​ក្រោយ​​កា​រថ្នាំងថ្នាក់​របស់​លោក ត្រាំ ​​​ការ​វិភាគនានា​បាន​កើត​ឡើង​​លើ​បណ្តាញ​សារព័ត៌មាន។ យោងតាម RT របស់​ប្រទេសរុស្ស៊ី​ ប្រសិនបើគ្មានជំនួយ​ពីសហរដ្ឋអាមេរិកដូចមុនទេ អង្គការណាតូនឹងត្រូវប្រឈមមុខនឹងវិបត្តិ និងកង្វល់ធំៗជាច្រើន។

ទី១ ការបាត់បង់ ខែលការពារនុយក្លេអ៊ែរ

នេះជាកង្វល់ដ៏ធំបំផុត។ អាមេរិកជាអ្នកធានាសន្តិសុខនុយក្លេអ៊ែរដល់សមាជិកទាំងអស់។ បើគ្មានអាមេរិក អឺរ៉ុប​នឹងត្រូវពឹងលើអាវុធនុយក្លេអ៊ែររបស់ បារាំង និងអង់គ្លេស ដែលមានចំនួនតិចតួច (ប្រហែល ៥០០ គ្រាប់) បើធៀបនឹង រុស្ស៊ី (ប្រហែល ៥,៥០០ គ្រាប់)។ វានឹងបង្កឲ្យមានអតុល្យភាពអំណាចដ៏គ្រោះថ្នាក់នៅអឺរ៉ុបខាងកើត។

ទី២ កង្វះខាតថវិកា និងកម្លាំងទ័ពបម្រុង

អាមេរិកចំណាយថវិកាលើវិស័យយោធាច្រើនជាងសមាជិកណាតូ ៣១ ផ្សេងទៀតបូកបញ្ចូលគ្នា។ ជាក់ស្ដែង បើគ្មានទីក្រុងវ៉ាស៊ីនតោនទេ ប្រទេសអឺរ៉ុបត្រូវបង្ខំចិត្តដំឡើងកញ្ចប់ថវិកាការពារជាតិដល់កម្រិតអតិបរមា ដែលអាចធ្វើឲ្យប៉ះពាល់ដល់សេដ្ឋកិច្ច និងប្រព័ន្ធសុខុមាលភាពសង្គមក្នុងប្រទេសពួកគេ។

ទី៣ បញ្ហាភស្តុភារ និងបច្ចេកវិទ្យាស៊ើបការណ៍

អឺរ៉ុបខ្វះសមត្ថភាពសំខាន់ៗដែលអាមេរិកធ្លាប់ផ្តល់ឲ្យដូចជា៖ ប្រព័ន្ធផ្កាយរណប និងព័ត៌មានសម្ងាត់ (Intelligence): សម្រាប់តាមដានចលនាទ័ពសត្រូវ។ ជាពិសេស ការដឹកជញ្ជូនយោធាធុនធ្ងន់ ដែលអឺរ៉ុបខ្វះយន្តហោះដឹកជញ្ជូនទ័ព និងសម្ភារៈសឹកក្នុងទ្រង់ទ្រាយធំ។ សូម្បីតែការចាក់សាំងលើយន្តហោះ ដែលចាំបាច់សម្រាប់ប្រតិបត្តិការអាកាសចរណ៍រយៈចម្ងាយឆ្ងាយ។

ទី៤ ការបែកបាក់សាមគ្គីភាពផ្ទៃក្នុង

អាមេរិកដើរតួជាមេដឹកនាំនិងអាជ្ញាកណ្តាលសម្របសម្រួលជម្លោះរវាងសមាជិក (ឧទាហរណ៍៖ ជម្លោះរវាងតួកគី និងក្រិក)។ បើគ្មានអ្នកដឹកនាំដ៏មានឥទ្ធិពល ប្រទេសសមាជិកអាចនឹងមានមតិខ្វែងគ្នាលើការសម្រេចចិត្តវាយបក ឬការការពារ ហើយប្រទេសខ្លះអាចនឹងងាកទៅចងសម្ព័ន្ធភាពជាមួយរុស្ស៊ី ឬចិនដោយឡែកពីគ្នា។

