ្លែងបន្តទៀតថា ការដាក់ចេញនូវវិធានការបញ្ចៀសនូវរាល់ការធ្វើអាជីវកម្មខុសច្បាប់ របស់ក្រុមហ៊ុនដែលគ្មានអាជ្ញាបណ្ណ ការគេចវេះពន្ធគយពីការនាំចេញថ្មអារ និងការប្រកួតប្រជែងមិនស្មោះត្រង់, ​ ការកាត់បន្ថយនីតិវិធីត្រួត ពិនិត្យការនាំចេញផលិតផលថ្មអារ ដោយអនុញ្ញាតឱ្យមន្ត្រីគយ ត្រួតពិនិត្យមិនលើសពី ៥% នៃបរិមាណទំនិញនាំចេញ មួយលើកៗ រីឯទំនិញ ៩៥% ទៀត ដែលមិនជាប់កាតព្វកិច្ចត្រួតពិនិត្យ ត្រូវសម្រួលនីតិវិធីឱ្យនាំចេញបានឆាប់រហ័ស, ​ ក្រសួងរ៉ែនិងថាមពល និងអគ្គនាយកដ្ឋានគយនិងរដ្ឋាករកម្ពុជា បានបង្កើតខ្សែទូរស័ព្ទ Hot Line ដើម្បីទទួល និង ដោះស្រាយបញ្ហានានា ជាយថាហេតុ, ​និង ក្រសួងពាណិជ្ជកម្ម ត្រូវសម្រួលនីតិវិធីក្នុងការផ្តល់វិញ្ញាបនបត្របញ្ជាក់ប្រភព ទំនិញ មកត្រឹម ២ថ្ងៃ នៃថ្ងៃធ្វើការ។

ជាមួយគ្នានោះដែរ លោក ហ៊ាន ប៊ុនណិត អគ្គនាយករង នៃអគ្គនាយកដ្ឋានទ្រព្យសម្បត្តិរដ្ឋ និងចំណូលមិនមែន សារពើពន្ធ និងជាប្រធានលេខាធិការដ្ឋាន នៃក្រុមការងារទារបំណុលអន្តរក្រសួង ​បានលើកឡើងអំពីវឌ្ឍនភាព នៃការអនុវត្តគោលនយោបាយលើវិស័យថ្មអារ ដែលមានការកើនឡើងគួរឱ្យកត់សម្គាល់ នូវការនាំចេញផលិតផលថ្មអារ ព្រមទាំងសន្ទុះនៃការកើនឡើងទាំងចំណូលសារពើពន្ធ និងចំណូលមិនមែនសារពើពន្ធ ពីវិស័យថ្មអារជាគុណប្រយោជន៍ដល់ថវិកាជាតិ ដោយប្រៀបធៀបរយៈពេល ១៥ខែ រវាងដំណាក់កាលមុនការដាក់ចេញ នូវគោលនយោបាយជំរុញវិស័យថ្មអារ ត្រឹមខែកញ្ញា ឆ្នាំ២០២៣ (ពីខែកក្កដា ឆ្នាំ២០២២ ដល់ខែកញ្ញា ឆ្នាំ២០២៣) និងដំណាក់កាល ១៥ ខែក្រោយការដាក់ចេញនូវគោលនយោបាយជំរុញវិស័យថ្មអារ (ពីខែតុលា ឆ្នាំ២០២៣ ដល់ខែធ្នូ ឆ្នាំ២០២៤)។ ក្នុងនោះ ការនាំចេញផលិតផលថ្មអារ កើនឡើង ៥១៨% និងចំណូលពីសួយសារ កើនឡើង ៦៧៤%, ចំណូលពន្ធដារ កើនឡើង ១២៣% និង ចំណូលពន្ធគយ កើនឡើង ១៤០%។