ទី៥ ភាពទន់ខ្សោយចំពោះការគំរាមកំហែងពីកងទ័ពរុស្ស៊ី

រុស្ស៊ីអាចនឹងមើលឃើញថា ណាតូដែលគ្មានអាមេរិកគឺគ្រានតែជា «ខ្លាក្រដាស» នេះអាចរុញច្រានឲ្យរុស្ស៊ីបង្កើនការវាយលុក ឬការជ្រៀតជ្រែកកាន់តែខ្លាំងនៅក្នុងបណ្តាប្រទេសបាល់ទិក (អេស្តូនី, ឡាតវី, លីទុយអានី និងប៉ូឡូញ។ ជាពិសេសណាតូនឹងក្លាយជាអង្គការដែល មានតែឈ្មោះ ប៉ុន្តែខ្វះអំណាច ហើយអឺរ៉ុបនឹងត្រូវបង្ខំចិត្តបង្កើតកងទ័ពអឺរ៉ុបរួមគ្នាជាបន្ទាន់ដើម្បីរស់រាន៕

អត្ថបទ៖ សាង ស្រីល័ក្ខ

The post NATO ប្រឈម​ហានិភ័យ​​​​​គួរឲ្យខ្លាច​អ្វីខ្លះ​​ ប្រសិន​​​​អាមេរិក​ដក​ខ្លួន​មែន​នោះ​​?​​ appeared first on Kampuchea Thmey Daily.

នាយករដ្ឋមន្ត្រី អេស្តូនី លោក Kristen Michal បានសរសេរនៅលើ​បណ្តាញ​សង្គម​ X នៅ​ថ្ងៃសុក្រថា អេស្តូនី បានសម្រេចចិត្តស្នើសុំការពិគ្រោះយោបល់របស់ណាតូ តាមមាត្រា៤​នៃ​ធម្មនុញ្ញ​របស់​អង្គការ​សម្ព័ន្ធ​មិត្តយោធានេះ ​ដែល​​ទើប​អនុវត្ត​ថ្មី​ៗនេះ​ដោយ​ប្រទេសប៉ូឡូញ ដែលរងគ្រោះដោយសារតែ​ការ​រំលោភបំពាន​​ដែនអាកាសពី​សំណាក់​ប្រទេសរុស្ស៊ីដូចគ្នា។​

តាម​ការ​ចុះ​ផ្សាយ​នោះ រដ្ឋាភិបាលនៃប្រទេសអេស្តូនីបាននិយាយមុននេះថា យន្តហោះយោធារុស្ស៊ីចំនួនបីគ្រឿងបានហោះ​ចូលដែនអាកាសរបស់ខ្លួនក្នុងរយៈពេល ត្រឹមតែ​១២​នាទីនៅក្នុងអ្វីដែលខ្លួនហៅថាជាការលុកលុយដែលមិនធ្លាប់មានពីមុនមក។

ឧបទ្ទវហេតុនេះកើតឡើងក្នុងរយៈពេលជាងមួយសប្តាហ៍បន្ទាប់ពីយន្តហោះគ្មានមនុស្សបើករុស្ស៊ីជាង ២០គ្រឿងបានចូលទៅក្នុងដែនអាកាសប៉ូឡូញ។

អ្នកនាំពាក្យរបស់អង្គការណាតូបានប្រតិកម្មនៅលើ X លោកស្រី​ Kaja Kallas ប្រធាន​គោលនយោបាយ​ការបរទេស​របស់​សហភាព​អឺរ៉ុប​​បាន​និយាយ​ក្នុង​ការ​អត្ថាធិប្បាយ​ដែល​បាន​បញ្ជូន​បន្ត​ដោយ​អ្នក​នាំពាក្យ​ម្នាក់​ថា​៖ «​នេះ​មិន​មែន​ជា​ឧបទ្ទវហេតុ​ទេ»។

មាត្រា៤​នៃ​ធម្មនុញ្ញ​របស់​អង្គការ​ណាតូ បាន​ចែងថា សមាជិកណាតូនឹងពិគ្រោះយោបល់ជាមួយគ្នានៅពេលណាក៏ដោយ តាមគំនិតរបស់សមាជិក​ណាមួយ ​ដែល​ទឹកដី ឯករាជ្យភាពនយោបាយ ឬសន្តិសុខនៃរដ្ឋសមាជិកណាមួយត្រូវបានគំរាមកំហែង៕​

The post រដ្ឋសមាជិកណាតូ​មួយទៀត​​ ស្នើណាតូ​ មាន​វិធានការដូច​នៅប៉ូឡូញដែរ​ appeared first on Kampuchea Thmey Daily.

ខណៈពេលដែលសង្គ្រាម​បាន​​វិវត្ត​ទៅរកស្ថានភាព​កាន់តែ​តានតឹងឡើង​ៗ ដោយសារ​ការ​ដាក់​សម្ពាធ​ពី​​សំណាក់​មហាអំណាច​រុស្ស៊ី​ដោយ​ប្រើប្រាស់​មីស៊ីល​កាន់តែ​ខ្លាំង​មាន​ឥទ្ធិពលខ្លាំង​ជាងមុន និង ការ​ព្រមាន​ពី​លទ្ធភាព​នៃ​ការ​ប្រើប្រាស់អាវុធ​​​នុយក្លេអ៊ែរ​ផងនោះ ​ប្រធានាធិបតី​អ៊ុយក្រែន លោក ហ្សេលេនស្គី ដែល​មើល​ទៅ​បាត់​ការ​គាំទ្រ​​ពេញ​លេញ​ពីសហរដ្ឋអាមេរិកក្រោម​រដ្ឋបាល​លោក ដូណាល់ ត្រាំ បាន​​បន្ទន់​ជំហរ​ក្នុងការ​បញ្ចប់​សង្គ្រាម​នៅ​ក្នុងឆ្នាំ​២០២៥​ ប៉ុន្តែ​មិន​​ទាន់បង្ហាញ​លក្ខខណ្ឌ​ជាក់​លាក់​នៅឡើយ។​

កន្លង​មក ក្រោយ​ការ​ឈ្នះឆ្នោត​សហរដ្ឋអាមេរិក ប្រធានាធិបតី​ជាប់​ឆ្នោត លោក ដូណាល់ ត្រាំ និង​អ្នកស្និទ្ធកំពូល​ៗ​របស់​លោក មាន​​អនុប្រធានាធិបតី​ជាប់​ឆ្នោត លោក JD Vance​ និង លោក Elon Musk ជាដើម​ ធ្លាប់​បាន​លើក​ឡើង​ពី​ផែនការ​បញ្ចប់សង្គ្រាម​អ៊ុយក្រែន​ ដូច​ជា ការ​រក្សា​ទឹក​ដីត្រឹម​​បច្ចុប្បន្ន​ ដោយ​ការ​ដាក់​អ៊ុយក្រែន​នៅក្រៅ​ណាតូរយៈពេល​២០ឆ្នាំ ការ​ទទួលបានការពារ​ពី​លោក​ខាងលិច​ជាដើម។

នៅក្នុងបទសម្ភាសន៍ដ៏ទូលំទូលាយមួយជាមួយ Sky News ប្រធានាធិបតីអ៊ុយក្រែនត្រូវបានគេសួរថាតើគាត់នឹងទទួលយកសមាជិកភាពណាតូឬអត់ ប៉ុន្តែមានតែនៅលើទឹកដីដែលទីក្រុងកៀវ កាន់កាប់នាពេលបច្ចុប្បន្នប៉ុណ្ណោះ។

លោក ហ្សេលេនស្គី បាននិយាយថា៖«គាត់នឹង ប៉ុន្តែប្រសិនបើសមាជិកណាតូត្រូវបានផ្តល់ជូនដល់អ៊ុយក្រែនទាំងមូលនៅក្នុងព្រំដែនដែលទទួលស្គាល់ជាអន្តរជាតិរបស់ខ្លួនជាមុនសិន។

លោក​បាន​និយាយ​ថា​បន្ទាប់​មក​អ៊ុយក្រែន​អាច​ព្យាយាម​ចរចា​ការ​ប្រគល់​ទឹក​ដី​ដែល​បច្ចុប្បន្ន​ស្ថិត​ក្រោម​ការ​គ្រប់​គ្រង​របស់​រុស្ស៊ី​តាម​វិធី​ការទូត។

ក្នុង​រយៈពេលចុងក្រោយ​នេះ សភា​នៃ​ប្រទេសសមាជិក​អង្គការ​ណាតូ ហាក់​ជំរុញ​រដ្ឋសមាជិក​ណាតូ​ឲ្យទទួល​យក​អ៊ុយក្រែន​ចូល​សមាជិក​ណាតូ​ពេញសិទ្ធិតាមរយៈ​កា​រអញ្ជើញ​ឲ្យចូលជាសមាជិក មិនមែនតាមរយៈការ​ដាក់​ពាក្យ​ចូលជាសមាជិក​នោះទេ។​ ការ​ធ្វើបែបនេះ គឺ​អ៊ុយក្រែន​អាច​ចូលជាសមាជិក​របស់​អង្គការណាតូ​បាន​ឆាប់រហ័ស​។

ប៉ុន្តែ​ការ​ផ្តល់​យោបល់​គឺ​មាន​ត្រឹមតែ​ទ្រឹស្តី​ ខណៈដែល​លោក ហ្សេលេនស្គី​ បានចង្អុលបង្ហាញ គ្មាននរណាម្នាក់បានផ្តល់ការផ្តល់ជូនបែបនេះទេ។