​លោក សួង ម៉េងគា បាន​អំពាវនាវដល់ក្រសួង ស្ថាប័ន និងភាគីឯកជនពាក់ព័ន្ធ ដើម្បីជាមាគ៌ាគោលសម្រាប់ជំរុញវិស័យថ្មអារ ឱ្យកាន់តែរីកចម្រើនទៅមុខ រួមមាន ការ បន្តពង្រឹងសាមគ្គីភាពផ្ទៃក្នុង ការពង្រឹងសមត្ថភាពជំនាញបច្ចេកទេសក្នុងការកែច្នៃ ការរចនាម៉ូដ និងពង្រឹងគុណភាពថ្ម អារ ដើម្បីធានាការប្រកួតប្រជែងស្មើភាព តម្លាភាព និងយុត្តិធម៌ ព្រមទាំងបំពេញកាតព្វកិច្ចបង់ចំណូលជូនរដ្ឋឱ្យបានត្រឹម ត្រូវ និងបញ្ចៀសឱ្យបាននូវរាល់អំពើអសកម្មទាំងឡាយ ជាអាទិ៍ ការគេចវេះពន្ធ ការប្រកួតប្រជែងមិនស្មើភាព និងការក្លែង បន្លំនានា ដែលអាចជះឥទ្ធិពលមិនល្អដល់វិស័យថ្មអារ។

លោក​មានសុទិដ្ឋិនិយម​ថា៖« យើងទាំងអស់គ្នា នឹងបានឃើញនូវលទ្ធផល និងសមិទ្ធផលថ្មីៗ ល្អៗ ជា ច្រើនទៀតក្នុងវិស័យថ្មអាររបស់កម្ពុជា»៕

The post មន្រ្តី៖រដ្ឋនៅតែផ្តល់នូវ​ភាពអនុគ្រោះពន្ធលើឧស្សាហកម្ម​ថ្មអារដើម្បីបង្កើនចំណូលជាតិ appeared first on Kampuchea Thmey Daily.

អ្នក​ស្រី ឡេង ដាវី អនុប្រធាន​សមាគមថ្មអារ​កម្ពុជា​បានឲ្យ​ដឹង​ថា ចំណូលសួយសារ​ពី​វិស័យរ៉ែថ្ម​អារ​នៅ​ឆ្នាំ ២០២៤ កើនឡើង​គុណ​ជា ៤ បើ​ធៀប​ឆ្នាំ២០២៣។

ខណៈ​ដែល​វិស័យរ៉ែ​ថ្មអារបានរួមចំណែកសម្រាប់ទ្រទ្រង់​ចំណូល​ថវិកាជាតិប្រមាណ ៩០ លានដុល្លារនៅ​ឆ្នាំ ២០២៤ បើតាម​អ្នក​ស្រី ឡេង ដាវី ថ្ម​អារ​ដែល​​​កែច្នៃ​រួច​នៅ​កម្ពុជាប្រមាណ ៩០% ត្រូវ​បាន​នាំ​ចេញ​ទៅ​ទីផ្សារ​អន្តរជាតិ​ ខណៈ ១០% ​ផ្គត់ផ្គង់​ទីផ្សារ​ក្នុង​ស្រុក។

បច្ចុប្បន្ន​មាន​ក្រុមហ៊ុន​ធ្វើ​អាជីវកម្មរ៉ែថ្មអារ​នៅក្នុងប្រទេសកម្ពុជាប្រមាណ ៦៨ ក្រុមហ៊ុន ស្ថិតនៅក្នុងភូមិសាស្ត្រខេត្តចំនួន ១១ ក្នុងនោះមានដូចជា ក្រចេះ ស្ទឹងត្រែង ព្រះវិហារ រតនៈគីរី ខេត្តកំពង់ស្ពឺ តាកែវ កំពត កំពង់ឆ្នាំង ពោធិសាត់ បាត់ដំបង និងសៀមរាប។