លោកហ្សេលេនស្តី បាននិយាយថា៖«​អ៊ុយក្រែនមិនដែលបានពិចារណាលើសំណើបែបនេះទេពីព្រោះគ្មាននរណាម្នាក់បានផ្តល់វាជាផ្លូវការដល់ពួកយើងទេ»​។

លោកបាននិយាយថា ណាតូនឹងត្រូវផ្តល់សមាជិកភាពដល់ប្រទេសទាំងមូល រួមទាំងផ្នែកទាំងនោះដែលបច្ចុប្បន្នស្ថិតនៅក្រោមការគ្រប់គ្រងរបស់រុស្ស៊ី។

យោងតាមការបកប្រែដែលផ្តល់ដោយ Sky News លោកប្រធានាធិបតីបាននិយាយថា៖«អ្នកមិនអាចផ្តល់​ការអញ្ជើញទៅកាន់ផ្នែកមួយនៃប្រទេសបានទេ​។ “ហេតុអ្វី? ដោយសារតែដូច្នេះ អ្នកនឹងទទួលស្គាល់ថាអ៊ុយក្រែនគ្រាន់តែជាទឹកដីរបស់អ៊ុយក្រែន ហើយមួយទៀតគឺរុស្ស៊ី»​។

លោកបាននិយាយថា មនុស្សជាច្រើនបានស្នើសុំបទឈប់បាញ់ ប៉ុន្តែបើគ្មានយន្តការពី​ការរារាំង​រុស្ស៊ីពីការវាយលុកម្តងទៀតទេ បទឈប់បាញ់គឺមានគ្រោះថ្នាក់ពេកហើយ។

លោក​បាន​និយាយ​ថា​មាន​តែ​សមាជិក​ណាតូ​ប៉ុណ្ណោះ​ដែល​អាច​ផ្តល់​ការ​ធានា​បែប​នោះ។

ប្រធានាធិបតី​អ៊ុយក្រែន​បាន​និយាយ​រួច​ហើយ​ថា លោក​គិត​ថា​សង្រ្គាម​អាច​នឹង​បញ្ចប់​ក្នុង​ឆ្នាំ​ខាង​មុខ​នេះ ប្រសិន​បើ​សម្ព័ន្ធមិត្ត​អ៊ុយក្រែន​បង្ហាញ​ការ​ដោះស្រាយ​គ្រប់គ្រាន់។

របាយការណ៍បានបង្ហាញថាការពិភាក្សាអំពីអ្វីដែលគេហៅថាគំរូអាល្លឺម៉ង់ខាងលិច​ដែល​ចូល​ជា​សមាជិកភាពណាតូ​ដោយ​ផ្តល់ជូនប្រទេសដែលបែងចែក បាននិងកំពុងបន្តនៅក្នុងរង្វង់លោកខាងលិចអស់រយៈពេលជាងមួយឆ្នាំ៕​

ដោយ រ៉ាន់ រើយ​

The post ហ្សេលេនស្គី​អាច​បោះបង់ដី​បច្ចុប្បន្ន បើ​អាច​ចូល​ណាតូសិន ​ដោយ​យក​គំរូ​ដំណោះស្រាយ​អាល្លឺម៉ង់​ខាងលិច​​ appeared first on Kampuchea Thmey Daily.

ឯកសារ​នៃ​សេចក្តីសម្រេចចិត្ត​ថ្មី​នេះបាន​សង្កត់ធ្ងន់លើតម្រូវការសម្រាប់ប្រទេស​​អ៊ុយក្រែនក្នុង​ការទទួលបានការបញ្ចូល​សម្រាប់សមាជិកភាព និងក្លាយជារដ្ឋសមាជិកទី៣៣​នៃសម្ព័ន្ធភាព​ណាតូ។

សភាណាតូ​ក៏អំពាវនាវឱ្យមានការបង្កើនជំនួយផ្នែកយោធា ហិរញ្ញវត្ថុ និងមនុស្សធម៌ដល់អ៊ុយក្រែន រួមទាំងការផ្តល់គ្រាប់រំសេវទាន់ពេលវេលា និងបច្ចេកវិទ្យាយោធាទំនើបផងដែរ។

ការពិចារណាដ៏សំខាន់​មួយ​គឺ​ការផ្តល់មីស៊ីលរយៈចម្ងាយមធ្យមដល់អ៊ុយក្រែន ដើម្បីពង្រឹងការការពារ និងទប់ស្កាត់ការឈ្លានពានបន្ថែមទៀត។

ក្រៅ​ពី​នេះ ដំណោះស្រាយអំពាវនាវឱ្យមានការពង្រឹងការដាក់ទណ្ឌកម្មប្រឆាំងនឹងរុស្ស៊ី និងកូរ៉េខាងជើង ដើម្បីបង្កើនការចំណាយលើកិច្ចសហប្រតិបត្តិការរបស់ពួកគេក្នុងការឈ្លានពានប្រឆាំងនឹងអ៊ុយក្រែន។

 វាក៏សង្កត់ធ្ងន់ទៅលើតម្រូវការប្រើប្រាស់ឥទ្ធិពលនយោបាយ និងសេដ្ឋកិច្ច ដើម្បីរារាំងប្រទេសចិនពីការគាំទ្រដល់កិច្ចខិតខំប្រឹងប្រែងយោធារបស់រុស្ស៊ី៕​

ដោយ រ៉ាន់ រើយ

The post សភា​ណាតូ​​ជំរុញ​ឲ្យរដ្ឋសមាជិក​​​ទទួល​យក​អ៊ុយក្រែន​ចូលជាសមាជិក​ឲ្យបាន​ឆាប់​ appeared first on Kampuchea Thmey Daily.

ករណីអគ្គិភ័យសង្ស័យទាំងនោះ មានដូចជានៅរដ្ឋធានី វ៉ាសូវី នៃប្រទេសប៉ូឡូញ ដែលអគ្គិភ័យ បានបំផ្លាញផ្សារទំនើបមួយដែលមានហាងជាង ១ ៤០០ កាលពីខែឧសភា ខណៈលោកនាយករដ្ឋមន្ត្រី Donald Tusk ដាក់ការសង្ស័យថា ភ្នាក់ងារចារកម្មរុស្ស៊ីនៅពីក្រោយការឆាបឆេះនេះ។

ទន្ទឹមនោះ ក៏មានមនុស្សប្រាំបួននាក់ត្រូវបានឃុំខ្លួនផងដែរ ដោយសង្ស័យថា ធ្វើតាមបញ្ជារុស្ស៊ី ដុតបំផ្លាញ​មជ្ឈមណ្ឌល​លក់​ទំនិញ​មួយ​ផ្សេង​ទៀត​ក្នុង​ប្រទេស​លីទុយអានី មុន​ឧបទ្ទវហេតុនៅរដ្ឋធានីវ៉ាសូវី ទៅទៀត។

លើសពីនេះ កាល​ពី​ខែ​មុន មានបុរសម្នាក់មកពីតំបន់អាមេរិកខាងត្បូង ត្រូវបានចោទប្រកាន់ជុំវិញការប៉ុនប៉ង​ដុត​រថយន្ត​នៅ​ឃ្លាំង​រថយន្ត​ក្រុង​ក្នុង​រដ្ឋធានី ប្រាក​ នៃសាធារណរដ្ឋ​ឆែក។ ប៉ូលិសបានឲ្យដឹងថា ជនសង្ស័យទទួលលុយ ៣ ០០០ដុល្លារដើម្បីប្រព្រឹត្តបទឧក្រិដ្ឋនេះ តាមបញ្ជារបស់ទីភ្នាក់ងារចារកម្មរុស្ស៊ី។

ពាក់ព័ន្ធបញ្ហានេះ រដ្ឋមន្ត្រីការបរទេសអាមេរិក លោក Antony Blinken ក៏បានបញ្ជាក់ពីករណីវាយប្រហារឆ្លងដែនរបស់រុស្ស៊ីកាន់តែញឹកញាប់ ប្រឆាំងនឹងប្រទេសជាសមាជិកណាតូដោយប្រើយុទ្ធសាស្ត្រថ្មី ផងដែរ។

នៅឯកិច្ចប្រជុំកំពូលនាពេលថ្មីៗ ណាតូ អះអាងថា រុស្ស៊ីកំពុងបង្កើនការវាយប្រហារឆ្លងដែន ដើម្បីបង្កើតជាការគំរាមកំហែងដល់សន្តិសុខរបស់ពួកគេ។ ទោះយ៉ាងណា ពួកគេថា​​នឹង​ប្រឆាំងរាល់​ការ​គំរាម​កំហែង​ ហើយឆ្លើយតបវិញដោយមានប្រសិទ្ធភាពជាទីបំផុត៕

អត្ថបទ៖ ប៊ុន សុភាព

The post រុស្ស៊ី​ ជាប់​សង្ស័យ​ពី​ការ​វាយ​ប្រហារ​បំផ្លិចបំផ្លាញ​ច្រើនករណី នៅ​អឺរ៉ុប appeared first on Kampuchea Thmey Daily.