ខេត្តក្រចេះ​ជាទីតាំង​យុទ្ធសាស្រ្ត​នៃ​ការធ្វើ​អាជីវកម្ម​រ៉ែ​ថ្ម​អារ។ បើ​តាម​សមាគមថ្មអារកម្ពុជា គ្រាន់តែ​ខេត្ត​ក្រចេះ​មួយ​មាន​ក្រុមហ៊ុនធ្វើ​អាជីវកម្ម​រ៉ែ​ថ្មអារ​ជាង ៣០ រោងចក្រ ដែល​ធ្វើការកែច្នៃ​នាំចេញទៅក្រៅប្រទេស។

ពាក់ព័ន្ធ​អាជីវកម្មរ៉ែ​ថ្មអារ​នេះ អ្នក​ស្រី ឡេង ដាវី បានផ្តល់​បទ​​សម្ភាសន៍​ពិសេស​​ដល់ក្រុម​អ្នក​សារព័ត៌មាន​កម្ពុជា​​ជាង ២០ ស្ថាប័ន ​ខណៈ​កាលពីពេលថ្មីៗ​នេះ​បាន​ចុះ​​ទស្សនកិច្ច​សិក្សា​ស្វែង​យល់​ពី​សក្ដានុពល​និង​ការ​អភិវឌ្ឍន៍​​ធនធាន​រ៉ែនៅ​ស្រុក​ស្នួល​ខេត្ត​ក្រចេះ៕

The post សម្ភាសន៍​ពិសេស ​ពី​​អាជីវកម្ម​រ៉ែ​ថ្ម​អារនៅ​កម្ពុជា ឆ្នាំ ២០២៤ រក​ចំណូល​​​​​សួយសារ​បាន​ប្រមាណ ៩០ លាន​ដុល្លារ​ appeared first on Kampuchea Thmey Daily.

យោង​តាម​របាយការណ៍​របស់​អគ្គនាយកដ្ឋាន​រ៉ែ គិត​មកទល់​បច្ចុប្បន្ននេះ មាន​ក្រុមហ៊ុន​ធ្វើ​អាជីវកម្ម​ថ្មអារ​ទូទាំងប្រទេសមានចំនួន ៦៨ ក្រុមហ៊ុន ស្មើនឹង ៩០ គម្រោង ស្ថិត​ក្នុង​ខេត្តចំនួន ១១។ ក្នុង​ចំណោម​នោះ ខេត្តក្រចេះ​មាន​ក្រុមហ៊ុន​បោះ​មូលដ្ឋាន​ចំនួន ២២ ក្រុមហ៊ុន ស្មើ ២៧ គម្រោង គ្របដណ្តប់​លើ​ផ្ទៃដីប្រហាក់ប្រហែល ២ ០៦៥ ហិកតា។

បើ​អនុ​ប្រធាន​សមាគម៍​ថ្ម​អារ លោកស្រី ឡេង ដាវី ស្រុក​ចំនួន​ពីរ​ក្នុង​ខេត្ត​ក្រចេះ​ដែល​មាន​សក្តានុពល​ធនធាន​រ៉ែថ្ម​អារ​សម្រាប់​កែច្នៃ​គឺ​ស្រុក​សំបូរ និង​ស្រុក​ស្នួល។

ថ្មអារ សំដៅដល់ប្រភេទថ្មសំនង់ធម្មជាតិដែលកាត់ចេញពីភ្នំ និង ភាគច្រើនគាស់យកចេញពីក្នុងដី មានសណ្ឋានជាថ្មប្លុក អាចកែចច្នៃអារជ្រៀកជាថ្មបន្ទះ ឬថ្មសន្លឹក ឬថ្មដុំធំៗ ឬថ្មដុំតូចៗ (ការ៉ូឡា) ឬថ្មកែច្នៃជារូបចម្លាក់ គ្រឿងសង្ហារឹមផ្សេងៗជាដើម ដែលប្រើប្រាស់ក្នុងការងារសាងសង់ ឬការ​តុបតែងលម្អផ្នែកខាងក្នុង ឬខាងក្រៅអគារ សំណង់ សួនច្បារ និង​ហេដ្ឋារចនាសម្ព័ន្ធ​នានាដែលជាតម្រូវការ។

វិស័យថ្មអារ បានរួមចំណែកជាកម្លាំងចលករមួយដ៏សំខាន់ ខណៈ​ឆ្នាំ២០២៤ បាន​នាំ​ចំណូល​មិនមែនសារពើពន្ធ​​ប្រមាណ​ ៩០ លានដុល្លារអាមេរិក​ចូល​ថវិកាជាតិ។

បើតាម​អនុប្រធាន​សមាគម​ថ្ម​អារ​ ស្ទើរ​តែ​ ៩០% នៃ​ផលិតផលរ៉ែ​​ថ្ម​អារ​ដែល​​កែច្នៃ​ក្នុង​ប្រទេស​កម្ពុជា​ ត្រូវ​បាន​នាំ​ចេញទៅ​ក្រៅ​ប្រទេស។

យ៉ាងណាមិញ លោក​ស្រី ឡេង ដាវី ​អនុប្រធាន​សមាគម​ថ្ម​អារបាន​ថ្លែង​ថា កន្លងទៅ​ដោយសារ​វិបត្តិ​សេដ្ឋកិច្ច​សាកល​បាន​​ធ្វើ​ឲ្យ​តម្រូវការ​ថ្ម​អារ​ធ្លាក់​ចុះ ដែល​នាំ​ឲ្យ​អាជីវកម្ម​រ៉ែ​ថ្ម​អារ​នៅ​ក្នុង​ប្រទេស​កម្ពុជា​​ ស្ទើរ​តែ​ឈាន​ទៅ​រក​ការ​ដួល​រលំ​​។

លោក​ស្រី ឡេង ដាវី បាន​បញ្ជាក់​ថា ការ​ចេញ​មុខ​ជួយ​សង្រ្គោះ​ទាន់​ពេល​វេលា​របស់​រដ្ឋាភិបាល​ បាន​ជួយ​ស្រោចស្រង់​ស្ថានភាព​ឧស្សាហកម្ម​ថ្ម​អារ​ក្នុង​ប្រទេស​កម្ពុជា​ឲ្យរស់រាន​ឡើងវិញ តាម​រយៈ​ការ​បន្ធូរបន្ថយ​ពន្ធ​ រួម​ទាំង​ការ​សម្រួល​នីតិវិធី​នាំ​ចេញ ដែ​ល​បាន​ជួយ​ឲ្យ​អាជីវកម្ម​រ៉ែ​ថ្ម​អារដែល​ស្ទើរ​តែ​ដួល​រលំ​​ទៅហើយ​នោះ​មាន​សន្ទុះ​រីក​ចម្រើន​កើន​ឡើង​ ៤ ដង គិត​មក​​ដល់ឆ្នាំ​២០២៤៕

The post ខេត្ត​ក្រចេះ​ជា​មូលដ្ឋាន​​រោងចក្រ​កែច្នៃ​ថ្ម​អារ​ធំ​ជាងគេ ចំណោម ៦៨ ក្រុមហ៊ុន​មាន ២២ ក្រុមហ៊ុន​បោះ​ទីតាំង​ក្នុង​ខេត្ត​ក្រចេះ appeared first on Kampuchea Thmey Daily.

ខណៈ​​កន្លងទៅ​ អាជីវកម្ម​វិស័យ​រ៉ែថ្មអារ​ក្នុងស្រុក​បាន​ជួបប្រទះ​នូវវិបត្តិយ៉ាងធ្ងន់ធ្ងរ បណ្តាល​មកពី​​ការរាតត្បាតនៃជំងឺ​កូវីដ-១៩ បូករួម​ភាព​តានតឹង​ផ្នែកភូមិសាស្ត្រនយោបាយ និង​សេដ្ធកិច្ចធ្លាក់​ចុះ បាន​ធ្វើ​ឲ្យ​អាជីវកម្ម​រ៉ែ​ថ្ម​អារ​ទទួល​រង​សម្ពាធ​រហូតឈាន​ទៅដល់ការផ្អាក និង​បិទ​ដំណើរការ​រោងចក្រ។

យ៉ាងណាមិញ ការ​ដាក់ចេញ​គោលនយោបាយគាំទ្រ​​របស់​រដ្ឋាភិបាល​ បាន​ជួយ​ស្រោចស្រង់​ស្ថានភាព​ឧស្សាហកម្ម​ថ្ម​អារ​ក្នុង​ប្រទេស​កម្ពុជា​ដែល​ស្ទើរ​តែ​ដួលរលំ​ទៅ​ហើយ​នោះ​ឲ្យរស់រាន​ឡើង​វិញ តាម​រយៈ​ការ​​បន្ធូរបន្ថយ​​ពន្ធ​ រួម​ទាំង​ការ​សម្រួល​នីតិវិធី​នាំ​ចេញ ដែល​បាន​ជួយ​ឲ្យ​អាជីវកម្ម​រ៉ែ​ថ្ម​អារ​មាន​សន្ទុះ​រីក​ចម្រើន​ និង​រុញច្រាន​​ធ្វើ​ឲ្យ​ខ្សែ​សង្វាក់​ផលិតកម្ម​កើន​ឡើង​​គុណ​​ជា ៤។

បន្ថែម​ពី​នេះ ប្រមុខ​រដ្ឋាភិបាល​បាន​ណែនាំ​ឲ្យមាន​ការ​សហការ​គ្នា​រវាង​ក្រសួង ស្ថាប័ន​ពាក់ព័ន្ធ​នានា ជាមួយ​សមាគម​ថ្ម​អារ​កម្ពុជា ​ដើម្បី​ធ្វើ​ឲ្យ​អាជីវកម្ម​រ៉ែ​ថ្ម​អារ​កាន់តែ​រីកចម្រើន កុំ​ឲ្យ​មាន​ការ​បិទ រឺផ្អាក​ ដែល​នាំ​ឲ្យ​ប៉ះពាល់​ដំណើរការ​អាជីវកម្ម​វិស័យ​ថ្ម​អារ​នៅ​ក្នុង​ប្រទេស​កម្ពុជា។

ថ្មអារ សំដៅដល់ប្រភេទថ្មសំនង់ធម្មជាតិដែលកាត់ចេញពីភ្នំ និង ភាគច្រើនគាស់យកចេញពីក្នុងដី មានសណ្ឋានជាថ្មប្លុក អាចកែចច្នៃអារជ្រៀកជាថ្មបន្ទះ ឬថ្មសន្លឹក ឬថ្មដុំធំៗ ឬថ្មដុំតូចៗ (ការ៉ូឡា) ឬថ្មកែច្នៃជារូបចម្លាក់ គ្រឿងសង្ហារឹមផ្សេងៗជាដើម ដែលប្រើប្រាស់ក្នុងការងារសាងសង់ ឬការតុបតែងលម្អផ្នែកខាងក្នុង ឬខាងក្រៅអគារ សំណង់ សួនច្បារ និងហេដ្ឋារចនាសម្ព័ន្ធនានាដែលជាតម្រូវការ។

វិស័យថ្មអារ បានរួមចំណែកជាកម្លាំងចលករមួយដ៏សំខាន់ ខណៈ​ឆ្នាំ២០២៤ បាននាំ​ចំណូល​មិនមែនសារពើពន្ធ​​ប្រមាណ​ ៩០ លានដុល្លារអាមេរិក​ចូល​ថវិកាជាតិ៕

The post តើ​ការ​ធ្វើ​អាជីវកម្ម​រ៉ែ​ថ្ម​អារ​នៅ​កម្ពុជា ទទួល​បាន​ការ​លើក​ទឹកចិត្ត​អ្វីខ្លះ​ពីរដ្ឋាភិបាល? appeared first on Kampuchea Thmey Daily.